OWTS (Online World Travel Services)

03/15/2024

رسمياً ٩٦٢٠ جنيهاً سعر الڤيزا لأمريكا

03/10/2024

كل سنة واحنا كلنا طيبين ، رمضان كريم

01/26/2024

يا ترى حنروح فين السنة دى 🤔🤔🤔🤔

حد حابب يشارك ويقول بيفكر يروح فين

شاركنا برأيك وأنت تكسب معانا تخفيض 15% على قيمة الرحلة اللى حتشترك فيها 😍😍😍 ، مش حتخسر حاجة ، مجرد تعليق صغير باللى بتفكر فيه حيكسبك خصم 10% ، يعنى مثلاً لو طلعت رحلة أثينا معانا ، والرحلة كانت مثلاً مثلاً ب 25000 جنيه ، يبقة أنت كده حتوفر 2500 جنيه ، برده مبلغ كويس 🤗🤗🤗

01/26/2024

نعتذر لجيع عملائنا لأكتمال عدد الرحلة 🙏 ونرجو للمشتركين قضاء أمتع الأوقات 😍

01/20/2024

الصيف 🏖️ خلاص فاضله كام شهر ونبقى كلنا عايزين نتفسح ونسافر 🛫

أهم حاجة أنك تفكر 🧘‍♂️ حتروح فين من دلوقتى وتحدد علشان حاجتين:

الأولى:
إنك تقدر تقدم على الفيزا بدرى ، وتكون معاك قبل الرحلة بمدة وميكونش عندك مشكلة تواجهها قبل السفر بوقت صغير بسببها.

الثانية:
علشان نقدر نساعدك تقسط الرحلة على كذا شهر ، بدل ما تدفعها مرة واحدة وتبقى طالع مسدد الفلوس بتاعتها ومش شايل هم

الأهم بقى من كل ده ، إنك كل ما حتحجز بدرى حتدفع أقل علشان كل ما الأماكن المتاحة بتخلص ، بتكون الأماكن الجديدة بأسعار أغلى ، وطبعاً مش حقولك أنت كسبان أيه لما تدفع النهاردة لو حصل والعملة قيمتها زادت فى البنك.

فكر وقرر وخليك معانا متابع علشان أول ما الرحلات تنزل تلحق تحجز ، ومتقلقش عندنا حتلاقى كل الرحلات لأوروبا زى اليونان ، إيطاليا ، فرنسا ، أسبانيا ، البرتغال ، ألمانيا ، هولندا ، سويسرا ، إنجلترا والمشهورة دايماً تركيا والجميل أنك حتلاقى كمان كندا وأمريكا وحاجات كتير تانية 🫶

عايز تشاركنا وتقولنا من دلوقتى بتفكر تسافر فين ، ابعتلنا وحتكون أول واحد يعرف قبل الناس مجرد ما الرحلات تكون جاهزة ، وحيكون ليك الأسبقية فى الحجز لو قررت بدرى.

ملحوظة هامة:
الرحلات دى للناس اللى حابة تستمتع بالسفر والصحبة الجميلة ، رجاء من الناس اللى بتدور على أنها تطلع فيزا علشان تسافر تشتغل ولا تشوف حظها بره مصر ، الرحلات دى مش ليكم ونرجو منكم التكرم بعدم السؤال على الفيزات علشان تانى حنقول الرحلات دى للناس اللى حابة تستمتع بالسفر والصحبة الجميلة.

01/13/2024

عايز تأشيرتك تكون مضمونة وتتقبل ، خلينى طيب أقولك 🥸

الأول إحنا معندناش عقود عمل ولا بنسفر حد علشان العمل ، فيا ريت بلاش السؤال ده علشان مصر كلها بتسأل عليه ، حضرتك عايز تسافر سياحة أو تقدم على هجرة ، يبقى البوست ده ليك.

كمان ، بلاش موضوع أن حد يبعت يقول أنا معايا كذا جواز علشان إحنا مش سفارة ولا بنشتغل فى التأشيرات ، إحنا بنساعد الناس أنها تسافر بشكل سليم سياحة علشان تتفسح ، وهجرة للى عايز يعيش بره.

الحقيقة كل الناس بتقدم خدمة التأشيرات ودى حاجة مش جديدة عادى ، بس يا ترى أيه الفرق ؟!!! 🧐

أنا حقولك ايه الفرق !!! 🤨

الفرق أننا بنشتغل مع أصعب السفارات اللى موجودة فى مصر واللى مش أى حد ممكن يشتغل معاهم ، بس الأهم أن اللى بيعملك الكلام ده واحد فاهم بيعمل ايه ، ويقدر يوجهك صح ويخلى نسبة قبولك فى السفارة عاليه 👌

طبعاً محدش ضامن الفيزا ، وأكيد أحنا مش على علاقة بالسفارات ولا بنتحكم فى قراراتها ، بس الخبرة والتوجيه من خلال الشخص اللى بيساعدك تقدر تخلى نسبة قبولك تكون عاليه😍

بس والنبى بلاش مقاوحة ، وبلاش تجويد ، وبلاش فلان قالى وفلا نصحنى ، علشان كل شخص ليه ظروف وأوراق ومستندات غير التانى ، يعنى الشخص اللى بيقولك ولا بينصحك ده مش شرط تكون ظروفك زى ظروفه ، وممكن كمان التوقيت اللى قدم فيه يكون حال السفارة غير حالها وقت ما أنت بتقدم ، الأفضل تسمع للشخص اللى بيمسك الملف بتاعك ولو فى حاجة مش عجباك فى كلامه يبقى براحتك ساعتها تكمل معاه أو متكملش ، بس جرب ومش حتندم صدقنى 🥰🥰

01/13/2024

طبعاً مفيش كلام يتقال بعد السعر اللى مكتوب ، والكلام اللى حيتقال حيكون بسيط ، وياريت متفكرش كتير ، يا دوبك الشنطة تجهز علشان نسافر.

الرحلة سعرها قليل علشان هى ٧ ايام وكل الرحلات اللى بنفس السعر ٦ أيام ، دى حقيقة أيوه زى ما هو مكتوب للفرد فى الغرفة المزدوجة والفندق أسمه Citymax Al Barsha at The Mall Hotel وطبعاً الفندق ده واحد من فنادق كتيرة بنفس الأسم فى دبى ، بس إحنا أختارنا الفندق اللى بينه وبيه المول خطوطين علشان تتحرك براحتك ، ومتنساش أن الفندق بالفطار كمان ، تانى الإقامة ٦ ليالى مش ٥ ليالى.

طبعاً التذكرة بتاعت السفر على طيران العربية من مطار إسكندرية ، يعنى حننزل على مطار أبوظبى ، ليه بقى عملنا كده ، ببساطة عملنا كده علشان حيكون عندنا يوم كامل نزور فيه أبو ظبى ونروح جامع الشيخ زايد الكبير وكمان قصر الوطن وقصر اللوفر اللى فى أبوظبى مش باريس وطبيعى مش حننسى نروح أكبر مول فى أبوظبى ، بس هو ده السبب فى أننا أخدنا الطيارة لأبوظبى.

موضوع الفيزا سهل ومفيهوش مشكلة وحتاخد ٢٤ ساعة وتكون جاهزة ، يا ريت محدش يكلمنا ويسأل الفيزا بكام ، علشان دى رحلة كاملة وليها أسعار محددة ومختلفة عن الأسعار العادية ، بس طبعاً لو حابب تسافر فى مواعيد مختلفة ومحتاج الفيزا ، أكيد عنينا ليك ونعملك كل اللى نقدر عليه.

طبعاً موضوع أننا نروح المطار من إسكندرية مع بعض ، ده مش موضوع نقاش وحيكون بالأتوبيس ، ولو فى حد من القاهرة خاصة لو أسرتين أو ثلاثة حوالى ٦-٨ افراد ، برده حنبعت الأتوبيس يجيبهم ويرجعهم ، من عينينا ، وأكيد لما نوصل أبوظبى طبعاً كلنا حنتحرك مع بعض برده.

أخر حاجة بقى ، حنعمل أيه فى دبى نفسها ، دى بسيطة جداً علشان حيكون عندنا يوم كامل حنزور فيه دبى وأهم المعالم اللى موجودة فيها وأكيد حنزور Global Village و Miracle Garden علشان دول حاجتين منقدرش نفوتهم.

فى حاجات كتير تانية ممكن تتعمل فى دبى ، زى برج خليفة والعشاء فى الكروز وكذا حاجة ، والحاجات دى بقى المشرف اللى مسافر معاكم حيساعدكم فيها ، بس المهم أنكم تساعدوه بالقرار السريع ، علشان الحاجات دى لازم تترتب من قبلها وأكيد اللى مسافر حيتم الأتصال بيه والترتيب معاه لكل حاجة والحاجات دى حتكون بأسعارها ومفيش أى زيادة ، بس أنتوا أطلبوا منه اللى عايزينه وهو حيتعامل متقلقوش 🫶

لو ليك أى سؤال أو أستفسار ، يا ريت تبعتلنا على WhatsApp علشان ده حيكون أسهل وحنقدر نرد على الجميع متقلقوش 🫰

بسرعة فكر علشان مفيش وقت وخليك سريع متتأخرش 😍

أخر حاجة بقى ، لو أنت دكتور أسنان ، ففكر تيجى معانا علشان غالباً الرحلة حتكون مناسبة تتفسح وتحضر إيديك اللى حيكون فى دبى فى الوقت ده 👍

01/13/2024

U.S Interview Waiver Letter

السؤال المتكرر: هل لو معايا الجواب بتاع التحديد بقاله مدة ينفع احدد بيه وتسلم الجواز ولا مينفعش علشان مش عارف اطبعه من على السين بتاعة الميعاد CGI؟

الناس اللى معاها الجواب مفيش أى مشكلة أنها تروح تسلم بيه الجواز فى التجديد فى أى وقت حتى لو عدى عليه شهور ، الجواب ملوش إكسبير ولا أى رولز فى SLS ، ما دام الجواب معاك ، تقدر تسلم جوازك فى أى وقت.

الحاجة بس الوحيدة اللى لازم تتأكد منها أن الأبلكيشن بتاعك لسه موجود على السيستم ، وده ممكن تعمله ريتريف وتتأكد أنه موجود.

المكتب بتاع SLS ملوش أى علاقة بالموضوع بتاع الجواب والتعليمات أن اللى معاه الجواب وبيسلم ، بيستلموا منه عادى.

الناس اللى معاها الجواب بس مش باين أى بيانات على السين بتاعتها CGI ، عادى جداً علشان كده كده بيبقاله وقت وبيتشال ، أما الناس اللى مش طابعه الجواب أو عملاه save ، دول اللى حيكون عندهم قصة علشان لازم حيتواصلوا مع السفارة علشان تأكتفه ويقدروا يطبعوا الجواب.

يفضل أن الجواب يتعمله save علشان نقدر نطبعه فى أى وقت.

11/16/2023

تعالى سافر وأتفسح معانا ، ولو أنت دكتور أسنان كمان فى فرصة أنك تحضر معرض أيدك دبى ٦-٨ فبراير ٢٠٢٤.

رحلتنا حتسافر يوم ٤ فبراير ٢٠٢٤ وحترجع يوم ١٠ فبراير ٢٠٢٤ ، يعنى ٧ أيام نتفسح فيهم ونستمتع مع بعض ، وكمان رحلتنا مليانه مفاجأت ورخيصة مش غالية ، ومتنساش رحلاتنا الأختيارية المخفضة لكل مكان فى دبى وأبوظبى.

كمان رحلتنا فيها سيتى تور بالأتوبيس ببلاش ، يعنى من غير فلوس علشان تتعرف على أهم المعالم اللى فى دبى.

حنقولك كمان أن رحلتنا فيها سحب على ٣ جوائز:

السحب الأول:
يخص دكاترة الأسنان ، بشرط وجود كارنيه النقابة ، وده حيكون خصم ١٠% على رحلتنا للمعرض بتاع ألمانيا International Dental Cologne وده IDS 2025 اللى حيكون فى الفترة ٢٥-٢٩ مارس ٢٠٢٥.

السحب الثانى:
ده يخص كل الناس ، فيما عدا دكاترة الأسنان ، وحيكون عبارة عن برده خصم ١٠% على رحلاتنا الخارجية لصيف ٢٠٢٤ للشخص اللى حيكسب فى أى رحلة حيختارها.

السحب الثالث:
ده حيكون لكل الناس ، وهو عبارة عن خصم ٢٠% على أساس سعر تذكرة الطيران وده لأى مكان فى أوروبا.

طبعاً الكسبان مش حينفع يتنازل لأى حد تانى عن الجايزة بتاعته ، وفى نفس الوقت مينفعش تتحول الجايزة لمبلغ مالى تماماً.

متفكرش كتير علشان وألحق أحجز علشان الامكان المتاحة مش كتير ويمكن اكون من سعداءزالخظ اللى يكسبوا فى السحب.

10/28/2023

10/26/2023

مساء الفل على كل الناس

يا ريت نبقى نركز فى ڤيزات الاتحاد الأوروبي علشان بقت بتطلع وبقى بيتكتب فيها رموز دول وجنبها يا مش بيكون فى حاجة يبيكون فى علامة (-) ولو العلامة دى موجودة يبقى مش مش مسموحلك بدخول البلاد دى.

10/05/2023

الابلكيشن يخلص فى دقايق 👍👍👍 ومش حتدفع غير قليل 👌👌👌, ابعتلنا وحنساعدك ونقدملك وربنا يوفقك وتجيلك وتدعلنا.
طبعا بتسأل حتدفع كام القليل ، الموضوع كله ٢٥٠ جنيه مش كتير يعنى ، يا دوبك قيمة الوقت والكهربا واستهلاك جهاز الكمبيوتر والانترنت والناس اللى بتساعدك ، متفكرش كتير ياللا بينا نسافر أمريكا 🤞🤞🤞

09/19/2023

ڤيزتك معانا أسهل ومش حتلاقى أفضل من تيم فاهم هو بيعمل آيه 👌، حتقدم على ڤيزا جديدة حنساعدك ، أترفضت قبل كده ، ولا يهمك ، المهم تقولنا كل التفاصيل وسيب الباقى علينا 😉 ، إحنا حنجهزلك الملف بشكل مناسب وأفضل

09/12/2023

طبعًا السعر مش طبيعى ومفيش زيه ولا حيكون فى زيه 😜😜

طبعًا الفندق مش حتلاقى فيه أماكن ، ولا حتعرف سعره علشان تقارن ، وأكيد لو سألت حد حيقولك مستحيل تيكون فيه أماكن علشان إحنا حجزينه من زمان قوى 😇 😇

يا ترى بقى معاك ڤيزا علشان تطلع معانا ولا عايزنا نطلعلك الڤيزا 🫡 🫡👌👌

العدد محدود والأماكن مش كتير ، أبعتلنا وأسألنا على اللى أنت عايزه حتخصر آيه 😉 🫶

09/11/2023

عايز تسافر بفلوس 💴 قليلة ومتدفعش كتير ، يبقى تابعنا وخلى بالك من اللى بنعمله فى رحلاتنا علشان حتلاقيها أرخص من رحلات كتير ، مش علشان إحنا بنقلل من مستوى الرحلة ولا حاجة ، بس علشان إحنا أسعارنا منافسة مش أكتر وبنرتب رحلاتنا بدرى.

على فكرة ، لو عايز تقدم على ڤيزا ، ممكن قوى نساعدك وبالفلوس المعقولة كمان ، يعنى برده مش حتدفع كتير ، حناخدلك الميعاد بتاع السفارة ونعملك الحجوزات ونرتبلك كل الورق علشان تقدم وكل الورق يكون كامل ، حتى لو واخد رفض سابق قبل كده ، متقلقش حنشوف فين المشكلة ومساعدة على حلها علشان متترفضش تانى.

تابعنا ومتنساش تسأل عن التفاصيل ومتعتمدش على أن تقرى وتفسر بنفسك ، علشان فى تفاصيل كتير جداً مش بتتكتب وممكن تحتاج شرح طويل

07/12/2021

The offer is valid for Egyptians & foreign Residents until 31st of December, 2021, subject to hotel availability and NOT valid during peak periods and public holidays