ამ პორტალის შექმნის იდეა დიდი და დაკვირვებული ფიქრის შემდეგ მოვიდა. მოგზაურობა ისეთი რამ არის, რაც თითოეულ ჩვენგანს აინტერესებს. შეიძლება ხშირად ვერ ვახერხებდეთ ამ სასიამოვნო პროცესის განხორციელებას, მაგრამ ყოველთვის გონებაში გვიტრიალებს შორს თუ ახლოს მდებარე ქვეყნები, ქალაქები, ადგილები. ნეტავ რა ხდება იქ? როგორ შეიძლება მოვხვდეთ სასურველ ადგილას, სად შეიძლება წავიდეთ ისე, რომ ჩვენს ჯიბესაც გავწვ
დეთ?
ეს ინფორმაცია ყოველთვის ღირებული და საინტერესოა. ბევრი ვეძიეთ ინტერნეტში ქართულენოვანი რესურსი, რომელიც ჩვენს სურვილებს წავსულიყავით შორს, როგორც ერთი ძველი სიმღერის არ იყოს – Товарищ, мы едем далёко, Подальше от нашей земли – რაღაცნაირად რეალობად თუ არა, იმ ზომით მაინც დააკმაყოფილებდა, რომ ახლოს წარმოგვედგინა შორეული და იმ შემთხვევისთვის მოვმზადებულიყავით, როდესაც გადავწყვეტდით სადმე გამგზავრებას, რაც შეიძლება მეტი ინფორმაცია გვქონოდა ამა თუ იმ ადგილის შესახებ. წაგვეკითხა რეალური ისტორიები ადამიანებისა, რომლებმაც იმოგზაურეს, დაიტვირთნენ ემოციებით და ეს ემოციები გაგვანდეს, გვირჩიეს, გამოცდილება გაგვიზიარეს…
ასეთი ვებგვერდი, გნებავთ პორტალი ჩვენ ვერ მოვიძიეთ და გადავწყვიტეთ შეგვქმნა ონლაინ რესურსი, რომელიც ინფორმაციულ ვაკუუმს შეავსებდა და მოგვცემდა საშუალებას დაგვეგეგმა და რეალობაში მოგვეყვანა ჩვენი სამოგზაურო სურვილები ან სულაც უბრალოდ წაგვეკითხა სხვა ადამიანებს თავსგადახდენილი ისტორიები.
კეთილი იყოს თქვენი შემოსვლა პორტალზე!
