23/05/2022
" ခင်ဦးအလွမ်း"
•••••••••••••••••••••••••••••••••••••••••••
'အချစ်ဆိုတာ ရယူခြင်းမှ မဟုတ်ဘဲ မဏိစန္ဒာရယ်'လို့
အမောင် ပြောခဲ့တယ်နော်။
ရှင်းအောင်ပြောပါရစေ အမောင်။
ခင်ဦးတို့လို မိန်းမသားတွေကတော့
ကိုယ်နှလုံးသားနဲ့ချစ်တဲ့ ချစ်ဦးသူကို
ရယူပိုင်ဆိုင်ချင်ကြတာ ဆန်းသလားရှင့်။
အညာသားပီသလှတဲ့ ထွားထွားကျိုင်းကျိုင်း
ပုဂံတပ်သား အမောင့်ကိုတွေ့တော့
ခင်ဦးလေ ဘယ်လိုဖြစ်မှန်းမသိဘူး။
စတင်ပွင့်ဖူးကာစ နှလုံးသားနုနုလေးကို
အမောင် ဘယ်လိုသိမ်းပိုက်လိုက်တာလဲဟင်။
ချစ်သူ သူရဲကောင်းကြီးရဲ့
လက်မောင်းကို မှီခိုအားထား
ဘဝတစ်ခုလုံး ပျော်ပျော်ရွှင်ရွှင်နဲ့ ဖြတ်သန်းနေတဲ့အကြောင်း
ခင်ဦးရဲ့အိပ်မက်ထဲ မက်နေပြီအမောင်ရဲ့။
အမောင်နဲ့ခင်ဦး နှစ်ကိုယ်တူကြည်နူးနေချိန်လေ
လေပြည်ညင်းလေး ဖြူးဖြူးလေးတိုက်ခတ်နေသလို
စံပယ်နဲ့နှင်းဆီ ရနံ့ပေါင်းလေး သင်းပျံ့နေသလို
ကျေးငှက်တွေ့ရဲ့ဂီတသံစဉ် လွင့်ပျံ့လာသလို
ဟိုး... မိုးကုတ်စက်ဝိုင်းကြီးရဲ့ရောင်စုံသက်တံ့လေး
ရေးခြယ်ထားသလို ခံစားနေရတယ်။
ဘယ်သူရေးခြယ်မှန်းမသိတဲ့ ကောင်းကင်ပြာပြာအောက်မှာ တိမ်တိုက်လေးတွေက ခင်ဦးနဲ့အမောင်နဲ့ကြည်နူးနေတာကို ရှက်သွားဟန် တူပါရဲ့။
ပဒေသရာဇ်ခေတ်ရဲ့ ထုံးစံတစ်ခုက
လှပဖူးပွင့်စွင့်ကားနေတဲ့ ခင်ဦးရဲ့နှလုံးသားလေးကို
စျာပနပွဲ ကျင်းပစေတယ်လေ။
ပုဂံပြည့်ရှင် အနုရုဒ္ဓါအတွက် လက်ဆောင်ဆိုတာကိုကြည့်လေ။
ဘယ်သူမှတ်လဲ ရှင်တို့ရယ်
ဥဿာပဲခူးရဲ့ အိမ်ရှေ့စံမင်းသမီး
ထီးလှိုင်ရှင်အမောင်ရဲ့ ခင်ဦးလေ။
ခင်ဦးကို လာခိုးလှည့်ပါတော့အမောင်။
မချစ်နှစ်သက်တဲ့သူနဲ့ ရွှေနန်းတော်ကြီးမှာ
နေရတာနဲ့စာရင်
ခင်ဦးချစ်တဲ့ ထီးလှိုင်ရှင်နဲ့
ထမင်းရည်ပူ အတူတူသောက်ရအောင်နော်အမောင်။
ဘုရင့်သမီးတော် ဆိုပေမယ့်
ခင်ဦးချစ်တဲ့အမောင်နဲ့ အတူတူနေရမယ်ဆိုရင်
ကြုံတွေ့ရမယ့်လောကဒဏ်ဆိုတာကြီးကို
မိန်းမသားတန်မဲ့ ရင်ဆိုင်ရဲပါတယ်အမောင်။
အို...
ဘာတဲ့
'အရှင်မိဖုရားတဲ့'
ခင်ဦးနားတွေ ကန်းသွားပါရစေ။
ပြောတဲ့သူကို ကြည့်လိုက်တော့
ခင်ဦးသိပ်ချစ်တဲ့ အမောင်ပါလား၊
နေရာကြည့်တော့ ပုဂံပြည်နဲ့ဥဿာကြား။
အနေအထားက ဒူးထောက်ပြီး ခစားလို့။
ခစားသူက ထီးလှိုင်ရှင်ကျန်စစ်။
ခစားခံရသူက အမောင်ရဲ့ခင်ဦးလေ။
ကြာခဲ့ပါပြီလေ။
အတိတ်ဆိုတာ သမိုင်းမှာ လွန်ခဲ့ပါပြီ။
အမောင်လည်း ပုဂံနန်းတော်ကနေ ပျောက်သွားခဲ့ပြီ။
အမောင်ထွက်သွားတော့ ခင်ဦးသတိရလိုက်တာအမောင်။
အနုရုဒ္ဓါက ခင်ဦးနဲ့တွေ့တော့ တောင်းပန်စကားဆိုပုံက ခပ်ဆန်းဆန်းရယ်။
၀သန်ကာလမို့ အချိန်မှန်မိုးရွာသွန်းတော့
သီးနှံစိုက်ပျိုးမယ့်တောသူတောင်သားတွေက ပျော်ရွှင်ကြသလို ရာသီမှန်လို့ တိုင်းပြည်အေးချမ်းပါရဲ့။
ဒါပေမယ့်...
ကောင်းကင်ကနေ အရှိန်ပြင်းစွာကျလာတဲ့ မိုးရေစက်တွေကြောင့်
ပန်းပင်လေးတွေခမျာ ပျက်စီးသူက ပျက်စီး၊ ငိုယိုသူက မျက်ရည်စီးကျနဲ့
ဒုက္ခတွေ့တော့ သစ်ပင်ပန်းမန်လေးတွေက မိုးကို ကျိန်ဆိုကြတယ်။
ဒီအခါ မိုးက ပန်းပင်လေးတွေ ခွင့်လွတ်ဖို့အတွက်
တောင်းပန်တဲ့အနေနဲ့ မိုးရွာခါနီးအချိန် မိုးခြိမ်းပြီးတော့ မိုးရွာတော့မယ့်အကြောင်း အသိပေးတောင်းပန်လေရဲ့ဆိုပြီး
ဘုရင်တစ်ပါးက မိဖုရားတစ်ယောက်ကို တောင်းပန်လေရဲ့။
ပထမမြန်မာနိုင်ငံကို တည်ထောင်သူလည်း အနားယူသွားခဲ့ပါပြီ။
တစ်ချိန်က ခင်ဦးသိပ်ချစ်ခဲ့ရတဲ့အမောင်လည်း
မဏိစန္ဒာရဲ့ကျန်စစ်မင်းအနေနဲ့ တိုင်းပြည်ခေါင်းဆောင်ဖြစ်နေပါပြီလေ။
အရာအားလုံး အချိန်တန် ပြီးခဲ့ပါပြီ။
မဏိစန္ဒာတစ်ဖြစ်လည်း ခင်ဦးအနေနဲ့ အရာအားလုံး ခွင့်လွှတ်တတ်ခဲ့ပါပြီ။
ပုဂံပြည်လည်း ဗုဒ္ဓသာသနာ နေလိုလလို ထွန်းလင်းခဲ့ပါပြီ။
ခင်ဦးရဲ့တစ်ချိန်ကအလွမ်းတွေအတွက်
ကံကြမ္မာကို ယိုးမယ်ဖွဲ့ပြီး
အပြစ်မတင်ရက်တော့ပါဘူး အမောင်ရယ်.။
Writing style credit to
ခင်ဦးအလွမ်းလေးနဲ့လွမ်းပြီးသွားရင် MARCOS အနေနဲ့၁ခုမှာချင်ပါတယ်။
လူကြီးမင်းတို့ ပုဂံဌာနေ လာရာကပြီဆိုရင် ပုဂံရဲ့သမိုင်းကြောင်းတွေ ၊ ပုဂံရဲ့ ဗိသုကာတွေအကြောင်း အသေးစိတ် ကျကျ ရှင်းပြပြောပြပေးပြီး ဓာတါပုံလှလှလေးတွေ ရိုက်ပေးမယ့် local guide ပုဂံသားလေး MARCOS ရှိပါတယ်ခင်ဗျာ။
ပုဂံသားလေး MARCOS ကိုပုဂံခရီးစ၍်အတွက် local guide ငှားရမ်းချင်ပြီဆိုရင်ဖြင့် ☎09-880178849 ကိုချက်ချင်းသာဆက်သွယ်ပေးပါခင်ဗျာ။
(Page ရဲ့ messenger မှာလဲလာရောက်မေးမြန်းနိုင်ပါတယ်ဗျ) 🙇♂🙇♂🙆♂
**Customer များ အဆင်ပြေစေရန် အစဉ်အမြဲအလေးထားလျက် **
