Mini Cash

11/03/2024

05/01/2024

واحدة من روائع الشاعر سميح القاسم :

هي قدس السماء والرسالات والأنبياء
وهي قدس المواليد والحلم
قدس القصائد والأغاني
وقدس البكاء و الرؤى والمعابد
هي قدس الرجال والنساء
وأنا...
أنا ذقته كعكها المقدسي الشهير
أجل ذقته...
وأنا عائد ’ عائد
عائد ملئ شعبي
عائدٌ ملئ شعبي وشوقي وحبي وعشقي وقلبي
وسري وجهري
شتائي وصيفي
حنيني و خيفي
وقوة روحي وضعفي
عائد ٌ ....
قلت عائد
ألف عائد

#ندوة

#شعر
#ادب

02/01/2024

# قلم رصاص…♥️

مش بكتب شعر
عشان اشعار
او انول اعجاب و الفت انظار
و لا عايزة اتلمع
و لا اجمع حواليا الناس
علشان تسمع
و لا هطبع كتبى
و اراقب عدد القراء
و لا اعافر من اجل تريند
و لا اسافر لبلاد الهند
و لا اوزع ع الدنيا شعر و احساس
و لا هبقى الماركة الكسبانة الرابحة
و لا اعلق قلبى عل الصفحة
و اشوف
كام واحد مروا و اسجل عدد الزوار
لا انا عايزة اتعد من الشعرا
و لا عمرى سعيت
عل باب شهرة
و لا سكنت احلامى الاضواء
انا مرة جذبتنى الصدفة
و شدتنى قلوب عاشقة
لرحاب الضوء
و قالتلى تعالى السما واسعة
و انتى نجماية و ساطعة
هاتى ايدك
و لحد حدود الشمس نروح مشوار
انا كنت ساعتها فراش طاير
لساه طيب او مش فاهم
الدنيا طلاسم
و انا قلبى كان عصفور حالم
ممزوج بالحلم
و طال حلمه و ملحقش يفوق
كان لسة القلب حمام طاير
طرح بشاير
كان كلى حماس
و الشعر دة بكر
و العمر بيحسب لسة ف اول شبر
و دى اول مرة اكتب بالحبر
و اول كلمة و اول سطر
من بعد زمان
قضيته زمان
بكتب برصاص
كان لسة العمر
ف اول اغانيه
بينام لياليه
هادى و مرتاح
ف امان و سلام
الشمس جميلة و
البدر تمام
معرفش جراح
و لا غاب له صباح
كان لسة العمر براح و بلاده عمار
كان لسة خضار...

31/12/2023

وفجأه لقيت الدنيا قلبت أطلال
مايله تلال وجبال
ولا نافع شهره ولا جاه ولا مال
قلبت لخراب لدمار
القلب البكر
مبقاله فكر
غير ذكر
ازاى ده بيحصل ويايا
اشوفك قدامى واسرع اقدامى
واجرى وراك وتقولى كفايه
ازاى من غير اسباب تنتهى احلامى
ازاى دى تكون
بعد م الف معاك الكون
يا جميع احلامى
ليا نهايه
الشعر مكتبهوش قلمى
لا بالعكس دى آهات من المى
قلبت كل القصه
من حب وتلال ف سعاده
لقلب مليان اطلال لاباده

31/12/2023

كم الساعةُ الآن؟
أعني.. كم الساعةُ الآنَ عندَك
هنالكَ حيثُ تتآمرُ علينا
خطوطُ الطولِ.. وخطوطُ العرض
وكلُّ شيءٍ يباعدُ بيننا
كيف لنهاري أن يُلامِسَ ليلَك
وأيُّ تقويمٍ عشقيّ
يمكنُهُ جمعُ لهفتِنا
ليلةَ رأسِ السنة.

#عليكَ_اللّهفة

26/12/2023

الراجل يحب الست تكون
مثقفة مش متفتحه 'open minded'
شيك مش مثيره 'Euro style "
يُعتمد عليها مش عامله قويه strong independent
تتناقش معاه مش تجادلة
زي ما نتي عايزاة يراعي ربنا فيكي ،،، انتي كمان راعي ربنا في شقاه وتعبة وفلوسة
زي مانتي عايزاة يحتويكي ،،، إنتي كمان لازم تحتوية بأدبك و رقتك و حيائك و كسوفك و صوتك الواطي لأن ده الصح و دينك قال كده مش الكلمه بكلمتها و عدم حياء و تبجح فالكلام و انا حره و مفيش فرق بيني و بينك و عايزاه يحتويكي و يبقي ضهرك و سندك.....

السبب الرئيسي لنجاح علاقات زواج ابائنا وامهاتنا . ان الست كانت ست وبتعامل الراجل انه راجل
السبب الرئيسي لفشل علاقات زواج جيلنا . ان الست عايزة تعيش دور الراجل✅️🧡

21/12/2023

فى 2023احلى كلمه سمعتها
لما قاله ولعت
الله اكبر قلوبنا معاكم مهما
العيون دمعت
اضعف إيماننا والله غالب مهما
اليهود طغت
من مصر دعينا بنصر لإخواتنا
بقلوب اتمزعت
من الخنادق شايلين بنادق
بغزة اتصنعت
رغم الحصار وضرب النار مفتاح
الدار ما ضيعت

21/12/2023

سكرهم مكنش بيحلي
يالفرحة عودي وهللي
ويا حزن فارق ضللي
منيش فاضى
بايع الهوى رخيص
كفايه شو وتهجيص
منظركوا عايز ترخيص
من قاضي
اشكالكوا بقت محفوظه
فى عيون ماهيش محظوظه
بشوفتكم سماجة بوظه
باظت وعالفاضى
موضوعنا اصله بسيط
تعبنا من التبسيط
وقولة ده لسة البيت
مليان ومش فاضى
الكل بقى. معزوم
عالواجب ينام ويقوم
المشهد ده عايز زوووووم
ألوانه م الماضي
شغل بقى محروق
تلككيك وصل للذوق
وقالوا ببص لفوق
وهو واحد عادي

21/12/2023

يارب لا تشغلنا بالمالِ والبنون،واشغلنا بيوم لا ينفع فيه مالاً ولا بنون"
❤

21/12/2023

الغل مهما اتدارى بيبان
بالإحساس بالنظرة وبالألوان
الكلمه اللى بتتقال وسط الضحك عنوان
شماتة وغيرة وتركيز
خلق بنفس مريضه بالحقد
وكأن ما بينهم وبين الشيطان عقد
لو يبلعوا ريقهم يتسموا وسنانهم تتعض
ويتصابوا بالغيظ
يتمنوا يشوفوك واقع
وانت معاهم ضايع
وبلاهم نجم ونجمك طالع
مرفوع الراس وعزيز
#بقلمى #حامدالعربي

21/12/2023

بلغوا سلامنا لرسول الله صلى الله عليه وسلم
يا شهداء العزة بغزة
💔🇵🇸

21/12/2023

طفح الكيل
زهقت خلاص من الكل
حبيت ازرع فى طريقهم فل
زرعوا بطريقى الشوك والذل
طفح الكيل
بالمعنى الحرفي للكلمه
قتلوني وفى ذهولى بالصدمه
كانت سكاكينهم مصدية وتلمه
حسيت بالويل
من ناس كنت ليهم سند
وقعت وطلبت منهم مدد
داسوا عليا كاملين العدد
وقالوا عويل
بيسيب حقه شمال ويمين
مين طعنه ولا يعرف مين
بطمعهم عملولى كمين
وطال الليل
مسموم قلبي معاهم مصلو
سابوني أموت وفجحدهم واصلو
باعونى رخيص وعليا ما فاصلو
بني اسرائيل
ودلوقتى متأمل فى رحمة ربي
يهديهم ويغفر لي كمان ذنبي
حبيت وراح سراب حبي
بقلب عليل
زرعت الخير وضاع طرحي
مين يداوي يا ناس جرحى
مين يرسم لوشي انا فرحى
ويكونلي خليل
#بقلمى #حامدالعربي

21/12/2023

اللهم لا ترفع لهم فى الارض رآيه
اللهم أرني فيهم آيه
وشتت شملهم
وفرق جمعهم وسدد رمي المؤمنين

19/12/2023

"أيّ شيء يجعلك تبتسم احتفظ به سراً"

15/12/2023

ماكنت يوماً معجزة لكنني كنتُ الحقيقة والأمل ،
ڪنتُ الهدوءَ والسلامَ لا الجَدل….

14/12/2023

لو لم أؤمن بأن
محمد بن عبدالله
أخر نبي
للذي تلاه لكان أبي

07/12/2023

#غزة الخوف بالألوان
شهداء فى كل مكان
ومكان ما تروح تلقى أمان
ما بعد الموت مفيش اصوات ،
ولا إنفجارات وآهات
فى رب هنشكيلة عن ياما حاجات
هنقوله الشيعة والسنة
بيتخانقوا عن مين يدخل الجنه
ونسيوا فلسطين
وكمان صدت خناجرهم
فسكتت حناجرهم ،
وبطلوا ينادوا صلاح الدين
وكأنه راح يجى من الموت
يدافع عنا بالسيف والنبوت
يخاف العرب على سلاحهم
م العفرا او تمشى جحافلهم
فى الطين

28/01/2023

تذاكر الطيران اكتر حاجة لازم تكون مركز وانت بتحجزها لآن الغلطة بفلوس كتير ..
ركز في المواعيد وسيب علينا باقي كل التفاصيل المهمة الي ممكن ماتجيش في بالك ✍🏻 زي مراجعة تاريخ السفر والوزن ووقت الترانزيت وحاجات تانية كتيير ..
هنقدملك خدمة وسعر مش هتلاقيهم في اي مكان تاني ، ومفيش اي رسوم خفية 👌🏻