Islam Bin Mustafa Aljuhani - إسلام بن مصطفي الجهني

02/07/2024

المكان ده من الأماكن الجميلة الموجودة في مصر ومناسب اوي للعائلات عشان الكبار والأطفال هيتبسطوا فيه جدا واسمه افريكانو بارك علي طريق مصر الإسكندرية الصحراوي

31/12/2023

الحمد لله ختمت سنة ٢٠٢٣ من مكان من الأماكن الجميلة في مصر برحلة نايل كروز من مدينة أسوان لمدينة الأقصر وكل عام وأنتم بخير ودمتم مسافرين ومبسوطين.
-الصورة من أمام هاويس إسنا

24/12/2023

المأذنتين اللي في الصورة دول موجودين في مسجد ومدرسة اتبنوا في عهد تاسع سلاطين الدولة المملوكية البحرية ولقب بأبو المعالي وأبو الفتح وشهدت مصر في فترة حكمه الثالثة نهضة حضارية وعمرانية لم تشهدها في عهد أي سلطان آخر من سلاطين الدولة المملوكية أهلا بكم في المدرسة الناصرية بشارع المعز لصاحبها السلطان المملوكي الناصر محمد بن قلاوون

23/12/2023

شارع من شوارع مصر القديمة مر به العديد من الممالك والسلاطين
اهلا بكم في شارع المعز بالقاهرة

01/12/2023

رحلات نهر النيل في مصر كفيلة تسعدك.

27/11/2023

ده رابط المقالة بتاعتي عن رحلتي لمدينة القصير في جريدة دايلي برس مصر بقلم دكتور عبد الرحيم ريحان


https://www.dailypressmasr.com/2023/11/blog-post_555.html?fbclid=IwAR01XWfwECyIxZzx348OoWuuYJcB0oqGWsII8Hft-4wgpprekF1BgqRT-xQ

زيارة إلى مدينة القصير

21/11/2023

دي ورشة للخزف والفخار من ضمن مئات الورش الخاصة بصناعة الخزف في القرية اللي وصلت للعالمية بسبب سيدة سويسرية اسمها ايفلين بوريه زوجة الشاعر الكبير سيد حجاب واللي سابت سويسرا وعاشت هي وزوجها في القرية دي وقررت تعلم أهل القرية صناعة الخزف والفخار عشان تبقي أشهر قرية في محافظة الفيوم وتتحول من مجرد عشش صغيرة بيسكنها عدد من العمال والفلاحين لقرية كبيرة اسمها قرية تونس اللي بيزورها ناس كتير من مختلف دول العالم عشان يتستمتعوا بجمال القرية والخضرة اللي فيها وإطلالتها المميزة علي بحيرة قارون.

18/11/2023

البوابة دي هي بوابة أشهر قلعة عثمانية تم تشييدها عام ١٥٧١م علي يد العثمانيين بهدف حماية المدينة من قطاع الطرق و اللصوص اللي كانوا بيهجموا علي قوافل الحجاج واتعرفت القلعة دي بإسم الطابية وأصبحت أشهر آثار مدينة القصير بمحافظة البحر الأحمر بمصر

17/11/2023

المبنى ده هيرجع بيكم في الزمن أكتر من ١٠٠ سنة وهتحسوا فيه بعبق التاريخ
كان في الأصل بيت الشيخ توفيق علي مصطفى شيخ عربان قبيلة العبابدة في الصحراء الشرقية وفي الوقت الحاضر حوله أحد أحفاده مصطفي سباق إلى فندق معروف بإسم فندق القصير ويعد أقدم المباني التراثية في مدينة القصير جنوب محافظة البحر الأحمر بمصر

14/11/2023

تخيلوا انكم تعيشوا في بيوت مبنية من الشعب المرجانية😲😲
النهاردة هكلمكم عن المدينة الحجرية أو ستون تاون واتسمت كدة عشان مبنية من المرجان والملاط مش من الصخور لدرجة انه فيها حوالي ١٧٠٠ مبني تم بناؤهم بالطريقة دي وتم تصنيف المدينة دي علي إنها إرث عالمي من قبل الأمم المتحدة
المدينة دي هي عاصمة جزيرة زنجبار بتنزانيا ومن أجمل المدن اللي ممكن تزوروها.

#سفر

12/11/2023

في جنوب محافظة البحر الأحمر بمصر وبالتحديد بعد مدينة مرسي علم بحوالي ٩٠ كيلو يوجد خليج القلعان اللي بيحتوي على أشجار المانجروف والمعروفة أيضا بإسم الأيكة وأشجار المانجروف ليها أهمية كبيرة في الحفاظ على جودة الماء وكمان ليها أهمية كبيرة في الحفاظ على إستقرار الشواطئ عشان بتعمل كحواجز طبيعية ومصدات للرياح والعواصف والفيضانات والأعاصير بالإضافة لدورها الكبير في مكافحة تغيرات المناخ والتقليل من ظاهرة الإحتباس الحراري وده لأنها بتعمل علي حبس الكربون أكتر من الغابات الإستوائية الناضجة لمعدل ٢-٤مرات.

11/11/2023

على ضفاف بحيرة غريغوري في مدينة نوارا إليا بسريلانكا ستشعر وكأنك في إحدى مدن الريف السويسري.

#سفر

10/11/2023

طبعا للوهلة الأولى ممكن تفتكروا اللي في الصور ده نوع من أنواع الفاكهة لكن أحب أقولكم إنه دي خفافيش 😲😲
النوع ده من الخفافيش إسمه خفافيش الفاكهة وتقدروا تشوفوه عادي جدا أثناء التجول بالمركب في بحيرة كاندي في مدينة كاندي بسريلانكا.

#سفر
#سريلانكا

10/11/2023

سافروا وتفكروا في عظمة الله سبحانه وتعالي وقدرته في الكون وتذكروا قوله سبحانه (إِنَّ فِي خَلْقِ السَّمَاوَاتِ وَالْأَرْضِ وَاخْتِلَافِ اللَّيْلِ وَالنَّهَارِ لَآيَاتٍ لِأُولِي الْأَلْبَابِ الَّذِينَ يَذْكُرُونَ اللَّهَ قِيَامًا وَقُعُودًا وَعَلَى جُنُوبِهِمْ وَيَتَفَكَّرُونَ فِي خَلْقِ السَّمَاوَاتِ وَالْأَرْضِ رَبَّنَا مَا خَلَقْتَ هَذَا بَاطِلًا سُبْحَانَكَ فَقِنَا عَذَابَ النَّارِ)
{آل عمران:١٩٠-١٩١ }.

09/11/2023

شكل الروبية السريلانكية بمختلف فئاتها النقدية مبهج جدا 😊😊

07/11/2023

الصورة دي لجوزة الطيب من الشجرة مباشرة من داخل مزرعة التوابل في جزيرة زنزبار وجوة المزرعة دي بتقدروا تشوفوا انواع كتيرة من التوابل اللي بنستخدمها في حياتنا اليومية وتتعرفوا علي طرق زراعتها.

#سفر

06/11/2023

عشان حاليا معظم الناس اللي بتسافر طيران بيقابلهم مشكلة في دفع تمن التذاكر اونلاين بعد تقليل حدود السحب بالعملة الأجنبية علي بطاقات الكريديت كارد موقع Flyin.com حل المشكلة دي وهتقدروا تحجزوا تذكرة الطيران لأي مكان في العالم وتدفعوا بالجنيه المصري وبالديبت كارد ومهما كان سعر تذكرة الطيران بدون أي حدود.

04/11/2023

جزيرة القرود من الأماكن المشهورة جدا في بوكيت في تايلاند واتشهرت بإسم جزيرة القرود نتيجة وجود القرود بكثرة علي الجزيرة.

#بوكيت
#سفر