Molvies On Bikes

Name: Molvies On Bikes
Address: Bike Gallery near Motorcycle Market Indus Highway, Jampur, 33000, PK
Telephone: +923336458420
Rating: 5

Home
Pakistan
Jampur
Molvies On Bikes

We are Molvies On Bikes, A Moterbike traveling group working for the promotion of Tourism in Pakistan and specially in South Punjab with peace and Respect

09/01/2025

ایک دفعہ رائیونڈ تبلیغی مرکز پہ حاجی عبد الوہاب صاحب نے چائے پر پابندی لگائی کہ لوگ اعمال کے وقت چائے کے سٹالز پر موجود رہتے ہیں۔
یہ خبر پٹھانوں پر کسی قہر کی طرح تھی۔ وہ سب اکھٹے ہوئے۔ مشورہ کیا۔۔ اور ایک وفد ترتیب دیا جو تبلیغی بزرگوں سے ملے، خاص طور پر حاجی صاحب سے ملے اور انکو اپنے فیصلے پر کچھ نظر ثانی کی درخواست کریں۔
جب پٹھانوں کا وفد حاجی صاحب اور بزرگوں سے ملا تو کافی بات چیت کی اور کافی گزارش کی مگر حاجی صاحب تھے کہ امت کے وسیع تر مفاد کے لیے اس بات پر اڑے رہے کہ نہیں، چائے کے سٹال اب کسی بھی صورت رائیونڈ مرکز کی حدود میں نہیں ہونگے۔ بس۔ سب اپنے اعمال میں جڑیں اور جو ناشتے میں چائے بنائیں اُسی سے گزارہ کریں۔۔
پٹھانوں نے جب دیکھا کہ یہ حضرات کسی طور پر چائے کی بحالی پر راضی نہیں اور کوئی گنجائش نہیں نکال رہے تو پھر انکے امیر نے آخر میں بات شروع کی۔۔
" دیکھیں حاجی صاحب ، آپ حضرات نے ہم سے دین کی خاطر ہمارے گھر چھڑوائے، ہم نے لبیک کہا، آپ نے ہم سے ہمارے بیوی بچے، کام کاروبار ، علاقہ ، خاندان چھڑوایا۔۔ ہم نے لبیک کہا۔۔ ہم نے دین کی خاطر شہر شہر، گاؤں گاؤں ، گلی محلے پھرے۔۔ لوگوں کی کڑوی کسیلی باتیں سنیں۔۔ ماریں کھائیں۔۔ اف تک نہ کیا۔۔ مگر اب یہ کیا ظلم ہے یارا۔۔۔ ہم سے چائے بھی چھڑوائی جا رہی ہے۔۔۔
دیکھو حاجی صاحب ۔۔ دین بھی اچھا۔۔ آپ بھی اچھے۔۔ تبلیغ بھی اچھی۔۔ مگر۔۔ ہمارا جواب ہے۔۔۔ "
حاجی صاحب نے جب پٹھان کی باتیں سنی تو بے اختیار ہنسی آگئی ۔۔ اور فرمانے لگے۔۔۔ مطلب تم نہیں ماننے والے۔۔ اچھا بھئی۔۔۔ جاؤ پی لو اپنی چائے۔۔"
Molvies On Bikes

01/01/2025

جنوری خود سے جنگ میں گزرا
فروری فرصتوں سے عاری تھا
مارچ میں آس کے گلاب کھلے.. اور ... اپریل پر بہار رہا
مئی کی گرمی نے دل جلایا تھا
جون میں اک جنون چھایا تھا
پھر جولائی بھی لائی تنہائی
اور اگست نے مجھے نڈھال کیا
یہ ستمبر بھی اک ستمگر تھا
اُس سے بچھڑے تو اکتوبر تھا
پھر نومبر نہ مجھ کو راس آیا
اور ..... دسمبر نے آ کے توڑ دیا ...
اس_برس_کی_یہی کہانی ہے
میں نے قسمت سے ہار مانی ہے۔۔۔
Molvies On Bikes

24/12/2024

ایک سال مین تقریبا 2 ہزار مرتبہ ابرار بھائی کو جامپور آنے کی دعوت دی اور کمال کی بات یہ ہے کہ ابرار بھائی نے ایک مرتبہ بھی الجھن اور ناگواری کا اظہار نہیں کی اور نہ ہی ایک غیر معروف شہر کی دعوت دینے پر حیرت اور تعجب ظاہر کیا۔۔
اابرار بھائی اور میرا ذہن قریب قریب ملتا جلتا ہے، ٹورننگ کے لحاظ سے بھی اور اپروچ انکی سے میں بہت زیادہ متاثر ہوں۔ وہ جب جب کسی ملک کے ٹور پر ہوتے تھے تو میں اس ملک کے ٹائم کے اعتبار سے جب آرام کا وقت ہوتا تو ان سے بات کرتا اور وہ بڑے مزے مزے سے سارے دن کا حال دیتے اور اگلے دن کے بارے میں بھی معلومات دیتے۔۔
ابرار بہت ہی زیادہ سادہ اور بھلا آدمی ہے۔۔ یاروں کو یار اور اپنے تمام چاہنے والوں سے بہت زیادہ محبت اور احترام کرنے والا دوست۔۔
ابرار کا جامپور آنا ہمارے لیے زندگی کے بہترین دنوں میں سے ایک رہا۔۔ امید ہے ابرار بھائی کو اللہ تعالٰی مزید سرفرازی سے نوازیں گے۔۔ انشاءاللہ
جیو میرے دوست۔۔ جیو میرے ہیرو۔۔ ❤️
WildLens by Abrar
Molvies On Bikes

22/12/2024

ابرار بھائی کا تعلق ننکانہ صاحب سے ہے اور ابتدائی تعلیم ننکانہ صاحب سے ہی حاصل کی اور پھر ماسٹرز اسلام آباد سے کرنے کے بعد جرمنی چلے گئے اور پھر وہیں نوکری بھی کرنے لگے۔۔
میرا تعارف ابرار بھائی سے یوٹیوب کے ذریعے ہوا جب انکا دوسرا ولاگ آیا جہاں وہ جرمنی کے کسی دوسرے حصے کی سیر کرنے پہاڑوں پر ہائیکنگ کر رہے تھے، وہ اردو زبان میں ولاگنگ کر رہے تھے جو یہ ظاہر کرتی ہے کہ وہ اپنے ملک پاکستان اور ہندوستان کی عوام کو اپنی کہانیاں سنانا چاہتے ہیں۔۔ بس پھر کیا تھا۔۔ دوسرے ولاگ سے ہی ہم دیوانے ہوگئے انکے۔۔
پھر ہمارے سامنے ہی انہوں نے اپنے مشہور سفر جرمنی سے پاکستان بائک ٹور کا ارادہ ظاہر کیا اور پھر بائک لی اور چلانا سیکھی اور پھر انکا سفر جرمنی سے پاکستان شروع ہوا اور لمحہ بہ لمحہ ہم انکے ساتھ رہے۔۔
ابرار بھائی ایک نشہ ہیں۔ آپ انکو اگر دیکھ لیں تو ہو ہی نہیں سکتا کہ آپ انکے جادو سے بچ جائیں۔۔ اور جادو کیا ہے؟ انکا اندار۔۔ سادگی۔۔ بھولاپن۔۔ اچھائی۔۔ دل اور دماغ کی کشادگی۔۔ سیدھا سادھا بغیر غرور اور گھمنڈ کے بناوٹ کے بغیر لہجہ ہی تو وہ جادو ہے جو اس وقت سب پر اثر کیے ہوا ہے اور جسے دیکھو وہ ابرار کا دیوانہ بنا پھرتا ہے۔۔ کیا بچے کیا بوڑھے اور کیا جوان خواتین و مرد۔۔
مگر افسوس ہوتا ہے جب یہاں پاکستان میں لوگوں کی طرح طرح کی باتیں سنتے ہیں کہ جی وہ تو اسکے پاس جرمنی کا پاسپورٹ ہے تو دنیا گھوم رہا ہے ورنہ اگر پاکستانی پاسپورٹ ہوتا تو لگ پتہ جانا تھا۔۔۔ اور کئی ظالم تو ابرار بھائی کو پاکستانی ماننے سے بھی انکاری ہیں۔۔ اور۔۔وجہ ۔۔ ابرار بھائی کی غیر معمولی شہرت۔۔
جو اسکو اللہ تعالٰی کی طرف سے اعزاز ملا ہے۔۔
ابرار بھائی 2 دن میرے پاس یہاں جامپور میں رہے۔۔ آپ یقین کریں۔۔
ایک لمحے کے لیے یہ نہیں لگا یا انہوں نے ظاہر کیا کہ وہ کوئی بہت بڑے سلیبرٹی ہیں جنکی دنیا دیوانی ہے۔۔ جو کھلاؤ وہ کھا لیتے ہیں، جہاں بٹھا دو وہاں بیٹھ جاتے ہیں۔۔ مطلب یہ کہ انکی طبعیت میں سادگی بہت ہے۔۔ ایسا بھی نہیں کہ پوری دنیا گھوم پھر کے آئے ہیں اور آپ کو بولنے ہی نہیں دے رہے۔۔ ابرار بھائی۔۔ آپ کو سنتے ہیں۔۔ آپ کی سنتے ہیں۔۔ وہ خود سے زیادہ آپ کی کہانیوں میں دلچسپی رکھتے ہیں۔۔ بچوں کی طرح مسکراہٹ اور تجسّس سے بھری آنکھیں ہر وقت کچھ نیا تلاش کرتی رہتی ہیں۔۔ ابرار بھائی۔۔ خود کو پاکستانی کہتے ہیں اور پاکستانی انکو جرمن کہتے ہیں۔۔ خیر۔۔ جسے اللہ رکھے۔ اسے کون چکھے۔۔
سدا سلامت رہو میرے دوست۔۔ سدا سلامت رہو میرے ہیرو۔
WildLens by Abrar
Molvies On Bikes

20/12/2024

موٹرسائیکل ٹورنگ جہاں ایک بہترین تفریح ہے وہاں اسکے کچھ اپنے مسائل بھی ہیں جیسے کہ ایک ہی انداز میں گھنٹوں بیٹھے رہنا۔ دونوں ہاتھ ہینڈل پر رکھے رہنا، ہاتھ کی مُٹھیوں کا ریس اور کلچ پر جمے رہنا، ٹانگوں کا گھنٹوں فٹ بار پر رکھے رہنا، گردن کا سیدھے سامنے کی طرف اکڑے رہنا۔۔۔ کمر کا سیدھے کسے رہنا اور بیچاری تشریف کا ایک ہی جگہ جمے رہنے سے اسکا تقریبا سن ہوجانا۔۔ یہ سب واقعی ایک تکلیف دہ معاملہ ہے۔۔
اب کیا کریں وہ کہتے ہیں نا کہ "دکھے بھی اور مزا بھی آئے" سیر و تفریح بھی کرنی ہے اور اپنے کیڑے کو پانی بھی لگانا ہے۔۔ عادت سے مجبور جو ہیں مگر ہم مولویوں نے اسکا ایک جگاڑ نکالا ہے اور وہ یہ کہ جب ہم زیادہ لمبا سفر کر لیں اور جسم بہت زیاد تھکاوٹ کا شکار ہو جائے تو ہم کسی جگہ رک کر روڈ سائیڈ اپنی موٹرسائیکل روک کر سڑک پر لیٹ جاتے ہیں اور اپنے بازو اپنے گرد لپیٹ کر اپنی باڈی کو رول کرتے ہیں یعنی لیٹنی مارتے ہیں جس سے پورے جسم کی ٹکور ہوتی ہے اور تھکاوٹ کچھ ہی منٹوں میں ختم ہو جاتی ہے اور جسم کو سکون ملتا ہے۔
اس عمل کو دن میں ایک بار ضرور کرتے ہیں۔۔ یہ تقریبا ہم سب گروپ والوں کی روٹین ہے اور ہم سب کے لیے ہی بڑا فائدہ مند رہا ہے۔۔
اب یہ مت پوچھیے گا کہ ہم نے یہ عادت کس جانور سے سیکھی ہے۔ 🤣
ظاہر ہے اگر یہ اس جانور کی صدیوں پرانی عادت رہی ہے تو اسکو کوئی نہ کوئی فائدہ تو ضرور ہوتا ہوگا۔۔۔ بس۔۔ آپ فائدے پر غور کریں نا کہ اس جانور پر جس کے سر پر سینگ نہیں ہوتے۔۔ 🤣
آپ دوست اپنا تجربہ شیئر کریں کہ آپ کا تھکاوٹ دور کرنے کا کیا طریقہ کار رہا ہے۔۔ 😎
Molvies On Bikes

18/12/2024

تَر دامنی پہ شیخ ہماری نہ جائیو
دامن نچوڑ دیں تو فرشتے وضو کریں
۔ ۔ ۔ ۔ ۔۔ ۔ ۔ ۔ ۔ ۔ ۔ ۔ ۔۔ ۔ ۔ ۔
کالے جادو کی کاٹ پلٹ کے ماہر، نوری اور آتشی علوم کے مالک
دو دم سے برسوں سے روٹھا محبوب آپ کے قدموں میں، ساس کی سانس نکلوانی ہو یا بہو کے بھوت بھگانے ہوں۔۔۔ شوہر کو پّلو کا للو بنانا ہو یا سی ایس ایس کے امتحان میں سو فیصد نمبر لینے ہوں۔۔ باہر کے سفر میں رکاوٹ دور کروانی ہو یا گھر سے آسیب باہر کرنے ہوں یا پرائز بانڈ کا سو فیصد لگنے والا نمبر حاصل کرنا ہو تو پلیز ہم سے رابطہ نا کیجیے گا۔۔۔۔🙏
ہم خود کئی معاملات کی وجہ سے پریشان ہیں۔۔ تہاڈی میربانی۔۔۔
Molvies On Bikes

13/12/2024

مولا خوش رکھے پاکستانی کمپنی کو جس نے پاکستانیوں کی سوچ اور خواہش کو دیکھتے ہوئے ہنر مند ماڈل کے ذریعے برگر #چوپنے اور #کھانے کا فرق ختم کر دیا۔۔۔
Molvies On Bikes

11/12/2024

مجھ کو جنت کی تمنا ہے مگر شرط یہ ہے
میرے ہمراہ میرے دوست بھی سارے جائیں
Molvies On Bikes

08/12/2024

ہماری بائکس کو ہماری بیویاں اپنی #سوتن سمجھتی ہیں اور گھر میں انکے ساتھ سلوک بھی سوتنوں والا ہی ہوتا ہے،
''اسے پھر یہاں کھڑا کر دیا، ابھی تو فرش پر پوچا لگایا تھا۔''
"توبہ ہے آپ کا بس چلے تو آپ اسکو بیڈروم میں ٹھہرا دیں۔"
"بس اسی پر توجہ ہے اور تو جیسے اس گھر میں کوئی ہے ہی نہیں۔"
"اس پٹرول کی بُو نے سر میں درد کر دیا ہے۔''
"سارا سرف اسی پر خرچ کر دینا "
شیمپو سے بھلا کون دھوتا ہے بائک۔۔ توبہ ساری ختم کر دو۔۔"
چھوٹے بچوں کے کپڑے اسی پر سکھانے کے لیے ڈالے جاتے ہیں اور ٹاکی پوچا بھی اکٹر اسی پر رکھا ہوا ہوتا ہے۔۔ اور پوچھو کہ ایسا کیوں ہے تو جواب ملتا ہے
"اور یہ کس کام کی ہے۔۔"
"سارے گھر میں اس کا سامان بکھرا پڑا ہے کوئی ایک جگہ سارے کو دفع کر دیں۔ جو الماری کھولو اسکا کباڑا بھرا پڑا ہے۔"
یہ سب کلمات ہماری بائکس کی شان میں روز کا معمول ہوتا ہے۔۔
ایک دن میری زوجہ میرے پاس عین اُس وقت آئی جب میں بائک کی صاف صفائی کر رہا تھا اور بڑے اپنے سے انداز میں کہنے لگی
''حضرت۔۔۔۔ آپ کو کیا ہوگیا ہے۔۔۔؟ پہلے آپ کہیں بھی ٹور پر جاتے یا کہیں بھی کسی کام کے سلسلے میں جاتے تو کبھی میرے لیے سوٹ لے کے آتے تھے اور کبھی جوتے یا جیولری۔۔ مگر اب آپ جب میں کہیں سے واپس آتے ہیں تو ہاتھ میں اس ''کالی کٹولی'' بائک کے لیے کبھی لائٹس لے کے آرہے ہیں، کبھی شیشے لے کے آرہے ہیں۔ ۔ کبھی کچھ تو کبھی کچھ۔۔
حضرت آپ کو کیا ہوگیا ہے۔ ۔ لگتا ہے آپ کو مجھ سے زیادہ اس بےکار سے پیار ہے۔ ۔ "
تو دوستو۔۔ پھر کیا۔ ۔ اُسی رات محترمہ کو کھانے پر بھی لے گئے، اور شاپنگ بھی کرائی۔ ۔ اور اُنکی شکایت دور کی۔۔۔
کیا کریں بھئی۔۔ آخر گھر میں بھی تو رہنا یے۔ بائک نے بھی اور ہم نے بھی۔۔ 😜😜
#جس جس کا یہی رولا ہے پلیز شیئر کریں۔۔ 😝😝
Molvies On Bikes

05/12/2024

اپنے بائک ٹور پرگوجرانوالہ کے مشہور کے چڑے کھانے کا اتفاق ہوا۔۔ اندرون شہر کی تنگ گلیوں میں مقامی لوگوں سے پوچھتے پچھاتے دہلی گیٹ کے سامنے مامے کا ہوٹل تھا جہاں سیمنٹ کے منہ والا پتھر کے لہجے کا ایک نرا دوکاندار بیٹھا تھا۔۔
غرور سے بھرا گفتگو کا انداز اور ہر بات پر "تہانوں کی پتہ" کا تکیہ کلام استعمال کرنے والا بندہ شروع میں ہی پسند نہیں آیا مگر مشہور سوغات بھی ٹرائی کرنی تھی سو بیٹھ گئے دوکان کے اندر اور دے دیا آڈر ایک پلیٹ چڑے کا مگر دوکاندار باضد تھا کہ آپ ہماری یخنی بھی پئیں، ایک بار پئیں گئے تو گھر تک مخصوص مردانہ حصوں کو ہاتھ میں پکڑے جائیں گے۔۔ اور ساتھ ہی عجیب طریقے سے ہاتھوں سے نازیبہ اشارے بھی کرتا تھا۔۔۔
خیر ہم نے اسکی شہوت سے بھری باتوں کو نظرانداز کیا اور ساری توجہ چڑوں پر ہی مرکوز رکھی ۔۔ تھوڑی دیر میں فرائی چڑے تھے یا پکے ہوئے، آگئے۔۔
سائز دیکھ کر ہی مجھے شک ہوگیا کہ اتنے بڑے بڑے چڑے پہلی بار دیکھ رہے ہیں۔ بٹیر کے سائز کے یہ چڑے کھانے میں تو ٹھیک ہی تھے مگر مجھے ایک تو BIRDS كھانے کا زیادہ شوق نہیں اوپر سے یہ سمجھ میں ہی نہیں آرہے تھے کہ چڑے ہیں بھی یا نہیں کہیں چڑوں کی جگہ لالیاں نہ چھیل موچھ کر رکھ دی ہوں۔۔ خیر جیسے تیسے ایک آدھ چکھا اور چڑوں کو ختم کرنے کی ڈیوٹی شیخ اکرم کی لگائی جس نے الحمدللہ بھرپور مزے لیتے ہوئے پلیٹ صاف کرکے چڑوں کی ہڈیوں سے بھر دی۔۔۔
بل بھی غیرمناسب تھا۔۔ مہنگا۔۔ نان اور سلاد اور دہی کے الگ الگ ریٹ اور وہ بھی کافی زیادہ۔۔ خیر۔۔ پردیسی تھے اور دوکاندار پہلے ہی جلاد کی شکل والا تھا تو زیادہ بحث سے گریز کیا. کپڑے جھاڑے اور باہر نکل آئے۔۔
آپ میں سے جن بھائیوں کو اتفاق ہوا تو اپنا تجربہ شیئر کریں۔۔
Molvies On Bikes

29/11/2024

ہمارے جیسے لوگوں سے لوگ اپنے بچوں کو دور رہنے کی تلقین کرتے ہیں۔۔
بیویاں اپنے شوہروں کا ہمارے ساتھ بیٹھنا بلکل پسند نہیں کرتیں۔۔۔
والدین اپنی اولادوں کو ہماری مثالیں دے کر سمجھاتے ہیں کہ پڑھ لو ورنہ ساری زندگی ان کی طرح نکمے پھرو گے۔۔۔
کاروباری لوگ اکثر ہم پر ہنستے ہوئے طرح طرح کے جملے کستے رہتے ہیں کہ وقت ضائع کر رہے ہیں مستقبل سے بےزار لوگ اور کیا کر سکتے ہیں۔۔
مولوی ہمیں گھر سے فالتو سمجھتے ہیں۔۔ نہ دین کے نہ دنیا کے۔۔۔
اور ہم ان سب مہربانوں کو بس ایک بات کہتے ہیں۔۔۔۔
اپنی اپنی سوچ کے کنویں میں صدیوں سے تیرتے۔۔۔
آپ لوگ نہیں سمجھیں گے۔۔۔ آپ کو پتہ ہی نہیں ہے۔۔۔۔۔۔
Molvies On Bikes

28/11/2024

ماشاءاللہ سردیاں آگئی ہیں اور ٹور کی پلاننگ بھی سٹارٹ ہوگئی ہے اور اسی لیے بھائی مولوی محمد علی قریشی نے اپنے دولت خانے پر دوستوں کے گلدستے کو جمع کیا اور سردیوں کی مناسبت سے ہی کی دعوت کا اہتمام کیا تاکہ سرد سرد موسم میں گرم گرم ماحول ہوجائے۔۔
اللہ تعالٰی ہمارے بھائی کے جان و مال میں برکت عطا فرمائے۔۔ اور ہمارے سردیوں کے ٹور کی تیاری بھی جلدی فرمائے۔۔ آمین۔۔
ویسے دوستو۔۔ مشورہ تو دیں کہ کدھر کو منہ کریں؟
Molvies On Bikes

19/11/2024

یہ ہے میری بائک نمبر 5۔۔ شہزادی ، ٹورنگ مشین، ہردلعزیز اور بائیکرز کی اولین ترجیح ، دی ون اینڈ اولنی SUZUKI GS 150 ۔۔ کیا ہی بہترین مشین ہے۔۔ بھروسے مند اور پورے کام کی۔۔ ۔ ہارڈکور اور ہر جگہ جانے والی۔۔ ایفورڈایبل بجٹ میں اس سے بہتر مشین ملنا مشکل ہے۔۔
آپ کے پاس کونسی بائک ہے اور آپ اس پر کہاں کہاں جاچکے ہو ؟
Molvies On Bikes

18/11/2024

یہ ہے میری بائک نمبر 4.. HONDA C70 کلاسک۔۔ کیا بہترین مشین ہے۔۔ چوہا ٹینکی، مچھلی والا سائیلنسر ۔۔ میری بائک پر میٹر اور لائٹ تبدیل ہے مگر اصل میں اسکی گول لائٹ اور اس کے اوپر فکس میٹر کیا ہی کمال کی لک دیتا ہے۔۔ بہترین فیول ایوریج کے ساتھ۔۔ الحمدللہ۔۔
سرکاری اساتذہ کے پاس اکثر یہ موٹرسائیکل ہوا کرتی تھی۔۔
آپ کے پاس کونسی کلاسک بائک ہے جو عام طور پر لوگوں کے پاس نہ ہو۔۔ ؟
Molvies On Bikes

17/11/2024

میری بائک نمبر 3۔۔ VESPA PIAGGO SUPER 1988
کیا کمال کی بائک ہے VESPA کلاسک اور پاورفل۔۔ شریف اور نوکری پیشہ لوگوں کی سواری مانی جانے والی یہ مشین ہردلعزیز رہی ہے۔۔
خراد مشین کے مستری لوگوں اور موٹر سائیکل مکینک لوگوں کی واحد پسند ہوا کرتی تھی۔۔ لوگ اسکو موٹرسائیکل کم اور کار اور جیپ سے زیادہ ملاتے تھے کیونکہ اس میں جو سٹیپنی کی سہولت موجود ہوتی تھی۔۔
آپ کے پاس کونسی کلاسک مشین ہے؟ زیارت کروائیں۔۔ ❤️
Molvies On Bikes

16/11/2024

یہ ہے میری HONDA C50 کلاسک۔۔ کیا بہترین مشین ہے۔۔ تین گیر کلچ کے بغیر۔۔ تین لیٹر پٹرول ٹینک جوکہ سیٹ کے نیچے ہے۔۔ الحمدللہ۔۔
آپ کے پاس کونسی کلاسک بائک ہے جو عام طور پر لوگوں کے پاس نہ ہو۔۔ ؟
Molvies On Bikes

15/11/2024

؟
پرانے وقتوں میں گدھا انسان کا بہترین ساتھی ہوتا تھا۔۔ اسکا بوجھ اٹھانے اور کھیتوں اور چکیوں میں اسکا ہاتھ بٹاتا تھا اور قریب اور دور کی مسافتوں کو طے کرنے کے لیے اسکی سواری کے طور پر بھی اپنی ذمہ داریاں نبھاتا تھا۔۔
اج کال یہی کام موٹرسائیکل سے لیا جاتے ہیں اور زمانہ حاضر میں انسان کا بہترین دوست موٹرسائیکل ہے۔۔ اسکی ایجاد سے انسان کی زندگی میں انقلاب برپا ہوگیا ہے۔۔ سواری اور مال برداری سے لے کر اب تو طرح طرح کی کھیتیوں میں بھی اس سے مختلف کام لیے جاتے ہیں۔۔
تو آپ دوست اپنی سواری کی تصویر لگائیں اور بتائیں آپ کے پاس کونسی موٹرسائیکل ہے اور وہ کیوں ہے آپ کے پاس۔۔۔؟
Molvies On Bikes

Address

Bike Gallery Near Motorcycle Market Indus Highway
Jampur
33000

Telephone

+923336458420

Website

https://www.youtube.com/c/MolviesonBikes

Alerts

Be the first to know and let us send you an email when Molvies On Bikes posts news and promotions. Your email address will not be used for any other purpose, and you can unsubscribe at any time.

Videos

#ابرار_حسن_ویلکم_ان_جامپور ایک سال مین تقریبا 2 ہزار مرتبہ ابرار بھائی کو جامپور آنے کی دعوت دی اور کمال کی بات یہ ہے کہ ابرار بھائی نے ایک مرتبہ بھی الجھن اور ناگواری کا اظہار نہیں کی اور نہ ہی ایک غیر معروف شہر کی دعوت دینے پر حیرت اور تعجب ظاہر کیا۔۔ اابرار بھائی اور میرا ذہن قریب قریب ملتا جلتا ہے، ٹورننگ کے لحاظ سے بھی اور اپروچ انکی سے میں بہت زیادہ متاثر ہوں۔ وہ جب جب کسی ملک کے ٹور پر ہوتے تھے تو میں اس ملک کے ٹائم کے اعتبار سے جب آرام کا وقت ہوتا تو ان سے بات کرتا اور وہ بڑے مزے مزے سے سارے دن کا حال دیتے اور اگلے دن کے بارے میں بھی معلومات دیتے۔۔ ابرار بہت ہی زیادہ سادہ اور بھلا آدمی ہے۔۔ یاروں کو یار اور اپنے تمام چاہنے والوں سے بہت زیادہ محبت اور احترام کرنے والا دوست۔۔ ابرار کا جامپور آنا ہمارے لیے زندگی کے بہترین دنوں میں سے ایک رہا۔۔ امید ہے ابرار بھائی کو اللہ تعالٰی مزید سرفرازی سے نوازیں گے۔۔ انشاءاللہ جیو میرے دوست۔۔ جیو میرے ہیرو۔۔ ❤️ WildLens by Abrar Molvies On Bikes

SHADI K BAD Friend 🤣🤣🤣 #bike ##bikelife ##bikelifefamily #Adventure #reelstrending #viralvideoシ #viralvideochallenge #viralreelschallenge #molviesonbikes

#پنجرہ_توڑنا_آسان_نہیں_تھا_تالے_لگے_ہوئے_تھے ابا کی بیماری سے لے کر اس دنیا سے چلے جانے تک ایک عجیب ذہنی اور معاشرتی صورتحال سے گزرا ہوں۔۔۔ میں کہتا ہوں کہ #عورت کی زندگی کا سب سے بڑا حادثہ اس کے شوہر کا گزر جانا ہے اور #مرد کی زندگی کا سب سے بڑا سانحہ اسکے #باپ کا گزر جانا ہے۔۔۔۔ Molvies On Bikes

Aerial View of #Quetta_Balochista 😳 #Pakistan #pakistancricket #aerialview #viralvideoシ #trendingvideo

#ایک_حسین_تجربے_کے_نتائج اس ویڈیو میں موجود شخص کو اس کے دوستوں نے اس كو شہر کی رش بھری مصروف زندگی سے اس حالت میں نکالا جب وہ اپنے عروج پر مصروفیت میں مشغول تھا اور اس کے پاس کسی چیز کے لیے وقت نہیں تھا۔۔ جب وہ اس کو نکالنے آئے تو اس کی آنکھوں پر پٹی باندھی اور شرط یہ رکھی کہ وہ کسی صورت اس کو نہیں اتارے گا۔ سفر کے دوران کھانے پینے اور دوسری حاجتوں کے لیے وہ اسکا ساتھ دیتے رہے۔۔ دوران سفر دوست بھی اس بات کا بھرپور خیال رکھتے کہ اسکی آنکھوں کی پٹی نہ اترے بھلے ہی وہ جاگ رہا ہو یا سو رہا ہو۔۔۔ چار دن بعد وہ اسکو ایک مقام پر کیمرے کے آگے چھوڑ کر کچھ دیر کے لیے گم ہوگئے اور اس کو بتایا کہ وہ کچھ دیر بعد اپنی پٹی اتار سکتا ہے۔۔۔ جب اس شخص نے اپنی آنکھوں کی پٹی اتاری تو اسکے جزبات اور احساسات آپ ملاحظہ فرمائیں۔۔۔ اور سوچیں۔۔۔۔ ہم۔۔۔ کتنا کچھ اپنی مصروفیات میں MISS کر رہے ہیں۔۔ مینشن کریں ایسے دوستوں کو جنکو اس طرح کے علاج کی ضرورت ہے۔۔ Molvies On Bikes

TIME TO LEAVE PLANET EARTH #reelsviralシ #funnyvideosdaily #viralshorts

شیطان چاند رات کو ۔۔ 🤣

#قلندرے_دا_بریکاں_نال_رشتہ_بہت_گھٹ_اے

#جگاڑ_کے_بادشاہ_الباکستانی حیرانی ہے کہ یہ ملک معاشی پریشانی کا شکار کیوں ہے۔۔🤣 Molvies On Bikes CHAH Chubara JMP

شکریہ میرے پیارے دوست۔۔ ملتان کے سلطان ۔۔ آپ کی محبتوں کے مقروض۔۔ چاہ چوبارہ جامپور اپنے دوستوں کے اعتماد پر انکا شکرگزار ہے۔۔ بلاشبہ آپ کا اعتماد ہی ہمارا معیار ہے۔۔ CHAH Chubara JMP Molvies On Bikes

آج میرے درد کی شدت کو کم کیجئے نام چائے کا لے کر مجھ پر دم کیجئے Molvies On Bikes

WOH DIL nahi. . . . . .