PP Travels&Tours

07/11/2024

🇲🇲🇲🇲🇲🇲

12/10/2024

ပိုက်ဆံပေါလွန်းလို့ မဟုတ်ပဲ အချို့ သောသူတွေ
ဘာကြောင့်ခရီးတွေသွားနေကြတာလဲ။

အချို့သောသူတွေက ပိုက်ဆံလည်းချမ်းသာလွန်းတာမဟုတ်ပဲ ခရီးတွေ တချိန်လုံးထွက်နေတာ ကြုံဖူးကြမှာပါ။ ကိုယ်က ခရီးလည်းသွားချင်တယ် ၊ ဘာကြောင့်သူတို့ ခရီးတွေ အဲ့လိုသွားဖစ်နေတာလဲ ဆိုတာကို စိတ်ဝင်စားမိတယ်ဆိုတဲ့ မိတ်ဆွေတွေအတွက် ဒီပို့စ်လေးကို ရည်စူးပြီး ရေးလိုက်ရပါတယ်။

(၁) မနက်ဖြန်ဆိုတာ မရေရာတဲ့အတွက်။

ပိုက်ဆံတွေ အများကြီးရှိရင် သွားမယ် ၊ အလုပ်အကိုင်တွေ အခြေကျရင် သွားမယ် ၊ ရာထူးတက်ရင် သွားမယ် ၊ အသက်ကြီးလာလို့ အနားယူတဲ့အခါ သွားမယ် ၊ ဘွဲ့ ရပြီးရင် သွားမယ် ၊ သူငယ်ချင်းတွေ အကုန်လုံးအားတဲ့အခါ သွားမယ် ဆိုပြီး အကြောင်းအမျိုးမျိုး တွေ ပြပြီး ခရီးသွားဖို့ အချိန်ကို ကျွန်တော်တို့ ဆွဲထားတတ်ကြပါတယ်။ အဲ့လိုမျိုး အချိန်တွေ ကျွန်တော်တို့ ဆွဲထားရအောင် နံနက်ဖြန်မှာ ကျွန်တော်တို့ အသက်ရှင်နေအုန်းမယ်၊ ကျန်းမာကြံ့ ခိုင်နေအုန်းမယ် လို့တွေးထားရင် ကျွန်တော်တို့ မိုက်ရူးရဲဆန်ရာ ကျသွားမှာပေါ့ဗျာ။

(၂) “နောင်တဆိုတာ လုပ်လိုက်လို့ ရတာထက် မလုပ်လိုက်လို့ရတာ ပိုများပါတယ်။”

အခုချိန်မှာသာ ရုတ်တရက် ကျန်းမာရေးအခြေအနေကြောင့် ခုတင်ပေါ် ဘုံးဘုံးလဲနေခဲ့ရင်
ကျောစိမ့်အောင် အေးတဲ့
ပုဂံဆောင်းရာသီ နေထွက်ချိန်မှာ
ကောင်းကင်ပေါ် တက်လာတဲ့ မီးပျံပူဖောင်းကြီးတွေကို အဓိပ္ပါယ်မရှိစွာ မငေးမောခဲ့ရတဲ့အတွက် နောင်တရမိမှာ ၊
နိုင်ငံခြားတိုင်းပြည်တခု၏ လမ်းထောင့်လေးက ကော်ဖီဆိုင်မှာ အူကြောင်ကြားထိုင်နေရင်း ဘေးက လူတစ်ယောက်နဲ့ ဟိုဟိုဒီဒီတွေ လေ ျှာက်ပြောရင်း စကားလက်ဆုံကြမိခဲ့ပြီး
နှစ်ပေါင်းများစွာ ရင်းရင်းနှီးနှီးခင်ရတဲ့ မိတ်ဆွေတစ်ယောက် မကြုံတွေ့ခဲ့ရတဲ့အတွက် နောင်တရမိမှာ၊
ကိုယ်ချစ်ရတဲ့သူနဲ့ တောင်ပေါ်က တိမ်တွေအပေါ်မှာ လည်နေတဲ့ ချားရဟတ်လေးကို
ဘယ်နှခေါက်မှန်းမသိ စီးခွင့်မရခဲ့တဲ့အတွက် နောင်တရမိမှာ၊ တောတောင်တွေထဲမှာ တစ်ယောက်တည်းလမ်းလျှောက်ရင်း
မိမိအနာဂါတ်အတွက် ခိုင်မာတဲ့ ဆုံးဖြတ်ချက်တွေ
မချမိခဲ့တဲ့အတွက် နောင်တရမိမှာ……

မသွားရင် ဘာမှဖြစ်လာမှာ မဟုတ်ပါဘူး။
သွားကြည့်မှ လုပ်ကြည့်မှ စမ်းကြည့်မှ
ဘယ်အရာနဲ့မတူတဲ့ အတွေ့အကြုံတွေကို
ခံစားမိတဲ့အခါ ကိုယ်သာ ဒီလိုမလုပ်ခဲ့ရင်
ဒါတွေနဲ့ ဝေးရချည်သေးရဲ့ ဆိုပြီး
တစ်ယောက်တည်းကြိတ် သက်ပျင်းချပြီး
တော်ပါသေးရဲ့ ငါလုပ်ခဲ့လို့ ဆိုတဲ့ အခိုက်အတန့်တွေ အများကြီးလည်း ရှိခဲ့ပါသေးရဲ့ ။

(၃) ကိုယ်တိုင်ခံစားဖူးမှ တကယ်သိမှာပါ။

ပဲရစ် ရထားဘူတာကြီး အဝမှာ
ခွဲခွာရမယ့် ချစ်သူ ၂ ဦး ဖက်ပြီးငိုဆွေးနေတာကိုကြည့်ပြီး သင် အချစ်ဆိုတဲ့ အရာကို
နွေးနွေးလေးခံစားမိမှာပါ။
အခြားနိုင်ငံခြား ခရီးသည် ဘယ်သူမှမရှိတဲ့ နှစ်ပေါင်းထောင်ချီသော ရှေးဟောင်းဘုရားကျောင်းအဝင်လမ်းမှာ ရိုးရာတူရိယာလေးကို ငြိမ့်ညောင်းစွာ တီးခတ်နေတာကို ခံစားရင်း လောကကြီးကို သင်ခဏလေးတော့ မေ့သွားမှာပါ။

ခရီးသွားနေရင်း ပိုက်ဆံ အိပ်ကပ်ထဲမှာ ၅ ဒေါ်လာပဲကျန်တဲ့အခါ ဘယ်နည်းနဲ့ဖြစ် ပိုက်ဆံရောက်အောင်လွှဲပေးခဲ့တဲ့ သူငယ်ချင်းတစ်ယောက်ရဲ့ သင့်အပေါ်ထားတဲ့ စေတနာနဲ့ စိုးရိမ်မှုတွေကို သိရှိခံစားမိမှာပါ။

အဲ့ဒီလို လှပတဲ့ခံစားချက်တွေကို သင်ကိုယ်တိုင်မှလွဲပြီး အခြားဘယ်သူမှနားလည်အောင် ရှင်းပြလို့လည်း ရမှာမဟုတ်ပါဘူး။
ကိုယ်တစ်ယောက်တည်းပဲ ဖီးလ်လို့ရတဲ့ ခံစားမှုမျိုးတွေပေါ့ဗျာ။

(၄) အားလုံးနဲ့ဝေးရာ ခဏတာ ထွက်သွားပါရစေ။

နေ့ခင်း ထမင်းဆိုင်မှာ ဟင်းမှာရင်တောင်
ဝက်သား၊ အမဲသား မစားတဲ့သူတွေပါလာတဲ့အခါ အားလုံးစားလို့ရမယ့် ဟင်းမျိုးကိုမှာခဲ့ရတယ်။ ကိုယ်စားချင်နေတဲ့ ဟင်းလေတွေကို တခါတရံ အံ့ကြိတ်ပြီး ခဏမေ့ထားခဲ့ရတာပေါ့။

ကိုယ်မကြိုက်တဲ့သူတွေကို အလုပ်သဘောတရားအရ၊ လူမှုရေးသဘောတရားအရ မပြုံးချင်တောင် မဲ့လို့မရပဲ ပြောဆိုဆက်ဆံရတာ များလာတော့လည်း ရင်ထဲမှာ မောမောလာတယ်။

ကိုယ်ချစ်ရတဲ့သူတွေနဲ့ ကျတော့လည်း သူတို့ရဲ့ အကြိုက်လေးတွေကို လိုက်ရင်းလိုက်ရင်း ကိုယ်ဘာကြိုက်တတ်လဲတောင် မေ့တတ်လာခဲ့တာတောင် အတော်ကြာခဲ့ပါပြီ။

ကိုယ်ဆိုတာကို ခဏမေ့ထားပြီး သူတို့ ဆိုတာကြီးကို ဦးစားပေးရင်း ပျောက်ကွယ်သွားတဲ့ “ကိုယ့်” ကို ပြန်လည်ရှာဖွေတွေ့ ရှိနိုင်ဖို့ အားလုံကို ခဏပစ်ထားပြီး အဝေးသို့ ထွက်သွားခဲ့မိပါတယ်။

(၅) ခရီးသွားခြင်းက ဆေးဝါးအချို့လိုပဲ
လူကို စွဲလမ်းစေတတ်ပါတယ်။

တစ်ယောက်တည်း သွားချင်တဲ့နေရာသွား ၊ စားချင်တာတွေစား၊ လုပ်ချင်တာတွေလုပ်ပြီး ပျော်ရွှင်မှုတွေ အများကြီးခံစားရတဲ့အခါ နောင်ကိုမသွားပဲ မနေနိုင်လောက်အောင် စွဲလမ်းလာပါတယ်။

လူနေထိုင်မှုပုံစံအသစ်တွေ၊ ရာသီဥတုကောင်းကောင်းလေးတွေ၊ တပ်မက်ဖွယ်ကောင်းတဲ့ အစားအသောက်တွေ၊ မျက်လုံးထဲကမထွက်တော့တဲ့ ရှုခင်းလှလှလေးတွေ ကိုကြုံတွေ့ပီးတဲ့အခါ ပိုပြီးသွားချင်လာတယ်၊ ပိုပြီးနားလည်ချင်လာတယ်၊ ပိုပြီးစမ်းသပ်ချင်လာပါတယ်။

တစ်မြို့ ပြီး တစ်မြို့ ၊ တစ်နိုင်ငံပြီး တစ်နိုင်ငံ၊ တစ်နေရာပြီး တစ်နေရာကို သွားဖို့စီစဉ်မိနေတော့တာပါပဲ။ အဲ့လိုသွားနိုင်ဖို့လည်း အရင်ကထက် ၃ ဆလောက်အလုပ်ပိုလုပ်လာရပါတယ်။

အသုံးအဖြုန်းတွေလည်းတတ်နိုင်သလောက်လေ ျှာ့လာရပါတယ်။ တစ်ချိန်လုံး ခေါင်းထဲမှာ ဘယ်နေရာအသစ်တွေ ထပ်သွားရင် ကောင်းမလဲစဉ်းစားနေတဲ့အထိကို ဖြစ်လာတော့တာပဲဗျာ။

ခရီးသွားခြင်းလို့ပြောတဲ့အခါ အချို့တွေက အများသွားလေ့ရှိတဲ့ နာမည်ကြီး နေရာလေးတွေလောက်သာ ရွေးသွားပြီး ဓါတ်ပုံလေးတွေရိုက် အခြားသူများ အထင်ကြီးအားကျအောင် လုပ်ချင်တဲ့အချက်ကြောင့် ခရီးသွားတာကိုတော့ အပေါ်မှာ ထည့်မရေးထားတာကို သတိထားမိမှာပါ။ ထိုအချက်ကို မကောင်းဘူးလို့တော့ မပြောချင်ပါဘူး။ ဒါကတော့ လူတစ်ယောက်ချင်းစီရဲ့ လွတ်လပ်ခွင့်နဲ့ လုပ်ပိုင်ခွင့်ပဲလေ။

ဒါပေမယ့် ခရီးသွားခြင်း အနုပညာက
ထိုအကြောင်းအရာတစ်ခုထဲထက် များစွာပိုတာမို့ အားလုံးပဲ စစ်မှန်သောပျော်ရွှင်မှုနဲ့ ဘဝအတွက်အထောက်အကူပြုသော သင်ယူမှုများ ရရှိနိုင်တဲ့ ခရီးသွားခြင်းမျိုး ဘဝမှာ များများပြုလိုက်နိုင်ပါစေလို့ စိတ်ရင်းအမှန်နဲ့
ဆုမွန်ကောင်းတောင်းပေးလိုက်ရပါတယ်။

စာကြွင်: ။ ။ လှပသောအရာတွေက အသိအမှတ်ပြုခံရအောင် လုပ်မနေပါဘူး. (“Beautiful things do not ask for attentions.”)



PP Travels&Tours

01/09/2024

03/08/2024

PV (visitor passport)တွေ
လေဆိပ်မှာ
ထွက်ခွင့်ပိတ်လိုက်တာလား ဆိုတာ
မဟုတ်ပါဘူးရှင်
Visitor အဖြစ်အလည်သွားတဲ့သူများ
#မှတ်ပုံတင်
Booking
ticket
Money ($500 or ထိုင်း B20000 ကို
cash in hand လက်ဝယ်ပြရပါမယ် )

ထို လေးခု ကိုင်ဆောင်လာပေးပါရှင်
မပြည့်စုံရင် မရပါဘူးရှင် … ❌

Visitor passport များ
Job Visa ဖြင့်သွား၍မရပါ ❌

PJ (Job passport) များကတော့
OWIC ကဒ်ပါရင်ရပါတယ်… ✅

Student Visa ဖြင့်ကျောင်းသွားတက်သူများ
ကျောင်းနဲ့ဆိုင်တဲ့
စာရွက်စာတမ်းတွေလိုပါတယ် ✅

PS ( seaman ) များကတော့
အရင်လိုပဲ ထွက်စာ DO ပါရင်ရပါတယ် ✅

ငါတို့က ဟိုးအရင်ထဲက သွားဘူးတယ်
တသက်လုံးသွားနေတာ ဆိုတဲ့
ဆရာ့ ဆရာ့ကြီးများကိုလည်း
Show Money က စစ်ပါတယ်နော် 😐😐
ကြောက်လို့ကြိုပြောထားပါတယ်ရှင့် .. 🥲

#မူရင်းရေးသားသူ

11/06/2024

မင်မင်ကတော့ 100 အပြည့်ရတယ်
ဘယ်သူတွေဘယ်လောက်ရလဲ မန့်ပေးခဲ့ပါဦးနော််

20/04/2024

လေယာဉ်စီးတဲ့အခါ အသုံးဝင်စေဖို့ပါရှင်

17/04/2024

လေယာဉ်နဲ့ ခရီးသွားရင် ဘာတွေ လိုအပ်လဲ ✈️✈️

🌹🌹🌹🌹🌹

1. Airticket ကို ကြိုဖြတ်ပါ ( တလလောက် ကြိုဖြတ်ရင် ပုံမှန်ဈေးနဲ့ ရပါတယ်)ရက်နီးလေ ဈေးကြီးလေပါ

2. လေယာဉ်လက်မှတ် ကြိုဝယ်တဲ့ အခါ Kg 30/40 ပါတာမျိုးကို တခါတည်း ရွေးဝယ်ပါ လေဆိပ်ရောက်မှ Kg ဝယ်ရရင် အရမ်းဈေးကြီးပါတယ်

3. လေယာဉ်မထွက်မှီ International ဆို 3 နာရီ ကြိုရောက်အောင် သွားပါ / Local ဆို 2 နာရီ ကြိုသွားပါ
( ထိုင်ခုံနေရာ ကောင်းကောင်း ရွေးဖို့ အတွက်ပါ )

4. လေယာဉ်ကွင်း ရောက်တာနဲ့ Check In ဝင်ရပါမယ် Check in ဝင်တဲ့ အခါမှာ Luggage 24” & 29” & 32” တို့ကို တခါတည်း အပ်ပြီး Boarding Pass (လေယာဉ်လက်မှတ် ) ထုတ်ရမှာပါ

5. Check in ဝင်ရင်း ကိုယ်လိုချင်တဲ့ Seat Number ကို တခါတည်းပြောလို့ရပါတယ်

6. ပြတင်းပေါက် နားကို Window seat လို့ ခေါ်ပါတယ် တခါတည်း ပြောပြီး ရွေးပါ

7. (Check in ဘယ်နေရာမှာ ဝင်ရမှန်း မသိတဲ့သူတွေအတွက် --> online က ဖြတ်ထားတဲ့ E-ticket ကို Print ထုတ်သွားပါ / ကိုယ်သွားမယ့် လေယာဉ် နံပါတ် နဲ့ အချိန်ကို မှတ်ထားပြီး လေယာဉ်ကွင်းရှိ LED Board / TV screen မှာ လေယာဉ်လက်မှတ်ထုတ်ရမယ့်နေရာကို Check-In လို့ခေါ်ပြီး line no A,B,C, D စသည်ဖြင့် ရေးထားပါတယ် မျှားညွှန်တဲ့ အတိုင်း သွားရင် ရပါပြီ)

8. Check-in ဝင်ဖို့ မလိုတဲ့ ပစ္စည်းများ
✅ Laptop / Power Bank / Ph / Tablet / အခြား တကိုယ်ရေတကိုယ်ထ သယ်ချင်တဲ့ ပစ္စည်းများ

9.. Check-in မှာ ထားခဲ့စရာမလိုတဲ့ Luggage Size (လေယာဉ်ပေါ် သယ်သွားလို့ ရတဲ့ size)
📌ပြည်ပ ဆိုရင် 20”/ 22” (7kg)
📌ပြည်တွင်း ဆိုရင် 20” (5kg)

10. Check In ပြီးတာနဲ့ Immigration ဖြတ်ရပါမယ်ရှင့် ( International မှာ ခလေးပါရင် ဦးစားပေး အခန်းရှိပါတယ် အာ့ဘက်မှာ သွားတန်းစီပါ ခလေးနဲ့ သက်ကြီးရွယ်အို ကို သီးသန့် Immigration စစ်ပေးပါတယ် အရမ်းမြန်ပါတယ် တန်းစီစရာကို မလိုသလောက်ပါ) ပုံမှန်လူတွေကတော့ ပုံမှန်နေရာမှာပဲ Immigration တန်းစီပါ

11. Immigration တန်းစီနေတုန်း Passport / လေယာဉ်လက်မှတ် အသင့်ထုတ်ထားပါ လေယာဉ်ရပ်ထားတဲ့ နေရာကို ဆင်းရပါမယ် အာ့ကို Gate လို့ ခေါ်ပါတယ်

12. Gate 8/9/10 စသည်ဖြင့် ရှိပါတယ် အာ့ကို ကြည့်ပြီး ထိုင်စောင့်ရုံပါပဲ

16. Gate open လုပ်တဲ့ အခါမှာ သက်ကြီးရွယ်အိုနဲ့ Business class ကို အရင်ခေါ်ပါတယ် အာ့နောက်မှာမှ Economy က ဝင်လို့ရတာပါ
ဒီအထိက Check in ဝင်ပြီး လေယာဉ်ပေါ် ရောက်တဲ့ အထိပါ။

လေယာဉ်ဆိုက်ရောက်တဲ့ အခါ ဘယ်လိုဆက်သွားရမလဲ
- ပထမဆုံး လေယာဉ်ပေါ်က ဆင်းဆင်းချင်း Baggage Claim No ကို သေချာမှတ်ပါ ( မမှတ်မိပါက ဓာတ်ပုံ ရိုက်ထားပါ) မင်မင်ဆို ပုံရိုက်ထားပါတယ်

- Immigration ဖြတ်ပါ ( International မှာ ခလေးပါရင် ဦးစားပေး အခန်းရှိပါတယ် အာ့ဘက်မှာ သွားတန်းစီပါ ခလေးနဲ့ သက်ကြီးရွယ်အို ကို သီးသန့် Immigration စစ်ပေးပါတယ် အရမ်းမြန်ပါတယ် တန်းစီစရာကို မလိုသလောက်ပါ) ပုံမှန်လူတွေကတော့ ပုံမှန်နေရာမှာပဲ Immigration တန်းစီပါ
- Immigration တန်းစီနေတုန်း Passport / လေယာဉ်လက်မှတ် အသင့်ထုတ်ထားပါ
- Immigration ပြီးတာနဲ့ Baggage Claim ဖို့ သွားပါ ( များသောအားဖြင့် လေယာဉ်ပေါ်က ဆင်းတာနဲ့ Baggage claim တဲ့ နေရာထိကို တနာရီ ဝန်းကျင်ကြာပါတယ်) အာ့မှာ ကိုယ်အပ်ထားတဲ့ Luggage ကို ထုတ်ပါ
- Luggage ထုတ်ပြီး သက်ဆိုင်ရာ Taxi / Bus / BTS စသည့်ဖြင့် အလွှာလိုက် ခွဲထားတဲ့နေရာကို သွားပါ ။

လွတ်လပ်စွာ Share နိုင်ပါတယ်။

အဆင်ပြေချောမွေ့ကြပါစေ 🙏

Crd_မူရင်းရေးသူ

13/04/2024

09/04/2024

08/04/2024

လိုရမယ်ရ ဝင်ကြည့်သွားပါဉီး....
ရန်ကုန်ကနေစသွားမယ်....
ရန်ကုန် _ ဒိုက်ဦး ၈၆ မိုင်
ရန်ကုန် _ ညောင်လေးပင် ၉၈ မိုင်
ရန်ကုန် _ ဖဒို ၁၁၅ မိုင်
ရန်ကုန် _ မဒေါက် ၁၁၀ မိုင်
ရန်ကုန် _ ရွှေကျင် ၁၁၄ မိုင်
ရန်ကုန် _ ပဲနွယ်ကုန်း ၁၂၂ မိုင်
ရန်ကုန် _ ဖြူး ၁၄၂ မိုင်
ရန်ကုန် _ ဇေယျ၀တီ ၁၄၄ မိုင်
ရန်ကုန် _ တောင်ငူ ၁၇၅ မိုင်
ရန်ကုန် _ ရေတာရှည် ၁၉၂ မိုင်
ရန်ကုန် _ ဆွာ ၂၀၁ မိုင်
ရန်ကုန် _ နေပြည်တော်(လမ်းသစ်) ၂၄၀ မိုင်
ရန်ကုန် _ နေပြည်တော်(လမ်းဟောင်း) ၂၅၀ မိုင်
ရန်ကုန် _ ပျော်ဘွယ် ၃၁၂ မိုင်
ရန်ကုန် _ မိတ္ထီလာ ၃၃၈ မိုင်
ရန်ကုန် _ တောင်သာ ၃၈၁ မိုင်
ရန်ကုန် _ မြင်းခြံ ၃၉၆ မိုင်
ရန်ကုန် _ စစ်ကိုင်း ၄၂၅ မိုင်
ရန်ကုန် _ မန္တလေး ၄၃၀ မိုင်
ရန်ကုန် _ မုံရွာ ၄၉၅/၅၁၇ မိုင်
ရန်ကုန် _ ပြင်ဦးလွင် ၄၇၂ မိုင်
ရန်ကုန် _ ရွှေဘို ၅၀၀ မိုင်
ရန်ကုန် _ တန့်ဆည် ၅၆၀ မိုင်
ရန်ကုန် _ လားရှိုး ၆၀၅ မိုင်
ရန်ကုန် _ တောင်ကြီး ၄၂၄ မိုင်
ရန်ကုန် _ လွိုင်ကော် ၃၇၇ မိုင်
ရန်ကုန် _ ရမ်းဗြဲကျွန်း ၄၀၀ မိုင်
ရန်ကုန် _ တမူး ၇၂၅ မိုင်
ရန်ကုန် _ မြစ်ကြီးနား ၉၁၉ မိုင်
ရန်ကုန် _ လက်ပံတန်း ၈၅ မိုင်
ရန်ကုန် _ ပြည် ၁၇၉ မိုင်
ရန်ကုန် _ ပေါက်ခေါင်း ၂၀၃ မိုင်
ရန်ကုန် _ အောင်လံ ၂၂၃ မိုင်
ရန်ကုန် _ ကြံခင်း ၂၄၅ မိုင်
ရန်ကုန် _ မြန်အောင် ၂၅၀ မိုင်
ရန်ကုန် _တောင်တွင်းကြီး ၂၈၀ မိုင်
ရန်ကုန် _ မကွေး ၃၃၁ မိုင်
ရန်ကုန် _ မင်းဘူး ၃၃၂ မိုင်
ရန်ကုန် _ အထက်မင်းလှ ၃၅၀ မိုင်
ရန်ကုန် _ ရေနံချောင်းဆင်ဖြူကျွန်း ၃၆၃ မိုင်
ရန်ကုန် _ ကျောက်ပန်းတောင်း ၃၉၇ မိုင်
ရန်ကုန် _ ချောက် ၄၀၈ မိုင်
ရန်ကုန် _ ပုဂံ-ညောင်ဦး ၄၃၁ မိုင်
ရန်ကုန် _ ပခုက္ကူ ၄၄၅ မိုင်
ရန်ကုန် _ မြင်းခြံ ၄၅၆ မိုင်
ရန်ကုန် _ နွားထိုးကြီး ၄၇၆ မိုင်
ရန်ကုန် _ တောင်ကုတ် ၂၇၉ မိုင်
ရန်ကုန် _ သံတွဲ ၃၂၃ မိုင်
ရန်ကုန် _ ကျောက်ဖြူ ၄၀၀ မိုင်
ရန်ကုန် _ စစ်တွေ ၆၃၄ မိုင်
ရန်ကုန်_ မအူပင် ၅၁ မိုင်
ရန်ကုန် _ အိမ်မဲ ၇၅ မိုင်
ရန်ကုန် _ မြောင်းမြ ၁၀၂ မိုင်
ရန်ကုန် _ လပွတ္တာ ၁၅၀ မိုင်
ရန်ကုန် _ ဂွ ၁၄၆ မိုင်
ရန်ကုန် _ ဆပ်သွား ၁၈၂ မိုင်
ရန်ကုန် _ ရေကြည် ၉၀ မိုင်
ရန်ကုန် _ ငသိုင်းချောင်း ၉၃ မိုင်
ရန်ကုန် _ ဟင်္သာတ ၉၆ မိုင်
ရန်ကုန် _ ထူးကြီး ၁၃၃ မိုင်
ရန်ကုန် _ ပုသိမ် ၁၁၅ မိုင်
ရန်ကုန် _ ချောင်းသာ ၁၅၀ မိုင်
ရန်ကုန် _ ငွေဆောင် ၁၄၅ မိုင်
ရန်ကုန် _ ဖျာပုံ ၆၀/၈၅ မိုင်
ရန်ကုန် _ ဘိုကလေး ၈၅/၁၀၅ မိုင်
ရန်ကုန် _ ညောင်တုန်း ၃၅ မိုင်
ရန်ကုန် _ ကျောင်းကုန်း ၇၄ မိုင်
ရန်ကုန် _ ဇလွန် ၈၇ မိုင်
ရန်ကုန် _ ကျိုက်လတ် ၇၄ မိုင်
ရန်ကုန် _ ဝါးခယ်မ ၉၃ မိုင်
ရန်ကုန် _ ကျုံပျော် ၉၆ မိုင်
ရန်ကုန် _ ရွှေလောင်း ၇၈ မိုင်
ရန်ကုန် _ ရုံးဒေါင့် ၈၀ မိုင်
ရန်ကုန် _ ကျိုက်ပိ ၈၅ မိုင်
ရန်ကုန် _ လေးမျက်နှာ ၁၁၀ မိုင်
ရန်ကုန် _ သာပေါင်း ၁၄၂ မိုင်
ရန်ကုန်_ ကျိုက်ထို ၁၁၀ မိုင်
ရန်ကုန် _ ကျိုက်ထီးရိုး ၁၁၉ မိုင်
ရန်ကုန် _ တောင်စွန်း ၁၂၀ မိုင်
ရန်ကုန် _ ဘီးလင်း ၁၂၈ မိုင်
ရန်ကုန် _ သထုံ ၁၅၂ မိုင်
ရန်ကုန် _ မုတ္တမ ၁၉၀ မိုင်
ရန်ကုန် _ မော်လမြိုင် ၁၉၄ မိုင်
ရန်ကုန် _ မုဒုံ ၂၀၈ မိုင်
ရန်ကုန် _ သံဖြူဇရပ် ၂၃၀ မိုင်
ရန်ကုန် _ ကျိုက္ခမီ ၂၄၅ မိုင်
ရန်ကုန် _ ဘားအံ ၁၈၀ မိုင်
ရန်ကုန် _ သာမည ၂၀၀ မိုင်
ရန်ကုန် _ ကော့ကရိတ် ၂၃၅ မိုင်
ရန်ကုန် _ မြ၀တီ ၂၇၉ မိုင်
ရန်ကုန် _ ရေး ၂၈၇ မိုင်
ရန်ကုန် _ ထား၀ယ် ၃၉၇ မိုင်
ရန်ကုန် _ မြိတ် ၅၅၀ မိုင်
ရန်ကုန် _ ကော့သောင်း ၇၄၅ မိုင်
-----------------------------------------
နေပြည်တော်ကနေ စသွားမယ်...
နေပြည်တော်_ ရန်ကုန် ၂၀၀ မိုင်
နေပြည်တော် _ မကွေး ၁၆၀ မိုင်
နေပြည်တော် _ မန္တလေး ၁၈၀ မိုင်
နေပြည်တော် _ ညောင်ဦး ၁၈၃ မိုင်
နေပြည်တော် _ တောင်ကြီး ၁၇၄ မိုင်
နေပြည်တော် _ မုံရွာ ၂၆၀ မိုင်
နေပြည်တော် _ တောင်ငူ ၇၅ မိုင်
နေပြည်တော် _ လွိုင်ကော် ၂၅၀ မိုင်
နေပြည်တော် _ ပြည် ၁၅၀ မိုင်
-----------------------------------------
မန္တလေးကနေ စသွားမယ်...
မန္တလေး_ တောင်ကြီး ၁၃၈/၂၀၄ မိုင်
မန္တလေး _ လားရှိုး ၁၇၅ မိုင်
မန္တလေး _ မူဆယ် ၂၈၈ မိုင်
မန္တလေး _ မိုးကုတ် ၁၁၅ မိုင်
မန္တလေး _ မင်းလှ ၂၅၀ မိုင်
မန္တလေး _ ပြည် ၃၇၃ မိုင်
မန္တလေး _ တောင်ငူ ၂၅၅ မိုင်
မန္တလေး _ ကျောက်ပန်းတောင်း ၁၅၅ မိုင်
မန္တလေး _ မိတ္ထီလာ ၉၆ မိုင်
မန္တလေး _ ပြင်ဦးလွင် ၄၂ မိုင်
မန္တလေး _ ရွှေဘို ၇၀ မိုင်
မန္တလေး _ ရေဦး ၉၅ မိုင်
မန္တလေး _ တန့်ဆည် ၁၁၀ မိုင်
မန္တလေး _ တမူး ၂၉၅ မိုင်
မန္တလေး _ ပုလဲ ၁၁၀ မိုင်
မန္တလေး _ စဉ်ကူး ၆၀ မိုင်
မန္တလေး _ မတ္တရာ ၂၀ မိုင်
မန္တလေး _ ရွေကူ ၂၄၅ မိုင်
မန္တလေး _ ဗန်းမော် ၂၇၀ မိုင်
မန္တလေး _ ထီးချိုင့် ၁၇၀ မိုင်
မန္တလေး _ မြစ်ကြီးနား ၄၈၇ မိုင်
မန္တလေး _ ကသာ ၂၃၀ မိုင်
မန္တလေး _ ကလေး ၂၁၀ မိုင်
မန္တလေး _ တကောင်း ၁၃၀ မိုင်
မန္တလေး _ သပိတ်ကျင်း ၉၀ မိုင်
မန္တလေး _ ငါးအိုး ၂၀၀ မိုင်
မန္တလေး _ ပခုက္ကူ ၁၂၅ မိုင်
မန္တလေး _ ကျောက်ဆည် ၃၀ မိုင်
မန္တလေး _ စစ်ကိုင်း ၁၂ မိုင်
မန္တလေး _ မုံရွာ ၈၀/၈၅ မိုင်
-----------------------------------------
“အစုံသုတ်”
ပဲခူး_ တောင်ငူ ၁၂၅ မိုင်
သာယာဝတီ _ ပေါင်းတည် ၆၅ မိုင်
ပေါင်းတည် _ ပြည် ၃၆ မိုင်
ပြည် _ အောင်လံ ၄၄ မိုင်
အောင်လံ _ တောင်တွင်းကြီး ၅၇ မိုင်
တောင်တွင်းကြီး _ မကွေး ၅၁ မိုင်
မကွေး _ ရေနံချောင်း ၃၂ မိုင်
ရေနံချောင်း _ ကျောက်ပန်းတောင်း ၃၄ မိုင်
ကျောက်ပန်းတောင်း _ ပုဂံ ၃၄ မိုင်
ပုဂံ _ မိတ္ထီလာ ၆၀ မိုင်
မိတ္ထီလာ _ မြင်းခြံ ၅၉ မိုင်
မြင်းခြံ _ နွားထိုးကြီး ၂၀ မိုင်
နွားထိုးကြီး _ မြစ်သား ၃၄ မိုင်
မြစ်သား _ ကျောက်ဆည် ၁၈ မိုင်
ကလော _ တောင်ကြီး ၄၂ မိုင်
တောင်ကြီး _ ကျိုင်းတုံ ၁၄၄ မိုင်
ပြင်ဦးလွင် _ သီပေါ ၃၇ မိုင်
သီပေါ _ လားရှိုး ၄၆ မိုင်
လားရှိုး _ သိန္နိ ၃၂ မိုင်
သိန္နိ _ ကွတ်ခိုင် ၁၆ မိုင်
ကွတ်ခိုင် _ မူဆယ် ၅၄ မိုင်
လားရှိုး _ ကွတ်ခိုင် ၅၄ မိုင်
မူဆယ် _ နမ့်ခမ်း ၁၉ မိုင်
သိန္နိ _ ကွမ်းလုံ ၅၃ မိုင်
မတ္တရာ _ စဉ်ကူး ၂၇ မိုင်
စဉ်ကူး _ သပိတ်ကျင်း ၃၀ မိုင်
ရွှေဘို _ မြစ်ကြီးနား ၄၁၆ မိုင်
မြစ်ကြီးနား _ မြစ်ဆုံ ၂၉မိုင် ၄ဖာလုံ
မြစ်ဆုံ _ ဆွမ်ပရာဘွမ် ၉၂ မိုင်
ဆွမ်ပရာဘွမ် _ မချမ်းဘော ၇၂ မိုင်
မချမ်းဘော _ ပူတာအို ၄၁ မိုင်
မချမ်းဘော _ နောင်မွန်း ၄၁ မိုင်
မြစ်ကြီးနား _ မိုးကောင်း ၃၂ မိုင်
ကာမိုင် _ လုံခင်း ၅၁ မိုင်
လုံခင်း _ ဖားကန့် ၇ မိုင်
မြစ်ကြီးနား _ တနိုင်း ၁၂၀ မိုင်
မြစ်ကြီးနား _ မိုးမောက် ၁၀၇ မိုင်
မိုးမောက် _ ဗန်းမော် ၉ မိုင်
စစ်ကိုင်း _ အုန်းတော ၁၅ မိုင်
အုန်းတော _ မြင်းမူ ၂၂ မိုင်
မုံရွာ _ ပခုက္ကူ ၇၂ မိုင်
မုံရွာ _ ကလေးဝ ၁၆၀ မိုင်
မုံရွာ _ ချောင်းဦး ၁၄ မိုင်
မုံရွာ _ ဘုတလင် ၂၁ မိုင်
ဘုတလင် _ စိုင်ပြင် ၁၄ မိုင်
စိုင်ပြင် _ ဒီပဲယင်း ၁၀ မိုင်
ဒီပဲယင်း _ ရေဦး ၉ မိုင်
ရေဦး _ တန့်ဆည် ၁၃ မိုင်
တန့်ဆည် _ ကံထူးမ ၁၁ မိုင်
ကံထူးမ _ ပျဉ်ကိုင်း ၃၈ မိုင်
ပျဉ်ကိုင်း _ ကလေးဝ ၄၅ မိုင်
“လိုရမယ်ရ Share ထားကြ”
Save ထားကြ
မပါတဲ့ ဟာဆိုရင်တော့... Google Map သာခေါက်ကြည့်တော့နော်....
ဟီးးး

လေးစားစွာဖြင့်

NTR Auto Parts

02/04/2024

အပူလှိုင်းဖြတ်မယ်လို့ သတိပေးထားတာ စပါပြီ

Southeast Asia နိုင်ငံအကုန်ပါပါတယ်။ မနက်ဖြန်၊ သဘက်ခါ၊ နောက်ရက် သုံးရက်ကတော့ အပူဆုံးဖစ်မယ်တဲ့။

အပူချိန် 35°C - 37°C ကြားကို သုံးရက်ဆက်တိုက်ရပ်နေရင် Level -1

37°C ကနေ upper 40°C ထိတိုးလာရင် Level 2 danger ပါ ။

ကလေးငယ်‌ငယ်လေးတွေ၊ အသက်ကြီးတဲ့သူတွေ၊ Pet တွေအထူးအထူးဂရုစိုက်ပါ။ နွေရာသီ ပူနေကြလိုမဟုတ်ပါဖူးနော်၊ ထပ်ပြောပါမယ်။ အခုတောင်လူတိုင်း Heat stroke ဖြစ်နေကြတယ်။ (လည်ပင်းနာ၊ အသံဝင်၊ ချောင်းဆိုး၊ နှာချေ၊ နှာစီး အဆက်မပြတ်၊ မျက်စိပူ ) အခုဒီမှာမီးပြတ်နေတော့ပိုတောင်ဆိုးမှာပါ။ ရုတ်တရက် ဦးနှောက်သွေးကြောပြတ်တာမျိုး အခန့်မသင့်ရင်လူငယ်၊ လူကြီးအရွယ်စုံဖြစ်တတ်တယ် မပေါ့ပါနဲ့နော်။

ဘာလုပ်သင့်လဲဆို ရေဘူးဆောင်ပါ။အေးစက်နေတဲ့ ရေခဲရေထက် ရိုးရိုးရေပိုကောင်းပါတယ်။ အရမ်းပူလာရင်တောင် ရေခပ်နွေးနွေး body pressure balance ဖစ်အောင် သောက်ပေးသင့်တယ်။ ရေခဏခဏသတိရတိုင်းသောက်ပါ။

အိမ်ကို လိုက်ကာကာပါ။ အဝတ်အစားချွေးစုပ်တာ ပေါ့ပါးတာ။
လေဝင်လေထွက်ရှိ အပူထွက်လွယ်တာဝတ်ပါ။
အသောက်အစားလေးခဏလျှော့ပါ။
Gym အပြင်းအထန်လုပ်တာလျှော့။
Sunglasses, sun cream 2-3 hours နေတခါ ထပ် on, ထီး၊ ဦးထုပ်မ‌ဖြစ်မနေဆောင်။
Aircon, fan directly အေးစက်အောင်မထားပါနဲ့။ အပြင်ရုတ်တရက်ထွက်မိရင် shock ရှိ။

အကောင်းဆုံးကတော့ မဖြစ်မနေကိစ္စကလွဲပြီး အိမ်ပြင်ထွက်ခြင်း၊ အပြင်ထွက်ခြင်းမျိုးရှောင်ကြ‌နော် ။

ချစ်တဲ့သူတွေကို share ပေးပြီး ဂရုတစိုက်သတိပေးပါ။

Crd

27/03/2024

27/03/2024

🎶မင်းဘူးကရွှေစက်တော် သွားချင်ပါတယ် မောင်လိုက်ပို့နော်…🎶🎶
ဆိုတဲ့သီချင်းလေးအတိုင်း ဒီတခါတော့ ရွှေစက်တော် သွားတဲ့အကြောင်းလေး
ပြောပြ​ပေးပါမယ်

မြန်မာနိုင်ငံမှာ ရွှေစက်တော်ဘုရားပွဲဟာ
ရက်အရှည်ကြာဆုံးပွဲတော်တွေထဲကတခုလို့
ပြောလို့ရပါတယ်
နှစ်စဉ် တပို့တွဲလဆန်း ၅ရက်နေ့ကနေ
မြန်မာနှစ်သစ်ကူး တန်ခူးလ နှစ်ဆန်း ၁ရက်နေ့ထိ စုစုပေါင်း ၃လနီးပါး
စည်ကားစွာ ကျင်းပတဲ့ပွဲတခုပါ

ဘာလို့ရွှေစက်တော်လို့ခေါ်လည်းဆိုတာကတော့ ဗုဒ္ဓမြတ်စွာဘုရားခြေဖဝါးတော်မှာရှိတဲ့ (၁၀၈)ကွက်ခြံရံထားတဲ့ စက်ဝိုင်းပုံစံ (လှည်းဘီးပုံစံ) အဝိုင်းလေးကို စက်တော် (ရွှေစက်တော်)
ဆိုပြီးခေါ်ဝေါ်ခဲ့ကြတာပါ။

နမ္မဒါမြစ် (မန်းချောင်း) ဘေးမှာရှိလို့
မန်းရွှေစက်တော်ဆိုပြီးလည်း ခေါ်ကြပါတယ်။

👀ဘာတွေရှိလဲ?
ဗုဒ္ဓမြတ်စွာဘုရားရဲ့
ခြေတော်ရာအစစ် ၂ ဆူရှိပါတယ်။
မန်းချောင်းဘေးမှာရှိတဲ့ ခြေတော်ရာကို အောက်စက်တော်ရာလို့ခေါ်ပြီး ၊
မန်းတောင်ပေါ်မှာရှိတဲ့ ခြေတော်ရာကို
အထက်စက်တော်ရာဆိုပြီး ခေါ်ပါတယ်။

ပြီးရင် ဘုရားဖူးသူတိုင်း ရေကစားကြတဲ့ နာမည်ကြီးလှတဲ့ မန်းချောင်း ၊ မုဆိုးတောင် ၊ ရသေ့တောင် ၊ ရဟန္တာခြေတော်ရာ ၊ သိကြားပုန်းတောင် ၊ ကျောက်ဘီလူး ၊ တောင်းပန်ဦးစေတီ ၊ တောင်းပန်ရစေတီ ၊ နတ်ရေကန် ၊ချင်းဘုရား အစရှိတဲ့ နေရာတော်တော်များများလည်း သွားနိုင်ပါတယ်။

🚗ခရီးလမ်းကြောင်း ?

ရွှေစက်တော်ဟာ မကွေးတိုင်းဒေသကြီး မင်းဘူးမြို့နယ်ထဲမှာရှိတဲ့ အနောက်၇ိုးမတောနက်ကြီးထဲမှာ ရှိပါတယ်။
မန္တလေး-ရွှေစက်တော် ၇နာရီခွဲမောင်းရပါတယ်။

မန္တလေး-မိတ္ထီလာ-ကျောက်ပန်းတောင်း-ဂွေးချို-ရေနံချောင်း-မကွေး-မင်းဘူး-ရွှေစက်တော်
လမ်းက သွားပါတယ်။
ရန်ကုန်-မန္တလေး အမြန်လမ်းအတိုင်း မိုင်တိုင် ၂၈၅ ထိသွားရပါတယ်။ မိုင်တိုင် ၂၈၅ ရောက်ရင် ကျောက်ပန်းတောင်း လမ်းညွှန်ဆိုင်းဘုတ်လေးအတိုင်း ၀င်ပြီး သွားရပါတယ်။

☀️🌤ရာသီဥတုအခြေအနေ?
အညာဒေသအစစ်ဆိုတဲ့အတိုင်း ပူပါတယ်..
ဒါပေမဲ့ မန်းချောင်းမှာ ရေကစားလိုက်ရရင်ပူတာတွေအကုန်ပျောက်သွားပါတယ်၊ ပူပေမဲ့ တိုက်တဲ့လေကအေးပါတယ်၊ ညဆိုအေးတယ်။

🏠🏠🏠ဘယ်မှာနေမလဲ ?
ရွှေစက်တော်ဆိုတာနဲ့မန်းချောင်းဘေးမှာ အစီအရီဆောက်ထားတဲ့ ဝါးတဲလေးတွေကိုမြင်ဖူးကြမှာပါ။
စျေးတွေက တစ်ရက်ကို ရေစပ်အခန်းတွေက ၅၀၀၀၀ ကျပ်ကနေ ၂၀၀၀၀၀ ထိ စျေးပေါက်ပြီး
ကျောဘက်အခန်းတွေက ၃၀၀၀၀ ကျပ်ကနေ ၁၀၀၀၀၀ ကျပ် ဆိုပြီး စျေးရှိပါတယ်၊
ရက်ပေါ် မူတည်ပြီး စျေးလေးတွေ ကွာပါတယ်

တစ်ဆောင်မှာ ၁၀ ယောက်လောက်ထိ
နေလို့ရပါတယ်၊
ခေါင်းအုံးတွေ စောင်တွေမပါရင်တော့
သပ်သပ်ထပ်ငှားရပါမယ်၊
အိမ်သာကတော့ အများနဲ့ တူတူသုံးရပါမယ်။အဲဒါကတော့ပုံမှန်ပေါ့နော်..

ခုနှစ်တွေမှာတော့ နမ္မဒါ တိို့လို ဘိုထိုင်/အဲကွန်းပါတဲ့ တည််းခိုဆောင်လေးတွေလည်း များလာပါပြီ
သူကတော့ သီးသန့် အေးဆေးနေလို့ရတာပေါ့
စျေးလေးတွေကတော့ ၁၅၀၀၀၀ /၂၀၀၀၀၀ ပါ

PP တို့ကတော့ ခြေတော်ရာ၂ဆူလုံးနဲ့ အနီးဆုံးနေရာမှာရှိတဲ့ တံတားကြီးဘေးက တဲကျောင်းလေးမှာ တည်းခဲ့ပါတယ်

🍛🍲🍚အစားအသောက် ?
လက်ဖက်ရည်ဆိုင်အကြီးကြီး၊
စားသောက်ဆိုင်အကြီးကြီးတွေ ရှိပါတယ်။ မြန်မာထမင်းဟင်း၊ တရုတ်စာအကုန်ရပါတယ်။
ပြီးတော့ ထမင်းစားချိန်ဆို ကိုယ့်အခန်းရှေ့ကို ခေါင်းရွက်ထမင်းသည်လေးတွေလည်းလာပါတယ်။ လက်ရာကလည်းအညာချက်လေးတွေ စားလို့ကောင်းပါတယ်။
စားကြည့်ပါ စျေးလည်းမကြီးဘူး
တစ်ယောက်ကို ၃၀၀၀-၃၅၀၀ ပါ
မနက်ခင်းဆို မနက်စာအသည်လည်းလာတယ်။ နေ့လည်ခင်းဆို အသုပ်စုံ/ကြာဇံဟင်း/မုန့်လက်ဆောင်း အစုံလာတာ ပါ
ညနေဆိုရေဆော့ ထမင်းစား
ဘုရားဖူး၊ပွဲစျေးလျှောက်ကြည့် နဲ့အချိန်တွေကကုန်တာမြန်ပါတယ်။
ညဘက်ဆို စားစရာလေးဝယ်လာပြီး
အခန်းရှေ့ မှာ လေတဖြူးဖြူးနဲ့ စားရတဲ့အရသာကလည်း တမျိုးပါနော်
☺️ ညနေပိုင်း၊ညဘက်ရောက်ပီဆို အနှိပ်သည်လာပါတယ်၊
တစ်ကိုယ်လုံးနှိပ်ပေးတယ်။ သူတို့သတ်မှတ်ထားတာတော့ ၅၀၀၀ ကိုယ်ကပိုပေးချင်လည်းရတယ်၊ ရေကစားပြီး ညောင်းရင်နှိပ်ပေါ့ နော်

🙏🏼🙏🏼🙏🏼ဘုရားဖူးမယ်

👣အောက်စက်တော်ရာ
ရွှေစက်တော်ရောက်ရောက်ချင်း ရေမဆော့ခင် အောက်စက်တော်ရာကို အရင်ဖူးရတယ်ဆိုပြီး လူကြီးတွေကပြောကြပါတယ်။ ခြေတော်ရာရှိတဲ့ထဲကိုတော့ မိန်းကလေး၀င်လို့မရပါဘူး၊ ယောကျာ်းလေးတွေကတော့ အထဲထိ၀င်ပြီး ရွှေချလို့ရပါတယ်။ အောက်စက်တော်ရာ တံခါးက ည ၈း၃၀ဆိုပိတ်ပါတယ်။ အပြင်ကနေတော့ ၂၄နာရီဖူးလို့ရပါတယ်။ အောက်စက်တော်ရာက ပွဲတော်ချိန်ပြီးတာနဲ့အလင်းပေါက်ဖန်အုပ်ဆောင်းနဲ့အုပ်ထားရပါတယ်။ နှစ်စဉ်မန်းချောင်းရေတက်တိုင်း စက်တော်ရာကို မပျက်ဆီးအောင်အုပ်ထားရခြင်းဖြစ်ပါတယ်။ ရေတက်ချိန်တော့ အောက်စက်တော်ရာကိုဖူးလို့မရပါဘူး။
၂၀၂၃ ခုနှစ်တုန်းကဆို အောက်စက်တော်ရာကနေ ၁၁ပေ၄လက်မထိစံချိန်တင်ရေတက်ခဲ့ပါတယ်။

👣အထက်စက်တော်ရာ
အထက်စက်တော်ရာကတော့ မန်းတောင်ပေါ်မှာရှိတာပါ။ ကားနဲ့ခဏလေးတက်တာနဲ့တောင်ပေါ်ရောက်ပါတယ်။ ကားပါရင် ကိုယ့်ကားနဲ့ကိုယ်တက်လို့ရပြီး ကားမပါလည်း တစ်ယောက် ၁၀၀၀ နဲ့တက်လို့ရတဲ့ကားလေးတွေဆွဲပေးပါတယ်။ အထက်စက်တော်ရာမှာတော့ ခြေတော်ရာအစစ်ကိုငုံပြီးဘုရားတည်ထားပါတယ်၊အထဲကိုမိန်းကလေး၀င်လို့မရပါဘူး။အထက်စက်တော်ရာပေါ်ကနေ ကြည့်ရတဲ့ မြင်ကွင်းကတော့ ဘယ်လိုမှနှိုင်းပြလို့မရအောင်လှပါတယ်။

အောက်စက်တော်ရာတစ်ခုလုံးကိုမြင်ရတဲ့ရှုခင်းက ရောက်တော့မှသာ ဟုတ်လားမဟုတ်လားကြည့်ပေါ့နော်။ လေလည်းအရမ်းတိုက်ပါတယ်။
အဲလိုရှုခင်းမျိုးနဲ့ ဓာတ်ပုံရိုက်ဖို့လည်းမမေနဲ့နော်. ညနေခင်းဆို နေ၀င်တာကြည့်လို့လည်းရပါတယ်။ ညဘက်ဆိုလည်းအေးအေးဆေးဆေးလေးနဲ့နေလို့အရမ်းကောင်းပါတယ်။ပြီးရင်တော့ မုဆိုးတောင် ၊ တောင်းပန်ရစေတီ ၊တောင်းပန်ဦးစေတီ ၊ နတ်ရေကန်တွေကိုသွားခဲ့ပါတယ်။ အထက်စက်တော်ရာကနေ မုဆိုးတောင်တက်တဲ့ လမ်းမှာဆိုလည်း ဗေဒင်ဟောခန်းတွေ၊ ဆေးမြစ်စုံအရောင်းခန်းတွေ၊ အမှတ်တရပစည်းဆိုင်တွေအများကြီးကိုလည်းတွေ့ရမှာပါ။ထူးထူးခြားခြားဆိုရင် နတ်ရေကန်ကတော့ ရေကန်မဟုတ်ပဲ ရေကျတဲ့နေရာလေးကို အိုးခံထားတာကိုလည်း တွေ့ခဲ့ရပါတယ်။ လမ်းတစ်လျှောက်မှာ အလှူငွေတောင်းတဲ့သူတွေလည်းအများကြီးပါပဲ။ 💸

♦️ ရွှေစက်တော်မှာနေမယ်ဆို ယူသွားသင့်တာတွေ ♦️
🔹အကျီအပါးလေးတွေ
🔹အနွေးထည်တစ်ထည်(လေအရမ်းတိုက်ပါတယ်)
🔹Towel
🔹သွားတိုက်တံ/သွားတိုက်ဆေး/ရေချိုးဆပ်ပြာ
🔹Tissue/Wet Tissue
🔹Suncream
🔹အသန့်ကြိုက်ရင် တခါသုံးပန်းကန်/ခွက်
🔹ဝါးတဲအခန်းတွေမှာနေမယ်ဆို စောင်/ခေါင်းအုံးတွေပါလိုပါတယ်။(မငှားချင်တဲ့သူတွေအတွက်)

ကဲအားလုံးပဲ မြတ်စွာဘုရားရဲ့ခြေတော်ရာအစစ်ကိုလည်းဖူးရ ရေလည်းကစားရင်း ကုသိုလ်တွေအများကြီးရတဲ့ ပျော်ရွှင်စရာအမှတ်တရခရီးလေးဖြစ်ကြပါစေရှင်.. 😘😘😘

ချော(Travel Kueen) ရေးတဲ့တဲ့စာလေးကို
မှီငြမ်းပြီး ဒီနှစ်အတွက် update စျေးလေးတွေနဲ့ ပြန်ရေးပေးထားပါတယ်



#ရွှေစက်တော်

23/03/2024

ခရီးထွက်ပါ 🌊🏔️

ငယ်ရွယ်နုပျိုမှုဆိုတာက ထွက်သွားပြီးရင်
ပြန်လာတတ်တဲ့ အရာမဟုတ်ဘူး။

ခြေတွေ,လက်တွေကောင်းတုန်းမှာ ခရီးထွက်ပါ။

ပါးရည်,နားရည်တွေပါးတုန်းမှာ ဓာတ်ပုံရိုက်ပါ။

အမှတ်တရကောင်းတွေကို ဖန်တီးပါ။

တရိုတသေ သိမ်းဆည်းပါ။

နောင်ဆယ်စုနှစ် သုံး,လေး,ငါးခုကိုကျော်လွန်ပြီးတဲ့အခါ
သည်နေရာဟာ ဒီအတိုင်းရှိနေတော့မှာမဟုတ်ဘူး။

ဒီအရွယ်ဟာ ဒီအတိုင်းရှိနေတော့မှာမဟုတ်ဘူး။

ရှေးဟောင်းနှောင်းဖြစ်ဆိုတာ မှတ်ဥာဏ်ထဲကနေပဲတစ်စချင်းဆွဲထုတ်ပြလို့ရတဲ့အရာ၊ ဓာတ်ပုံထဲမှာပဲ တစ်ခုချင်းပြန်ရှာလို့ရတဲ့အရာ ...။

နှစ်စဉ်နှစ်ဆက် ခရီးထွက်ပါ။ အထင်ကရရှိတဲ့ အလှအပတွေနဲ့အတူ ဓာတ်ပုံရိုက်ပါ။

ကိုယ်အိုမင်းလို့ ဘယ်ကိုမှမသွားနိုင်တော့တဲ့အခါဘယ်သူကမှ ခေါ်မသွားချင်တော့တဲ့အခါ စိတ်ရဲ့ဖြေရာဆိုတာ ကိုယ်ရဖူးတဲ့အမှတ်တရတွေကိုပဲ ရေနူးပြီး သောက်ရတာမျိုးပါ ...။