02/11/2022
ယႃႇပေႉၵိၼ်တူဝ်ၸဝ်ႈၵဝ်ႇၽႅဝ်‼️
✅ၵၢၼ် လႄႈ ၵူၼ်း တိုၼ်းၵိုၵ်းၵၼ်
ပဵၼ်ၵူၼ်းမႃး ႁဝ်းၶဝ်တင်းလၢႆၼႆႉ ၽႂ်ၵေႃႈဢမ်ႇလွတ်ႈၼႃႈၵၢၼ်။ ၵၢၼ်ဢၼ်ဝႃႈၼၼ်ႉ မၼ်းပဵၼ် ဢၼ်ႁဵတ်းႁႂ်ႈၵူၼ်းႁဝ်း ပဵၼ်ၵူၼ်းဢွင်ႇပေႉ လႄႈ ထိုင်တႃႈယိူင်းမၢႆႁဝ်း။ ယင်းမီးၶေႃႈၵႂၢမ်းဝႃႈ ၵၢမ်ႇလီဢမ်ႇလီၼၼ်ႉ မၼ်းယၼ်ၼိူဝ် ၵၢၼ်ႁဝ်းႁဵတ်းလီဢမ်ႇလီၼႆယူႇ။ လူဝ်ႇႁဵတ်းၵၢၼ်ဢိူဝ်ႈ။ လူဝ်ႇၶတ်းၸႂ်ၵၢၼ်ဢိူဝ်ႈ။ ဢၼ်ၼႆႉ လူင်းမိၼ်ႉၵေႃႈဢမ်ႇထဵင်။
ၵူၼ်းႁဝ်း ပၢၼ်လႂ်ၼင်ႇပၢၼ်ၼၼ်ႉ၊ သႅၼ်းလႂ်ၼင်ႇသႅၼ်းၼၼ်ႉ ၵၢၼ်ဢၼ်ဝႃႈၼၼ်ႉ တိုၼ်းၵိုၵ်းပႃးဝႆႉယဝ်ႉ။ လုၵ်ႈဢွၼ်ႇၵေႃႈ မီးၵၢၼ်လုၵ်ႈဢွၼ်ႇ လႄႈ ၵူၼ်းလူင်ၵေႃႈ မီးၵၢၼ်ၵူၼ်းလူင်။ လုၵ်ႈႁဵၼ်းၵေႃႈ လူဝ်ႇႁဵၼ်းလိၵ်ႈ ၸင်ႇလႆႈဝၢၵ်ႈသုင်၊ ၼင်ႇၼၼ်ၵွၺ်း မေႃသွၼ်ၵေႃႈ လူဝ်ႇႁၢင်ႈႁႅၼ်းၵၢၼ်သွၼ်လီလီၸင်ႇ လုၵ်ႈႁဵၼ်းၸင်ႇပဵၼ်ၵူၼ်းၵတ်ႉၵႃႊ။ ၵူၼ်းႁဵတ်းၵၢၼ်ႁႃငိုၼ်းၵေႃႈ တေႃႈၼင်ႇၼၼ်။
⚠️ၵူၺ်းၵႃႊ ယႃႇလိုမ်းဝႃႈ ၵူႊလွင်ႈၼႆႉ ၼမ်လူၼ်ႉပူၼ်ႉၵေႃႈ မၼ်းဢမ်ႇလီ။
ၽိင်ႈတိုၼ်းပဵၼ်ၶူင်းၵၢင်ႁဝ်းၼႆႉ မၼ်းတိုၼ်းႁဵတ်းပဵၼ်မႃးၼင်ႇၼႆယဝ်ႉ။ ယႃႇဝႃႈၵူၼ်းလႃႈ၊ တွၼ်ႊၼင်ႇၶူဝ်းၶွင် ၶိူင်ႈၸၢၵ်ႈ ႁိုဝ် သတ်းတင်းလၢႆၵေႃႈ ပေႃးႁဝ်းတဵၵ်းၸႂ်ႉၶဝ်လိူဝ်သေ ဢၼ်ၶဝ်ပဵၼ်လႆႈၵေႃႈ ယင်းမေႃလူႉမေႃၵွၺ်။
ပေႃးပဵၼ်ၶိူင်ႈၸၢၵ်ႈၵေႃႈႁဝ်းလႆႈထႅမ်ၼမ်ႉမၼ်း ၵူႊၸိူဝ်ႉၵူႊလွင်ႈပၼ်၊ လႆႈထတ်းပၼ်ၶိူင်ႈမၼ်းၵူႊလွင်ႈလွင်ႈ။ ပေႃးပဵၼ်သတ်းၵေႃႈ ႁဝ်းလႆႈလဵင်ႉတၢင်းၵိၼ်ပၼ်ၶဝ်၊ ႁႂ်ႈၶဝ်လိုဝ်ႈႁိူဝ်ႉလိုဝ်ႈၸႂ်မိူၼ်ၵၼ်။ ၵူၺ်း ၵူၼ်းႁဝ်းၼႆႉသမ်ႉ လူဝ်ႇၼမ်လိူဝ်သေၼၼ်ႉ။ ၵွပ်ႈဝႃႈ ႁဝ်းၵေႃႈ ပိူင်ႈၵၢၼ်တင်းသတ်း လႄႈ ၶိူင်ႈၸၢၵ်ႈ။
ၶၢဝ်းယၢမ်းၵဝ်/ "Me" Time🤔
ႁဝ်းၵူႊၵေႃႉ တိုၼ်းလႆႈမီးပၼ် ၶၢဝ်းယၢမ်း တႃႇပၼ်တူဝ်ၸဝ်ႈၵဝ်ႇ။ ယႃႇလိုမ်းဝႃႈ ၵူၼ်းၼႆႉ မၼ်းပဵၼ်သတ်းမဵဝ်းယူႇၸွမ်းတူင်ႇၵူၼ်း၊ ၵွင်ႉၼွင်ႇသၢၼ်ၵၼ်တင်းၵူၼ်း၊ ႁဝ်းဢမ်ႇၸႂ်ႈမဵဝ်းယူႇၵေႃႉလဵဝ်။ ၵၢၼ်ၶဝ်ႈၵႄႈႁူမ်ႈၸွမ်းတူင်ႇၵူၼ်း ဢၼ်ႁွင်ႈဝႃႈ socializing ဢၼ်ဝႃႈၼၼ်ႉ ႁဝ်းၵေႃႈလူဝ်ႇ။
လိူဝ်သေၼၼ်ႉ ႁဝ်းၵေႃႈ လူဝ်ႇၶၢဝ်းယၢမ်း ႁဵတ်းဢၼ်ႁဝ်းပႃးၸႂ် လႄႈ ႁဵတ်း ႁႂ်ႈႁဝ်းၶုၺ်ႉႁၼ်ဝႃႈ ႁဝ်းလႆႈလိုဝ်ႈၸႂ် ပၼ်ၶၢဝ်းယၢမ်းတူဝ်ႁဝ်းၶိုၼ်းၼၼ်ႉ။ ၵူၼ်းၵူႊၵေႃႉ ဢမ်ႇမိူၼ်ၵၼ် ၼႂ်းတွၼ်ႊၼႆႉ။
မၢင်ႊၸိူဝ်း လဵၼ်ႈဢဵၼ်ႁႅင်း ႁႂ်ႈတူဝ်ၶိင်းလီတူၺ်း
မၢင်ႊၸိူဝ်းလဵၼ်ႈမၢၵ်ႇၼင် လႄႈ ၵၢၼ်လႅဵၼ်ႈႁႅင်းတၢင်ႇၸိူဝ်း
မၢင်ႊၸိူဝ်း တႅမ်ႈႁၢင်ႊပၢႆးမွၼ်း
မၢင်ႊၸိူဝ်း ႁွင်ႈမူၼ်ႊၽဵင်းၵႂၢမ်း
ႁဵတ်းဢၼ်ၸဝ်ႈၵဝ်ႇပႃးၸႂ် လႄႈ ၵျေႃႇမူၼ်ႊၸွမ်းမၼ်း။ မၢင်ႊဢၼ်ၵေႃႈ လႆႈႁိူဝ်ႉယူႇ။ ၵူၺ်းၵႃႊ လိုဝ်ႈၸႂ်ဢၼ်ဝႃႈၼၼ်ႉ ပဵၼ်ၵၢၼ်ဢၼ်ႁဵတ်းႁႂ်ႈ ၸႂ်ႁဝ်းၶိုၼ်း ၸိုၼ်ႈပၢင်ႇၶိုၼ်းၵွၺ်း။
🔋🔋ယူႇလီဢၼ်ဝႃႈၼၼ်ႉ ဢမ်ႇၸႂ်ႈ လွင်ႈဝႃႈ ႁဝ်းလွတ်ႈၵၢင်းတင်းပဵၼ်ၵွၺ်း
ၵၢၼ်ယူႇလီၼႆႉ မၼ်းၵေႃႈပႃးဝႃႈ
ၵၢၼ်မၢၵ်ႈမီးႁဝ်း ၸွင်ႇၵႂႃႇလႆႈလီႁိုဝ်၊
ပၢႆးယူႇလီတူဝ်ၶိင်းႁဝ်းၸွင်ႇလီႁိုဝ်
လွင်ႈယူႇလီပၢႆးၸႂ်ႁဝ်းလူး ပဵၼ်ႁိုဝ်
သိုင်ႇဝႅတ်ႉလွမ်ႉႁိမ်းႁွမ်းႁဝ်း ၸွင်ႇလီယူႇသဝ်းႁိုဝ် ၸိူဝ်းၼႆႉယဝ်ႉ။
လိူဝ်သေၵၢၼ်ၼၼ်ႉ ႁဝ်းၵေႃႈၵိုင်ႇလီပၼ်ၶဝ်းယၢမ်းတၢင်ႇမဵဝ်းယူႇ။ ၵၢၼ်ႁဵၼ်းႁဝ်း၊ ၵၢၼ်မူၼ်ႊၸွမ်းဢူၺ်းၵေႃႉ၊ ၵၢၼ်ႁဵတ်းၸွမ်းတၢင်းသူင်ၸႂ်ႁဝ်း လႄႈ ၵၢၼ်ပၼ်ႁႂ်ႈၸႂ်ႁဝ်းလိုဝ်ႈယဵၼ်ၸိူဝ်းၼႆႉ ပဵၼ်ဢၼ်လမ်ႇလွင်ႈ တႃႇၵၢၼ်ပဵၼ်ၵူၼ်းၼင်ႇၵၼ်ယဝ်ႉ။
ယႃႇႁႂ်ႈၶတ်းၸႂ်ၵၢၼ်ဢမ်ႇၸႂ်ႈ။ ႁႂ်ႈသႂ်ႇၸႂ်ပႃးတူဝ်ၵဝ်ၽွင်ႈၼႆၵွၺ်း။
ႁႂ်ႈပဵၼ်ၵူၼ်းယူႇလီသေၵမ်း😇😇
www.youtube.com/
