19/01/2023
( كيف بتنتقل بمشروب القهوة من مرحلة الهواية لمرحلة الإدمان ؟!)
انواع القهوة وتكتيكها😉😉
1 - السرياقوسي // الفاشوش //:
القهوه السرياقوسي بتبقى عباره عن 3 معالق سكر لكل ملعقه بن
( 3 سكر : 1 بن ) ؛
مبدئيا معظم عشاقها بيبقوا غالبا من المستجدين على شرب القهوه يلي لسه فايت على الجو جديد في الحوار أو من النوع يلي بيشربها كل حين و مين ..
قهوه تفضلها النساء في المجمل !
و عموما السرياقوسي قهوه المراهقين لذلك ما بتطول فيها كتير و بننتقل ع المرحله يلي بعدها
2 - الزياده // الحضانة والتحضيري //: القهوه الزياده بتبقى 2 ملعقه سكر لكل ملعقه بن
( 2 سكر : 1 بن ) ..
دايماً بتكون مدخل العبور يلي بتنسحب فيه نحو عالم إدمان القهوه اللذيذ ؛ ﻷنها قهوه سكرها الزياده بيكسر طعم البن المر يلي لسه ك مبتدئ بعدك بتكون مالك متعود عليه ..
في ناس بتستمر في تناول القهوه الزياده ؛ وهيك نوعية بيبقوا بيهتموا بالمظهر على عكس الجوهر .. ناس مقضينها For Fun و بيحبوا يعيشوا التجربه من السطح بدون التطرق للأعماق و بينطعجوا جداً لو القهوه أجتهم ناقصه سكر و هاد بيدل على خوفهم من كل ما هو مظبوط أو مانو .. !!
3 - المانو // الابتدائيه // : القهوه المانو هي الوسط بين المظبوط و الزياده ؛ ملعقه و نصف سكر لكل ملعقه بن
( 1.5 سكر : 1 بن ) ..
المانو غالباً بيتم اللجوء لها في حالتين : يا إما مالل من الزياده و بحاجة ينتقل للمظبوط كرمال يبلش يتعود تدريجياً على تقليل السكر ..
يا إما إنت أصلاً موخرجك تشرب قهوة مظبوط بس بتقعد على قهوه شغلتك تقلد غيرك فيها يعني على قولة أخوتنا المصريين صنايعي فاشل و عمره ما عرف يظبط قهوتك ف بتضطر تطلبها مانو ب نيه المظبوط و التكتيك دا ناجح تماماً مع القهوجيه الفشله ..!
المانو مرحله إنتقاليه مابينفع توقف عندها كتير ﻷنها مالها توصيف دقيق في علم القهوه و المزاج والرواق !!!
4 - المظبوط // الاعداديه // : واحد على واحد
( 1 سكر : 1 بن ) ..
قهوه متكافئه تماماً و السواد الأعظم من المدمنين بيلعبوا في ال Category هون ساعتها قهوتك المظبوطه بتدل علي شخصيتك المتزنه العادله اللي مابتحب أي شغلة أو حاجه تجي علي حساب شغلةو حاجه غيرها يعني كله مدوزن على الأصول والبيكار .. إستمتاعك بطعم البن بكميه سكر متوازنه بيخلق جو من السعاده المفرطه التي لا تنتهي سوى مع أخر رشفه من الفنجان .. بإختصار رواق ومزاج القهوه المظبوط بتخليك إنسان برنسسسسسس وبتعطيك راحة نفسية مع بداية صباحك
5 - ع الريحه // الكفاءة // : مبدأيا ؛
طالما وصلت للنقطه هي معناها إنت دخلت ترتيب المدمن يلي بلش يعشق إدمانه و قررت تعلي ال Dose ﻷنك مابقى تتكيف متل الأول !!!
( 0.5 سكر : 1 بن ) مع السكر اللي بينخفض تدريجياً و طغيان طعم البن ف نحن أمام قهوه صنعت من أجل
ال Professionals Only
لأنه ياحبيب الهم مستحيل تلاقي مبتدئين بيشربوا القهوه ع الريحه ..
في قاعده عامه ؛ كلما قلت نسبه السكر بالنسبه للبن ؛
زادت درجه جمدانك و برنستك
و مزاجك .. يعني انتقلت من التصفيات للنهائي وصرت مشروع ( .... )
6 - الساده // البكالوريا // : .............
تجربه مختلفه ومو لأي حدا نهائياً ....
إذا مالك قدها لاتجرب وتضحك العالم عليك....... الموضوع أكبر من تخيلك ......
تكملة الفنجان بدون ما معدتك تقلب و نفسك تشوش عليك معناها نحنا أمام ولاده وحش جديد نزع الخوف من أي شيء وصار جاهز للمواجهة دون أن تقهره الظروف .....!
عشت سنين بشرب قهوة مظبوط ....
لما صرت بشرب القهوة السادة ( البن الغامق الاكسترا كمان💪) حسيت اني فعلاً كنت ظالم القهوه معي
القهوة الساده مع أخر رشفه منها بتولد عندك طاقة رهيبة شعور مختلف نهائيا !
( المهم وين وصلت لأي مرحلة حضرتك ؟!)
