31/12/2023
- أحمد جرى 5 كيلو في 25 دقيقة ،
و مصطفى جرى 5 كيلو في 35 دقيقة
مين أسرع و أقوى و أفضل بدنياً ؟
أحمد طبعاً !
برافو ..
- طب أحمد جرى الـ 5 كيلو داخل استاد و على نجيلة و أرض مجهّزة
بس مصطفى جرى الـ 5 كيلو على الشاطئ على أرض رملية
مين أسرع و أقوى و أفضل بدنياً ؟
ممم .. جايز الإتنين متعادلين
طيب .. أحمد عنده 23 سنة
مصطفى عنده 45 سنة
مين أسرع و أقوى و أفضل بدنياً ؟
مصطفى طبعاً
و هكذا .....
كل ما نعرف عن مصطفى أكتر .. كل ما هنديله كريديت أكتر
إيه رأيك فينا لما حكمنا بأفضلية أحمد على مصطفى من أول سؤال فوق ؟
كنا أغبياء و سطحيين .. صح ؟
- كذلك هو نفس الغباء و السطحية لما تقارن نفسك بأي حد
كل واحد بيئته مختلفة و الفرص اللي بتقابله في الحياة مختلفة ..
مينفعش تحكم على نفسك إنك متأخر عشان حد في سنك سبقك
ممكن تكون إنت اللي سابق بحسب المعطيات اللي في حياتك .. و هو اللي متأخر
منقول
