Xploregb.offcial

16/12/2022

چترال میں امریکن شہری نے کشمیر مارخور کا ٹرافی شکار کیا، جس کیلیے انھوں نے محکمہ جنگلی حیات خیبرپختونخوا سےایک لاکھ پانچ ہزار امریکن ڈالر میں پرمٹ حاصل کیا تھا ، ٹرافی ہنٹنگ کے سینگوں کا سائز 45 انچ ہے۔

امریکن شہری نے چترال شہر کے نواحی گاوں شاشا کنزروینسی میں 9 سالہ مارخور کا ٹرافی شکار کیا ہے ، جواس سال کا پہلا شکار تھا، جس کی سینگوں کا سائز 45 انچ تھا۔

امریکن شکاری مسٹر کلیمپر ٹوڈکیون ( Klimper Todd Kevin ) نے اس ٹرافی ہنٹنگ کیلیے ایک لاکھ پانچ ہزار امریکن ڈالر (دو کروڑ پینتالیس لاکھ ستر ہزار روپے پاکستانی) کے عوض محکمہ جنگلی حیات خیبرپختونخوا سے پرمٹ حاصل کیا تھا۔

14/12/2022

Old is gold...❤
Traditional items of baltistan...🥰🥰

14/12/2022

ہوشے
گلگت بلتستان ضلع گانچھے کے گاؤں ہوشے میں سیزان کی پہلی کامیاب ٹرافی ہنٹنگ کی گئی۔سپین سے تعلق رکھنے والے Edvardo Crespo نے 41 انچ والے ایک ہمالین ماخور کا شکار کرلیا ہے۔

16/10/2022

American vloger

15/10/2022

12/10/2022

10/10/2022

25/09/2022

Shedule for Sarfaranga cold Desert jeep Rally Skardu.

25/09/2022

Skardu cold desert..... Sarfa ranga jeep rally...
Off road racing.... Desert racing.... Trail bike racing... Booking available now

25/07/2022

Gilgit baltistan. Pakistan

25/07/2022

Camping near sarfaranga cold desert skardu.

25/07/2022

Deosai plan. Skardu Baltistan.

24/07/2022

Plan tour to skardu

21/07/2022

Xploregb Travel & Tours

16/07/2022

Salajeet in original form.
From the mountains of Himalayas and Karakuram

14/07/2022

Apricot season .

14/07/2022

Let's travel with us - xploregb.com

28/06/2022

Travel with us to XploreGB.
Hidden beauty of Nature.
The Heaven on Earth.
The north of Pakistan.

27/06/2022

For tour and travel to skardu baltistan.
Call/wtsapp 03555989121 , 03453504121

21/06/2022

21/06/2022

Skardu.
Gilgit Baltistan.

20/06/2022

خپلو سیر کو آنے والے مہمانوں سے درخواست ہے کہ وہ کم سے کم 2 دن خپلو میں قیام ضرور کریں- سیر کا مطلب یہ نہیں کہ سوشل میڈیا پر دیکھی ہوئی چند جگہوں کو ہاتھ لگا کر واپس آئے، خپلو بہت ہی خوبصورت اور وسیع علاقہ ہے جبکہ 90 فیصد عوام صرف خپلو فورٹ، چخچن مسجد دیکھ کر واپس چلے جاتے ہیں، 3 گھنٹے سفر کر کے یہی کچھ دیکھ کر واپس جانا ہے تو میں یہی کہوں گا کہ آپ خپلو نا ہی جائیں، خپلو کی اصل خوبصورتی ھے
سیاچن کے خوبصورت پھاڑ
ہوشے ویلی
تھلے ویلی
مشہ بروم
کوند س گرم چشمہ
سیلیں میڈو
کھرفق جھیل
وغیرہ

04/06/2022

🍒🍒 season👌👌👌

07/05/2022

جو بھی دوست احباب #دیوسائی جانے کے خواہشمند ہے دیوسائی جانا چاہتا ہے اور جن دوستوں نے بھی عید کے بعد دیوسائی جانے کا پروگرام بنایا ہوا ہے وہ اس چھوٹی سی تحریر کو پڑھ لیجئے شاید کچھ مدد مل جائے۔۔

سطح سمندر سے 13،500 فٹ اونچائی پر واقع ہے۔
پارک 3000 مربع کلومیٹر پر پھیلا ہوا ہے۔
نومبر سے مئی تک پارک برف سے ڈھکا رہتا ہے۔
بہار کے موسم میں پارک پھولوں اور کئی اقسام کی تتلیوں کے ساتھ ایک منفرد نظارہ پیش کرتا ہے۔

دنیا کی بلند ترین سطح مرتفع۔
نایاب بھورے ریچھوں کا مسکن پاکستان کو سیاحوں کی جنت کہا جاتا ہے۔
یہاں کے شمالی علاقہ جات اپنی خوبصور تی اور رعنائی میں لاثانی ہیں۔
یہاں دنیا کی بلند ترین چوٹیوں اور وسیع ترین گلیشئیر کے علاوہ دنیا کا بلند ترین اور وسیع ترین سطح مرتفع دیوسائی بھی موجود ہے۔
دیوسائی کی خاص بات یہاں پائے جانے والے نایاب بھورے ریچھ ہیں اس نوع کے ریچھ دنیا میں کہیں اور نہیں پائے جاتے۔
یہاں بھی یہ معدومیت کا شکار ہیں۔
دیوسائی سطح سمندر سے اوسطاً 13500َفٹ بلند ہے اس کی بلند ترین چوٹی شتونگ ہے جو 16000فٹ بلند ہے۔ دیوسائی کا کل رقبہ 3000 مربع کلو میٹر ہے۔
سال کے آٹھ تا نو مہینے دیوسائی مکمل طور پر برف میں ڈھکا رہتا ہے۔
یہاں تیس فٹ تک برف پڑتی ہے اس دوران پاک فوج کے ہیلی کاپٹر تک اس کے اوپر سے نہیں گذرتے۔
یہی برف جب پگھلتی ہے تو دریائے سندھ کے کل پانی کا 5 فی صد حصہ ہوتی ہے۔
ان پانیوں کو محفوظ کرنے کے لئے صد پارہ جھیل پر ایک بند زیر تعمیر ہے۔

گلگت بلتستان میں بولی جانے والی شینا زبان میں دیوسائی کا مطلب دیو کی سرزمین ہے ، کیوں کہ ایک روایت کے مطابق دیوسایہ نامی ایک دیو کا یہ مسکن ہے اسی نسبت سے اسے دیوسائی کہتے ہیں ۔
جبکہ بلتی زبان میں اسے یہاں کثیر تعداد میں موجود پھولوں کی وجہ سے بھئیر سر یعنی پھولوں کی سرزمین کہا جاتا ہے۔

دیوسائی پہنچنے کے دو راستے ہیں ایک راستہ #اسکردو سے ہے اور دوسرا #استور سے۔
اسکردو سے دیوسائی 35 کلو میٹر کے فاصلے پر ہے اور جیپ کے ذریعے دو گھنٹے میں صد پارہ جھیل اور صد پارہ گاؤں کے راستے دیوسائی پہنچا جا سکتا ہے۔
اسکردو جانے کے لئے اسلا م آباد سے روزانہ جہاز جاتا ہے جو محض 40 منٹ میں اسکردو پہنچا دیتا ہے مگر فلائیٹ موسم کے مرہون منت ہوتی ہے جو کم ہی مائل بہ کرم ہوتا ہے۔
اسی لئے سیاح عموماً زمینی راستے سے اسکردو جانا پسند کرتے ہیں یہ راستہ دنیا کے آٹھویں عجوبے 774 کلو میٹر طویل پر راولپنڈی سے ایبٹ آباد، مانسہرہ، بشام، چلاس سے ہوتا ہوا بونجی کے مقام پر شاہراہ اسکردو سے جا ملتا ہے یہ راستہ تقریباً 24 گھنٹے میں طے ہوتا ہے مگر راستے کی خوبصورتی تھکن کا احساس نہیں ہونے دیتی۔
دوسرے راستے سے دیوسائی پہنچنے کے لئے راولپنڈی کے پیر ودہائی اڈے سے استور جانے والی کوچ میں سوار ہوجائیں یہ کوچ تالیچی کے مقام سے شاہراہ قراقرم چھوڑ کر استور روڈ پر آجاتی ہے اور مزید 45 کلو میٹر کے بعد استور آجاتا ہے۔
یہ سفر تقریباً 22 گھنٹے میں طے ہوتا ہے۔
استور سطح سمندر سے 3200میٹر بلند ایک تاریخی شہر ہے۔
تقسیم سے پہلے قافلے سری نگر سے گلگت جانے کے لئے اسی شہر سے گذرتے تھے۔
یہاں رہائش کے لئے مناسب ہوٹل اور ایک مختصر سا بازار بھی ہے جہاں بنیادی ضرورت کی چیزیں مل جاتی ہیں۔
رات قیام کے بعد آگے کا سفر جیپ میں طے ہوگا جو استور میں بآسانی دستیاب ہیں۔
جیپ استور سے نکلتی ہے تو اس کے ساتھ ساتھ دیوسائی کی بلندیوں سے آنے والا دریا ہوتا ہے۔
یہ دریا مختلف مقامات پر اپنا رنگ تبدیل کرتا ہوا محسوس ہوتا ہے۔
پکورہ گاؤں کے مقام پر یہ شفاف چمکتا ہوا نظر آتا ہے پھر اس کا رنگ نیلا ہوجاتا ہے۔
مزید آگے گدئی کا گاؤں ہے جہاں سے ایک رستہ بوبن کی طرف جاتا نظر آتا ہے جو ایک خوبصورت سیا حتی مقام ہے۔ دو گھنٹے کے سفر کے بعد چلم چوکی آتی ہے ۔
یہ ایک مختصر سا گاؤں ہے جہاں کچھ دکانیں اور ایک ہوٹل ہے یہاں زیادہ تر فوجی جوان نظر آتے ہیں کیوں کہ یہیں سے ایک رستہ کارگل کی طرف نکلتا ہے۔
مزید پندرہ منٹ کے سفر کے بعد ہمالین وائلڈ لائف کی چیک پوسٹ آتی ہے یہاں سے دیوسائی کے حدود شروع ہوتی ہیں۔ چیک پوسٹ پر 20 روپے فی کس کے حساب سے فیس دینی پڑتی ہے جو دیوسائی میں جانوروں کے بقا کے لئے استعمال ہوتی ہے۔
دیوسائی کو 1993میں نیشنل پارک کا درجہ دیا گیا جس کی رو سے یہاں شکار پر مکمل پابندی ہے تاکہ یہاں پائے جانے والے جانوروں خصوصاً بھورے ریچھ کا تحفظ کیا جا سکے۔اس وقت دیوسائی میں محض 30 ریچھ موجود ہیں کبھی یہاں سیکڑوں کی تعداد میں ریچھ گھوما کرتے تھے مگر انسانی لالچ نے اس خوبصورت اور پاکستان کے سب سے بڑے ہمہ خور جانور ( گوشت و سبزی خور) کا شکار کر کے معدومیت سے دوچار کردیا۔
یہ ریچھ سال کے چھہ مہینے سردیوں میں نومبر تا اپریل غاروں میں سوتا رہتا ہے اس دوران اس کے جسم کی چربی پگھل کر اسے توانائی فراہم کرتی ہے۔
جب برفیں پگھلتی ہیں تو یہ اپنے غار سے نکلتا ہے۔
ریچھ کے علاوہ یہاں مارموٹ (خرگوش کی ایک نسل) تبتی بھیڑیا ،لال لومڑی، ہمالین آئی بیکس، اڑیال اور برفانی چیتے کے علاوہ ہجرتی پرندے جن میں گولڈن ایگل، داڑھی والا عقاب اور فیلکن قابل ذکر ہیں پائے جاتے ہیں۔
اس کے علاوہ یہاں تقریباً 150 اقسام کے قیمتی اور نایاب جڑی بوٹیاں بھی پائی جاتی ہیں، جن میں سے محض 10 تا 15 مقامی لوگ مختلف بیماریوں کے لئے استعمال کرتے ہیں۔

چیک پوسٹ سے آگے دیوسائی کا اصل حسن آشکار ہو تا ہے۔سرسبز ڈھلوان اور ان کے پس منظر میں، چرتے ہوئے خوبصورت یاک اور لمبے بال والے بکرے بہت خوبصورت نظر آتے ہیں۔
دیوسائی کے وسیع میدان پر ایک نظر ڈالیں تو طرح طرح کے رنگین پھول اور ان میں اکثر مقام پر اپنے پچھلی ٹانگوں پر کھڑے اور بازوؤں کو سینے پر باندھے مارموٹ آپ کا استقبال کرتے محسوس ہوتے ہیں مگر جیسے ہی جیپ ان کے نزدیک پہنچتی ہے یہ اپنے بلوں میں گھس جاتے ہیں۔
دیوسائی چاروں طرف سے چھوٹی چھوٹی برف پوش پہاڑیوں سے گھرا ہوا ہے جب ان پر سورج کی روشنی پڑتی ہے تو ان کی چمک سے یہ پہاڑ سونے کے نظر آتے ہیں، مگر یہ پہاڑیاں ہرگز چھوٹی نہیں ہیں ان کی بلندی سترہ اٹھارہ ہزار فٹ تک ہے لیکن 12 ہزار فٹ کی بلندی سے یہ محض چھوٹی پہاڑیاں محسوس ہوتی ہیں۔
پورے دیوسائی میں بلندی کے باعث ایک بھی درخت نہیں ہے اس لئے پرندے اپنا گھونسلا زمین پر ہی بناتے ہیں ۔
کچھ ہی دیر میں دیوسائی کا بلند ترین مقام چھچھور پاس آتا ہے چھچھور پاس کی بلندی سے نیچے نظر دوڑائیں تو گھاس کا ایک وسیع میدان نظر آئے گا جس کے بیچوں بیچ ایک خوبصورت دریا بل کھاتا ہوا گزر رہا ہے اور میدان کے آخر میں سرسبز ڈھلوان اور ڈھلوان کے بعد برف پوش چوٹیاں۔
اس خوبصورت منظر اور میدان کی وسعت شہری سیاح منہ کھولے حیرت سے دیکھتا ہے یہ منظر اس کے لئے قدرت کا ایک تحفہ ہے۔
یہ ایک بہترین کیمپ سائٹ بھی ہے۔
یہاں سے سفر اترائی کا ہے ، اترائی کے دوران ہی دور کچھ نیلاہٹ نظر آتی ہے یہ دیوسائی کی واحد جھیل شیوسر ہے، 12677 فٹ بلند یہ جھیل دنیا کی بلند ترین جھیلوں میں ایک ہے۔
اس جھیل کی خاص بات یہ ہے کہ اس کی سطح ہمیشہ یکساں رہتی ہے اس میں پانی نا کہیں سے داخل ہوتا ہے نا خارج اس لئے مقامی لوگ اسے اندھی جھیل کہتے ہیں۔
اس جھیل میں ٹراؤٹ اور سنوکارپ مچھلی بڑی تعداد میں پائی جاتی ہے۔
اس کا ساحل ایک کیمپ سائٹ ہے۔

اسکردو کے باسی چھٹی والے دن بڑی تعداد میں یہاں پکنک منانے جاتے ہیں۔
جھیل کا پانی یخ بستہ اور اس قدر شفاف ہے کہ اس کے نیچے موجود رنگ برنگے پتھر اور ٹراؤٹ صاف نظر آتے ہیں اورخوبصورت منظر پیش کرتے ہیں۔
جھیل کا پانی جب کناروں سے ٹکراتا ہے تو جلترنگ کی آواز پیدا کرتا ہے۔
اس آواز اور منظر سے سیاح مسحور ہو جاتا ہے اور اس کا دل اس منظر کو چھوڑ کر آگے جانے سے انکار کردیتا ہے مگر وہ سیاح ہی نہیں جو کسی ایک مقام پر ٹہر جائے ۔
اسلام آباد سے گلگت جانے والی فلائٹ سے بھی یہ جھیل نظر آتی ہے۔
مسافروں اور پائلٹ کے مطابق بعض ذاویوں سے یہ جھیل اپنی شفافیت کی وجہ سے بالکل خالی نظر آتی ہے۔
شیوسر جھیل سے کچھ فاصلے پر جیپ کالا پانی نامی دریا کو عبور کرتی ہے۔
دریا کی تہہ میں موجود کالے پتھروں کی وجہ سے یہ دریا کالا پانی کہلاتا ہے۔
یہاں جیپ میں موجود لوگ دعا کرتے ہیں کہ دریا عبور کرتے ہوئے جیپ بند نا ہوجائے ورنہ اس یخ بستہ پانی میں اتر کر جیپ کو دھکا لگانے کے تصور سے ہی خون رگوں میں منجمد ہونا شروع ہو جاتا ہے۔

عموماً کچھ جدوجہد کے بعد ڈرائیور کی مہارت اور اللہ کی مدد سے جیپ دریا سے نکل جاتی ہے۔
ہماری اگلی منزل بڑا پانی ہے جو دیوسائی کا سب سے بڑا دریا ہے۔
یہی اس کے نام کی وجہ بھی ہے۔
یہاں دیوسائی کا واحد پل بھی ہے۔
یہ پل لوہے کے تاروں اور لکڑی کے تختوں سے بنا ہوا ہے۔
ہر سال برف باری کے دوران یہ پل ٹوٹ جاتا ہے جسے دوبارہ بنایا جاتا ہے۔
پل عبور کرتے ہی ایک بورڈ نظر آتا ہے ہمالین وائیلڈلائف پراجیکٹ۔ دیوسائی نیشنل پارک۔ ممنوعہ علاقہ۔ یہاں بھورے ریچھوں پر تحقیق ہورہی ہے ساتھ ہی ان کے کیمپ لگے ہیں، یہاں وائلڈ لائف کے نمائندوں سے ہماری ملاقات ہوئی اور دیوسائی میں موجود جنگلی حیاتیات خصوصاً بھورے ریچھوں کے متعلق کافی معلومات حاصل ہوئیں۔
ان لوگوں نے سیاحوں کے لئے یہاں ایک ٹوائلٹ بھی بنایا ہے ساتھ ہی ایک چشمے کا ٹھنڈا پانی بہتا ہے، ان ہی سہولیات کی وجہ سے سب سے زیادہ کیمپنگ اسی مقام پر ہوتی ہے۔دیوسائی میں کیمپنگ کے حوالے سے یہ بات یاد رکھیں کہ یہاں پہ کچھ میسر نہیں ہے مکمل تیاری کے ساتھ جائیں۔
ٹن پیک کھانے اور کچا راشن لے کر جائیں، کھانا پکانے کے لئے لکڑی یا چولھا مع ایندھن اور رہنے کے لئے مضبوط واٹر پروف خیمے لے کر جائیں۔
رات کو روشنی کے لئے لالٹین اور ٹارچ مع اضافی بیٹریاں رکھیں۔
یہاں کافی مقدار میں اور کافی صحت مند مچھر بھی پائے جاتے ہیں اس لئے مچھر کو بھگانے والی کوئی دوا استعمال کریں۔
یہاں کا موسم گرگٹ کی طرح رنگ بدلتا ہے، ابھی سخت ترین دھوپ چہرے جھلسا رہی ہوگی تو اگلے لمحے بارش یا پھر برف باری بھی ہوسکتی ہے۔
جی ہاں یہاں گرمیوں میں بھی برف باری ہوتی ہے۔
رات بہت سرد ہوتی ہے اس لئے گرم لباس لے کر جائیں۔
رات کو بادل کیمپ میں آجاتے ہیں اور اسے گیلا کرتے ہیں۔ رات کا منظر نہایت حسین ہوتا ہے کیونکہ آسمان رات کو تاروں کے وجود میں گم ہوتا ہے۔
دن بھر یہاں قریبی گاؤں کے بکروال اپنی بکریاں اور یاک چراتے نظر آتے ہیں۔
صدیوں سے جہلم کے گجر ہر سال جب دیوسائی کے برف پگھلتے ہیں تو مظفرآباد کیل اور منی مرگ کے راستے یہاں اپنے مویشی لے کر آتے ہیں۔
یہاں اتنے رنگ کے اور اتنی تعداد میں پھول ہیں کہ آپ سارا دن ان کو دیکھنے میں گزار سکتے ہیں ۔
اگر آپ کو مچھلی کے شکار کا شوق ہے اور آپ کے پاس ڈور کانٹے بھی ہیں تو ٹراؤٹ کے شکار کے یہاں کافی مواقع ہیں۔ اگر آپ ریچھوں کو دیکھنا چاہتے ہیں تو ہمالین وائیلڈ لائف والوں کی خدمات حاصل کریں۔
غرض دو دن گذارنے کے لئے یہاں کافی مواد موجود ہے۔
یہاں سے آگے سفر جاری رکھیں تو محض آدھے گھنٹے کے سفر کے بعد شتونگ کیمپ سائٹ آئے گی جو شتونگ نالے کہ ساتھ ہے۔
یہاں بھی جیپ دو دریاؤں سے بمشکل گذرتی ہے۔
یہاں قیام و طعام کے لئے مقامی لوگوں نے کیمپ لگا رکھے ہیں، یہاں سے مزید صرف پندرہ منٹ کے بعد دیوسائی کا آخری کونا یعنی المالک مار پاس آتا ہے یہاں بھی سیاحوں کے قیام و طعام کے لئے کیمپ موجود ہے اور ساتھ ہی وائلڈ لائف چیک پوسٹ بھی ہے۔
اسی مقام سے ایک ذیلی ٹریک برجی لا ٹاپ تک جاتا ہے۔

برجی لا کی خاص بات یہ ہے کہ یہاں سے قراقرم سلسلے کی چھ چوٹیاں ، ، ، ، اور نظر آتی ہیں ۔
ایک مقام پر اتنی بلندچوٹیاں دنیا میں اور کہیں نہیں پائے جاتیں یہ اعزاز صرف پاکستان کو حاصل ہے۔
یہاں سے سفر اترائی کا شروع ہوتا ہے اور مزید ایک گھنٹے کے سفر کے بعد جھیل صد پارہ سے گذرتے ہوئے اسکردو کا شہر آجاتا ہے۔
جہاں زندگی کی چہل پہل اور بازاروں کی رونق دیکھ کر دیوسائی کی بلندیوں سے آیا ہوا سیاح اپنے آپ کو اجنبی اجنبی سا محسوس کرتا ہے۔
اس کی نظریں بار بار صد پارہ جھیل سے پرے بلندیوں کی طرف اٹھتی ہیں اور وہ سوچتا ہے کہ کیا وہ واقعی وہیں تھا دنیا کے بلند ترین سطح مرتفع میں بھورے ریچھوں کے درمیان، مسحور کر دینے والی خوشبوؤں اور دل موہ لینے والے رنگ برنگے پھولوں کی جھرمٹ میں۔
کیا وہ واقعی وہاں تھا یا یہ سب محض ایک خواب کی طرح لگتا ہے۔
بے شک دیوسائی دنیا کی خوبصورت جگہوں میں سے ایک ہے۔

22/04/2022

27/01/2022

26/01/2022

Skardu ice hockey tournament 2022 winters....

25/01/2022

08/01/2022

Skardu Now a days💜