Orchuulgiin online uilchilgee

06/09/2024

🇺🇸 Манай орчуулгын товчоо нь дараах үйлчилгээг үзүүлж байна.

🇺🇸 Англи-Монгол, Монгол-Англи
🇷🇺 Орос- Монгол, Монгол - Орос
🇨🇳 Хятад- Монгол, Монгол- Хятад
🇹🇷 Турк- Монгол, Монгол - Турк
🇯🇵 Солонгос-Монгол, Монгол-Солонгос
түргэн шуурхай баталгаат орчуулга

☝️Бүх төрлийн гэрчилгээ, лавлагаа
☝️Диплом, сертификат
☝️Нийтлэл, өгүүллэг
☝️Визний бичиг баримт
👉 CV, Cover letter, Study plan
👉 Визний цаг товлолт, анкет бөглөлт

📍 Онлайн орчуулга
📍 Баталгаат тамгатай орчуулга

☎️8595-7070, 8038-2858

22/02/2024

☆ БАТАЛГААТ ОРЧУУЛГЫН ТӨВ

7 хоногийн БҮХ ӨДӨР ажилладаг.

ОНЛАЙНААР ТОГТМОЛ АЖИЛЛАЖ БАЙНА.

Харилцах утас: 80382858, 94173707, 85957070

Цахим хаяг:[email protected]

Орчуулгатай холбоотой бүх үйлчилгээг та манайхаас аваарай.
Манай компани 2004 оноос хойш 17 жилийн ажлын туршлагатай Англи, Хятад, Солонгос, Орос, Турк хэлний мэргэжлийн чадварлаг орчуулагчид таны бүх төрлийн материалыг хурдан шуурхай, найдвартай, чанартай орчуулж үйлчилнэ. Орчуулагч нар мэргэжлийн чиглэл тус бүрээр орчуулга хийдэг Үүнд :
v Төрөл бүрийн бичиг баримт / визний материалууд
v Тэтгэлэг хөтөлбөрт шаардлагатай бүх төрлийн материалууд
v Гэрээ хэлэлцээр
v Геологи, уул уурхай
v Барилга
v Техник технологи
v Хууль шүүх
v Төсөл
v Тендерийн материалууд
v Банк санхүү, аудит тайлан
v Эмнэлэг, эм зүй
v Дипломын ажил, курсийн ажил, бие даалт
v Ном зохиол, сонин сэтгүүл
МАНАЙ ДАВУУ ТАЛ:
* Нууцыг чандлан хадгална.
* Онлайнаар захиалга өгч цагаа хэмнэх боломжтой.
* Мэргэжлийн чадварлаг орчуулагчидтай.

Та манайд хандаарай
Харилцах утас: 85957070, 94173707, 80382858

Дэлгэрэнгүй мэдээллийг утсаар болон онлайнаар авах боломжтой. Та бүхэнд амжилт хүсье.

07/02/2024

25/10/2023

October, November and December be feeling like the Friday, Saturday and Sunday of the year.

09/10/2023

Burj Khalifa Dubai 🇦🇪

03/10/2023

SUPER САНАА - "БАЯН ААВ, ЯДУУ ААВ" НОМНЫ 9 СУРГАМЖ
1. Мөнгөө удирдах:
Олон хүмүүс мөнгө олох чадвартай байдаг ч хүн бүр мөнгөө хэрхэн зөв удирдах талаар суралцаагүй байдаг.
Санхүүгийн мэдлэг нь актив ба пассив хөрөнгийн ялгааг ойлгож мэдэхээс эхэлдэг.
Та үрж байгаагаасаа илүү мөнгө олж байгаа эсэхээ анхаар.
2. Эхлээд өөртөө зарцуул:
Ихэнх хүмүүс цалингаа өр төлбөрөө төлөхөд зарцуулдаг.
Баячууд харин үргэлж өөртөө хөрөнгө оруулалт хийдэг.
- Суралцахад
- Номонд
- Туршлага хуримтлуулахад
3. Хадгаламж, хөрөнгө оруулалт хоёр ялгаатай:
Хадгалах нь зайлшгүй бөгөөд сайн зуршил.
Гэвч инфляци өндөр байгаа үед түүний оронд хөрөнгө оруулалт хийх хэрэгтэй.
Хадгаламж нь худалдан авах чадварыг сулруулж, хөрөнгө оруулалт нь таны мөнгөний үнэ цэнийг нэмэгдүүлнэ.
4. Орлогын ганц эх үүсвэрт найдаж болохгүй:
Ихэнх хүмүүс орлогын ганц эх үүсвэрт тулгуурладаг. Хэрэв та тэдний нэг бол та хэзээ ч санхүүгийн хувьд аюулгүй, эрх чөлөөтэй болж чадахгүй.
Та мөнгө олох 2-3 урсгалтай байх ёстой.
Хэрэв та хэд хэдэн орлогын урсгалтай бол санхүүгийн хямралтай тулгарсан ч илүү сайн байр суурьтай байх болно.
5. Эрсдэл хийснээр та илүү ухаалаг болдог:
Хэрэв та эрсдэлд орохгүй бол өсөж дэвжих боломжгүй.
Амьдралд тохиох зарим боломжууд таны амьдралыг өөрчлөх боломжтой байдаг тул та эрсдэл хийх хэрэгтэй.
6. Хүн бүр санхүүгийн мэдлэгтэй байх ёстой.
Оюун ухаан нь асуудлыг шийдэж, мөнгийг хийдэг.
Санхүүгийн мэдлэггүй бол таны мөнгө удахгүй алга болно.
Дэлхий дахины боловсролын системийн сул тал нь мөнгөний төлөө ажиллахыг заадаг явдал юм.
Энэ систем хэзээ ч мөнгийг хэрхэн хийх, удирдах, хадгалахыг заадаггүй.
Та баялгийг хэрхэн бүтээх, санхүүгийн эрх чөлөөнд хүрэх төлөвлөгөө гаргах талаар суралцах хэрэгтэй.
7. Сэтгэлгээ бол бүх зүйл:
Аливааг "хийж чадахгүй" биш "Яаж хийж чадах вэ?" гэсэн өнцгөөс хар.
Ийм байдлаар сөрөг хандлагаа эерэгээр соль, тэгвэл та зорилгодоо хүрэх арга замыг олох нь гарцаагүй.
Таны хандлага, сэтгэлгээ хамгийн чухал.
Аливаа зүйлийг хийх хамгийн эхний бөгөөд хамгийн чухал зүйл бол та өөртөө итгэх ёстой.
8. Өөрөөсөө илүү ухаалаг хүмүүсээр өөрийгөө хүрээлүүл:
"Хэрэв та өрөөнд байгаа хамгийн ухаантай хүн бол та буруу өрөөнд байна" гэсэн алдартай үг байдаг.
Хэрэв та ухаалаг байхыг хүсэж байвал өөрөөсөө илүү ухаалаг хүмүүсээр өөрийгөө хүрээлүүл.
9. Сэтгэл хөдлөлөө удирд:
Сэтгэл хөдлөлөө хянах чадваргүй үед л аливаа нөхцөл байдал улам дорддог.
Энэ нь хувийн амьдралд төдийгүй ажил мэргэжил дээрх аливаа нөхцөл байдалд сайнаар нөлөөлдөг.
Та сэтгэл зүйн тэнцвэрээ хянаж сурах, ингэж байж л санхүүгийн зорилгодоо хүрэхэд анхаарлаа төвлөрүүлэх болно.

02/10/2023

ӨӨРИЙГӨӨ ХАЙРЛАХ 14 АРГА

1. ӨӨРИЙГӨӨ УУЧИЛ
Хүн бүр алдаа гаргадаг. Та явах ёстой замаараа явж байгаа учраас өөрийгөө юм бүхэнд буруутгахаа даруй болигтун. “Би ингээгүй байсан бол ингэхгүй байх байсан юм. Би яагаад ийм бүтэлгүй юм бэ?” гэх мэт бодлыг урвуулаад “Миний оронд өөр хүн байсан бол ч бас ингэх байсан. Хааяа алдах ч зүгээр шүү” болгож бод. Алдаан дээр анхаарлаа төвлөрүүллээ гээд та ямар ч сайн юм өөртөө татахгүй. Магадгүй та өмнө нь маш том буруу алхам хийсэн байлаа ч уучил. Энэ хорвоо дээрх хамгийн сайн найз чинь болох ТА өөрөө хүртэл өөрийгөө буруутгавал хэн таны талд зогсох болж байна?

2. ХҮЛЭЭН ЗӨВШӨӨРӨГДӨХ ГЭСЭН ОРОЛДЛОГЫГ “АРЧИЖ ХАЯ”.
Хэн нэгэнд таалагдах, хүлээн зөвшөөрөгдөх гэж хичээх ямар ч хэрэггүй зүйл юм. Хүн бүхэн л байгаагаараа байх эрхтэй. Та ч бас. Хэрэв та найз нөхөд, гэр бүлийнхнээсээ хэн нэгний “аясаар” үргэлж байх шаардлагатай болдог бол тэр хүслээ бодлоосоо зүгээр хөөж явуул.

3. ХҮН БҮРТ БУРХАНЛАГ ЧАНАР БАЙДАГ.
Та өөрөө өөрийнхөө дотор орших бурхантай ярилцаж түүндээ итгэж байгаарай. Тэр нь Будаа, Есүсийн хэн ч байсан хамаагүй. Эсвэл ямар ч оноогдсон нэргүй, зөвхөн таны сэтгэлд оршдог амьдралыг тань заан чиглүүлэгч тэрхүү “бурхан” байж болно.

4. ӨӨРӨӨ ӨӨРТӨӨ ДУРЛА
Таныг юу бий болгодог талаар бодоод үзээрэй. Бид хэн нэгэнд дурласан үедээ түүний өө сэвийг хүртэл олж харахаа байчихдаг шүү дээ. Яг түүн шиг та өөрийнхөө зөвхөн сайн сайхан чанарыг өнгөлж торд. Төгс бус байдал таныг ТА болгож байгаа тэр онцлог “шигтгээн” болохыг ойлгосноор та сөрөг талаа ч өхөөрдөн энхрийлэх болно.

5. ХИЧЭЭЛ ЗҮТГЭЛ ГАРГАСАН ГЭДГЭЭРЭЭ БАХАРХ!
Та юм бүхэнд ялагч байх албагүй. Хамгийн сайнаараа хичээсэн гэдгээрээ бахархаж болох мөч амьдралд олон байдаг. Таны дэргэд ядаж оролдож ч үзэлгүй шантарсан олон хүн бий.

6. ЗОРИГТОЙ МӨРӨӨД!
“Хөнжлийнхөө хирээр хөлөө жийх” гэдэг үгийг бүрмөсөн мартаж орхи. Төрөлхийн “урт хөлтэй” бол богинохон хөнжилд баригдах хэрэг юу сан билээ? Өдөр бүр мөрөөдвөл танд амьдрал урагшилж байгааг сануулж, баяр баяслыг мэдрүүлнэ.

7. ХӨГЖИЛД
Өөрийнхөө амьдралд хөгжил цэнгэлийг оруул. Амьдрал бол тааламжтай байхаар заяасан зүйл. Үүнийг битгий хүндээр тусгаж ав. Зүгээр тааваараа амьдрах боломжтой байхад бид яагаад өөрийгөө алхам тутамдаа айдас, сөрөг бодлоор дүүргэдэг юм бол?

8. ҮНЭХЭЭР ДУРТАЙ ЗҮЙЛИЙНХЭЭ ТӨЛӨӨ ЗОРИГТОЙ БАЙ
Та өөрийнхөө үзэл бодлыг чөлөөтэй илэрхийлснээр өгүүлшгүй их эрх чөлөөг мэдэрч болох юм. Өчигдөр орой үзсэн киноныхоо тухай ярихын өмнө заавал “Би уг нь савангийн дуурь” үздэггүй дээ гэж оршил хийх хэрэг байгаа гэж үү? Хүн болгонд бусдаас нууцаар дурладаг ямар нэг зүйл байдаг. Гэвч чин сэтгэлээсээ дуртай зүйлээсээ ичвэл өөрийгөө хайрлахгүй байгаагийн шинж юм.

9. ХААЯА БАГА ЗЭРЭГ АМИНЧХАН БАЙ
Хэрэв таны сэтгэл санаа таагүй байвал, ингэж гуниглах танд хичнээн муу нөлөөтэй талаар бодоод үзэхийг зөвлөж байна. “Ингэвэл надад муу шүү дээ” гэж бодоод өөрөөсөө сөрөг зүйлсийг түлхэж холдуул.

10. ӨНГӨРСӨНДӨӨ БАЯР ХҮРГЭ
Болоод өнгөрсөн зүйл бүхэн өнөөдрийн ТА гэдэг хүнийг бий болгосон. Өөрөөр хэлбэл өнгөрсөн үе үүргээ сайн гүйцэтгэчихээд явсан байдаг.

11. ӨӨРӨӨ ӨӨРТӨӨ БАЯР ХҮРГЭ
Заримдаа таны дотроос нэг сайхан онгирчихмоор мэдрэмж төрдөг үү? Хийж чадна гэдэгтээ тийм ч итгэлгүй байсан зүйлийнхээ ард гарчихвал та гудамжинд ч “Хөөх, би ч мундаг юм аа” гэж хэлж болно шүү дээ. Тэгээд дараа нь өөрийгөө жин нэмчихнэ гээд идэж чаддаггүй бялуугаар, эсвэл сарын өмнөөс л хорхойсоод авч чадаагүй яваа шинэ загварын цамцаар урамшуулаарай.

12. ХООЛНЫ ТУХАЙ БОДЛОО ӨӨРЧИЛ
Юу гээч? Бид шоколад идэхдээ “Энэ “нөхөр” ч намайг маргааш гэхэд таргалуулчихна даа” гэж бодон бодон амандаа хийдэг. Хорвоогоор дүүрэн байгаа сайхан амттанг дотроо муу гэж ангилан байж идсэнээр танд дараа нь буруу зүйл хийсэн мэт сэтгэгдэл үлдээхээс өөр юу ч өгөхгүй. Түүний оронд “Шоколад ч сэтгэл санааг тайвшруулдаг гэсэн шүү” гэж бодоод улам амтархан идэж байгаарай.

13. САРД НЭГ ӨДРИЙГ ТӨЛӨВЛӨГӨӨГҮЙ ӨНГӨРҮҮЛ
“To-do” жагсаалтаа мартаж, нэг өдөр зүгээр урсгалыг дага. Найзууд чинь таныг уулзахаар дуудвал төлөвлөгөөнийхөө талаар тайлбар тавилгүй “За” гэж бушуухан хэлээд, гарахдаа бэлдэх, тийм зав чөлөөгөөр дүүрэн өдрийг өөртөө бий болгож сураарай.

14. ӨДӨР БҮР НЭГ АЙДСАА ДАВАН ТУУЛ
Ярихаас эмээсээр байгаа тэр хүн рүүгээ утсаа аваад юу ч бодолгүй шууд залга. Хурал дээр босож үг хэл. Хэн нэгэнтэй өөрийнхөө санаачлагаар танилц. Өдөр бүр айдсаа даван туулж, өөрийнхөө хувьд эрсдэлтэй гэж боддог зүйлсийнхээ ард гарснаар биднийг амьд байгааг мэдрүүлэх шиг болдог.

01/10/2023

Ямар гоё зүйлс уншчихав аа 😍 Санаж, сэрж, хэрэгжүүлж явъя аа 😇🙏🏻

1) Өдөрт дор хаяж гурван хүнд сайхан үг хэлж баярлуулж бай
2) Нар ургахыг жилдээ дор хаяж нэг удаа харж бай
3) Хүмүүсийн төрсөн өдрийг санаж бай
4) Баярлалаа гэдэг үгийг олон удаа хэлж бай
5) Ямар нэгэн хөгжим тоглож сур
6) Усанд орохдоо дуу дуулж бай
7) Хавар болгон цэцэг тарьж бай
😎 Сайн байна уу гэж түрүүлж мэндэлж бай
9) Үнэтэй машин битгий уна, гэхдээ хамгийн сайн байшин худалдаж авч бай
10) Өөрийгөө болон бусдыг уучилж бай
11) Гурван соёлтой онигоо мэддэг бай
12) Зээлсэн юмаа буцааж заавал өгч бай
13) Чамтай яаж харьцахыг хүсдэг шигээ хүмүүстэй тэгж харьц
14) Шинэ найзуудтай бол гэхдээ хуучнаа бүү орхи
15) Нууц хадгалж бай
16) Бусдад бурууг өгөх хэрэггүй, өөрийнхөө амьдралын бүхий л хэсэгт өөрөө хариуцлага хүлээж бай
17) Тусалъя гэсэн сайхан сэтгэлийг хүлээж авч бай
18) Чанартай юм авч, хэрэглэж бай
19) Хүүхдээ загнасан бол дараа нь тэвэрч бай
20) Дугуй унаж бай
21) Эрүүл байхын баталгаа байхгүй гэдгийг үргэлж санаж бай
22) Хар тамхи болон түүнтэй нөхөрлөгсдөөс хол бай
23) Бизнес болон гэр бүлийн харилцаанд хамгийн чухал нь итгэл гэдгийг сана
24) Та мөнгөтэй байж болно гэлээ ч хүүхдүүдээ мөнгө олдог болгож сурга. Тэдэнд мөнгө зүгээр битгий өгч бай
25) Амьдралын ханиа маш зөв сонго. Энэ сонголтоос таны амьдралын сайн сайхан саар муугийн 90 хувь хамаарна гэдгийг санаж яв
26) Том юм мөрөөдөж, жижиг зүйлд ч баярлаж бай
27) Хүүхдүүддээ тэдэнд итгэдэг гэдгээ хэлж бай
28) Өдөр бүр 30 минут түргэн алхалт хийж бай
29) Хэзээ ч битгий хулхидаж бай
30) Бусдыг сонсож сур
31) Хүүхдүүдийнхээ өрөөнд орохдоо хаалгыг нь тогшиж бай
32) Хүмүүсийн нэрийг бүү март
33) Хямд багаж битгий худалдаж авч бай
34) Шүдээ цагаан болго
35) Гадаад хэл сур
36) Хэн нэгний итгэлийг бүү мохоо. Түүний сүүлийн итгэл ч байж магад
37) Банкны менежертэй биечлэн танилцаж бай
38) Таныг хүн өдөх юм бол хариу үйлдэл хийхээсээ өмнө дор хаяж нэг цаг өөрийгөө тайвшруулж бай
39) Хүүхдүүдтэйгээ тоглохдоо тэдэнд ялагдаж бай
40) Хоол идэж байхдаа телевизэрээ унтрааж бай
41) Сайн хуульч, ня-бо, сантехникчтэй танил бай
42) Сарнай үнэрлэх цаг өөртөө гаргаж бай
43) Төрийн дуулал эгшиглэхэд сонсож бай
44) Хатуу бодолтой бай, гэвч зөөлөн төрхтэй бай
45) Жолоо барьж байх үедээ хамгаалалтын бүс байнга хийж бай
46) Жилд нэг удаа эрүүл мэнд болон шүдээ үзүүлж бай
47) Цаг барьж бай
48) Өөрийг чинь шүүмжилж буй хүмүүст хариу өгөх гэж битгий цаг үр
49) Негатив /гутранги/ хүмүүсээс зай барь
Байгаагаараа бай, даруухан бай
50) 16-аас дээш настай хүүхдийг цөөн цагаар ажил хийхийг дэмжиж бай
51) Хүмүүст хоёр дахь боломж олгож бай, харин гурав дахийг бүү өг
52) Гарын үсэг зурах бол маш болгоомжтой уншиж бай
53) Ууртай үедээ ямар нэгэн зүйл бүү хий
54) Амьдралын ханийхаа хамгийн сайн найз нь бай
55) Романтик бай
56) Шинээр ажил олохоос өмнө хуучин ажлаасаа бүү гар
57) Даргаа битгий шүүмжилж бай
58) Ажилдаа сэтгэл хангалуун биш бол ажлаасаа гарч чаддаг бай
60) Яагаад? гэж байнга асууж бай
61) Хүмүүсийг мөнгөнийх нь хэмжээгээр биш сэтгэлийнх нь сайхнаар үнэлж бай
62) Эерэг өөдрөг бодолтой аливаа зүйлийг хийх урам зориг эрч хүчтэй бай
63) Зөв тэгш явж сур
64) Өөртөө итгэлтэй бай
65) Хүүхдүүддээ юм бүхний дээдийг өгч чадахгүйдээ санаа бүү зов, өөрт байгаагийнхаа хамгийн сайныг өг
66) Давс бага хэрэглэ, мах бага ид
67) Хөршүүдээ өөрийнхөө хийсэн сайхан хоолоор дайлж баярлуулж бай
68) Өөрийг нь хүндэлэхэд хүмүүс хамгийн хамгийн их баярладаг гэдгийг бүү март
69) Хүчирхийлэлтэй нэвтрүүлэг битгий үзэж бай
70) Амьд амьтай бүхнийг хайрла
Ажилчиддаа өгч болох боломжтой бүх зүйлийг өгч бай
71) Хүмүүстэй харилцах харилцаанаас таны амжилтын 80 хувь шалтгаална гэдгийг санаж бай
72) Өөрийгөө байнга хөгжүүлж бай
73) Утас чинь утасдаж байгаа хүний биш, харин таны сайн сайхны төлөө зориулагдах ёстой
74) Өнгөрсөн алдаагаа бодож цаг бүү үр түүнээсээ суралц, тэгээд урагшил
75) Сайн ялагч бай, ялагдвал сайн ялагдагч бай
76) Жижиг зүйлийг бүү томруулж бай
77) Найздаа нууцаа ярихын өмнө хоёр дахин бод
78) Амласнаа биелүүлж бай
79) Том дайнд ялахын тулд жижиг мөргөлдөөнд ялагдахад бэлэн бай
80) Сэтгэлийн хөдөлгөөнд хэт автан, анхны сэтгэгдэлд бүү хууртаж бай
81) Хүмүүсийн сайн талыг л харж бай
82) Зан заншлыг хүндэтгэж бай
83) Өөрөөсөө ухаантай хүмүүсийг ажилд авч бай
84) Хайртай хүмүүсээ халамжилж бай
85) Энгийн бай
86) Бэрхшээлийг өөрийгөө ялах, цаашаа өсөх боломж гэж харж бай
87) Амьдрал шударга гэж битгий найд
88) Цагийг сайтар ашиглаж бай
89) Үргэлж боломжийг хайж бай
90) Эр зоригтой бай
91) Атаархалаас ангид бай. Атаархал амьдралыг аз жаргалгүй болгодог
92) Чанарыг эрхэм болго
93) Өөрт зовлон тохиолдсон ч нүүрэндээ инээмсэглэл тодруул. Зовлон чамаас нүүр буруулна
94) Хүний итгэлийг олох нь, хүнд хайрлуулахаас илүү сайхан хишиг юм
95) Уучлал гуйна гэдэг сайн хүний шинж, уучилж чадна гэдэг агуй хүний шинж
96) Харь орон диваажин биш, харийн хүн бурхан биш
97) Төрсөн нутаг жаргалын орон, төрүүлсэн ээж минь бидний бурхан
98) Хүн сэтгэл дотроо бодож байгаа зүйлсээ, өөрийн эрхгүй бодитоор бий болгож байдаг
99) Та бусдад хайр энэрэл, шударга энэрэнгүй занг үзүүлсээр байвал, өөртөө ч сайн сайхан зүйлсийг дуудна гэсэн үг
100) Ажлыг гялалзуул, амжилтанд хүрнэ
101) Сэтгэлийг тайвшруул амар амгаланд хүрнэ
102) Ижийгээ баярлуул, ачийг нь хариулна
103) Инээж яв, зөв энерги чамд ирнэ
104) Бусдыг уучил, тэд чамаар бахархана
105) Буруугаа хүлээ, чи өөрийгөө танина
106) Бардам бай, амьдрал чамд сөгдөнө
107) Бүгдийг өөрөө бүтээ, амжилт чамд ирнэ
108) Үрээс илүү баясал үгүй, Ханиас илүү жаргал үгүй, Ээжээс илүү халамж үгүй,
Эцгээс илүү нөмөр үгүй юмаа.
***
#

01/10/2023

LIFE LESSONS

1. Don’t lend money to your family. Give it.

2. Never shake a hand while sitting down.

3. Stop telling people more than they need to know.

4. Never eat the last piece of something you didn't buy.

5. Don't throw your friend under the bus to impress someone.

6. Never insult the cooking when you are the guest.

7. Don't use the urinal next to an occupied one.

8. Don't take out your phone during a conversation.

9. Never take credit for work you didn't do.

10. Listen, nod, and most of all make eye contact.

11. Don't make fun of your friend in front of his kids.

12. Never let emotions overpower you.

13. Never beg for a relationship.

14. Dress well no matter what the occasion.

15. Never kick a man when he is already down.

01/10/2023

Нүдээ 90% аниаад хардаа, хэн байна?

01/10/2023

Бүх мэдээллийг нь оруулчаад байхад үнэ зураг, мэдээлэл авий гээл байдаг шүү. 😃😃😃

30/09/2023

Таны ИРЭЭДҮЙГ БАЛЛАЖ чадах сэтгэл зүйн таван асуудал:

1. Эмпати сул байх 🔴
Бусдын бодол мэдрэмжийг ойлгох, бусдын оронд өөрийгөө тавьж ойлгох чадварыг ЭМПАТИ гэдэг. Энэ чадвар сул байвал хүйтэн хөндий, амиа хичээсэн, зөрүүд, эелдэг биш болдог.

2. Нарцисизм 🔴
Хэт биеэ тоосон, өөрийгөө бусдаас илүү, содон гэж бодохыг өөртөө дурласны шинж гэнэ. Нарцисист хүмүүс ямагт өөрийгөө чухалд тооцдог, бусдыг өрөвдөх энэрэх хайрлах сэтгэл сул, байнга гайхшруулж, бишрүүлэх хүслээрээ харилцааг маш төвөгтэй болгодог.

3. Сөрөг хандлага 🔴
Бүх зүйлийг үгүйсгэх, гутранги үзэлтэй байх, байнга гомдоллож хохирогчийн дүрд тогловол орчин тойронд байгаа хүмүүсийн уур амьсгалыг бусниулж, сэтгэл санааг таагүй болгоно. Ийм хандлага харилцаж буй хүмүүсдээ хортой байдлаар нөлөөлж урам зориггүй, эрч хүчгүй юм шиг мэдрэмжийг төрүүлэх болно.

4. Үнэнч биш байдал 🔴
Байнга худлаа хэлж, жижиг том гэлтгүй хүн хуурснаар яваандаа тухайн хүнийг ямар ч нэр хүндгүй хүн итгэхийн аргагүй болгодог. Худлаа хэлдэг хүмүүс тухайн үедээ хүнийг аргалж, өөртөө ашиг хонжоо олдог ч, хэсэг хугацааны дараа үнэнд гүйцэгдэж үнэ цэнээ алддаг.

5. Хариуцлагагүй байдал 🔴
Хүн өөрийн үйлдсэн, эс үйлдсэн зүйлдээ хариуцлага хүлээхгүй хэн нэгэн рүү чихэх эсвэл, зугтааснаар тухайн хүнийг боловсроогүй, итгэж болохгүй, цаашдаа өсөж хөгжих боломжгүй, найдваргүй гэсэн төрхийг бий болгож хүмүүс харилцахаас зайлсхийх болно.

30/09/2023

🇨🇳🇷🇺🇰🇷🇲🇳🇺🇸 Өнөөдөр олон улсын орчуулагчдын өдөр. Хэл соёлын өргөн мэдлэг тээж, нийгмийн хөгжилд үргэлж хувь нэмэр оруулж соён гэгээрүүлдэг эрхэм орчуулагч нөхдөдөө баярын мэнд 🎉

Орчуулгын их өргөөний хойморт суудалтай эрхэм орчуулагч нартаа оюуны нөр их хөдөлмөрт тань өндөр амжилт хүсье ❤️🤗

29/09/2023

Японд амьдарч байхад нүдийг минь нээсэн 17 ЧУХАЛ ХИЧЭЭЛ-ийг доор жагсаав. Үүнд:
1.Талархлаа үргэлж илэрхийлэх.
Японд хэн нэгний хүргэсэн ач тусыг зүгээр хүлээн авах бус, аль болох чадлынхаа хэрээр заавал хариу барьдгийг сурна. Бичээгүй талархлын захидлаа санаж байна уу? Худалдаж авчихаад илгээгээгүй төрсөн өдрийн мэндчилгээ байгаа юу? Ийм зүйл Японд хэзээ ч тохиолдохгүй. Хариу талархал илэрхийлнэ гэдэг бол сэвгүй харилцаанд тавих эн тэргүүний шаардлага юм.
Магадгүй илүү олон сонголт байдаг учраас хариу талархал илэрхийлэхийг Японд илүү амар хялбар болгосон байж болох юм. Хэрэв хэн нэгэн чамд шинэхэн авсан буйданг гэр рүү чинь оруулахад тусалсан бол, өөрийн талархсанаа илэрхийлэн ундааны автомат машинаас нэг хүйтэн ундаа аваад өгөхөд хангалттай. Хэн нэгний төлөө хийсэн бараг бүх зүйл араасаа хүндлэл дагуулна.
2.Дахин уулзахдаа талархлаа илэрхийлэх
Япончууд хариу талархлаа тэр дор нь илэрхийлээд зогсохгүй, нөгөө хүнтэйгээ дараагийн удаа таарахдаа ч, талархлаа дахин илэрхийлэхээ хэзээ ч мартдаггүй. Үүнийг та хэт их хичээсэн мэт үзэж болох ч, та талархлыг нь хүлээн авч буй нэгэн бол “Тэр өдөр буйданг өргөхөд тусалсанд чинь баярласан шүү” гээд чамд хэлэхэд үнэхээр сайхан санагдана.
3.Эелдэг зан нь тэгнэ үү, баярлалаа гэдгээр хязгаарлагдахгүй
Эелдэг зан бол Японы соёлын салшгүй нэгэн хэсэг бөгөөд, энэ бол хүмүүс хоорондоо ярихад, худалдагч таныг хаалга хүртэл гаргаж өгөх, ресторанд ороход таны өөдөөс мэндчилэх, нөхөрсгөөр угтахад хүртэл бат шигдсэн байдаг.
Хэрэв аль нэгэн газар зогсоод очих гэсэн газрынхаа байршлыг асуувал, та маш тодорхой байдлаар гараар зурсан газрын зурагтай болох, эсвэл худалдагч байрлалаа орхиод таныг зөв замдаа орох хүртэл чинь хамт дагдалдах жишээтэй. Эелдэг байна гэдэг бол хувиа бага хичээж, өөрийгөө бусдын төлөө зориулах явдал юм.
4.Бусдыг эхэнд тавих
Бусдыг таны хувьд ямар чухал болохыг мэдрүүлэх хамгийн зөв арга бол тэднийг тэргүүнд тавих юм. Найздаа бялууны хамгийн том хэрчмийг өгөх, ээждээ ресторан дахь хамгийн ая тухтай суудлыг санал болгох, зургаа даруулахдаа зочноо голдоо оруулах гээд энэхүү хүндлэлийн хэлбэр Японы өдөр тутмын амьдралын бүх хэсэгт илэрдэг. Японы уламжлалт байшин дотор зочинд тусгайлан зориулсан суудал хүртэл байдаг – Токонамагийн урд сууснаар зочин Японы урлагийн гоо үзэсгэлэн (хананд өлгөсөн каллиграф, тусгайлан бэлдсэн ваартай цэцэг г.м.) бүхий зүйлээр хүрээлэгдэнэ. Тийм ээ, хүмүүсийг онцгой гэдгийг яагаад мэдрүүлж болохгүй гэж? Дөнгөж сая бейкеригээс шинэхэн гарсан бялуу худалдаж аваа юу? Тэгвэл хөршдөө бас нэгийг ав. Японд харилцаа холбоогоо тэмдэглэдэг олон жижиг арга бий.
5.Бүлэгтээ хүн бүрийг багтаах
Хүмүүсийн зарим чамд таалагддаггүй байсан ч, бүх хүнийг анхаарч, урих хэрэгтэй. Зөвхөн сайн найзтайгаа шар айраг хуваах, эсвэл ажлынхнаасаа заримыгурих гэсэн ойлголт байхгүй. Хэн нэгэн таны хамаатан, найз нөхөд, эсвэл тэнд байгаа нэгэн байсан ч, тухайн цаг мөчид цуг байгаа бүх хүмүүс зурганд багтан орох ёстой. Бүх хүнийг багтааснаар бид хүн бүрийг байгаагаар нь хүлээн авч, биднээс ялгаатай бүгдийг тэвчихэд сургадаг.
6.Хүний өмчид хүндэтгэлтэй хандах
Монгол хэлэнд “Олсон хүний олз, хаясан хүний хальс” гэсэн хэллэг байдаг. Харин Японд бол тийм зүйл байхгүй. Хэрэв тухайн зүйл чинийх биш бол авах ёсгүй. Хэрэв хэн нэгэн зам дээр гээсэн нусны алчуур олбол, түүнийгээ хамгийн ойрын шуудан дээр үлдээнэ. Ингэснээр гээсэн хүн хаясан эд зүйлээ олоход хялбар болно. Уяж хүлээгүй юм байвал авч болно гэсэн үг биш. Ичих булчирхайтай бай.
7.Ууж согтлоо гээд хүчирхийлэл үйлдэхгүй
Японд дөнгөж зочлоод гарсан хүн ч шөнө (зарим нь бүр өдөр) гудамжинд согтуу хүмүүс цөөн бишийг харах боловч, тэдний догшин омголон байхыг хэзээ ч харахгүй. Шөнийн клубт зодоон цохион их ховор гардаг. Япончууд уусан үедээ аз жаргалтай болдог (эсвэл шууд л унтаад өгдөг, дараа сэрээд дахиад үргэлжлүүлээд уухын тулд шүү дээ).
8.Амар амгалан байхыг сонгох
Одоо үед Японы хүүхдэд хүчирхийлэл бол буруу, дайн гэдэг хэрэггүй зүйл гэдгийг багаас нь зааж сургадаг. Амар амгалан байхыг боловсрол, жил бүрийн санан дурсах үйл явдлаар хөхүүлэн дэмжиж бий болгодог.
9.Засгийн газрын хяналт удирдлага заримдаа үнэхээр сайн зүйлийг авчирдаг.
Дэлхийн зэрэглэлийн төмөр замын систем (нийтийн тээвэр), дэлхийн хамгийн шилдэг шуудангийн системийн, өндөр чанартай, хямд үнэтэй эрүүл мэндийн үйлчилгээ зэрэг бол засгийн газраас хэрэгжүүлсэн хамгийн зөв бодлого, үйл ажиллагааны жишээ. Хувийн хэвшил эдгээрийг илүү сайн хийх байсан гэж бодоход ч хэцүү.
10.Бүрэг даруу байдлыг хүсэмжит зан чанар болгох
Японы нийгэм бол их зөөлөн, эгэл даруу байдаг. Хүмүүс урт оочер дараалалд ямар нэгэн гомдол дургуйцэлгүйгээр зогсдог. Зам дээр жолоочид ямар нэгэн байдлаар маргаж хэрэлдэхгүй. Дуугаа өндөрсгөх, нүдээ эргэлдүүлэн муухай харах явдал ч тохиолдохгүй. Япончууд их уян зөөлөн, амьсгалж, амьдрахдаа тайван дөлгөөн байдлыг эрхэмлэдэг. Үнэхээр мундаг араншинтай.
Японд аливаа үйл ажиллагаа хатуу дэг журмын дагуу явагддаг тул, таны төлөө дүрэм зөрчсөн үйлдэл хийнэ гэж хүлээх хэрэггүй.
11.Их сайн сонсогч байх
Япончууд их зөөлөн ярьдаг. Тэд ихэнх тохиолдолд бүрэг ичимхий, даруу төлөв, тэвчээртэй байдаг. Тэд ярианд шуудхан орохоосоо илүүтэйгээр эхлээд бусдад ярих боломжийг олгодог. Тэд маш сайн сонсогчид юм.
Бусдад санаа бодлоо илэрхийлэх боломжийг олгохыг маш чухал гэж үздэг. Учир нь тэдэнд нээлттэй байх, бидэнд сонсох нөхцөл бүрдэх болно. Бид бусдын үзэл бодлыг ойлгох гэж хичээх үедээ бага шүүмжилдэг. Бид мэтгэлцэхийн оронд хэлэлцэх үедээ автоматаар дуугаа сулруулж, яриаг ноёлохоо больдог.
Япончууд чимээгүй байдлыг үнэлдэг; харилцан ярианы дунд үе үе зогсолт хийвэл та үнэ цэнээ өсгөнө.
12.Хэт үндсэрхэг байх хэрэггүй
Өөрийгөө хэт өргөмжлөх хэрэггүй. Яагаад гэвэл хүн бүр өөрийнхөө төрсөн газар орныг хамгийн сайхан газар гэж мэдэрдэг. Дэлхийн өнцөг булан бүрээс ирсэн цагаачид амьдардаг Япон шиг орон бол, дэлхийн хамгийн сайхан газраас ирээгүйг чинь ухааруулаад өгнө. Угаасаа тийм зүйл оршдоггүй юм.
13.Ганбару – хамгийн сайнаараа хийх
Англи хэлэнд энэ үгтэй тэнцэхүйц үг байхгүй гэдэг . Ямарваа нэгэн зүйлс төсөөлж байснаас их хугацаа, мөнгө, эрч хүч шаардаад ирэх үед бидний ихэнх амархан буугаад өгчихдөг. Харин Японд бол, хамгийн сайнаараа, бүх хүчээ дайчилсны эцэст түүндээ хүрнэ гэж итгэдэг. Япончуудын оюун санаа, итгэл үнэмшилд ганбару бат сууж, шигтгэгдсэн байдаг.
14.Амлалт бол чухал зүйл
Японд хэн нэгэн хүн ямар нэгэн зүйлийг хийнэ гэж хэлсэн бол, чин сэтгэлээсээ хэлдэг болохыг бид сурна. Тэд хэлснээ хэзээ ч мартахгүй. Хэрэв тэднийг ямар нэгэн үйл ажиллагаанд урьсан бол очих ёстой юм шиг санана. Хэрэв тэд очно гэсэн бол бороо асгаж байсан ч болзсон газраа заавал очно. Хэрэв үнэхээр амжихгүй бол, энэ талаараа урьдчилан мэдэгдэх, эсвэл өөрийнхөө оронд хэн нэгнийг илгээх хэрэгтэй болно.
15.Илүү сайн иргэн бай
2014 оны Бразилд болсон Хөл бөмбөгийн дэлхийн аварга шалгаруулах тэмцээний үеэр Япончууд өөрсдийн сууж хөгжөөн дэмжсэн стадионы танхимын хэсгийг цэвэрлэсэн. Хэрэв та Японд очиж байсан бол, үүнийг нэг их гайхаад байхгүй байх. Учир нь Япончууд бохирдуулсан бол цэвэрлэчихээд явдаг. Хэрэв та гэртээ үдэшлэг зохион байгуулсан бол, оролцсон хүн бүр цэвэрлэгээ хийхэд тусална гэж найдаж болно. Тэд аяга тавгийг чинь хүртэл угаана. Япончууд байгууллагынхаа урд талын замыг өдөр бүр шүүрдэж цэвэрлэдэг. Мөн хүн бүр оролцох ёстой. Хөршийн цэвэрлэгээг байн байн зохион байгуулдаг. Тэдний үүрэг биш байсан ч, бусдын бохирдуулсан зүйлсийг цэвэрлэдэг.
16.Аливааг соёрхон гүйцэтгэх
Хэрэв Япончуудыг нэг үгээр тодорхойл гэвэл, энэ үг “соёрхолтой” байх байсан болов уу. Хүндлэл үзүүлэн бөхийх, зөвхөн долоовор хуруугаар бус, бүхэл гараараа хэн нэгэн рүү заах гэх мэт дээд зэргийн гоёмсог байдлаар хандах явдал нийгмийн бүх давхаргад үйлчилдэг. Хоёр гараараа өгөх, сайхан хувцаслах, хүн бүртэй инээмсэглэн мэндчилэх гэх мэт бүх үйлдэлд талархал, хүндлэл, ёс журам шингэсэн байдаг.
17.Цагаа барь
Японд сурсан хамгийн том хичээлийн талаарх судалгаанд оролцогчдын хамгийн нийтлэг хариултаар “цаг барихын ач холбогдол” шалгарч байв. Энэ бол зөвхөн бусдыг хүндэтгэж буйгаа харуулахын зэрэгцээ бүх ажлыг үр ашигтай, найдвартай гүйцэтгэх боломжийг олгодог байна.

28/09/2023

Танд хэрэгтэй 9 дадал зуршил 🍋

1. Өдөрт нэг 1 "хэрэггүй" зүйлээсээ салж чадвал 7 хоногт 7 хэрэггүй зүйлээс сална гэсэн үг. Ингэснээр танд хамгийн хэрэгцээтэй болоод чухал зүйлс үлдэх юм.

2. Монголчууд "Харамч хүн 2 төлнө" гэж ярьдаг шүү дээ. Тэгэхээр дан ганц хувцас хэрэглэл ч гэлтгүй ямар нэг худалдан авалт хийхдээ хямдаас илүү чанартайг сонгох хэрэгтэй. 💸

3. Хувцсаа нэг удаа өмсөхөөр ангилж ялгаад сурчихвал өглөө ажилдаа явахаасаа өмнө цагаа хэмнэх боломжтой гээд бод доо.

4. Та яг одоо имэйлийн апп-руугаа ороод уншаагүй хэдэн имэйл байгааг хар даа. Яг наад имэйлүүдээ л цэвэрлэ гээд байгаа юм шүү дээ. Онцын шаардлагагүй имэйлүүдийг дор дор нь устгаад сурчихвал чухал, хэрэгцээтэйгээ түрүүлж олж харахад тустай билээ. 📩

5. Хааяа хэрэгцээгүй, эсвэл нэг удаа л хэрэглэж үзээд дахиж ашиглаагүй апп-ууд байдаг даа. Тэгвэл тэдгээр хэрэгцээгүй апп-уудаас салах цаг нь болсон гэж бодогдохгүй байна уу?

6. Заримдаа зүгээр л гэртээ амарч байхад, аль эсвэл гадуур зугаалж байхад шинэ санаа гэнэт орж ирэх үе байдаг даа. Яг тэр үедээ утасныхаа Notes дээр тэмдэглээд хэвшчихвэл дараа хэрэг болох ч юм бил үү? ✏️

7. Өдөрт хийх хамгийн чухал 3 зүйлсээ тэмдэглээд, хийж дууссан бол ард нь ✅ хийгээд явбал ажлаа ч амжуулна, өөртөө ч сахилга бат суулгах нь ээ.

8. "2 минутын дүрэм" баримтлах. Энэ нь хийх ажлуудаа бодолцож үзээд 2 минутаас бага хугацаа зарцуулахаар бол хойшлуулалгүй хийх тухай яриа юм. Өөрөөр хэлбэл заримдаа бидний дараа хийнэ гэж хойшлуулсан зүйлс яг чухал ажил хийх болоход "саад" болох үе бий. Түүнээс л сэргийлэх гээд байгаа юм шүү дээ. 🤓

27/09/2023

Нууц нь ердөө л энэ !

Хүн өөрөөсөө ямар энерги ялгаруулна ЯГ түүнийхээ ХАРИУГ авдаг.

Энэ бол хамгийн ШУДАРГА бөгөөд ХОРВООГИЙН ХАТУУ ХУУЛЬ.

Хүн бусдыг болон өөрийгөө хуурч болно.
Харин өөрөөсөө илгээсэн эниргиэсээ ӨӨР ХАРИУ авах боломжгүй !

АВАХ энерги ялгаруулаад ӨЛӨНТӨӨД байвал амьдрал түүнээс ямар нэгэн юмыг нь БУЦААГААД аваад байдаг !

Энергийн энэ УРСГАЛЫГ мэддэггүй
АВАХ л сэтгэхүйтэй хүмүүс
МӨНХИЙН ДУНДУУР СЭТГЭЛТЭЙ,
ЯДУУ, ЯМАР НЭГЭН ЮМААР ГАЧИГДАЖ дутуу явдаг !

Хараалын элдэв үгс хэлээд байвал хорвоо ЯГ ТҮҮНИЙХ нь хариуг тэр хүнд БУЦААГААД өгчихдөг !

Ийм хүний үйлс үргэлж бүтэлгүйтдэг.

Харин ӨГӨӨМӨР, ӨГӨХ энерги ялгаруулдаг хүнд хорвоо ертөнц БУЦААГААД ӨГӨӨД БАЙДАГ.

АМНЫ БИЛИГТЭЙ ХҮН АМНЫ ХИШИГТЭЙ АМЬДАРДАГ гэдэг нь энэ. !

Үүнийг шашин болгон өөр өөрийнхөөрөө тайлбарладаг.
Гэвч энэ нь зүгээр л ЭРГЭХ ХОЛБООНД ОРШДОГ ЭНЕРГИЙН Л ОЙЛГОЛТ шүү дээ.

Үүнийг ШУ-ны талаас нь энгийнээр ойлгож болдог 21-р зуунд БИД амьдарч байна.

Амьдралаа өөрчлөе гэвэл ӨӨРИЙГӨӨ Л ӨӨРЧИЛ.
ҮГ ХЭЛ, #БОДЛОО ЭЕРЭГ БОЛГО !

Өөрөө ч анзаарахгүй хаа явсан газраа, гэр орондоо ХАРААЛЫН ҮГС хэлж өөрийгөө болон гэр бүл, үр хүүхдүүдээ харааж явдагаа боль !

Бодол болон үг бол БИДНЭЭС ИЛГЭЭГДЭЖ байдаг хамгийн ХҮЧТЭЙ #ЭНЕРГИ шүү !

Англи хэлний emotion гэдэг үг нь energy motion буюу энергийн урсгал гэсэн үгний товчлол байдаг.
Emotion гэдэг үгийг бид СЭТГЭЛ ХӨДЛӨЛ гэж орчуулдаг.
Тэгэхээр бид СЭТГЭЛ ХӨДЛӨЛ буюу мөнхийн энергийн үелзэл дунд оршин байдаг бодгаль байгааз.

САЙХАН АМЬДРАЛ болон СЭТГЭЛ САНААНЫ ЭРҮҮЛ МЭНД хүсдэг бол ЭХЛЭЭД өөрөө ӨӨРИЙНХӨӨ ӨМНӨ ҮНЭН БАЙЖ СУРАХ хэрэгтэй хө.

Сайхан юмс бодож Сайн санаж яв.
Амьдрал ҮРГЭЛЖ сайхнаараа.

Via Ерөөлтүвшин

27/09/2023

ТАНЫ БҮТЭЭЛЧ БАЙДЛЫГ НЭМЭГДҮҮЛЭХ ӨГЛӨӨНИЙ 8 ДАДАЛ
Ихэнх ажил хэрэгч хүмүүс өглөөг сайхан эхлүүлснээр тухайн өдрийг амжилттай өнгөрүүлж чаддаг гэдгийг сайн мэдэж байдаг. Тиймээс та бүхэнд өдрийг бүтээлчээр өнгөрүүлэхэд нөлөөлөх дараах өглөөний зөвлөгөөнүүдийг хүргэж байна.
1. ӨГЛӨӨНИЙ ЦАЙНДАА АМИН ДЭМЭЭР БАЯЛАГ, ЭРҮҮЛ ХҮНС ХЭРЭГЛЭХ
Зарим өглөө танд дэлхийг ч өөрчилж чадах хэмжээний эрч хүч мэдрэгддэг бол зарим өдөр юу ч хийгээд нэмэргүй мэт сэтгэгдэлтэй сэрэх нь бий. Харин өглөөд эрүүл хоол хүнс хэрэглэснээр эрч хүчтэй болж, сэргэл санаагаа сэргээх боломжтой. Өглөөд хэт их сахар хэрэглэхгүй байх нь үдийн хэрд эрч хүчээ алдахаас сэргийлнэ. Хамгийн гол нь өглөөний цайг заавал ууж хэвшээрэй.
2. ӨДРИЙНХӨӨ ТӨЛӨВЛӨГӨӨГ ГАРГАХ
Өглөөний цайгаа уусныхаа дараагаар тэр өдөр хийх ажлын төлөвлөгөөгөө гаргаж сураарай. Гэхдээ хэт хатуу чанга, нарийн төлөвлөгөө гаргах гэж хичээх хэрэггүй. Заримдаа иймэрхүү хэлбэрийн төлөвлөгөө нь энгийн ажлыг ч хүнд хэцүү ажил мэт болгож орхидог. Ер нь орой орондоо орохоос өмнө дараагийн өдрийнхөө төлөвлөгөөг гаргах нь илүү амар байдаг. Ямартай ч төлөвлөгөө гаргах нь танд хийх ёстой чухал ажлаа амжуулах боломжийг олгож, аливаа ажлаас тойрч зугтахаас сэргийлдэг.
3. АЙДСАА ДАВАН ТУУЛАХ
Марк Твений нэгэнтээ “Өглөөд хамгийн их айж байгаа зүйлээ хийснээр өдрийн үлдсэн хэсэг нь ямар ч асуудалгүй өнгөрөх болно” гэж хэлсэн байдаг. Хэрэв та ямар нэг ажлаас зүрхшээж, барьж авахаасаа айж, тойрч гүйгээд байгаа бол энэ зөвлөгөөг хэрэгжүүлээд үзээрэй. Хэрэв та өглөөд өөрийн хамгийн айж байгаа зүйлээ дуусгаж, амжуулж сурвал өдрийн турш маш их зүйлийг амжуулсан мэт мэдрэмж төрж, өөртөө итгэх итгэл тань сэргэх болно.
4. “УЛААНЫ ЛООЛЬ”-ИЙН АРГЫГ ДАГАХ
Улаан лооль хэмээх энэ арга нь улаан лооль шиг хэлбэртэй гал тогооны цаг хэмжигчээс үүдэлтэй ойлголт юм. Энэ маш энгийн арга бөгөөд өглөөд ашиглахад их үр дүнтэй арга байдаг. Та цаг хэмжигч дээр тодорхой цаг тохируулаад хийх ёстой ажил дээрээ төвлөрөн сууна. Энэ үед танд юу ч саад болох ёсгүй бөгөөд цаг дууссан дохио өгөх хүртэл төвлөрч сууна. Хэрэгжүүлэхэд үнэхээр үр дүнтэй арга шүү.
5. ПАРКИНСОНЫ ХУУЛИЙГ АШИГЛАХ
Паркинсоны хууль гэдэг нь тухайн хийгдэх ажил түүнийг хийж дуусах хүртэл хугацаанд үргэлжилдэг тухай ойлголт юм. Өөрөөр хэлбэл танд тухайн ажлыг гүйцэтгэх хугацаа бага байх тусам та илүү хурдтай ажиллах шаардлагатай болж тэр хэрээр хичээж ажилладаг гэсэн үг юм. Та шалгалт өгч байх үедээ хамгийн сүүлийн минутанд нь ямар их зүйлийг дуусгаж чаддагаа мөн гэнэтийн зочин ирж байгааг дуулаад гэр орноо ямар хурдан цэвэрлэж чаддагаа санаж байна уу. Энэ чинь л Паркинсоны хууль юм шүү дээ. Тиймээс аливаа ажлыг төлөвлөхдөө аль болох богино хугацаатай байхаар төлөвлөх нь тухайн ажлыг яаралтай хийх ёстой гэсэн дохиог хүлээн авч, хурдан дуусгаж чаддаг байна.
6. ТАНД СААД БОЛДОГ ЗҮЙЛҮҮДЭЭС ЗАЙГАА БАРИХ
Та өглөө дөнгөж сэрээд шууд Facebook-ээ шалгаж, дуут имэйлээ сонсож, имэйлээ шалгахаар ухасхийдэг үү? Би ч мөн адил ингэдэг л байлаа. Та өглөөг имэйл, дуут шуудангаа шалгаж эхэлснээр өөрөө ч мэдэлгүй зүгээр л хариулт өгөгч болж орхидог. Өөрөөр хэлбэл та өөрөө аливаа ажил руу ухасхийж орох ёстой байтал бусдын хийж буй ажилд хариу өгөгч болж орхидог. Тиймээс өдөрт имэйлээ шалгах тодорхой цагийг гаргаж өгч, зааг хязгаар тогтоож сураарай.
7. ТАНД УРАМ ЗОРИГ ӨГӨХ ХАМТРАГЧТАЙ БОЛОХ
Хэн нэгнийг хамтрагчаараа сонгосноор бие биедээ урам зориг өгөхөөс гадна бие биедээ хяналт тавьдаг учраас илүү хариуцлагатай ажиллдааг эхэлдэг. Таны хамтрагч заавал тантай ижил үзэл бодол, зорилготой байх албагүй ч, хамгийн гол нь таны юу хийж байгааг хянаж, зөвлөгөө өгөх боломжтой байх ёстой.
8. ӨГЛӨӨД ТОДОРХОЙ ЦАГИЙГ ХАМГИЙН ТОМ ЗОРИЛГО ДЭЭРЭЭ АЖИЛЛАЖ ӨНГӨРҮҮЛЭХ
Ялангуяа ийм ажлыг өглөөд хийх нь хамгийн сайн арга байдаг. Хэдий цөөхөн минут ч бай хамаагүй ингэж ажиллах нь тодорхой хэмжээнд тухайн ажлыг ахиулж байдаг. Тиймээс өдөрт бага ч атугай хугацаанд урт хугацааны томоохон зорилгоо биелүүлэхийн тулд ажиллаж сураарай.