Heimat
直譯既意思係Homeland🏠
Heimat唔一定係你出世既地方，而係一個令你覺得係屋企感覺既地方，雖然自我長大以黎都唔痴家，成日呢度去個度去，試過隻身去新加坡做妹仔，試過去日本做農夫，而家黎左德國做？？但每次返到香港一落機聽到熟悉既廣東話，都會好熱切咁同機場既姐姐講早晨（通常凌晨機一早落地，機場姐姐都好敬業次次都好熱烈回應我）
返到屋企雖然屋企好細（住慣左大屋），但真係好溫暖，有時媽媽仲煲定靚湯等你，有時真係覺得自己離開屋企咁遠，媽媽會唔會好掛住自己，始終都係係屋企最好
就黎又過年，我都有少少掛住商場日播夜播既新年歌同枕頭下面個封利是🧧
Gesundheit!
德文「Gesund」同「Gesundheit」都係健康咁既意思，「Gesund」係形容詞，「Gesundheit」係名詞
最近疫情咁嚴重，德國部份地區政府要求要帶N95口罩先可以搭公共交通同入超市買野，唔好話N95，呢度連普通口罩都俾人重用到起毛粒，而家實行一家人用一個N95口罩😷
希望大家都身體健康，個個都Gesundheit！
Die Gebrauchtwaren
德國人對二手貨既狂熱簡直令人驚詫。好多德國人民由頭到腳既裝扮，以至屋企一應電器私家車、碗碗碟碟，全部都係二手貨
經濟唔差既德國人，熱衷二手貨更多係出於務實態度和環保意識。有多人鍾意收藏，專門係跳蚤市場淘到各種舊物，比如係陶瓷、明信片、郵票和畫冊等
德國每一個城市都有大大小小既跳蚤市場，特別係柏林！初初黎到柏林覺得呢度所有野好舊，後來慢慢體會到屬於呢個城市既魅力，充滿自由創意同歷史懷舊，大家下次黎到都去跳蚤市場尋下寶
甘入去上面 Gebrauchtwaren Story Highlight 就可以睇晒我地陳列既二手貨品，希望你地搵到鍾意既舊物🥰
*Das Angebot
Das Angebot 本身意思係「Offer」，可以係一個工作機會、一個邀請、一件特價貨，同英文一樣有好多種意思！
如果大家行街個陣見到呢個字，就代表間鋪頭做緊優惠，唔買都可以入去睇下！而家疫情關係未有得飛住，都可以Follow我地，為你送上源源不斷由歐洲飛過黎既既Angebot😆
Guten Tag
「今時今日咁既服務態度，點得架！」呢句我由細聽到大（曝露左年紀）
係德國，真係得架喎！因為係德國既禮儀入面，當你入到鋪頭買野，顧客要主動同店員打招呼，而唔係店員主動同你講歡迎光臨！初初黎到唔識，又唔敢同人打招呼，好多時店員都會當我透明，後來德文好少少，入去都會講聲,Hallo‘或者,Guten Tag‘，佢地就會好有笑容咁問你,Was kann ich für Sie tun?‘ 即係,How can I help you?’咁解。
係德國，顧客同店員係平等地進行交易，並冇「顧客永遠是對的」不過對於好多香港人黎講，咁樣可能好過一入門口係咁俾人追住問你「歡迎光臨」「隨便睇」「想搵咩呀」😂
跟返德國習俗，我都好期待你地主動黎同我講聲,Guten Tag‘🙋🏻♀️
*Damen & Herren
記得初初第一次獨遊黎德國既時候，係一間湖邊餐廳食完野想去方便一下既時候，兩個洗手間門口，一個寫住D，一個寫住H，就係咁多，完全冇男女公仔或者英文，個一刻我真係唔知應該入邊道門，結果我等左十分鐘先有一個男士係H門行出黎，我先敢行入D門
德文入面Damen係女士，Herren係先生，所以好多時係車站廣播都會講,Meine Damen & Herren…‘即係Ladys and Gentlemen咁解
講到呢度，大家而家都識，男仔記住入H門，女仔記住入D門啦
Herzlich Willkommen!
‚Herz‘ 係德文「心」既意思，所以 ‚Herzlich‘ 係「由心而發」既意思
相比起大陸式既「歡迎光臨」「熱烈歡迎」，德國式既由心而發既歡迎你係咪更加令人心動💗
希望你地都感受到呢一份心意，歡迎你地跟我一齊感受最地道既德國，買到最抵最優質既歐洲品牌🇩🇪🇫🇷🇮🇹
#德國代購
#歐洲代購
#德文教學
#名牌代購
#德國生活日常
