١٠ معلومات عن ماليزيا🤩
طيب يا جمآعه نقول شويه غرائب ومعلومات عن ماليزيا..
1 - قاليك أصلا أسم كوالالمبور يعني الوحل أو ارض الطين.. لأنها نشأت من التقاء نهر كلانج وجومباك... لكن طبعا الخريف ما بفاجئهم كل سنة 😂 الطين دا إسم ساي..
2 - بتشتهر ماليزيا بنوع من النمور أسمو النمر الماليزي ، علامة جودة كده 😂 ، رمز وطني وبيظهر في الشعار الوطني حقهم نمرين كدة بي شنباتهم ، و المنتخبات الوطنية برضو بيلقبوها بالنمور....
3 - من عادات الماليزيين إنهم ياكلو الموز مقلي ، أنا ما عارفه هل بعد يتقلي لسه بيكون أسمو موز.. لكن نعتبرها عجيبه من عجايبهم.. الموز دا رأس مالو عصير أو يتاكل طازه.. يتقلي دي لمن يكون بطاطس 😂.. لا والكبيرة إنهم بيعملو من الفاصوليا والذرة اسكريم.. ودي بشرى ساره لكل الامهات الما عارفين يعملو شنو بي باقي حلة الفاصوليا البايتة.. اخدي لفه في ماليزيا وارجعي اعمليها اسكريم للأولاد وقولي ليهم آنتو أحسن من الماليزيين ف شنو..
4 - في شارع في ماليزيا شرق غرب ، بيحذر من عبور الفيلة.. يعني زي إشارة مرور المشاة لكن البمشو فيلة ما ناس 😂 والله الواحد متمني يبقى فيل هناك شان يحترموهو.. أنا لو جيت أقطع زلط شارع المطار خمسه عربات بدقو لي بوري.. و آتنين بيفرملو في اللحظه الاخيره..
5 - ماليزيا فيها أكبر زهره في العالم ، كمل
نجي لوجهتنا التانية
ماليزيا😍
طبعا بالنسبه ل ماليزيا فهي من أهم الدول السياحية دا إذا ما بقت الاهم والاكتر زيارة في آسيا.. ودا راجع لطبيعتها من نواحي زي المناخ والطبيعه والموقع الجغرافي.. لكن البخليها مميزه آكتر التنوع العرقي والثقافي العقائدي البتميز بيها الشعوب هناك.. هي زاتها قامت متين بالله ماليزيا دي..
صحي ما وريتكم هي طبعا في جنوب شرق أسيا.. قامت من الستينات.. أصلا كانت مستعمرات كده بريطانية مع بعضهم وفجاه قامت دولة اتحادية بعد استقلت طبعا.. لكن بالله شوف كل العماره والحضاره دي قامت في خمسين سنه أو أقل وبقت بتمول اغلب اقتصادها من الاستثمارات والسياحه.. مفتحين قدرو يستغلو اختلافهم ك شعب ومواردهم ك بلد وقطر..
طبعا لأنها كانت مستعمرات ف الشي المتوقع يعني إنهم يكونو مختلفين في العرق .. تلفت دا تلقاهو من جذور هنديه.. والجمبو من جذور صينيه.. يعني الماليزي الأصلي دا إلا تمشي بيو برج البركة حتن يقولو ليك أصلي ولا صيني 😂..
ماليزيا في السياحة ازدهرت واشتهرت شديد في السنين الاخيره دي بالذات في العالم العربي.. وفي السودان هنا بالذات.. الواحده من يشيل رقمها بتقول ليو عاوزه شهر العسل ف ماليزيا..
ماليزيا بقت وجهة رسمية ل شهر العسل لأنها كمان رخيصة جدا وسهلة بالرغم من انو مناطقها السياحيه أجمل من كتير
مبروووووك مليون مبروك الفازو معانا 🙌🌼
ياسمين - نهي - مزدلفة - عمر أزهري 😍
حظ أوفر للباقين ... ما تنسو تتابعونا وتعملو دعوة لكل اصحابكم ومن هسي مسابقتنا الجايه ح تكون لاكتر أشخاص تفاعل في الصفحه ✌💐
#Good_Life_Group 🧡
جاهزييييييييينً ي جماعه ⭐️✨✨
الأعلان عن الفائزين في المسابقه الساعه ١ ظهر انشاء الله 🥳🥳🥳🥳
خليكم قرييبين وأتفاعلو في البوست 🤓
وحظ موفق للجميييع 💃💃💃✨🤲
انطلاق / عيادة الاونلاين لمرضى الزهايمر
Goodlife Online Clinic 💙
أمراض الشيخوخة والذاكرة... مع د. طارق بابكر
استشاري امراض الذاكرة/ بريطانيا
ستكون العيادة عبر خدمة الاسكايب / او / الزووم مع الطبيب مباشرة من مقر شركة قودلايف الطبية
للتسجيل وتفاصيل أكثر: ٠٩٩٧٤٧٦٣٨٧ - ٠٩١٢١٤٥٧١٤
#Good_Life_Medical 💙
#good_life_group ❤
It's all about a good life ✌
