الطريق من دمشق الى بيروت

الطريق من دمشق الى بيروت خدمة تاكسي فقط

نحن مؤسسة خدمية انشأت في عام 1994 متخصصة في خدمات النقل والسفر والسياحة هدفها الاستمرار في تقديم الخدمات الأفضل بأسعار ربحية بسيطة نسعى في عملنا الى التميز في بصمتنا ومصداقيتنا من خلال مانقدمه في حاضرنا وماسنقدمه مستقبلاً

بلشت ترجع الحقوق لأصحابها بالشام عدلت فأمنت فنمت ياعمر عمر -رضي الله عنه-العدل أساس الملك .وجه الاستاذ: أحمد العظم #رسا...
24/12/2024

بلشت ترجع الحقوق لأصحابها بالشام

عدلت فأمنت فنمت ياعمر
عمر -رضي الله عنه-
العدل أساس الملك .

وجه الاستاذ: أحمد العظم #رسالة شكر

إلى السيد قائلاً فيها : الأخ المحترم

السادة أعضاء #الهيئة الشرعية الأكارم

نتقدم لكم بأطيب التحيات والشكر #الجزيل للسماح لنا باستعادة البناء الخاص العائد لورثة برهان #العظم وأسامة العظم وأخوانه المعروف سابقا بالوحدة ٢٠٥ والمغتصب بعقد إيجار غاشم وقصري منذ عام ١٩٦٣ بمنطقة الجبة بعد مراجعتنا الهيئة #الشرعية بمخفر #الصالحية مع جزيل الشكر للأخ أبو محمد الذي أعاننا لاسترداده.
ونشكر #الله سبحانه وتعالى ولكم الفضل بإعادة الحقوق لأصحابها وعاشت #سورية حرة أبية

والسلام عليكم ورحمة الله وبركاته.

مدينة المعارض في العاصمة دمشق ميلاد مجيد كل عام وانتم بخير عدسة Ayman-Kd
24/12/2024

مدينة المعارض في العاصمة دمشق ميلاد مجيد

كل عام وانتم بخير

عدسة Ayman-Kd

من البترون ميلاد مجيد ياحلوين وكل عام وانتم بخير
24/12/2024

من البترون ميلاد مجيد ياحلوين وكل عام وانتم بخير

24/12/2024

سؤال وجواب لترحال بيروت

✅ مرحبا ترحال أنا حامل باسبور أجنبي وموجود بالشام بحسن بقطع من مطار عمان وسافر ؟!

الجواب: طبعاً إذا حامل جواز سفر أجنبي فيك تطلع من الشام إلى مطار عمان

✅ عندكم علم ايمت رح يفتح مطار دمشق ؟!

الجواب: مطار دمشق جاهز والأصدقاء في قطر رح يستكملوا تجهيزاته تقنياً ليصير مواكب مطارات العالم نحنا متعطلين على موضوع الاعتراف الدولي لحتى منظمة الطيران العالمية تعطينا الاذن لتشغيل الطيران وبإذن الله تعالى تركيا حاطة ايدها بالموضوع عم تدعمنا دولياً لتشغيل المطارات الشام وحلب

✅ صحيح متل ماسمعنا انو الملكية الأردنية قدمت طلب لترجع على مطار دمشق ؟!

الجواب: صحيح كلامك 100% في كتير شركات طيران ناطرين يشتغل المطار لحتى يتم افتتاح رحلاتهم عليه

✅ طيب شو منشان مواعيد مقابلات السفارة في بيروت ؟!

الجواب: عوضكم على رب العالمين للأسف طلعوا قرار منعوا كل مين عنده موعد مقابلة سفارة يدخل لبنان بطلت هي القصة

✅ أنا محامي ومعي بطاقة نقابية فيني روح على. لبنان وادخل على بطاقتي النقابية ؟!

الجواب: لا والله يا أستاذ حتى البطاقات النقابية لغو قصة الدخول عليها مابقى يقبلوها

✅ شو منشان يلي معه فيزا الكترونيه ورقية كيف بده يسافر عبر مطار بيروت ؟!

الجواب: مابعرف شو بدي جاوبك لو بتشوف منظر الناس يلي ملحوشة على الحدود من الصبحيات بتعرف انو الموضوع مزاجي يعني القصة ناس بسمنه وناس بزيت واحد بياخدك وواحد بيجيبك عم يستمتعوا بعذاب الناس

✅ عندي والدي مريض سرطان الله يعافيلك أهلك ومحبينك بدي اخده عالجه ببيروت مسموح ؟!

الجواب: ربي يعافيلك الحجي والله يا ابن الحلال دخول حالات العلاج الطبي ماعاد يسمحوا فيها كل شي سمات كانت معتمدة قبل سقوط النظام راحوا لغوها منشان يزيد القيود على المسافر السوري طول بالك شوي الف*ج قربان بإذن الله تعالى

✅ أنا موجود بنيجيريا بدي أنزل عن طريق مطار الأردن بس خبروني انو لازمني موافقة عبور ترانزيت ؟!

الجواب: صحيح حجز على الخطوط الإثيوبية كرت طيارة على الأردن وتواصل مع الشباب بترحال عمان بيقدمولك على موافقة مضمونة بكفالتهم أمورك محلولة تيسير رب العالمين

✅ كيف بدي قدم على موافقة عبور ترانزيت منشان أنزل عن طريق الأردن لانه مو حابب احجز عن طريق بيروت واتبهدل أنا ومرتي وولادي ؟!

الجواب: بسيطة اخي تواصل مع فريق ترحال عمان بيقدمولك عليها تكرم عيونك وبيستقبولك من مطار عمان معزز مكرم لباب بيتك بالشام

خدمة ترحال 00963999213539

24/12/2024

حالة الحدود اللبنانية 12/24 من فريق ترحال بيروت وتشكيلة أخبار على الماشي

يعني الواحد مابعرف شو بده يحكي شكيناهم إلى الله ربي يصطفل فيهن قديش عم يعذبوا العالم ياحرام في ناس معها تأشيرات الكترونيه صرلها ناطرة على الحدود من 6 صباحا لاحول ولا قوة الا بالله العلي العظيم

🛑 اليوم زحمة زحمة خيرات الله الناس عم ينطف قلبها لحتى تاخد عبور يعني شو بده يحكي الواحد بشكيهم إلى الله

🛑 يلي معه تأشيرة تبع اللزيقة على جواز السفر مع كرت الطيارة هاد اموره باللوز ماشية 100%

🛑 يلي معه إقامة هوية أو تبع اللزيقة على صفحة جواز السفر كمان اموره سيكلما

🛑 أما يلي معه تأشيرة الكترونيه طابعها على ورقة هاد مسكين تبهدل رسمي بالانتظار ياحرام شوفي ناس راحت عليها كروت الطيارة وخسرت مصرياتها

🛑 يعني ياخطيتي على هل المسافرين السوريين قديش حظاتهم قلال ومعترين والله شوفة كيف متبهدلين بالصالة ناطرين ف*ج رب العالمين بتحرق القلب

🛑 كمان المطار معجوق زحمة الناس نازلة على العيد بدها تعيد الله يسعدهم يارب

🛑 الطريق منيح متل الفلة من الشام للمطار وبالعكس بس المشكلة بهدلة الحدود

🛑 طبعاً في خبر حلو سمعناه هلأ قبل شوي انو المصرف المركزي طلع قرار صاروا بيسمحوا للناس تستلم حوالتها بالدولار ( الشوئسمو سابقاً)

🛑 كمان اليوم تركيا سمحت للسوريين المقيمين بالنزلة على سورية لمرة واحدة يلي حاب يزبط اموره قبل مايضب اغراضه ويجيب مرته وولاده ليرجع يستقر بسوريا

🛑 كل السفارات السورية عم تعطي وثيقة رجعة للسوريين يلي مافي معهم جوازات سفر ببلاش بدون مصاري ديروا بالكن تدفعوا مصاري هيك التعليمات ببلاش

🛑 السفارة السورية بألمانيا أعلنت عن عطلة من هلأ لتاريخ 01/01/2025 يعني لأول السنة منشان تعرفوا ويكون عندكم علم

هاد كل شي رب العالمين قدرني عليه لحتى خبركم عنه إذا عرفت كمان أخبار تانية برجع بخبركم حبيبات قلبي انا هلأ من شوي وصلت على بيتي كنت اخد معي جماعة معهم فيز الكترونيه رجعونا مارضيوا يفوتهم صرلي من بعد صلاة الفجر ناطر أنا وياهم بالحدود بشكي أمري الى الله

خدمه ترحال بيروت 00963999213539

( بدي احجز وانزل على الشام وين بتنصحونا ننزل من الأردن ولا عن طريق بلد تاني ؟!) الجواب: أكيد حجز ونزل عن طريق مطار عمان ...
24/12/2024

( بدي احجز وانزل على الشام وين بتنصحونا ننزل من الأردن ولا عن طريق بلد تاني ؟!)

الجواب: أكيد حجز ونزل عن طريق مطار عمان ووفر على حالك عذاب وتعتير ومعاملة سلبية لأنه في 5 شغلات إيجابية بتميز النزلة عن طريق الأردن

✅ أول شغلة القوانين واضحة يعني انت مجرد حصولك على موافقة عبور ترانزيت بتعرف حالك انو رايح على المطار بدون حالة الخوف والقلق والتوتر انو ترجع

✅ تاني شغلة الأردن آلية القوانين وتنفيذها ثابتة مو كل موظف بيشتغل على مزاجه وبيخترع آلية تطبيق قانون خاصة فيه

✅ تالت شغلة إذا كنت حاجز عن طريق الناقل الوطني عندهم الملكية الأردنية موافقتك ونقلك مأمن على الشام ببلاش ماعليك غير تبعت رسالة واتساب على وكالة عمان للطيران عبر الرقم 00962788200771 وخلال دقايق بتوصلك تكت الطيران جاهزة مصدرة

✅ رابع شغلة السوريين يلي معهم باسبورات لجوء زرقاء وفضي هدول بيحسنوا ينزلوا عن طريق الأردن وبيطلعلهم موافقات نظامية لعبور الترانزيت مو متل بقية الدول يلي منعت دخولهم كرمال تعاجزهم

✅ خامس شغلة في كتير سوريين مقيمين بأفريقيا عليهم منع دخول بدول تانية ظلماً وافتراء هدول بيحسنوا يحجزوا على الخطوط الإثيوبية على الأردن ويحصلوا على موافقة عبور ترانزيت بكفالة ترحال عمان مجرد تواصلهم عبر الواتساب 00963999213539

لذلك إذا كنت ناوي تنزل على الشام روح حجز النزلة عن طريق الأردن واشتري كرامتك واحترامك وريح راسك وبإذن الله تعالى قريباً كمان بيفتح مطار الشام وحلب وبتكمل فرحتنا

انتهى عهد وعصر تمسيح الجوخ والكولكة والعبيد!!مابقى في لاسيدي ولا معلم ولا سيادتكم ولا فخامتكم وهل العبارات يلي فيها عبود...
24/12/2024

انتهى عهد وعصر تمسيح الجوخ والكولكة والعبيد!!

مابقى في لاسيدي ولا معلم ولا سيادتكم ولا فخامتكم وهل العبارات يلي فيها عبودية للانسان!

وزير في الحكومة يصدر تعميم بمنع تداول هذه العبارات باعتبار أن منصب الوزير هو عبارة عن موظف لخدمة وإدارة شؤون الناس

سبحان مغير الاحوال كيف تبدلت الأمور من اسبوع لاسبوع وين كنا ووين صرنا ياجماعة اللهم لك الحمد

24/12/2024

تعليمات جديدة للسوريين المقيمين في تركيا الراغبين بالعودة لسورية

وزير الداخلية التركي:

- سيسمح لشخص واحد من كل أسرة سورية مقيمة بتركيا بالمغادرة إلى سوريا والعودة منها 3 مرات خلال الفترة من يناير حتى يوليو 2025 بهدف تسهيل ترتيبات عودة أسرته

- السوريون الذين سيعودون إلى بلادهم يمكنهم أن ينقلوا معهم جميع ممتلكاتهم ومركباتهم

- عدد العائدين إلى سوريا في آخر 15 يوماً تجاوز 25 ألف شخص.

أجواء الميلاد في جبيل ميلاد مجيد لكل اهلنا واصدقائنا وعائلتنا يلي متواجدين معنا بالصفحة من اخوتنا المسيحية كل سنة وانتو ...
24/12/2024

أجواء الميلاد في جبيل

ميلاد مجيد لكل اهلنا واصدقائنا وعائلتنا يلي متواجدين معنا بالصفحة من اخوتنا المسيحية كل سنة وانتو سالمين

تحياتنا للجميع والله يسعدكم دائماً على طول

بلشت عملية غربلة وإعادة تقييم الكفاءات من الموظفين!هي الصور من محافظة حلب لعملية إعادة تقييم شاملة للموظفين وفرز وتعيين ...
24/12/2024

بلشت عملية غربلة وإعادة تقييم الكفاءات من الموظفين!

هي الصور من محافظة حلب لعملية إعادة تقييم شاملة للموظفين وفرز وتعيين كل شخص حسب اختصاصه ومؤهله العلمي وخبرته العملية

هون مافي بيسلم عليك ابو تالا ولا الرفيق ابو طارق خلصت أيامهم راحت !!

أنت مؤهل وعندك الكفاءة أهلا وسهلا بك في مهمتك لخدمة وبناء البلد

طبعاً هل التجربة رح تعمم على كامل المحافظات لتقويم عمل جميع المؤسسات على المسار الصحيح

راحت أيام سخانة الكهرباء وابريق المتة وصبحيات النسوان وشغل الصوف وفرم البقدونس بالمكاتب

في سوريين مغتربين لحد الآن مو مصدقين انو سقط النظام ياجماعة!!✅ بيتصل فيك واحد بيسألك انا كان علي مراجعة أمنية واحد كاتب ...
24/12/2024

في سوريين مغتربين لحد الآن مو مصدقين انو سقط النظام ياجماعة!!

✅ بيتصل فيك واحد بيسألك انا كان علي مراجعة أمنية واحد كاتب فيني تقرير يعني هلأ بحسن احجز وانزل على الشام عادي طبيعي بدون ماحدا يحاكيني بالحدود ؟!

✅ أو شخص آخر بيسألك طيب والله أنا مطلوب عليي قضية جمارك وحكم قضائى وطلعت من البلد تهريب إذا نزلت ماحدا بيحاكيني ؟!

✅ أو شب مشتاق لأهله بيقلك أنا عليي جيش ومالي دافع بدل !!

ياجماعة نحنا من منبر ترحال بنأكد للجميع النظام سقط .... بنرجع وبنعيد النظام سقط ...

يعني لابقى في فروعة أمن تشحط العالم ظلم وتبلي ولافي حواجز على الطريق لحتى تسرقك وتشلحك مصرياتك ولا بقى في حدا يسألك بالمطار شو جايبلنا معك ؟!

خلصنا خلصنا قوم حمل حالك حجز كرت الطيارة وقول يارب الشام عم تستناك لو بتشوفوا بس موظفين الحدود السورية الجداد قديش أكابر ومحترمين ناس وجوها رحمانية بتخاف الله بمعاملة الناس موجودة لخدمتك وتسيير امورك لاحدا بيغلط عليك بكلمة ولا حدا بيتجاوز الحدود معك غير غير كل شي تغير وربنا كرمنا بناس بتعاملنا بنور الله متلنا تماماً بتشعر انو حدا من أهلك وناسك عم يتعامل معك

ماحدا بيحكي معك شي قوم حجز توكل على الله وقول يارب

صباح الخير والعودة لسورية الحبيبه

خدمة ترحال 00963999213539

من نص الشام بعد غياب 14 سنة !! المدام يارا صبري حالها متل حال بقية السوريين يلي دفعت ثمن كلمة الحق لما اتخذت موقف ضد الب...
24/12/2024

من نص الشام بعد غياب 14 سنة !!

المدام يارا صبري حالها متل حال بقية السوريين يلي دفعت ثمن كلمة الحق لما اتخذت موقف ضد الباطل وبعدت عن الشام 14 سنة !!

توفت والدتها الله يرحمها وماحسنت تنزل لتشارك بالعزاء وانحرمت من لقاء والدها ومع ذلك من فترة طلعت بلقاء وأعلنت بكل وضوح ( أنا ماتغيرت ) ولهلأ مصرة على موقفي بقول كلمة الحق تجاه الظلم والظالم!

الحمد لله رجعت المدام يارا صبري على الشام وهي الصورة إلها من قدام بيت أهلها بنص الشام لحظة وصولها من السفر بعد حرمان وغياب 14سنة

أهلا وسهلا بحضرتك مدام يارا والحمد لله على سلامتك انت انسانه محترمه واصيلة والحياة مواقف عز وشرف

23/12/2024

ياترى شو السبب أنو بهي الفترة بيتم التقييد على المسافر السوري ؟!

المسافر السوري هو الوحيد يلي بيواجه مسألة تطبيق القرارات عليه بكذا طريقة وهي من المفارقات الغريبة العجيبة!!

يعني مثلاً ممكن بإحدى السفرات تكون اوراقك قانونية مليون بالمية وتلاقي حدا بأحد المطارات أو على إحدى المعابر يعرقلك عملية سفرك تحت ذريعة قانونية!!

وممكن تكون مسافر بمرة تانية على نفس الورق وتمرق بكل سلاسة!!

كمان الموضوع نفسه بالمطارات ممكن تكون حاجز تكت طيران مؤكد وتوصل ما تلاقي محل الك على الطيارة وممكن تكون طالع من بلد ما بأحد المطارات مجرد أنك حامل باسبور سوري ممكن تواجهك مشكلة إدارية!!

طيب وين التعميم ؟!..... طيب وين القرار ؟! ..... طيب شو المستند القانوني يلي استندت عليه لحتى تروح عليي موعد الطائرة ؟!

ببساطة الجواب: توجيهات شفهية ممكن تختلف بين يوم وآخر لحسابات وموازين أبعد وأكبر من قرارات السفر

على سبيل المثال بلد ما كان يسمح للسوري بالدخول إلى اراضيه بدون موافقة لمجرد إذا كان معه إقامة اجنبيه أو خليجية قبل بأسبوع طلع قرار قام بإلغاء هاد الامتياز!!

لحد الآن نحنا ما استوعبنا فكرة انو في ناس حاجز مواعيد لم شمل بسفارات اجنبيه وناطرة الموعد أكتر من سنة فجأة بيطلع قرار إلغاء سمة الدخول لمواعيد مقابلات السفارة!!

طيب هي الناس شو ذنبها وليش طلع هاد القرار وشو سببه بالأساس ؟!

عيلة عندها موعد لم شمل بسفارة اجنبيه يعني مستحيل يدخلوا يخالفوا بالإقامة بالعقل والمنطق لانه رايحين على بلد اجنبي بيحترم حقوقهم بيعطيهم امتيازات ليش لحتى يتم حرمانهم من الدخول فقط لمدة ٤٨ ساعة فقط لحتى يلصقوا تأشيرة السفر للالتحاق بوالدهم وأهلهم ليش ماحدا بيعرف ؟!

على مايبدوا في ناس ماعم يستوعبها عقلها انو سورية رح ترجع تنهض كبلد من جديد ولا حدا عم يستوعب فكرة انو المسافر السوري رح يتحرر من قيود الابتزار ويحسن يسافر من مطارات بلده بعد كم اسبوع لهيك مستمرة هيك قصص وحركات لغايات بغض النظر عن ذكرها وشرحها !!

المهم مالنا بالطويل حابب بشركم انو اليوم قطر الله يكتر ألف خيرها قررت تبعت فريق هندسي كامل لمطار دمشق ومطار حلب لتزويدهم بكامل التجهيزات التقنية لسرعة عملية دخولهم في الخدمة وفوق هيك مشكورة تركيا أكدت انو الرحلات بين اسطنبول ودمشق ستفعل خلال الفترة المقبلة بإذن الله تعالى

معلش صبرنا 14 سنة كلها كم اسبوع مارح يأثروا وساعتها كل واحد بيسكر الباب على حاله وياجاري انت بحالك وأنا بحالي

تصبحوا على خير

23/12/2024

( شكراً على الثقة والمحبة لترحال ورجاء خاص من باب المحبة لجميع المتابعين)

✅ بداية بدنا نتشكر صفحات ومواقع حلب وحمص وحماه واللاذقية وطرطوس ماشاء الله يلي عليها متابعات مليونية ويلي بتاخد اخبار معتمدة من صفحتنا و بتكتب المصدر: ترحال .... هاد شرف النا انو تعتمدونا مصدر ثقة بكل خبر او معلومة نقوم بنشرها

✅ كمية التعليقات الإيجابية بحق صفحات ومواقع ترحال وعبارات الشكر والدعم لنا هي وسام شرف النا نحنا بناخد قيمتنا المعنوية بالقدر منكم أنتم وشرف كبير النا خدمتكم لأنه الإنسان بيكبر بأهله وناسه وعزوته

✅ رجاء خاص ياجماعة من باب الأملية والموانة لاحدا يكتب ضمن التعليقات اسم صفحه أو حساب أو شركة سبق لها هاجمتنا أو شهرت فينا الحمد لله رب العالمين بيكفينا محبتكم وثقتكم فينا مالنا فيهم بالعكس ياريت كل يوم يهاجمونا والله كتر خيرهم خدمونا بدون مايعرفو

✅ يلي بيهاجمنا وييشتمنا الله يسامحه ويلي بيشكرنا وبيدعمنا الله محييه هاد من أصله الطيب وكل انسان بيعبر عن سلوكه الشخصي من خلال تصرفاته

الحمدلله رب العالمين نحنا حاطين عينا بعين رب العالمين وبنعامل الناس بوصية رسول الله سيدنا محمد عليه الصلاة والسلام واكبر دليل انو رب العالمين أنصفنا اليوم بصحة معلوماتنا بكل منشور بعد ما الناس يلي سافرت اليوم صار يلي صار معها بالحدود والمطارات حسبي الله ونعم الوكيل

بالعكس كتر خيرهم انو شتمونا وهاجمونا وياريت كل يوم يعملوا نفس القصة لأنه خلونا نشوف محبة وثقة الناس فينا دخيل كرمك يارب والله نحنا شفقنا عليهم على الخزوة والاحراج يلي اصابهم قدام متابعينهم ماعاد لحقوا حذف واخفاء تعليقات الناس يلي عم تبهدلهم بعد ما اكتشفوا الحقيقة هههههههههههه لذلك برضايي عليكم عفى الله عن مامضى الله يسامحهم دنيا وآخرة محبتكم وثقتكم فينا كتير عزيزة علينا شهيدكم الله كل الحب والاحترام والتقدير لجميع عائلة ترحال لأنه انتو أهلنا يلي بنشوف حالنا فيكم

23/12/2024

( سبحان الله أنصفنا وأثبت مصداقية كل حرف بتنشره ترحال)

يوم امس نشرنا بوست عن إجراءات جديدة ستواجه المسافرين السوريين سواء كانوا قادمين من المطارات الإماراتية أو حتى يلي معهم تأشيرات الكترونيه إلى الإمارات

للأسف عشرات الصفحات هاجمتنا وطعنت بمصداقيتنا لدرجة وصلت لتوجيه إساءات شخصية لنا

نحنا الحمد لله رب العالمين لأنه معلوماتنا كانت مبنية تماماً على مصادر موثوقة ومؤكدة ما عطينا أي اهتمام للموضوع بالعكس أكدنا على صحة كل حرف نشرناه لأنه دائماً الخبر اليقين تأكد أنك بتاخده من عند ترحال بيروت

من سخرية القدر انو مجموعة الحسابات والمواقع الإلكترونية يلي هاجمتنا يوم أمس اليوم هي نفسها نشرت وأكدت الخبر يلي طعنت بمصداقيته يوم أمس

اليوم يلي صار بالحدود اللبنانية مع المسافرين السوريين يلي معهم تأشيرات الكترونيه ويلي صار كمان مع المسافرين السوريين يلي رجعوهن من مطار أبوظبي وماسمحولهم يطلعوا على الطيارة باتجاه مطار بيروت هو أكبر دليل على مصداقية أي خبر بتقوم بنشره ترحال بيروت

اللهم لك الحمد حتى ترضى ياجماعة رب العالمين كبير وكريم سبحانه أنصفنا وأكرمنا بإظهار الحق ومع ذلك في حزن كبير وألم أكبر تجاه كل مسافر سوري رجعوه من الحدود اليوم او من المطار

والله احترق قلبنا على خسارة هل الناس والعذاب والقهر والتعتير

الحمد لله على نعمة الصدق والإيمان في كل حرف ننشره أمام الله والناس وباعتبار انو حقنا وصلنا من رب العالمين نحنا مسامحين كل من أساء لنا بعرف انو يمكن في ناس بتتمنى الإساءة والتشهير بترحال ممكن لغيرة أو حقد شخصي ما علينا نبينا محمد صلى الله عليه وسلم وصانا بالتسامح لأنه العمل رسالة إنسانية خالصة لخدمة الناس

( الحدود اللبنانية ترفض التأشيرات الالكترونية وهذا ماجرى اليوم مع المسافرين السوريين على معبر المصنع الحدودي!!) ✅ للأسف ...
23/12/2024

( الحدود اللبنانية ترفض التأشيرات الالكترونية وهذا ماجرى اليوم مع المسافرين السوريين على معبر المصنع الحدودي!!)

✅ للأسف يلي صار اليوم مع المسافرين السوريين على معبر المصنع الحدودي جدا مؤلم ومؤسف

✅ في ناس ضلت ناطرة على الحدود من الساعة 7 صباحاً إلى الساعة 3 عصراً وبعدين رجعوها وتم رفضها

✅ تم توثيق حوالي 178 حالة رفض لمسافرين سوريين يحملون تأشيرات الكترونيه مختلفة إلى الإمارات وسلطنة عمان وبعضهم يحمل تصاريح دخول لمصر والأردن جميعهم تم رفضهم بعد ساعات طويلة من المعاناة!!

✅ مافي كلام يوصف يلي صار والله معنا مسافرين عندهم ظرف صحي معنا مسافرين معهم أطفال ومعنا مسافرين أطباء ومحامين ومهندسين كلها ناس عندها اختام دخول ومغادرة سابقة للأسف تم رفض جميعها

لاحول ولا قوة الا بالله العلي حسبي الله ونعم الوكيل مابنعرف لايمت المسافر السوري بده يواجه هيك معاملة سلبية ؟!!

أجواء كرنفالية رائعة تشهدها العاصمة بيروت في سوق الكريسماس ميلاد مجيد لكل أهلنا المسيحيين كل عام وانتم بخير
23/12/2024

أجواء كرنفالية رائعة تشهدها العاصمة بيروت في سوق الكريسماس

ميلاد مجيد لكل أهلنا المسيحيين كل عام وانتم بخير

الله يبارك بهمة الشباب يلي عم يقدم نموذج حضاري عن السوريين عم ينظمو السير بالشوارع لدعم حركة المرور بكل رقي واحترام ويكو...
23/12/2024

الله يبارك بهمة الشباب يلي عم يقدم نموذج حضاري عن السوريين

عم ينظمو السير بالشوارع لدعم حركة المرور بكل رقي واحترام ويكونوا سند للشرطة اولاد بلدهم

ياجماعة مطار دمشق في فرق شبابية تطوعت بمهمة كامل أعمال التنظيفات لحتى يرجع المطار بشكل حضاري

ياحرام شو خسرت هل البلد شباب عاشق لحتى يعمل انجاز ببلده كانوا يطفشوهن بس كرمال يسافروا ويدفعولهن بدل بالدولار

عدسة طارق الحسنية

Address

Damascus

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Saturday 09:00 - 17:00

Telephone

+963113453358

Website

Alerts

Be the first to know and let us send you an email when الطريق من دمشق الى بيروت posts news and promotions. Your email address will not be used for any other purpose, and you can unsubscribe at any time.

Shortcuts

Share

Category