https://www.facebook.com/110815230527433/

ALIYA, Panadura (2024)

17/12/2021

මීදුම් සේලය අතරින් අති උත්තම සමනල අඩවියට දෙපා නගන්නට අවසරයි 🍃 ⛅

🇱🇰

🐘

17/12/2021

23/11/2021

There is nothing more musical than a sunset 🌇
- Claude Debussy -

🐘
🇱🇰

📷 first owner

Location :-

Nilaveli Beach
https://maps.app.goo.gl/RQ5CRFCEF9VadJMr7

18/11/2021

වීරෝදාර රණවිරුවන්ගේ දෑත් වලින් නිමවූ සදහිරු චෛත්‍ය රාජයාණන් වහන්සේ සසුනට පුදකරනු ලබයි....

තිස්වසරක් පැවති කුරිරු යුද්ධය හේතුවෙන් දිවි අහිමි වූ රණවිරුවන් සිහිකිරිමටත් යුද්ධය හේතුවෙන් ආබාධිතව සිටින සියලූම රණවිරුවන් සිහිවීම උදෙසා .2010 වර්ෂයේ වැඩ ආරම්භකරන ලද මෙම මහා සෑය....2021/11/18 ඉල් පුන් පොහොදා .එනම් අද දින මහා සංඝරත්නයේ පිරිත් සජ්ජායනා මද්දේ සසුනට පූජා කලේය

පොළොව මට්ටමේ සිට අඩි 283ක් උසැති මේ චෛත්‍යයේ සම්පූර්ණ විශ්කම්භය අඩි 255කි.
මේ සදහා දායකවූ සියලූම පාර්ශවයන් උදෙසා මෙපින් හේතු වාසනා වේවා..

🐘

🇱🇰

12/09/2021

මීට කලින් දැකලා තියෙනවද 😍

හිතන්නවත් පුළුවන්ද මේ වගේ සර්පයන් ඉන්නවා කියලා 🐍

ලංගගහ කුලයට අයත් මෙම සර්පයන් මැඩගස්කරයේ පමණක් වාසය කරන අතර ඔවුන් සර්පයන් අතර සිටින අමුතුම හා දුර්ලභ ගණයේ විශේෂයකි. ඔබ මෙහි දකින ඡායාරූප කෙතරම් දුර්ලභද යන්න විස්තර කිරීමට අපහසුය. කෙසේ වෙතත්, මම මගේ ජීවිතයේ දී මෙම මැණික් නැවත හමු වේ යැයි මම බලාපොරොත්තු වෙන්නේ නැහැ ...

උපුටා ගැනීමකි

📷 First Owner 🔥

🇱🇰
🐘

31/08/2021

#පින්නවල_අලි_සුරැකුම් මධ්‍යස්ථානයෙන් ඉතිහාසගත #නිවුන්_අලි උපතක් 🐘

පින්නවල ඉන්න සුරංගි කියන කෙනර නිවුන් අලි උපතක් සිදු කර තිබෙනවා.පැටවුන්ගේ පියා කන්ඩුල නැමති අලියෙක් කියලා තමයි තොරතුරු ලැබුනේ..

පැටවුන් දෙදෙනාම පිරිමි පැටවුන් වන අතර.පලුමු පැටවා උදේ 4 ට හා දෙවන පැටවා උදැසන 10 පසුවී මෙලොවට බිහිවී ඇත.
මෙය ශ්‍රී ලංකික ඉතිහාසයේ ප්‍රථම අර්ධ ගෘහස්ථ නිවුන් අලි උපතයි.

මේ වන විට පැටවුන් දෙදෙනා මනා සෞඛ්‍ය මට්ටමකින් පසුවන බව වාර්තා වනවා.

🇱🇰
🐘

29/08/2021

#පහන්තුඩාව_ඇල්ල 🇱🇰

සබරගමු පළාතේ රත්නපුර දිස්ත්‍රික්කයේ සමනල වැව සංචාරක කලාපයේ බෙලිහුල්ඔය පිහිටා ඇති පහන් තුඩාව සංචරණයට සොඳුරු තොතැන්නකි.මෙහි ඇති ස්වභාව සෞන්දර්යාත්මක වටිනාකම නිසාම දෙස් විදෙස් සංචාරකයින් බොහොමයක් මෙම ස්ථානය කරා ආකර්ෂණය වෙයි.සංචාරණ ක්‍රියාවලිය තුළ ස්වභාවික හා පාරිසරික සංචරණයට ලැදි සෑම අයෙක් අනිවාර්යයයෙන්ම නැරඹිය යුතු සුන්දර ස්ථානයක් ලෙස මෙම පහන්තුඩාව හැඳින්විය හැකි ය.

මෙම පහන්තුඩාව ලංකාවේ දියඇලි අතුරෙන් තවත් එක් සුවිශේෂි නිර්මාණයකි.ඊට හේතුව එහි පිහිටීම හා ස්වභාවයයි.මෙම දිය ඇල්ලට පහන්තුඩාව යන නම ලැබෙන්නේද එහි ස්වභාවික පිහිටීම නිසාය .මෙම දියඇල්ලේ වතුර වැටෙන ජල තටාකය පහනක හැඩයෙන් යුක්තය.එම ජල තටාකයට දිය ඇල්ලෙන් වතුර වැටෙන්නේ පහනක තිරයක විලාසයෙනි.එනිසා මෙය පහන්තුඩාව ඇල්ල යනුවෙන් ව්‍යවහාර වී ඇත.

මෙම දිය ඇල්ල ජෛව විවිධත්වයෙන් අනූන සුන්දර පරිසර පද්ධතියක පිහිටා තිබීම තවත් වැදගත් අංගයකි.වටිනා ශාක විශේෂ ,සත්ත්ව විශේෂ මෙම පරිසර පද්ධතිය තුළ දැක ගත හැකිය.මෙම දිය ඇල්ල සම්බන්ධව විවිධ ජනප්‍රවාද පවතී. එක්තරා මිනිසෙකු ඇති වූ පවුල් ආරවුලක් නිසා මෙම ස්ථානයේ ඇති ගලෙහි යමක් කොටා බඩෙහි ගලක් බැඳගෙන මෙම ස්ථානයට පනින ලද බව කියනු ලැබේ.

මෙම ස්ථානයේ දිය නෑම තරමක් ත්‍රාසජනක මෙන්ම අවධානම් සහගතය. අධික ගැඹුරක් පවතින බවත් එහි පතුළ සොයා ගැනීමට පවා නොහැකි බව ගම්මුන් පවසති. අධික වර්ෂාවන් සහිත අවස්ථාවලදී දිය ඇල්ලට ඉහළ ප්‍ර‍දේශයන්හි ජල මට්ටම වැඩි වන විට විනාඩි 10ත් 15 ත් අතර කාලය තුල මෙම ස්ථානයේ ජල මට්ටම එකවරම වැඩි වේ.එබැවින් මෙහි දිය නෑම අවධානම් සහගතය.

ස්වභාව දහමේ මනහර නිමවුමකැයි හඳුනාගත හැකි පහන්තුඩාව ඇල්ල මතුවටත් ආරක්ෂා කර ගැනීම දෙස් විදෙස් සියලු සංචාරකයින්ගේ වගකීමකි. සිසිලස ,පහස මෙන්ම මෙම පරිසරයට ආවේණික සත්ව විශේෂ ,ශාක විශේෂ ,මෙම ස්ථානයට නුදුරින් ඇති සමනළ වැව සංචාරක කලාපයේ සියලු සොඳුරු දසුන් දකින්නට විඳින්නට මෙම ස්ථානය සංචරණය කිරීමතුළින් හැකියාව පවතී.ශ්‍රී ලංකාවේ නුදුටු සුන්දරත්වය සියැසින් දැක ගන්නට නුඹත් එන්න සංචරණයට පහන්තුඩාව.ගියාට තියන ලස්සන සොබාදහම විනාශ කරන්න නම් එපා.

✍️📷 උපුටාගැනීමකි

#පහන්තුඩාව

🇱🇰
🐘

27/08/2021

ඩොරික් බංගලාව 🇱🇰
Doric Bunglow

අද අපේ කතාව අතීතයේ අභිමානවත් ව පැවති වර්තමානයේ ගරාවැටෙමින් යන නටඹුන් පමනක් දැකිය හැකි අතීත බංගලාවක් ගැන...

ඒ....මන්නාරම් වෙරළ තීරයේ 1800 ගණන්වල ඉදි වූ මෙරට පැවැති මනස්කාන්තම නිවහන වන ‘ඩොරික් බංගලාව’ ගැනයි..

මෙහි ජායාරූප එකතුවේ මේ මාලිගාවේ මුල් ස්වරූපය පෙන්නුම් කෙරෙන පින්තූරයකුත් තියෙනවා..
ඒක දැක්කම හිතෙයී මේ ඒ තැනමද කියලත්...
මම මේ ඩොරික් බංගලාව ගැන මුලින්ම ඉතිහාසය කියන්නම්...

ඔයාලා දන්නව ද මෙරට පාලනය කළ ප්‍රථම බ්‍රිතාන්‍ය ආණ්ඩුකාරවරයා වූ ෆෙඩ්රික් නෝර්ත් මහතා නැවතී සිටි නිවහන මෙය බවට විශ්වාස කරනවා.

ග්‍රීක ව්‍යවහාරයක් වන ‘ඩොරික්’ යන්නෙහි අදහස වන්නේ දැවැන්ත කුළුණු සහිත ආරුක්කුවලින් සමන්විත වීමයි. එම අර්තයෙන් මෙයට ඩොරික් බංගලාව කියන නම වැටිලා තියෙනවා...

ග්‍රීක සම්ප්‍රදායට මෙම ගොඩනැගිල්ල ෆෙඩ්රික් නොර්ත් මහතාගේම සැලසුමකට අනුව ඉදිකර වූ බව ද කියැවේ..

මන්නාරම සිලාවතුර ප්‍රදේශයේ වෙරළ තීරයේ ගල් පර්වතයක් මත ඉදිකර ඇති ඩොරික් මන්දිරයේ ඉතිරිව ඇති ගොඩනැගිලි කොටස් ද බරපතල ලෙස මුහුදු ඛාදනයට ලක් වෙමින් පැවතීම කණගාටුවට කරුණකී..

එවක මෙම බංගලාවේ පහත මාලය කාමර හතරකින් හා විශාල සාලයක් සහිතව තිබූ අතර ඉහල මාලය ද නිදන කාමරයකින් යුක්ත විය.

1804 දී ඉදිකරන ලද මෙම ගොඩනැගිල්ල පිළිබඳව 1807 දී ජේම්ස් කොඩිනර් පියතුමන් විසින් රචිත Description of ceylon කෘතියෙහි සඳහන් වන්නේ ‘‘එය අවිවාදයෙන්ම මේ දිවයිනේ පිහිටි මනස්කාන්තම නිවහන වන අතර ගෘහ සැලසුම් ශිල්පයට අනුව නිමවන ලද එකම ඉදිකිරීම විය හැකිය.’’ යනුවෙනි...

ඇත්තටම මෙම නටඹුන් දැකීමෙන් පෙනී යන්නේ මන්නාරමට වැටෙන අධික අව් රශ්මිය මේ දැවැන්ත ගොඩනැගිල්ලේ දැවැන්ත ගඩොල් බිත්තිවලින්, සිසිල්කර තිබෙන්නට ඇති බවයි...

වසර 220ක් පමණ පැරණි මෙය, ජාතික උරුමයක් ලෙස ආරක්‍ෂා කළ යුතු වුවත් අද වන විට ගොඩනැගිල්ලේ බටහිර බිත්ති රැසක් මූදට පෙරළී තිබෙනවා..

පුරාවිද්‍යා දෙපාර්තමේන්තුව මගින් මෙය පුරාවිද්‍යා ස්ථානයක් ලෙස නම්කර ඇති මුත් සංරක්‍ෂණ වැඩ පිළිවෙළක් නම් අපිට දකින්න ලැබෙන්නෑ...

දමිළ බසින් ‘අල්ලේ රාණි කොටුව’ යනුවෙන් හැඳින් වූ මෙම බංගලාව ත්‍රස්තවාදී බලපෑම් වලට නම් නතු වෙලා නෑ...

උපුටාගැනීමකි
📷 First Owner

🇱🇰
🐘

22/08/2021

#අවසන්_රන්දෝළි_මහා_පෙරහැර - 2021

නැදුන්ගමුවේ රාජා ඇතුන් සමග ඉන්දි රාජා හා කතරගම වාසනා ඇතුන් දෑලේ ගමන් කරමින්

29/07/2021

කාළවර්ණ පින්කද අප #නැදුන්ගමුවේ_රාජා මගුලැතු

වර්තමානයේ ශ්‍රී ලාංකීය හීලෑ හස්ති රාජ පරපුරේ ස්වර්ණමය සලකුණ නැදුන්ගමුවේ රාජා මගුලැතුය.
ඉන්දියාවේදි ජන්මය ලබා ඇති මේ ඇතු දෙහිවල නිලම්මහර ධර්මාරාම වෙද හිමියන්ගෙන් ප්‍රතිකාර ලබාගත් ඉන්දියාවේ මයිසූර් ප්‍රාන්තයේ මහාරාජාවරයෙකු විසින් වෙද හිමියන්ට ලබාදෙන තුටු පඩුරක් වශයෙන් වර්ෂ 1954 දී වයස අවුරුදු පහක් පමණ වන ඇත් පැටවුන් දෙදෙනෙක් පූජා කරන ලදි..

එකී වූ ඇත්භාන වූයේ විජය රාජා සහ නවම් රාජා යන ඇතුන් දෙදෙනාය. පසුකාලීනව නඩත්තු කිරීමේ අපහසුතාවක් නිසාවෙන් ඇතුන් දෙදෙනා විකුණනු ලැබූ අතර එයින් නවම් රාජා ඇතු රත්නපුර දිස්ත්‍රික්කයේ ඇඹිලිපිටිය ප්‍රදේශයේ ලී මඩුවක් වෙත රැගෙන ගිය අතර පසුව කොළඹ හුණුපිටිය ගංගාරාම විහාරාධිපති ගලබොඩ නායක හිමියන් නවම් රාජාව මිලදීගෙන ඇත.. විජය රාජා ඇත් පැටවා හොරණ ප්‍රදේශයේ ව්‍යාපාරිකයෙකු මිලදී ගත් අතර පසුව ඇතුට වැළදුණු රෝගයක් නිසාවෙන් ඇතුව ගම්පහ නැදුන්ගමුව ප්‍රදේශයේ සුප්‍රකට වෙද පරම්පරාවට අයත් ධර්ම විජය වෙද මහතාට භාරකාර ඇත. පසුව එතුමා රුපියල් 75000ක මුදලක් ලබාදී එම ව්‍යාපාරිකයා ගෙන් ඇතු මිලදීගෙන ඇත.. එවක් පටන් විජය රාජා හස්තියා නැදුන්ගමුවේ රාජා ලෙස ප්‍රකට විය.

නැදුන්ගමුවේ රාජා ඇතුගේ වර්තමාන හිමිකරුවනුයේ නැදුන්ගමුව වෙද පරපුරේ හර්ෂ ධර්ම විජය වෙද මහතාය. රාජා හස්තියගේ ප්‍රදාන හස්ති පාලක වරයා ලෙස විල්සන් කොඩිතුවක්කු ( කළු මාමා) මහතා කටයුතු කරන අතර සහය හස්ති පාලක වරයා ලෙස ඉන්දික ජයසිංහ මහතා කටයුතු කරයි...

වර්තමානයේ මෙරට පෙරහැර සංස්කෘතිය වෙනුවෙන් අමිල සේවයක් ඉටුකරන නැදුන්ගමුවේ රාජා මගුලැතු පෙරහැර කටයුතු සදහා පා ගමනින් සහභාගි වෙයි.ඒ අතරින්

◼ මහනුවර ශ්‍රී දළදා පෙරහැර
◼ සබරගමු මහ සමන් දේවාල පෙරහැර
◼කෝට්ටේ රාජ මහා විහාර පෙරහැර
◼ දළදාවත්ත පුරාණ රාජමහා විහාර පෙරහැර
ආදී පෙරහැර ප්‍රමුඛත්වයක් උසුලයි..

නැදුන්ගමුවේ රාජා ඇතු ප්‍රථම වතාවට 2005 වර්ෂයේ දී මහනුවර දළදා පෙරහැර කටයුතු සදහා සහභාගි වූ අතර එවක් පටන් 2015 වර්ෂය දක්වා පුරා වසර 10ක් නොකඩවා දළදා වහන්සේ වැඩමවීමේ භාග්‍ය රාජා ඇතුට හිමිවිය..
ශ්‍රී ලාංකා සමාජවාදී ජනරජය මගින් ජාතික වස්තුවක් ලෙස නැදුන්ගමුවේ රාජා මගුලැතු නම් කොට ඇති අතර ඔහු වෙනුවෙන් ප්‍රභූ ආරක්ෂාව පවා යුද හමුදාව සපයනු ලබයි..

2019 ක් වූ දෙසැම්බර් මස 30 වෙනි දින නැදුන්ගමුවේ රාජා මගුලැතුගේ රුව යොදා තැපැල් දෙපාර්තමේන්තුව මගින් සමරු මුද්දරයක් පවා නිකුත් කොට ඇත..

මෙරට පෙරහැර සංස්කෘතිය වෙනුවෙන් අමිල සේවයක් ඉටුකිරීමට නැදුන්ගමුවේ රාජා මගුලැතුට තව තවත් ශක්තිය , ධෛර්යය ලැබේවා..

අප උතුම් ශ්‍රී දළදා වහන්සේගේ පිහිට රැකවරණය නැදුන්ගමුවේ රාජා මගුලැතුට ලැබේවා..

📷 First Owner

🐘
🇱🇰

27/07/2021

ලොව විශාලතම තරු #නිල්_මැණික් පොකුර #රත්නපුරෙන් 😍 💎 🍃 🇱🇰

ඉංග්‍රීසියෙන් Blue Ttar Shapphire කියල හඳුන්වන මේ ගල මිල කරන්න බෑ.හේතුව මේකේ බර කිලෝ 500 ඉක්මවන හින්ද

දුර්ලභ මැණික් විශේෂයක් වෙන මේ නිල් ආර්නූල් ගලට ආර්නූල් කියල නම ලැබෙන්නෙ මේක කපා ඔප දැම්මම ලස්සන නූල් හයක් ගල මතු පිට දිස් වෙන්න ගන්නව.කැබිශන් කට් එක ( ගෝලාකාර ) දාල ඔප දමන මෙම ගල සාමාන්‍යෙන් ලෝකය පුරා මැනික් වෙළඳපොලේ ලොකු ඉල්ලුමක් තියෙනව..පින්තූර වල පෙන්නල තියෙන්නෙ කැරට් 3-4 ක මුද්දකට දාන්න පුළුවන් ප්‍රමානයක ගලක් කපල ඔප දැම්මම පේන විදිය

මේ ගල හම්බුන කෙනා නම් මෙතන ඉඳන් ධන කුවේරයෙක්.මොකද ඇමරිකන් ඩොලර් මිලියන සීයක් කියන්නෙ ලංකාවෙ මුදලින් කෝටි 2000 ටත් වැඩී

එතකොට මේකෙන් කොටසක් ( බද්දක් ) මැණික් සංස්ථාවට හම්බෙන අතර ඉතුරු ටික අයිතිකරුට හම්බෙනව.

මැණික් තියෙන්නෙ රත්නපුරේ විතරක් නෙවෙයි.ලංකාවෙ ඕනිම දිස්ත්‍රීක්කෙක මැණික් තියෙනව.හැබැයි බහුලවම තියෙන්නෙ රත්නපුරේ

මේ වගේ ලොකු ගල් හම්බෙන අය වාසනාවන්තයි වගේම ජීවිත කාලයම මැරිලමැරිල,හකු පෑදෙනකං වැඩ කරලත් රුපියල් 1000 ක මැනික් ගලක් හම්බෙන්නෙ නැති මිනිස්සුත් ඉන්නව

මැණික් කියන්නෙ මැණික් ගරන මිනිස්සුන්ට අනුව වාසනාවට හම්බෙන දෙයක්.

උඹට මට මේකෙන් ලැබුනෙ නැතත් රටක් විදියට අපි සතුටු වෙන්න ඕනි අපේ පොලවෙ මේ වගේ ස්වභාවික වස්තු හංගගෙන ඉන්න මේ රටේ ඉපදෙන්න හම්බුන එක ගැන

උපුටාගැනීමකි
📷 First Owner

26/07/2021

#කොලඹ යන්න අලුත් පාරක් 😍🌱🍃

ලංකාගම හරහා දෙනියාය නෙළුව මාරගයේ ඉදිකිරීම් කටයුතු අවසන් වෙලා තියනවා.ඒත් එක්කම කවදාවත් කෙහෙදිවත් ලබාගන්න බැරි විදියේ අත්දැකීම් ගොඩක් එක්ක මේ පාර දැන් භාවිතා කරන්න පුලුවන්.ඒ පාරේ වාහනයක් යනකොට තවමත් පොඩි උන් ගෙයින් එලියට ඇවිල්ලා බලාගෙන ඉන්නවා හරියට මම පොඩි කාලේ චොපර් යනකොට බලන් ඉදියා වගේ.දෙනියායේ ඉදන් විනාඩි 45කින් වගේ නෙලුවට යන්න පුලුවන් මේ පාරේ දිය ඇලි,ලස්සන කදු වගේම ඒ ගමේ මිනිස්සුන්ගේ ලස්සන සංස්කෘතියත් බලගන්න පුලුවන්.ඒත් එක්කම කියන්න ඕන මේ පාරේ මම තවම කොහෙදිවත් ටොෆි කොලයක්වත් දැක්කේ නෑ ඒක ඒ විදියටම රැකගෙන තියාගන්න එක අපි හැමෝගෙම වගකීමක්.

📷 First Owner
උපුටාගැනීමකි

🐘

10/07/2021

🐘
🇱🇰

Pink fox malayadi
077 439 6999
https://maps.app.goo.gl/1mBk2mw4NmGCxAxB6

📷 first owner

16/06/2021

අද ලෝක කැස්බෑ දිනයි 🐢
World Sea Turtle Day 🌎 🐢

▪️ගෙවුණු කෙටි කාල සීමාව තුල මියගිය කැස්බෑවන් 60 දෙනෙකුගේ පමණ සිරුරු මුහුදුබඩ ප්‍රදේශ වලට ගොඩ ගසා ඇත..

▪️මියගිය සිරුරු 60ක් ගොඩ ගැසුවානම්, ගොඩ නොගැසූ...කිසිම පුද්ගලයෙකුගේ ඇස නොගැටුණු..මහා සාගරය තුලදීම තවත් මත්ස්‍යන්ට ආහාරයක් වූ ප්‍රමාණය කොපමණ ප්‍රමාණයක් විය හැකිද ?

▪️කැස්බෑවකුගේ සාමාන්‍ය ආයු කාලය අවුරුදු 100කට අධික වන අතර ඇතැම් කැස්බෑවන් අවුරුදු 400ක් පමණ ජිවත් වේ

▪️කැස්බෑවන් පිලිබද තොරතුරු බිදක් :

සාගරයේ වෙසෙන ජීවීන් අතරින් කැස්බෑවා (Chelonioidea) සුවිශේෂී සත්වයෙකි.මෙම සත්වයා සාගරයේ ජීවත්වන උරගයකු ලෙසද හඳුන්වයි.වායුගොලයේ ඔක්සිජන් ස්වසනය කරන සාගරයේ ජීවත් වන මොවුන් වසර දශ ලක්ෂ සියයකටත් ඈත අතීතයේ සිට පරිණාමය වෙමින් වර්තමානය දක්වා ගමන් කර ඇති බව විද්‍යාත්මක සාධක මගින් සනාථ වෙයි.පෘථිවිය මත ජීවත් වන සාර්ථක ජීවී කණ්ඩායමක් ලෙස කැස්බෑවුන් පිළි ගැනේ.මොවුන්ගේ ශරීර උෂ්ණත්වය පරිසර උෂ්ණත්වය අනුව වෙනස් වන බැවින් උදය කාලයේදී සාගරය මතුපිටට පැමිණ සූර්ය කිරණ මගින් උෂ්ණත්වය වැඩි කර ගනී.මොවුන් පෙනහලු මගින් වාතය ආශ්වාස ප්‍රශ්වාස කරයි.කැස්බෑවන් රාත්‍රිය ගෙවා දමන්නේ අක්‍රියවය.සාගර පත්ලේ ඇති ගුහා හෝ පැලුම් තුළට වී නිදා ගැනීම සිදු කරයි..

මුහුදු කැස්බෑ විශේෂ :

▪️දාර කැස්බෑවා
▪️ගල්/ වැලි කැස්බෑවා
▪️පොතු/ ලෙ‍ලි කැස්බෑවා
▪️ඔලුගෙඩි කැස්බෑවා
▪️මඩ/ බටු කැස්බෑවා
▪️කෙම්ප් රිඩ්ලි කැස්බෑවා
▪️කොළ කැස්බෑවා

ඉහත සදහන් කළ කැස්බෑ විශේෂ අතරින් කැස්බෑවුන් වර්ග කිහිපයක් ලංකාව ආශ්‍රිත වෙරළ තීරයේදී නිරීක්ෂණය කළ හැකි වේ. ලංකාවේ බූන්දල ජාතික උද්‍යානයේ දකුණු සීමාව, බලපිටිය, මන්නාරම දකුණු වෙරළ, නැගෙනහිර කුච්චවේලි සිට කෝකිලායි දක්වා සහ කොඩයිමුඩෙයි සිට කච්චතිවු දක්වා වෙරළ තීරය , යාපනය අර්ධ ද්වීපය කැස්බෑවන් බිත්තර දමන වෙරළ තීරයන් වේ. මේ වන විට ශ්‍රී ලංකාවේවෙරළ තීරයට බිත්තර දැමීම සඳහා පැමිණෙන කැස්බෑවන් වර්ග පහක් හඳුනා ගෙන ඇත..එනම්..

▪️ඔලුගෙඩි කැස්බෑවා
▪️ගල්/ වැලි කැස්බෑවා
▪️දාර කැස්බෑවා
▪️බටු කැස්බෑවා
▪️පොතු/ ලෙ‍ලි කැස්බෑවා

▪️දාර කැස්බෑවා

දාර කැස්බෑවා තුන්දානි කැස්බෑවා, වවුල් කැස්බෑවා හා දකුණු පළාතේදී නැව් කැස්බෑවා ලෙස ද හැඳින්වෙයි. දාර කැස්බෑවාගේ ප්‍රධාන ආහාරය ජෙලි මසුන්(ලොඩියන්) වේ. ඊට අමතරව මාලු, ඉස්සන්, පොකිරිස්සන්, කකුලුවන්, මුහුදු බෙල්ලන් ද ආහාරයට ගනු ලැබේ. දාර කැස්බෑවා ගොදුරු සොයා ගැනීමට කි.මී. දහස් ගණනක් දුර ගමන් කරයි. ශරීර උෂ්ණත්වය පාලනය කර ගැනීමේ හැකියාව නිසා සීතල සාගරයේ වුවද පිහිනා ගොස් ආහාර සොයා ගැනීමට හැකි වී තිබේ.කැස්බෑ වර්ග අතරින් විශාලම වර්ගය ලෙස දාර කැස්බෑවා හැඳින්විය හැනි අතර ‍මොවුන්ගේ සාමාන්‍ය බර කි.ග්‍රෑ.600ක් පමණ වේ.දාර කැස්බෑවන් සියයක් පමණ ලංකාව අවට මුහුදු සීමාවේ ජීවත් වේ..

▪️ඔලුගෙඩි කැස්බෑවා

අනෙක් කැස්බෑ වර්ග හා සැසදීමේදී විශාල හිසක් සහිත වීම නිසා ඔලුගෙඩි කැස්බෑවා යන නමින් හැදින්වේ.මීටරයක් පමණ දිගට වැඩෙන ඔලුගෙඩි කැස්බෑවා සාමාන්‍යයෙන් කි.ග්‍රෑ.180ක් පමණ බරකින් යුතු වේ. ඔලුගෙඩි කැස්බෑවා එකවර බිත්තර 150ක් පමණ දමයි. ඔලුගෙඩි කැස්බෑවාගේ කටුව හදවතක හැඩය ගනී. මෙම ඔලුගෙඩි කැස්බෑවාගේ මාංශ මිනිසුන්ට අහිතකර නිසා මිනිසුන්ගෙන් වන තර්ජන අවම වේ..

▪️ගල් කැස්බෑවා

ගල් කැස්බෑවා ඉංග්‍රීසි භාෂාවෙන් ග්‍රීන් ටර්ටල් ලෙස හඳුන්වයි. එයට හේතුව මෙම කැස්බෑවාගේ කටුවට යටින් ඇති කොළ පැහැති මේද ස්තරයයි. මෙම මේද ස්තරය සුප් සෑදීමට යොදා ගන්නා නිසා ගල් කැස්බෑවුන් වඳ වීමේ තර්ජනයට මුහුණ පා සිටී. මීටර් 1ක් පමණ දිග ගල් කැස්බෑවා කි.ග්‍රෑ.180ක් පමණ බරින් යුතු වේ. කුඩා කාලයේ මාංශ භක්ෂක වන අතර වැඩුණු පසු ඇල්ගා ශාක මත යැපෙන ශාක භක්ෂකයින් බවට පරිවර්තනය වේ..

▪️බටු කැස්බෑවා

කැස්බෑවුන් අතර කුඩාම කැස්බෑ විශේෂය ලෙස බටු කැස්බෑවා හැඳින්වෙයි. දිග සෙ.මී.45ක් පමණ වන අතර බර කි.ග්‍රෑ.40ක් පමණ වේ. ශ්‍රී ලංකාවේ ඉඳුරුව, කොස්ගොඩ, රැකව, බූන්දල, යාල ආශ්‍රිත ප්‍රදේශවල වෙරළ තීරයේදී බටු කැස්බෑවා දැකිය හැක. බටු කැස්බෑවා සාගර ප්‍රදේශය ආසන්නයේ බිත්තර දමයි. බිත්තර මුහුදට ගසා ගෙන යාමේ හැකියාව වැඩි නිසා බිත්තර රැක ගැනීම අපහසු වී ඇත..

▪️පොතු කැස්බෑවා

පොතු/ලෙ‍ලි කැස්බෑවා කැස්බෑ පවුලේ ආකර්ශනීයම සාමාජිකයා ය. උකුස්සකුගේ හොටයක් ආනාරයට හිස සැකසී ඇත. මේ හේතුව නිසා පොතු/ ලෙ‍ලි කැස්බෑවා හොක්ස් බිල් ටර්ට්ල් ලෙස ද හඳුන්වයි. පොතු/ ලෙ‍ලි කැස්බෑවාගේ පිට කටුවේ ඇති ආකර්ෂණය නිසා බොහෝ විට මෙම පොතු/ ලෙ‍ලි කැස්බෑවාගේ කටුව ඔප දැමීමෙන් විසිතුරු භාණ්ඩ නිපදවීමට බොහෝ පුද්ගලයෝ පුරුදු වී සිටිති.දීර්ඝ කාලයක් තිස්සේ විසිතුරු භාණ්ඩ නිපදවීමට මෙම සතුන් දඩයම් කිරීම නිසා වර්තමානයේදී මොවුන් දුර්ලභ කැස්බෑ විශෙෂයක් බවට පත් වී තිබේ..

08/06/2021

අද ලෝක සාගර දිනයයි 🐬🐙🦀🐋

ඔබ දන්නවාද ?

ලෝකයේ රටවල් අතරින් අප කුඩා රටක් වූවාට මහා සාගරයට කැලි කසළ මුදා හරින රටවල් අතරින් අප පස් වන ස්ථානයේ ඉන්නා බව..

ඒ මුදා හරින කැලි කසළ ප්‍රමාණය වසරකට මෙට්‍රික් ටොන් මිලියන 34 ක් බව

ඉන්දියන් සාගරයේ මුතු ඇටය ලෙස විරුදාවලිය ලත් අප මාත භූමියේ සුන්දරත්වය රදා පවතින්නේ මේ මහා සාගරය මතයි..එය රැක ගැනීම අපගේ යුතුකම හා වගකීම නොවන්නේද ?

🐘

05/06/2021

අද ලෝක පරිසර දිනයයි..🌲🍃🍂
Today is World Environment Day...🌲🍃🍂

අපගේ ජීවනාලිය වන් පරිසරය රැකගැනීම ඔබ අප කාගේත් වගකීමයි...පරිසරය සුරැකීමට ඔබට හැකි පමණින් හෝ දායක වෙමු
It is the responsibility of each and every one of us to protect the environment which is our lifeline ... Contribute as much as you can to protect the environm

📷 First owner

02/06/2021

නැව ගිලෙන්න පටන් අරන්

අනතුරට පත්වූ MV එක්ස්ප්‍රස් පර්ල් නෞකාවේ පිටුපස කොටසේ ඇති වූ ජල කාන්දුවක් හේතුවෙන් නෞකාව මේ වන විට ගිලෙමින් පවතීන බව සමුද්‍රීය පරීක්ෂණ අධිකාරිය පවසනවා

ගිනි ගැනීමට ලක්වූ ‘එක්ස්ප්‍රස් පර්ල්’ නෞකාව ගැඹුරු මුහුදට ඇදගෙන යාම මේ වන විට ආරම්භ කර තිබේ..

උපුටාගැනීමකි

01/06/2021

මෑත ඉතිහාසයේ බිහිසුණුම පාරිසරික ඛේදවාචකය

ගිණි දැල් නිවුණු Express pearl

27/05/2021

බොහෝ විට තව පැය කීපයකින් මෑත ඉතිහාසයේ සිදු වූ ලොකුම සමුද්‍ර හානියේ බලපෑම ලෝකෙට ඉතුරු කරමින්

සමුද්‍ර ජීවිත මිලියනගානක් එක්ක බටහිර මුහුදු කලාපයම මලගමක් කරල
Xpress Pearl නෞකාව මුහුදු පතුලට ගිලිල යයි..

එසේ උනොත් තව අවුරුදු ගානක් යනකන්.සොබාදහමෙන් යැපෙන මිනිසා ඇතුලු සියලුම ජීවින්ට මේ සංහාරයේ පලවිපාක විඳින්න වෙයි .
සියල්ල සිදුවී හමාරයි. ඉතිරිව ඇත්තේ පසුතැවීමක් පමනයි .

උපුටාගැනීමකි

24/01/2021

#බෝඹුරු_ඇල්ල

බදුල්ල ද්‍රිස්ත්‍රික්කයේ ඌව පරනගම ප්‍රදේශයේ පිහිටා ඇති මනරම් දිය ඇල්ලකි. නුවරඑළිය නගරයේ සිට බෙහෙවින් වංගු සහිත මාර්ගයක කිලොමීටර් 14ක් දුරින් පිහිටා ඇත.. ශ්‍රි ලංකාවේ පලළින් වැඩිම දියඇලි අතර මුල් තැනක් ගන්නා මෙය ⁣දෙස් විදෙස් සංචාරකයන්ගේ ඉහලින් ආකර්ශනය දිනාගත් දිය කොමළියකි. කුඩා අඩි පාරක් දිගේ ජල පහරවල් ගස් මුල් අතරින් ඇල්ල වෙත ගමනය දුශ්කරය තවද කූඩැල්ලන් බෙහෙවින් සිටින නිසා ගමන තවත් දුශ්කර වූවත් අවට වටපිටාව නිසා කිසිදු මහන්සියක් නොදැනෙන ගමනකි...ඇල්ලේ එක් අන්තයකින් හරිතවන් තනපිටිය මෙහි ආකර්ශනය තවත් වැඩි කරයි.

It is a beautiful waterfall located in the Uva Paranagama area of the Badulla District..Located 14 km from Nuwara Eliya on a very winding road..The waterfall along the small footpath makes it difficult to reach the waterfall through the tree roots and the journey is more difficult due to the presence of leeches, but the surroundings make it a tireless journey..The green meadows at one end of the falls add to the attraction.

🇱🇰

🐘

📷 First Owner

Location : https://maps.app.goo.gl/DnMK9P2mnWAzmz7b6

23/01/2021

#යාපහුව_රාජධානිය

ලක්දිව ප්‍රෞඩත්වය

🇱🇰

🐘

📷 First Owner

Location : https://maps.app.goo.gl/kG5UPB11193EFWu68

22/01/2021

#උතුම් ශ්‍රී පාදස්ථානය

සුරරද සමන් සමගින් සුරඟන එවර
පැහැනද මාදාරා පරසතු මල් පතර
කර පුද වඳින රැඳි මුණි සිරිපා තඹර
සකිසඳ පෙනේ සමනළ ගල නැගෙනහිර

බුදුන්වහන්සේගේ පහස ලද අති උතුම් ශ්‍රී පාදස්ථානය හා ඒ අධි සංවේදී පරිසර කලාපය ආරක්ෂා කර ගැනීම ඔබ අප කාගේත් යුතුකමකි..ඔබ රැගෙන යන සියල්ල ගෙන එන්න..ඔබේ පා සටහන් පමණක් තබා එන්න..

🇱🇰

🐘

📷 First Owner

Location : https://maps.app.goo.gl/P289HGyG9f55ZPH76

20/01/2021

#තල්පේ_මුහුදු_වෙරළ

යාළුවෝ එක්ක නිදහසේ ජිවිතේ විදින්න හොදම තැන ❤..ඒ වගේම ඉකිරි ඇනුන අයත් දන්නවා ඇති ඒ හැගීම 😀 යන්නම ඕනි තැනක් තමා 😍

🇱🇰

🐘

📷 First Owner

Location : https://maps.app.goo.gl/LmJfeasGipUNjT6t7

19/01/2021

#සිංහරාජය ලෝක උරුම වනෝද්‍යානය

සිංහරාජ වනෝද්‍යානය ශ්‍රී ලංකාවේ මධ්‍යම කදුකරයේ නිරිත දිගින් පිහිටි රක්වාන කදුවැටියේ උස මීටර 300-1170 සීමාවේ, හේක්ටයාර 11250 ක පැතිර පවතින ජාතික වන වනෝද්‍යානයකි. එය අන්තර්ජාතික අවධානයට ලක් වී ඇති අතර යුනෙස්කෝව විසින් ජෛවගෝල රක්ෂිතයක් සහ ලෝක උරුම අඩවියක් ‍ලෙසට නම් කොට ඇත.

🇱🇰

🐘

📷 First Owner

Location : https://maps.app.goo.gl/QwRgiB8s4AQ91E4V9

17/01/2021

#සීතාවක_උද්භිද උද්‍යානය

කොළඹට නුදුරින් පරිසරය විදින්න හොදම තැන

🇱🇰
🐘

📷 First Owner

Location : https://maps.app.goo.gl/oDJErczK4FnUEREK9

13/01/2021

අලි කොටි වලසුන්ගේ රජදහනක්ව වන යාල ජාතික උද්‍යානය බොහෝ සංචාරකයන්ගේ සුන්දර ගමනාන්තයක් ලෙස හැදින්විය හැකිය.වර්ෂ 1938 ජාතික වනෝද්‍යානයක් ලෙස නම් කරන ලද මේ උද්‍යානය වර්ග කිලෝමීටර 979 පුරා විහිදී ඇති අතර එය කුරුලු විශේෂ 215කට,ක්ශීරපායී විශේෂ 70කට,උරග විශේෂ 47කට හා මත්ස්‍ය විශේෂ 21 කට වාසස්ථාන සපයයි. සතුන් මෙන්ම එම පරිසර පද්ධතියේ තිබෙන ජෛව විවිධත්වය නිසාම බොහෝ දේශීය මෙනම විදේශීය සංචාරකයන් බොහෝ දෙනෙක් සෑම දිනකම මේ උද්‍යානය නැරඹීම සඳහා පැමිනෙයි.එමෙන්ම වන සත්ව ඡායාරූප ශිල්පීන් අතර විශේෂ තැනක් මේ ජාතික වනෝද්‍යානයට හිමි වෙයි.පරිසර විඳින්න කැමති ඔබටත් ආරාධනා කරනවා එන්න යාල ජාතික වනෝද්‍යානයේ අසිරිය විඳින්න.

යාල සෆාරි හා වැඩි විස්තර සඳහා අමතන්න 0770882944

https://www.facebook.com/yalasafarigamedrives/

Half day safari 05.00-10.00am or 1.30-6.00pm maximum 6 person per jeep
Full day safari 05.00am to 06.00pm

🇱🇰
🐘

📷 First Owner

Location : https://maps.app.goo.gl/NaUKP1ggc8p28VXw7

10/01/2021

#කොත්මලේ_මහවැලි_මහා_සෑය

මහවැලි මහා සෑය යනු ශ්‍රී ලංකාවේ කොත්මලේ ප්‍රදේශයේ ඉදිකරන ලද ස්ථූපයකි. 1980 දශකයේ මුල්භාගයේ මහවැලි සංවර්ධන වැඩසටහන යටතේ කොත්මලේ ජලාශය ඉදිකිරීමේදී ඊට යටව ගිය පූජා ස්ථාන සිහිපත් කිරීම වෙනුවෙන් ස්ථූපයක් ඉදිකල යුතු බවට හිටපු මහවැලි සංවර්ධන අමාත්‍යවරයා සහ විපක්ෂ නායකවරයා වූ ගාමිණී දිසානායක මහතා විසින් අදහස් කිරීමෙන් අනතුරුව මෙම ස්තූපයෙහි වැඩකටයුතු ආරම්භ කරන ලදී. ඉදිකිරීම් නිමවන ලද ස්තූපය නිරාවරණය කිරීම 2016 ජූනි 20වන දිනදී ජනපති මෛත්‍රීපාල සිරිසේන සහ අග්‍රාමාත්‍ය රනිල් වික්‍රමසිංහ මහත්වරු විසින් සිදුකරන ලදී.

උපුටා ගැනීමකි

🇱🇰

🐘

📷 First Owner

Location : https://maps.app.goo.gl/zSAhfCY8NNxeoP169