حورس للسياحة تأشيرات - فنادق - طيران

  • Casa
  • Peru
  • Lima
  • حورس للسياحة تأشيرات - فنادق - طيران

حورس للسياحة تأشيرات - فنادق - طيران نظراً لأهمية السفر قررنا نعمل الصفحة دي نساعد بيها اكبر عدد ممكن من الناس انها تسافر وتغير حياتها
(2)

طرق الحصول على الجنسية الأمريكية 🇺🇸 1- التقديم على الجنسيه بعد 5 سنين من الفوز باللوتري ( الهجرة العشوائية ) و العيش د...
27/03/2024

طرق الحصول على الجنسية الأمريكية 🇺🇸


1- التقديم على الجنسيه بعد 5 سنين من الفوز باللوتري ( الهجرة العشوائية ) و العيش داخل أمريكا

2- بعد 3 سنين من العيش داخل امريكا و تكون متزوج او متزوجه من رجل او سيده امريكيه

3- بعد 5 سنين من العيش داخل امريكا عن طريق استثمار 900 الف دولار على الاقل

4- بعد 5 سنين من العيش بعد قبول طلب اللجوء داخل امريكا

5- بعد العيش و العمل داخل امريكا لمده 5 سنوات بعد تحويل فيزا h1b العمل لجرين كارد

** في طريقة كمان بيتم التأكد من تفاصيلها حالياً بتحصل علي الإقامة الدائمة بعد سنه و الجنسيه بعدها ب 5 سنين عن طريق عقد عمل و راعي Sponsor

** ال E2 فيزا مش بتوصل للجنسية .. بتكون تأشيرة استثمار بتتجدد طول ما المشروع قائم و بيدفع ضرائب معينه

التصريح الأمني ل جورجيا 🇬🇪 كان الأول بيطلع فقط للتأشيرات اللي ستيكر علي الباسبور ، حالياً بتطلع عادي للتأشيرات الإلكترون...
27/03/2024

التصريح الأمني ل جورجيا 🇬🇪

كان الأول بيطلع فقط للتأشيرات اللي ستيكر علي الباسبور ، حالياً بتطلع عادي للتأشيرات الإلكترونية مفيش اي داعي انك تقدم عن طريق السفارة و يكون مطلوب ملف كامل في الوقت اللي ممكن تعملها اونلاين بصورة الباسبور و صورة شخصيه بس وتطلع بعد اسبوع!

بالنسبه لعقود العمل الموسميه في إيطاليا 🇮🇹 اللي اتكلمت عنها من فترة ، عشان جالي رسايل كتير هوضح الموضوع هنا .. مش هعلن ع...
23/03/2024

بالنسبه لعقود العمل الموسميه في إيطاليا 🇮🇹 اللي اتكلمت عنها من فترة ، عشان جالي رسايل كتير هوضح الموضوع هنا ..

مش هعلن عن عقود العمل إلا لما اخلص الاتفاق بنفسي بحيث ميكنش في اي وسيط في الموضوع واكون ضامن 100% كل خطوة ومتأكد ان ده افضل تكلفه ممكنه ..

ظهرت مشكله جديدة ان حتي لو معاك عقد العمل مش بتعرف تحجز ميعاد في السفارة وناس بتبيع المواعيد دي ب أرقام كبيرة جداً ده بيخلي حتي لو معاك عقد العمل الموسمي ممكن برضه متقدرش تسافر لأنك معرفتش تاخد معاد في السفارة وتكمل الإجراءات

انا عارف ان معظم الناس عايزه تسافر انهردا قبل بكره لكن أنا بعمل اللي اقدر عليه عشان اجيب حاجه مضمونه ومفيش فيها اي مشاكل وده بيحتاج وقت.

تأشيرة جورجيا 🇬🇪 بتاريخ انهردا جورجيا من أجمل البلاد اللي زورتها ولا تقل عن بلاد كتير في أوروبا و كان المفروض تنضم للإتح...
20/03/2024

تأشيرة جورجيا 🇬🇪 بتاريخ انهردا

جورجيا من أجمل البلاد اللي زورتها ولا تقل عن بلاد كتير في أوروبا و كان المفروض تنضم للإتحاد الأوروبي السنادي لكن اللي آخر الإجراءات هي حرب روسيا و أوكرانيا

جورجيا من التأشيرات السهله اللي تقدر تاخدها بصورة الباسبور و صورة خلفية بيضا فقط بدون اي طلبات لا كشف حساب ولا خطاب من جهة العمل ولا غيره لكن خلي بالك ان في بعض الغلطات اللي ممكن تخليك تترفض

تقدر تسافرها من غير تصريح أمني لو مسافر من اي بلد غير مصر ، لو مسافر من مصر هتحتاج تصريح أمني بيطلع من العباسية و تستلمه تاني يوم ، و تقدر تحصل علي التصريح الأمني بالتأشيرة الالكترونيه عادي

دلوقتي للمقيمين الامارات 🇦🇪 يقدروا يطلعوا تاشيرة المغرب 🇲🇦اونلاين من الموقع الرسمي بس لازم صلاحيه الاقامة مش اقل من ٦ شه...
18/03/2024

دلوقتي للمقيمين الامارات 🇦🇪

يقدروا يطلعوا تاشيرة المغرب 🇲🇦اونلاين من الموقع الرسمي بس لازم صلاحيه الاقامة مش اقل من ٦ شهور
وبتطلع خلال ٣ ايام بسعر 75 دولار
وفي اصدار سريع خلال يوم 110 دولار
وبيبقي مدة صلاحيتها 180 يوم واقامة شهر في البلد

اللي يقولك تأشيرة مضمونة يبقي نصاب تأشيرة امريكا 🇺🇸سهلة بالنسبالي من التأشيرات اللي محصلش رفض لأي حد قدمتله غير مره واحد...
16/03/2024

اللي يقولك تأشيرة مضمونة يبقي نصاب

تأشيرة امريكا 🇺🇸سهلة بالنسبالي من التأشيرات اللي محصلش رفض لأي حد قدمتله غير مره واحده للأسف اللي كان مقدم قال معلومه خاطئة في مقابله السفارة والكدب بيكون سبب كافي للرفض ، لكن اي حد قدمتله وجاوب علي الاسأله بشكل بسيط و واضح وبدون كدب حصل علي التأشيرة

14/03/2024

📣 الترانزيت في أوروبا 📣
المفروض من حقك تنزل ترانزيت أوروبا من غير تأشيرة ترانزيت ، رسمياً مش مطلوبه زي إنجلترا و كندا و امريكا ، لكن للأسف علي ارض الواقع لو باسبورك ضعيف مفيش عليه تأشيرات أوروبا او امريكا قبل كده بيكون الاحتمال الأكبر هو رفض رحتلك وترجع من المطار.

11/03/2024

كل سنه وانتو طيبين رمضان كريم ☪️

ويا رب رمضان الجاي يكون كل واحد في البلد اللي نفسه يسافرها!

حجز تذاكر الطيران عامل زي الصيد! كل ما يكون عندك خبرة و امكانيات افضل كل ما كانت النتيجه افضل .. مش قصدي الامكانيات فلوس...
07/03/2024

حجز تذاكر الطيران عامل زي الصيد!

كل ما يكون عندك خبرة و امكانيات افضل كل ما كانت النتيجه افضل .. مش قصدي الامكانيات فلوس , قصدي مرونه مواعيد او مرونه انك تركب من مطار تاني مش لازم اللي في مدينتك وطبعاً امكانيات باسبورك نفسك , اذا كان باسبور قوي فرصة انك تسافر ارخص اكبر من كتير من الباسبور الضعيف!

لو حتي باسبورك ضعيف وعليه تأشيرات وضعك افضل من اللي مش عليه تأشيرات.

دي مثلاً رحلة من القاهرة ل بوجتا في كولومبيا , سعر يوم 17 لو معاك تأشيرة امريكا او انجلترا او باسبور كويس عشان فيها ترانزيت في لندن 289 دولار , لو متقدرتش تنزل ترانزيت لندن السعر يزيد 500 و 600 وممكن يوصل 2000 دولار كمان!

ده هيكون خبر كويس للي عايز يسافر ، الوضع كان صعب جداً في ظل عدم توافر دولار ولا اي عملة اخري والكروت البنكيه مقفوله … ال...
07/03/2024

ده هيكون خبر كويس للي عايز يسافر ، الوضع كان صعب جداً في ظل عدم توافر دولار ولا اي عملة اخري والكروت البنكيه مقفوله … السفر كان صعب جداً حتي لو معاك فلوس لا هتعرف تحجز طيران ولا فندق ولا مصاريف السفر نفسها والحل الوحيد كان اللجوء للسوق السودا وناس كتير كانت مسافرة وقت قرار منع استخدام الكروت خارج مصر و حصلها ضرر كبير لأنها كانت معتمده علي الكروت البنكيه.

تحرير سعر صرف الجنية بشكل كامل ، دي ممكن تكون خطوة كويسه إنها تقضي علي السوق السودا والدولار يرجع يكون موجود في البنك وا...
06/03/2024

تحرير سعر صرف الجنية بشكل كامل ، دي ممكن تكون خطوة كويسه إنها تقضي علي السوق السودا والدولار يرجع يكون موجود في البنك والصرافات ويمكن يكون بدايه فتح استخدام كروت البنوك في التعاملات الدولية .. كلها ايجابيات للي عايز يسافر لان السعر اللي كان الناس بتتعامل بيه كان سعر السوق السودا علي اي حال!

الروفيه المالديفية 🇲🇻عملة المالديف من أجمل العملات خصوصاً ورقه ال 1,000 اللي قيمتها 65 دولار أمريكي المالديف اللي كتير م...
05/03/2024

الروفيه المالديفية 🇲🇻

عملة المالديف من أجمل العملات خصوصاً ورقه ال 1,000 اللي قيمتها 65 دولار أمريكي

المالديف اللي كتير ميعرفش إنها بلد إسلامية بنسبة 100% وممنوع علي غير المسلم الحصول علي جنسيتها

البلد اللي فاتحه لكل جنسيات العالم بلا استثناء ال 198 بلد يقدروا يسافروها بتأشيرة عند الوصول وده بيخليها في المرتبه رقم 1 علي مستوي العالم ك بلد مرحب بالجميع.

من الخرافات اللي مصريين كتير مقتنعين بيها و شوفت ناس كتير بتقولها ان في مقابلة أمريكا 🇺🇸 لو سألت هل قدمت علي اللوتري ( ا...
03/03/2024

من الخرافات اللي مصريين كتير مقتنعين بيها و شوفت ناس كتير بتقولها ان في مقابلة أمريكا 🇺🇸 لو سألت هل قدمت علي اللوتري ( الهجرة العشوائية ) تقول لأ حتي لو قدمت وإلا تترفض عشان هيكون فاهم انك طالما فكرت في الهجرة لو اخدت تأشيرة سياحية مش هترجع ف تترفض!

طبعاً ده كلام فارغ وانا قدمت بنفسي لناس كتير هجرةً عشوائية وبعدها قدمتلهم B1/B2 تأشيرة سياحية و أخدوها عادي جداً

في مقابلة أمريكا 🇺🇸 الكدب بيكون سبب كافي جداً لرفض التأشيرة وأنك تقدم علي الهجرة العشوائية ملوش اي علاقة بقبول أو رفض التأشيرة السياحية.

03/03/2024

📢 أنا مش شركة سياحة ومش عايش في مصر 🇪🇬 أنا عايش في بيرو 🇵🇪 في أمريكا الجنوبية.
سافرت في 5 قارات (فاضل أستراليا و أنتاركتيكا ) وعندي خبرة كويسة في السفر ف عملت الصفحة أساعد بيها الناس بخبرتي.
ده رد علي سؤال مكتبك فين! 📢

02/03/2024

من الحاجات الغريبة جداً بالنسبالي الناس اللي بتدفع ارقام خيالية عشان تسافر بشكل غير شرعي و تترمي في البحر يا توصل يا تموت!

تقدر بنفس الفلوس او اقل تقدم علي تأشيرة اي بلد و تاخدها لو جهزت نفسك بشكل صحيح وصبرت شوية!

لقيت طريقه للحصول علي الجرين كارد ( الأقامة الدائمة ) في أمريكا 🇺🇸 بعد سنة واحدة عن طريق تأشيرة عمل معينه و حالياً في مر...
29/02/2024

لقيت طريقه للحصول علي الجرين كارد ( الأقامة الدائمة ) في أمريكا 🇺🇸 بعد سنة واحدة عن طريق تأشيرة عمل معينه و حالياً في مرحلة التأكد و صديق ليا قدم بالفعل مجرد ما يحصل عليها هعلن عنها ..

للأسف تكلفتها عالية ف مش هتكون مناسبه لكل الناس لكن خلال السنه الاولي شرط الحصول علي الاقامه الدائمة هي العمل في مكان معين لمدة سنه وطبعاً الراتب اللي هيدخلك خلال السنه اعلي ب كتير من تكلفه التأشيرة وعقد العمل والسفر.

بعد 5 سنين تقدر تحصل علي الجنسية والباسبور لكن مجرد حصولك علي الإقامة الدائمة ليك كل حقوق المواطن الأمريكي إلا حق الانتخاب في انتخابات الرئاسة لحد ما تحصل علي الجنسيه.

*** صديقي قدم و موجود بالفعل في امريكا و بدأ الشغل ، مجرد ما يحصل علي الموافقه علي الإقامة الدائمة هعلن عن كل التفاصيل .. تابعوا معانا

أرمينيا 🇦🇲 من البلاد اللي تأشيرتها سهلة و سريعة ، بدون طلبات زي كشف الحساب البنكي و خطاب العمل. تقدر تاخدها حتي لو باسب...
29/02/2024

أرمينيا 🇦🇲

من البلاد اللي تأشيرتها سهلة و سريعة ، بدون طلبات زي كشف الحساب البنكي و خطاب العمل. تقدر تاخدها حتي لو باسبورك مفيش عليه تأشيرات سابقة.

البلد علي حدود 🇹🇷 ، أذربيجان 🇦🇿 ، جورجيا 🇬🇪 وليها كمان حدود مع إيران 🇮🇷

ليها طيران مباشر من شرم الشيخ أوقات بيكون اقل من ١٥٠ دولار ، وليها طيران من مطار سفينكس الجديد و مطار سوهاج

العملة اسمها الدرام الأرميني , الدولار بيساوي حوالي 400 درام وعشان كده هتلاقي ورقه ب 1000 و 2000 و 50 الف كمان!

لو سنك أقل من 30 سنه لا انصح بالتقديم علي تأشيرتها عشان الفترة الأخيرة بقي في رفض كتير للي اقل من 30 سنه بسبب الناس الكتير اللي سافرت ومرجعتش.

دولة مستحيل تسافرولها حتى لو التكاليف مجانية؟ ✈
12/02/2024

دولة مستحيل تسافرولها حتى لو التكاليف مجانية؟ ✈

12/02/2024

هو لما اكون بعملك خدمة بدون مقابل ده معناه انه حق مكتسب وقت ما تكلمني اي وقت اسيب اللي في إيدي واجي جري احققلك أحلامك؟ يعني لما تكلمني تطلب مني خدمه واقولك اني مشغول مش هقدر اعملها بعد ما عملتلك ١٠٠ خدمة قبل كده بدون اي مقابل .. انهي عقل ومنطق يقول انك تكلمني تزن علي الخدمة كل شويه؟!!!!

هبدأ أعيد حساباتي في تقديم الخدمات المجانية ده للي يستاهل واللي ميستاهلش

شايف ان الموضوع بديهيات لكن للأسف في ناس معندهاش الحد الادني من الادميه والعقل إنها تفهم ده.

09/02/2024

لو قدرنا نوفر عقود موسميه للعمل في أوروبا 🇪🇺
هل اللي هيسافر هيخلص فترة شغله ويرجع ولا هيكسر ويقعد غير قانوني ويعملنا مشاكل؟ 🤔

امريكا فتحت مواعيد كتير شهر فبراير ومارس بعد ما كانت المواعيد مش قبل شهر ٦ .. لو حد حجز معاد بعيد يقدر يغيره ، لو حد بيف...
23/01/2024

امريكا فتحت مواعيد كتير شهر فبراير ومارس بعد ما كانت المواعيد مش قبل شهر ٦ .. لو حد حجز معاد بعيد يقدر يغيره ، لو حد بيفكر يقدم علي التأشيرة يقدر يلاقي معاد قريب في السفارة من غير ما تدفع فلوس لحد يحجزلك معاد

23/01/2024

ايه اكتر بلد نفسك تسافرها؟

تأشيرة تركيا 🇹🇷 الأونلاينلو سنك اقل من 20 سنه او اكتر من 45 , أو لو معاك تأشيرة امريكا او اوروبا او انجلترا او ايرلاندا ...
07/01/2024

تأشيرة تركيا 🇹🇷 الأونلاين

لو سنك اقل من 20 سنه او اكتر من 45 , أو لو معاك تأشيرة امريكا او اوروبا او انجلترا او ايرلاندا تقدر تاخد تأشيرة تركيا اونلاين في دقايق.

تأشيرة تركيا من السفارة غالية بشكل مبالغ فيه وليها طلبات كتير لا انصح ان حد يقدم عليها

*** تأشيرة تركيا بتاريخ انهردا صالحه 6 شهور

مطار بنما 🇵🇦 من اغرب المطارات اللي نزلت فيها في حياتي .. فيه 225 بوابة وده رقم كبير جداً مقارنة بباقي المطارات
24/12/2023

مطار بنما 🇵🇦 من اغرب المطارات اللي نزلت فيها في حياتي .. فيه 225 بوابة وده رقم كبير جداً مقارنة بباقي المطارات

في الطريق ل بنما 🇵🇦 لو معاك باسبور مصري ممنوع النزول في بنما حتي ترانزيت إلا لو معاك تأشيرة أمريكا 🇺🇸 .. الاول حاولت اشو...
24/12/2023

في الطريق ل بنما 🇵🇦

لو معاك باسبور مصري ممنوع النزول في بنما حتي ترانزيت إلا لو معاك تأشيرة أمريكا 🇺🇸 ..

الاول حاولت اشوف هطلع الطيارة من غير ما أوريهم تأشيرة امريكا ولا لا عشان هي علي الباسبور القديم وكانت الرحله هتتلغي فعلاً .. مهم جداً تتأكد قبل ما تحجز طيران و تدفع فلوس إذا كان مسموحلك تطلع الطيارة ولا لا

22/12/2023

في حد كان سألني علي ناس بتطلع ماليزيا 🇲🇾 المفروض شغل في مطاعم و بياخدوا ارقام كبيرة ٦٠ و ٧٠ الف جنيه و ٢٥٠ دولار عند الوصول مش فاهم اشمعني ٢٥٠ دولار يعني .. المهم اني اتأكدت من الموضوع من ٣ دفعوا الفلوس و راحوا ماليزيا و أتخرب بيتهم ومفيش لا شغل ولا غيره والموضوع كله نصب في نصب .. ماليزيا من غير تأشيرة خالص للمصريين عايز تروح تجرب حظك روح بنفسك و شوف لكن اي حد يقولك ادفع ارقام كبيرة و هتسافر علي شغل بنسبه ٩٩٪؜ هيطلع الموضوع نصب.

مجدي انت مجنون والله .. لازم تتعالج!!! سارق تأشيرة كولومبيا القديمه اللي نزلتها علي الصفحه بتاريخ ٢ نوفمبر ومنزلها علي ا...
22/12/2023

مجدي انت مجنون والله .. لازم تتعالج!!! سارق تأشيرة كولومبيا القديمه اللي نزلتها علي الصفحه بتاريخ ٢ نوفمبر ومنزلها علي الجروب علي أساس ان واحد بيشكره علي مجهوده انه جابله كولومبيا من اول مره

أنا مذهول والله 😃

صاحب الأكونت ده نصاب .. سارق تأشيرة كولومبيا بتاعتي منزلها علي أنها بتاعته ولما واحد سأله كمل كدب وبيقول إن أنا اللي سار...
21/12/2023

صاحب الأكونت ده نصاب .. سارق تأشيرة كولومبيا بتاعتي منزلها علي أنها بتاعته ولما واحد سأله كمل كدب وبيقول إن أنا اللي سارق منه 😅😅😅😅😅
التأشيرة عليها اسمي حتي مش أسم تاني كان يكون في اختلاف مين فينا اللي عملها 😁

Dirección

Jirón Cosmos
Lima
15038

Teléfono

+51980182464

Página web

Notificaciones

Sé el primero en enterarse y déjanos enviarle un correo electrónico cuando حورس للسياحة تأشيرات - فنادق - طيران publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Videos

Larcomar Miraflores Lima 🇵🇪

لبنان 🇱🇧

تأشيرة امريكا 🇺🇸 و أوروبا 🇪🇺 للطلاب!
تأشيرة امريكا 🇺🇸 و أوروبا 🇪🇺 للطلاب!

هل ممكن الحصول علي تأشيرة امريكا 🇺🇸 او أوروبا 🇪🇺 لو كنت طالب ومعنديش تأشيرات علي الباسبور ولا حساب بنكي قوي؟ الأجابة أيوة ممكن! ازاي؟! الفكرة في سبب السفر ، لو قدمت علي تأشيرة سياحية هتترفض لإنك غير مؤهل ، لكن لو قدرت تلاقي مؤتمر علمي او تدريب او مسابقه او اي حدث تبع منظمه كبيرة في مجال دراستك وجبت منهم دعوة و قدمت فرصه الحصول علي التأشيرة بتكون كبيرة جداً. غير ان في برامج تبادل طلابي بين بلاد كتير تقدر عن طريقها تحصل علي التأشيرة. اجتهد واسعي وشوف الفرص اللي حواليك وهتقدر توصل للي نفسك فيه! الفيديو لباسبوري القديم لما كانت المهنه طالب ومكنش في سفريات وكان الحساب البنكي يضحك! 😃

Perú 🇵🇪

Atajos

Compartir

Categoría