TravyLife Tours

10/12/2023

مربى الشارقة للأحياء المائية هو وجهة فريدة في الإمارات تقع في منطقة الخان القديمة بالشارقة.
يمتاز المكان بالتركيز على التثقيف والتوعية بشأن الحياة البحرية.

الموقع الجغرافي:
- يقع في منطقة الخان القديمة في الشارقة، الإمارات العربية المتحدة.

مميزات المربى:
- يضم أكثر من 20 حوضًا مائيًا مجهزًا لمختلف البيئات البحرية.
- يشمل بيئات مثل الشعب المرجانية والبيئات الصخرية وأشجار المنغروف.
- يعرض أكثر من 150 نوعًا من المخلوقات المائية، بما في ذلك أسماك المهرج وفرس البحر وقرش الشعاب المرجانية.

أما بالنسبة للأنشطة المتاحة فيتوفر:
- جولات تفاعلية بين الأحواض المائية لاستكشاف الحياة البحرية عن كثب.
- شاشات تفاعلية لتوفير معلومات مسلية حول البيئة البحرية.
- تنظيم فعاليات تثقيفية وورش عمل لتشجيع الوعي بأهمية الحفاظ على البيئة البحرية.

مربى الشارقة يقدم تجربة تعلم فريدة وممتعة لجميع الزوار، مع التركيز على الاستكشاف والتوعية بأهمية الحفاظ على البيئة البحرية.

#سياحة
#متاحف

#الشارقه

02/12/2023

أخبار مثيرة! 🌟
بفضل الله يسعدنا الإعلان عن بدء تحضيرات افتتاح فرعنا الجديد في دبي. دعمكم المتواصل هو اللي وصلنا للحظة دي، واحنا متحمسين جدا عشان نصنع معاكم ذكريات ومغامرات ماتتنسيش على يخوتنا المميزة في المدينة الجميلة دبي.

Exciting News! 🌟
We are pleased to announce the commencement of preparations for the opening of our new branch in Dubai. Your continuous support has brought us to this moment, and we are enthusiastic about creating unforgettable memories and adventures with you aboard our yachts in this magnificent city.

15/04/2022

17/09/2021

• متحف الألعاب في إسطنبول اسمه باللغة التركية Oyun Müzesi
• من أشهر المعارض الفنية والسياحية المخصصة للأطفال في تركيا، وسواء كنت سائح أو مقيم في تركيا لازم تزور المتحف ده.

• اتأسس المتحف في إسطنبول في 23 أبريل 2005 على يد الشاعر التركي المشهور إيكين سوناي في منطقة "كاديكوي" في حي "غوزتابه".

• هو عبارة عن معرض ابيض خشبي كبيير مليان لعب أطفال متجمعة من أكتر من 20 دولة حول العالم، الألعاب دي منها الأثري والفلكلوري.

• حتشوفوا هناك ألعاب قديمة عمرها حوالي 200 سنة والمتحف بيوضح في عروضه التطور الذي حصل على صناعة الألعاب في الفترة دي.

• المتحف بينظم فعاليات ونشاطات ترفيهية تقوي مهارات الأطفال وهو مكان كويس لإنشاء ورشات عمل والألعاب الترفيهية الجماعية للأطفال.

• المتحف بيستقبلكم كل يوم ماعدا يوم الإثنين إجازة. وتقدروا تاخدوا جولة افتراضية قبل وصولكم لتركيا عن طريق الرابط ده:
https://istanbuloyuncakmuzesi.com/pages/360-tur
• موقع المتحف على خرائط جوجل:
https://goo.gl/maps/pp6RGqCt2pVdtfG47

لما تزوروه ماتنسوش تبعتولنا صوركم وقولولنا إيه أكتر حاجة لفتت انتباهكم فيه.. وقولولنا كمان إيه نوعية الأماكن اللي تحبوا نغطيها.

15/09/2021

اسطنبول❤️ .. وليلها❤️ .. وبحرها❤️ .. وجمالها❤️ ..

مهما كان عددكم ومهما كانت المناسبة ، حتلاقوا عندنا يخت يكفيكم عشان تقضوا أحلى جولة قرب جسر البوسفور..

بنوعدكم برحلة ماتتنسيش 🥰

06/08/2021

الصيف حر جداا🥵 والمدارس قربت تفتح 😏والأجازة قربت تخلص😥
وأنتوا لسه متفسحتوش!!!

طيب ياللا بينا نلحق نغير جو بسرعة ونطلع نتفسح ونغير جو في أجمل مدن تركيا 🥰🥰🥰

كلمونا واحجزوا رحلتكوا وعيشوا أجواء متعة جديدة ومختلفة مع ترافي لايف 🥳

https://wa.me/905537777299

05/08/2021

في الحر ده 🥵 مش هينفع نعمل مناسبات في قاعات مقفولة،
طيب نعمل إيه 🤔 ؟

لو عندكم حفلة أو فرح أو عيد ميلاد أو حتى لمة أهل وأصحاب تعالوا نحتفل بيهم بطريقة جديدة 🥳

حنعمل الحفلة في يخت خاص في وسط البحر تحت البسفور 🥳🎉

كلمونا واحجزوا يخت تعيشوا فيه يوم مختلف وجديد وتكون فعلاً أوقات ماتتنسيش 🤗⛱️🛥️

وماتنسوش تتابعونا عشان تعرفوا كل جديد 🥳

https://wa.me/905537777299

01/08/2021

لو أنت من الناس اللي مهتمين وبتحب تعرف معلومات عن الحياة المائية يبقي لازم تزور أكواريوم اسطنبول. 🐬🐟🐋

الأكواريوم عبارة عن حوض للاسماك يحتوي على ما يقارب 1500 نوع من الكائنات الحية المختلفة التي بتتنوع بين الأسماك بشكل خاص إضافة إلى البرمائيات. وأكثر شئ مميز هناك هو وجود البطاريق الجميلة.
بعد أما تخلص جولتك مع الاسماك المختلفة هتلاقي الغابة الاستوائية.
الغابة دي تعتبر من أجمل الأقسام في حوض أسماك إسطنبول والتي تم إنشاؤها عشان تكون شبيهه بغابات 🌲🌴 الأمازون الاستوائية في أمريكا الجنوبية.

الأكواريوم فيه سينما رباعية الأبعاد واللي هتوفرلك مشاهدة العديد من المغامرات من خلال تجربة جديدة ومختلفة جدا تعتمد على تقنيات الواقع الإفتراضي ومحاكاة عناصر الماء والرياح.

وبعد أما تعيش تجربة التجول بين الاسماك ممكن تدخل مول فلوريا تعمل شوبينج وتأكل أحلي أكل في المطاعم المتوفرة في المول ..

ده لوكيشن أكواريوم أسطنبول:

Istanbul Aquarium
444 9 744
https://maps.app.goo.gl/Qdi9FezvNpezDJBT9

يللا استنونا في جولة تانية في أسطنبول الجميلة!
🥰🥰🥰

21/07/2021

ليالي اسطنبول ليها طعم تاني وخصوصاً لو في وسط البحر..
الفيديو من سهرة ليلة العيد في البوسفور ❤️

اكتبولنا في الكومنتات بتحبوا اسطنبول أكتر بالنهار ولا بالليل وفي انتظاركم تشرفونا في تراڤي لايف عشان تعيشوا أوقات ماتتنسيش 🥰

21/07/2021

• قصر دولما بهشة اللي اتبنى في سنة ١٩٦٥م في اسطنبول يعتبر من اجمل القصور وكان مركز ومقر لسلاطين وحكام الدولة العثمانية.

• القصر اتبنى بإيد أفضل وأشهر المهندسين المعماريين العثمانيين والأرمن وبشكل خاص للسلطان عبدالمجيد الأول، واستمر بناؤه لمدة ١٣ سنة تقريبا 🥰

• القصر في منطقة بشكتاش وبيطل على مضيق البوسفور 😃

• فيه حديقة جميلة جداً وانتوا ماشيين فيها هتستمعوا بجمال المنحوتات والنوافير.

• لما تدخلوا بهو (قاعة استقبال 😃) القصر هتنبهروا بفخامة الاثاث والنجف الكريستال اللي نازل من السقف.

• هتشوفوا هناك الغرفة اللي توفى فيها أتاتورك واللي الساعة لسه فيها مضبوطة على وقت وفاته (09:05).

• المكان ممتع جدا وهتحسوا وانتوا بتلفوا هناك انك رجعتوا لزمن السلاطين وعظمتهم.

• ده لوكيشن القصر على خرائط جوجل:
https://maps.app.goo.gl/qtfsyXNFQy67A2Kf8

ولما تزوروه ماتنسوش تبعتولنا صوركم وقولولنا إيه أكتر حاجة لفتت انتباهكم فيه.. وقولولنا كمان إيه نوعية الأماكن اللي تحبوا نغطيها.

وكل عيد أضحى وانتوا طيبين 🥰

19/07/2021

تراڤي لايف بتتمنالكم عيد مبارك وكل سنة وانتم طيبين وبصحة وعافية يارب 😊

12/07/2021

اسفانبول هي أكبر مدينة ملاهي في تركيا، مكانها في إسطنبول في منطقة أيوب، صمموها مجموعة من أهم الخبراء العالميين وراعوا في التصميم معايير السلامة الدولية عشان تكون آمنة وساحرة في نفس الوقت، وتنافس بذلك مدن الملاهي العالمية زي ديزني لاند.

المدينة متقسمة لأربعة اقسام:
القسم الأول: الملاهي الذي يتضمن دنيا الاساطير والألعاب والمغامرات وأكثر من 50 لعبة مثل السفينة الدوارة وكينج كونج.
القسم الثاني: قسم التسوق.
القسم الثالث: قسم العروض الترفيهية والتسلية والعروض المسرحية.
القسم الرابع: سينما بتعرض الافلام العالمية ومع العرض بتتحرك المقاعد لإضافة جو ممتع للمشاهد.

الألعاب فيها تناسب كل الاعمار وفيها سيميوليشن لفتح القسطنطينية عبارة عن مركب تركبوه وبيمشي بكم في قناة صناعية حواليها تماثيل تجسد جيش فتح القسطنطينية وفي صوت بيشرح الأحداث والتماثيل بتتحرك كأنها جيش الفتح فعلا.
الحجز من موقعهم الالكتروني سهل وأوقات كتير بيكون أرخص من شباك التذاكر وخصوصا لو معندكوش إقامة تركية وده لينك الموقع:
https://isfanbul.com
وهنا اللوكيشن بتاعها:
https://g.page/isfanbul?share

وآخر ملاحظة: زي أي مكان زحمة انتبهوا جدا ومتروحوش بالباسبور وامشوا بكروت البنك وقللوا من الكاش وروحوا بدري عشان تتبسطوا وتكون فعلاً ذكرى ماتتنسيش..

08/07/2021

6 أسباب يخلوك تعمل حفل زفافك في يخت خاص وسط البحر

1- حفلة مميزة وفريدة من نوعها لأن العريس والعروسة يوم زفافهم بيكونوا عايزين يعملوا حفلة مش ح تتكرر تاني وكمان تكون ذكرى ليهم وعائلاتهم وأصدقائهم..

٢- اليخوت هي أنسب مكان لكسر الروتين التقليدي بتاع القاعات العادية.

٣- مش محتاجين نقول ان البحر مكان رومانسي 🥰

4- الناس اللي بتقدر الخصوصية حلهم هو يخت في وسط البحر مع حبايبهم وبس 😊

5- الصور التذكارية حتبقى حكاية مبهرة لأبعد حد 💓 مناظر داخلية مع ضيوفك، وخارجية مع البحر وبانوراما الأفق البعيد، ولون المياه التركوازي الصافي، وغروب الشمس، ولون أضواء مدينة اسطنبول وهي منعكسة عالبحر.

6- المميز عندنا هي لقطة مميزة جدا تقدروا تاخدوها مع جسر البوسفور واساميكم مكتوبة بالليزر المضئ في خلفية الصورة.

قولولنا في الكومنتات إيه أكتر حاجة عجبتكم وإيه الأفكار اللي تحبوا تضيفوها في حفل زفافكم واحنا جاهزين لتنفيذ كل اللي تتمنوه. ولو حابين تعملوا أي مناسبة سعيدة وسط البحر كلمونا أو راسلونا على واتس آب عالرقم ده https://wa.me/905537777299

07/07/2021

سحر الغروب مع سحر الأمواج بياخدوك في رحلة تأمل ليها طعم تاني..

اعمل مناسبتك في يخت وسط البحر وزود عليهم سحر الأوقات السعيدة اللي حتقضيها في الأجواء دي..

05/07/2021

لأن لكل مناسبة جو خاص بيها فاحنا مهمتنا اننا نوفر لك يخت خاص يناسبها 🛥️

ابعتلنا بس عدد ضيوفك المتوقع سواء كانوا ضيف واحد أو حتى مائة، واحنا حنساعدك تختار من الاختيارات المتنوعة اللي عندنا عشان فعلاً تعيشوا أوقات حلوة ماتتنسيش 🥰

01/07/2021

مهما كانت مناسبتك، احنا حنحولها للحظات حلوة ما تتنسيش!

30/06/2021

• عيد ميلادك قرب وعايز تحتفل بيه بطريقة جديدة؟ يبقى هات اصحابك واستعد لحفلة مجنونة في يخت خاص 🛥️

• عيد الميلاد الجاي حيكون في وسط البحر وحتاخد صورة مع اسمك المكتوب بالليزر على جسر البوسفور..

• كلمنا وعرفنا التاريخ وعدد الضيوف وكام ساعة وسيب الباقي علينا لأننا حنخليك تعيش لحظات حلوة ماتتنسيش 🥰

ابعتلنا استفساراتك على واتس آب عالرقم ده:
https://wa.me/905537777299

ومتنساش تتابعنا على السوشال ميديا عشان يوصلك كل جديد في عالم الترفيه..

فيس بوك:
https://www.facebook.com/TravyLifeTr/
انستاجرام:
https://www.instagram.com/TravyLifetr

29/06/2021

سافرت تغير جو واتفاجئت بعد وصولك بحاجات ناقصة نسيت تحطها في شنطة السفر؟ 😱

عشان ميحصلش الموقف ده معاك عملنالك قائمة فيها أهم 39 حاجة بيحتاج المسافر انه يحطها في شنطة سفره 🤩🤗

قبل سفرك بوقت كاف، حمل القائمة من الرابط المرفق واطبعها 🖨️ وضيف عليها أغراضك الشخصية واعمل علامة ✅ جانب كل غرض تحطه فى شنطتك عشان تقضي وقت ممتع في رحلتك وتبقى فعلا ذكرى حلوة ماتتنسيش 😊..

https://bit.ly/Travylife-BagChecklist