مجموعة من الشباب السكندري المهتم بنشر الوعي الأثري وتنشيط السياحة الداخلية 💙.
(5)
صباح الفل ♥️
من جديد بمقال جديد فى جريدة المصرى اليوم بعنوان "سينما الهمبرا" ♥️
الموضوع بقلم أ/حسن صلاح رجب ♥️
انتظروا منا الكثير ♥️
♥️
شكراً للأستاذ الصحفى /رجب رمضان 💙
المقال:
https://www.almasryalyoum.com/news/details/3201552
رحلة الى رشيييد 😉🌊
احفاد اسكندر رجعتلكم بأقوى رحلة ترفيهية أثارية لمدينة رشيد 💙
⬅️ التجمع فى القائد ابراهيم الجمعة 28/6 الساعه 8 صباحاً والتحرك الساعه 8ونص .
⬅️ زيارة وشرح ( قلعة قايتباى) وشرح تاريخ رشيد 💙
⬅️ زيارة وشرح مسجد أبو مندر وتأدية صلاة الجمعة ❤️
⬅️ زيارة وشرح أهم معالم رشيد (منزل الأمصيلى) ❤️🥹
⬅️ زيارة وشرح (طاحونة المنزل) ❤️
⬅️ جولة حرة بأسواق مدينة رشيد ❤️
⬅️ جولة نيلية بمركب 3 أدوار 🌊🚢
⬅️ ملاهى أدفينا😉 (خصم لأحفاد اسكندر على تذكرة اللعب ب65 جنيه ، بدلاً من 95 جنيه )(الخصم على أى 3 ألعاب ) 😉❤️
⬅️ حتى لو مش مش هتركب ملاهى فأنت هتقعد فى جنينة كبيرة وواسعة قدام الملاهى تلعب كورة او تسترخى فيها براحتك ❤️🥹
⬅️ وبكدا نكون خلصنا رحلتنا ونرجع لأسكندرية من تانى 💙
____
سعر الرحلة
شامل :
التنقلات بأتوبيسات فاخرة
شرح الأماكن الأثارية
الجولة النيلية بالمركب
تنفيذ البروجرام
للحجز ارسال المبلغ على فودافون كاش :01020845309
______
⬅️ سعر تذكرة الملاهى 65 جنيه بدلاً من 95 جنيه
______
الخصم :
طبعاً للى حضر جولاتنا الصيفية كلها ليه خصم عندنا 20 %❤️
____
للحجز والاستعلام :01020845309 أو 0 122 485 8381
كل عام وأنتم بخير، عيد أضحى مبارك عليكم وعلى الأمة الإسلامية🐄❤️
تقبل الله منا و منكم صالح الأعمال، عيدكم مبارك وكل عام وأنتم أقرب إلى الله.
أسأل الله أن يجعل عيدكم مباركًا سعيدًا، وأن يملأه بالخير والبركات.💙🐑
عيد أضحى مبارك، كل عام وأنتم إلى الله أقرب وأسعد.❤️
أنتظروا مفاجأت أحفاد إسكندر فى العيد نتمنى ان ننال رضاكم وان نكون الاختيار الموفق والأمن دائماً لكم 🥹❤️
جزيرة نيلسون أو كما سماها اهل الاسكندرية جزيره جريشه وهى قريبه من ساحل الاسكندرية على بعد 4 كيلو مترات شمال خليج ابو قير وهي جزيرة مشهوره لهواة الصيد والغطس .🌊
سميت باسم القائد الإنجليزي، هوراتيو نيلسون، أعظم قواد البحر عند البريطانيين، الذي انتصر في معركة أبي قير البحرية على الأدميرال «برويس» قائد أسطول نابليون بونابرت فى معركة النيل سنة 1798 🗡️🛡️
"عند الوصول إلى الجزيرة بعد رحلة بحرية ممتعة ستستشعر أجواءها المثيرة، حيث كانت موطنا لفراعنة وإغريق سكنوا إليها وعاشوا فيها قبل بناء الإسكندرية.
وقد كانت الجزيرة مأهولة بالسكان وكانت لها مكانة تجارية قبل مجيء الإسكندر الأكبر للبلاد.
"وقد حفر تاريخ عظيم علي يابسه نيلسون فالمقابر التي تم اكتشافها بداخلها عباره عن حفر بسيطه في الرمال 💙🌊
سنيما الهمبرا بمحطة الرمل 💙
- ترجع تسميتها ب( سنيما الهمبرا ) نسبةً إلى مسرح الهمبرا بلندن والذى بُنى سنة 1854 م . 🎥
- غنى على مسرحها الفنان الراحل ( عبد الحليم حافظ) اشهر اغانيه (بلدى / كل ما أقول التوبة ) وكانت الست ( أم كلثوم ) تعرض عليها حفلة غناء اخر خميس من كل شهر 💙🎤
- السنيما اتبنت على انها مسرح عام 1900 م وتم تحويلها لسنيما ومسرح عام 1928 م .
- (الهمبرا ) كانت مخصصة لعرض الأفلام الهندية والأفلام العالمية مثل (الاب الروح / العسكرى الأزرق ) وكانت الحفلة الصباحية يكثُرها الطلاب فى ما كان يُعرف (الهروب المدرسى ) 😂💙
صناعة اليخوت مهنة سكندرانية لإسعاد الأثرياء ✨⛵
لكل مهنة أسرارها، وتعد صناعة اليخوت والمراكب من أصعب المهن؛ لكن بالنسبة لأهالي الإسكندرية، بخاصة أهالي حي الأنفوشي فهي تجري كالدم في عروقهم✨💙
، حيث توارثوها عن أجدادهم. وبرغم أنهم لم يدرسوا تقنيات تصنيع اليخوت، إلا أنهم وبالفطرة أصبحوا أمهر صانعيها، وذاع صيتهم في شتي أنحاء العالم، حتى أن أثرياء أوروبا يأتون إليهم لاختيار اليخوت الخاصة بهم للتنزه بها عند وجودهم في مصر. 💙🚢
~ منطقة الأنفوشي معروفة بكثافتها السكانية ويعمل غالبية سكانها بحرفة صيد الأسماك وصناعة القوارب، وقد بدأت صناعة اليخوت بها منذ عصر محمد علي باشا، الذي أدرك أهمية تلك المنطقة، وأقام بها ترسانة تشتمل على جميع ما يلزم لإنشاء وترميم المراكب الحربية وغيرها.❤️
وأضاف إليها معسكرا بحريا للتعليم ليصبح نواة للكلية البحرية فيما بعد، ومقرا لقيادة القوات البحرية. لذا تعتبر ورش صناعة اليخوت والمراكب في الإسكندرية من المعالم الأثرية المميزة بالمدينة.
©️ جميع الصور من تصويرنا .
مسك الختام 💓
و بكدا نكون انهينا سلسلة جولاتنا الميدانية بالأسكندرية بجولة (متحف المجوهرات الملكية) 💙🥹
كانت سلسلة ومجموعة من الجولات الممتعة والشيقة اللى استفدنا بيها وقدرنا نعرف معلومات اكتر الاماكن اللى زورناها ❤️
استمتعنا معكم جداً و كبرنا معاكم وبنكبر وتزيد عائلة احفاد اسكندر بيكم ❤️🥹
على وعدنا اننا نقدم احسن ما عندنا ، استنونا قريب تانى فى برامجنا اللى مبتخلصش 💙
شكراً ❤️
#جولاتنا
الأمتع على الأطلاق 🥹♥️♥️
-من الجولة الثالثة فى برنامج جولاتنا الميدانية الصيفية (جولة استاد اسكندرية والقاعه الملكية) .
استضافتنا أ / عزة محمود وقدمتلنا شرح ممتع وجولة ممتعة فى الاستاد وغرف اللاعبين وبوابة الاستاد والمقصورة الرئيسية ♥️♥️
شكراً جداً لحضرتك Azza Abdel Fatah♥️👏🏽
مستنينكم فى جولتنا القادمة (متحف المجوهرات ) 😉♥️
صباح الفل من ثانى جولة لينا فى برنامج جولاتنا الميدانية 😎♥️
جولة (المتحف اليونانى الرومانى ) 💙
تمتعنا فى صباح الجمعه 17/5 بشرح وافى وممتع لأستاذة / آية رمضان لتاريخ وأهم القطع الموجودة بالمتحف ♥️
كل الشكر للحضور ومستنيكم فى جولتنا القادمة (القاعه الملكية بأستاد الاسكندرية ) 😎♥️
صباح الخير ♥️
هتشوفونا انهاردة فى جريدة المصرى اليوم للتحدث عن موضوع "الحمام الامبراطورى الكبير" ♥️
الموضوع بقلم وتصوير : أ/آية رمضان و أ/ حسن صلاح ، أعضاء ومؤسسين مبادرة أحفاد إسكندر 💙.
•جريدة اليوم بتاريخ الأربعاء 15/5/2024 صفحة رقم 19
⬇️
https://www.almasryalyoum.com/news/details/3169531
مساء الخير 💙
أولى جولاتنا الصيفية تمت بنجاح الحمد لله وهى جولة ( كوم الشقافة وعمود السوارى ) .💙
بدأنا جولاتنا بتقديم وتعريف بفكرة المبادرة (أ/ حسن )
وبعدها استمتعنا بشرح وافى لمقابر كوم الشقافة والكتاكمب مع (أ/ أية ) ♥️
واتصورنا الصورة الجماعية 📷♥️
وبعدها اتحركنا وروحنا لعمود السوارى اقدم واطول نصب تذكارى فى العالم ♥️
واستمتعنا بشرح غنى ووافى من (أ/ عبد المنعم )
وانهينا اليوم مع صورة تذكارية لكل الحضور ♥️♥️🥹
موعد الجولة القادمة الجمعه (17 مايو) جولة (المتحف اليونانى الرومانى ) 😉♥️
💙
مدد مدد مدد الاتحاد سيد البلد 🟢
~ ليه سيد البلد واشمعنا هو ؟ 🤔💚
~ الاتحاد يا عزيزى هو أول نادى مصرى يتكون من اندماج 4 اندية وطنية شعبية وهم ( الحديثة ، الأبطال المتحدين ،السكندرى ، الاتحاد الوطنى ) . 💚🙌🏽
~ وهو أول نادى مصرى يقوم حارسه (عرابى) بصد رقم قياسى من ضربات الجزاء وهم 5 ضربات فى مبارة الاتحاد والإسماعيلى 🥅
~ ملعب الاتحاد هو أقدم ملعب كرة قدم موجود فى العالم حيثُ انشئ منذ العصر الرومانى وأول ملعب كرة يُرفع عليه العلم الأوليمبى الحديث . 🥇🏋🏽♂️
~ هو النادى الوحيد الذى غنت له السيدة أم كلثوم فى ملعبه لإنقاذه من الأفلاس عام 1960م. 🎤
~ أول نادى مصرى سافر الى أوروبا فى رحلة 50 يوم لعب فيها يا عزيزى 13 مبارة فاز فى 12 مبارة حيث فاز على أهم اندية اوروبا ومنتخباتها وأطلق عليه (سندباد الكرة المصرية ) 💚
~ عرفت ليه يا عزيزى اتسمى بالأسم ده 💚🙌🏽
تعلن أحفاد إسكندر عن بدء برنامج جولاتها المجانية الأول لعام 2024 م . 😉💙
~ البرنامج يتكون من 4 جولات ميدانية بمدينة الإسكندرية مجانية يتبعها جولة لمدينة رشيد. ⚓️🌊
~ يبدأ البرنامج الميدانى من يوم الجمعة 10 مايو وينتهى يوم الجمعه 31 مايو والرحلة لرشيد يوم الجمعه 14 يونيو . 🫣💙
~ الاشتراك بيكون بأرسال (الأسم ثلاثى ، ورقم للتواصل ، وعدد الجولة التى سيتم حضورها ) عن طريق الواتس اب . ♥️🙌🏽
~ جميع الجولات الميدانية تشمل شرح وافر للأثر 🙌🏽💛
#عرض :- على من يحضر 4 جولات متتالية يقدر يستفيد بخصم 20% من سعر رحلة رشيد 😉🙌🏽
الجولات كل يوم جمعة بداية من يوم 10 مايو الساعه 9 صباحاً التجمع امام الأثر ♥️😍
للتواصل والحجز :- (01020845309) أو (01224858381)
حمامات كوم الدكه "الحمام الامبراطوري الكبير" ✨
- عرفت مصر الحمامات العامه منذ عهد البطالمه الاوائل، وكانت الحمامات العامة من اهم مظاهر الحياه الرومانية.
وتؤكد الشواهد المعمارية ان هذا المبني قد تعرض لمرحلتين تاريخيتين .✨💙
مرحلة التأسيس والبناء وهي تعاصر انشاء المدرج والصهاريج في نهاية القرن الثالث الميلادي، ثم تعرضت هذه المباني لزلزال عام ٥٣٥ م ثم اعيد بناؤه.❤️
اما من حيث استخدام الحمام فيبدو انه كان يستعمل كحمام مزدوج في فترات معينه لأحد الجنسين ولكنه لم يكن حماما عاما للجنسين حيث قام ببناء هذا الحمام شخص ثري واستخدمه كوسيله للنشاط التجاري.😍
©جميع الصور من تصويرنا 💙
-لو شارع أبوقير وشارع البحر زحمة وعاوز توصل مشوارك بسرعة عليك وعلى التروماى 💙✨ .
-ده غير ان الإسكندرانية بيعتبروها فسحة اكثر من انها مواصلة 💙😉
-ترام الإسكندرية يعتبر من أقدم الترام فالعالم وهو الأول افريقياً حيث ابتدا تشغيله سنة 1860 م .✨🙌🏽
-الإسكندرية واحدة من ثلاثة مدن فى العالم بيستخدموا الترام (أبو دورين ) مع ترام بريطانيا وترام هونج كونج 🚃
-سابقاً كان الترام بيتجر بالحصان وبعدها اصبح يمشى بالبخار وبعدها بيتحرك بالكهرباء من سنة 1902م لحد الآن ♥️😉
-الخط الرئيسى هو خط محطة الرمل الى محطة فيكتوريا لكن فى خطوط فرعية مثل خط الرصافة ومحطة مصر والمنشية قديماً والمكس ♥️✨
اسكندرية 1900
Cairo is done ♥️✅
بعض اللقطات من يومنا الأفضل على الأطلاق ❤️
- بدأنا يومنا بتحركنا من ميدان القائد ابراهيم في تمام السابعه والنصف وبعدها وصلنا زيارتنا الاولي في يومنا وهي الأهرامات اللي هناك اخدنا جولتنا وصورنا الجميلة ❤️
-بعدها تحركنا عشان تكون زيارتنا التانيه في اليوم وهي مسجد ومدرسة السلطان حسن اللي كان هنا استقبلتنا المرشدة السياحية فاطمة بشرح وافر على الأطلاق ومتعتنا بقصة المسجد وقصة السلطان حسن 💙🕌
- وبعدها تحركنا عشان نروح واحد من اهم شوارع مصر وهو شارع المعز عشان ناخد جولتنا الحرة هناك ❤️🥹
وبعدها تحركنا عشان نركب اجمل مركب في النيل اللي كانت كلها فرح وهيصة ورقص واغاني ♥️♥️
- وبعدها تحركنا علي سهرتنا في سقارة وهناك استريحنا ولعبنا سوا وهزرنا وضحكنا كتير ♥️♥️🥹
وبكدا يكون يومنا خلص وروحنا في اتوبيسنا لأراضي الاسكندرية مرة اخري ♥️♥️🥹
كنا مبسوووطين معاكم جداً زي كل مرة ويمكن اكتر ويسعدنا اننا بنعمل كل ده عشانكم هنستناكم دايماً عشان هنلف مصر كلها 💙💙
♥️
#القاهرة
💙🥹
حتي يسهُل علي المصريين طحن غلالهم 💙⚡
أمر محمد علي باشا في عام 1807 م بانشاء طواحين الهواء أشهرها بالإسكندرية هذه الطاحونة (طاحونة المندرة)🌀
تتكون هذه الطاحونة من برج اسطواني الشكل مصنوع من الحجر الأبيض وعروق خشبية دائرية لتخفيف الاحمال علي المداميك تعلوها قبة مخروطية خشبية، ارتفاع الطاحونة 20 متراً، وهي أثر باقي من 217 عام ♥️
وتقع بمنطقة المندرة بحري بالإسكندرية. ❤️
كل عام وانتم بألف خير وسعادة ❤️
أحفاد إسكندر تتمني لكم عيد سعيد ومبارك عليكم ❤️🌷
بعض الصور من عيد الفطر من مسجد ابو العباس المرسي من مشاركة
📸Gehad Ahmed
أعاده الله علينا بالخير واليمن والبركات ❤️
❤️
جولة إلى القاهرة 🇪🇬🤎
مستنينكم يوم الجمعة 19/4
-عشان اجازة العيد متبقاش تقليدية وعشان احنا عارفين ان الرحلات معانا غييير اى حد 👌🏽😉
-عملنا ليكو رحلة القاهرة وبرنامجها كالآتى :
هنتجمع يوم الجمعة الساعه 7 صباحاً عشان نتحرك 7:30 بإذن الله من ميدان القائد ابراهيم 👌🏽
-هنزور واحدة من عجائب الدنيا السبعة وهيا اهرامات الجيزة وحارسهم ابو الهول وطبعاً هناك هننبسط ونتصور ونركب الحصان والجمال ❤️👌🏽
-وبعدها هنطلع على هرم مصر الرابع وهوا مسجد ومدرسة السلطان حسن واللى هناك هيكون فيه مرشد سياحى يشرحلنا المسجد اللى من احسن مساجد الشرق الاوسط ❤️😉
-وطبعاً لأن القاهرة مينفعش تتراح من غير منركب مركب فى نيلها ، هتكون لينا مركب مستنيانا عشان تاخدنا فى رحلة نيلية 💙
- وبعدها هنطلع على المعز عشان ناخد جولتنا الحرة اللى بنستناها كل مرة ❤️😉
-لو فاكر اننا خلصنا فلأ احنا بعدها هنطلع على سفارى سقارة اللى هناك هتكون مستنيانا سهرة العمر اللى هنولع فيها راكية نار ونشغل اغاني بدوية ونعيش جو البدو ونرقص ونهيص 😍💫
--مستنى ايه احجز معانا واسأل على العروض وسياسة الأطفال ❤️😉
________________________________________
السعر شامل :
-الارشاد والتنظيم
-تنفيذ البروجرام
-الرحلة النيلية
-السفارى
للاستعلام والتواصل : 01020845309
دورة الفلكى الرمضانية 💥
هى دورة كرة قدم بمنطقة محرم بك بالإسكندرية وهى الأقدم على مستوى الجمهورية فقد تأسست عام 1976م ⚽ .
سميت بهذا الأسم نسبة لمؤسسها (السيد الفلكى) ❤️.
الدورة حظيت بأهتمام كبير فقد علق على مباريتها شيخ المعلقين محمد لطيف و الراحل حمادة إمام والراحل محمود بكر . 💯
وقد أخرجت لنا هذة الدورة اسامى كبيرة فى عالم كرة القدم مثل أحمد الكاس وأحمد سارى لاعبا الاتحاد السكندرى والأوليمبى و الزمالك السابقين
وقد شارك فيها شادى محمد نجم الأهلى 🏆.
وشهدت الدورة فى احدها نسخها الفنان عادل إمام اثناء تصويره لفيلم الحريف 🌟.
❤️
📸 : Gehad Ahmed
✨ فى القرن الثالث قبل الميلاد .
- الملك بطليموس الأول سمح بأول عملية تشريح لجثة بشرية موثقة فى التاريخ واللى قام بيها هو اليونانى ( هيروفيلوس) و(إيراسيستراتوس ) .💯
- والعملية دى كانت محتاجة مكان اشبه بجامعة عالمية يستضيف العلماء و ملوك تكون بتمول الحدث ده .
- وقتها كانت الإسكندرية 💙 بمكتبتها العريقة انسب مكان لذلك . 💞
- وفعلاً حصل الحدث ده وكان فيه توثيقات لأجزاء الجسم اللى كانت مرجع للعالم كله . 👌🏽
- ولكن بعد حريق مكتبة الإسكندرية اختفت كل التوثيقات وكل المحاولات دى 🔥.
- وظل العالم بعدها فى ظلام مؤقت عن هذا العلم ومكان لتشريح جثث القرود والخنازير واللى كان بها حوالى 200 خطأ واختلاف على الاقل بينها وبين جثث البشر ❤️.
تحفة معمارية تمتزج بها الحضارتين المصرية والرومانية ❤️
تحت أرض الأسكندرية بعمق ثلاث طوابق بدأت حكاية واحدة من أهم وأشهر المقابر في الجبانة الغربيه "كوم الشقافة"
والمُثير في الحكاية إن المنطقة خضعت لأعمال الحفر الأثري لمدة ٨ سنوات ولم يتم العثور علي المقبرة إلا عن طريق الصدفة عندما سقطت عربة يجرها حمار في حفره تقع خلف المقبرة الرئيسية سنه ١٩٠٠
وهي من المقابر الفريدة من نوعها "كتاكومب" ونعني بها الحفر في الصخر، وهذا النوع من المقابر أنتشر في القرون الثلاث الأولي في إيطاليا وبعض الجزر اليونانية.
والكتاكومب كانت تقتصر علي دفن الموتي من المسيحين وكانت تستخدم كملجأ يجتمعون فيه من بطش الأباطرة الذين كانو يغتنمون الفرص للتنكيل بهم وتقديمهم طعامًا للوحوش، أما جبانه كوم الشقافة نجدها تختلف حيث لم يوجد بها اي أثر مسيحي للدلالة علي أن المسيحيين إستخدموها يومًا من الأيام فهي وثنية المنشأ والأستخدام.
#الأسكندرية
مجموعة من الصور القديمة لشوارع الأسكندرية تحكي حقبة مهمة من تاريخ عروس البحر الابيض في الفترة بين (1839 - 1920)
ذكري ضرب الأسطول الإنجليزي لمدينه الإسكندرية!
ذي النهارده من ١٤٠ سنه بالتحديد يوم ١١ يوليو سنة ١٨٨٢ فوجئ أهالي الاسكندرية في الساعه سابعه صباحًا ان الاسطول الانجليزي بقياده سيمور بيدك حصون وشوارع المدينه بأسطول قوامه 15 بارجة، ضربت البارجة «إلكسندرا» أولى قنابلها على طابية «الاستبالية» وتوالت بعدها الضربات، واستمر القصف لحد الساعه السادسة مساءً، وتم قتل ما يقرب من ٧٠٠ مصرى وجرح ٥٠٠، وبلغ ما تساقط على المدينة فى هذا اليوم ٣٢٠٠ قنبلة و ٣٣٠٠ رصاصة في يوم حزين علي المدينه الساحلية فتح صفحه جديده من تاريخ مصر لبدايه استعمار دام ٧٤ سنه.
#الأسكندرية
#الحكاية
صور ناطقة بالألوان من شوارع الأسكندرية تحكي حقبة مهمة من تاريخ عروس البحر الابيض في الفترة بين (1868 - 1900)
مره أخري أحفاد إسكندر في القاهرة بحضور ٧٠ مشترك ✈️💙
بدأنا اليوم بزياره اهرامات الجيزه لمده ساعتين وهناك استمتع المشتركين بركوب الخيل والجمال والتصوير مع واحد من اهم المواقع التاريخية 💙
وبعدها اتحركنا لجزيرة الروضة في زياره لأقدم اثر اسلامي في مصر " مقياس النيل " واستمع مشتركينا لشرح وافي عن تاريخ بناء المقياس وهندسه بنائة وكيفيه استخدامه والاحتفالات المصريه بوفاء النيل 💙
كملنا في جزيره الروضه في زياره لقصر المانسترلي وعرفنا تاريخ بناء القصر وشرحنا قطوف من حياه حسن فؤاد باشا المانسترلي 💙
رجعوني عنيك لأيامي اللي راحوا 🎶
المحطه اللي بعد كدا كانت متحف ام كلثوم اللي دخلنا عشان نشوف ونتصور مع اهم مقتنياتها 💙
وبعد شوط تثقيفي كان لازم نفصل ونتبسط، اتحركنا عشان ناخد جولة نيلية لمده ساعة ومع غروب القاهره استمتع مشتركينا بوقت مش هيتكرر تاني 💙
اتحركنا عشان نكمل الجزء الترفيهي " سهره المعز " علي انغام العود واغاني ام كلثوم ورقص التنوره عاش مشتركينا في اجواء كلاسيكيه مش هتتعوض، وختام اليوم كان بجوله حره في شارع المعز قبل التحرك والعوده لمدينه اسكندرية 💙
عائله احفاد إسكندر، استمتعنا بوجودكم وبهجتكم ومستنينكم في رحلات تانية 💙
أحفاد إسكندر إلي قاهره المعز 💙
• قررنا نعمل زياره بتشمل اقدم واهم الآثار المصريه القديمة والآثار الاسلامية الموجوده في مدينه القاهرة وكمان نختم الزياره بجزء ترفيهي.
١ - هنبدأ يومنا " بأهرامات الجيزه " احد عجائب الدنيا السبعه في زيارتنا هنعرف مدي عظمه الحضاره المصرية وعبقرية طريقه بناء الاهرامات ونشوف تمثال أبو الهول حارس الجبانة وناخد صور تذكارية مع واحد من اهم المواقع الاثريه في العالم 💙
٢ - هنتحرك بعد كدا لجزيره الروضه ونعرف قصتها مع المماليك ونزور اقدم اثر اسلامي في مصر " مقياس النيل " اللي بيرجع ل 1161 سنه! ، وهنعرف قصه المهندس اللي بناه وازاي المؤرخين اختلفوا في تحديد شخصيته 💙
٣ - هنكمل ونروح واحد من اجمل واهم القصور التاريخية في مدينة القاهرة " قصر المانسترلي “ واللي اتبني سنه 1851م علي يد حسن فؤاد المانسترلي، القصر بيعتبر متحف مفتوح للفنون الزخرفية ودا خلي القصر يتمثل في افلام كتير منهم فيلم الفيل الازرق. 🏛
٤ - مستمرين في جزيرة الروضه ونستمتع برحله نيلية لمده ساعه 🚢
٥ - لسة الزيارة منتهتش, ختام اليوم هيكون باستراحة هادية، كباية شاي علي انغام العود والتنورة في أحد الأماكن الموجودة في شارع المعز واللي بتطل مباشرة علي خانفاة السلطان برقوق و مجموعة السلطان قلاوون، او ممكن تاخد جولة حرة تشتري هدايا من خان الخليلي والحسين وتجيلنا علي الاتوبيس💙
لمزيد من التفاصيل التواصل علي رسائل الصفحه 💙✨
استعدادات قلعه قايتباي بالإسكندرية لأستقبال عروض الصوت والضوء، قريبًا سنري حكايات وتاريخ السلطان قايتباي علي الواجهة الرئيسية للقلعه ✨
محطه قطار الاسكندرية بعد الترميم ✨
يعتبر المبني واحد من أهم المباني التراثية الموجودة في مدينة الإسكندرية، والذي افتتحها الملك فؤاد الأول عام 1927م وقد صمم الواجهه المهندس الإيطالي "أنطونيو لاشياك" بالتعاون مع شركة بلجيكية.
#الاسكندرية
#أثار
عائلة أحفاد إسكندر، كل عام وانتم بخير ✨
في نهاية ٢٠٢١ وبدايه عام جديد، نعرض لكم أهم الأنشطة والإنجازات التي حققناها خلال العام، كما نوعدكم بعام جديد ملئ بالأحداث والفعاليات الهامه.
بكم كنا وبكم سنكون, نتمني لكم عام سعيد ❤️
شارع فواد اسكندريه
Alexandria
Be the first to know and let us send you an email when أحفاد إسكندر - Alexander Grandchildren posts news and promotions. Your email address will not be used for any other purpose, and you can unsubscribe at any time.
Send a message to أحفاد إسكندر - Alexander Grandchildren:
