14/06/2021
អ្វីដែលអ្នកគួរដឹងមុនសម្រេចចិត្តឡើងភ្នំ ចូលព្រៃ ឬចាប់ផ្តើមដំណើរកម្សាន្តបែបផ្សងព្រេង!!!
ដោយសារអ្នកឡើងភ្នំ ចូលព្រៃ ដូច្នេះគ្រប់គ្នាត្រូវចូលចុះឈ្មោះនៅទីស្នាក់ការបរិស្ថាន ឬជាមួយសហគមន៍ដែលគ្រប់គ្រង ឬនៅជិតគោលដៅដែលលោកអ្នកត្រូធ្វើដំណើរកម្សាន្ត។
សម្ភារៈអ្វីដែលសំខាន់បំផុតសម្រាប់អ្នកឡើងភ្នំ ឬដើរព្រៃលើកដំបូងត្រូវដឹងនោះគឺ ទំងន់សាកាដូ ដែលខ្លួនស្ពាយសម្រាប់បុរសគួរត្រឹម៨ ទៅ១០គីឡូទាំងទឹក ហើយនារីគួរត្រឹម៥ ទៅ៧គីឡូ និយាយរួមកាន់តែស្រាលកាន់តែល្អ។ រឿងបន្ទាប់ គឺត្រូវរកសាកាដូ ស្បែកជើង ស្រោមជើងកវែង បង់បិតម្រាមជើង (សម្ភារៈការពារជើង) ឈើច្រត់ ស្រោមដៃ មួក ខោអាវជើងវែងដៃវែង ស្រាលៗ ដែលឆាប់ស្ងួតញើស។ ម្ស៉ៅផេសាត់ សម្រាប់ចាក់លាបជើងការពារសត្វទៀក, ប្រេងលាបកំដៅសាច់ដុំមុនដើរ និងក្រោយដើរ, តង់ ឬអង្រឹងដែលមានមុង និងតង់កៅស៊ូសម្រាប់គ្របការពារទឹកភ្លៀង, ប្រអប់អាហារ, ដបទឹក (គួរប្រើដបជ័រទន់ដែលមានទុយោបឺតទំហំ ២ឬ៣លីត្រ) និងសម្ភារៈសង្គ្រោះបឋម ១ឈុត, ក្រដាសអនាម័យ, ពិល ជាដើម។
ស្បៀង និងទឹក ម្ហូបក្រៀម សាច់ងៀត ត្រីងៀត អាហារកំប៉ុង ពិសេសមីកំប៉ុង និងនំដែលមានសារធាតុគ្រាប់ធញ្ញជាតិ(Energy Bar) ឬអាចយកតំណាប់ទំពាំងបាយជូរក៏បាន។ ហើយទឹកជារឿងសំខាន់ហើយវាក៏ធ្វើបាបអ្នកណាស់ដែរបើព្យាយាមយកទៅច្រើន ដូច្នេះគួរយកទៅត្រឹម ៣លីត្រ-៤លីត្រ បានហើយសម្រាប់ការដើរឡើងដើម្បីកុំអោយធ្ងន់ពេក ពេលចុះមកវិញ យើងប្រើដបដែលយកទៅច្រកទឹកដាំ ឬច្រោះមកវិញ ត្រឹម២លីត្រ-៣លីត្រ ព្រោះចុះលឿនជាងឡើង។
តិចនិកការដើរឡើង និងចុះសម្រាប់អ្នកដំបូង និងមានគីឡូធ្ងន់ ចាំបាច់ណាស់បំផុតត្រូវមានស្រោមដៃ និងឈើច្រត់ សម្រាប់ការដើរឡើងអ្នកគួរដើរបោះជំហានខ្លីៗ យឺតៗ (បញ្ជាក់អីវ៉ាន់អ្នកស្ពាយឡើងទៅមិនលើសពី១០គីឡូ) និងពេលចុះមកវិញត្រូវប្រើឈើច្រត់២ សម្រាប់ជួយទប់លំនឹង ហើយដើរបោះជំហានវែងៗ ល្មម លឿនៗ បន្តិចដើម្បីកុំអោយឈឺកជើង តែត្រូវប្រយ័ត្នកុំអោយគ្រេចកជើង ហើយចំនុចសំខាន់១ទៀតដែលគួរដឹងគឺ ការឈប់សម្រាក ការដើរឡើងបើអ្នកយឺតគួរដើរ ១០នាទី-១៥នាទី ឈប់ម្តងហើយឈប់តែ ២-៣នាទីប៉ុណ្ណោះ ហើយរាល់ពេលឈប់ត្រូវដោះគន្លឹះសាកាដូចេញពីស្មាអោយស្រាល ហើយអង្គុយសណ្តូកជើងត្រង់ ដៃតប់តិចៗ លើសាច់ដុំជើងរបស់អ្នក។
ប្រភពដើម៖ កោះសន្តិភាព
ទេសចរណ៍តាមគន្លងថ្មីដើម្បីចូលរួមទប់ស្កាត់កូវីដ១៩!
--------------------------------
កម្មវិធី៖ «ដំណើរកម្សាន្តទៅកាន់ភ្នំខ្នងផ្សារ»
ព័ត៌មានលម្អិត៖ http://bit.ly/WarriorCamp_Trip_181920June2021
ចូលក្នុងតេឡេក្រាមឆាណែល៖ https://t.me/WarriorCampX
