მოგზაურობა, ჩემი ცხოვრების განუყოფელი ნაწილია. ბავშვობის ყველაზე ტკბილი მოგონებაც, სწორედ მოგზაურობასთან ასოცირდება - კარავში გატარებული პირველი ღამე. დაუვიწყარი შეგრძნება იყო...
ჩემს გაზრდასთან ერთად, ხეტიალის დროც იზრდებოდა. მოლაშქრეობა ჰობად ვაქციე, ფოტოგრაფია - საყვარელ საქმედ.
ფოტოგრაფიის გარეშე, ვერც წარმომიდგენია, როგორი შეიძლება იყოს ჩემი ყოველდღიურობა.
საბოლოოდ, ბევრი ფიქრის შემდეგ გადავ
წყვიტე, რომ ჩემი სათავგადასავლო ამბები და ფოტოები, მეგობრების გარდა, ფართო აუდიტორიისთვისაც თვალხილული გავხადო. სწორედ ამიტომ, კითხულობ ახლა ამ მცირე ჩანახატს და დიდი იმედი მაქვს, რომ ეს გვერდი, ანუ ჩემს მიერ დანახული სამყარო, შენი ინსპირაცია გახდება და მთელს მსოფლიოს შემოივლი - პირველ რიგში საქართველოს!
