https://www.facebook.com/1422401204540988/

Travel Life Girl

Home
Hong Kong
Hong Kong
Travel Life Girl

吃喝玩樂，等我KOL同大家分享美食/美容等最新資信啦！歡迎inbox PM我地查詢?
(16)

29/11/2023

Cocoon (觀塘)
觀塘開源道54號豐利中心1樓104室

今日做完運動後覺得有點肚餓，所以就去左附近新開既cafe位於豐利大廈內，一出lift 轉左就見到，位置十分方便！套餐包括
是日沙律及主菜，飲料我就另加$38 芒果乳酸冰沙！現係openrice 訂座更加享有全單8折優惠😍
蒜蓉牛油黑豚梅頭扒配薯條 $98 ：即點即整，熱辣辣上碟，擺盤精緻，蒜香牛油味濃郁，油潤甘香，肉嫩多汁，口感味道遠勝一般豬扒，再配埋熱辣辣既薯條，脆口軟綿！
芒果乳酸冰沙：具有濃郁芒果香氣並甜中帶酸，豐富芒果乳酸冰沙造就滑順的口感。
+++++++++++++++
如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

#食貨人生 #食好西系列 #相機食先 #生活享受 #及時行樂

27/10/2023

Nara Thai Cuisine (港威商場) (尖沙咀)
尖沙咀廣東道3-27號海港城港威商場3樓3303號舖

昨晚早左收工，就約左同事放工約了朋友一齊去左附近尖沙咀港威商場的Nara Thai Cuisine ，侍應生好有禮貌請我們入去坐，安排左對住海既窗口位，每張枱都放上一碟蝦片，蝦片都好有鮮蝦味而且仲好脆口。

泰式椰子蜆煲$218: 蜆肉都好鮮味，大大粒草菇爽甜，用香茅和加左椰子煲的蜆湯好鮮甜，連湯都給我地飲光光。

泰式炒通菜$88: 豆瓣醬炒通菜炒得好嫰滑，上面落咗一些香蒜，味道撲香而且不太油膩，也不會太咸剛剛好。

泰式豬肉炒河粉$118: 河粉是採用陳村般口感既河粉，比較大片和爽口又滑身，材料用雞蛋、碎花生、芥蘭、肉片，炒得好有火喉，啖啖食出好味道，泰式炒河味道就比較偏向甜，如喜歡食辣D，旁邊也有一些辣粉和砂糖，還有一片青檸，方便每個客人的需求，非常貼心。

鮮椰子沙冰$60: 是採用椰子和鮮奶再加上冰打出來，好濃郁椰子和奶香味，冰冰涼涼好爽，真心好好飲。喜愛椰子的朋友不過錯過啦！

+++++++++++++++
如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

#食貨人生 #食好西系列 #相機食先 #生活享受 #及時行樂

13/10/2023

今日打風前夕跟朋友去左新開既商場探索一下，就去左6樓空中花園既餐廳《Terrace in seaside》，排左15分鐘隊就輪正我地啦，安排左望窗既塌塌米位置，我地就點左輕悠時光Terrace in Picnic Time 一客 (只限AIRSIDE分店限定)！😍

提拉米蘇：在餅上鋪滿忌廉和提拉米蘇，忌廉軟綿綿好滑又不膩，不是太甜，配合得非常好。

清甜柑橘窩夫：即叫即整熱辣辣新鮮出爐，窩夫好厚身有蛋香味，加上軟綿綿香滑忌廉和清甜柑橘一齊食，相當滿足。

輕悠時光甜點：
上碟時看見有五件非常美麗的餅
1：忌廉奶油菊花餅，淺褐色菊花外殼，夾著香濃奶油忌廉，綿密的口感滋味，真讓想一口接一口。
2：玄米脆脆牛油紅豆餅，是用薄脆糯米餅外殼，內藏一半紅豆蓉一半牛油，感覺一甜一鹹又非常夾，再配上玄米脆脆粒，食落感覺味道好濃郁也帶點層次感。
3：軟綿黃豆麻糬串，是用黃豆粉和蜂蜜撒在方形小巧的麻糬上，麻糬沾滿黃豆粉，口感香甜軟糯。
4：海苔費南雪小蛋糕，金磚小蛋糕外層放上滿滿的海苔，牛油蛋糕濃郁香味與香甜蜂蜜口內覺鹹香味，打造誘人的口感，齒頰留香。
5：香糯紫薯米糕，特別採用韓國紫薯，米糕味道清甜，米糕食落口有鬆軟、紫薯香味，也是養甜品之一。

冷泡綠茶：食完甜點再飲番杯冷泡綠茶🍵，清新而減膩感！

燒醬油黑毛豬白切肉紫蘇飯：醬油黑毛豬有炭烤的味道，肉質爽口不油膩，飯是用泡菜汁和葱粒炒成，飯煮得好粒及微辣，十分開胃，還有一些沙律菜伴著，而且有一件橙襯托著，打卡就更加美。

濟州柑橘乳酪：濟州柑的清甜香和乳酪，甜甜酸酸配得非常夾！

紅豆抹茶牛乳：濃郁的綠茶和軟綿粒粒紅豆，帶有陣陣牛乳香滑，冰冰涼涼入口香滑清新。

Terrace in seaside (AIRSIDE) (九龍城)
九龍城啟德協調道2號AIRSIDE 6樓L604號舖

+++++++++++++++
如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

#打卡 #度假 #玻璃屋仔 #食貨人生 #食好西系列 #相機食先 #生活享受 #及時行樂 .in.seaside.hk

06/10/2023

剛剛約咗朋友去做運動，做運動之前見到附近開左一間很靚既花店，原來花店內都有cafe，所以就跟朋友坐低左食番個brunch，我地剛剛遇到牛角包🥐新鮮出爐，就買了1個share黎食！熱辣辣咬落去很鬆軟好脆口！

我地就分別叫左2個lunch set $138起；
飲品：70% Belgium dark chocolate latte /朱古力加咖啡無糖，因有70%朱古力，所以有濃濃的朱古力香甜，有少少甜味，不飲咖啡的你也可以嚐試下。而咖啡杯是由老闆從荷蘭運過來的，看落杯子非常優雅高貴，一邊飲一邊打卡不錯👍！
是日餐湯：鰹魚雜菜湯/鰹魚是由老闆京都運來，鰹魚雜菜湯內有些煙肉，看見清淡但飲落口有陣陣的鰹魚香味十分清新。

飲品：Fruit sodas/ passion fruit ：百香果帶點微酸，加上口感清爽的有氣梳打水，啖啖透心涼！

主菜：Bagel開邊，一面放滿火箭菜，一面放上香脆炸雞肉粒放了些辣粉再鋪上芒果肉和原味乳酪，十分有層次感，因有好多菜、雞肉又炸得和脆沒有油，所以食落口不會感到油膩。

另一個同樣都是bagel 開邊，放滿火箭菜、牛油果🥑、蟹肉是蟹醬膏的蟹蓋取出來，非常金香，上面放滿牛油果，而且非常多蟹肉，而配埋黑酢和秘製醬料而成既火箭菜，口感一流！

Gary Kwok Flowers & Café (灣仔)
灣仔皇后大道東183號合和中心17樓1706-1711號舖

+++++++++++++++
如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

#食貨人生 #食好西系列 #相機食先 #生活享受 #及時行樂 #灣仔美食

26/08/2023

今日同朋友出完海就去咗附近呢間新開嘅食蒸海鮮去同蟹仙係同一連鎖店，店員安排我哋坐卡位望住海有夜景，咁我同朋友就點左以下套餐！尊貴海鮮套餐，每位$449，店員會幫我哋蒸同埋計時，所以我們等着吃好西！😌

罕有藻食綠膏蟹: 蟹膏很軟綿，愛食蟹膏既朋友不容錯過！
太平洋饅頭蟹：第一次食，細細隻，蟹鉗都很多肉！
野生琵琶龍蝦🦞：龍蝦肉很先鮮味，肉質彈牙！
台灣九孔鮑魚：體積較小，吃起來口感Q彈！
日本野生大赤蝦：老闆擺到隻赤蝦心形，體態很優雅，蝦肉又彈牙鮮甜！
大西洋野生青口：鮮味無比，肉質嫩滑！
黃金翡翠螺：螺肉肉質彈牙有口感, 肉質厚肥有嚼勁！
韓國釜山珍珠蠔：體形細隻少少，肉質鮮甜爽口無沙！
扇貝: 老闆就那醬汁是它們既秘製醬汁配埋扇貝食更加惹味！
有機蔬菜籃：有粟米、生菜等，蒸完食更健康！

最尾個粥底超鮮甜，吸晒所有海鮮既精華，加入排骨、蔥等，粥底也很綿嫩，最後老闆送左糖水（椰汁燉燕窩）比我地滋潤一下！😊😊

蟹仙海鮮蒸氣石碢 (油塘)
油塘鯉魚門崇信街三家村渡輪碼頭東翼
+++++++++++++++
如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

#食貨人生 #食好西系列 #相機食先 #生活享受 #及時行樂 #蒸海鮮粥底鍋 #油塘

14/07/2023

今日試試"和牛燒肉一郎"：一個絕對值得一試的地方！

如果你是一個愛食牛肉的人，那麼"和牛燒肉一郎"絕對係一個不容錯過的餐廳。

這家餐廳提供高品質的和牛燒肉。

一進入"和牛燒肉一郎"，您會立刻被它的舒適和現代風格所吸引。餐廳內環境寬敞明亮，帶來一種放鬆和舒適的感覺。新鮮既和牛，每一口都充滿了濃郁的牛肉香氣和多汁的口感。

"和牛燒肉一郎"除了提供精美的和牛燒肉之外，還有一個自助飲品區，供應各種清涼的飲品和果汁。可以根據自己的喜好揀最愛的飲品，用以中和牛肉的油膩感，為口感帶來更好的平衡。

也有一個精心設計的甜品區，提供各式各樣的美味甜點。大部份係經典雪條，這裡都能滿足您的味蕾。

此外，餐廳還擁有一個沙律吧，讓您可以在享受美味的燒肉同時，攝入新鮮和健康的食材。您可以自由地選擇您喜愛的蔬菜和配料，讓您的用餐體驗更加多樣化。

唔可以錯過既爆谷和軟雪糕絕對不容錯過。爆谷給您帶來的是一種脆脆的口感，而軟雪糕則是一種柔軟和滑順的口感，兩者都為您的用餐體驗增添了一絲驚喜。

最後，如果您想要一杯熱飲來暖下，"和牛燒肉一郎"也提供各種熱飲選擇。您可以選擇一杯熱咖啡、熱茶。

和牛燒肉一郎
#銅鑼灣
#燒肉
#高質和牛

25/06/2023

今日同朋友做完運動，做完有啲肚餓就去咗觀塘一間新開嘅餐廳食下午茶!
店員安排咗我哋坐卡位，坐得幾舒服！仲提供桌球同埋飛鏢俾客人玩！我哋兩個人就點左一個Classic british Afternoon Tea,星期一至星期六 15:00-17:30 供應，價錢：$368/2位另收加一服務費！

英式鬆餅（兩件）配果醬（兩樽）：分別係士多啤梨🍓味同Raspberry 醬配埋clot cream , 鬆餅外脆內軟，十分鬆化！

牛油酥皮配餡餅（兩件）：暖暖的，酥皮鬆脆又不油膩！

煙三文魚配墨魚籽（兩件）：煙三文魚帶著點煙燻的風味配墨魚籽，滑順絲柔的油花口感，常見的開胃小點！

風乾火腿配哈密瓜（兩件）：Parma Ham配埋哈密瓜的清甜正好與鹹香中和，帶出平衡口感！

熟蛋沙律配三文治（兩件）：黑松露熟蛋沙律🥗配埋軟熟三文治，舖埋紫色花瓣係面，很美觀！

日式抹茶麻薯泡芙（兩件）：有兩塊金箔喺面，外形十分精緻，抹茶味香濃！

芒果椰汁布甸（兩件）：香濃的椰奶散發著淡淡的芒果甜味，口感香甜幼滑！

士多啤梨蛋糕（兩件）：下面底層夾住朱古力層配埋士多啤梨味蛋糕，味道十分match!

是日甜品（兩件）：今日甜品係柚子朱古力蛋糕，酸酸的柚子夾住散發出香濃嘅dark朱古力味，不會太甜！

最後點埋2杯凍飲：凍檸茶及凍檸水，跟朋友傾下偈既好地方！😃

House FiftyEight (觀塘)
觀塘駿業街58號電訊數碼大樓4樓
+++++++++++++++
如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

#食貨人生 #食好西系列 #相機食先 #生活享受 #及時行樂 #觀塘 #觀塘美食 #觀塘好去處
#西餐 #牛扒

27/05/2023

今日做完運動，很肚餓就跟朋友一齊到樓上新開既點心店食番個lunch ，環境坐得舒服😌，店員開左一壺香片茶比我地，仲有一碟前菜，涼拌蓮藕：加左些少薑絲，味道酸甜清爽及清脆的口感很適合夏天吃！

我地選左2人午市套餐$368，包埋茗茶兩位及加一服務費！
開心雙人小拼（四喜烤麩、拍蝦苗小黃瓜）：前菜擺設得很精美，食完酸酸甜甜，幾開胃！

水晶蝦餃皇：用晶瑩剔透﹑軟熟彈牙嘅皮包住，內餡飽滿具大蝦及豬肉，口感絕對鮮甜美味。

精品灌湯餃：餃皮薄而煙韌，鮮蝦、北菇、豬肉餡融會湯中，口感豐富、味道清鮮。灌湯餃最宜蘸些紅醋，令人開胃。

咸魚雞粒炒飯：用半煎炸方式使鹹魚更加香口，粒粒炒飯中夾雜著脆卜卜的鹹魚粒同鮮嫩雞肉多了份層次感，又夠惹味！

瑤柱高湯浸菜心苗：菜心苗很翠嫩，配上瑤柱高湯，味道鮮甜，食得健康！

最後就上埋甜蜜蜜既糖水：桂花紅糖湯丸2位，口感Q彈，桂花味道甜美，暖胃暖心，老少皆宜。

百花漁莊 (灣仔)
灣仔皇后大道東202號QRE Plaza 28樓
+++++++++++++++
如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

#食貨人生 #食好西系列 #相機食先 #生活享受 #及時行樂 #點心 #灣仔美食 .hk #百花漁莊 #粥底火鍋 hk floristvillage.hk

24/04/2023

📣注意‼️ 博派使用的中大型太空飛船方舟The Ark正式登陸銅鑼灣啦！📣

飛船下層內擺放了亞洲首個近3米高的「柯柏文」巨型機動式模型，製作歷時九個月，花費7位數字精心打造出達電影製作級別戰損版模型，頭部還會郁動，增加互動感，能夠與柯柏文打卡拍照📷，粉絲們絕不能錯過!

🛍️ The Ark 設有香港首間官方變形金剛商品專賣店，獨家發售變形金剛模型和精品。店內會不時推出The Ark限量珍藏品，例如限量版服飾和聯乘產品等。為慶祝全球首間變型金剛餐廳旗艦店開幕，專賣店將獨家發售全球限售100件的限量版變形金剛模型，並只限於香港Transformers: The Ark 旗艦專賣店發售，絕對是獨一無二。限量版均附上專屬證書，極具收藏價值!粉絲們請密切留意Transformers: The Ark的官方社交媒體專頁，正式開售日子將會發文公佈，令一眾粉絲十分期待！

餐廳最標誌性的必點美食當然是首創變形金剛造型的漢堡包!

🍔安格斯松露漢堡：嚴選優質進口穀飼安格斯牛肉，肉質鮮嫩多汁，牛肉肉質除了帶有原汁肉香，還融合了秘制黑松露醬汁，還有新鮮既蔬菜番茄，令人一試難忘。而熱辣辣既薯條🍟亦十分脆口，不會感到油膩！

🍔蟹肉牛油果漢堡：以新鮮蟹肉打造出味道鮮美的啖啖蟹肉餅，混合自家秘制牛油果醬帶來豐富滿足的口感。加上以蘊含天然抗氧化的紅菜頭打造的漢堡麵包，味道及營養提升至更高層次。

勁脆雞塊：採用無激素優質白羽雞，使用秘制香料醃製經高溫油炸後香味撲鼻，外皮酥脆肉質嫩滑，十分juicy，濃郁雞肉汁在嘴裡湧出，令人回味無窮。

藍色星光🌟：將變形金鋼所用到的能量晶體 (Energon) 注入人類的能量飲品，清新怡人的梳打水加入富含花青素的蝶豆花，利用天然色素製造藍色夢幻色彩。配上青檸、薄荷及蒟蒻果凍，為您提供滿滿能量，清爽提神瞬間精力充沛！

四季冰晴🥤：選用來自台灣的四季春茶葉，調配出完美比例，入口順滑不澀，解膩又健康，加入蒟蒻果凍，口感更覺豐富。

海鹽可可雪糕：原來海鹽同可可味道咁夾，口感層次十分豐富，大人小朋友都不可抗拒既甜品！😋

每款美食都是美觀與美味俱備，為一眾變形金剛粉絲及美食達人帶來難忘的用餐體驗。

✅Transformers: The Ark✅
開幕日期📅：4月24日
地址: 銅鑼灣羅素街38號地下
營業時間:上午11時 – 晚上11時
Facebook:: The ARK Instagram:

#全球首間變形金剛旗艦餐廳 #柯柏文 #大黃蜂

#打卡餐廳 #香港打卡 #假日好去處 #親子活動 #銅鑼灣美食

20/04/2023

今日跟同事去左公司附近既cafe 食晏，我地等左5分鐘就有位啦！我地坐低左就叫左2個set lunch !

薄燒雙倍紐西蘭西冷牛扒配洋蔥汁（薯條）$68 配凍檸賓另加$6: 西冷牛扒屬於後腰脊部位，較有嚼勁，肉味比肉眼濃郁，油花不算多，但分佈平均，而且有彈性，配埋洋蔥汁一齊食更有口感，薯條🍟熱辣辣很脆口，飲啖凍檸賓爽一爽味蕾！

德國黑椒蜜糖豬手配黑椒汁（薯條）$61 配紅豆冰另加$6: 豬皮烤得超香脆又唔會太厚，肉質味道加上蜜糖甜甜地唔錯，加埋薯條🍟香脆感，食完有飽腹感，飲品紅豆冰，啖啖紅豆香加上順滑濃郁的淡奶香！😋

+++++++++++++++
如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

#食貨人生 #食好西系列 #相機食先 #生活享受 #及時行樂 #荔枝角美食

23/03/2023

人在高雄，可代購，私😘

17/03/2023

今晚去左朋友屋企探佢，之後就去左佢屋企附近新開既泰國🇹🇭餐廳食晚飯！

泰式船麵（豬肉）$68：碗麵都好多食材有九層塔🌿、爽口芽菜、泰式，魚蛋爽口彈牙、豬肉片、葱花粒、泰國豬皮，十分脆口，還有一些炸過的豬肉粒，麵條幼滑，船麵都好大碗，味道唔錯好又好食。

炒通菜$68: 用鮮蒜蓉炒通菜，顏色青綠又夠鑊氣，再加上一些炸過的蒜粒，味道適中又惹味。

軟殼蟹黃咖喱飯$108: 軟殼蟹舖左黃咖哩上面，酥香的軟殼蟹，連殼都不用剝一口咬下，蟹肉和外層軟殼在嘴裡交融，螃蟹滋味特別濃厚，而黃咖喱是不辣帶有點甜香，黃咖哩汁撈飯就最match。

泰式炸春卷$48: 一碟有4件，春卷皮不是中式的春卷皮，好像是網紋皮，點埋酸甜醬，口感非常甘香脆嫩，內有豬肉碎蝦、蟹肉，入口感覺十分脆口。

泰式奶茶椰汁糕$38: 這個甜品都好特別，本身未食過，細細件十分精緻，味道不是太甜，而上面有一小塊金萡放在椰醬上，有奶茶味但不是太濃剛剛好，擁有大菜糕的爽口感。

而飲品就order左泰國椰青$45: 椰青鮮甜而且好多汁，椰肉又夠香嫩，十分解渴！

軟殼蟹黃咖喱飯套餐飲品珍多冰加$15，跟餐加$15好扺飲，內有椰醬汁、綠色爽條、大樹菠蘿肉，粉條軟滑、椰漿香甜，確實是消暑良伴。

季稻 (觀塘)
觀塘宜安街17號地舖
+++++++++++++++
如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

#食貨人生 #食好西系列 #相機食先 #生活享受 #及時行樂 #觀塘美食 #泰國美食

14/02/2023

今日約左朋友係寶琳行街，行完之後有d 餓，朋友話想食韓國餐，我突然想起朋友介紹過我寶琳站有間《閔大人》新開既韓國餐廳食物也有水準，於是帶她一齊去潮聖一下先，有部分打卡位，我地選左卡位，就要出面counter 先order 野食再付款，之後就等叫號碼就去拎食物。

我們就叫了1個炸醬麵配無骨雞（原味）$78
：炸醬麵內有芝麻、洋蔥、碎肉打做一個香濃的汁料，放落冷麵中，待麵條吸取香濃的精華汁，炸醬麵上面舖滿爽口青瓜絲，食落口簡直不可以停口，食多幾口時可以食埋一些蘿蔔片漬物酸甜又爽脆，簡直是絕配。
而炸無骨雞有4件，都幾大件，炸得得很香脆，雞肉內不會乾而且仲鎖住唔少肉汁，無骨食時好放便啖啖肉，雞肉都好嫩滑。

大杏鮑菇$45: 是用炸醬粉包住雞肶菇炸成，即點即做，熱辣辣小心燙口，杏鮑菇非常鮮甜，外脆內嫩，而且非常大碟，喜歡食菇類就不要錯過這款小食。

而飲品就order左一杯凍朱古力$43: 朱古力是用濃郁的朱古力粉沖，非常香滑而且朱古力比平時我飲的更香濃，所以旁邊還有一細杯糖漿，如果喜愛飲比較甜就可以加少少，我覺得還可以有少少朱古力苦味更好飲。

而甜品就點左招牌牛角窩夫配雪糕$128: 特濃朱古力球加開心果碎，另外一個是覆盆子雪糕球加士多啤梨鮮果肉，放在鬆軟既牛角窩夫包上，特濃朱古力雪香滑，覆盆子雪糕帶點微酸，兩種雪糕都十分美味，雪糕與窩夫中間夾左忌廉和士多啤梨打出來既cream，甜度適中！食完人都feel到開心😃 值得推薦！😋

閔大人 (將軍澳)
將軍澳貿業路8號新都城中心3期地下G1-G3號舖
+++++++++++++++
如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

#食貨人生 #食好西系列 #相機食先 #生活享受 #及時行樂 #將軍澳美食

17/01/2023

Travel Life Girl 《出售》日本直送多拉A夢小信封📩，一包有3個，只此一包，有意請PM! 🙏

17/01/2023

Travel Life Girl 《出售》日本直送Pikachu比卡超2023 日記本，只此一本，有意請PM! 🙏 代購代購 #比卡超日記 #比卡超代購

17/01/2023

Travel Life Girl 《出售》日本直送限量Boris 雙面鏡，只此一個，有意請PM! 🙏 代購

17/01/2023

Travel Life Girl 《出售》日本直送限量Miffy 雙面鏡，只此一個，有意請PM! 🙏

17/01/2023

Travel Life Girl 《出售》日本直送限量Miffy 米白色布袋，只此一個，有意請PM! 🙏

17/01/2023

Travel Life Girl 《出售》日本直送限量Miffy boris 散紙包，只此一個，有意請PM! 🙏

17/01/2023

Travel Life Girl 《出售》日本直送限量miffy 布袋，只此一個，有意請PM! 🙏

17/01/2023

Travel Life Girl 《出售》日本直送多拉A夢膠水樽，容量：160ML，只此一個，有意請PM! 🙏 #水樽

12/01/2023

Travel Life Girl 《出售》日本Sanrio store Kuromi 三角形散紙包，只此一個，有意請PM! 🙏

12/01/2023

Travel Life Girl 《出售》日本Disney store 布口罩（共4款）；只此一set，有意請PM! 🙏

12/01/2023

Travel Life Girl 《出售》日本Disney store Donald Duck 唐老鴨玻璃水杯，只此一隻，有意請PM! 🙏

12/01/2023

Travel Life Girl 《出售》日本Disney store 玻璃水杯，Size: 14*10 inches，只此一隻，有意請PM! 🙏

04/01/2023

Travel Life Girl 《出售》日本Disney store 最新Cinderella 灰姑娘 cushion，Size約：17*17 inches，只此一隻，有意請PM! 🙏

04/01/2023

《出售》日本Disney store 最新Minnie 粉紅色公仔，Size約：14*10 inches，只此一隻，有意請PM! 🙏

04/01/2023

《出售》日本進口大正制药PABRON感冒药顆粒，
一盒44包！
可退燒止咳，只此一盒，有意請PM! 🙏 #大正感冒藥

11/12/2022

今日跟朋友做完運動開始感到肚餓，就一齊去左呢間新開試業中既西餐廳食lunch ，安排左卡位坐位比我地坐，感到十分舒適，岩晒同朋友一齊傾偈既好地方，之後店員比左個QR CODE 比我地o都黎點餐！

明太子大蝦燴飯 $151 : 明太子同蟹籽粒粒鮮艷，個source沾滿每粒飯粒，好夠味，食落覺得好邪惡，上面舖左青葉點綴一下；而材料方面，有蝦同番茄，食落係爽口彈牙，無腥味。

蒜香蟹肉意粉 $130: 蟹肉鮮甜可口，每條意粉都充滿住蟹肉，意粉蒜香味濃郁之餘且口感煙煙韌韌，食落口相當唔錯。

炸薯條（茄汁、黑松露醬）$48: 即點即炸，熱辣辣很有薯味，點埋茄汁同黑松露醬食更有層次口感，食唔停口！

鮮鮮奶咖啡: 咖啡味香滑濃郁，同時有牛奶的細膩，拉花精緻！

士多啤梨沙冰: 新鮮的士多啤梨加冰再打碎，每喝一口都充滿酸酸甜甜的莓香，岩岩做完運動飲就岩晒可以降下溫！

原味疏乎厘杯蜂蜜糖漿 $78: 呢個疏乎厘真係打卡一流！充滿香蛋味，再倒些蜂蜜糖漿帶點甜味，食落口完全唔會有空氣感，食落口軟軟綿綿既口感！

Four O Five Coffee & Eatery (觀塘)
觀塘成業街19-21號成業工業大廈地下2號舖
+++++++++++++++
如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

#食貨人生 #食好西系列 #相機食先 #生活享受 #及時行樂

31/10/2022

朋友住在寶琳約我去新開既YOLO餐廳位於寶琳，這間餐廳新開環境乾淨而且座位舒適，和朋友傾談的好地方。
我們叫左個頭盤：燒八爪魚沙律$62: 八爪魚非常鮮甜彈牙，也有一些新鮮沙律菜，是用橄欖油和白醋撈，做頭盤酸酸甜甜最為開胃。

松露忌廉牛肝菌意大利粉$72: 喜歡食松露的朋友一定要order這個菜，松露味十足，香氣撲鼻，而且配搭住有磨菇、香菇、牛肝菌是很爽口，一陣陣香味，意粉每條吸入忌廉松露的味道，真是很清爽可口的一碟粉。

夏威夷薄餅$82: 食材有：菠蘿、金香火腿、上面鋪滿厚厚濃郁芝士，紫洋蔥清爽，蕃茄做餅底，餅邊是非常脆口，帶給我驚喜。

最後叫左個甜品做尾聲，雜莓醬牛角窩芙配呍尼拿雪糕$58: 牛角窩夫即是格仔餅內是做到有千層酥的口感，食落口脆脆地，上面鋪滿雜莓酸甜味和香甜的忌廉，夾住雪糕一齊食，甜甜酸酸凍雪糕食都人都開心晒。😊

朋友真的無介紹錯，下次我都要帶朋友再黎encore ! 😋

YOLO (將軍澳)
將軍澳貿業路8號新都城中心三期1樓132A,138D號舖
+++++++++++++++
如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

#食貨人生 #食好西系列 #相機食先 #生活享受 #及時行樂

29/10/2022

今晚happy Friday 收左工跟同事一齊去左億行工業大廈搵好西食，最近見到新開既泰國🇹🇭菜就去食下先！原來是正宗泰國人主理既泰國餐廳，我地點左：

泰式火山骨 $158: 上檯時已經感到震撼眼球既感覺，好像火山般既畫面，2條大大的豬骨配上莞茜，另配膠手套及膠筒要來放豬骨，用手撕下來既豬肉絲很軟嫩，每一關節軟骨都容易拆開，軟骨富有骨膠原，再沾埋特製既酸辣醬汁，食得十分滋味！

菠蘿炒飯$88: 中意食泰菜既朋友，往往都很愛吃菠蘿炒飯，賣相精緻，切開了半個菠蘿🍍做底，加入了菠蘿粒的炒飯帶點甜甜酸酸的味道，使人份外開胃，另外還加入了肉鬆、粟米粒、青豆、臘肉、魷魚、雞肉、爽嫩彈牙大蝦🍤的菠蘿炒飯，為炒飯加入脆脆綿綿的口感。

泰式生蝦刺身$98: 大大隻厚切既鮮海蝦冰鎮過後，肉質更緊緻富彈性，味道鮮甜，生蝦刺身入口即散發出甜甜的味道，完全係泰式享受！再配上香蒜片及特製酸酸辣辣的醬汁，層次更豐富。

而飲品就點左青檸檬薏米水（少甜）$18: 飲完有種消暑既感覺，薏米有清熱袪濕，去水腫功效。而青檸可樂$18: 酸酸甜甜咁，富有激爽口感及檸檬青檸味。

椰皇三重奏$35: 這個甜品十分有特色，外表很像椰皇外殼，而內裡就裝左3層：面層舖了烤香的椰絲，第2層就係椰汁糕，第3層就係椰子果凍做底，食完有種清涼爽甜既感覺，椰子味香濃，喜歡食椰子既朋友就唔好錯過啦！😋😋😋

金亞淶泰國餐廳 (荔枝角)
荔枝角長沙灣道883號億利工業中心1樓102號舖
+++++++++++++++
如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊
#食貨人生 #食好西系列 #相機食先 #生活享受 #及時行樂 #荔枝角美食

27/10/2022

新開張既新竹園軒位於尖沙咀區，地方比較遠離地鐵站，要行10分鐘左右先到達，要上樓梯先到，酒樓環境都很光猛，座得十分舒適。

店員開左茶水比我地及有碟花生，食物方面真是幾好，介紹一下比大家參考！

本人當天就食左幾道點心有:

招牌蝦餃皇:新鮮蝦味十足，大大隻當然是比較好，我不喜歡切碎蝦做饀，而且食落口彈牙且有蝦汁非常鮮甜。

蟹籽燒賣皇:蟹籽彈牙，大蝦爽口，豬肉和肥肉均勻比例，外觀好看又好食。

豉汁蒸鳳爪: 花生林林地吸左鳳爪的汁料，變成花生都好好食，鳳爪開邊約有6隻，比較有咬口，都幾大碟

脆皮金沙蝦腸：油炸鬼脆脆地內包住鮮甜蝦肉，皮外很薄帶有些蝦米乾，非常通透又滑身，出面很少這樣做，因功夫多，值得一試。

鮮蝦腐皮卷: 腐皮煎到金黃色，饀料有大蝦，葱花，香香脆脆又不肥膩。

香煎蘿蔔糕: 有臘肉、蝦米、臘腸，食到很好蘿蔔條，蘿蔔非常清甜，大大件簡直是超值。

南翔小籠包: 熱辣辣既豬肉饀，超多肉汁，入口時小心D汁瀑出來而燙親個口。

雞腳燉螺頭湯: 湯料有螺頭、淮山、肉粒、細雞腳、杞子；無加添味精，純天然燉湯，入口清甜，帶有螺頭肉和雞腳食，材料十足，秋涼開始好適合一家大細飲這個湯來補補啦！

紅燒雞絲翅：翅是採用素翅、雞絲，配紅醋，味道不錯，價錢又不貴。

飯後有位侍應生過來執枱時說，新張期間每位送一個糖水，而且仲可以選擇，侍應生非常有禮貌，我們2人叫了2個，1個是楊枝甘露：芒果肉粒很香，爽脆柚子肉，脆口卜卜脆西米爽口，花奶滑香而且味道不會太甜。

薑茶湯圓: 湯圓有6粒是黑芝麻饀，薑茶味都比較濃，加上黑芝麻湯丸一齊食就比較好味，配搭非常好。😋

新竹園軒 (尖沙咀)
尖沙咀漆咸道南79號中國五礦大廈3樓
+++++++++++++++
如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

#食貨人生 #食好西系列 #相機食先 #生活享受 #及時行樂 #尖沙咀 #茶樓

18/10/2022

今日跟朋友做完運動後覺得肚餓，所以就去左附近新開既食店，店舖不太大，裝修都幾有特色，先付款點餐，之後店員就會送餐給客人！

小食我地點左炸麻辣燒賣$15: 第一次食麻辣味既燒賣，幾特別，麻麻辣辣既味道幾過癮！
炸薯角 $15: 熱辣辣即點即整，脆口軟綿綿，好香既薯仔味道！

超蛋強強治$36: 有炒蛋同溏心蛋合拼，真係超蛋既蛋治，蛋香味濃厚！

黑色的菇治 $29: 喜歡食菇類既你不要錯過，有黑松露雜菌夾滿紫椰菜口感爽口唔錯！

熱玫瑰🌹花蜜配牛蒡 $12: 玫瑰🌹浮係面，打卡一流，味道甜甜地幾滋潤！

熱接骨木花蜜配青檸 $12: 味道酸酸甜甜幾好飲，飲完幾開胃可以食埋甜品！

宇治麻不甩 $36: 抹茶醬、紅豆配埋麻薯，煙煙韌韌既口感加埋熱辣辣既croffle食落很鬆軟，值得推薦！

吔嘢事無所 (灣仔)
灣仔軒尼詩道302-308號集成中心地下G4號舖
+++++++++++++++
如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

#食貨人生 #食好西系列 #相機食先 #生活享受 #及時行樂 #灣仔

10/10/2022

今日同朋友睇完電影就去左附近商場食番個tea，試業期間只接受現金，店員安排左卡位比我地，坐得十分舒服😌，呢度係用QR CODE 點餐，十分方便！

（常餐）黑蒜雞肶撈米粉$54:豉油皇鹵雞肶都幾滑，味道中不會偏鹹而且仲帶有一陣陣黑蒜香味，米粉是採用新竹米粉，非常幼細又滑，加上爆香葱粒，撈埋一齊十分惹味。還配一份炒蛋，蛋都好香滑幾大份應該有2隻蛋，而丹麥酥多士，上面加上鮮牛油香酥脆邊。飲品熱柑橘蜜另加$9，柑橘蜜內有片檸檬，飲完感覺喉嚨好舒服

朋友就點左R6,瑤柱鮑魚福建炒飯$98: 因我們食唔到咁多，怕浪費食物，所以選擇（少飯），鮑魚有2隻彈牙鮮味，鮮蝦爽口有蝦味，雞粒好滑，紅蘿蔔，翠玉瓜，草菇都是採用新鮮食材，配上蛋炒飯味道一流！

另加$20有養生燉湯，是日養生湯材料是蟲草花、松茸菇、豬肉、枸杞子，燉湯味道非常濃郁，不加味精，飲完都不會口喝，值得推薦！

餐飲就點左雪山紅豆冰另加$7，（少冰少甜）紅豆🫘粒好淋，配上cream 真的好像一座雪山，配襯得來除美觀外，還好好飲，不太甜。今晚食得好飽而且非常滿足，下次有時間都介紹朋友來食。😋

四寶食堂 (將軍澳)
將軍澳唐德街9號將軍澳中心1樓137E號舖
+++++++++++++++
如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

#食貨人生 #食好西系列 #相機食先 #生活享受 #及時行樂 #四寶食堂 #將軍澳美食 #下午茶 #晚餐 #午餐 #將軍澳 #將軍澳中心 #茶餐廳 #茶餐廳美食 .kitchen.hk

29/09/2022

星期一的晚上來到銅鑼灣的ATAS食晚餐。
將分別由位置，用餐環境及設施，食品三方面講述用餐體驗。

位置

ATAS離地鐵站不遠，銅鑼灣地鐵站向天后方向步行約10分鐘之內已到達餐廳。用餐位置的需要從餐廳地面步行一層的樓梯才到達。地面放了Menu展板供客人預覽食品的種類及價錢，價錢的定位相對在銅鑼灣而言，相當大眾化。

環境裝修及設施

餐廳的環境裝修行Cafe的風格。用餐環境寬敞，有提供半圓沙發，或普通餐廳的枱凳，也提供單人窗邊面向街道的座位，供不同客人選擇入座。店內牆身主要為白色，最吸引眼球的是店內一幅長方形牆上印有有綠色植物的牆紙，呼應了這間食新加坡菜的餐廳，亦是店內其中一個打卡位。
Atas採用自助形式落單，或到收銀處下單，店員會派一個bit bit機，到餐後到櫃面領取，相當方便。另外自助區有水，和餐具，碗、碟供客人自取。

食品

當天和友人來食飯，我們分別點了，叻沙，肉脞麵作為主麵食，飲品1客Milo Explosion 及Micheal Jackson(仙草豆漿)，小食點了kaya Overload (咖梛爆漿）。

主麵食

叻沙份量十足，有魚蛋、蛋、蝦、豆卜，友人指湯底梛香十足，濃郁沙嗲及蝦湯的滋味。朋友叻沙中的蝦肉十分爽彈，蝦肉質素不錯。

肉脞麵是一碗乾麵，麵上有各種食材配料，另一碗麵湯，供客人自行加入麵湯。肉脞麵的配料十分豐富，有肉脞、滷冬菇、豬肝？魚蛋、炸蝦雲吞等，滿滿的配料。炸蝦雲吞相當出色，用適當豬包著一隻蝦肉下鍋油炸，沒有太油膩感，很好吃，吃得出頗為新鮮。滷冬菇也十分入味。

飲品

Milo Explosion 就是美祿特飲，滿滿的美祿粉洒在飲品最頂層及加上美祿波波的美祿朱古力飲品，一杯飲品不同口感，喜愛美祿的朋友必點。

Michael Jackson是仙草豆漿，豆漿和仙草的配搭不錯，仙草粒有咬口，可以一試。

小食

來到最邪惡和最吸晴的kaya Overload,一客已足夠2到4人食。Kaya overload是一份三層多士，多士的夾層有牛油，花生醬，煉奶，榛子醬，並在多士的四周酒上滿滿的朱古力粉。一夾著一層，甜品控一定不容錯過，由於有兩層牛油，食一到兩小件已經有些飽，十分好吃，可以留肚和朋友分享這個小食。

總結
是次用餐經驗不錯，上餐速度很快，味道也很對口味，來銅鑼灣想以大眾化價錢食星加坡菜，Atas 是一個不錯的選擇。

A.T.A.S (銅鑼灣)
銅鑼灣邊寧頓街9-11號登龍閣地下C2號舖
+++++++++++++++
如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

#食貨人生 #食好西系列 #相機食先 #生活享受 #及時行樂 #銅鑼灣美食

05/09/2022

今日放假同朋友去咗旺角行完街就有啲肚餓就去咗瓊華中心樓上有一間食無限時任食火鍋放題，岩晒一大班人聚會好地方，我地就點左Prime great 美國安格斯牛肉、西班牙冇激素豬肉片；成人：$298，用QR CODE 點菜快捷方便，店員安排咗我哋坐卡位，每張檯都有隔版分隔住，食得更安心！

首先湯底就點左：藥膳姬松茸雞肉涮涮鍋，鴛鴦鍋另加$48，未打邊爐前首先飲一啖湯頭，湯底十分濃郁，藥膳味濃厚，還有很多姬松茸菇配上軟嫩嘅雞肉！

Prime great 美國安格斯牛肉：美國安格斯牛肉呈嫩紅色，牛肉味香濃肉質新鮮香滑；而西班牙冇激素豬肉片，切得薄身方便打邊爐，焯一焯就食得，肉質彈牙脂肪含量低！

另外仲有午市火鍋料任食，我哋點左炸魚皮、響鈴、手工黑松露墨魚丸、午餐肉、萵筍、唐生菜等，而海鮮類就有蜆、聖子、生猛海蝦、白膳片、帆立貝等，店員都很快準確地送上檯，材料都十分新鮮甜味，岩晒要黎打邊爐，而最有特色就係黃金地瓜條，即點即炸，而且還有幾款shake shake粉俾你
自己調配，我就揀咗甘梅粉及海苔粉，之後放落袋度shake shake去，地瓜條熱辣辣食很美味，一點都唔會感到肥膩！出面還有醬料可供配製；而飲品區就有自家製既黑糖冬瓜檸檬茶、冷泡日月潭蜜香紅茶等，唔會太甜飲得健康！

最後甜品就點左Dreyers紅豆🫘抹茶雪糕及Movebpick朱古力雪糕，食埋雪糕捧住個肚離開，超抵食嘅午市放題！😋

馬祖無限時台灣養生涮涮鍋 (旺角)
旺角彌敦道628號瓊華中心11樓
+++++++++++++++
如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

#旺角瓊華 #馬祖 #吃到飽 #火鍋 #藥饍 #養生火鍋放題 #足料火鍋 #台式 #古早味 #食貨人生 #食好西系列 #相機食先 #生活享受 #及時行樂

24/08/2022

今日收咗工去咗搵我朋友公司附近新開左間新餐廳，我地去到都見到有人排緊隊，拎咗飛等咗半個鐘頭就有位啦！

店員安排左卡位比我地，裝修係走歐陸田園風格，樓底都很高，主色都係以墨綠色同埋米色為主，睇完Menu之後就叫咗以下嘅食物：
新鮮海膽、香煎帶子、蟹肉海膽忌廉汁意粉$178: 鮮味海膽配埋彈牙帶子煮出黎色香味俱全，每一口都是鮮甜的海膽味，意粉煙韌彈牙，味道很香濃。

Mo(安格斯牛肉、炒洋蔥蘑菇、芝士漢堡）$99 配黑松露芝士醬薯條🍟$20:
細緻又緊實的肌肉層疊交融嘅安格斯牛肉擁有著高質量的肉汁配上肉身新鮮爽滑口感，加埋香噴噴既juicy炒洋蔥蘑菇及芝士，味道更充滿層次感，配埋濃郁黑松露芝士醬薯條🍟，真係perfect match! 😋

藍青口、白酒、蒜蓉、小茴香、忌廉、多士$79: 青口外殼漆黑帶藍、濕潤富光澤，外形纖細，別看它外形嬌小無肉吃，青口肉質卻嫩滑無渣兼Juicy，味道鮮甜且充滿清新的海洋味，青口是以白酒忌廉來煮，吃其鮮甜滑溜，鮮味忌廉汁盡是海洋精華，用來伴多士吃，一滴都不會浪費！

Tiramisu Pancake $122: 甜品後上，需時20-30分鐘左右，即叫即整，厚厚Q彈pancake 配上提拉米蘇醬係面，旁邊配有燕麥松子仁、咖啡糖漿同鮮果賣相精緻，香噴噴既pancake 口感鬆軟綿密、又唔會太甜，值得推薦嘅甜品！😋

石榴青檸梳打$48: 番石榴及青檸味道清新怡人，淡淡的微涼感就如夏季的一抹涼爽海風，夏天飲真係一流！

Butlery (沙田)
沙田沙田正街18-19號新城市廣場1期4樓479A號舖
+++++++++++++++
如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

#食貨人生 #食好西系列 #相機食先 #生活享受 #及時行樂 #沙田美食

09/08/2022

今日放左工就去左公司附近一間新開既西餐廳叫左外賣食；

R8：炸雞髀蛋蓋飯$58，是炸一大塊雞脾另外是用日式咖喱汁，加上一隻炒蛋在飯的上面。炸雞脾是即場炸，非常熱和鬆脆香口，肉質嫰滑，咖哩汁是甜味加上滑蛋和粒粒飯一起食非常夾。

P8：煙三文魚蜆肉雜菜炒意粉$58，煙三文魚味道剛剛好不會太鹹，蜆肉細細隻都有幾多隻又無沙，都好鮮甜，意粉彈牙爽口，有些少雜菜，都好豐富食材，十分飽肚又滿足。

F13：小食拼盤-炸魚薯條/雞翼/脆樂雞$68，喜歡食炸物，就不妨加上這個小食拼盤，都非常抵食，一個價錢可以食到3款食物，炸魚都好大塊而且魚肉好滑無腥味，配搭薯條一齊食唔錯！外脆內嫩。有3隻微辣既雞翼，可以推介喜歡食辣既朋友，仲有幾塊雞件十分脆口美味。

S2：南瓜湯加配價：$20，南瓜湯比較偏向多creamy，入口很滑身。

D3：凍雀巢檸檬茶：加配價$12，熱天飲這杯凍雀巢檸檬茶是相當不錯，微酸可增加食慾，又可解暑！

今晚這2個主餐加一款小食已足夠我家3人食得非常滿足，外賣🥡自取仲有8折，家人都食得好開心，下次我會再去買回家食。😋😋

Ricco (長沙灣)
長沙灣青山道195號地舖
+++++++++++++++
如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

#食貨人生 #食好西系列 #相機食先 #生活享受 #及時行樂 #長沙灣美食

28/07/2022

今日同朋友去觀塘整完workshop ，就去左附近新開既台式餐廳食番個late lunch ，店員安排左卡位比我地，坐得幾舒服😌，之後DO QR CODE 落order 野食！

我地點左一份台式套餐有香菇肉燥配涼拌小食$92: 台式香菇肉燥，有幾款選擇，本人選擇乾伴新竹米粉，台灣燥肉和新竹米粉攪拌一齊，當然十分惹味，米粉爽滑肉燥汁不太鹹，再加上有豌醬炆豬軟骨，大大件豬軟骨有4件之多，豬軟骨炆到好淋，食落口又有咬口，我好喜歡食這款味道既拌米粉，跟餐飲有免費杯茶，我就叫左杯:冬瓜檸檬（鮮）加$15，今天天氣非常熱，飲這杯凍冬瓜檸檬當然非常好，味道帶有微酸、清涼、少甜令人胃口大開，解暑好適合熱天飲！

我朋友就叫左:寶島蛋餅配輕量沙律$67，只有一樣選擇免費食物，她選擇左鮪魚，如果喜歡蛋內食材豐富一點，可以加$10選擇多一樣食品，她選擇加粟米。蛋餅內的鮪魚好食而粟米非常多又新鮮，鋪滿整個蛋餅，有一些沙律菜，好清新又唔怕肥，蛋餅的蛋香令我口內充滿蛋香。跟餐可優惠價加$30換紅豆仙草芋圓（凍）最好後上，因地方座得好舒適，可以食完個餐傾下座下，再食甜品就滿足一天，仙草食落口感覺似食豆腐花一樣咁滑和軟綿綿，紅豆非常淋，芋圓QQ好彈牙，是一個非常豐盛的甜品。
餐飲可free upgrade點左波霸奶茶（可選擇冷，少甜，微糖）珍珠煙煙韌韌，奶茶香滑，甜度剛好！
今天同朋友食得好開心，地方很開揚，又可以慢慢享受食物的味道，傾訴食野不錯的選擇！😋

伊甸 (觀塘)
觀塘官塘道436-446號官塘工業中心第四期1樓C室
+++++++++++++++
如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

#食貨人生 #食好西系列 #相機食先 #生活享受 #及時行樂 #觀塘美食 .kwuntong

17/07/2022

今日放假同朋友去咗旺角瓊華中心新開嘅本場燒肉放題，有120分鐘午市燒肉放題任食，早鳥7pm前埋單及離座或夜貓（9pm後入座）可享七八折！

那裏總共有四款放題任君選擇，而我哋就叫左人氣no.1極上牛小排海鮮放題，有139種嘢食可以任君選擇，只要do一do個QR code就可以自己選擇鍾意食嘅肉類，首先店員會安排我們一個肉類拼盤包括有牛頸脊、牛小排、封門柳等，有原味、燒肉汁、辛味醬汁選擇，肉質彈牙鮮嫩，非常適合以燒烤的方式烹調，燒烤過程中油脂會滋滋地流出，香味四溢！

另外我們還order了豚肩肉、香草牛油帶子、墨魚片、多春魚、鹽燒鯖魚！

而冷盤就有各款沙律，有我最喜愛既蟹子沙律🥗！
小食：就叫咗唐楊雞軟骨、泡菜、麻香椰菜、味付八爪魚，野菜就有杏鮑菇、秋葵、京蔥、日本南瓜🎃、蒜香牛油蘆筍，另外醬汁有一個很特別就是月見汁，將牛小排沾一沾雞蛋汁再燒一燒之後夾埋生菜🥬、泡菜一齊食，非常惹味！

而甜品就叫咗一個較為特別的榴槤麻薯，麻薯內充滿榴槤蓉，離遠都聞醒榴槤飄香的味道，oishi! 而飲品我們就點了樂天錫蘭檸茶、解綠茶及蜂蜜綠茶！最後每人一杯 Mövenpick 雪糕，十分滿足的燒肉放題！🫰🫰😋

本場 (旺角)
旺角彌敦道628號瓊華中心16樓
+++++++++++++++
如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

#食貨人生 #食好西系列 #相機食先 #生活享受 #及時行樂 #本場 .nikuyaki #日本燒肉放題 #任食和牛 #燒肉放題 .nikuyaki

Address

HK
Hong Kong

Website

facebook.com

Alerts

Be the first to know and let us send you an email when Travel Life Girl posts news and promotions. Your email address will not be used for any other purpose, and you can unsubscribe at any time.

Videos

Travellifegirl 開LIVE啦！快d入黎睇下啦！有少量新貨😊😊😍😍

Travellifegirl 開LIVE直播，大家快d入黎睇下，幫幫手公開分享share比朋友仔，15人以上先會抽公開分享獎品！🙇‍♀️FB嚴重食字，以主播手機為準！新朋友仔記得cap圖PM,落播後2日內過數！請慎重考慮先好落單，嚴禁棄單者一律公開👎

韓國hit爆兔耳帽 Wanna One, IU, Twice, 馬東石姜虎東都戴！ #不停更新記得選<優先看>以接收最快最新資訊 #咪走寶小編 A 就飛首爾喇，有咩想代購可以而家pm 我，下星期一回來～ #韓國連線 #韓國代購 #不停更新 #首爾連線 #首爾代購 #spao #starbucks #小新 #星巴克又出新杯 #個背包撥水加工 #有後袋