13/01/2024
ගෙවල් කොහෙද?
"මම නුවර එකෙක්"
මාතර සිට කොළබ එන train එකක දෙදෙනෙකු අතර සිදු වූ සංවාදයක්‌ මෙසේ ගෙනහැර දක්වමි..
සංවාදය හොදින් අවබෝධකර ගැනීමේ පහසුව සදහා නම් දෙකක් යොදා ගනිමි.
"අමල් සහ කමල්"
අමල් කොළබ වන අතර කමල් නුවර වේ...
අමල් -:
මල්ලි ගෙවල් කොහෙද
කමල් -:
මම නුවර අයියා
අමල් -:
නුවර කොහෙද
කමල් -:
නුවර ඉදලා ටිකක් දුර යන්න ඕන.තලාතුඔය
අමල් -:
අහ් ඒ කියන්නේ නුවර නෙවෙයි
තරමක් මල පැන්න කමල්-:
නුවර තමයි.
මහනුවර දිස්ත්‍රික්කයේ පාත හේවාහැට ප්‍රාදේශීය ලේඛම් කොට්ටාශයේ තලාතුඔයනම් සුන්දර ගම්මානයේ...
තව කියනවනම්
රාජකාලේ රජතුමාට මාලිගාවේ සහ රාජධානියේ ආරක්ෂාවට හේවායෝ ගෙනාවේ එහෙන්.
ඒ කියන්නේ අද කාලේ විදියටනම් නම් Army එක හිටියේ එහේ.
විවිධ අවේනික සටන් පිළිබද මනා දැනුමක් වගේම වන දුර්ග, හෙළ දුර්ග, ජල දුර්ග ගැන අවබෝධයක් මෙන්ම කැලෑ මාර්ග පිළිබදවත් හොද අවබෝධයක් ඒ හිටපු මිනිස්සුන්ට තිබුණා...
ඒ වගේම ගරිල්ලා සටන් ක්‍රම ගැනත් හොද දැනුමක් වගේම අවබෝධයක් තිබුණා..
තම අටු කොටු බත බුලතින් සරු උනාම බුදුන්ට දෙවියන්ට කිරිබඩ පාත්‍ර පුජාව ලස්සන පෙරහැර සංස්කෘතික මංගල්‍යක් එක්ක සගම පන්සල මූලික කරගෙන ලංකාවෙන් ඉස්සෙල්ලාම කරන්නෙත් එහේ මිනිස්සු.
නාථ දෙවියෝ වැඩ හිදින පස්ගම දේවාලේ තියෙන්නෙත් ඒ ප්‍රාදේශීයේම තමයි..
එහෙත් ලස්සන පෙරහැර මංගල්‍යක් තියනවා..
ඒ වගේම උන් නුවරට, දළදා මාලිගාවට පණ වගේ ආදරේ කරන මිනිස්සු...
අනික නුවර කිව්වට නුවර ටවුමේ ගෙවල් හදන්න නීතියෙන් තහනම්..
අයියා ඒක දන්නේ නැද්ද?
මාර්කට් එක ඔරලෝසුකනුව, බෝගම්බර ග්‍රවුන්ඩ් එක, බස් ස්ටෑන්ඩ්, railway station එක, කච්චේරිය,kcc එක,post office එක, පොලිසිය, එතනින් ගියාම කඩවල්, දළදා මාලිගාව, වැව ඒ වගේ කී නොකී ආගමික සිද්දස්ථාන මෙන්ම මිනිස්සුන්ගේ අවශ්‍යතාවයන්ට නිර්මාණය උණු දේවල් ටිකක් තමයි නුවර නගරේ තියෙන්නේ.
එකම එක ගෙයක් තියනවා ඒක ඉස්සර රජතුමාගේ බිරිදගේ ගෙදර. 😃
ඒකත් දැන් හෝටලයක්.
අයියා අහල ඇති නුවර කුවින්ස් හෝටලය (රැජින හෝටලය )...
එතනින් එහාට වටේ පිටේ තියන ඔක්කොම මහනුවර දිස්ත්‍රික්කයට අයත් ගම් නියම් ගම් තමයි මහත්තයෝ..
අහ් මට අහන්න බැරි උනා ඔයා කොහෙද?
අම්බානක නෝන්ඩි වෙලා මුණ දෙල් වෙලා බලන් ඉන්න
අමල් -:
අහ් මමනම් කොළබ
කමල් -:
කොළබ කොහෙද
අමල් -:
කොළබ....කොළබ හොරණ
කමල්-:
කට කොනින් කින්ඩියට හිනාවෙලා කෝච්චියේ ඉස්සරහට ගියා..
ටිකක් ඕනවට වඩා කියෙව්වා වැඩියි කියලා කමල්ට තේරුණා. ඒත් දැනෙන්න ගැම්මෙන් කියපු නිසා අවුලක් නෑ කියලා හිතන් කමල් තමන්ගේ ගමන ගියා..
අන්න ඒ වගේ
තමන් කොහේද කියලා ඇහුවම බය නැතුව අභිමානයෙන් නුවර කියලා කියන්න.
ඒකට නුවර නගරේ අවටම පදිංචි වෙන්න ඕන නැහැ.
නුවර දිස්ත්‍රික්කයේනම් ඌ නුවර එකෙක් තමයි.
හැබැයි අහන එකාට දැනෙන්න කියන්න තමන් ඉන්න ගමේ අතීත විස්තර ටිකකුත් අභිමානයෙන් කියන්න දැනගෙන ඉන්න.
මොකද නුවර කියන්නේ ඒ තරම්ම ආඩම්බරයක්‌, අභිමානයක්‌ තියන දිව්‍යලෝකයක් තරම් ලස්සන පින්වන්ත පළාතක්.
ඔය "ගල විද්දෙ නැත්තන් නුවරක් නැහැ"
කියන උන් එක්ක වැඩිය කියවන්න යන්න එපා උන් ඒ ඉරිසියාවට කියන කතා.
ගල් විදගෙන උන් පහළ ඉදන් උඩට ආවේ මේක දිව්‍යයලෝකයක් නිසා..
සටහන
දිනේෂ් රණවක
Dinesh Ranawaka
2024-01-13
කතෘ අයිතිය සුරකින්න
