Odendaal’s Ridge is aan die rand van die bekoorlike dorpie Clarens, aan die voet van die berge. Dit is naby verskeie winkels, restaurante, doendinge en besienswaardighede.
Verblyf is beskikbaar in 2 selfsorg-eenhede en 'n tuinwoonstel. Een van die eenhede is op die grondverdieping en die ander op die boonste verdieping. Die eenhede kan apart of as een groot eenheid bespreek word vir tot 14 gaste.
Die 2 eenhede in die woning is identies en het elk 2 slaapkamers met en suite-badkamers en 'n dubbelslaapbank in die leefarea. Elke eenheid het ook 'n kombuis en eetarea met oorgenoeg sitplek.
Dié eenhede lei na 'n groot balkon met 'n ingeboude braai. Verder is daar 'n kaggel en elektriese komberse vir die koue winteraande.
Die derde eenheid is 'n woonstel met 'n privaat en suite-badkamer, kombuisie met 'n yskas, mikrogolf, tee-en koffiemaakgeriewe en ‘n Weber braaier.
Tariewe:
Huis op grondvloer R2500per nag
Huis op boonste vloer R2500 per nag
Tuinwoonstel R1000 per nag
R1000 sleutel en breek deposito
☎️ 082 930 8819