ԵՊՀ Արշավական Ակումբ

18/03/2023

ԵՊՀ Ուսանողների հետ տարվող աշխատանքների կենտրոնի կազմում գործող Գիտարշավական ակումբի ուսանողների հաջորդ կանգառը Կոտայքի մարզն էր։

Ակումբականները այցելելեցին Գառնու հեթանոսական տաճար, Գեղարդի և Հավուց Թառի վանական համալիրներ։
Ծանոթացան հին Հայաստանի ճարտարապետաշինարակական բացառիկ նմուշներին:
ՊԳԹ դոցենտ Միքայել Մալխասյանը արշավի ընթացքում ոչ ֆորմալ դաս անցկացրեց ուսանողների հետ` «Հայ հեթանոսության պատմությունը» թեմայով, որի միջոցով արշավականները հարստացրին իրենց գիտելիքները այդ հիշարժան ժամանակաշրջանի մասին։

Դե իսկ վերջում` ազգային երգ ու պարով նոր շունչ հաղորդեցին մեր հին կոթողներին` ոտքի տակ թնդեցնելով մեր հազարամյա պատմությունն ունեցող հողը։

22/02/2023

Ուսանողների հետ տարվող աշխատանքների կենտրոնի կազմում գործող Գիտարշավական ակումբի ուսանողները այցելելեցին Էրեբունի պատմահնագիտական արգելոց - թանգարան և Հայաստանի Պատմության թանգարան։
Թանգարաններում ուսանողները վերհիշեցին և հարստացրին պատմական Հայաստանի մասին իրենց գիտելիքները, տվեցին և ստացան իրենց հուզող հարցերի պատասխանները։
Գիտարշավական ակումբի նպատակը ոչ միայն ուսանողներին սեփական երկիրը ավելի լավ ճանաչելու հնարավորություն տալն է, այլև` մեր հայրենիքի հարուստ պատմությունը վերհիշելը, պահպանելը ու փոխանցելը։

13/12/2022

Օրեր առաջ ԵՊՀ գիտարշավական ակումբի շրջանակներում այցելել էինք Արագածոտնի մարզ 🚌
Գնացել էինք բացահայտելու մի շարք հետաքրքիր վայրեր, այսպիսով եղանք `
📍 Թալինի Սբ. Կաթողիկե եկեղեցում
📍 Դաշտադեմի ամրոցում
📍 Գևոր Չաուշի թանգարանում
📍 Մուշեղ Գալշոյանի տուն թանգարանում

Չնայած ցուրտ եղանակին, գիտարշավը անցավ բավականին ջերմ քննարկումներով և նոր գիտելիքներով: Եվ իհարկե էլ ինչ արշավ առանց ազգային երգ ու պարի:😍✊

Դե ինչ շարունակեք հետևել ԵՊՀ գիտարշավական ակումբի գործունեությանը, քանի որ ամենահետաքրքիրը դեռ առջևում է❤

ԵՊՀ Արշավական Ակումբ ԵՊՀ ուսանողների հետ տարվող աշխատանքների կենտրոն/YSU Student Affairs Centre

28/06/2022

Արշավականներից Անուշի կողմից փոքրիկ ճանաչողական հոլովակ Էջմիածին քաղաքի եկեղեցիների մասին⛪️🤍

28/04/2022

27/04/2022

Բացահայտեցինք Տավուշը💚😍
Իսկ ո՞րն է Տավուշում Ձեր սիրելի վայրը

17/04/2022

ՔՐԻՍՏՈՍ ՀԱՐՅԱՎ Ի ՄԵՌԵԼՈՑ.... ՕՐՀՆՅԱԼ Է ՀԱՐՈՒԹՅՈՒՆԸ ՔՐԻՍՏՈՍԻ...
Շնորհավոր Սուրբ Զատիկ! Թող որ այս օրը լինի նույնքան յուրահատուկ և գեղեցիկ, որքան դուք մեր սիրելի հետևորդներ❤🤗

Զատիկ կամ Հիսուս Քրիստոսի հրաշափառ Հարության տոն ( նշանակում է անցում, զատում, բաժանում), քրիստոնյա եկեղեցիների, այդ թվում նաև Հայ Առաքելական Եկեղեցու հնագույն և գլխավոր տոնը, հինգ տաղավար տոներից մեկը։
Զատիկը շարժական տոն է, այսինքն յուրաքանչյուր տարի նրա նշման օրը փոխվում է։
Զատկին նախորդում է Ավագ շաբաթը։ Զատկի հետ առնչվող գլխավոր արարողությունները սկսվում են Ավագ շաբաթվա շաբաթ օրը և ավարտվում երկուշաբթի։ Շաբաթ երեկոյան մատուցվում է Քրիստոսի հարության ճրագալույցի կամ ճրագալույսի պատարագ, որով վերջանում է Զատկին նախորդած յոթ շաբաթ տևած Մեծ Պասի շրջանը։ Պատարագի ավարտին հավատացյալները միմյանց ողջունում են «Քրիստոս հարյավ ի մեռելոց» ավետիսով և ստանում «Օրհնյալ է հարությունը Քրիստոսի» պատասխանը։
Ժամերգություն է տեղի ունենում և Պատարագ մատուցվում և բուն զատկական Կիրակի օրը։

15/04/2022

Կարմրավորը, կամ Սուրբ Աստվածածին եկեղեցին, 7-րդ դարի փոքր խաչաձև կենտրոնագմբեթ եկեղեցի է Արագածոտնի մարզի Աշտարակ քաղաքում։ Եկեղեցին կառուցվել է Գրիգոր և Մանաս քահանաների կողմից: Այն Հայաստանի միակ հնագույն եկեղեցին է, որի կղմինդրե տանիքը պահպանվել է մինչև մեր օրերը:
Եկեղեցու արտաքին պատերին հայտնաբերված արձանագրություններում հիշատակվում են գյուղի այն բնակիչները, ովքեր օգնել են կառուցել եկեղեցին: Այն եղել է կուսանաց վանք, որը գործել է մինչև 1813 թ.:
Կարմրավորի բակում միջնադարյան գերեզմանոց է` XIII-XVII դդ. խաչքարերով և տապանաքարերով: Ամենահին խաչքարը (1184 թ.) Արքակազմողինն է։
Բացի երեք քույրերի ավանդույթից կա մեկ այլ վարկած,ըստ որի
եկեղեցիների անունները կապված են այս եկեղեցիներից յուրաքանչյուրի որմնանկարներում սուրբ Աստվածածնի գլխանոցի գույնի հետ:Կարմրավորի կողքին՝ մի գողտրիկ անկյունում է գտնվում նաև հայ մեծ բանաստեղծ Գևորգ Էմինի գերեզմանը։

13/04/2022

Համաձայն ավանդազրույցի` Աշտարակում ապրող երեք քույրեր սիրահարվում են Սարգիս անունով մի երիտասարդի: Ավագ երկու քույրերը որոշում են իրենց զոհաբերել կրտսերին երջանկություն պարգևելու համար և, ծիրանագույն ու կարմիր զգեստ հագնելով, իրենց նետում են անդնդախոր ձորը: Այս լուրն իմանալով` իրենց փոքր քույրը, սպիտակ զգեստ հագնելով, իրեն ևս ձորն է նետում, իսկ Սարգիսն այս անհաղթահարելի վշտից դառնում է ճգնավոր: Հետագայում ձորի եզրին երեք եկեղեցիներ են հայտնվում՝ Ծիրանավորը, Կարմրավորը և Սպիտակավորը:

Աշտարակ քաղաքում է գտնվում Ծիրանավոր և Սպիտակավոր եկեղեցիները։ Ծիրանավորը կառուցվել է 5-6-րդ դարում Ներսես II Բագրևանդցի Կաթողիկոսի հրամանով: Ծիրանավորի մյուս անվանումը՝ Փոքաբերդ։ Հեթանոսական շրջանում Ծիրանավոր եկեղեցու տեղում եղել է Վիշապ Աշտարակ-Աժդահակի մի տաճար, որը քրիստոնեության օրոք վերածվել է մի հնագույն տիպի բազիլիկի:1827 թ. երկրաշարժից հետո, եկեղեցին մեզ է հասել կիսավեր վիճակում: Հիմնականում փլուզված են տանիքը և հյուսիսային կողմի մույթերը:

Սպիտակավոր Սբ. Աստվածածին եկեղեցին (XIII-XIV դդ.) քառանկյուն հատակագծով, թաղակապ ծածկով կառույց է խոնարհված վիճակում: Սպիտակավոր եկեղեցին ունի նաև Ամենափրկիչ անվանումը: Եկեղեցին խորհրդային տարիներին ունեցել է մասնակի վերանորոգություն. սակայն կարգերի փլուզումից հետո ոչ մի աշխատանք չի կատարվել:

Իսկ Կարմրավոր եկեղեցու մասին կպատմենք մեր հաջորդ փոստում։

11/04/2022

Մենք այցելեցինք Սուրբ Մարիանե եկեղեցի և մասնակցեցինք Ծաղկազարդին։ Մինչ պատարագին մասնակցելը արշավականներից մեկը ներկայացրեց Սբ.Մարիանե եկեղեցու պատմությունը։Պատրաստեցինք ուռենու ճյուղերով պսակ և շրջեցինք եկեղեցու բակով։

Սիրելի հետևորդներ Ձեզ ներկայացնենք մի փոքրիկ տեղեկություն Սբ. Մարիանեի մասին։

Հաճելի ընթերցում 🥰❤

Գտնվում է ՀՀ Արագածոտնի մարզի Աշտարակ քաղաքում:Կառուցվել է 1281 թվականին Գրիգոր վարդապետի առաջնորդության օրոք: Եկեղեցին բազմիցս ենթարկվել է վերանորոգման. մասնավորապես 1317 թվականին։ 1838-1839 թթ. եկեղեցուն արևմտյան կողմից կցվել է փայտաշեն ժողովրդանոց,որը XX դարի սկզբին վերակառուցվել է քարից և այդ տեսքով պահպանվել է մինչ օրս:Սբ. Մարինե եկեղեցու կառուցման մասին Աշտարակում պահպանվել է ավանդույթ, ըստ որի՝ Աշտարակում մի ժամանակ եղել է երիտասարդ ունևոր քահանա, որը վաղաժամ զրկվել էր իր երեցուհուց։ Նա կաթողիկոսից խնդրել է իրավունք՝ կրկին ամուսնանալու։ Կաթողիկոսը մերժել է նրա ապօրինի խնդրանքը և ցանկացել է այնպես անել, որ քահանան գիտակցի իր խնդրանքի անտեղի լինելը և հրաժարվի իր ցանկությունից։ Նա պատվիրել է նրան նախևառաջ մի եկեղեցի կառուցել, հետո նոր` ամուսնանալ։ Քահանան իրականացնում է նրա պատվերը և վիթխարի ջանքերի գնով կառուցում է Սբ. Մարինեն։

09/04/2022

👋🏻Ողջու՜յն, շատ սիրելի հետևորդներ։

😍Վերջապես եկավ այն սպասված պահը, երբ մենք միասին բացահայտելու ենք Հայաստանն իր ամբողջ գեղեցկությամբ, հրաշքներով ու գաղտնիքներով։

📍 Առաջին արշավը տեղի կունենա կիրակի օրը` 10.04.22-ին, դեպի Արագածոտնի մարզ, որտեղ այցելելու ենք Աշտարակ քաղաքի եկեղեցիներ, Ագարակի հնավայր և Տեղերի (Դղրի) Վանք, մասնակցելու Ծաղկազարդին և հայկական եկեղեցական-ավանդական միջոցառումներին։

🤗Դե ինչ սիրելի հետևորդնե'ր եղեք մեզ հետ, սպասեք հետագա զարգացումներին, որպեսզի ձեռք բերեք նոր գիտելիքներ, միանաք մեր արշավական մեծ ընտանիքին ու ունենաք հիանալի տպավորություններ ու հիշողություններ։

Շնորհակալություն մեզ հետևելու համար։❤

09/04/2022