Friends Air Travel Bhimber

25/12/2024

پاکستانی پاسپورٹ پر قطر کا وزٹ ویزا ائیرپورٹ پر (Visa on Arrival) حاصل کرنے کے لیے آپ کو درج ذیل شرائط پوری کرنا ہوں گی:

1. پاسپورٹ کی میعاد
• آپ کا پاسپورٹ کم از کم 6 ماہ کے لیے کارآمد ہونا چاہیے۔

2. واپسی کا ٹکٹ
• آپ کے پاس کنفرمڈ ریٹرن ٹکٹ ہونا چاہیے یا اگلی منزل کا سفر ثابت کرنے والے دستاویزات ہوں۔

3. ہوٹل بکنگ
• قطر میں قیام کے لیے ہوٹل کی تصدیق شدہ بکنگ ضروری ہے۔ یہ بکنگ صرف قطر کے منظور شدہ ہوٹلوں یا پلیٹ فارمز سے ہونی چاہیے۔

4. وزٹ ویزا کی مدت
• قطر کا Visa on Arrival عام طور پر 30 دن کے لیے جاری کیا جاتا ہے، اور بعض اوقات اس میں مزید 30 دن کی توسیع ممکن ہوتی ہے

5. ایئر لائن کی شرائط
• بعض اوقات قطر ایئرویز یا دوسری ایئرلائنز پر سفر کرنا لازمی ہوتا ہے، لہٰذا آپ اپنی ایئرلائن سے اس حوالے سے تصدیق کریں۔

طریقہ کار:
1. قطر پہنچنے پر امیگریشن کاؤنٹر پر جائیں۔
2. ضروری دستاویزات (پاسپورٹ، ہوٹل بکنگ، بینک اسٹیٹمنٹ، ویکسینیشن سرٹیفکیٹ، اور ریٹرن ٹکٹ) فراہم کریں۔
3. امیگریشن افسر آپ کی معلومات کی تصدیق کے بعد ویزا جاری کرے گا۔

یہ عمل عام طور پر آسان اور تیز ہوتا ہے، بشرطیکہ آپ تمام شرائط پوری کر رہے ہوں۔

13/12/2024

21/08/2024

متحدہ عرب امارات
وزٹ ویزے پرآئے شخص کو ملازمت دینے پر 10 لاکھ درہم یعنی سات کروڑ روپے تک جرمانہ ہوگا

13/06/2024

ای پروٹیکٹر شروع کر دیا گیا ہے،

1. کوئی بائیو میٹرک درکار نہیں.
2. کوئی اصل پاسپورٹ درکار نہیں۔

بس اپنی دستاویزات اسکین کریں اور ہمیں واٹس ایپ کریں، ہم آپ کو ای پروٹیکٹر بھیجیں گے۔

Documents for E-protector

1) Passport 1st page
2) Passport 2nd page
3) Cnic front
4) Cnic back
5) Visa Copy
6) Agreement
7) Nominy Cnic copy.
😎 Picture

Contact for services..
Mob : 0312-7778700

11/06/2024

بیرون ملک پناہ لینے والے پاکستانیوں کو پاسپورٹ جاری نہ کرنے کا فیصلہ

ملکی سلامتی اور سکیورٹی کے تناظر میں وزیر داخلہ نے بڑا اقدام اٹھائے ہوئے بیرون ملک پناہ لینے والے پاکستانیوں کو پاسپورٹ جاری نہ کرنے کا فیصلہ کیا ہے

وفاقی وزیر داخلہ محسن نقوی نے اپنی وزارت کو اس سلسلے میں اقدامات کرنے کی ہدایات جاری کردیں۔

وزیر داخلہ کی ہدایت پر وزارت داخلہ نے مراسلہ جاری کردیا، مراسلہ وزارت خارجہ اور دیگر متعلقہ حکام کو بھجوادیا گیا۔

وزارت کی جانب سے جاری مراسلے میں کہا گیا کہ ایسے تمام پاکستانی جو کسی بھی بنیاد پر دوسرے ممالک میں پناہ لیں گے، ان کو پاسپورٹ نہیں ملے گا، ایسے پاکستانیوں کے پاسپورٹ منسوخ کردیے جائیں گے اور ان کی دوبارہ تجدید بھی نہیں کی جائے گی۔

11/06/2024

Umrah Booking Start
Package Starting From 177000
Contact 0312-7778700

01/12/2023

انگلینڈ کا ورک پرمٹ
بغیر منصوبہ بندی کے جانے والوں کی نظر

اس تحریر کا مدعہ کسی کو بد دل کرنا،ڈی موٹیویٹ کرنا یا خوف زدہ کرنا نہیں،بلکہ پاکستان بیٹھے ساڑھے تین سو کی ضرب کے نام پہ ایجنٹوں کے ہاتھوں لُٹنے والوں کو خبردار کرنا ہے۔یہ تحریر صرف فراڈ ورک پرمٹ کے حوالے سے لکھی گئی ہے۔

میں کل بھی پاکستان چھوڑنے کے حق میں تھا،میں آج بھی اسی بات پہ قائم ہوں۔جوانی کے چند سال اس معاشرے یا نظام کو دیں جہاں آپکو آپکی محنت کا مول ملے،جہاں جگ راتوں کی قدر پڑے،جہاں کم از کم خواب دیکھنے کا حوصلہ تو پیدا ہو۔لیکن اس کا قطعاً مطلب یہ نہیں کہ آپ ہر اُس کہانی کا شکار ہوں جو ایجنٹ آپکو اپنے ہزار پاؤنڈ کے چکر میں سنائے۔

اس وقت برطانیہ میں “ورک پرمٹ” کا کام عروج پہ ہے۔دیسی لائینوں میں لگ کے ورک پرمٹ خرید رہے ہیں۔اپنے پلاٹ اور جائیدادیں بیچ کے اسی لاکھ سے کروڑ روپے تک لگا کہ پورے خاندان سمیت ولائیت شفٹ ہو رہے ہیں۔یہ کہانی یہاں آنے تک درست ہے،آپ نے ایجنٹ کو پیسے دئیے،اس نے ویزہ لگوا کے دے دیا،فئیر۔مسئلہ وہ وعدے اور لارے ہیں جو پاکستان میں آپ سے کیے گئے تھے۔وہ جھوٹ ہیں جو آپ سے بولے گئے،وہ کہانیاں ہیں جو آپکو سنائی گئیں،وہ “ساڈھے تِن سو “کی ضرب ہے جو آپکو بتائی گئی۔

ایجنٹ نے آپکو لارا لگایا تھا کہ آپکی ہاسپٹل،کئیر ہوم وغیرہ میں جاب پکی ہے۔اور آپکی پاکستانی سات لاکھ روپیہ تنخواہ بھی پکی ہوگی۔آپکا پارٹنر،میاں یا بیوی بھی نوکری کرے گی اور پانج لاکھ وہ بھی آرام سے کمائے گا/ گی۔سب سے بڑا فراڈ جو پاکستان میں کیا جاتا ہے وہ تنخواہ یا انکم کو پاکستانی کرنسی میں بتا کے کیا جاتا ہے۔میرے ورگے دیسی کو جب سات لاکھ آمدن سنائی دیتی ہے تو پھر اسے کُچھ اور سنائی نہیں دیتا۔

یہاں پہنچ کے اصل مسائل اس وقت شروع ہوتے ہیں جب آپ ہیتھرو ائیرپورٹ سے باہر نکلتے ہیں۔آپ بچوں سمیت ولائیت پہنچ چُکے ہیں اب آپ رہائش ڈھونڈیں گے اور تب تک آپ کسی رشتہ دار کے گھر ایک ڈربہ نما کمرے میں گزارہ کریں گے یا اگر آپ چند پیسے ساتھ لائے ہیں تو ائیر بی این بی کریں گے۔لندن اور ولائت کے باقی بڑے شہروں میں شدید رہائشی بحران ہے۔اول تو رہنے کو جگہ ملے گی نہیں،جو ملی تو مالکان منہ پھاڑ کے کرایہ مانگتے ہیں۔جیسے تیسے کر کے آپ اپنے گھر میں شفٹ ہوئے تو سمجھ آئی کہ سات لاکھ میں سے پانچ لاکھ تو آپکے گھر کا کرایہ نکل گیا ہے۔باقی کا دو لاکھ جو قریب پانچ سو پاؤنڈ بنے گا وہ آپکے بلز،سفری اخراجات اور کچن کے سامان کے لئیے بمشکل کافی ہو گا۔

آپکو پہلا دھچکہ یہ لگے گا کہ آپ سات لاکھ کما کے بھی ادھار پہ ہی چلیں گے۔اگلے دھچکہ آپکو تب لگے گا جب آپکی “کمپنی” آپکو ملازمت سے انکار کرے گی۔اب آپکے پاس نہ ملازمت ہے،نہ تنخواہ،مگر خرچہ سات لاکھ ضرور ہے۔
ایسے میں آپکے پاس کیا آپشنز ہیں؟اگر آپ مین اپلیکنٹ تھے تو آپ کہیں دوسری جگہ قانونی طور پہ کام بھی نہیں کر سکتے۔کیش پہ کام کریں گے تو بارہ گھنٹے کی شفٹ کے ستر اسی پاؤنڈ ملیں گے اور امیگریشن کا خوف جہیز میں ملے گا۔آپ چھبیس دن بارہ گھنٹے کام کر کے بھی سات لاکھ نہیں بنا پائیں گے،لیکن مالک مکان آپ سے ہر یکم کو اپنا پانچ لاکھ طلب کرنے پہنچ جائے گا۔

اگر آپ مین اپلیکنٹ نہیں ہیں پھر آپ کام چلا لیں گی مگر کب تک؟دو چار چھ ماہ میں آپکی “کمپنی” بند ہو جائے گی،آپکا کیس ہوم آفس کو رپورٹ ہو جائے اور آپکو بال بچے سمیت انگلینڈ چھوڑنے کا حکم نامہ مل جائے گا۔

اگر آپکو یہ لگتا ہے کہ آپ یا آپکا ایجنٹ برطانوی نظام کو چکمہ دے رہا تو یہ آپکی بھول ہے۔آپ نہیں آتے،بلکہ آپکو لایا جاتا ہے یا کم از کم آنے دیا جاتا ہے۔برطانیہ کا جب من کرتا ہے وہ سکیمیں نکال کے لوگوں کو بلاتا ہے،لوگوں کی جمع پونجیاں ولائیت آتی ہیں،چھوٹے کاروبار کو سستی لیبر مل جاتی ہے اور ولائتی مارکیٹ کو کنزیومر مل جاتا ہے۔جیسے ہی معیشت کو کُچھ سہارا ملتا ہے تو پہلا کام یہ کیا جاتا ہے کہ ان سکیموں پہ آنے والوں کو واپس بھیجا جاتا ہے۔چند فیصد سمارٹ،خوش قسمت اور ریلیسٹک منصوبہ بندی کرنے والے بچ جاتے ہیں باقی سب بَلی چڑھا دئیے جاتے ہیں۔

ایسے میں آپ نے ایک کروڑ کی انوسمنٹ کے بدلے کیا حاصل کیا؟ڈپریشن اور بچوں کے ساتھ ذلالت؟میں کسی طرز بھی آپکو آنے سے نہیں روک رہا،مگر سوچ سمجھ کے،ریلیسٹک پلان کر کے آئیں۔یہ ذہن میں رکھ کے قدم اُٹھائیں کے آپکا ویزہ محض برطانیہ کی انٹری ہے،نوے فیصد چانس یہ ہے کہ نوکری کی کہانی سنانے والا ایجنٹ آپ سے رنگ بازی کر رہا ہے۔اور اگر آپکی نوکری ہو بھی تو سات لاکھ کا مطلب قریب دو ہزار پاؤنڈ ہے جس میں بیوی اور دو بچوں کے ساتھ آپ بمشکل گزارہ کر سکتے ہیں۔جتنا لندن میں ایک دن آپکے نوکری پہ آنے جانے کا کرایہ لگے گا اتنے میں آپ لاہور سے پنڈی ،بھیرہ سے برگر کھا کے پہنچ جائیں۔پاکستانی کرنسی میں سات لاکھ بننے کا مطلب یہ نہیں کہ ادھر تنخواہ بڑی ہے،بلکہ اس کا سادہ مطلب یہ ہے کہ پاکستانی کرنسی ناکارہ ہے۔آپ دو ہزار پاؤنڈ میں پاکستان میں تو بادشاہوں جیسے رہ سکتے ہیں مگر لندن میں بس گزارہ کریں گے۔

آپ نے ولائت آنا ہے،جم جم آئیں،ست بسم اللہ۔مگر تیاری کر کے آئیں۔پلان کر کے آئیں۔حقیقت کو سوچ اور سمجھ کے آئیں۔ شروع میں آپکو رونا پڑے گا،سہنا پڑے گا۔گھومتی کرسی پہ بیٹھے پاور پوائنٹ کی سلائیڈز دیکھنے دیکھانے والے جب فوڈ ڈلیوری کرتے ہیں تو ایگو بہت بری طرح تباہ ہوتی ہے۔یہ سب کُچھ اور اس کے علاوہ بہت کُچھ سوچ کے آئیں۔
جی آیاں نوں۔

Copied

06/11/2023

السلام علیکم ورحمۃ اللہ وبرکاتہ، اس ویزہ پر آپ پورا سعودی عرب گھوم سکتے ہیں اور عمرہ بھی کر سکتے ہیں لیکن حج کے لیے آپ کو علیحدہ سے فیس جمع کروا کر سعودی حکومت سے اپروول لینی ہوگی۔ سال میں آپ متعدد بار سعودیہ جا سکتے ہیں لیکن ہر مرتبہ آپ کو تین ماہ سے زیادہ قیام کرنے کی اجازت نہیں ہوگی ہر تین ماہ بعد ان اؤٹ لازمی ہوگا۔