تكسي مطار بيروت - أنس لخدمات النقل دمشق بيروت

Name: تكسي مطار بيروت - أنس لخدمات النقل دمشق بيروت
Address: Damascus, SY
Telephone: 00963930419480

Home
Syria
Damascus
تكسي مطار بيروت - أنس لخدمات النقل دمشق بيروت

سيارات حديثة و مكيفة يومياً. أسعار منافسة من مطار بيروت إلى دمشق و من دمشق إلى بيروت أو مطار بيروت.
للحجز و الإستعلام
0930419480 واتساب

07/09/2024

من جالس العلماء ... زاد أدبه
ومن جالس النساء ... زادت شهوته
ومن جالس الأغنياء ... قسا قلبه
ومن جالس الأطفال ... زاد مرحه
ومن جالس العاصين ... زاد طيشه
ومن جالس الصالحين ... زاد ورعه
ومن جالس الفقهاء ... عظم قدره

قال ((رسول الله صلى الله عليه وسلم)) :
المرء على دين خليله، فلينظر أحدكم من يخالل...

🌹 أسعد الله صباحكم بكل خير 🌹

05/09/2024

الآن.. الحدود اللبنانية 🇱🇧
الإتجاه : الداخل إلى لبنان
إنتظار دور التختيم : حوالي ساعتين فقط

🌹 أسعد الله صباحكم بكل خير 🌹
🌹أنس للسياحة والسفر والنقل البري 🌹

03/09/2024

اليوم : الثلاثاء - 3 أيلول - 2024
الإزدحام عالحدود اللبنانية
الإتجاه : الداخل إلى لبنان.. 🇱🇧

فترة انتظار دور التختيم : حوالي ساعتين ونصف
فترة انتظار دور السيارات على الهنغار : نصف ساعة

🌹 أسعد الله صباحكم بكل خير 🌹

01/09/2024

خبراء الطقس ☁️ ❄️
‏الشتاء القادم سيكون الأطول والأكثر برودة..

(( الأحد 1 أيلول 2024 ))

🌹أسعد الله صباحكم بكل خير 🌹

24/08/2024

وصلت الرحلات القادمة من الدوحة 🇶🇦 مصر 🇪🇬 دبي 🇦🇪 اسطنبول 🇹🇷 الكويت 🇰🇼 جدة 🇸🇦 لارنكا 🇨🇾

🌹 أسعد الله صباحكم بكل خير 🌹
🌹 أنس للسياحة والسفر والنقل البري 🌹

18/08/2024

🌹 أسعد الله صباحكم بكل خير 🌹

ما هي أفضل أوقات وأيام السفر من حيث تجنب الإزدحام.. ؟

- أولاً : الجهة من دمشق 🇸🇾 إلى ⬅️ بيروت 🇱🇧

✅ السبت (فاضي)
✅ الأحد (فاضي من 6:00 صباحاً - 4:00 عصراً)
❌ الإثنين من الساعة 6:00 صباحاً حتى الساعة 12:00 ظهراً (إزدحام..)
✅ الثلاثاء (متوسط)
✅ الأربعاء (متوسط)
✅ الخميس (فاضي)
❌ الجمعة من الساعة 6:00 صباحاً حتى 12:00 ظهراً (إزدحام جداً جداً)

- ثانياً : الجهة من بيروت 🇱🇧 إلى ⬅️ دمشق 🇸🇾

❌ السبت (إزدحام)
✅ الأحد (فاضي)
✅ الإثنين (فاضي)
✅ الثلاثاء (متوسط)
✅ الأربعاء (متوسط)
✅ الخميس (فاضي)
❌ الجمعة (إزدحام)

و على مدار العام من 12:00 ليلاً حتى الساعة 5:00 فجراً السفر من الجهتين ↩️🇸🇾 🇱🇧 ↪️ فاضي وممتاز...

⚠️ ملاحظة مهمة لنا ⚠️

يا ريت من كل مين شاف هذا المنشور تخبرونا ضمن تعليق صغير إذا ظهر هذا المنشور لديك على قائمة أخبارك الرئيسية أو دخلت على الصفحة لحتى ظهر؟ ب 1 أو 2

1- ظهر على قائمة الأخبار الرئيسية 👉
2- لا والله دخلت على الصفحة 👉

🌹أنس للسياحة والسفر والنقل البري 🌹
🌹وأسعد الله صباحكم بكل خير 🌹

17/08/2024

⚠️ توقف التغذية الكهربائية كلياً على جميع الأراضي اللبنانية

أعلنت مؤسسة كهرباء لبنان توقف التغذية الكهربائية كلياً على جميع الأراضي اللبنانية بما فيها المرافق الأساسية وذلك نتيجة توقف آخر مجموعة إنتاجية عن الخدمة بالكامل.

وقالت المؤسسة في بيان لها اليوم: خروج قسري ظهر اليوم، لآخر مجموعة إنتاجية لمعمل الزهراني متبقية على الشبكة الكهربائية عن الخدمة بالكامل، وذلك جراء نفاذ خزين المعمل من مادة الغاز أويل بالكامل، ما أدى إلى توقف التغذية بالتيار الكهربائي كلياً على جميع الأراضي اللبنانية بما فيها المرافق الأساسية في لبنان (مطار، مرفأ، مضخات مياه، صرف صحي، سجون، إلخ).

وأشارت المؤسسة إلى أنه ستقوم “مجدداً بإعادة تشغيل المجموعات التي وضعت خارج الخدمة قسرياً، حسب الخزين الذي سيتوفر لديها بعد تأمين مادة الغاز أويل لصالحها، ليتم إعادة التيار الكهربائي والتغذية تدريجياً إلى ما كانت عليها.”

مصدر : وسائل إعلام لبنانية 🇱🇧

17/08/2024

حركة وصول الرحلات إلى مطار بيروت اليوم 17-8-2024 🇱🇧 🛬

الملكية الأردنية 🇯🇴 (وصلت)
الميدل إيست 🇱🇧 (وصلت)
المصرية 🇪🇬 (وصلت)
بيغاسوس والتركية 🇹🇷 (وصلت)
فلاي دبي والإماراتية 🇦🇪 (وصلت)

🌹أسعد الله صباحكم بكل خير 🌹

12/08/2024

"إير فرانس" و"ترانسافيا" للطيران مدّدتا تعليق الرحلات الجويّة إلى بيروت حتّى الأربعاء ضمنًا.

11/08/2024

🌹 أسعد الله صباحكم بكل خير 🌹

- حركة الطيران مع مطار بيروت طبيعية ووصول معظم الرحلات على وقتها..

- استمرار غياب الطيران الأوروبي عن ساحة لبنان ومطار بيروت 🇱🇧
مثل اليوروينغز - ساندإير - ترانسافيا - لوفتهانزا - الفرنسية

مما أدى أي تطبيق المثل : (( مصائب قوم عند قوم فوائد ))

الشركات التركية و اللبنانية (( الميدل إيست - بيغاسوس - التركية )) ما عم تطفي الطيارة طالعة نازلة والسعر على كيفك مندون منافس..

ملاحظة مهمة :
يلي حابب يحجز طيران دايركت من عمان عالأردنية للدول الأوروبية فيك تحجز (( عالملكية الأردنية )) من مطار بيروت - عمان - بعدين من عمان مباشر..

وفيك تطلع بر لعمان..
لكن تكلفة الوصول لمطار عمان بر 🇯🇴 حوالي 5 أضعاف تكلفة الوصول إلى مطار بيروت 🇱🇧 بالإضافة لبعد المسافة ..
والخيارات ضيقة جداً في اختيار أوقات الرحلات من عمان كونو الحدود الأردنية بتسكر وبتفتح..

⚠️ ملخص الحديث باختصار..
خايف من طيران بيروت يلغي ويأجل ؟؟
أو بدك طيران دايركت ؟؟

طلاع من بيروت عالأردنية ومن الأردن لدول العالم دايركت.. الحدود اللبنانية فاتحة 24 ساعة..

⚠️ ملاحظة مهمة هي خاصة بنا ⚠️

يا ريت من كل مين شاف هذا المنشور تخبرونا كتابة ضمن تعليق إذا ظهر هذا المنشور لديك على قائمة أخبارك الرئيسية أو دخلت على الصفحة لحتى ظهر؟ ب 1 أو 2

1- ظهر على قائمة الأخبار الرئيسية 👉
2- لا والله دخلت على الصفحة 👉

🌹 وأسعد الله صباحكم بكل خير 🌹
🌹أنس للسياحة والسفر والنقل البري 🌹

07/08/2024

🌷 أسعد الله مسائكم 🌷
متابعينا الأعزاء...

خليكم عم تتابعو إيميلاتكم تحسباً لأي الغاء منشان ما تتشنططو بالمطارات..
عسبيل المثال: اليوم..

فلاي دبي (لغت)
طيران الجزيرة (لغت)
اللوفتهانزا (لغت)

🌷أسعد الله مسائكم بكل خير 🌷
🌷أنس للسياحة والسفر والنقل البري 🌷

07/08/2024

🌷 أسعد الله صباحكم بكل خير 🌷

الشركات الطيران أغلبها عم توصل على وقتها عمطار بيروت 🇱🇧 🛬

الميدل إيست - التركية - الملكية الأردنية - بيغاسوس - العربية - المصرية

هي قائمة بالطيران اللي وصل هلق ويلي رح يوصل اليوم..

🌹أسعد الله صباحكم بكل خير 🌹
🌹 أنس للسياحة والسفر والنقل البري 🌹

04/08/2024

أكثر الرحلات يلي ممكن تأجل رحلاتها أو تلغي..
هي الشركات الألمانية و الفرنسية
فلاي دبي - والبغاسوس...

راجعو (شيكو) إيميلاتكم يلي حجزتو عليها قبل السفر بيوم وقبل ب 12 ساعة وقبل ب 6 ساعات...

حالياً الأمور تمام في مطار بيروت 🇱🇧🛫🛬
مع وجود الغاء لبعض الرحلات..

⚠️ أما بالنسبة للتأخير شي منو كتير...

توقع التأخير في إقلاع رحلتك أو التأخير في وصول رحلتك خاصة رحلات الترانزيت لمدة تصل ل 6 و 12 ساعة...

🌹 أنس للسياحة والسفر والنقل البري 🌹

⚠️ ملاحظة منكم ⚠️
يا ريت من كل مين شاف هذا المنشور تخبرونا كتابة ضمن تعليق إذا ظهر هذا المنشور لديك على قائمة أخبارك الرئيسية أو دخلت على الصفحة لحتى ظهر؟ ب 1 أو 2

1- ظهر على قائمة الأخبار الرئيسية 👉
2- لا والله دخلت على الصفحة 👉

31/07/2024

🌹 أسعد الله صباحكم بكل خير 🌹

اليوم رجعت بعض الرحلات يلي توقفت منهم ترانسافيا والفرنسية..

- الشركات الألمانية أغلبها ضاربة فرام لسا
- الإماراتية القطرية فلاي دبي شغالين

- التركية والمصرية القطرية شغالين بس 80% عم يتأخرو بالترانزيت تبعهم شي 6 ساعات حسبو حساب

- مثلاً.. اليوم إستقبال من مطار بيروت عالقطرية حالياً.. بعد تأخير من الساعة 4:00 الفجر للساعة 10:00 صباحاً..

المطار بيروت شغال 100% وأي شركة طيران بيستقبلها مافي أي مشكلة..بالأهلا وسهلا..

- المشكلة ببعض الشركات نفسها يلي عندهم حساباتهم وسياساتهم الخاصة..

الطريق من دمشق إلى بيروت وبالعكس والحدود السورية واللبنانية شغالة مافي إزدحام والحركة طبيعية...

🌹 أسعد الله صباحكم بكل خير 🌹
🌹أنس للسياحة والسفر والنقل البري 🌹

30/07/2024

حالة الرحلات القادمة والمغادرة من وإلى مطار بيروت 🛬 🇱🇧 🛫

مثل ما توقعنا مثل كل مرة (( شغلة إعلامية نفسية..))

- نبلش من مبارح...
مبارح استقبلنا رحلة المصرية من القاهرة وصلت 4:30 العصر بعد تأخير كان المفروض توصل 4:00 الفجر واليوم إستقبال كزا رحلة تأجلت سفرتن باليومين الماضيين..

- اليوم فلاي دبي - الإماراتية - الاتحاد - الميدل إيست كلن شغالين 24 ساعة مافي تأخير ولا الغاء

- القطرية ارتعبت شوي وهلق رجعت اشتغلت على مطار بيروت

- والأهم بالنسبة للقادمون من الدول الأوروبية.. طيران التركي و بيغاسوس رجعو اشتغلو..
هنن ما وقفو بس ضربو فرامات تأخير صار بس... هلق رجعو على مواعيدهم..

- اللي مو مبين ومختفيين من عال شاشات الوصول هنن 4 شركات..
اليوروينغز - واللوفتهاتزا - وترانسافيا - والسويسرية..

- الحدود السورية واللبنانية مافي إزدحام طبيعي..والأمور ماشية..

🌹 أسعد الله صباحكم بكل خير 🌹

29/07/2024

⚠️ الغاء رحلات كل من..

اسطنبول 🇹🇷 برلين و فرانكفوت 🇩🇪 زيورخ 🇨🇭 ليون وباريس 🇫🇷

29/07/2024

بعض الدول العربية والأجنبية من بينها الولايات المتحدة 🇺🇸 - أستراليا 🇳🇿 - فرنسا 🇲🇫 - الدنمارك 🇩🇰 - النرويج 🇳🇴 - السعودية 🇸🇦

تدعو رعاياها لمغادرة لبنان.. 🇱🇧
بسبب الأوضاع الراهنة..

⚠️ وجهة نظر ..بالعامية..

كزا مرة أو كل فترة والثانية بيعملو هالفنطي هاد تبع طبول الحر.ب تقرع..
وبيعملو توترات إعلامية..
وإجا الديب إجا الديب.. وكم يوم تتلاشى القصة شوي شوي لحالها...
وكأن شيء لم يكن..

راجعو الشريط الزمني لورى ؟
كم مرة نفس القصة صار هيك توتر إعلامي وما صار شي؟

29/07/2024

أول إعلان رسمي لشركة طيران حردانة.. 🛬

مجموعة لوفتهانزا الألمانية: تعليق رحلاتنا إلى بيروت 🇱🇧 حتى 5 آب، احترازيًا بسبب الوضع الراهن في الشرق الأوسط..

أما بعض الشركات : صرحت (( كل ساعة و إلها ملائكتها ))

وفي البعض جناح لقدام جناح لورى..

والبعض الآخر يقول : (( يلي خايف الحامي الله.. بيعوني الركاب ونحن بننزل فيهم علبنان 🇱🇧 وخود كمسيون.. وخلي طيارتك مغسولة جديدة واقفة..

29/07/2024

🌹 أسعد الله صباحكم بكل خير 🌹

تعقيباً عن سبب إلغاء بعض الرحلات رحلاتها القادمة إلى مطار بيروت (( وباختصار شديد)) وبدون تفاصيل هو..
بسبب التهديدات ما بين إسر.. ائيل و حز.. ب الله بضربه أو ضرب المطار..ومن هذا القبيل..

- معلومة إضافية..
هكذا تهدي..دات سياسية.. تسبب بارتفاع نسبة التأمين على شركات الطيران القادمة إلى مطار بيروت...مما ينعكس بارتفاع أسعار تذاكر الطيران مباشرة..

🌹 أسعد الله صباحكم بكل خير 🌹

⚠️ لتصلك أخر الأخبار والتطورات..الفورية..
كتابة لنا ضمن تعليق ب (( تم )) .. أو (( ⚫ ))

26/07/2024

⚠️ أسئلة وأجوبة مهمة متكررة تردنا يومياً.. ممكن تفيدكم..

- سؤال :
مرحبا مكتب أنس بدي إسألك نحن حجزنا من السويد عمطار بيروت ومن مطار بيروت عالشام.. وعندي ولدين خلئانين هون بالسويد ومعهم جوازات سويدية...

منشان التسجيل عالمنصة عم حاول افتح المنصة ما تفتح عم يعطيني حدث خطأ..؟

- جواب :
لا تحاول ما تفتح المنصة غير بكم بلد عربي العطل من عندك من في حظر على بعض المواقع السورية الحكومية منشان هيك..

هلق مافي مشكلة عالحدود السورية فتحو شبك مخصوص للتسجيل عالمنصة بس توصلو بالسلامة عالحدود عشباك المنصة منسجلهن بعدين عشباك قطع الفيزة منقطعلهن فيزة وبكملو عالشام.. في عندكم وقفة شي نص ساعة لساعة حسب العجئة..

طبعاً معهم الشوفير موجود بكون بحاول يسرع الأمور معهم..

سؤال :
مرحبا مكتب أنس سؤال بالله بنتي وبناتها نازلة من البرازيل عمطار بيروت - بعدين عالشام وصرلهم 5 سنين ما نزلو.. وما عم نلاقي حجز غير بالليل..

وهنن خايفين من الطريق شغالين انتو بالليل أمان بالليل؟

- جواب :
اهلا وسهلا بالسلامة ان شاء الله..
أي طبعاً نحن شغالين 24/24 ساعة والطريق حالياً امان وموسم هلق الناس طالعة نازلة.. بالنسبة لوصولهم بالليل كمان ما تهكل هم مافي مشكلة نحن منستقبلهم من المطار بسيارة لبنانية ومنمشي نحن كل الطريق بالأراضي اللبنانية بسيارة نمرة لبنانية.. والحدود اللبنانية بس نوصل مننزل منختم خروج من لبنان وبيطلعو بسيارة سورية هيك للبيت... هيك بكون أخدنا احتياطاتنا بالأمان.. والأمان بالله...

- سؤال : مرحبا تكسي بيروت؟ مكتب أنس ؟
يعطيك العافيه..
نحن نازلين من تركيا الأسبوع الجاية ومعنا جوازات سورية منتهية وجوازات تركية..

السؤال فينا نختم عالجواز السوري المنتهي؟ ولا نختم عالجواز التركي؟ واذا ختمنا عالجواز التركي في مشكلة شي؟ لانو سمعنا في مراجعة فرع وما فرع.. عالجواز التركي..؟
طمنا يرضى عليك..؟

- جواب : أهلا وسهلا.. بالسلامة ان شاء الله
هلق اول شي فيكم تختمو دخول عالجوازات السورية المنتهية مافي مشكلة وما بيحكو شي لا بمطار بيروت ولا عالحدود السورية..

بس بشرط إذا ختمتو عالجوازات السورية لازم تجددوهم بالشام.. إذا مافي نية أو مافي وقت تجددوهم لا تختمو عالسوري..
ختمو عالتركي..

ثاني شغلة..
حتى لو ختمتو عالجوازات التركية مافي عندكم اي مشكلة مافي مراجعة ولا فرع ولا شي مافي اي مشكلة...

مرئت فترة صغيرة من زمان طلع قرار اي حدى بختم دخول سوريا عجواز تركي يلزم بمراجعة أحد الأفرع لأخذ موافقة بالمغادرة..

وهذا الشي التغى ما عاد موجود ختم دخول خروج عالتركي مافي اي مشكلة ابدا ولا مراجعة حدى...

- سؤال : أنا بالشام وطالع عدبي بعد اسبوع ومعي أقامة مو فيزة ورقية.. بس هي الإقامة كمان ورقة لسا مو ملصقة عالجواز.. بس هيه إقامة مكتوب عليها براس الصفحة إقامة..
السؤال : بدفع شي 60 شوئسمو عليها عالحدود اللبنانية؟

- جواب : نعم اي والله بدفعوك مثلها مثل الفيزة الورقية بيعتبروها لو كانت كرت معك أو ملصقة عالجواز ما بتدفع اما ورقية صادرة إلكترونية بدفعوك 60 شوئسمو وبيبعتو برقية وبيجي الرد وبتختم و بتفوت

- سؤال : مرحبا تكسي بيروت مكتب أنس ؟
معنا الجوازات السورية الجديدة وطالعين على ...

بس لا تكمل...عرفت السؤال..
- الجواب :
الجوازات السورية الجديدة مثلها مثل القديمة طلاع وين ما بدك.. المانية - سويسرا - أماركا - مطارات المانيا يمين شمال مافي اي مشكلة ابداً
لا بدك بصمة ولا توقيع... مثل ما هو
شغالة ومافي اي مشكلة..

وإن شاء الله هيك منكون وضحنالكم الصورة بما يخص المنصة والتسجيل والجواز السوري المنتهي...وبعض الأمور..

هي من جهتنا... 🌹
بدنا من جهتكم 👇

⚠️ ملاحظة مهمة لنا ⚠️

يا ريت من كل مين شاف هذا المنشور تخبرونا كتابة ضمن تعليق إذا ظهر هذا المنشور لديك على قائمة أخبارك الرئيسية أو دخلت على الصفحة لحتى ظهر؟ ب 1 أو 2

1- ظهر على قائمة الأخبار الرئيسية 👉
2- لا والله دخلت على الصفحة 👉

🌹أنس للسياحة والسفر والنقل البري 🌹
🌹وأسعد الله صباحكم بكل خير 🌹

17/07/2024

⚠️ حسب طلب العديد منكم..
أوقات وأيام الإزدحام من دمشق إلى بيروت 🇱🇧🇸🇾
وأيضاً من بيروت إلى دمشق 🇸🇾🇱🇧

🔴 أولاً : الإزدحام من دمشق 🇸🇾 باتجاه لبنان 🇱🇧

❌ الجمعة من الساعة 6:00 صباحاً حتى الساعة 3:00 عصراً
❌ الأحد من الساعة 6:00 مساءً حتى الساعة 10:00 مساءً
❌ الإثنين من الساعة 6:00 صباحاً حتى الساعة 12:00 ظهراً
❌ الثلاثاء من الساعة 6:00 صباحاً حتى الساعة 9:00 صباحاً..

🔴 ثانياً : الإزدحام من لبنان 🇱🇧 باتجاه دمشق 🇸🇾

❌ السبت من الساعة 6:00 صباحاً حتى الساعة 3:00 عصراً
❌ الثلاثاء والأربعاء من الساعة 2:00 ظهراً حتى الساعة 6:00 مساءً..

✅ أوقات السفر فاضية بتكون الحدود..بالإتجاهين.. 🇱🇧🇸🇾 ↪️↩️🇱🇧🇸🇾

جميع أيام الأسبوع من الساعة 10:00 ليلاً حتى الساعة 5:00 فجراً..✅

⚠️ ملاحظة مهمة لنا ⚠️

يا ريت من كل مين شاف هذا المنشور تخبرونا كتابة ضمن تعليق إذا ظهر هذا المنشور لديك على قائمة أخبارك الرئيسية أو دخلت على الصفحة لحتى ظهر؟ ب 1 أو 2

1- ظهر على قائمة الأخبار الرئيسية 👉
2- لا والله دخلت على الصفحة 👉

🌹أنس للسياحة والسفر والنقل البري 🌹
🌹وأسعد الله صباحكم بكل خير 🌹

11/07/2024

🌹أسعد الله صباحكم بكل خير 🌹

⚠️ شرح وتوضيح بخصوص الأطفال القادمون من برا إلى سوريا مع أمهم وأبوهم أو واحد منهم ومالهن مسجلين..سوريين..
وشرح ((الجواز السوري المنهي..))

- سابقاً.. كان أي طفل ابن سوري ولدان برا وحاصل على الجنسية الأجنبية ومعو جواز اجنبي.. بس يوصل عالحدود السورية.. مطلوب فقط إثبات أصل سوري أب سوري.. وبيختم هو وأمو وأبوه السوريين وبفوت.. مافي قطع فيزة حتى لو ما معو جواز سوري..

- الآن.. لا...
اختلف شوي الموضوع..الآن هاد الطفل اللي ولدان برا ابن سوري اذا مالو مسجل بالنفوس وما معو غير جوازو الأجنبي صار لازم يسجل عالمنصة وبس يوصل عالحدود السورية بيقطع فيزة نظامي متلو مثل الأجنبي تماماً.. وبختم وبفوت..

- هلق في ناس عم تسألنا أي ما عم تفتح المنصة صارلي أسبوع عم حاول...

- هاد الحكي صح وكلام مظبوط.. إذا أنت برا ببلد غير صديق ما عم تفتح المنصة لانو في دفع إلكتروني من حسابك لحساب جهة سورية حكومية فا رح يضل يعطيك رفض رفض لا تحاول...

- مو شغالة المنصة للتسجيل الأجنبي أو الطفل السوري الغير المسجل كسوري غير بكمل بلد عربي وأحيانا كمان ما بتفتح..

- طيب شو العمل...
مافي مشكلة انسى التسجيل عالمنصة بس توصل بالسلامة عالحدود السورية في شباك لحالو مخصص للتسجيل عالمنصة بتسجل الطفل عالمنصة عالحدود..

- الموظف هنيك بعبي البيانات وبتدفع 20 شوئسمو... هي ال 20 شوئسمو بس رسم تسجيل المنصة لسا في رسم الفيزة..

- بس تخلصو تسجيل بتروح عشباك الفيزة لقطع الفيزة..

- طبعاً كل جنسية والها سعر.. تتراوح من 80 شوئسمو الفيزة لل 150 شوئسمو..
وأغلى فيزة التركية شي 250 شوئسمو بتدفع... تقريباً..

⚠️ منجي ليلى معو جواز سفر سوري منتهي..؟

- يلي معو جواز سفر سوري منتهي فيك تفوت فيه عسوريا مافي أي مشكلة بتختم عليه كأنو مو منتهي.. وفيك تختم كمان على جوازك الأجنبي..

- طيب سؤال..
شو الفرق إذا بدي ختم عالسوري المنتهي أو الأجنبي؟

- سؤال جميل..
الفرق إذا بدك تختم عالسوري المنتهي لازم بس توصل عسوريا تجددو لتحسن تطلع..

- فا إذا مافي نية تجددو لا تختم عالسوري.. ختوم عالأجنبي..

- لانو مافيك تفوت عالسوري المنتهي وتطلع عالأجنبي... صار بدك نقل ختم الدخول بالهجرة والجوازات بالشام من السوري للأجننبي..

إن شاء الله كون وضحتلكم الصورة بما يخص المنصة والتسجيل والجواز السوري المنهي...
هي من جهتنا... 🌹

من جهتكم 👇
⚠️ ملاحظة مهمة لنا ⚠️

يا ريت من كل مين شاف هذا المنشور تخبرونا كتابة ضمن تعليق إذا ظهر هذا المنشور لديك على قائمة أخبارك الرئيسية أو دخلت على الصفحة لحتى ظهر؟ ب 1 أو 2

1- ظهر على قائمة الأخبار الرئيسية 👉
2- لا والله دخلت على الصفحة 👉

🌹أنس للسياحة والسفر والنقل البري 🌹
🌹وأسعد الله صباحكم بكل خير 🌹

08/07/2024

⚠️ ألو مرحبا مكتب أنس؟
عطوني رقمكم جماعة نزلو معكم ونصحوني فيكم...والله..❤️

بالله بدي إسألك أنا عيلتي نازلة عمطار بيروت بعد أسبوعين.. أم ومعها ولدين صغار بس أول مرة بينزلو عسوريا ومعهم جوازات أجنبية شو الإجراءات...

- يا مرحبا أهلا وسهلا..
اول شي للحجز بدك تخبرنا عدد الشناتي لانو اذا كتار شي 7 - 8 - 9 شناتي منبعتلك ( فان ) منشان يوسعو الأغراض...
إذا حمل خفيف... سيارات...

وتبعتلنا صورة عن التذكرة منشان نشوف ونتابع الرحلة متى الوصول إذا بكرت أو اتأخرت..

- وبدنا إسم واحد من العائلة نكتبو على لوحة جوا المطار منشان تعرفونا.. ونحن منبعتلك إسم ورقم وصورة الشوفير منشان ما يصير لخبطة...

- بخصوص الحدود السورية منشان الأطفال في عنا وقفة شي نص ساعة لساعة تسجيلهم عالمنصة.. هون في دفع عكل طفل 20 شوئسمو..

- بعد شباك المنصة منروح عشباك قطع الفيز منقطعلهم فيزة لكل واحد..

- بعد شباك الفيزة منروح عشباك التختيم..
- الأم معها جوازها السوري أو إثبات سورية بس بتصرف 100 شوئسمو ما بدها شي تاني وبتختم..

- بعدينا بيطلعو مع الشوفير بكملو طريقهم بالسلامة عالبيت..

في عنا 3 ملاحظات...⚠️

⚠️ أول ملاحظة : الشوفير طبعاً بينزل معهم وهو بيتولى وبمشي كل هي الأمور (( طبعاً معو الشكليطات..))

⚠️ تاني ملاحظة : إذا مالقيتو حجز غير بالليل الوصول واصلين بنصاص الليالي وخايفين من الطريق على قد ما تسمعو شغلات..
لا تهكلو هم سيارات وفانات لبنانية موجودة كل فترة الطريق بالأراضي اللبناني منشان زيادة عامل الأمان وتخفيف القلق..

⚠️ تالت ملاحظة : منشان تصريف 100 شوئسمو عالحدود السورية..

لازم تكون جديدة طخ ما باس أما غير تما وحاول يكون مافيها ختومات عليها ومافيها حك أو خدش أو شخوطة..
((منشان ما يقلك مو ماشية هات غيرها.. ))

⚠️ ملاحظة مهمة لنا مع كل التقدير ⚠️

يا ريت من كل مين شاف هذا المنشور تخبرونا كتابة ضمن تعليق إذا ظهر هذا المنشور لديك على قائمة أخبارك الرئيسية أو دخلت على الصف_حة لحتى ظهر؟ ب 1 أو 2

1- ظهر على قائمة الأخبار الرئيسية 👉
2- لا والله دخلت على الصفحة 👉

🌹أنس للسياحة والسفر والنقل البري 🌹
🌹وأسعد الله صباحكم بكل خير 🌹

08/07/2024

⚠️ حالة الحدود اللبنانية 🇱🇧 و ووضع وحالة أصحاب الفيزة الإلكترونية..
والشباب شو لازم تتأكد تاخد معها قبل السفر...

لكل مين قلقان منشان وضح الحدود اللبنانية منشان موضوع سيستم وما سيستم وايمتى قبل كم ساعة اطلع و قديش بدي استنى... في عجئة ولا مافي؟

- الحدود للأسبوع الثاني على التوالي رواء وماشية الأمور بانسيابية يعني مافي انتظار وقفة أكثر من 20 دقيقة ماكسمو..

- هاد الحكي بالفايت على لبنان وبالطالع من لبنان..
- يعني إذا رايح عالمطار من دمشق وريف دمشق خلي الإنطلاق قبل 9 ساعات من إقلاع الطيارة وزيادة..

- إذا أنت من النوع المتوتر كتير.. طلاع قبل 10 ساعات من الإقلاع هو مافي إلو داعي هيك بس منشان راحتك النفسية...

- أذا معك فيزة إلكترونية في عندك دفع 60 شوئسمو عالحدود اللبنانية... وبيبعتو فيزتك ببرقية وبيجي الرد من ساعة لساعة ونص وبتختم وبتابع توجهك إلى

- الشباب يلي معهم فيزة إلكترونية ما تنسى تاخد معك...

- موافقة سفر من شعبة التجنيد
- دفتر الجيش سواء دافع بدل أو وحيد نهائي..
- تذكرة الطيران مطبوعة نسختين..
- فيزتك الإلكترونية مطبوعة نسختين..
- 60 شوئسمو على جنب للدفع للفيزة..

⚠️ ملاحظة مهمة لنا مع كل التقدير ⚠️
يا ريت من كل مين شاف هذا المنشور تخبرونا كتابة ضمن تعليق إذا ظهر هذا المنشور لديك على قائمة أخبارك الرئيسية أو دخلت على الصفحة لحتى ظهر؟ ب 1 أو 2

1- ظهر على قائمة الأخبار الرئيسية 👉
2- لا والله دخلت على الصفحة 👉

🌹أنس للسياحة والسفر والنقل البري 🌹
🌹وأسعد الله صباحكم بكل خير 🌹

06/07/2024

إنطلاق أول رحلة عبر السورية للطيران ✈️ من مطار دمشق الدولي 🇸🇾 إلى عاصمة المملكة العربية السعودية - الرياض 🇸🇦 وذلك اعتباراً وبشكل منتظم من تاريخ 10 تموز الشهر الحالي..

🌹 أسعد الله صباحكم بكل خير 🌹

Address

Damascus

Telephone

00963930419480

Website

http://www.beirutairport.gov.lb/

Alerts

Be the first to know and let us send you an email when تكسي مطار بيروت - أنس لخدمات النقل دمشق بيروت posts news and promotions. Your email address will not be used for any other purpose, and you can unsubscribe at any time.

Videos

ليس القطب الشمالي أو الجنوبي.. ❄️ مركز تزلج #المزار #كفردبيان..

⚠️ الآن.. جاري فتح طريق #ضهر_البيدر.. إنجراف قسم من الجبل بسبب السيول..

⚠️ قبل قليل 🇱🇧 🇸🇾 🌹 الحمدالله على السلامة 🌹 مدام هناء - والأستاذ أنطوان - وعائلة أبو أحمد.. واعذرونا اليوم إنو بكرناكم بالطلعة كتير منشان حالة الطقس السيئة جداً ومنشان تلحقو طيارتكم ✈️🇱🇧 🌨️🌪️🌨️🌪️🌨️🌪️🌨️🌪️🌨️🌪️🌨️ 🌹أنس للسياحة و السفر والنقل البري 🌹