24/11/2022
Now we are ready to camp it ⛺️.
جربت تروح رحله و تتبسط و مش مُكلفه و كمان مش هتخرج برا القاهره؟تعالي اقولك فين.
محميه وادي دجله في المعادي، حاجه كدا ف منتهي الروقان و الفصلان عن العالم في وسط الصحرا و الصخور الطبيعيه و تحت ضوء القمر و النجوم عملنالك بروجرام حاجه كدا فوق العظمه بشويتين تلاته 🤩🔥.
هنتجمع يسيدي كلنا الساعه ٩ و عشان نسهلها عليكم هيكون في نقطين للتحرك (هايبر زايد- التحرير) اختار الاقرب ليك و احنا معاك هنتحرك كلنا ٩ ونص .
و عقبال م نوصل و نظبط خيمتنا و قعدتنا و سلاطتنا و بابا غانوجنا ، هنبدأ يومنا ١٢ و قول كمان ساعه لحد م الناس تفطر و تظبط حالها و طبعا هنكون موفرين ليكوا كانتين ب كل احتيجاتكوا .
نبدا وقت التصوير ف الشمس الحلوه ديه 🌞،هيكون موجود فوتوجرافر مخصوص ليكوا .
و هنا بقي هقولكوا تجيبو لبس زياده لأقوي حرب بالالوان 🎨.
طب اتصورنا و فطرنا و اتبهدلنا و بقي كلنا اللوان؟ تيجي هنا احلي فقره ف اليوم ( حل اللغز) طب و الي هيكتشف حل اللغز ! ليه هديه مننا احنا Hork Team هتكون مفاجأة🧐.
تعبنا بقي و محتاجين نرتاح شويه ! لا يلا فقره الباربيكيو ، و الشوي مع اغاني ف الباك جرواند مود خطير .
الغدا خلص و الشمس بتغيب خلاص يبقي بسرعه نلحق نقول للفواتوجرافر يصورنا ف وسط المناظر الطبيعيه ديه و ال golden hour 🌅.
بعد كدا للاسف هنضطر نودع صحابنا الي قاطعين تيكت نفس اليوم الساعه ٦ هتتحرك الباصات بيهم تروحهم.
م تيجوا كدا اكملكم هنعمل ايه تاني!😚 دا وقت الروقان و روقان يعني قعده حوالين النار و شاي عالفحم و شوي دره و مارشميلو😋 ،و الست ام كلثوم ف الباك جرواند بتقولك " الليل و سماه🌃..و نجومه و قمره"🌚✨
و نيجي لاخر و اهم فقره تقريبا (movie night) و طبعا انتو الي هتختارو الفيلم قوللنا ف الكومنتس ايه اكتر فيلم بتحبوه، بعد كدا جوله حره و العاب خفيفه كدا طبعا عشان متزهقوش و الي حابب ينام يرتاح شويه، و ف الاخر هنتجمع كلنا ٥ونص عشان نتحرك ٦ ان شاء الله .
عندنا اتنين تيكت : اول تيكت ب ٣٥٠ شامله ( وجبه غداء -مشروب من اختياركوا شاي او قهوه- كل الفقرات لحد ٦ )
تاني تيكت للناس الي هتبات معانا ب ٤٥٠ شامله (وجبتين غداء و عشاء-مشروب من اختياركوا شاي او قهوه- و الشوي الدره و المارشميلو-كل الفقرات لحد تاني يوم ٦ الصبح)
مستنينكم تكلمونا😍.
#رحله #محميه #مصر #القاهره #المعادي #تخييم #خيمه
