30/06/2023
"وَالْقَادِرُ أَنْ يَفْعَلَ فَوْقَ كُلِّ شَيْءٍ، أَكْثَرَ جِدًّا مِمَّا نَطْلُبُ أَوْ نَفْتَكِرُ، بِحَسَبِ الْقُوَّةِ الَّتِي تَعْمَلُ فِينَا،" (أف 3: 20). 🙏
خدوه كوبي بيست مش شير
سالي نسيم ضحيه جديده
كلام كتير واشاعات اكتر
هنا هتلاقوا الحقيقه
سالي سافرت وهي مسيحيه واتقلب حالها في القاهره
سالي حضرت القداس واتناولت يوم ١٩ / ٥ / ٢٠٢٣ وسافرت القاهره يوم ٢٠ / ٥ / ٢٠٢٣ يعني قبل سفرها بيوم كانت في الكنيسه ومارست أعظم أسرارها وطقوسها
سالي سافرت القاهره بدون اغلب أغراضها ومتعلقاتها سافرت بشنطة سفر عاديه فيها احتياجات شهر فقط لا غير ودي المده اللي كانت هتقعدها في القاهره
سالي مارجعتش اسوان بعد سفرها يوم ٢٠ / ٥ علشان تعمل بطاقة بديانتها الجديده ..يعني البطاقة اللي انتشرت صورتها دي مزوره وفي دليل جوه البطاقه نفسها ..الصوره اللي موجوده في البطاقه واضح جدا انها فوتوشوب وده سهل علي اي حد يعرفه طلع بطاقتك وقارن الصوره بتاعتك اللي في البطاقه بالصوره اللي في البطاقه المنشوره ليها ..هتلاقي الفرق واضح جدا
سالي ماعملتش إشهار وده معناه ان ورقة الاشهار دي كمان مزوره وده سهل نعرفه لان الورقه المنشوره من غير توقيع وده معناه انها اتكتبت في غير وجودها
هتلاقوا في الصور اخر بوستات منشوره علي صفحة سالي الشخصيه بوستات عن الكنيسه ومن الكتاب المقدس
و ذي مابنشوف مسيحيات كتير في فيديوهات طالعين بيقولوا انهم غيروا ديانتهم بارادتهم وبعد كده بنلاقيهم بيرجعوا يعيشوا جوه بيوتهم وفي حضن كنيستهم فرحانين وفي سلام ده بيثبت حاجه واحده بس ان سالي حدوته جديده في مسلسل متكرر
