Sl Travel Guide

25/04/2022

happiness😍😍😍,🇦🇪

10/09/2021

ඇවිදින්නත් බැරුව එක තැන ඉන්න බැරුව ඉන්න මං😥😥😥

06/02/2021

🙏 🙏🙏🙏🙏

07/08/2020

ඇවිදින්න පටන් ගමු නේද

15/05/2020

Ꭰ Ꭱ Ꭼ Ꭺ Ꮇ ❤️🌍✈️

09/04/2020

නිහඩ සංචාරකයා නිල් ගල සොයා සොයා ගිය අපූරු ගමන 🌿☘️🍀🍁

🌺තුරුලිය රුක්ගොමු මතින් වන අරණක සුවය සොයා🍃🌿🌾🌵

"නිල්ගල ඖෂධ වනාන්තරය" හෙක්ටයාර 26000 පමණ වපසරියකින් සමන්විත, මොනරාගල දිස්ත්‍රික්කයට අයත් වන අනිත් පසින් සේනානායක සමුද්‍රය, ගල් ඔය ජාතික වන උද්‍යානයට මායිම් වන අතරමැදි කලාපීය සදාහරිත වනාන්තරයකි. බුද්ධදාස රජුගේ ඔසු උයනක් ලෙස සැලකෙන නිල්ගල වන අරණ සේනානායක සමුද්‍රයේ ප්‍රධාන ජල පෝෂක පෙදෙසයි.. නිල්ගල, දැනිගල, යකුන්නහෙල, කහටඅත්ත හෙල, මාකඩකන්ද ,වඩිනාගල ,
කරාබුගල,රතු ගල ,වැනි රමණීය කදු මුදුන් වලින් සමන්විත නිල්ගල වනය අරලු, බුලු, නෙල්ලි, කුඹුක්, කලුවර වැනි වටිනා ශාක ඇතුලුව දුර්ලභ ඖෂධ විශේෂ රැසකින් සමන්විතයි... තවමත් ප්‍රතිසංස්කරණය නොකල පුරාවිද්‍යා වටිනාකමක් ඇති ඓතිහාසික නටබුන් රැසකට උරැමකම් කියන මේ පුන්‍ය භූමිය දැනට වන සoරක්ෂණ හා වනජීවී සoරක්ෂණ දේපාර්තමේන්තු යටතේ පවතී. නිල්ගල ඔසු උයනට ඇතුලුවීමට ප්‍රධාන මාර්ග තුනක් පවතී 1. නිල්ගල සිට "මකර"ට ඇති මාර්ගය 2. නිල්ගල සිට මුල්ලෙගම, කැබැල්ලබොක්ක හරහා පොතුලියැද්දට මාර්ගය 3. නිල්ගල සිට දිඹුල්දන, කොටබෝව හරහා මහවෙල මාර්ගය.මෙහි සිට ඇතුළත වනජීවී වනජීවී කාර්යාලය ට කිලෝමීටර් 10 පයින් ගමන් කල යුතු වන අතර එහි ඇතුළු වීමට ප්‍රවේශ පත්‍රය අනිවාර්ය වේ තවද එහි සිට මගපෙන්වන්නකු ඔබ සමඟ රැගෙන යාම ද අනිවාර්ය කාරණයකි ,
එම නැතහොත් එහි යාමට ඔබට අවසර නැත.

නිල්ගල කඳු මුදුනෙහි ඇති ඓතිහාසික ඖෂධ පොකුණ ජල දහරාවන්ගෙන් පිරී ඉතිරී යයි .මේ පිළිබඳ ජනප්‍රවාදයේ විවිධ මත දරයි .වනජීවී දෙපාර්තමේන්තුවට අයත් ගල්ඔය ජාතික වනෝද් යානය මෙය වේ. ගල් ඔයෙහි ශ්‍රී ලංකාවට ආවේණික බලපොතු මාළුවා ද අපට හමු විය .ලංකාව තුළ අපි දන්නා සියලුම සත්ත්ව විශේෂයන් 🐒🦌🐆🐅🐿️🐇🦅🐔🦆🦉🐸🐊🐢🐚🦀🦃🦎🐍🐦🐉🐟🦐🐠🐡️🦈🐌🦋🐛🐜🐝🐞🦗🕷️🕸🦂දේශීය ඖෂධ ශාකයන්.මෙහි ඇතුලත වේ .ඉතා මනස්කාන්ත චමත්කාර ජනක ගම් පියසක් ඌ නිල්ගල.
බැලූ තෙක් මානයේ වෙල් ඉපනැල්ල ඇසට ගෙනෙන්නට වූ ප්‍රියතාවය මනරම්ය .එහිදී අපට හමු වූ ගමන් සගයා නොහොත් ගුණදාස මාමා හට මේ ගමනේ විශේෂ ස්තූතිය පුද කරමි. ඔහු දැක්වූ ආගන්තුක සත්කාර ජීවිතයේ කෙදිනකවත් අමතක නොවේ .රාත්‍රී ආහාර වේලට බඩ ඉරිඟු සමග මුං ඇට තම්බා එය තෙම්පරාදු කර තිබුණි.එහි වූ රසය කියා නිම කරන්නට නොහැක. රාත්‍රිය ගත වූයේ පැල් රැකීම සඳහා වූ වාඩියෙ .. චමත්කාරජනක රාත්‍රී අහස හාත්පසින් වට වූ ඝන අඳුර ඈත ඉමක අහෙනා පැල් කවි සිතින් අප වෙනමම ලෝකයකට අරගෙන ගියා.ජීවිතයේ හැමෝම දිනක විඳින්නට අදිටන් කරගත යුතු ස්වභාව සෞන්දර්ය මෙය යි .ඔබත් දිනක එහි පිය නගන්න නිරතුරු පරිසරයට ආදරය කරන්න කිසි ම විටෙකවත් ඔබ රැගෙන යන කිසිම දෙයක් පරිසරයට එකතු නොකරන්න වගබලා ගන්න ඔබේ පියසටහන් පමණක් ඉතිරි කර පැමිණෙන👣👣👣🦋🦋🌻🌻🐝🐝🐝

🚫 සැ : යු
ගල්ඔය ජාතික වනෝද්‍යානය නැරඹීමට 4 X 4 විල් ජිප් රථයක් අනිවාර්ය වේ, ගල්ඔය වනජිවි කර්්‍යාලයෙන් ටිකට් පතක් සහ මගපෙන්වන්නෙකු අනිවාර්යෙන් ලබාගත යුතු වේ, එසේ නොමැතිව කිසිම විටක ගල්ඔය වනෝද්‍යානයට අැතුල්විය නොහැක.

(ස්තුතිය : ගල්ඔය වනජිවි කර්්‍යයාල සේවක මඩුල්ලට
විශේෂ ස්තුතිය : නිල්ගල ගමේ ගුණපාල මාමට
කඳවුරු රත්‍රිය පිලිබද ඉදිරි දිනයකදී👍

09/03/2020

🇱🇰 සුන්දරත්වය රැගත් තවත් එක් ගමනක්😍😍😍

සීතල පට්ටිපොලින් සුන්දර ඉදල්ගස්හින්නට දිව්‍ය ලෝකය හරහා පා ගමනින් 👣👣👣🚂🚃🚃🚃 🛤️🛤️

ලෝකයේ සුන්දරම දුම්රිය ගමන් වලින් එකක් තමයි ශ්‍රී ලංකාවේ උඩරට දුම්රිය මාර්ගයේ ගමන ඉතින් මේ ගමන් වලිනුත් සංචාරකින්ට හොඳම සුන්දර අත්දැකීමක් ගන්න පුලුවන් ගමනක් තමයි උඩරට දුම්රිය මාර්ගයේ පා ගමනින් පට්ටිපොල සිට ඉදල්ගස්හින්නට ගමන් කිරීම .

හැබැයි විශේෂයෙන්ම මුලින්ම මතක් කරන්න ඕන මේ ගමන කිසිම කෙනෙක්ට හිතූ පමණින් යන්න අවස්ථාව ලැබෙන ගමනක් නෙවෙයි ..මොකද දුම්රිය මාර්ගයේ ගමන් කිරීම නීත්‍යානුකූලව තහනම් දෙයක්. හරියටම කිව්වොත් දඩුවම් ලැබිය හැකි වරදක්. මේ හින්දම ගොඩක් අය වැරදියට හිතන් ඉන්නවා මේ හයික් එක යන්න නම් පර්මිශන් ගන්න ඕන කියලා. නීතියෙන් තහනම් දේවල් වලට පර්මිශන් දෙන්න කිසිම විටක අවස්ථාවක් නෑ .ඒ කියන්නේ දුම්රිය මාර්ගයේ යන්න කිසිම විටක අවසරයක් නෑ .

මේ හයික් එක යනවා නම් පට්ටිපොල , ඔහිය මාර්ග පරීක්ෂක කාර්යාලවල මහත්වරැන් දැනුවත් කරලා ඒ මහත්වරැන්ගෙ උපදෙස් අනුදැනුම මත තමයි යන්න ඕන. එසේ නොමැතිව මේ ගමන කිසිම විටක යන්න බෑ.යන්නත් එපා ..මොකද මේ තමයි උඩරට දුම්රිය මාර්ගයේ සුන්දරම කොටසක් වගේම භයානකම කොටස.

පට්ටිපොල දුම්රිය ස්ථානය තමයි ශ්‍රී ලංකාවේ මුහුදු මට්ටමේ සිට උසින්ම පිහිටි දුම්රිය ස්ථානය . පට්ටිපොල දුම්රිය ස්ථානය පහුකරලා ටික දුරක් ඔහිය පැත්ත‍ට එනකොට හම්බෙනවා ශ්‍රී ලංකාවේ දුම්රිය මාර්ගයක පිහිටි මුහුදු මට්ටමේ සිට ඉහළම ස්ථානය ..එම ස්ථානය Summit Level නමින් හදුන්වනවා .එය සඳහන් වෙන අලංකාර පුවරැ දෙකක් දුම්රිය මාර්ගය දෙපසින් එම ස්ථානයේ දකින්න පුලුවන්.

ඉන්පසු ටික දුරක් ගියවිට හමුවන්නේ උඩරට දුම්රිය මාර්ගයේ හමුවන අංක 18 බිම්ගෙයයි මෙය උඩරට දුම්රිය මාර්ගයේ ස්විශේෂි බිංගයෙක්.එයට හේතුව මෙම බිංගෙය මගින්. පළාත් දෙකක් එනම් ඌව පළාත සහ මධ්‍යම පලාත වෙන් කරනවා ..ඒ වගේම දිස්ත්‍රික්ක දෙකක් නුවරඑළිය දිස්ත්‍රික්කය සහ බදුල්ල දිස්ත්‍රික්කය වෙන් කරනවා. ඒ වගේම දේශගුණික කලාප දෙකක් මෙම බිංගෙය මගින් වෙන් කරනවා .. ඒකට හොඳම උදාහරණය තමයි පට්ටිපොල දෙසින් නම් මෙම බිංගෙයට ඇතුල් වන සීමාව තෙත් කලාපීය ශීත දේශගුණයක් සහිත කලාපයක්..නමුත් බිංගයින් එළියට යනවිට යන්නේ හාත්පසින්ම වෙනස්වූ වියලි පරිසර කලාපයකටයි.. ඒ වගේම මෙම බිම්ගෙය ඉදිකිරීමේදී නොයෙකුත් බාධාවන් පැමිණි බවද අතීත කතාවල සඳහන් වෙනවා.

ඉන්පසු ඇත්තේ තරමක් වියලි පරිසර කලාපයක ලක්ෂණ වුවත් ශීත දේශගුණායන් මීදුමෙන් නම් අඩුවක් දක්නට නොලැබේ.. මිළගට පෙනෙන තෙක්මානයේ මිනිස් පුලුටක් වත් නොමැත ටර්පන්ටයින් වනාන්තරය මැදින් "ඔහිය" දක්වා දුම්රිය මාර්ගය විහිදෙයි...

ඔහිය සිට ඉදල්ගස්හින්න දක්වා 😍😍😍

හෝර්ටන් තැන්න අභය භූමිය හරහා වැටී ඇති මෙම මාර්ගයේ ගමන් කිරීමේ දී අවධානය ඉතා වැදගත් වේ .🐾️🐆🐆🐆🐿️🐇🦉🦅🐸🐍
අප ඇවිදින්නේ ඔවුන් ජීවත් වන පරිසරයේ කිසිවිටෙකත් ඔවුන්ට කරදරයක් නො කිරීමට වග බලා ගන්න .🐾️🐾️🐾️

ශ්‍රී ලංකාවේ දුම්රිය ස්ථාන දෙකක් අතර වැඩිම බිංගෙවල් සංඛ්‍යාවක් ඇති මාර්ගය මෙයයි .බිම් ගෙවල් 14 ක ප්‍රමාණයක් මේ හරහා ඇති බැවින් ඔබ දුම්රිය පැමිණෙන වෙලාව ගැන මනා අවබෝධයකින් ගමන් කිරීම වැදගත් වේ. බිංගෙයක් තුලදී දුම්රියක් පැමිණියහොත් ඔබට අයින් වීමට කිසිදු ඉඩකඩක් එහි ඇතුළත නොමැත .තව ද විදුලි පන්දමක් රැගෙන යාම අනිවාර්ය වේ .දුරකථනයේ ඇති එළිය කිසි විටෙකත් ප්‍රමාණවත් නැත .දිය සීරාවන් ,වැහි ලිහිණියන්🐦🐦 ගේ සහ වවුලන්ගේ🦇️🦇️ වසුරු නිසා ලිස්සා ඇද වැටීමේ අවදානම බොහෝ ය .තව ද මෙම බිම් ගෙවල් තුළ ඇති වැහිලිහිණි කූඩු කඩා ගෙනැවිත් අලෙවි කරන බවට දැන ගන්නට ලැබුණි මෙවැනි ක්‍රියාකාරකම් නිසා ඉදිරියේ දී එහි යාමට කිසිවෙකුටත් අවසර නො ලැබෙනු ඇත .

ශ්‍රී ලංකාවේ ඇති සුන්දරතම ප්‍රදේශයන් වන මෙහි සුන්දරත්වය විඳීමට ඔබත් පැමිණිය හොත් ඉහලා දැනුවත් කර ඇති පරිදි අවසර ගැනීම අනිවාර්ය වේ . තුරු ලතාවන් හානි කිරීම ද ,ගිනි දැල්වීමෙන් පරිසරයට හානි කිරීම ද ,අනවශ්‍ය දෑ හි දමා ඒම ද කිසිවිටකත් නොකළ යුතු වේ ,රැගෙන යන සියල්ල නැවත රැගෙන එන්න පා සටහන් පමණක් පා සටහන් පමණක් ඉතිරි කරන්න .පරිසරයට ආදරය කරන්න 🌱🌴🍃🌵🌾

විශේෂ ස්තූතිය .🙏

පට්ටිපොල දුම්රිය මාර්ග පරීක්ෂක කාර්යාලයේ ප්‍රධාන මහත්මා සහ එම සේවක මඩුල්ල.

ඔහිය දුම්රිය මාර්ග පරීක්ෂක කාර්යාලයේ ප්‍රධාන මහත්මා සහ එම සේවක මඩුල්ල.

පට්ටිපොල දුම්රිය ස්ථානාධිපතිතුමා.
ඔහිය දුම්රිය ස්ථානාධිපතිතුමා.
ඉදල්ගස්හින්න දුම්රිය ස්ථානාධිපතිතුමා.
හපුතලේ දුම්රිය ස්ථානාධිපතිතුමා.
මාළිගාවත්ත දුම්රිය අංගනයේ ස්ථානාධිපතිතුමා.🙏🙏🙏

ගමනට සහභාගි වූ සියලුම දෙනා..😍😍😍

Admin dhanu💪💪❤❤🤳🤳🤳
📸📸📸 Madu ❤නිහඬ සංචාරකයා 💪💪💪

03/03/2020

හොර පාරෙන් සිරිපාදේ 🙏🙏🦋🦋🦋

මරේ වත්ත , රජමලේ සඳගලතැන්න මාර්ගය හරහා සිරිපා කරුණාව

සුමන සමන් දෙවි පිහිටයි 🙏🙏 🙏

සිරීපාදේ යන්න පාවල් කියක් තියනවද
තුනයි නේ

මොනවද ඒ 🤔

හැටන් නල්ලතන්නි🌾
කුරුවිට එරන්ත 🌾
රත්නපුර පලාබද්දල 🌾

නෑ සිරීපාදේ යන්න පාරවල් අටක් විතර තියනවා . හුඟක් අය දන් නැ හැබැයි ඇවිදින ටික දෙනා දන්නවා මොනවද ඉතුරු 5 කියලා

මරේ වත්ත රජමලේ සඳගලතැන්න හරහා මාර්ගය , 🦋🐝
දෙහෙනකන්ද මුක්කුවත්ත මාර්ගය ,🌲🍃
දැරණියගල උඩ මාලිබොඩට මාර්ගය 🍃🍃
බත්තුලු ඔය දිය ඇල්ල මාර්ගය.🌾🌿

ඔය පාරවල් වලින් තියෙන ලස්සනම මාර්ගයක් තමයි මරේ වත්ත රජමලේ සඳගලතැන්න හරහා සිරීපාදේ යන්න තියන ලේසිම පාර

2020 අවුරුදු උදාව පටන් ම හිතේ තිබුණු හීනය සැබෑ කරමින්
මේ පාර ගමනට සෙට් උනේ හදවතේ යාළුවා❤❤ මධූ ❤❤

මේ පාර සිරිපා වාරේ පටන ගත්ත දවසේ ඉඳන් කීප පාරක්ම සිරීපාදේ යන්න හිතන් උන්නට ඒ හැම සැරේකම එක එක හේතු නිසා යන්න බැරි උනා. සඳගලතැන්න පාරේ විස්තරේ කියලා කලින් ගියපු අය දාපු පින්තූර එහෙමත් බැලුවට පස්සේ යන්න තිබුණු ආසාව තවත් වැඩි වුණා .දාගෙන තිබුන ට්‍රිප් එකක් cancel උන නිසා.
කතා කර ගත්ත විදියටම පහුගිය 29වන සෙනසුරාදා මම ගමන පිටත් උනා.කවදත් සුපුරුදු ගමන් සගයා උන බදුලූ මේලට කොළඹින් නැග ගත්ත මම පේරාදෙණියට එනකොට 12.00 ට විතර ඇති .❤හදවතේ යාළුවව එතනින් නංවා ගෙන හැටන් දුම්රිය ස්ථානයෙන් බහිනකොට පාන්දර 2.30 ට වගේ වෙන්න ඇති.කොළඹින් එන බදුල්ල රාත්‍රී තැපැල් දුම්රියේ මගීන්ට සිරීපාදේ යන්න නල්ලතන්නියට අන්තිම බස් එක තව පොඩ්ඩෙන් අදිනවා සිරීපාදේ යන අය ඒකට නැග ගන්න නැත්තම් ආයි බස් එකක් තීන්නේ උදේ 6.20 කියලා දුම්රිය ස්ථාන නිළධාරියෙක් අපිව දැනුවත් කලා.. මහ පාන්දර ගිහිල්ලා මොනවා කරන්නද කියලා. හැටන් දුම්රිය ස්ථානයට යාබදව තියන විශ්‍රාම ශාලවට වෙලා එලිය වැටෙනකම් ඉන්න හිතුවා. අඩ නින්දත් නොනින්දත් අතර අපි පැය තුනක් විතර ගතකර මුන කට හෝදගෙන පාරට ආවේ මොනවා හරි බඩට දා ගන්න කියලා හිතාගෙන.

ඒ වෙලාවෙ හැටන් නගරයේ බස් නැවතුම්පොළ ආසන්නයේ කඩයක් ඇරලා තිබුණේ.🌮🌮 ඒකට පැනගත්තු අපි උණු පොල් රොටි කාලා පේන්ටි දෙකුත් බීලම☕☕ මස්කෙළි යන බස් රථයට ගොඩ වුණා ....
උදෑසන 6.30 ට හැටන් වලින් පිටත් වුන බස් රථය 7.30 වෙද්දි මස්කෙළිය නගරයෙන් බැස්ස .එතනින් නල්ලතන්නි යන බස් රථයකට ගොඩ වී. මුල් ගමින් බැස්සා.එතනින් පහල තේ වතු යාය දිගේ මරේ ගම්මානයට ළඟා වුණා .

කලින් දැන ගත්ත විදියට 8 වගේ තමා බස් එකක් තීන්නේ...නමුත් එදා ඉරිදා දිනයක් වූ බැවින් එම බස් රථය 12.30 ට රජමලේ වත්තෙන් පිටත් වන බව දැන ගන්නට ලැබුණා. මොනවා කරන්න ද.. එකම විකල්පය මරේ වත්ත හරහා ඉතිරි කිලෝ මීටර් 8 යන එක ... සොබාසෞන්දර්ය නරඹමින් ආතල් එකේ පයින්ම අපි අපේ ගමන පිටත් උනා..

ගමන පිටත් වෙලා මීටර් 500 ක් විතර යනවත් එක්කම මරේ වතුයායේ පිවිසුම් හම්බ උනා.එතන්ට පොඩ්ඩක් එහාට වෙන්න තින පීල්ලකින් අපේ වතුර බෝතල් දෙකත් පුරෝ ගත්ත. අපි හෙමින් සීරුවේ ගමන ඇදෙන්න ගත්තා..එක යායට විහිදුන තේ යායක් මැදින් වැටිලා තිබ්බ ඒ පාරනම් ඇත්තට දිව්‍යලෝක මැද්දෙන් ගියා වාගේ එක පැත්තක ඈත ඉමක් කොනක නොපෙනෙන කඳු නිමනය පහල පේන මායිමේම මාඋස්සා කැලේ ජලාශය අපිට පිටි පස්සෙන් උතුම් ශ්‍රී පාදයත් දිස් වෙනවා...මේ පාර දිගේ යනකොට අපිට හිතෙන්නේ අපි ශ්‍රී පාදයත් ගාවටම ඇවිල්ලා ආපහු හැරිලා ටිකෙන් ටික ඈතට යනවා වගේ.කඳු සහිත පාරක් උන මේ මරේ වත්ත පාරේ තියෙන ලස්සන බලා ගෙන අපි ඉස්සරහට යනකොට එන්න එන්නම ටිකක් මහන්සිය වැඩි උනා.අපි ටික දුරක් යනකොට ගම්වැසියන් කීපදෙනෙක්ම යන්නේ කොහේදැයි කියා විමසුවා.එයට හේතුව විශේෂ රහසක් වන බැවින් අප ඒ ය හෙළි නොකරන්න තීරණය කරා ඔය විදියට කිලෝමීටරයක් විතර ඉස්සරට ඇදුන අපි .ගම්වැසියකුගෙ ත්‍රීරෝද රියකින් මග දුරක් ගෙනවිත් දැම්මා..ඔහුට තුති පුද කරමින් ඉදිරියට ඇදෙන්න ඇදෙන්නම ලස්සන වෙන පාර මගේ හිතට කිව්වෙනම් මෙච්චර ලස්සන පාරවල් මේ ලංකාවේ ඇතුලේ තවත් තීනවද කියලමයි..ඇවිදීමේ සිහිනය තව තවත් වැඩි කරමින් තේ වතු මැදින් තේ ගස් අල්ලමින් උඩට නැගගත් මා කෙටිපාරවල් සොයමින් රජමලේ ගම්මානයට ටික ටික ළඟා වුණා නැවතත් ත්‍රිරෝද රථයකට ගොඩ වූ අප රජමලේ ගම්මානය පිවිසුමට ගෙනවිත් ඇරලුවා.යන්න ඕන පාරත් පවසමින් බොහෝ සෙනෙහෙවන්ත විදිහට කතා කළ ඔවුන්ට අප නැවතත් තුති පුද කරමින් ගම්මානය හරහා ඉදිරියට ඇදෙන විට සිතල වතුර බිඳක පහස විඳ .බෝතල් වලට ද පුරවා ගත් අප ඉදිරියට ඇදුනා

තේ වත්තක් මැදින් ඉස්සරට ලොකු කන්දක් නැගලා ලස්සන සුන්දරම නැවතුම්පොළේ නැවතුණා.ගූගල් අක්කා අන්තිමටම පෙන්නන නැවතුම්පළ එයයි.එහි පැය භාගයක පමණ කාලයක් ගිමන් හැරිය අප සැහැල්ලු ඇඳුමකින් ද සැරසී අපගේ ගමනාන්තය වන ශ්‍රීපා මළුව කරුණා කිරීම ආරම්භ කළා හොර පාරෙන් සිරිපාදේ තේමාව පෙරදැරි කර ගෙන දෙදෙනා උසුළු විසුළු කරමින් ශ්‍රී ලංකාව තුළ ඇති සුන්දරතම මාර්ගයක ඉදිරියට ඇදුනා කඳු හෙල් නැවතත් පල්ලම් ගල්තලා. දිය පාරවල් ගස් කොළන්.සියතුන් ගේ නාදයන්... විවිධ ශබ්දයන් මැදින් සඳගල තැන්නට ලං උනා .ගල් තලාව මත දිගා වී ගිමන් හරිමින් කුඩා වේලාවක් ගත කළා....නැවතත් ගමන් ආරම්භ කළ අප පාර දිගේ ඉදිරියට ඇදුණා.මහ ගිරි දඹය ළංවන විට උඩ මළුවේ ඝන්ටාර නාදය තුන් සරණය කියාගෙන යන නඩයන් සෙමින් සෙමින් අපේ සවනත වැකුණා .සිතේ නැගුනු ප්‍රීතියක් සමඟින් ඉදිරියට ඇදෙන විට මාර්ගය දෙපස විනාස කර ඇති බව අපගේ දෑසට දැකගන්න ලැබුණා මෙවන් ජාතිය පිනෙන් උදාරයි යැ යි සිතමින් .හත්මුතු පරම්පරාවටම බැන වදිමින් අප දෙදෙනා .මහගිරිදඹය ට පිවිසුණා . එතන හිටං පඩිපෙල තරණය කරමින්...පැයක පමණ කාලයක් ගතකොට ගත කොට උඩ මලුවට පිවිසුනා.එහි යනවිට යන විට හවස පූජාව පටන් ගෙන තිබූ හෙයින් අප ද එයට සහභාගි වුණා ..යන මගදී අමතක නොවන ජර්මන් ජාතික සුදු මහතෙකු මුණගැහුණා .ඔහු අපේ රටේ සුන්දරත්වය මේ පැමිණි ගමන ගැන බොහෝ සෙයින් වර්ණනා කරා . ශ්‍රී ලාංකිකයෙකු වීමේ ආඩම්බරය සිත් පුරා විඳ ගනිමින්.බුදු සිරිපතුල වැඳ නමස්කාර කර ගත්තා.11 වතාවක් සිරිපා කරුණා කිරීමේ පින් සමන් දෙවියන්ට පුද කරමින් ...සෑහෙන පමණ වේලාවක් සිරිපා මළුවේ ගත කොට රත්නපුර මාර්ගය හරහා පහළට කරුණා කර .නැවතත් හැටන් මාර්ගයට පිවිස ගෙත්තම්පාන පසු කොට රතු අම්බලමේ මදක් නැවතී ගිමන් හැරියා .නැවතත් සෙමෙන් සෙමෙන් මග තොට නැවතෙමින් හැටන් මාර්ගය ඔස්සේ පහළට පැමිණි ය .පුළුවන් පමණින් අප මග දෙපස තිබූ පොලිතීන් ප්ලාස්ටික් බීම බෝතල් යනාදිය රැගෙන නිසි ප්‍රදේශ වලට බැහැර කර .කරුණා කරන්න යන ඔබ සැමට නැවතත් මතක් කර දිය යුත්තේ යන කිසිවක් එහි දමා පැමිණෙන්න එපා ඔබ රැගෙන යන සියලුම දෑ නැවතත් රැගෙන එන්න අත්‍යවශ්‍ය කටයුතු නිසි තැන දී සිදු කරන්න.ඒ සඳහා මීටර් 50 මීටර් 100 ආදි දී දුර ප්‍රමාණයන් හිදී පහසුකම් සලසා ඇත කැලි කසල නිසි ප්‍රදේශයන්හි බැහැර කරන්න. පුළුවන් තරමින් රැගෙන පහළට කරුණා කරන්න .ඉහලට යන සියලු දෙනාටම සෙත් පතන්න අමතක කරන්න එපා ...පුදබිමේ ඔබේ ඔබේ අඩි සලකුණු පමණක් තබා පැමිණෙන්න...🙏🙏🙏

සමන් දෙවි පිහිටයි 🙏🙏🙏
Admin 🌎Dhanu🤳🤳😘
❤❤❤❤ Madu 😍😍
විශේෂ ස්තුතිය ගමන පුරා ම ළඟින් හිටපු හදවතේ යාලු ඔයාට 💪💪💪💪❤❤❤

21/02/2020

🇱🇰 උඩ දියලුම🏞️🏞️🏞️

upper diyaluma🏊🏊🤽 කියලා කිවුවම ගොඩක් අය මෙතන ගැන දන්නවා.මේ දිනවල දී ගොඩක් ප්‍රචලිතව ඇති මෙම උඩදියලුම සහ දියලුම ඇලි උසින් 220m පමණ වේ.ඌව පළාතට අයත් ය .ඇල්ල උඩට පහසුවෙන් ළඟා වීම සහ ස්වාභාවික නාන තටාකය නිසා මෙහි සුන්දරත්වය විඳීමට බොහෝ දෙනා මෙහි පැමිණෙති. අහලා තිබුනට ගිහින් නැති අයත් ඇති . දියලුම ඇල්ලේ ඉහල කොටස තමයි මේ නමින් හඳුන්වන්නේ. 30m පමණ උසකින් යුක්තයි . වර්ෂා කාලයට ඉතාමත් දර්ශනීය දිය ඇල්ලක් වන මෙය ,ත්‍රිකෝණාකාරව ඇද හැලේ . වනාන්තරය මැදින් ගමන් කිරීමේ දී උඩ දියළුම ආරම්භක ස්ථානයට ළඟාවිය හැක 🌳🌿👣👣🌾🌵🍃👣

වැල්ලවායේ ඉඳලා බෙරගල පාරේ කිලෝමීටර් 14ක් වගේ එනකොට දියලුම ඇල්ල හමුවෙනවා. එතන කිලෝමීටර් කීපයක් කොස්ලන්ද පැත්තට යනකොට දකුණු පැත්තට පාරක් තියනවා උඩ දියලුම කියලා බෝඩ් ගහලා තියනවා . හැබැයි අපි නම් ගියෙ දුම් රියෙන්🚂🚂🚂 කොටුවෙන් ඉදල්ගස්හින්නට ගිහින් ඉදල්ගස්සින්න කන්ද නැගලා🏔️🏔️ යක්ෂයාගේ පඩිපෙළ 02 කොටස දිගේ හල්දුම්මුල්ල හරහා බෙරගලට ආවා පයින් ම .බෙරගලලින් කොස්ලන්දට බස් එකේ ..🚌🚌 ඉස්සෙල්ලම හමුවෙන්නේ දියලුමට යන පාර. ඒ නිසා ඇල්ල ලඟට යන්න එපා උඩට යන පාර හොයාගෙන. එතන ඉඳලා පයින් යන්න තියනවා ටික දුරක්. ආසන්න විදිහට නම් විනාඩි 15ක් 20ක් වගේ දුර. එහෙම ගියාම ඔයාලට උඩ දියලුම හමුවෙනවා.

මෙතනත් ඉතාම සුන්දර ස්ථානයක්. නාන්න සුදුසු ස්ථාන ගොඩක් තියනවා මේ අවට. ඒ වගේම මෙතනදි දිස්වන දර්ශනයත් ඉතාම අලංකාරයි.🏜️🏞️ මේ අවට පරිසරය නම් සමහර කාලවලට ශුෂ්ක බවක් පෙන්නුම් කරනවා. ඒ වුනාට දේශගුනය නම් ඇඟට පහසු ඉතා සෞම්‍ය එකක්.

මේ කොටසේ ඔයාලට නාන්න පුලුවන් ස්ථාන ගොඩක් තියනවා. ඇල්ල පහලට වැටෙන්න කලින් අන්තිමට වතුර එකතුවන වතුර වලේ වුනත් නාන්න පුලුවන්.🏊🏊 ඒක නම් ගැඹුර නෑ. හැබැයි එතන ඉඳලා තව ඉහලට යනකොට හමුවල තැන් නම් ගැඹුරුයි. 🤽🤸පීනන්න බැරි අය අවධානමක් ගන්න ඕන නෑනෙ. ඒ නිසා හොඳම දේ ඒ වගේ අය ගැඹුරු නැති තැනකින් නාන එක. ඒ වගේම camping ⛺⛺🏕️කරන්නත් පුලුවන් තැනක් මේක. ඒකට අවශ්‍ය දේවල් අරන් යන එක තමයි හොඳම දේ.♨️🥪🍡🍳🥗🔪🥄

උඩ දියලුම ඉතා උස් ස්ථානයක් නිසා ආරක්ශාව ගැනත් ගොඩක් හිතන්න ඕන. එතන පර්වතයේ කෙලවරටම යන එක ගොඩක් අවධානම්. පොඩි ලිස්සීමකින් හරි පහලට වැටුනොත් ඉවරයි.පහු වුනු කාලයේ ඒ වගේ පොඩි අතපසුවීම් නිසා අනතුරු කිහිපයක්ම මෙතනදි සිදුවුනා. 🤳🤳🤳🙏ඒ වගේම වියලි කාලයේ මෙතන ගින්දර දල්වන එක ගැනත් පරිස්සම් වෙන්න ඕන. අතපසුවීමකින් හරි ගිනි ඇවිලීමක් සිදුවුනොත් තප්පර ගානක් ඇති ඒක විශාල ගින්නක් බවට පත්වෙන්න. එහෙම වුනොත් නම් විශාල විනාශයක් සිද්ධ වෙන්න පුලුවන්. 🔥🔥🔥🔥

උඩ දියලුම සුන්දරත්වය විඳිනවා වගේම ඒක රැකගන්න එකත් අපි හැමෝගෙම යුතුකමක්. මෙතන විතරක් නෙමෙයි ඔබ යන හැම සංචාරක ස්ථානයක්ම රැක ගැනීම වගකීමක් . මෙතනට හානියක් වුනොත් ඒක දිය ඇල්ලටත් විශාල බලපෑමක් වෙනවා. මෙයින් පෝෂණය වන සියලුම මනුස්ස හා සත්වයන් පිළිබඳව අප වග කිය යුතු බැවින් . ඔබ ගෙන යන සියල්ල නැවත රැගෙන පාසටහන් පමණක් ඉතිරි කර ඒමට වගබලා ගන්න 👣👣👣❤️🍃🍃🧥🧤👞🧢🧣🕶️🕳🤳🤳

📷 මධු 🙏 🙏 🙏 🤝

💪💪 Admin 🌎Dhanu🤳🤳😘

19/02/2020

🌿🌵🌾🍃😍😍😍😍

16/02/2020

🇱🇰 😘කන්‍යාවියන් හත👸👸👸👸👸👸🍃🍃🍃🍃🍃🍃🍃🌳🌿🌾🌾🌵⛺

ශ්‍රී ලාංකික කදු නගින්නන්ගේ තවත් සිහිනයක් ලෙස.සප්ත කන්‍යාවියෝ නැතහොත් සප්ත කන්‍යා කඳු වැටිය හැදින්විය හැකිය, මෙය සමනල රක්ෂිතයේ තියෙන මුදුන් 7ක් සහිත තනිවම නැගී ඇති කන්දකි. ලක්ෂපාන සිට පොල්පිටිය වෙත යන ප්‍රධාන මාර්ගයේ කොත්තැල්ලෙන, මුරුතැන්න, එල්ෆින්ඩෙල්, වග්ගම වගේ ගම් ආශ්‍රිතව පැතිරුණු වගේම අනෙක් පසින් උඩ මාලිබොඩ, දික්ඇල්ල කන්ද,මාගල, තෙලිහිගලට අසල්වැසි වන මෙම කන්ද වන අලින්ගේ නිජ බිමකි.උපරිම උස මීටර් 1570කට වගේ ආසන්න වන මෙම කන්ද ලක්ෂපානගල සහ උඩ ලක්ෂපානගල ලෙසද හඳුන්වනු ලබයි. නායගගේ ඇලි හතෙන්ද, බඹරගල, කටුකිතුලේගල, පිදුරුතලාව, මහ පිදුරුතලාව වගේම කිරිපානාගල වැනි කඳු වලට නුදුරෙන් පිහිටි මෙම කන්ද බින්දුවේ කණුවේ සිට ලකම් හරහා මාඋස්සාවට යන මාර්ගයට අතිශය සුන්දර ලෙස සිරිපා වන්දනාවේ යනෙන සැමට දැක ගැනීමට පුළුවන. තවද මෙහි කුරු අලින්ගේ නිජ බිමක් ලෙස ප්‍රකටව ඇත.

ඉතා අවදානම් ගමනක් වන මෙය තරණය සදහා මගපෙන්වන්නෙක් සමගින් යායුතු වේ. මක්නිසාදයත් ඉතා විශාල ගස් වලින් ආවරණය වූ වනාන්තරයේ කිසිදු මාර්ගයක් නොමැති අතර අඩි සලකුණු ඔස්සේ ගමන් කිරිමට සිදුවන නිසා. යම් හෙයකින් එම අඩි සලකුණු මගහැරීමක් සිදුවුවහොත් කුමන ප්‍රදේශයකින් මතු වෙන්න සිදුවේදැයි අප නොදනී. අප ඉතා කල්පනාකාරීව ගමන් ගත් අතර පරිසරයට කිසිදු වෙනසක් නොදැනෙන්නට වගබලාගත්තේය.මෙම රක්ෂිතය දිවියන්ගේ හා අලින්ගේ නිජබිම ලෙස හැදින් වෙන අතර අලි බෙටි දැකීමෙන් අපට ඒ බව තහවුරු විය.තව ඉදිරියට ගමන් ගැනීමේදී අපට ඔවුන් දෑසින්ම දැක ගත හැකි විය .
සංචාරය කිරීමට කැමති ඔබ එහි යාමේදී පරිසරයට හානි වන කිසිවක් රැගෙන නොයෑමට වග බලා ගන්න.ඔබ රැගෙන ගිය පොලිතීන් අවුරුදු ගණනාවක් ගත වුවද දිරාපත් නොවී තිබීම අපට එහිදී දැක ගත හැකි විය .පරිසරයට ආදරය කරන්න රැගෙන යන දෑ නැවත රැගෙන එන්න .සුන්දරත්වය නිසි අයුරින් විඳින්න.සැඟව ඇති තවත් සුන්දර සහ රහස් බොහොමයක් එහි පවතී .එවන් දේ රහසක් විදිහටම තැබීමට අපි කටයුතු කරන්නෙමු

* බිමට ජලය ලබාගැනීමට නොමැති වු අතර හතර වන කන්දේන් පසු ගල් පර්වතයකින් කුඩා දිය පාරක් ගලාගෙන ඒ.නමුත් බොතලයකට වත් පුරවාගැනීමට නොහැකි ඉතා කුඩා දිය පාරකි.
* 4 - 5 කදු අතර කදවුරු බැදීමට සුදුසු අතර...කදු මුදුනත බැදීමෙන් වැලකීම සුදුසු යයි හැගේ.
* 5 වන මුදුනට ඉර පායන දර්ශනය ඉතා පැහැදිලි හා වර්ණවත් ලෙස දැකිය හැක.
• 6 වන 7 වන කදු තරමක් බෑවුම් සහිත වූ නිසා අවදානම් ගමනකි
• කුඩැල්ලන්ගේ ප්‍රහාරද නොඅඩුව ලබා ගත හැකිය.
• කදු අතර තරමක් විශාල දිය ඇල්ලක් හමුවේ.ඉන් ජලය පුරවා ගැනීමට සැලකිලිමත් වන්න.
• ජීවිත අවදානම ද සෑහෙන්න ඇති බැවින් වඩාත් ප්‍රවේශම් විය යුතු ගමනකි
• ඔබත් නිහඬම එහි අසිරිය විඳින්න 🏞️🏞️⛰️⛰️⛺⛺🤫🤫🤫🍃🍃🌵🌾🌿🌳🌲

06/02/2020

ඇල්ල රොක් 🍂🍃🌳👣

ඇල්ල රොක් කියන්නේ පුංචි සිරී පාදයට වඩා ටිකක් විතර නගින්න අමාරු කන්දක්.පැය එකහමාරක් වගේ කාලයක යනවා කන්ද නගින්න. කිතල් ඇල්ල දුම්රිය ස්ථානය පහලින් තියෙන පාරෙන් තමයි ඇල්ල රොක් කන්ද නගින්න පාර තියෙන්නේ. ඇල්ලේ ඉදන් රේල් පාර දිගේ එන්නත් පුළුවන්. එහෙම නැතිනම් ඇල්ල නගරයේ තියෙන පොඩි බිම්ගේ ලග උඩට යන්න තියෙන පාරෙන් වුනත් කිතල් ඇල්ල දුම්රිය ස්ථානයට යන්න පුළුවන් ( ඒත් මේ පාර ටිකක් දුරයි).

කිතල් ඇල්ල ස්ටේෂන් එක ලග බෝ ගහක් තියෙනවා එතනින් උඩට ගියහම තමා කිතල් ඇල්ල හම්බෙන්නේ. හැබැයි අවාසනාවට දැන් කිතල් ඇල්ලේ වතුර ගොඩක්ම අඩුයි. එතන පොඩි පාලමක් තියෙනවා එතනින් උඩට තමා ඇල්ල රොක් වලට යන පාර තියෙන්නේ. ගොඩක්ම විදේශිකයන් තමා ඇල්ල රොක් නගින්න එන්නේ. මෙතන පහල ඉන්න මග පෙන්වන්නේක්ගෙන් වුනත් පාර අහගන්න පුළුවන්.මුලදී පොඩි පදුරු, තේ පදුරු අතරින් යන්න වුනාට ටික දුරක් යද්දී ෆයිනස් කැලයක් මැදින් තමා උඩට නගින්න වෙන්නේ. පොඩි පොඩි පාරවල් ගොඩක් තියෙන නිසා අතරමං වෙන්න තියෙන ඉඩත් වැඩියි.උඩටම නැග්ගම ඇල්ල වට පිටාව හොදින් නරඹන්න පුළුවන්. ඇල්ල රොක් මුදුනේ වයසක සීයා කෙනෙක් වතුර බෝතල්, තේ විකුණන පොඩි කඩයක් තියෙනවා. ඇල්ල රොක් නගින්න යනවනම් හයිකින් වලට ගැලපෙන සපත්තු දෙකක් දාගෙන යන්න.👞👞👞👟👟🧢🧥🧤

දෙමෝදර ආරුක්කු නාමයේ පාලමත් ඇල්ලේ නරඹන්න තියෙන සුන්දර ස්ථානයක්. පාලම බලන්න යනවානම් දුම්රියක් පැමිණෙන වෙලාව ස්ටේෂන් ඒකෙන් අහගෙන ඒ වෙලාව කිට්ටු කරලා යන්න. දෙමෝදර රේල් ගටයත් නරඹන්න ලස්සන ස්ථානයක්. මෙතනටත් යන්න ඕන කෝච්චියක් එන වෙලාවට තමයි.

ඇල්ල නරඹන්න ගියාට කමක් නැහැ පොලිතින් ප්ලස්ටික් පරිසරයට විසි කරලා පරිසරය අපවිත්‍ර කරන්න නම් එපා.(උපුටා ගත්තකි )

Ella Rock | Ella
Sri Lanka 🇱🇰

📸 Addmin 🇱🇰Dhanu 🌎 🤳🤳🤳

03/02/2020

🇱🇰 wonderful sri lanka 🇱🇰
සීගිරිය 🦋🌼🍃🍃

රාවණා යුගයේ සිට පැවත එන .සීගිරිය පළමුවන කාශ්‍යප රජු විසින් කි‍්‍ර.ව. 5 වන සියවසේදී ප්‍රතිසංස්කරණය කර ලොවට දායාද කර නිර්මාණයකි . 1982 දී ලෝක උරුමයක් ලෙස ප‍්‍රකාශයට පත්කර ඇති සීගිරිය, ක්‍රි.ව. 5 වන සියවසේ ලංකාවේ පැවති නගර නිර්මාණ ශිල්පය, කලාව, ගෘහ නිර්මාණ ශිල්පය ඉදිකිරීම් තාක්ෂණය, භූමි දර්ශිත උද්‍යාන කලාව සහ ජල කළමනාකරණයේ එක්තැන්වීම මැනවින් නිරූපණය කරන ස්ථානයක් ලෙස හදුන්වාදිය හැකිය.

පුරාවිද්‍යාඥයින් විසින් මුල්කාලීනව සීගිරිය බලකොටුවක් ලෙසත් පසුව නගරයක් ලෙසත් හඳුනාගෙන තිබේ. මෙතෙක් සිදුකර ඇති පුරාවිද්‍යා පර්යේෂණ වලට අනුව පුරාවිද්‍යාඥයින් විසින් සීගිරියේ ඓතිහාසික අවධි 08 ක් හදුනා ගෙන තිබේ. එනම්,

ආදි ආරාමික අවදිය - ක්‍රි.පු. 3/2 වන සියවස්හි සිට ක්‍රි.ව. 1 සියවස දක්වා, සීගිරි පර්වතය පාමුල වු කටාරම් සහිත ගුහා සහ ඒවා සඟ සතු කොට පිදු බව දැක්වෙන බ්‍රාහ්මී ශිලා ලිපි මේ යුගයට අයත්ය.
අවධිය පුර්ව කාශ්‍යප යුගය - ක්‍රි.ව. 1 සියවස සිට 5 වන සියවස දක්වා මේ වකවානුවේ ඉතිහාසය අවිනිශ්චිතය.
අවධිය - කාශ්‍යප යුගය - ක්‍රි.ව. 477-495
අවධිය - පශ්චාත් කාශ්‍යප යුගය - ක්‍රි.ව. 6-7 සියවස් දක්වා වු පසු ආරාමික යුගය
පශ්චාත් කාශ්‍යප යුගය
අවධිය - අත්හැරීම් යුගය - ක්‍රි.ව. 13-17 සියවස් දක්වා
අවධිය නුවර යුගය - 17-19 සියවස
අවධිය - නූතන පුනරුදය - 1830 ගණන්වල සිට 70 දශකය දක්වා
සංකීර්ණ කොටස් කිහිපයකි

සීගිරි පර්වතය හා ඒ මත ඇති මාළිගාව
ඇතුළු නුවර හා මාලක
ජල උද්‍යානය,🏞️ උයන්, දිය අඟල් හා පවුරු වලින් සමන්විත බටහිර භූමි භාගය
දිය අගල හා පවුර සහිත නැගෙනහිර භූමි භාගය
ඉහත කී අලංකාර ඉදිකිරීම් වලට අමතරව සිීගිරිය දෙස් විදෙස් සංචාරකයින්ගේ ආකර්ශනීය පුරාවිද්‍යාත්මක ස්ථානයක් බවට පත්වී ඇත්තේ එහි ඇති ලෝක ප්‍රකට බිතු සිතුවම් හා කැටපත් පවුර මත ලියා ඇති සිය ගණනක් වු කුරුටු ගී නිසාය.(උපුටා ගැනීමකි )
addmin @ Dhanu🤳🤳🤳💪💪💪😍

03/02/2020

02/02/2020

වැව තැන්න😍😍

31/01/2020

🇱🇰 සුන්දර මන්දාරම් නුවර 🌿🌾🌵☘️🍃

පිදුරු තලාගල 🌾
ගොනා පිටිය🌾
කබරගල 🌾
උඩ ගබ්බල 🌾
ආදී කඳු වළල්ලකින් වට වූ සිත්කලු බිම් කඩ මන්දාරම් නුවරයි .😍😍😍
මහනුවර හඟුරන්කෙත හරහා නුවරඑළිය දක්වා දිවෙන මාර්ගයේ පදියපැලැල්ලේ න් හැරී මන්දාරම්නුවර මාර්ගයේ පැමිණීමෙන් ද මෙම ඓතිහාසික පුරවරයට පැමිණිය හැකි ය.🚗🚗🛵🛵.🏕️🏕️🏕️🏞️🏞️🏔️🏔️🏔️🏔️
ඉතිහාසයේ මන්දාරම්පුර වුවත් අද එය මන්දාරම් නුවර යි.හාත් පසම පරිසරය මන්දාරම් අඳුරෙන් යුක්ත බැවින් මෙ පුරට මේ නම යෙදුණු බව නිශ්චය කළ හැකිය .🐾️🐾️
ඉතින් ඔබත් මෙහි අසිරිය විඳගන්න අපිත් සමග එක් වෙන්න ✌️✌️✌️💪💪💪🌎
Admin 🌎🤳🤳😘
🌎💪💪💪😍😍😍

30/01/2020

නිශ්ශබ්දව ඇවිද යන්න 🤫🤫🤫

විඳින්න 🌵🌾🌿☘️🍃

සත්ව ලෝකය අපූර්වත්වය 🦄🦓🐒🕊️🦋🐝🐞🌻🌸🌼
ඇඩ්මින් 🌎🌎🌎🧚 ධනු🤳🤳 💪💪

28/01/2020

🌎🌎🌎🌎😘😘🤳🤳💪💪💪😍

28/01/2020

Walimada😘😘😘

27/01/2020

🇱🇰 කරුණාවයි!!! කරුණාවයි !!!🙏
# # #සමන් දෙවිඳු කරුණාවයි🙏 # # #☸️☸️☸️

උතුම් වූ ශ්‍රී පාද පද්මය වන්දනා කිරීමට🙏🙏 🌷🌷🌷

කැමති උන් සෙට් වෙමු 😍😍😍🤳🌎🌎
කෙල්ලොද කොල්ලොද අදාල නෑ ආසයි නම් ට්‍රැවල් කරන්න සෙට් වෙන්න අපි එක්ක addmin 🤳🤳🤳 @ Avi💪💪💪
temple # travel guider #🙏🙏🙏

27/01/2020

Travel කරමුද

26/01/2020

ලෝකාන්තය
Worlds E N D 🌎

‘‘ලෝකාන්තය’’ ශ‍්‍රී ලංකාවේ මධ්‍යම කදුකරයේ පිහිටි අපූරු ස්වාභාවික නිර්මාණයකි. දෙස් විදෙස් සංචාරකයන්ගේ ආකර්ෂණයට ලක්ව ඇති ‘‘ලෝකාන්තය’’ පිහිටියේ මධ්‍යම පළාතේ නුවරඑළිය දිස්ත‍්‍රික්කයේ ඉහළ කදුකරයේ පිහිටි හෝර්ටන් තැන්නේය.
මුහුදු මට්ටමින් අඩි 6900ත් 7500ත් (මීටර් 2100-2300) අතර උසකින් පිහිටි හෝටන්තැන්න හෙක්ටයාර් 3160 කින් සමන්විතය. 2010 වර්ෂයේ ලෝක උරුමයක් බවට පත්වූ මේ හෝටන්තැන්නේ කෙළවරක ‘‘ලෝකාන්තය’’ පිහිටා තිබේ.
ක‍්‍රිස්තුවර්ෂ 1831-1837 කාලයේ ශ‍්‍රී ලංකාවේ සිටි බි‍්‍රතාන්‍ය ආණ්ඩුකාරවරයා වූ සර් රොබට් විලියම් හෝටන් මහතා විසින් සබරගමුව රටේ මහත්තයා සමග ගිය ගමනකදී 1836 දී එම ස්ථානය සොයාගෙන ඇති බව ඉතිහාසයේ සදහන්වෙයි.
හෝටන්තැන්නේ වාර්ෂික වර්ෂාපතනය මිලිමීටර් 2000කි. ඉතා ශීතල දේශගුණයක් පවතින මෙහි ඇතැම් කාලවල රාත‍්‍රියට සෙල්සියස් අංශක පහක් දක්වා උෂ්ණත්වය අඩුවෙයි. සාමාන්‍යයෙන් සෙල්සියස් අංශක දහතුන සාමාන්‍ය උෂ්ණත්ව පරාසය වන අතර ඇතැම් කාලවල සෙල්සියස් අංශක විසිහතක උපරිමය පෙන්වයි.
අග‍්‍රාඔය, බෙලිහුල්ඔය, උමාඔය, බගවන්තලා ඔය, හෝටන්තැන්නෙන් ආරම්භ වෙයි. නුවරඑළියේ සිට කිලෝමීටර් 32ක දුරක් ලෝකාන්තයට ඇත. අඹේවෙල පට්ටිපොල හරහා ලෝකාන්තයට පිවිසිය හැකිය. ලිදුල ආගරපතන හරහාද පැමිණිය හැකිය. එසේම ඔහිය හරහාද පැමිණිය හැකිය. මේ මාර්ග මධ්‍යම පළාතේ පිහිටා ඇති අතර හෝටන්තැන්නේ වනජීවී කාර්යාල පිහිටි පිවිසුම් ස්ථානය දක්වා වාහනයකින් පැමිණිය හැක. එතැන් සිට පාගමනින් කිලෝමීටර් තුනකට වැඩිදුරක් ‘‘ලෝකාන්තය’’ වෙත පයින් යා යුතුය. එකවරම අඩි 2854ක් හෙවත් මීටර් 870ක මහා ප‍්‍රපාතයට ‘‘ලෝකාන්තය” යැයි කියයි. එතැන සිට තව කෙටිදුරක් බේකර්ස් ඇල්ල දෙසට ගියවිට අඩි 886ක හෙවත් මීටර් 270ක එවැනි කුඩා ප‍්‍රපාතයක් හමුවෙයි. එය ‘‘පුංචි ලෝකාන්තයයි’’.
මේ ‘‘ලෝකාන්තයෙන්’’ පහළ බැලූවිට ගිනිපෙට්ටි ප‍්‍රමාණයට ගොඩනැගිලි කිහිපයක් දිස් වෙයි. ඒ පෙනෙන්නේ නන්පේරියල් වත්තේ ‘‘අපර් ඩිවිෂන්’’ හෙවත් ‘‘උඩ කොටසයි’’. රත්නපුර දිස්ත‍්‍රික්කයේ බළන්ගොඩ මැතිවරණ කොට්ඨාසයට එම ප‍්‍රදේශය අයත්වෙයි. මේනිසා ලෝකාන්තයෙන් පහළට වැටුනොත් හමුවන්නේ බළන්ගොඩින් යැයි විශ්වාසයක් ජනතාව අතර ඇත.
‘‘ලෝකාන්තය’’ බැලීමට රත්නපුර දිස්ත‍්‍රික්කයෙන් ද පැමිණිය හැකි මාර්ගයක් තිබේ. ඒ බදුල්ල- කොළඹ ප‍්‍රධාන මාර්ගයේ බෙලිහුල්ඔය සහ පඹහින්න අතර ඇති නන්පේරියල් හන්දියෙන් ඉහළට ඇති නන්පේරියල් වත්ත හරහා පාරයි. මේ පාරේ එනවිට ලෝකාන්තයේ බේකර්ස් ඇල්ල සොයාගත් සැමුවෙල් බේකර්ස් මහතා පදිංචිව සිටි නිවෙසද පසුකර නන්පේරියල්වත්තේ තේ කර්මාන්තශාලාව තෙක් කිලෝ මීටර් 12ක් පැමිණ එතැන් සිට තවත් කිලෝමීටර් 8ක් නැග්රැුක් දක්වා ගොස් එතැන් සිට පයින් කිලෝ මීටර් හතරක් පමණ ගියවිට ‘‘ලෝකාන්තයට’’ යා හැකිය. මෙය ඉතා බැවුම් සහිත අවදානම් මෙන්ම අනතුරුදායක පාරකි. නන්පේරියල් තේ කම්හල තෙක් තරමක් පහසුවෙන් වාහනයක් පැමිණිය හැකි වුවත් එතැන් සිට නැග්රැක් දක්වා වු මග අතිශයින් දුෂ්කරය.
ලෝකාන්තයෙන් පහළට කෙනෙකු වැටුණොත් හොයන්නට යන්නේ මේ නන්පේරියල් වත්තේ උඩකොටස හරහාය. උඩ කොටස තෙක් වාහනයක් යාහැක. එයද දුෂ්කර මගකි. තද බැවුම් මෙන්ම මහ කදුවලින් යුතු පටු මගකි. උඩකොටස වතු නිවාස අසලට පමණක් පයින් යාහැකි අතර එතැන් සිට උඩ බැලූවිට ඉහළින් පෙනෙන්නේ ලෝකාන්තයයි. (උපුටා ගැනීමකි) addmin 🤳🤳💪💪

26/01/2020

ලෝකාන්තය
Worlds E N D 🌎

‘‘ලෝකාන්තය’’ ශ‍්‍රී ලංකාවේ මධ්‍යම කදුකරයේ පිහිටි අපූරු ස්වාභාවික නිර්මාණයකි. දෙස් විදෙස් සංචාරකයන්ගේ ආකර්ෂණයට ලක්ව ඇති ‘‘ලෝකාන්තය’’ පිහිටියේ මධ්‍යම පළාතේ නුවරඑළිය දිස්ත‍්‍රික්කයේ ඉහළ කදුකරයේ පිහිටි හෝර්ටන් තැන්නේය.
මුහුදු මට්ටමින් අඩි 6900ත් 7500ත් (මීටර් 2100-2300) අතර උසකින් පිහිටි හෝටන්තැන්න හෙක්ටයාර් 3160 කින් සමන්විතය. 2010 වර්ෂයේ ලෝක උරුමයක් බවට පත්වූ මේ හෝටන්තැන්නේ කෙළවරක ‘‘ලෝකාන්තය’’ පිහිටා තිබේ.
ක‍්‍රිස්තුවර්ෂ 1831-1837 කාලයේ ශ‍්‍රී ලංකාවේ සිටි බි‍්‍රතාන්‍ය ආණ්ඩුකාරවරයා වූ සර් රොබට් විලියම් හෝටන් මහතා විසින් සබරගමුව රටේ මහත්තයා සමග ගිය ගමනකදී 1836 දී එම ස්ථානය සොයාගෙන ඇති බව ඉතිහාසයේ සදහන්වෙයි.
හෝටන්තැන්නේ වාර්ෂික වර්ෂාපතනය මිලිමීටර් 2000කි. ඉතා ශීතල දේශගුණයක් පවතින මෙහි ඇතැම් කාලවල රාත‍්‍රියට සෙල්සියස් අංශක පහක් දක්වා උෂ්ණත්වය අඩුවෙයි. සාමාන්‍යයෙන් සෙල්සියස් අංශක දහතුන සාමාන්‍ය උෂ්ණත්ව පරාසය වන අතර ඇතැම් කාලවල සෙල්සියස් අංශක විසිහතක උපරිමය පෙන්වයි.
අග‍්‍රාඔය, බෙලිහුල්ඔය, උමාඔය, බගවන්තලා ඔය, හෝටන්තැන්නෙන් ආරම්භ වෙයි. නුවරඑළියේ සිට කිලෝමීටර් 32ක දුරක් ලෝකාන්තයට ඇත. අඹේවෙල පට්ටිපොල හරහා ලෝකාන්තයට පිවිසිය හැකිය. ලිදුල ආගරපතන හරහාද පැමිණිය හැකිය. එසේම ඔහිය හරහාද පැමිණිය හැකිය. මේ මාර්ග මධ්‍යම පළාතේ පිහිටා ඇති අතර හෝටන්තැන්නේ වනජීවී කාර්යාල පිහිටි පිවිසුම් ස්ථානය දක්වා වාහනයකින් පැමිණිය හැක. එතැන් සිට පාගමනින් කිලෝමීටර් තුනකට වැඩිදුරක් ‘‘ලෝකාන්තය’’ වෙත පයින් යා යුතුය. එකවරම අඩි 2854ක් හෙවත් මීටර් 870ක මහා ප‍්‍රපාතයට ‘‘ලෝකාන්තය” යැයි කියයි. එතැන සිට තව කෙටිදුරක් බේකර්ස් ඇල්ල දෙසට ගියවිට අඩි 886ක හෙවත් මීටර් 270ක එවැනි කුඩා ප‍්‍රපාතයක් හමුවෙයි. එය ‘‘පුංචි ලෝකාන්තයයි’’.
මේ ‘‘ලෝකාන්තයෙන්’’ පහළ බැලූවිට ගිනිපෙට්ටි ප‍්‍රමාණයට ගොඩනැගිලි කිහිපයක් දිස් වෙයි. ඒ පෙනෙන්නේ නන්පේරියල් වත්තේ ‘‘අපර් ඩිවිෂන්’’ හෙවත් ‘‘උඩ කොටසයි’’. රත්නපුර දිස්ත‍්‍රික්කයේ බළන්ගොඩ මැතිවරණ කොට්ඨාසයට එම ප‍්‍රදේශය අයත්වෙයි. මේනිසා ලෝකාන්තයෙන් පහළට වැටුනොත් හමුවන්නේ බළන්ගොඩින් යැයි විශ්වාසයක් ජනතාව අතර ඇත.
‘‘ලෝකාන්තය’’ බැලීමට රත්නපුර දිස්ත‍්‍රික්කයෙන් ද පැමිණිය හැකි මාර්ගයක් තිබේ. ඒ බදුල්ල- කොළඹ ප‍්‍රධාන මාර්ගයේ බෙලිහුල්ඔය සහ පඹහින්න අතර ඇති නන්පේරියල් හන්දියෙන් ඉහළට ඇති නන්පේරියල් වත්ත හරහා පාරයි. මේ පාරේ එනවිට ලෝකාන්තයේ බේකර්ස් ඇල්ල සොයාගත් සැමුවෙල් බේකර්ස් මහතා පදිංචිව සිටි නිවෙසද පසුකර නන්පේරියල්වත්තේ තේ කර්මාන්තශාලාව තෙක් කිලෝ මීටර් 12ක් පැමිණ එතැන් සිට තවත් කිලෝමීටර් 8ක් නැග්රැුක් දක්වා ගොස් එතැන් සිට පයින් කිලෝ මීටර් හතරක් පමණ ගියවිට ‘‘ලෝකාන්තයට’’ යා හැකිය. මෙය ඉතා බැවුම් සහිත අවදානම් මෙන්ම අනතුරුදායක පාරකි. නන්පේරියල් තේ කම්හල තෙක් තරමක් පහසුවෙන් වාහනයක් පැමිණිය හැකි වුවත් එතැන් සිට නැග්රැක් දක්වා වු මග අතිශයින් දුෂ්කරය.
ලෝකාන්තයෙන් පහළට කෙනෙකු වැටුණොත් හොයන්නට යන්නේ මේ නන්පේරියල් වත්තේ උඩකොටස හරහාය. උඩ කොටස තෙක් වාහනයක් යාහැක. එයද දුෂ්කර මගකි. තද බැවුම් මෙන්ම මහ කදුවලින් යුතු පටු මගකි. උඩකොටස වතු නිවාස අසලට පමණක් පයින් යාහැකි අතර එතැන් සිට උඩ බැලූවිට ඉහළින් පෙනෙන්නේ ලෝකාන්තයයි. (උපුටා ගැනීමකි) addmin 🤳🤳🤳
🌎🌎🌎