17/05/2023
As mens nie in die gewoonte is om iets op dié blad te plaas nie, gaan dae en weke verby en verloor die nuus sy trefkrag. Ek onderneem weereens om meer gereeld nuus te plaas. Die Drakensberge en Lesothotoer was baie susksesvol. Ons het 3 900 km gery, geen voertuigprobleme ervaar nie en elke dag die mooie natuurtonele en vriendelike mense ten volle geniet. Party plekke, veral die pad oor die Naudésnekpas tussen Rhodes en Mount Fletcher (100 km) was erg verspoel en sleg, maar na meer as 5 ure het ons dit suksesvol voltooi! Ook die laaste 7 km na Malealea Lodge het ons 'n uur geneem. Alles was die moeite werd! Die Katsedam was 'n belewenis. Dit is tans 98 present vol. Die Sanipas was besonders!
Nou lê die Kruger NP en Eswatinitoer van 30 Mei tot 7 Junie 2023 voor! Kan nie wag nie!
Ek wil voorbrand maak vir die Tankwa- en Blommetoer van 14 - 19 Aug 2023, asook die Wildekustoer 12 - 19 September 2023.. Skakel my gerus vir meer besonderhede. Groete