02/08/2024
Chiang Mai ခရီးအကြောင််း တစေ့တစောင်း Part-2
----လည်ပတ်စရာများ----
(1)The Phae Gate
Adminတို့ ပထဦးဆုံးသွားတဲ့ နေရာ ချင်းမိုင်မြို့ရဲ့ အထင်ကရနေရာဖြစ်တဲ့ The Phae Gateကိုပါ။ရှေးဟောင်းအုတ်တံတိုင်းတွေနဲ့ ကျုံးပုံစံ ပတ်လည်ရေကန်တွေရှိတဲ့ The Phae Gateကတော့ ချင်းမိုင်ရဲ့ သင်္ကေတဆိုလည်း မမှားပါဘူး။
Location-https://maps.app.goo.gl/Jk1ZHh77aEPuED8c8
(2)Wat Chedi Luang
ဒီဘုရားကျောင်းကတော့ ချင်းမိုင်ရဲ့ မြို့ထဲမှာရှိတဲ့ The Phae Gateနဲ့ မဝေးတဲ့ နေရာမှာရှိပါတယ်။ ထုထည်ကြီးမားတဲ့ ရှေးဟောင်းစေတီတော်ကြီးနဲ့ ရှေးဟောင်း လက်ရာတွေပြည့်နှက်နေတဲ့ ကျောင်းဆောင်တွေကတော့ ဆွဲဆောင်မှုရှိလှပါတယ်။ဝင်ကြေးကတော့ တစ်ယောက်ကို 50ဘတ်ပါ။ အတိုအပြတ်တွေ ဝတ်ဆင်တာကို တားမြစ်ထားပါတယ်။ adminသွားတုန်းက ဘောင်းဘီတို ဝတ်သွားမိလို့ ပတ်စရာ ပုဝါ ငှားဝတ်ခဲ့ ရပါတယ်။
Location-https://maps.app.goo.gl/GzKkPVUjwVqnSitB7
(3)Silver Tample Chiang Mai
နောက်တစ်နေရာကတော့ ငွေထည်တွေနဲ့ ပြုလုပ်ထားတဲ့ silver tampleကို သွားခဲ့ပါတယ်။ Wat Chedi luangနဲ့ အရမ်းမဝေးပါဘူး။ ဒီဘုရားကျောင်းကလည်း ဝင်ကြေးပေး တစ်ယောက်ကို 50ဘတ်ပါပဲ။ ငွေရောင်ဘုရားကျောင်းရဲ့ ပင်မကျောင်းဆောင်ကိုတော့ မိန်းကလေးတွေ ဝင်ဖူးလို့ မရပါဘူး။ ကျန်နေရာကတော့ အကုန်သွားလို့ရပါတယ်။ ဒီဘုရားကျောင်းမှာဆိုရင် ထိုင်းရိုးရာ ဝတ်စုံငှားဝတ်ပြီး ဓါတ်ပုံရိုက်လို့ရပါတယ်။ Adminတို့သွားတုန်းကတော့ အချိန်မရလို့ ငှားဝတ်ပြီး မရိုက်ခဲ့ပါဘူး။
Loacation-https://maps.app.goo.gl/tiGP43t5LY5x2pZX9
(4)Wat Umong
ဒီWat Umongကလည်း ချင်းမိုင်ရဲ့ အထင်ကရ လည်ပတ်စရာနေရာတစ်ခုပါပဲ။ ဒီဘုးရားကျောင်းကတော့ ဝင်ကြေးမပေးရပါဘူး။ ရှေးဟောင်းဘုရားတွေရှိတဲ့ အပြင် ထင်ရှားတဲ့ ဘုရားအောက်က လှိုင်ဂူတွေကလည်း စိတ်ဝင်စားစရာအရမ်းကောင်းပါတယ်။ ဒီဘုရားကျောင်းမှာတော့ တရားအားထုတ်ဖို့ရာ ရိပ်သာတွေ ရှိတာကြောင့် ဆူညံဆူညံလုပ်လို့တော့ မရပါဘူး။ ဘုရားကျောင်း ဧရိယာကတော့ တော်တော်လေး ကျယ်ပါတယ်။ သစ်ရိပ် အပင်ရိပ်တွေ ရှိပြီးတော့ ရေကန်လည်း ရှိတာမို့ အပန်းဖြေလို့ အတော်ကောင်းပါတယ်။
Location- https://maps.app.goo.gl/GFSLzt9HiAkCoT3U6
(5)Night market Chiang Mai
ဘုရားတွေ လည်ပတ်ပြီးတော့ ညနေစောင်းသွားလို့ adminတို့ night marketပဲ သွားလိုက်ပါတယ်။ Chiang maiရဲ့ အဓိက night marketက adminတို့ တည်းတဲ့ hotelနဲ့က အရမ်းမဝေးပါဘူး လမ်းလျှောက်သွားရင် 7မိနစ်လောက်ပဲ ကြာပါတယ်။ တော်တော်လေး စည်ကားပြီးတော့ chiang maiထွက် ပစ္စည်းတော်တော်များများ ရှိပါတယ်။ အစားအသောက်တွေကလည်း စျေးသက်သာပြီး အရသာလည်း တော်တော်ရှိပါတယ်။ ဝယ်ချင်စရာတွေ များလွန်းတာမို့ bugetခြွေတာချင်တဲ့သူတွေ ပိုက်ဆံအိတ် အိမ်မှာ ထားခဲ့ဖို့ အကြံပေးချင်ပါတယ်😁
ကျန်တဲ့နေရာတွေကိုတော့ postထပ်တင်ပေးပါ့မယ် စောင့်မျှော်ပေးပါဦးရှင့်🤎
