14/02/2021
COMMERCIAL FLIGHT SA TUGUEGARAO CITY AIRPORT, MAGPAPATULOY NA
Magpapatuloy na ang operasyon ng commercial travel o commercial flight ng Tuguegarao City Airport.
Ito ay base sa pinirmahang Executive Order No. 02, Series of 2021 ni Cagayan Governor Manuel N. Mamba nitong nakaraang araw ng Biyernes, February 11, 2021.
Nakapaloob sa EO ang mahigpit na pagpapatupad ng minimum health protocols na iniaatas ng Inter-Agency Task Force for Management of Emerging Infectious Diseases (IATF-MEID), Regional Inter-Agency Task Force (RITF), Provincial Health Office (PHO) at City Health Office (CHO).
Matatandaan na naihinto ang commercial flight sa paliparan ng Lungsod bilang restriksyon nito sa lumalaking bilang ng mga nagpopositibo sa COVID-19.
Sa kasalukuyan ay naibaba ang community quarantine sa Tuguegarao City sa Modified General Community Quarantine (MGCQ) mula sa General Community Quarantine (GCQ).
(Susan L. Mapa)
