06/05/2024
ARA Сomplex - Аяллаа Архангай-с Фэм тур 2024
Ара комплекс цогцолборын урилгаар Монголын Солонгос зах зээлийн аялал жуулчлалын холбооны төлөөлөл Тур оператор байгууллагууд, БНСУ-н инфлүүсер Oliver travel, шөнийн одны зурагчин гэрлээр зурдаг уран бүтээлч 박창옥, алдарт морь судлаач-сургагч, аялал жуулчлалын Доктор профессор багш Sungkyu Ko, ТО-уудын хамтрагч менежерүүд 5.3-5.5 хүртэл 3 өдрийн Фэм тур аялалд оролцлоо.
Фэм тураар Архангай аймгийн аялал жуулчлалын маршрут, Солонгос жуулчинд зориулсан аяллын бүтээгдэхүүн, жуулчны бааз болон шинээр бэлдэж буй малчин айл хомстэй-н бүтээгдэхүүн, Ара комплекс цогцолборын үйл ажиллагаа арга хэмжээнүүдтэй танилцав.
Аяллын маршрут: Улаанбаатар-Өгий нуур-Цэцэрлэг хот-Тунгалаг тамир бааз /Тайхар чулуу/-Цэцэрлэг хот-Элсэн тасархай-Улаанбаатар
Өгий нуурын баазууд тэдний төлөөллүүдтэй уулзан жуулчинд зориулсан бүтээн байгуулалт, хоолтой танилцав. Баазууд өөрсдийн тарьсан хүлэмжний нарийн ногоогоор жуулчинд үйлчлэх ба чанар чансааг төрөлжүүлнэ. Гэрт байрлах жуулчны тоо 3-4 ба өглөө, оройн хоол буфетээр гаргана гэдгээ танилцуулав.
Өгий далай баазын хувьд шинэ төрлийн арамтай Монгол гэрээ танилцуулав. Мөн 2-4 хүн орхоор дотроо 00, душтэй шалны халаалттай шинэ 10 аад байшин, зочид буудал ресторан үйлчилгээний төвөө танилцуулав. Замдаа Түрэгийн Билгэ хааны хөшөө музейгээр зочилов. Тайлбарлагч залуу үнэхээр сайн тайлбарлаж өөрийн болон бусдын мэдлэгийг сунгав.
ТО-ууд Архангай аймгийн төвд ирэхэд Аймгийн түүхийн музей, Зая гэгээний хийдээр урьж жуулчидад зориулсан ардын урлагийн тоглолтоо танилцууллаа. Тоглолтын дараа Булган ууланд "Зул өргөх ёслол" хийв.
Цэцэрлэг хотын Малчин зочид буудалд буудаллав. Малчин буудал нь Цэвэрхэн цэгцтэй, тав тухтай, хоолны амт сонголт сайтай. Дээрх бүгд ойлгомжтой тул хамгийн их таалагдсан онцгой үйлчилгээг дурдая!
"Монгол" өглөөний цай 10,000 төгрөг, буфетээр гарна.
Буудлын ардаа адууны жүчээтэй тэрэндээ пони адуутай унагатай, ирсэн жуулчид нүд баясгах үзвэртэй. Зөвхөн жуулчид хоноод явхаас гадна морь ачаад баруун зүүн аймгууд Улаанбаатар орж буй малчидад морийг нь түр амрааж буулган өвс тавьж өгөх үйлчилгээ нь их таалагдлаа. Малчид өөрсдөө ч тухтай сайхан амраад явхаар малчиддаа ээлтэй "Малчин зочид буудал" байлаа.
Тайхар чулууны баруухан талд байрлах "Тунгалаг тамир" жуулчны бааз.
Зөвхөн баазаар амрах биш майхантай хээрийн морин аяллыг захирал Ганаа өөрөө гардан зохион байгуулдаг ба уг бүтээгдэхүүнээ Солонгос ТО-уудад санал болгож танилцуулга хийв.
Тунгалаг тамир жуулчны бааз маш цэвэрхэн тохь тухтай. Хоол нь Монгол уламжлалаа түлхүү дагасан цагаан идээ ааруул өрөм тараг сүү, гүзээний хорхог, ил гал дээр чанасан шүүстэй хээрийн хийцтэй цайтай. Рестораны дотор интерьер орчин үеийн уран зургийн галлерей шиг, бүх хэв маяг донж гайхалтай зохицсон гэмээр. Баруун аймгаас буцах, Хорго, Цагаан нуур үзэх аяллын маршрут дээр байрлах Тайхар чулууны дэргэдэх бааз.
Ирсэн зочид баазаас бэлдсэн моринд мордоод Хомстэйн зүг дараагийн аялалдаа оров. Эмээл болон дөрөө аюулгүй байдал хангасан! Уян дөрөө нь гэнэтийн ослын үед хөлнөөс амархан мултрах давуу талтай. Эмээл нь морин аяллын хол замд жуулчны тав тухыг хангахаар зөөлөн бөгөөд зузаан.
Архангай аймгийн аялал жуулчлалын маршрут дагуу байрлуулж байгаа нутгийн малчин айлыг дэмжсэн Хомстэй хөтөлбөртэй танилцав. Тайхар чулуу, Цэнхэрийн рашаан, Хорго, Тэрхийн Цагаануур зэрэг аяллын бүсэд нийт 60 малчин айлыг хомстэй хөтөлбөрт хамруулж байрлуулсан.
Гэрийн ялгарах байдал нь "Ногоон халзтай" ба дотроо 4 ортой, гаднаа Био 00-той. Хээлсэн хээнцэр гэрээс гадна орны матрасыг маш зөв сонгосон өндөр зэрэглэлийн тухтай гэр байлаа.
Хажуудаа малчин айлтай, малчин айлын зүгээс жуулчдад зориулсан 6 төрлийн бүтээгдэхүүн хөтөлбөр хэрэгжүүлнэ.
Үнээ саах, сүү хөөрүүлэх, ааруул зүсэж хатаах, тараг айраг бүлүүлэх, хонь хотлуулах, морь унуулах зэрэг Монгол ахуйг таниулсан томоохон хөрөнгө оруулалт байлаа. Сүлжээгүй газар жуулчны гурван сарын турш Старлинк тавина. Зөвхөн жуулчид биш дотоодын амрагч гэр бүл хүүхдүүдэд зориулж байгаа гэдгээ хэлэв. Сонгогдсон малчин айлууд хамгийн хөдөлмөрч аймгийн аваргууд! Эргээд хариуцлага, үр дүнг харуулж байна.
Унааны хувьд "Ара бус" автобусандаа суугаад явах ба дээрх маршрутын дагуу тогтсон цагтаа тогтсон хөтөлбөрүүддээ хамрагдаад явах боломжтой.
Фэм турийг зохион байгуулсан Архангай аймгийн Ара Комплекс захирал Өлзийбаяр Arga Bileg, Тунгалаг Тамир баазын захирал Ganaa Davaa, Bymbaa Biba, Uran-erdene Badrakh, Malchin hotel буудлын хамт олон, уг фэм турт оролцсон бүх бие бүрэлдэхүүн та бүхэндээ талархал илэрхийлье.
Монголын Солонгос Зах Зээлийн Аялал Жуулчлалын Холбоо
