14/01/2025
🇸🇦
مدینہ منوّرہ مسجد نبوی شریف 'ریاضُ الجّنّه' میں نماز ادا کرنے کے لیے سعودی حکومت نے "نسک" (Nusuk) ایپ کے ذریعے پیشگی اجازت نامہ حاصل کرنا لازمی قرار دیا ہے۔ یہ ایپ عمرہ، حج، اور مسجد نبوی ﷺ سے متعلق خدمات کے لیے استعمال ہوتی ہے۔
ریاض الجنہ,مسجد نبوی ﷺ کے اندر واقع ایک مقدس اور اہم جگہ ہے، جو نبی کریم ﷺ کے منبر اور آپ ﷺ کے حجرے (جو اب روضہ مبارک ہے) کے درمیان واقع ہے۔ یہ جگہ انتہائی فضیلت کی حامل ہے اور احادیث میں اسے جنت کے باغات میں سے ایک باغ قرار دیا گیا ہے۔
رسول اللّٰه ﷺ نے فرمایا: "ما بین بیتی و منبری روضة من ریاض الجنة"
(میرے گھر اور منبر کے درمیان کی جگہ جنت کے باغوں میں سے ایک باغ ہے)۔
(صحیح بخاری و صحیح مسلم)
خصوصیات:
1. فضیلت: یہاں دعا قبول ہونے کے امکانات زیادہ ہیں، اور یہ اللہ کی قربت کا خاص مقام سمجھا جاتا ہے۔
2. علامت: ریاض الجنہ, کو سفید اور سبز قالین سے پہچانا جاتا ہے۔
3. عبادت: لوگ یہاں نماز ادا کرنے اور دعا کرنے کے لیے جمع ہوتے ہیں، کیونکہ یہ جگہ روحانی سکون اور برکت کا مرکز ہے۔
اہمیت:
ریاض الجنہ, میں عبادت کرنے کو بہت بڑی سعادت سمجھا جاتا ہے، اور زائرین کی کوشش ہوتی ہے کہ وہ وہاں کچھ وقت گزاریں اور دعائیں کریں۔
' نُسک ایپ ' پر رجسٹریشن اور 'ریاضُ الجنہ' کیلیے پرمٹ حاصل کرنے کا مکمل طریقہ:
1. ایپ ڈاؤنلوڈ کریں:
اگر آپ اینڈرائیڈ استعمال کرتے ہیں تو گوگل پلے اسٹور سے "Nusuk" ایپ انسٹال کریں۔
° آئی فون صارفین ایپ اسٹور سے "Nusuk" ایپ انسٹال کریں۔
2. زبان کا انتخاب:
ایپ کھولنے پر اپنی مطلوبہ زبان منتخب کریں۔
3. نیا صارف بنیں:
"نیا صارف" (New User) کے بٹن پر کلک کریں۔
4. اپنی حیثیت منتخب کریں:
اگر آپ سعودی شہری ہیں تو "شہری" (Citizen) منتخب کریں۔
خلیجی ممالک کے شہری "خلیجی" (Gulf) منتخب کریں۔
° دیگر زائرین "وزیٹر" (Visitor) کا انتخاب کریں۔
5. تفصیلات فراہم کریں:
نام، پاسپورٹ نمبر، ویزہ نمبر، تاریخ پیدائش، قومیت، موبائل نمبر، اور ای میل ایڈریس درج کریں۔
ایک مضبوط پاس ورڈ بنائیں اور اسے یاد رکھیں۔
6. رجسٹریشن مکمل کریں:
درج کردہ معلومات کی تصدیق کریں اور "رجسٹر" بٹن پر کلک کریں۔
آپ کے ای میل پر موصول ہونے والے تصدیقی کوڈ کے ذریعے اکاؤنٹ کی تصدیق کریں۔
'ریاضُ الجنّہ' کے لیے اجازت نامہ حاصل کرنے کا طریقہ:
1. ایپ میں لاگ ان کریں:
اپنے اکاؤنٹ کی تفصیلات استعمال کرتے ہوئے نسک ایپ میں لاگ ان کریں۔
2. 'مسجد نبوی شریف' خدمات منتخب کریں:
"مسجد نبوی خدمات" (Prophet’s Mosque Services) کے سیکشن میں جائیں۔
مرد حضرات "نوبل روضہ میں نماز - مرد" (Praying in the Noble Rawdah – Men) اور خواتین "نوبل روضہ میں نماز - خواتین" (Praying in the Noble Rawdah – Women) کا انتخاب کریں۔
3. وقت اور تاریخ کا انتخاب:
دستیاب تاریخوں اور اوقات کی فہرست میں سے اپنی سہولت کے مطابق انتخاب کریں۔
° نوٹ کریں کہ مردوں کے لیے اوقات عام طور پر 2:30 صبح سے فجر تک اور 11:30 صبح سے عشاء تک ہوتے ہیں، جبکہ خواتین کے لیے عشاء کے بعد سے 11:30 بجے رات تک اور فجر کے بعد کے اوقات مخصوص ہیں۔
4. اجازت نامہ حاصل کریں:
منتخب کردہ وقت کی تصدیق کریں اور "اجازت نامہ حاصل کریں" (Get Permit) کے بٹن پر کلک کریں۔
اجازت نامہ ایپ میں محفوظ ہو جائے گا؛ اس کا اسکرین شاٹ بھی لے لیں تاکہ ضرورت پڑنے پر دکھا سکیں۔
5. مسجد نبوی شریف میں آمد:
مقررہ وقت سے کم از کم 30 منٹ پہلے مسجد نبوی شریف پہنچیں۔
اجازت نامہ اور شناختی دستاویزات اپنے ساتھ رکھیں۔
6. اجازت نامہ کی تصدیق:
مسجد نبوی شریف کے داخلی دروازے پر موجود عملے کو اپنا اجازت نامہ دکھائیں۔
یقینی بنائیں کہ آپ کے موبائل کی بیٹری 🔋 چارجڈ ہے اور آپ کے پاس انٹرنیٹ بھی دستیاب ہے۔ تاکہ اجازت نامہ دکھانے میں کوئی دقت نہ ہو۔
7. ریاض الجنۃ میں داخلہ:
اجازت نامہ کی تصدیق کے بعد آپ کو 'ریاضُ الجنۃ' میں داخل ہونے کی اجازت ملے گی۔ 'ریاضُ الجنہ' کے اندر داخل ہو کر نماز ادا کریں اور دعا کریں۔
اہم ہدایات:
اجازت نامہ حاصل کرنے کے بعد مقررہ وقت کی پابندی کریں؛ تاخیر کی صورت میں دوبارہ اجازت نامہ حاصل کرنا بہت مشکل ہو سکتا ہے۔
° اجازت نامہ حاصل کرنے کے بعد 1 سال تک دوبارہ درخواست نہیں دی جا سکتی، اس لیے وقت کا انتخاب سوچ سمجھ کر کریں۔
خواتین اور مردوں کے لیے اوقات مختلف ہیں؛ اس کا خیال رکھیں۔
مزید مدد کے لیے، آپ نیچے درج 3 لِنکس میں موجود ویڈیوز سے بھی رہنمائی حاصل کر سکتے ہیں۔
نوٹ: بقیع قبرستان' مسجد النبوی الشریف کے مشرقی سمت میں واقع ہے۔ باب السلام سے داخل ہو کر روضہ اقدس پر سلام پیش کرنے کے بعد جس راستے سے باہر نکلتے ہیں بالکل سامنے چند میٹرز کے فاصلے پر جنّت البقیع ہے۔ اس مبارک قبرستان میں سیدہ فاطمۃ الزھراء علیہ السلام اور کئی اہلِ بیت اطہار و اصحاب رسول ﷺ کے روضے ہیں یہ نماز فجر, و عصر کے بعد سلام پیش کرنے کیلیے کھولا جاتا ہے۔
