03/05/2023
👉უსაფრთხო ექსკურსია
✅მარშრუტის შერჩევისას ვითვალისწინებთ სავალ გზას და მსგავს გარემოებებს.
✅მოსანახულებლად არ შევარჩიოთ ისეთ ობიექტები, სადაც მოსალოდნელია ქვათაცვენა, წყალმოვარდნა, მეწყერი, ნგრევა და მსგავსი კატასტროფები.
✅სასურველია ექსკურსიაზე წავიდეთ მზიან და მშრალ ამინდში.
ტრანსპორტის შერჩევისას აუცილებლად მოითხოვეთ ✅სატრანსპორტო საშუალების ტექდათვალიერების საბუთი და თუ გაქვთ საშუალება პირადად ნახეთ და დარწმუნდით რომ ტრანსპორტი გამართულად მუშაობს. თუ ამას ვერ ახერხებთ, მაშინ მოიძიეთ რეკომენდაციები, რათა უფრო დარწმუნდეთ ტრანსპორტის სანდოობაში.
✅გიდის და მძღოლის შერჩევისას დაინტერესდით მათი გამოცდილებით. სასურველია მძღოლს ჰქონდეს მინიმუმ ათწლიანი, გიდს კი მინიმუმ 2 წლიანი მუშაობის გამოცდილება. მათ შორის ბავშვებთან მუშაობის გამოცდილებაც.
✅მძღოლს ან გიდს მოსთხოვეთ პირველადი დახმარების გავლის დამადასტურებელი სერთიფიკატი და პირველადი დახმარების ჩანთა-ნაკრები.
✅თუ ეგ შეუძლებელია ან გიდი არ გყავთ, მაშინ ჯგუფში იყოლიეთ ერთი პერსონა მაინც, ვინც შეძლებს უბედური შემთხვევის დროს დახმარების გაწევას. ასევე იქონიეთ პირველადი დახმარების ნაკრებიც.
✅სასტუმროს შერჩევისას ყურადღება მიაქციეთ მის კეთილმოწყობას. მაგალითად, ელ. სადენები იყოს დაფარული, არ ხდებოდეს სადმე დენის გაჟონვა, ყველა ელექტრო ხელსაწყო მუშაობდეს გამართულად და დენის ყველა წყარო იყოს დაცული/დახურული. დარწმუნდით რომ განთავსების ობიექტზე შესასვლელი/გასასვლელი ადგილები მარტივად მისადგომია და რაიმე დაბრკოლება არ ფარავს. შეიძლება სასტუმროს არ ჰქონდეს საევაკუაციო გეგმა (უმეტესობას აქვს, მაგრამ ზოგ საოჯახო სასტუმროს შეიძლება არ ჰქონდეს), მაგრამ თუკი ელემენტარულ უსაფრთხოების წესებს დაიცავთ, საევაკუაციო გეგმა არც დაგჭირდებათ.
✅ექსკურსანტებს არ მისცეთ სიგარეტის მოწევის უფლება დახურულ სივრცეში, ოთახებში ან თუნდაც სველ წერტილებში. სასურველია ექსკურსიის ხელმძღვანელმა მუდმივად აკონტროლოს ყველა შესასვლელ-გასასვლელი. ✅არ მისცეთ მოსწავლეებს კარებების ჩაკეტვის უფლება. ✅ასევე ნუ მისცემთ უფლებას უცხო ქალაქში ღამისთევის დროს დატოვოს სასტუმრო ან სასტუმროში მიიღოს სტუმრები.
✅ნუ დალევთ ალკოჰოლურ სასმელს. ეცადეთ შეინარჩუნოთ ფხიზელი გონება და ჯგუფის თანმხლები უფროსი ასაკის ექსკურსანტებიდან მორიგეობით იფხიზლეთ ღამის განმავლობაში. ასევე ნუ დალევთ ექსკურსიის განმავლობაში, რათა თავიდან აიცილოთ ჯანმრთელობის გაუარესება მგზავრობის ან ფეხით გადაადგილების დროს.
✅კვების ობიექტის შერჩევისას მოითხოვეთ სასმელი წყლის და ხორცის ვარგისიანობის დამადასტურებელი საბუთები. საკუთარი კვების შემთხვევაში დაიცავით სეს-ს რეკომენდაციები საკვები პროდუქტების ტრანსპორტირებისა და მათი შენახვის ვადების/პირობების შესახებ. ამით თავიდან აიცილებთ საკვებით გამოწვეულ მოწამლვას, ფაღარათს, ავადმყოფობას და დისკომფორტს.
✅ტრანსპორტირების დროს ნუ ადგებით ფეხზე და ნუ გადაადგილდებით. გზაზე გადასვლის დროს გადადით ჯგუფურად, ასე უფრო უსაფრთხოა. თუ საშუალება გაქვთ ექსკურსიაზე ჩაიცვით შუქამრეკლი ჟილეტები, ცუდი ხილვადობის ან შეღამების დროს მარტივად აღსაქმელები იქნებით მძღოლებისთვის.
✅გზაზე გადასვლის დროს მოსწავლეების თანმხლებ უფროსს (კლასის ხელმძღვანელს, გიდს) კანონით მინიჭებული აქვს მარეგულირებლის უფლება და შეუძლიათ სპეციალური ნიშნით ან უბრალოდ ხელის მინიშნებით გააჩერონ გზაზე ტრანსპორტის მოძრაობა, სანამ მოსწავლეები არ დატოვებენ გზის სავალ ნაწილს.
✅ნუ მისცემთ ექსკურსანტებს უფლებას, რომ წამოიღონ ბასრი საგნები, ფეთქებადი, ადვილად აალებადი და მსგავსი სამოქალაქო უსაფრთხოების ნორმებით დაუშვებელი ნივთები.
✅ასევე ნუ მისცემთ ექსკურსანტებს უფლებას, მჭიდრო კონტაქტში შევიდნენ, გამოელაპარაკნონ ან შელაპარაკება გამართონ ექსკურსიის განმავლობაში შემხვედრ სხვა კლასებთან (მაგალითად მუზეუმებში, ეკლესიებში და ა.შ.)
✅ჯგუფის გადაადგილების დროს დაიცავით შემდეგი წესი: წინ გიდი და ერთი მასწავლებელი. უკან ერთი ან ორი უფროსი თანმხლები. ჯგუფის სიდიდიდან გამომდინარე, ყოველ 5-6 მოსწავლეს შორის გვერდზე თითო უფროსი თანმხლები პირი. ამით თავიდან აირიდებთ ჯგუფის დაფანტვას ან ჩამორჩენას.
✅ნუ დაზოგავთ თანხას ტრანსპორტში და მომსახურე პერსონალში (გიდი, მძღოლი), ისინი თქვენი უსაფრთხო ექსკურსიისთვის მნიშვნელოვან როლს ასრულებენ. აუცილებლად დაემორჩილეთ გიდების და მძღოლების მითითებებს, ისინი გამოცდილები და ამ საკითხში თქვენზე მცოდნეები არიან. მიანდეთ საქმე პროფესიონალებს.
გისურვებთ მშვიდობიან, შემეცნებით და საინტერესო ექსკურსიებს!
სანამ ექსკურსიებს და ფასებს გაეცნობით, მანამდე აუცილებელია გაეცნოთ ექსკურსიის განახლებულ წესებს და პირობებს ამ ბმულზე👇
https://schoolexcursions.ge/?page_id=1078
------------------------------------------------------------------
დამატებითი ინფორმაციისა და ექსკურსიის დაჯავშნისთვის დაგვიკავშირდით
[email protected]
[email protected]
www.schoolexcursions.ge
