10/10/2023
Tuscany @ Sea 4 is 'n lieflike selfsorgwoonstel vir 6 gaste in 'n sekuriteitskompleks wat net 400 m vanaf die strand in Tergniet is.
Dié woonstel het meer as 1 verdieping en is geskik vir 6 volwassenes en 2 kinders. Daar is 3 slaapkamers, 2 badkamers en 'n oopplan-kombuis en -sitarea. Die hoofslaapkamer het 'n dubbelbed en die ander 2 slaapkamers het elk 'n tripelstapelbed wat geskik is vir 2 volwassenes en 'n kind. Elke badkamer het 'n stort. Badhanddoeke word voorsien, maar gaste moet asb. hul eie swemhanddoeke saambring.
Die oopplan-kombuis is met 'n stoof, oond, mikrogolf, yskas-vrieskas, eetgerei, breekware en tee- en koffiemaakgeriewe toegerus. Gaste kan hul etes rondom die etenstafel geniet. Die woonstel spog ook met 'n skottelgoedwasser en wasmasjien.
Verder is daar 'n binnebraai en 'n sitarea wat lei na 'n onderdakstoep met 'n uitsig oor die tuin en 'n vuurput. Indien gaste wil DStv kyk, kan hulle hul eie DStv-dekodeerder, -slimkaart en -afstandbeheer saambring. Daar is onderdakparkeerplek vir 1 voertuig.
Gaste kan op Tergniet se strand stap of visvang, swem in die getypoel of 'n draai gaan maak by Klein Brak se strand of Strandmeer of Mosselbaai.
