Guide center

29/05/2024

Америк блоггер, инфлүүнсер, Meanwhile in Mongolia компанийг үүсгэн байгуулагч Брианна, олон улсын сэтгүүлч Д.Батжаргал нар элсэлтийн европ хэлтнүүдийн тэмцээнийг шүүн дүгнэж байна. Суралцагсад маань илтгэлээ сайн бэлджээ, сонсоход урамтай, бүтээлчээр явагдаж байна

26/05/2024

Өнөөдрийн хичээл дээр өндөрлөв. Энд Их Монгол Улсын их заргач Шихихутагийн бариулсан "Тогосын ордон" байсан гэдэг. Дэлхийн өв - Орхоны хөндийн соёлын дурсгалт газруудтай танилцах дадлага сургалтыг хамгаалалтын захиргааны аялал жуулчлал хариуцсан албаны дарга Үүрийнтуяа удирдан явууллаа.

25/05/2024

Хөтчийн ур чадварын семинар хичээл Хархорин суманд - ийн -ийн зааланд амжилттай явагдаж байна. 9 багаар англи, герман, солонгос, хятад хэл дээр даалгавар гүйцэтгэл хийж байна.

25/05/2024

Музей үүсэж хөгжсөний 100 жилийн ойд зориулсан тусгай сургалт танин мэдэхүйн хөтөлбөр Хархорин суманд явагдаж байна. Guide center ийн суралцагчид Эрдэнэ Зуу музейгээс аяллын хөтчүүдэд зориулсан тус сургалтанд хамрагдаж байна. Тун сонирхолтой, товч тодорхой, гоё агуулгуудыг музейн ажилтнууд өгч байна.

20/05/2024

20 жилийн өмнөх жуулчны баазууд дээр “байсан” соёлыг өнөөг хүртэл хадгалсан болохоор нь “музей” гэж хэлээд байгаа юм. Өнгөрсөн сард сургалтынхаа дадлагаар Silk road бааз дээр буулаа. Биднийг ресортын ажилтан залуучууд угтаад, гарахад үдээд зогсож байсан. Жуулчид энэ соёлд маш дуртай, бас баярладаг. Монголчууд бидэнд хүртэл таатай сайхан санагддаг. Захирал С.Ундармаа эгч маань намайг байнга дэмжин тусалдаг. Бидний хамтын ажиллагаа нь салбарын хүний нөөцийн төлөө билээ.

#САНААТАЙГААР: Хүннү өвөг дээдэс маань “Торгоны зам” дээр хяналтаа тогтоож, татварт хураасан торгоороо Европ руу реэкспорт хийж байсан ноёрхол байсан бол Чингис хаан маань “Торгоны зам”-ын худалдаачдыг Монголын нутаг дэвсгэрээр айх аюулгүй зорчих “хууль”-ийг “Их засаг”-аар баталгаажуулж өөрийн орд өргөө болон нийслэл Хархорумд худалдаа наймаа хийлгэж дэлхийн улс орнуудын тухай мэдээ мэдээллийг хурдан шуурхай авчихдаг гайхалтай “систем”-ийг тогтоож байсан юм. Өгөөдэй хаан маань Хархорум хотыг хот шиг хот болгон цэцэглүүлж “дэлхийн нийслэл” хэмээх нэр алдарт хүргэсэн билээ. Өөрөөр хэлбэл, Торгоны зам дээрх Хүннүгийн ноёрхол, Монголын эзэнт гүрний засагласан хууль, Хархорум хотын өнгө үзэмж сүр хүчний түүхийг хойч үед үргэлж сануулж байхаар энэхүү Silk road resort-ыг “санаатай”-гаар цогцлоосон мэт.

..: Ресортын орчин тойрны тохижилтонд буй байшингийн суурь, хашаа хайсны суурь, явган замууд дахь магмын төрөлд хамаарах боржин, хүрмэн чулуулаг, тунамал чулуулагт багтах элсэн чулуу, яшма, хувирмал чулуулагт хамаарах занар, алевролит, аргиллит чулуулгуудыг хэрхэн таньж мэдэх талаар манай Guide төвийн зочин багш Д.Баттогтох тайлбарлаж өгсөн бол ресторан, зочид буудлын аварга том байшинг Монголын эртний уран барилгын онцлогтой харьцуулан хотын түүх судлаач Г.Очбаяр багш тайлбарлаж, хана, тааз болон бусад хээ дүрслэлүүд, хаадын тамганууд, бусад холбогдох түүхийг би бээр тайлбарлаж тус ресортыг “музей” үзсэн мэт болгосон билээ. Тус ресортын өнцөг булан бүрийг, харагдаж буй бүх хээ дүрс, гаднах орчны шороо чулуу, хашаа хайс гээд бүгдийг нь “мэдлэг” болгон тайлбарлах боломжтой.

#КЛАСТР: С.Ундармаа захирал энэхүү бүтээн байгуулалтандаа аж ахуйн нэгжүүдийн хамтын ажиллагааг эрхэмлэсэн. Тийм учраас энэ том ресторандаа мэргэжлийн компанийг урьж ажиллуулж байгаа. Сая биднийг очиход 60 хүний хоолыг яг цагт нь, бас порц боломжийн гаргаж өгсөн. Суралцагсад маань сэтгэл хангалуун байсан. Тийм ээ, кластр гэдэг шийдэл маш чухал. Дэлхийн том зочид буудлууд яагаад нэг хоногийн ч алдагдалгүй ажилладаг вэ гэхээр нэг байшинг маркетингийн, рестораны, хүнс түгээлтийн, угаалга үйлчилгээний, бизнес маркетингийн, аяллын гээд 5-6 компани хөдөлгөж байдагтай холбоотой. Silk road resort-ын менежер Ариунзаяагаар бахархдаг. Бид заримдаа “төвөг удна”, гэвч эвтэйхэн бидэнд сануулаад хэлчихнэ, ажил нь тарчихсан байхад хүртэл “зохицуулаад” өгнө. Хүндлэл байгаа газарт харилцаа зөв сайхан өрнөөд явчихдаг билээ.

03/05/2024

Ирсэн суралцагсаддаа буцаагаад их хэмжээгээр “өгдөг” сургалт бол манай Guide center билээ.

• Guide 106 элсэлтийн 58 суралцагчийн 12 нь 100% ирцтэй байж чадлаа. Аяллын газрын зургаар урамшууллаа.

• 58 суралцагчийн англи, солонгос, франц, хятад хэл дээр тавьсан илтгэлүүдээс 4 суралцагч 10 оноо авч түрүүллээ. Чингис хаан музейн гарын авлага номоор урамшууллаа. 9.5 оноо авсан таван суралцагчийг монгол англи хэлээр бичигдсэн жуулчид ба нүүдэлчдийн ярианы тухай номоор урамшууллаа.

• 58 суралцагчаас 60 онооны тестэнд хамгийн өндөр оноо авсан суралцагчаа “Рой Чепмэн Эдрюсийн аялал”-ын тухай номоор урамшууллаа.

• 58 суралцагчаас сургалтын явцад 100 оноо цуглуулах ёстойгоос хамгийн өндөр оноонуудыг авч 1-3 байр эзэлсэн суралцагсдаа Чингис хаан музейн бэлэг дурсгалын зүйлсийг өөрсдийнх нь хөтөч хийхэд хамгийн ихээр хэрэг болох номуудын хамтаар шагналаа.

• Хархорин музей, Эрдэнэ Зуу музей үзэх дадлагын үеэр “Хөтчийн ур чадвар”-ын семинар зохион байгуулж 10 багийн өрсөлдөөнөөр шалгарсан 3 багийн 15 суралцагчийг “Сонгомол аяллын маршрут” номнууд, “Хайраар бүтээв” үндэсний үйлдвэрлэлийн бүтээгдэхүүн, “Шанду хот буюу Хэйвэн орд”-ын тухай номуудаар шагнаж урамшууллаа. 106 дахь элсэлтийн тэргүүн суралцагчаар Тэнүүн Монгол ХХК-ийн аяллын менежер Ч.Мөнхмандах шалгарсан бөгөөд аргагүй салбарын мэргэжилтэн гэдгээ харууллаа.

• Салбартаа чиглэл чиглэлээрээ хамгийн шилдэг бүтээлч, судлаач сэхээтнүүд болох Очбаяр, Баттогтох, Ариунаа, Ашид, Нарангоо, Буянбадрах, Энхжаргал, Хажидмаа нарын олон багш нарын тархи оюундаа хуримтлуулсан тэр их мэдлэг, туршлагыг сонсголоо.

• Салбартаа жуулчдын үйлчилгээнд амжилттай яваа Let’s travel, Гоёо трэвэл, Грийт Чингис экспедишн, Гэрэлт ирээдүй трэвэл, Топ тур гэх мэт компаниудаас захирал менежерүүд ирж төгсөгчидтэй маань ярилцаж, ажлын байруудад урилаа.

Ийнхүү -ийн түүхэнд бас нэгэн анги мөрөө үлдээж нийт 18 жилийн хугацаан дахь 3515 - 3574 дэх төгсөгчид боллоо. Та нартаа баяр хүргэж улам их амжилтыг хүсье! Монголын аялал жуулчлалын салбарыг худал хуурмаггүй, чанартай, үнэ цэнэтэй болж хөгжихөд нь хувь нэмрээ ихээр оруулаарай гэж ерөөе! Мөн та бүхэн чанартай чансаатай, ажлаа мэддэг, ёсзүйтэй, ухамсартай, эрдэм мэдлэгийг дээдэлсэн хөтчүүд байгаарай!

03/05/2024

Аялал жуулчлалын компаниудын хүсэлтээр "ХАНБОГД КАШИМЕР"-ын үйлдвэртэй танилцах аяллыг 2024 оны 05 сарын 04-ны Бямба гарагийн 10.00 цагаас зохион байгуулах гэж байна.
Жуулчдад зориулан "ноолуурын үйлдвэрээр аялах" хөтөлбөрийг танилцуулах юм байна. Ноолууран бүтээгдэхүүн хэрхэн бий болдогийг харуулж мэдрүүлэх тус аялалд оролцохыг хүсвэл дараах линкээр орж бүртгүүлээрэй. Аялалд оролцоход ямар ч хураамж төлбөр авахгүй.

Аяллын автобус "Туушин" оффисын үүднээс яг 10.00 цагт хөдлөх тул дор хаяж 09:45 гэхэд ирсэн байгаарай, хүмүүс ээ. Буцаагаад автобус маань хүргээд ирнэ. 😃

https://forms.gle/YFhq8YjLM28rsmU78

24/04/2024

Англи, франц, солонгос, хятад, орос хэл дээр нийт 54 илтгэл тавигдаж элсэлтийнхэн бие биенээсээ суралцаж, мэдсэн суралцсанаа солилцсон бүтээлч 2 өдөр ийнхүү өнгөрлөө. Шүүж дүгнэсэн багш нар сонирхолтой байлаа гэв. Мөн агуулга болон илэрхийлэх чадварууд дээр зөвлөмж өглөө.

23/04/2024

Guide center - бас нэгэн хамтын ажиллагаа

...
“Од харж орилж хашгирдаг” солонгос жуулчдыг “орилж хашгирахгүйгээр харж болдоггүй юм байх даа” гэж боддогоо нуугаад яах вэ. Нэг жуулчны бааз дээр нэг групп солонгос жуулчид ороод ирэхэд л тэнд байсан тайван амгалан нам гүм байдал эвдэгдэж, хоолны ширээ, бие засах газар, шүршүүрийн байранд хүртэл нөхцөл байдал өөрчлөгддөг. Энэ үзэгдэл тэдний соёл нь юм уу? Эсвэл жинхэнэ аялж сурсан, бие авч явах соёлтой, боловсролтой солонгосууд нь Монголд хараахан аялж ирэх болоогүй юм уу? ... гэх мэтээр хоёр монгол захиралтай ярилцаж билээ. Энэ удаа тэдгээр хоёр захирлын захиалгаар 14 хоногийн “тусгай” сургалт зохион байгууллаа. LLC & ХХК

. Нэг суралцагч “багш аа, со жуулчид яагаад орилж хашгирдаг вэ гэхээр бааз дээр оройн хоолны дараа хийх юм байхгүй, тэгээд од гоё харагдах шөнийг хүлээгээд, зүгээр суултай биш дээ гээд нөгөө сөжү, шар айраг энэ тэрийгээ уучихдаг юм аа. Тэгээд “халаалттай” хүмүүс чинь тэнгэр дүүрэн од хараад сэтгэл нь хөдлөөд орилдог байхгүй юу даа, манай монголчууд ч гэсэн уухаараа дуу нь чангарчихдаг биз дээ” гэж байна, ккк Хошин ч гэлээ үнэн үг л дээ. Үнэхээр баазууд дээр оройн хоолны дараа үзэх харах, оролцох зүйл байхгүй дээ. Энэ нэг “өгүүлэмж” юм.

. Дэйли Монголиа-гийн захирал Билэгсайхан бол манай төгсөгч. “Багш аа, Хадаг тур-ын захирал Ядамсүрэн Ковидын өмнөхөн Солонгосын кино төслүүдийн багийг голдуу авчирдаг байсан, одоо ч бас тийм. Солонгосын загвар өмсөгч охидууд ирээд фургон дээр гарч зогсоод зургаа авхуулаад буцсан даа, тэдгээр охидууд анх солонгос жуулчдын дунд фургоныг алдаршуулсан” гэв. Тэгээд л фургон “хаданд авирч эхэлсэн” юм байна. Ядамсүрэн, Билэгсайхан хоёр хамтдаа манай оффис дээр ирсэн. Тийм залуухан “хүү” ороод ирнэ гэж бодоогүй. 2019 оноос хойш кино контент төслүүд, фото аяллууд, рекламны ертөнцийн солонгосчуудыг Монголд аялуулсаар байгаа гэнэ. Өөрөөр хэлбэл, солонгос жуулчдын олноороо хуйлрах замыг тэдгээр кино рекламны ертөнцөөр дамжуулан “нээсэн” гэхэд болно. Дэйли Монголиа ч ялгаагүй Монголд анх Солонгосын алдартай 4 юүтүбэрийг авчирсан, тэдний 4 цуврал бичлэгүүд их хандалт авч олон жуулчдыг татжээ. Энэ хоёр компаниар аялсан жуулчдын бичлэгүүд 240к-2,4 сая хандалттай байна.

. Хоёр жилийн дараа энэ “хүү хаа гэсэн урсгал” байхгүй болно, яах вэ, энэ урсгал дээр “мөнгө хийх” гээд бүгд зүтгэж байгааг би эсэргүүцээгүй ээ, харин ч дэмжиж байгаа. Гэхдээ жаахан утга учиртай баймаар байна аа, манай хөтчүүд муу байна, солонгосууд өөрсдөө хөтөч хийх гэж зүтгэж байна, ийм байж болохгүй ээ ... гэх мэтээр хэдэн үг солилцоход бидний санаа нэг байсан юм. Билэгсайхан маань хөтчүүдээ улам чанаржуулаад хоёр жилийн дараа ч өөрийн компани дээрх урсгалаа алдахгүй байхыг хичээж байгаагаа хэллээ. Хөтчүүд хандлагаа бага зэрэг өөрчлөхөд л “чанар” гэдэг зүйл хэрэгжих гээд байгааг олж харсан байсан. Тийм ч учраас энэ хоёр компани 60 хөтчийг сургаж авлаа. Одоогийн нөхцөл байдал болон ирээдүйгээ төсөөлчихсөн байгаа нь ихэд анхаарал татлаа. Залуухан захирлууд олон ажлын байрыг бий болгож, мөн өөрсдөөс нь насаар ах олон хүмүүс хөтөч нь болж хамтран ажиллаж байгаа нь сайхан санагдлаа. 2024, 25 оны өвлийн аяллын “моод” нь Хөвсгөлийн Жаргант болно хэмээсэн юм. Нэг нөлөөлөгч солонгосыг аваачсан, тэд нэг нэгнийгээ дуурайх дуртай, одоо захиалга “Жаргант” руу чиглэж байна аа гэв.

.. Хөтчүүд нь хичээлдээ таслалгүй сууж, хариуцлагатай хандаж, өөрсдийн мэддэгээ хуваалцаж, идэвхи дүүрэн байсан. Урамтай, сэргэлэн цоглог байдал, хичээлдээ болон багш нартаа хандах хандлага, бид нар суралцах ёстой гэсэн ухамсар нь гоё байсан. Өөрийн нүдээр харж, өөрийн чихээр сонсох нь чухал юм аа.

22/04/2024

, ...
Баруун зүгийн аялалд гарах тоолонд Хөгнөхаан уулыг харж өнгөрдөг билээ. Алсаас харахад Хөгнө хаан уулын баруун урд бэлд баруун тал нь хар саарлаар, зүүн тал нь улаан боровтор өнгөөр ялгарч, хоёр талаасаа нийлсэн байдал маш тод харагддаг. Ажигч хүмүүс бол харж байсан биз ээ. Өнгөрсөн Бямба гарагт яг тэр газрыг зориуд зорьж очлоо. Сургалтынхаа 106 дугаар элсэлтийнхний дадлага хичээлийг далимдуулан багш нарынхаа хүчийг "нэмэгдүүлэн" зохион байгууллаа. Ashid Nergui Н.Ашит багшийгаа дагуулж сайхан уул хад цуурайттал хөөмийлүүлэх л дутлаа.

: Палезойн эриний карбон галав буюу 300-350 сая жилийн өмнөх элсэн чулуу, Мезозойн эриний триас галав буюу 200-250 сая жилийн өмнөх боржин чулуугаар зүсэгдэж, хожуу үеийн тектоник буюу уул өргөгдөх процессуудаар өргөгдөн газрын гадаргуу дээр гарч ирсэн дүр зураг юм. Энэ нь Хөгнө хаан уулын үндсэн геологийн тогтоцын илрэл ажээ. Зорьж очсон бид нар Карбон, Триасын хурдас чулуулгийн хил зааг дээр “Ахмадын золбоо”-нууд маань Карбоны тал дээр зогсоод, бага залуучууд маань Триасын тал дээр зогсож байгаад, 350 сая жил ба 250 сая жил нийлсэн тэрхүү зурвасыг дундаа оруулж байгаад насандаа мартахгүй сайхан гэрэл зургийн дурсамж үлдээлээ. Хоёр талаасаа “сайн уу 250 сая жил ээ, мэнд амар уу 350 сая жил ээ” гэж гараа барилцсан билээ, кккк

: Хөгнө хаан уулын ихэнхи хэсгийг бүрдүүлэгч болор, эрдэнийн жонш, биотит агуулсан, дунд мөхлөгтэй цайвар-ягаан өнгийн боржингийн биет тухайн уулыг маш үзэсгэлэнтэй, сүрлэг харагдуулдаг. Авзага хайрхан, Хөгнө хаан уулын баруун хойд хөндийгөөс эхэлж Батхаан уул хүртэл 100-120 км орчим үргэлжлэх Элсэн тасархайн шаргал элсэн толгод энэ бүс нутгийг улам чимж байдаг бас нэгэн өвөрмөц онцлогтой билээ. Алхаж буй газрынхаа тогтоцыг мэдэх нь үнэхээр сонирхолтой санагддаг болоод байгаа. Энэ сүрлэг сайхан боржинт уулын тэрүүхэн тэр зурвас зааг дээр бид нар 60-уулаа зогсож байсан хэрнээ харагдаж буй маань байгаа үгүй нь мэдэгдэхгүй жигтэйхэн “өчүүхэн” харагдаж билээ, ккк Яаж ч өөрсдийгөө уул устай харьцуулах билээ, тийм ээ.

: Энэ удаагийн аяллын дадлага хичээлд маань ШУА-ийн Одон орон, Геофизикийн хүрээлэнгийн ЭША, геологийн доктор Д.Баттогтох багш оролцож аяллын замд харагдах бүхий л уулсын тогтоц, очсон газар бүрийн чулуу шорооны онцлогийг ярьж сонирхуулж явсан бол УБ хотын түүхийн музейн ЭША Г.Очбаяр багш маань аяллын хөтөлбөрт багтсан бүхий л түүхэн газрын барилга архитектур, хээ чимэглэл, Silk road ресортын байшин барилгын тухай өөрийн анзаарч мэдсэнээ ярилаа. Миний хувьд явсан газруудаа түүх, угсаатны талаас нь илүү тайлбарлахын зэрэгцээ аялал жуулчлалын салбарын бодлого ямар байвал зөв болох тухай ярьж явлаа. Харин Ж.Энхжаргал багш маань аяллын хөтчийн хувьд анхаарвал зохих нэмэлт тайлбаруудыг хэлж явсан бол О.Болортуул багш маань солонгос хэлтэй хөтчүүдэд үг хэллэгийн талаархи туршлагаа хуваалцаж аялсан юм. Бидний энэ аяллыг дурсамж болгон үлдээхээр зураглаач Т.Ихбаяр маань хамтран ажилласан билээ. Өнөөг хүртэл Guide төвтэй хамт байгаа, цаашдаа ч хамтдаа байх эрхэм багш нар та нартаа дахин талархая аа. Энэ удаагийн дадлага хичээл маань мэдлэг мэдээллийн арвин ургацтай "супер" боллоо. Энэ хүртэлх замыг саадгүй "олоод" хүргэж өгсөн Цогбадрах Цогооноо доо баярлалаа.

10/04/2024

5 сарын 6-нд эхлэх 107 дахь элсэлтийн бүртгэл эхэллээ. Шинэ элсэлт 2024.05.06-нд эхэлнэ.

• 2006 оноос эхэлсэн 18 жилийн туршлагатай.
• Албан ёсны зөвшөөрөлтэй, нэр хүндтэй сургалт.
• Чадварлаг багш нартай.
• Хамгийн завгүй, бүтээлч сургалт
• Хичээлийн бүх цаг үнэ цэнэтэй.
• Сертификат олгоно.
• Жуулчны улиралд ажлын байранд зуучилна.
• Даваа – Баасан гарагт 17:00 – 20:00 цагт
• Бямба гарагт 10:00 – 13:00 цагт
• 25-26/Y-ний Бямба, Ням гарагт Хархорин, Эрдэнэзуу музейд хичээллэнэ.

500 000 төгрөг.
• 60 минутаар 96 цагийн хичээл орно.
• Хаана ч байхгүй хямд төлбөр

#БҮРТГЭЛ:
1. www.mongolianguideschool.com сайт руу орж “Онлайн бүртгэл”-ийг бөглөж явуулна.
2. Guide center гэсэн Facebook хуудасны chat хэсэгт хандах.
3. Бүртгэл явуулсан элсэгчдийг Guide 107 Facebook хаалттай групп-д нэгтгэж авна.
4. Асуух зүйл байвал эл постер дээрх утаснууд руу 09:30 – 20:00 цагийн хооронд хандаарай.

#ЗӨВЛӨМЖ:
• Орой бүр хичээллэх учраас өөрсдийн албан ажил, өөр бусад хамаарах хувийн ажлуудаа 30 хоногийн хугацаанд найдвартайгаар зохицуулаарай гэж хүсье.
• Хичээлээс 10 минут хоцроход маш их мэдээллээс хоцорно. Хичээл хэдэн хүнтэй ч байсан хамаагүй яг цагтаа эхэлдэг. Нэг ч хоцроогүй, таслаагүй суралцагчийг урамшуулдаг.
• Утсаараа бичлэг хийж, зураг авч болно. Харин мэргэжлийн камер ашиглах боломжгүй. Мөн хичээлийн файлыг өгөх боломжгүй.
• Хичээлийн үеэр өгөх мэдээлэл бол маш их учраас тэмдэглэж авахдаа огноо, тоо баримт, гол тодорхойлолт, хэнд хамааралтайг тэмдэглэн түлхүүр үг ашиглах нь илүү зохимжтой. Нэг бүрчлэн бичиж авах хурд, хичээлийн ярианы хурдтай таарахгүй, хоцрох талтай гэдгийг анхаараарай. Анхаарал, төвлөрөл илүү чухал юм.

Guide center of Mongolia

06/04/2024

Өнөөдөр Guide 106 элсэлтийн Чингис хаан музейн бататгал дадлага хичээл зохион байгуулагдлаа. Англи, солонгос, бусад хэлнийхэн гэсэн гурван групп болж хичээллэв. Сургалтын 6 дахь өдрийн хичээл.

04/04/2024

Маргааш хэрвээ Та UG Palace-т болох “Жуулчдаа дайлах Монгол зоог” конференц руу очвол Өрөмтэй хайлмаг, Цөцгийтэй чангаамал будааны хутгууш, Шар тос, сүүгээр багсарсан Ройд, Мойлтой шахсан бяслаг, Хөмүүлтэй бин /Тосгүйгээр хайрсан/, Үхрийн сүүний уураг бүхий хөх тариа болон сульхирын гурилаар хийсэн амттан, Сүүтэй гийдаа, Хөц будаатай ээзгий, Аарцны шарвин, Цохисон цөцгийний хутгамал гэх мэт монгол зууш, амттангуудыг хүртэх нь ээ. Бас ...

: Ар Жанчивлан рашаан, Оргил рашаан, Ходоодны рашаан, Дондогдуламын рашаан, Хунчир ба чихэр өвсний ханд, Гишүүнтэй аарцны сэрүүн ундаа, Хармаг ба есөн эрдэнийн цайтай халуун ундаа, Говийн цай, Дөрвөд цай, Урианхай цай, Цаатан цайнууд байх юм байна. Та бүгдийг нь амсаж харьцуулж болно, хэрвээ “хоол ундны зочлох үйлчилгээ”-ний бизнес хийдэг бол газар дээр нь эдгээрийг “бүтээсэн” хүмүүстэй нь уулзаж “учраа олж” болно.

: Үхрийн гүзээнд ороосон хонины утсан сүүл, Үхрийн утаж давсалсан мах, Үхрийн утсан гургалдай, Ээдэм, ээзгий, хонины сүүл, халгай бүхий орцтой, бууцайтай шар тосонд хайрсан хуушуур, Хонины гүзээг үхрийн махаар шанзалсан үдмэг иднэ ээ. Хэрвээ та өөрийн жуулчны баазынхаа хоол үйлчилгээнд “ондоошол, ялгарал” бий болгохыг хүсэж байвал бас маргааш газар дээр нь эдгээр хоолнуудыг хийсэн тогооч нартай уулзаад дараа дахин уулзах, суралцах, бааз дээрээ урих залах, сургалт авах зэргээр B2B-дээрэй.

#ТЭРТЭЭ: Анх хөтөч хийгээд явж байхад Хархорин чиглэлийн баазууд десертэнд бүгдээрээ ижилхэн шоколадтай “банка” маягийн печень өгдөг байж билээ. Нэг ганзагын наймаачин зам дагуух бүх баазуудад очоод бөөндөөд зарчихдаг байсан байх аа. Өдөр очсон баазад наадахыг чинь өгсөн, өөр десерт байна уу гэхээр лаазтай “олон жимсний компот” задлаад өгдөг байсан сан. Одоо арай дээр болсон л доо, гэхдээ л “монгол хүнс, зоог” гэх “ондоошил” баазуудын хоолонд байхгүй л байна. Сар гаруйн өмнө АртГэрийнхний арвайн гурилаар зуурсан нэг десерт идэж үзсэн, амттай бас сонирхолтой байсан. Нэг иймэрхүү ялгарал баймаар байна аа.

: Олж авсан ойлголтоор бол ресорт, лоож гэх нэртэй байршуулах газрууд дэлхий дээр арай дээгүүр “түвшний” зэрэглэлтэй байх юм. Тийм газрууд нөгөө л цуйван, шарсан тахиа, жигнэсэн мах ... гээд баймааргүй байна аа. Хоол үйлчилгээндээ бага зэрэг өөрчлөлт, хувьсгал хиймээр санагддаг аа. Эсвэл “Silk road” ресорт шиг хоол үйлчилгээгээ мэргэжлийн компанид даатгаад явсан нь дээр. Өнөө үед бааз, буудлын эзэн “ганцаараа” ороо зарах гээд, цагаан хэрэглэлээ угаах гээд, хоолоо хийх гээд, аяллаа зарах гээд, бэлэг дурсгал зарах гээд зовж зүдэрдэг технологи хоцрогдчихсоон.

: Дээрх шинэлэг содон идээ ундаа, амттан, зоогийг хүртэнгээ дараах сэдэв бүхий судалгаа, бодлого, стратегийн саналуудыг сонсож мэдлэг мэдээллээ тэлэх, бодох тунгаах, санаа авах боломжууд бас бий. Хэн илтгэх вэ гэдэг нь мэдээж хэрэг чухал, АЖ болон зочлох үйлчилгээний шилдэгүүдээс гадна шинэ залуу контент бүтээгч мөн Өвөрмонголоос ирсэн зочин илтгэх юм билээ. Гэвч миний сонирхлыг илтгэгчээсээ илүү сэдэв нь татаж байгаа.
- Монгол өглөөний цай ба танилцуулгат зоогийн үйлчилгээ
- Соёлын аялал жуулчлалд уламжлалт зоог, ундааны нөлөөлөл
- Монголын зоог, ундааны судлагдсан байдал
- Жуулчдын Монгол уламжлалт зоог, ундааны талаарх хүлээлт ба өнөөгийн байдал
- Бүс нутгийн идээ, ундааг жуулчны цэсэнд нэвтрүүлэх боломж
- Эх орны жимс, жимсгэнийг дэвшилтэт технологиор боловсруулан жуулчдад зориулсан бүтээгдэхүүн болгох нь
- Монгол зоогийн контент бүтээж жуулчдад нөлөөлөх нь
- Монгол зоог, ундааг таниулах стратеги

#ХОРЕКА: Манай салбарын зочлох үйлчилгээнд нэгэн сонирхолтой хамт олон бий. Миний хувьд “Хорека институтийнхан” гээд ой санамжиндаа хадчихсан учраас ингээд хэлчихэе. Бүрэлдэхүүн нь өөрчлөгдөөд нааш цааш гарч ороод байдаггүй, элдэв болсон болоогүй дарга сайд, байгууллага хүмүүсийг дагаж далдаганаад байдаггүй, гар нийлж, хүчээ нэгтгэж ажилладаг залуучууд байдаг. Тэд нар тууштай, жил ирэх тусам хүчирхэгжиж ахиж дэвшиж байгаа нь харагддаг. Зочлох үйлчилгээний үзэсгэлэн яармаг, конферэнцүүдийг жил бүр маш сайн зохион байгуулдаг. Хот хөдөөгүүр байнга зөвлөх үйлчилгээ үзүүлж, сургалт зохион байгуулж байгаа харагддаг. Энэхүү нэгэн баг болж чадсан залуустаа дахиад нэг ажил нэмчихмээр санагдаад байдаг юм. Зочид буудлын ресеспшин, рестораны зөөгч, өрөөний үйлчлэгч, буудлын угтагч ... гэдэг нь ямар чухал ажил болохыг хүмүүст сайн жишээнүүдээр ойлгуулж, энэ ажлын байруудад тууштай ажиллаж буй хүмүүсийг таниулж, тэднийг тухайн буудал, бааздаа хэрэгтэй байгаа өөр мэргэжлүүдэд давхар сургах чиглэлд төсөл хэрэгжүүлээсэй гэж хүсдэг. Тэднийг хамруулсан “ур чадварын тэмцээн уралдаан”-ыг зохион байгуулж, захирал менежерүүдийн дунд “хүний нөөцийн өрсөлдөөн” үүсгэх хэрэгтэй.

#Жич: Сонирхсон хүн дараах линкээр орж холбогдоорой.
https://horecamongolia.com/conference?fbclid=IwAR3qLxYxKkzQVc3HSAJQh6ENjBxoGbPY_A6nJUtLqW7mwI8QbYzEq-HfuBs_aem_ATbcdD9qtg_YvcPjImmVCko5Obtq1ecgzzH-8hSlLTusLhAY2xUzwbi230PGe13ESj-KL5KusViCXhtSBkt0vDL9

02/04/2024

30 хоногийн туршид маш бүтээлчээр өрнөсөн элсэлт маань төгсөлтөө хийлээ. 70 суралцагчаас 12 хүн нэг ч хоцролгүйгээр 100% ирцтэй байж “АЖ-ын газрын зураг”-аар шагнууллаа. Мөн ази хэл, европ хэл дээр явагдсан “илтгэл тавих” семинарт хамгийн дээд буюу 10 оноо авсан англи хэлтэй Д.Буяннэмэх, Б.Сайханжаргал, Б.Энхжин, хятад хэлтэй Э.Номин-Эрдэнэ нар “хадны зураг” болон зарим аймгийн “түүх соёлын дурсгалт газрууд”-ын тухай номуудаар шагнууллаа. Төгсөх шалгалтанд 60 онооны тестэнд хамгийн өндөр буюу 50 оноо авсан ангийн дарга Г.Алтангэрэлдээ “Палеонтологийн хүрээлэн”-гийн бэлэг дурсгалын зүйлс өглөө.

70 суралцагчаас 87 оноогоор Д.Буяннэмэх тэргүүлсэн бол 86.05 оноогоор Б.Ариунтунгалаг удаалж, 85.875 оноогоор Б.Энхжин гуравдугаарт шалгарч Guide төвийн тусгайлсан шагналуудаар шагнагдлаа. Тус элсэлтийн 70 суралцагч гайхалтай эерэг, чадварлаг, хичээнгүй байж багш нарынхаа талархлыг хүлээж байсан гэдгийг хэлмээр байна. Нийт төгсөгчдийн 32 нь босго оноо 70-аас илүү оноо авсан нь сайн үзүүлэлт байлаа. Төгсөх шалгалтанд 8 компанийн захирал менежер оролцож хөтчүүдээ сонгон авлаа. Эрхэм төгсөгчиддөө дахин баяр хүргэхийн зэрэгцээ улам их амжилтыг хүсэн ерөөе!

28/03/2024

Нийт 26 хүн илтгэл тавьж оролцжээ. Д.Буяннэмэх “Чингисийн үеийн мэдээ баримт цуглуулах тактик” сэдвээр, Б.Сайханжаргал “Анч бүргэд, анд сургадаг ёс заншил” сэдвээр, Б.Энхжин “Ингэний нулимс буюу ингэ хөөслөх” сэдвээр тус тус илтгэл тавьж хамгийн дээд буюу 10 оноог авч тэргүүллээ. Мөн М.Анхзаяа, Б.Болор, Д.Дөлгөөн, Г.Ирмүүн, Б.Мөнхбат, Д.Санчир, Д.Тэмүүжин нарын илтгэл сайн байлаа. Б.Сансар маань МИАТ-ыг маш сайн судалсан гэдгээ харууллаа.

РР файл бэлдэлт, илэрхийлэх чадвар, цаг барих, хувийн соёл гэсэн 4 шалгуураар дүгнэсэн бөгөөд европ хэлнийхэн эдгээрт сайн анхаарч хүндэтгэлтэй хандсан байсан.

За ингээд элсэлтэнд илтгэл тавьсан ази хэлний 27, европ хэлний 26 суралцагсаддаа баярлалаа. Хичээсэнд, даалгавраа сайн биелүүлсэнд, өөрсдийгөө таниулсанд дахин талархал илэрхийлье. Төгсөхөд 2-хон хоног үлдлээ.

26/03/2024

Өнөөдөр элсэлтэнд суралцаж буй солонгос, хятад, япон, тайланд гэх мэт 35 ази хэлтэн хөтчүүд тухайн хэл дээрээ илтгэлүүд тавилаа. Япон хэл дээр С.Анужин, хятад хэл дээр Э.Номин-Эрдэнэ, Т.Саруулсайхан, солонгос хэл дээр Г.Батдэлгэр, Р.Батхишиг нарын илтгэл сонирхолтой сайн байж хамгийн өндөр буюу 9-10 оноог авлаа. Маргааш 34 европ хэлтнүүдийн илтгэл явагдана.

26/03/2024

Монголын аялал жуулчлалын салбарын хамгийн ууган бөгөөд хамгийн том компани болох Жуулчин ХХК нь манай Guide төвтэй гэрээ байгуулан хамтран ажиллаж өөрийн компанид ажиллуулах хөтчүүддээ зориулан сургалт зохион байгуулж байгаа билээ. Өнөөдөр Guide төвөөс Монгол ардын урлаг хөөмий болон морин хуурыг жуулчдад хэрхэн ойлгуулж тайлбарлах, үүсэл хөгжил, домог, хуурыг бүтээж ирсэн уламжлал зэргийг таниулах хичээл орлоо. Хичээлийг Монгол Улсын Морин хуур чуулгын хуурч, хөөмийч, урлаг судлалын магистр, МУСТА Н.Ашид заалаа. Сургалт 8 дахь өдрөө үргэлжилж байна.

25/03/2024

#Жигд сайн байлаа.
Суралцагсад аяллын дадлагаараа 11 баг болж байгаад зургаан даалгавраар өрсөлдөж өмнө үзсэн хичээлүүдээ дахин нэг давтав. Гадаад хэл дээр явагдсан бөгөөд маш өрсөлдөөнтэй, хортой шартай “үзэлцлээ”. Нэгдүгээр байр эзэлсэн багт сүрхий герман, орос, солонгос хэлтэй гишүүд байсан болохоор багийнхаа оноог дээш өргөөд нийт 86 оноо авч хоёрдугаар байр эзэлсэн багаасаа 5 оноогоор илүүрхлээ.

Хамгийн сүүлийн даалгаврыг баг тус бүрд 5 асуулт оногдохоор 55 өөр асуултаар тестэлж үзэхэд хариултууд амжилттай байлаа.

Оросын буриад суралцагч маань гайхалтай сайхан тайлбар хийлээ. Япон хэлтэй нэг суралцагч маань яг л япон хүн шиг ярилаа. Бас нэг суралцагч хятадаар бол дуржигнуулдаг юм байна. Солонгос хэлтнүүд дотор бас сайн нөхдүүд байна. Цорын ганц тайланд хэлтэн маань даалгавраа тэр хэлээрээ ярив. Шүүгч багш нар маань мэдээж хэрэг тайланд хэл мэдэхгүй ч өөрийгөө илэрхийлэх чадвар байдлыг нь харж байгаад дүгнэлээ. 20-24 буюу бага залуу настнууд маань хувийн чадвараар “онцгой” байна. Энэ сэдвийг бэлдэж байх явцад ингэж бодогдсон гээд шууд өөрийн дүгнэлтээ хэлж байгаа нь анхаарал татлаа.

элсэлт маань хичээлийн 4 дэх долоо хоногтоо орлоо. Маргааш, нөгөөдөр суралцагчид маань эзэмшсэн гадаад хэлээрээ илтгэлүүд тавина. Зочин багш нар шүүж дүгнэнэ. Мөн энэ долоо хоногт хөтчийн ур чадварыг дээшлүүлэх аяллын техникүүдийн хичээлүүд орно.

24/03/2024

Өнөөдөр Эрдэнэ Зуу музейд дадлага хичээл үргэлжиллээ. Тус музейн ЭША Мөнхбаяр, Ганбат нар бататгах тайлбар хийж өглөө. ийнхан бүрэн бүрэлдэхүүнээрээ

24/03/2024

Хотын аяллын дадлага хичээлд Guide 104 ийн хэсэг суралцагсад хамрагдаж Уулын нуур, УБ хотын музей, Дарь эхийн сүм, Жанжны цэцэрлэг, Торгоны замын хөшөө, Их тэнгэрийн амны хадны зураг, хотын түүхэн талбай барилгуудын түүхтэй танилцаж аяллаа. Аяллыг УБ хотын музейн ЭША, хотын түүх судлаач Г.Очбаяр удирдан явууллаа. # Guide104

23/03/2024

Өнөөдрийн хичээл Өвөрхангай аймагт Хархорин музейд явагдлаа. 70 суралцагч 4 хэсэгт хуваагдан музейн эрдэм шинжилгээний ажилтнуудын мэргэжлийн тайлбаруудыг сонсож танхимд үзсэн хичээлүүдээ бататгалаа. Хичээл гадаад хэл дээрх семинараар үргэлжилж байна.

16/03/2024

?

Баасан гаригийн хичээл Улаанбаатар хотын танилцуулга ба үүссэн түүх, бүтээн байгуулалт зэрэг сэдэвт хичээл орсон бол Бямба гаригийн дадлага хичээл "Хүн чулууны хонхор" буюу Улаанбаатар хотын шав тавьсан газраас үргэлжилж өмнөх өдрийн сонссон хичээлүүдээ нүдээр харан бататгаж үзлээ. Хичээлийг удирдан явуулсан зочин багш Улаанбаатар музейн ЭША Г.Очбаяр явууллаа.

15/03/2024

Амжилттай үргэлжилсээр ...
Энэ долоо хоногт Буддын шашныг жуулчдад тайлбарлах, ТХГН-уудыг ямар учраас хамгаалалтад авдаг тухай, тусгай хамгаалалтад байдаг аялал жуулчлалын топ газрууд, Монголын усны баялаг, цөлжилтийн гол нөлөөллүүд, Монголын экспортын 70-85%-ийг эзэлдэг эрдэс баялагт тулгуурласан бүтээгдэхүүн, тэдгээрийн нөөц ордуудын тухай, жуулчдыг ихээр татдаг Монголын говийн байгаль, ялгарах онцлог, говийг тодорхойлдог зүйлс, Монголын палеонтологийн шинжлэх ухааны хөгжил, судалгаанууд, олдворуудын өвөрмөц онцлогуудыг Guide төвийн захирал Ч.Буянбадрах (Buyan Choi) сонирхолтойгоор, ойлгомжтой тайлбарлан зааж дуусгалаа.

Суралцагсад сэтгэгдэл өндөр байна. Өнөөдрөөс зочин багшийн хичээлүүдээр үргэлжилнэ. Энэ удаагийн сургалтад түүх археологи, хүрээлэн буй орчин, палеонтологи, олон улсын хууль эрхзүй, их дээд сургуулийн янз бүрийн чиглэлийн багш нар, бөө судлаач, шашин судлаач ... гэх мэт олон сонирхолтой ажил мэргэжил эзэмшсэн ба эзэмшиж буй, мөн тухайн сэдвээр мэргэшиж буй хүмүүс суралцаж байгаа билээ. Элсэгчдийн 40% нь солонгос хэлний хөтөч хийх сонирхолтой хүмүүс байна.

10/03/2024

#БАТАТГАЛ
Чингис хааны музей дэх дадлага хичээл маань өнөөдөр амжилттай боллоо. Англи, хятад, солонгос, бусад хэлнийхэн гэсэн 4 групп болон хуваагдаж 30 минутын зайтайгаар, давхардалгүйгээр, бусаддаа саад болохгүйгээр, бөөгнөрч тав тухгүй байдал үүсгэхгүйгээр тэрүүхэн тэндээ их аятайхан “чанартай” хичээллэж чадлаа.
Музей маань өөрөө “том” учраас 4 цаг зарцууллаа. Өмнө нь танхимд лекцээр нэгбүрчлэн тайлбарласан байсан болохоор маш “нэмэр тус” болов.
Англи хэл дээр Э.Тэмүүлэн багш, хятад хэл дээр Б.Цэлмэг багш, солонгос хэл дээр Н.Хажидмаа багш нар тайлбарлаж, тус музейн эрдэм шинжилгээний ажилтан Энхцолмонг тусгайлан захиалж тайлбарлуулав. Бататгал хичээл маш сонирхолтойгоор явагдаж дууслаа.

06/03/2024

Guide 105 элсэлт эхэлсэн эхний өдрүүдэд “Чингис хааны музей”-н зургаан танхим дахь үзмэрүүдээр “амьсгалсан” хичээлүүд ид явагдаж байна. “Монголын эртний төрт улсын танхим”, “Монгол нутаг дахь эртний нүүдэлчдийн төрт улсын танхим”, “Их Монгол Улсын танхим” дахь үзмэрүүдийг тайлбарлан таниулсан хичээлүүд заагдлаа. Түүхийн хичээлүүдийг Guide төвийн захирал Ч.Буянбадрах (Buyan Choi) зааж байгаа бөгөөд Бямба гарагт заасан хичээлүүдээ бататгах дадлага сургалтыг Чингис хааны музейн хамт олонтой хамтран зохион байгуулна. Элсэгчид чих тавин сонсож, хичээлийн цагаас хоцрохгүй ирж, хичээлдээ хариуцлагатай хандаж байна.

02/03/2024

4 сарын 1-нд эхлэх 106 дахь элсэлтийн бүртгэл эхэлчихсэн, 105 дахь элсэлтэнд багтаагүй элсэгчид 106 руу шилжиж бүртгэлээ баталгаажуулсан байна. 105 дахь элсэлтийн төгсөгчдийг 5 компани хувааж ажилд авахаар тохирсон болно. Дараагийн ажлын байрны захиалгуудыг 106 дахь элсэлтээс хангана. Шинэ элсэлт 2024.04.01-нд эхэлнэ.
• 2006 оноос эхэлсэн 18 жилийн туршлагатай.
• Албан ёсны зөвшөөрөлтэй, нэр хүндтэй сургалт.
• Чадварлаг багш нартай.
• Хамгийн завгүй, бүтээлч сургалт
• Хичээлийн бүх цаг үнэ цэнэтэй.
• Сертификат олгоно.
• Жуулчны улиралд ажлын байранд зуучилна.
• Даваа – Баасан гарагт 17:00 – 20:00 цагт
• Бямба гарагт 10:00 – 13:00 цагт
• 20-21/IY-ний Бямба, Ням гарагт Хархорин, Эрдэнэзуу музейд хичээллэнэ.
Сургалтын төлбөр 500 000 төгрөг.
• 60 минутаар 96 цагийн хичээл орно.
• Хаана ч байхгүй хямд төлбөр

#БҮРТГЭЛ:
1. www.mongolianguideschool.com сайт руу орж “Онлайн бүртгэл”-ийг бөглөж явуулна.
2. Guide center гэсэн Facebook хуудасны chat хэсэгт хандах.
3. Бүртгэл явуулсан элсэгчдийг Guide 106 Facebook хаалттай групп-д нэгтгэж авна.
4. Асуух зүйл байвал эл постер дээрх утаснууд руу 09:30 – 20:00 цагийн хооронд хандаарай.

#ЗӨВЛӨМЖ:
• Орой бүр хичээллэх учраас өөрсдийн албан ажил, өөр бусад хамаарах хувийн ажлуудаа 30 хоногийн хугацаанд найдвартайгаар зохицуулаарай гэж хүсье.
• Хичээлээс 10 минут хоцроход маш их мэдээллээс хоцорно. Хичээл хэдэн хүнтэй ч байсан хамаагүй яг цагтаа эхэлдэг. Нэг ч хоцроогүй, таслаагүй суралцагчийг урамшуулдаг.
• Утсаараа бичлэг хийж, зураг авч болно. Харин мэргэжлийн камер ашиглах боломжгүй. Мөн хичээлийн файлыг өгөх боломжгүй.
• Хичээлийн үеэр өгөх мэдээлэл бол маш их учраас тэмдэглэж авахдаа огноо, тоо баримт, гол тодорхойлолт, хэнд хамааралтайг тэмдэглэн түлхүүр үг ашиглах нь илүү зохимжтой. Нэг бүрчлэн бичиж авах хурд, хичээлийн ярианы хурдтай таарахгүй, хоцрох талтай гэдгийг анхаараарай. Анхаарал, төвлөрөл илүү чухал юм.

Guide center of Mongolia