Arrah—Rihla—ارح—رحلة

15/09/2024

حبايبنا دي الصفحة الجديدة. القديمة اتلغت.
اعملوا متابعة للصفحة الجديدة و م تنسوا الشير و الايك😊

أرح
وين يا زول؟
دي شركة سياحية ما حصل سمعت بيها؟
لالا والله أنا مفتكرك قلت نمشي مكان😂لكن طلعت قاصد شركة، شنو إنت يا مان الأيام دي شي شركات وشي سياحة بقيت برجوازي وأنا م عارف ولا شنو🤔
من عرفت الشركة وأنا نفسي فتحت للسياحة؛ لأنو حكى لي واحد صاحبي بيها وإنو مشى معاهم رحلات وكانت في قمة الرهابة، بتوفر ليك ترحيل مريح والفنادق البحجزوها فخمة ومريحة شديد، عندهم تلاته وجبات في اليوم وفي وقمة اللذة، وإنت عارفني زول طقة😂 الجذبني أكتر الهدايا البقدموها دي كلها مغريات غير إنو فيها فوتوغرافي متعاون شديد وبوثق كل لحظاتك سواء كنت مع الشباب أو أسرتك ومرشد سياحي كمان، الواحد غير كده عايز شنو؟ من زمان بفتش لشركة موجودة فيها المواصفات دي والحمد لله لقيتها.
شوقتني إنو أمشي معاهم خلي نكلم باقي الشباب ونرتب لرحلة لأنو النفسية محتاجة تغيييير جو ورحل تكون بالطريقة دي🤭الشي الجميل قال لي برضو تحس كأنك بتتعامل مع أصحابك وهم بمنتهى الرُقي والدقة، بتطلع منها بأصحاب وعلاقات واسعة بتفيدك لقدام،وعروضهم جميلة شديد لو مشيت مع الشركة أكتر من مرة بعملو ليك خصم للرحلة البعدها.
والله يا مان دي حاجة ما بتتفوت😊
قلت لي الشركة اسمها شنو؟
شركة أرح السياحيه.
يلا أحجز لينا عندهم.
منتهى يا مان.


#سياحة
#ثقافة
#فعاليات

21/04/2023

تقبل الله منا ومنكم صالح الأعمال و
كل عام وانتم بخير 🤍✨

#ارح— #رحلة

15/04/2023

اللهم أحفظ السودان وجنب أهله الفتن ما ظهر منها وما بطن، ربنا إن نستودعك بلادنا السودان أمنها وأمانها وأهلها وأرضها وسماءها فاحفظها اللهم من كل شر بعينك التى لا تنام ، وبركنك الذى لا يُضام ، وبقوتك التى لا تُغلب .. اللهم سلّم اللهم سلّم..
#ارح

#السلام— #سمح— #لا— #للحرب

11/04/2023

#أرح

شخصية أسرت في السودانين كلهم و خاصة فئة الشباب و ليه الفضل بعد الله في إصلاح حياة كتير من الناس ..

منوا فينا ما بعرف الشيخ محمد سيد حاج رحمه الله واسكنه فسيح جناته...😔
شيخ وداعية إسلامي معروف بين الشباب خصيصا.. انتشرت محاضراته وخطبه قبل وبعد وفاته.
اتولد في مدينه حلفا الجديدة وعاش معظم حياته في الحاج يوسف وشرق النيل
عندو زوجتين وولدين وبتين ...نسبه من قبيلة الفقراب وهي قبيلة حلفاوية شهيرة.

بداياته الدينية قبل التعليم الأساسي لمن وداه ابوه لي خلوه الحاج يوسف لتحفيظ القرآن
بعدها التحق بكلية الشريعة جامعة امدرمان الإسلامية.
وكان من اكتر الشيوخ علما وفقها في الدين .. بتمتاز محاضراته وخطبه بالسهولة والترغيب في الدين لا التنفير زي ما بعملوا اغلبية الشيوخ حاليا
ومن مؤلفاته الشهيرة (لماذا لا ألتزم؟)،(فقة الائتلاف)،(الحروب الصليبية بين الأمس واليوم).

بجانب الدعوة الاسلامية شغل الشيخ محمد سيد حاج عدة مناصب مثل مساعد الأمين العام للشؤون الخارجية وعضو المجلس الأعلى للدعوة الإسلامية.
حقق الشيخ محمد كتير من الإنجازات في حياته، ورغم صغر سنه لكن حكمه عقله وأيمانه أهدوا لطريق الرشاد .
اتوفى يوم السبت الموافق 24 أبريل 2010 أثر حادث مروري رحمه الله رحمة واسعة .
ح تلقوا في التعليقات روابط لجزء من المحاضرات القدمها.
و اخيراً ما تنسوه من صالح الدعاء

#ارح—رحلة— —Rihla

08/04/2023

#ارح— #رحلة

#الفاشر💙💜
عاصمة ولاية شمال دارفور و مدينة شهدت أحداث تاريخية عظيمة، و كانت عاصمة لسلطنة الفور.
ارح الليلة نتعرف عليها ك مدينة سياحية..
نسبة لتاريخها الحافل فهي وجهة مناسبة جداً لكل إنسان بحب الثقافة و الآثار و من ابرز المعالم اللي لاااازم تزورها لما تمشي الفاشر هي قصر و مجمع السلطان علي دينار، السوق الكبير و آبار قدو وفي مقولة شهيرة بتقول اللي بشرب من آبار قدو لازم يرجع ليها، و بالنسبة للناس البتحب الفاكهة لااازم تمشو سوق امدفسوا لان هناك ح تلقى كل الفاكهة بتاعة جبل مرة و كمان كل منتجات دارفور الغذائية التقليدية.
و كمان بتقدر تستمتع بكل المناظر الطبيعية بكل سهولة لان في شبكة مواصلات بتربط كل القرى مع بعض.
التنوع القبلي و الثقافات الكتيرة دي اسباب صنعت من الفاشر مدينة مميزة جداً و هناك ما ح تحس انك سائح و بعيد من أهلك 💜ح تتفاجأ من الإلفة اللي ح تلقاها بس شنو انت اتوكل و امش شوف الفاشر و ما تنسى تدي جبل مرة طلة

#ارح— #رحلة— —

07/04/2023

#ارح— #رحلة
#ما ح تصدق 😱
مدينة موجودة من 4000 عام ق. م!!!
💜💙
ايوة ما تستغرب لان الحضارة في السودان قديمة و عريقة جداً أرح الليلة نتعرف على مدينة عريقة جداً و هي
#الكوة
معنى الاسم هو انحناءة النهر، و الموقع المميز للمدينة صنع منها مركز حضاري مهم و نسبةً لأرضها الخصبة كثرت فيها الحدائق و البساتين و زراعة قصب السكر و عشان كدة بنلقى حولها ثلاثة مصانع لتكرير السكر هي "مصنع عسلاية، كنانة، و النيل الأبيض".
و بسبب قِدم الحضارة في الكوة بنلقى فيها آثار تعود للعصر الحجري، أبرزها أعمدة حجرية و قطع من الأدوات الفخارية ترجع لحضارة قديمة تسمى "حضارة الشهيناب" بالإضافة لمعبد بناه الفراعنة و كمان في آثار لقصر يسمى ب"قصر أُم صبروا".
و كمان من الحجات البتميز مدينة الكوة انها مدينة علم و علماء و فيها تم افتتاح اول مدرسة ابتدائية في عام 1905 و فيها ثاني مدرسة على نطاق السودان بالكامل بعد ٣ سنوات من انشاء كلية غوردون.

#ارح— #رحلة— —

05/04/2023

#ارح— #رحلة
زاد بي لهيب الشوق ماعارف أحوالا
زروعة في جواي وأنا زدت في شوقا
محروسة بي ياسين وقلبي معشوقا
زي نفحة الياسمين سمحة وسمح زوقا

#حوتة💙💜

ولد محمود عبد العزيز في الخرطوم. نشأ في حي المزاد في مدينة الخرطوم بحري. عاش طفولة عادية ، نشأ ضمن أسرة بسيطة برعاية الجد الحاج محمد طاهر والجدة الحاجة نفيسة وأمه الحاجة فايزة وأبوه الحاج عبد العزيز.أحب التمثيل منذ الصغر وكان يضع من مقاعد المنزل مسرحاً ليمثل عليه مع أصحابه.

في عام 1974 إلتحق بمدرسة الحرية الابتدائية، شهدت هذه الفترة نمو موهبته في التمثيل وبدايته. ذهب الصغير إلى التلفزيون للمشاركة في برنامج الأطفال وداخل الحوش الكبير التقى بيوسف عبد القادر وعفاف ومن بينهم شاهده الممثل محمد شريف فأشاد بشجاعته والموهبة التي يتمتع بها بعدها شارك في مسرحية «أمي العزيزة».
سنحت له الفرصة ليقف أول مرة على خشبة المسرح ليغني أمام الجمهور وكان ذلك في احتفال «المجلس الريفي» سابقا معتمدية بحري حاليا ، الذي كان فيها جعفر نميري حضوراً

نال أدائه إعجاب الرئيس السوداني الأسبق المشير جعفر النميري الذي قلده وشاح في عام 1975م أثناء مشاركته في حفل الكشافة البحرية.[بحاجة لمصدر]💙💜

بدأ محمود مشواره الفني رسميا عام 1987م بعد أن التحق بمركز شباب بحري وبدأ رحلة فنية طويلة امتدت لأكثر من 25 عام قدم فيها الكثير من الأعمال الفنية والألبومات من أشهرها ألبوم سكت الرباب، نور العيون، ما تشيلي هم، برتاح ليك، شايل جراح، ساب البلد، اكتبي لي، الحنين، خوف الوجع، والعديد من الالبومات الأخرى .
من أشهر كلماته:
الوداع .. نشوت الروح .. الوداع
مادام هوانا بعد سنينو المرة ضاع
انا من زمان حاسس معاك بأنو دى النهاية
شاعر بي انك ما فهمتى من البداية
ومشيت معاك درب الاساء آه هه.

وهناك العديد من كلماته الجميلة قل لنا ما هي اغنيتك المفضلة الفنان محمود.
#ارح— #رحلة— — #

03/04/2023

ارح سنقنيب 💚💙
تقع جزيرة سنقنيب في البحر الاحمر بالقرب من ميناء بورتسودان
وهي تمتد علي عرض مترين و طول سنة كيلو مترات و سميت سنقنيب تشبيهاً لها بشجرة سنقانيي التي تنموا في الصحراء و خلاء جبيت و سنكات ، شكل هذه الشجرة تشبه شكل المرجان مع مرور الزمن سميت سنقنيب.
تعتبر الجزيرة محمية طبيعية و هي الاولي في السودان ، حيث توجد في الجزيرة منارة بحرية تنبه السفن الكبيرة لتجنب المرور من منطقة المياه الضحلة و الشعب المرجانية في سنقنيب، حيث تم بناء هذه المنارة في عام 1898.
تحيطها الماه من كل الجهات ، و تكوينها الداخلي يتكون من ثلاثة بحيرات مما اكسبها جمالاً مضاعفاً، تضم الجزيرة اكثر من 124 نوعا مختلفا من الشعاب المرجانية و 250 نوع من الأسماك ، كما تضم العديد من الكائنات و الحيوانات البحرية مثل الدولفين و الحيتان، كحوت ابو علم النادرة، و الاخطبوط و السلاحف البحرية، و أسماك القرش ، وتعج الجزيرة طحالب باللون و أشكال مختلفة.
من اشهر الممارسات السياحية في الجزيرة هي سياحة الغطس ، و التمتع بالحياة البحرية وسط الكائنات الرائعة، و السباحة و غيرها من الآنشطة
و ممارسة التصوير و مشاهدة رحلات الأسماك.

— — #ارح— #رحلة

29/03/2023

"مثل"سوداني💜
الحسنة في المنعول زي الشرا في القندول.....
يقصد بالمنعول انه( الملعون )شخص منبوذ و(الشرا )الاهداب التي تغطي قندول العيش ويعني المثل:
_ إن احسنت للئيم يجحد وينكر الاحسان بل قد يؤذيك مثلما يؤذي اليدين والجسم (الشرا)
الآمثال السودانية كتييييرة قول لينا منهم واحد في التعليقات👇

#ارح—رحلة— —Riha

27/03/2023

أرَّح نواصل في سلسلة أشخاص سودانيوون...💙

اليوم ح نتحدث عن واحدة من أشهر وأبرز الشخصيات السودانية، منو بتكون وشنو إنجازاتها..
أولاً هي زينب البدوي من مواليد العام 1959 يوم 24 نوفمبر ولدت في السودان و بعد سنتين من ميلادها انتقلت مع اسرتها لبريطانيا والتحق والدها محمد خير البدوي للعمل في قناة البي بي سي BBC وجدها كان بابكر بدري من أنصار محمد احمد المهدي اللي كان مهتم بتعليم المرأة في السودان، و أنشأ جامعة الأحفاد للبنات...

اتخرجت زينب البدوي من جامعة أكسفورد البريطانية في مجال الفلسفة والسياسة.. 💚
وهي أول مذيعة سودانية التحقت بالعمل في قناة البي بي سي BBC، أرَّح نتعرف على إنجازاتها ك إعلامية :
- زينب البدوي اول مذيعة سودانية تظهر علي القنوات الفضائية البريطانية في العام 1998.
- اشتغلت في مختلف محطات الإذاعة البريطانية واشتغلت أيضاً ك مذيعة ومُعدة ومُنتجة للبرامج.
- قدمت نشرات وبرامج اخبارية عدة وقامت بالعديد من الحوارات والاستضافات مع وزراء بريطانيين في شأن السياسة.
- وايضاً ألقت حوار مع الرئيس المخلوع عمر حسن احمد البشير وصلاح غازي ومحمد حمدان (دقلو)

- فازت زينب البدوي بجائزة الشخصية التلفزيونية للعام 2009 المنظمة من الاتحاد التليفزيوني الدولي الذي تنافست عليها أكثر من 200 محطة فضائية عالمية.
- وهي أول مزيعة لبرنامج the world في قناة البي بي سي BBC "وهو اول برنامج في بريطانيا للأخبار العالمية".
- وعلمت مقدمة لبرنامج عقول نوبل السنوي.

زينب البدوي خلقت بصمة واضحة للاعلام العالمي وحققت إنجازات تعتبر فخر للمرأة الإفريقية والعربية عموما
ويعتبر قاسم البدري مدير جامعة الأحفاد ابن عم لها، ومن الحاجات الملفتة اللي أنجزتها زينب البدوي وهي زيارتها للسودان قبل عدة من السنوات لصناعة فيلم وثائقي يتحدث عن التاريخ الإفريقي وتم تدشين هذا الفيلم عبر فضائية البي بي سي BBC، زينب البدوي متخصصة فى فلسفة الاقتصاد وباحثة مهتمة جدا بالتاريخ السوداني ومن ضمن إنجازاتها كتبت كتاب سمته "الفراعنة السود" وايضاً كتاب "الحضارة الكوشية" وأثبتت في كتاباتها بأن الفراعنة السود حكمو فراعنة مصر قبل 800 سنة قبل الميلاد ومن ضمن أقوالها أثناء استضافتها في احدي القنوات السودانية قالت بأن العالم ينظر لإفريقيا بأنها ليس لها تاريخ و يجب ان نثبت ذالك بأن السودان بلد يمتلك الاهرامات والحضارات

زينب هي شخصية مختلفة تماماً كانت تمتلك روح المثابرة والكفاح وحبها العظيم لوطنها كلنا زينب ✌🏻وكلنا بنحب المرأة السودانية المثابرة المكافحة العظيمة جداً في كل ما تفعله.

قوة الإعلام قادرة تغير مصير أمم فخلونا نكون إعلام يعكس كل شي بخص ثقافتنا و جمالنا و أشخاصنا و عاداتنا السمحة 💜
و اخيراً زي ما بنقول دايماً السودان جميل مليان أشخاص عظيمة💜

#أرَّح— #رحلة— —

18/03/2023

#ارح مدينة_كُتُمْ ...🦋💙
الساحرة ..
كُتُمْ مدينة تقع في ولاية شمال دارفور بغرب السودان على إرتفاع 1127 متر ( 3700 قدم ) وتبعد عن الخرطوم العاصمة حوالي 988 كيلومتر (677 ميل) ، وعن مدينة الفاشر حاضرة الولاية بحوالي 120 كيلومتر (75 ميل) وتعتبر مورداً أساسياً للخضروات في الولاية وتستضيف سوقاً إسبوعية محلية متنقلة.

تقع مدينة كُتُمْ على ضفتي وادي فتا برنو الذي يقسمها إلى قسمين، قسم في إتجاه الشمال ويضم معظم الأحياء السكنية بالمدينة والمدارس، وقسم في الجنوب يقع بين الوادي وجبل قبة الذي يطل على المدينة ويضم عدداً من الأحياء السكنية ودواوين الحكومة ومكاتبها بما فيها مبنى المحكمة ومركز شرطة والسجن ومدرسة كُتُمْ الريفية الثانوية والمستشفى ومكتب المحافظة والحامية العسكرية.
:
بلالة (وتبعد عن كُتُمْ بحوالي 12 كيلومتر) ، سريح (26 كيلومتر) ، نارو (29 كيلومتر) ، أبو سكين (30 كيلومتر) ، كونجا (31 كيلومتر) ، طورية (32 كيلومتر) ، جميزة (27 كيلو متر ).
#الأسواق :💚🤍
سوق كُتُمْ وهي سوق مركزية تقع داخل مدينة كُتُمْ وتعمل طوال أيام الإسبوع ولكنها تتسع أكثر كل يوم إثنين وخميس حيث يرد إليها باعة ومتسوقون من القرى المجاورة خاصة من مناطق جبل مرة. وتنقسم هذه السوق إلى أسواق فرعية صغيرة منها: سوق الماشية ويقع في القسم الشرقي من السوق، وسوق الذرة والمحاصيل الزراعية الأخرى، وسوق الخضار والفاكهة.
سوق فتابرنوا وتعمل في كل يوم أحد وأربعاء من أيام الاسبوع.
سوق فرنقو في كل يوم سبت.
سوق اتنن في جميزة وكل يوم الأثنين .
سوق أم دفسو، وهي سوق تقع في وسط الوادي وينقسم إلى عدة أقسام حسب السلع المعروضة للبيع .

#ارح رحلة— Arrah Rihla #

10/03/2023

#ارح رحلة— Rihla
جُزُر الكاسنجر 🌼🙏

تقع جزر الكاسنجر بشمال السودان وتحديداً في الولاية الشمالية ، جزر متفردة من بالسحر والجمال ، لما تضمه من تنوع طبيعي يمزج بين الماء والخضرة ، وهي جزر رملية خلآبة في قلب النيـل.
الدهشة هي العنوان الذي يلتصق بذهنك إذا منحتك الأقدار رحلة على قارب يمر هادئاً وتتبدى حينها المناظر التي يصعب وصفها بالحروف.

الكاسنجر هو مسمى لعشرات الجزر التي ترقد على نهر النيل في الولاية الشمالية، وتمتد في المنطقة بين سد مروي ومنحنى النيل عند مدينة نوري، وتضم أكثر من 75 جزيرة متناثرة في مساحة جغرافية متقاربة تربطها الممرات المائية.

بعض هذه الجزر آهلة بالسكان وبعضها الآخر غير ذلك، وتجتمع على متعة المناظر الطبيعية الصامتة وتنوع الحياة الطبيعية البرية والنشاط الزراعي التقليدي، على حواف الجزر الرملية الخلابة.
وفي منطقة يكسوها الهدوء والطبيعة الصامتة تغرد حولها العصافير التي تعانق أصواتها مسامع الزائرين ترحيباً بهم.

ومن أكثر تلك الجزر تميزاً وبهاءً:
-جزر سودي
-مساخة
-أتيماري
وتبدو عليهم الكثير من ملامح الحياة. والأشجار المتشابكة التي تحرس شواطئ الجزر وتعطي مساحة أخرى للجمال، أما النخيل فيعتلي ملئ الطرف شامخاً كمن يسعى للسقيا من أذيال السحاب التي تعلو فضاء المكان خريفاً.

في هذه الأرض الدهشة لا تغيب بل تتسع مع كل مشهد جديد تلامسه العين. ولعل متعة التواجد في هذه الأمكنة بين رمالها البيضاء، وخضرتها الخلابة وشلالاتها وصخورها قادرة على قتل صخب المدينة ومفتاحاً لقضاء وقت غني بالمتعة على ظلال حقول البرتقال والمانجو والنخيل الذي يمثل عنوان أهل شمال السودان.
الكاسنجر بؤرة فريدة من جمال فاتن وموارد سياحية متعددة.

#ارح رحلة— Rihla

💙💜💙💙💙

02/03/2023

#ارح رحلة— Rihla
#أبو جبيهة..💙

مدينة بولاية جنوب كردفان في السودان وتبعد عن الخرطوم عاصمة السودان بمسافة 481 كيلو متر. تقع على ارتفاع 679 متر فوق سطح البحر في منطقة غنية بمواردها الطبيعية والزراعية.
تعدّ من المدن المهمة الواقعة على حزام الصمغ العربي الذي يستأثر السودان بمعظم إنتاجه العالمي..

ويحدها من الجنوب محلية كلوقي ومن الشمال محلية رشاد ومن ناحية الغرب محلية كادوقلي. ومن ناحية الشرق محلية السلام مدينة الترتر ومن ناحية الجنوب الشرقي محافظة مانج في جمهورية جنوب السودان..

-تقع أبوجبيهة في سهل أشبه بشبه جزيرة بين وادي البطحاء الذي يقع في غربها وجنوبها ووادي الضكير الذي يحيط بها من جهة الشمال الشرقي والشرق ليلتقي مع وادي البطحاء في الجنوب، وهناك أودية موسمية أخرى تجري بالقرب منها والتي تفيض بالمياه في المواسم المطيرة، ومنها وادي عبيد الواقع على بعد 9 كيلو متر من المدينة وخور ام عليق ويبعد بحوالي 52 كيلومتر وخور ود المليسح على مسافة 40 كيلومتر.
وأما التلال القريبة من المدينة أهمها هو جبل طروم وجبل تملوك الواقعين على بعد 27 كيلومتر 33 كيلو متر على التوالي.
ونظرا لوقوع ابو جبيهة في منطقة السافانا الغنية فإنها تزهر بنباتات غابية تسود غطائها النباتي كأشجار الهشاب والجميز إلى جانب اشجار العرديب والصمغ العربي ومن أبرز غاباتها غابة أبو قريض..

يمثلون سكانها مختلف الأثنيات والقبائل السودانية منها كنانة وأولاد حميد والحوازمة والكواهلة والفلاتة وغيرهم.

#ارح رحلة - Rihla

#اعرف- #سافر- #استمتع- #السودان

26/02/2023

#ارح رحلة- Rihla

الكُشك الروماني🏚💙...
يقع بمنطقة النقعة بالقرب من مدينة شندي بولاية نهر النيل على بعد 170ك /م من العاصمة الخرطوم ، ويعود بناءه للعام 300ق/م ، ويمزج بين فن العمارة والحضارة السودانية والرومانية ، وله أسماء أخرى مثل الكُشك المَروي ، كما يُصنّف من بين أهم المزارات الأثرية في السودان .

أعرف- سافر - استمتع
#ارح رحلة — Rihla

20/02/2023

من هو أول من قال عبارة (هنا امدرمان) 🎧

هو عبيد عبدالنور من أوائل الذين وضعو لبنات العمل الإذاعي والثقافي ببلادنا فكان مرجعا اعلاميآ وثقافيا خرج من بين ثنايا الدهشة ومُزج بطينة الروعة والإبداع؛
ولد عبيد عبدالنور في مدينة. رفاعة سنه 1896 وحفظ القرآن فيها على يد الشيخ بابكر بدري وذهب عبيد عبدالنور إلى امدرمان ليواصل تعليمه ثم دخل كلية غردون التذكارية سنه 1913 وتخرج منها معلمآ سنه 1917 وعمل في التدريس في مختلف ولايات السودان وداخل امدرمان وذهب عبيد الا لبنات لدراسة حضارات الدول وتخصص في دراسة التاريخ ومن ثم عاد وعمل معلمآ في كلية قردون التي تخرج منها ، كأن عبيد عبدالنور يهتم كثيرا بالفن والأدب والشعر وجمع التراث الشعبي وقام بتوظيف شعره في خدمة قضاياه الوطنية في مناهضة الاستعمار؛ فكتب قصيدتة الشهيرة المغناه بعنوان(يا أم ضفاير قودي الرسن واهتفي فليحا الوطن ) التي رددها الجيش والمواطنون في أحداث 1924 الشهيرة وحتى كانت هنالك خلافات بينه وبين الإنجليز في أن يجعلو بعيدآ عن الإذاعة ولكن برغم ثقافته وذكائه لم يقدرو عليه، وكانت الإذاعة في تلك الفترة تبث برامجها فقد لمده نصف ساعة يوميا وبعد خروج المستعمر قام عبيد عبدالنور بسودنة كل أخبار الاذاعة وذادت ساعات البث وادخل فقرات للدراما والمسرح والتراث والشعر والغناء حتى توفي عبيد عبدالنور في أواخر الخمسينات وترك وصيه في أن يدفنوه في بيت الأمانة التي بدأت منه الإذاعة ولكن لسخت الإنجليز وخباثتهم فرفضو بدفنه داخل بيت الأمانة ولكن بعد م تولى إسماعيل الازهري ذمام الأمور قام بتحويله الا بيت الأمانة وخروج الإنجليز بكلياتهم خارج البلاد 💙🙏🏻

#ارح #رحلة - Rihla 🤓🧡

14/02/2023

هنا امدرمان في الإذاعة البريطانية!!!
إذاعة جمهورية السودان🇸🇩💛🤍💙
الليلة حديثنا ح يكون عن شخصية من عباقرة الإذاعة في السودان و بريطانيا كمان، كان مقدم لبرنامج اذاعي في بريطانيا و مفترض افتتاحية البرنامج هي "هنا لندن" لكن لشدة الشوق للوطن و خاصة امدرمان قال"هنا امدرمان" و الخطأ دة كان ح يخسرو الوظيفة لولا ارتجل بيت للشاعر شوقي "وطني لو شغلت بالخلد عنه.. لنازعتني اليه في الخلد نفسي"، و من هنا ارتبط صوتو المميز بعبارة هنا امدرمان و لعلو الصوت المميز و التمكن اللغوي اكتر حاجتين اتميز بيها💙
من أشهر البرامج اللي قدمها في الإذاعة السودانية برنامج "من أرشيف الإذاعة" قبل 5عقود تقريباً و كانت فكرتو لتطوير الإذاعة في السودان عن طريق اختيار شريط اذاعي قديم و التعليق عليه و على الملابسات اللي فيه...
و دي نبذة بسيطة عن العبقري الراحل المذيع أيوب صديق له الرحمة و المغفرة💙.

#أرح— #رحلة— —

13/02/2023

#ارح— #رحلة— —

💛🤍💚أم بلينا السنوسي حمدان💛🤍 💚

مطربة سودانية تعد من الجيل الثاني من النساء الرائدات
الميلاد 1952 قرية أم سروال ضواحي الأبيض،
في سن مبكرة بداة مسيرتها الفنيه من عمرها حيث إنضمت إلى فرقة فنون كردفان وظهرت لأول مرة للجمهور العام في مسابقة غنائية في مهرجان المديريات بالمسرح القومي في عام 1961م، ضمن فرقة أحرزت الجائزة الأولى.
ظهرت أم بلينا ثانية في عام 1962 في ثنائي مع الفنانة فاطمة عيسى تم تكوينه من داخل فرقة فنون كردفان كأول ثنائي نسائي في السودان،
شاركت أم بلينا في أداء أوبريت ملحمة (قصة ثورة)، الشهير في عام 1968م ذاعت شهرتها كواحدة من الأصوات النسائية المميزة
من اميز اشهر اعمالها🤍💙💜
وداد، من كلمات السر محمد عوض
طيبتو محبباه، لاسحق الحلنقي
تعذيب حبك، لمدني محمد طه.
#اعرف— #شخصيات— #سياحة— #ثقافة
#ارح— #رحلة— —

10/02/2023

#ارح—رحلة— #—
الرهد أبو دكنة
أغلبنا يمكن سمع بمقولة "الرهد أبو دكنة مسكين ما سكنا"
يعني عمرك نصه ضايع لو ما سكنتها
بس مكانها وين ؟
هي مدينة موجوده في ولاية شمال كردفال والمميزه بإسم ابو دكنه لأن في أكثر من منطقة اسمها الرهد وجهتنا الليله الرهد الموجوده في ولاية شمال كردفان (لأن في محلية ثانيه أسمها الرهد موجوده في ولاية القضارف ) . الميزها بإسم ابو دكنه انه شجرها كثيف ولونه داكن واسم الرهد بيرجع للمنطقة الفيها مرقد الماء ( أي أن المنطقة مميزه باللأشجار و مجري ماء ).
هل هي بعيده من الخرطوم ؟ 🤔💜
أيوه بعيده شويه لكن تستحق الرحله بتبعد من العاصمة مسافة 379 كيلو متر مربع .
كيف أقدر أمشيها ؟🤔
ممكن تمشي ليها براً بطريقين طريق كوستي أو طريق بارا . طريق بارا؟؟ أيوة بارا لأنها بتقع بعد الأبيض بمسافة 30 كيلو متر يعني ممكن من الأبيض مسافة ساعه بالعربيه أو أقل . طيب ممكن امشي ليها طيران ؟ 🙂
أيوه ممكن نسبيا لأن ممكن تاخد طيران لحدي مطار الأبيض ومن الابيض تبدي رحلتك القصيرة بالبر للمنطقة .
حشوف شنو في الرهد؟ 🤔
حتشوف مناطق مخضرة و بساتين زراعية بتتميز بمحاصيل فواكة مختلفه منها الجوافه والمنقة والبرتقال والليمون وحتي محاصيل بلدية زي الكركدي والقونقليز واللسته لسه طويله .
ما بس كدا برضو حتشوف بحيرة الرهد المعروفة بالتردة و في إطلالة بلدية بمنحني عصري حتقلي منتجع الرهد السياحي، اللي بيطل علي البحيرة وبيتميز بفندق وصالة مناسبات وحتي قعدات قهوة (جبنة ) بتصميم القطاطي . ما تنسي أنك حتقدر تاكل أنواع مختلفه من الأسماك المتوفرة في البحيرة . ولو بتحب اللغاوييس ما تخاف عندك بلد المنقة والتبش بالشطة والليمون .💚
طيب طيب امشي ليها في أي فصل ؟
الخريف ياخوانا الخريف لو مشيت متأكد أنك حتقول مقولتنا الشهيرة كسودانيين" الجو أوروبي" . بمناخ غائم كليا وجزئيا وأمطار شبه دائمة وأجواء منعشة .
والله علي العصيده الحارة في الجو داك يا جماعه شكلي سرحت . نرجع لي موضوعنا الخريف علي ووصول والرحلة تستحق .
#أرَّح— #رحلة— —