Հայոց բերդերը և ամրոցները / Armenian Castles by Hamshen Tour

Home
Armenia
Yerevan
Հայոց բերդերը և ամրոցները / Armenian Castles by Hamshen Tour

Հայոց բերդերը և ամրոցները / Armenian Castles by Hamshen Tour Հայոց բերդերը և ամրոցները, Համշեն տուրի նախագիծ
Armenian Fortresses by Hamshen Tour

14/01/2024

📌 Վասպուրական աշխարհի կարևոր բերդերից է #Խոշաբի բերդը։ Խոշաբ բառը պարսկերենից թարգմանվում է որպես հաճելի ջուր, աղբյուր։ Խոշաբ անունը կրում է ոչ միայն բերդը, այլ նաև գետը, որին հայերը կոչում են Անգղ, իսկ գավառը՝ Անձևացյաց։ Խոշաբի բերդը մեր օրեր բավական լավ վիճակում է հասել։ Բերդի պարիսպներից զատ, բերդի տարածքում պահպանվել են նաև շինություններ, ինչպես նաև հայկական ժայռախաչեր։ Տարբերվող է բերդի հիմնական մուտքից բերդի ներս տանող ճանապարհը, որի մոտ 50 մետրն անցնում է ժայռափոր թունելով։ Բերդն աչքի է ընկնում իր զգալի մեծ չափերով ու գերիշխող դիրքով։ Հզոր պարիսպներով ամրացված է եղել նաև բերդի շուրջ բոլորը տարածվող բնակավայրը։ Բերդի հիմնումը հասնում է մինչև ուրարտական շրջան, որը հետագա դարերի ընթացքում զգալի փոփոխվել է։

#ՀայոցԲերդերըևԱմրոցները #ԱրևմտյանՀայաստանիԲերդերը

20/11/2023

Չախալաբերդ / Բազաբերդ 🧡 Chakhalaberd-Bazaberd Fortress

27/10/2023

❗ Բացառիկ քայլարշավ դեպի հզորագույն #ՄԱՀԿԱՆԱԲԵՐԴ ▫29․10 ▫ 12․000Դ

🏰 Տավուշի վայրի անտառների սրտում գտնվող ամրակուռ այս բերդ այցելությունը Ձեզ կդարձնի մեր այն եզակի արշավականներից, ովքեր կարողացել են հասնել այս պատմական կառույցին։ Աճարկուտից ամենագնաց միջոցով կմոտենանք քայլարշավի մեկնարկի կետին, որտեղից էլ արդեն միջինից բարդ, բայց անչափ տպավորիչ ու գեղեցիկ քայլարշավով կհասնենք հզորագույն Մահկանաբերդ՝ վայելելու ինչպես հզոր բերդը, այնպես էլ շունչ կտրող տեսարանները։

✔ Մեկնումը՝ 7:00, վերադարձը՝ մոտ 22:00, մեկնելու վայրը՝ Թումանյան 8

🔖 Գինը՝ 12․000 դրամ, որը ներառում է՝
- բարձրակարգ տրանսպորտ,
- ամենագնաց միջոց,
- պրոֆեսիոնալ գիդ-ուղեկցորդների ծառայություն:

🚩 Առավել մանրամասն՝ https://fb.me/e/3PqAG8XtN

————————————

🟢 Գրանցվելու և հարցերի համար՝

☎️ 093 55 14 85 | 091 55 14 85 | 041 55 14 85

🏠 Թումանյան 8, Երևան

#ՀայոցԲերդերըևԱմրոցները

25/07/2023

Կիլիկիայի բերդերը 🏰 Պայաս #այսօր 💙

23/04/2023

Բացառիկ ուղևորություն դեպի հզոր #ՉԱԽԱԼԱԲԵՐԴ + #Ջիլիզիա և #Մադան

▫15․000 ☎️093 551485

🏰 Բացառիկ այս ուղևորության ընթացքում ոչ միայն հրաշալի քայլարշավ կունենանք դեպի Չախալաբերդ, այլ նաև կշրջենք հայ-վրացական սահմանին մոտ գտնվող Ջիլիզա դրախտային գյուղում, կլինենք նաև Մադանում, որտեղ կտեսնենք հունական յուրահատուկ ներկայությունը։ Քանի որ Չախալաբերդը Վրաստանի հետ սահմանին մոտ է, պետք է նախապես գրանցվել։

📍 Մեկնումը՝ հունիսի 3, դիմելու վերջնաժամկետը՝ մայիսի 10

👉 Մանրամասն՝ https://fb.me/e/3OWghwHEr

————————————

🟢 Գրանցվելու և հարցերի համար՝

☎️ 093 55 14 85 | 091 55 14 85 | 041 55 14 85

🏠 Թումանյան 8, Երևան

💻 Բոլոր տուրերը՝ https://Hamshen.am

#ԵրազանքԻրականացնողները

07/02/2023

Բաղաբերդ, Սյունիք 🏰

📌 Հայկական միջնադարյան բերդաշինության ամենանշանավոր օրինակներից է Սյունիքի Բաղաբերդը։ Բերդը տարածվում է Ողջի գետի ափին վեր բարձրացող ժայռոտ բլրի վրա, Կապանից արևմուտք, Սյունյաց աշխարհի Բաղք գավառում, որից էլ բերդը ստացել է իր անվանումը։ Բերդը 10-12-րդ դարերում կարևոր դեր է կատարել Սյունյաց թագավորությունում՝ դառնալով նաև նրա կենտրոնը։ Մեր օրերում պահպանվել են բերդի միջնաբերդն ու պարիսպների մի մասը, այդ թվում՝ գետի ափին մոտ գտնվող հատվածը, որը տեսանելի է Կապան-Քաջարան ճանապարհին։

#ՀայոցԲերդերըևԱմրոցները #ՍյունիքիԲերդերը

31/01/2023

Գուգլակի բերդ, Կիլիկիա 🏰

📌 Գուգլակի բերդը տեղակայված է Տավրոսի լեռների Կիլիկիայի դարպասներ կոչվող լեռնանցքը հսկող բարձունքի վրա՝ ունենալով ընդգծված գերիշխող դիրք ու միևնույն ժամանակ բնական պաշտպանություն։ Գուգլակի բերդից պահպանվել է բերդապարիսպների հատվածներ, ինչպես նաև գլխավոր մուտքը, որոշ շինությունների հետքեր։ Գուգլակը բավական հայտնի է բերդի տարածքում ուղղահայաց սրածայր ժայռով, որից ցնցող տեսարան է բացվում դեպի լեռնանցք, ինչն էլ այն դարձնում է շատ պահանջված զբոսաշրջիկների շրջանում։ Բերդը միջնադարում կարևոր դեր է խաղացել Կիլիկիայի հայկական թագավորության համար՝ հանդիսանալով նրա գլխավոր ցամաքային դարպասը հսկող ամրությունը։ Գուգլակն ունեցել է նաև մաքսատուն, ամրաշինական կառույցներ։

#ՀայոցԲերդերըևԱմրոցները #ԿիլիկիայիԲերդերը

25/01/2023

Օշինի դղյակ, Կիլիկիա 🏰

📍 Օշինի դղյակը կամ ամրոցը Կիլիկիայի բերդաշինության յուրահատուկ օրինակներից է։ Թեև այն աչքի չի ընկնում մեծ չափերով, սակայն աչքի է ընկնում ամուր պաշտպանական կառուցվածքով։ Բերդը Լեռնային Կիլիկիայում է, Տավրոսի լեռների գրկում, ներկայում Մերսին նահանգում։ Գտնվում է Լամբրոնի բերդից ոչ հեռու, բերդից բերդ տեսանելիության սահմաններում։ Օշինի դղյակը եռահարկ կառույց է, մեկ մուտքով, նեղ լուսամուտներով, քառանկյուն հիմքով․ այն ծառայել է որպես դղյակ, իսկ անհրաժեշտության դեպքում դարձել է պաշտպանական կառույց։ Կառուցվել կամ վերակառուցվել է 11-րդ դարում Կիլիկիայի Օշին թագավորի կողմից, ինչի պատճառով էլ ենթադրաբար կոչվում է Օշինի դղյակ։ Ներկայում կոչում են նաև Սինափի բերդ։ Օշինի դղյակի շրջակայքում կան բնակատեղիի հետքեր։

#ՀայոցԲերդերըևԱմրոցները #ԿիլիկիայիԲերդերը

17/01/2023

Ամյուկ բերդ, Վան 🏰

📍 Վանա լճի ափերի նշանակալի բերդերից է Ամյուկի բերդը։ Բերդը կառուցվել է լճի անմիջական ափին վեր խոյացող հսկա ժայռի վրա, որի հասանելի հատվածները պարսպապատվել են, իսկ պաշտպանության մնացած մասն ապահովել են ուղղաձիգ ժայռերը։ Բերդը Վասպուրական նահանգի Առբերանի գավառում է (Թիմարի շրջան), Վան քաղաքից Արճեշ քաղաք տանող ճանապարհի մոտ։ Ամյուկում կան ինչպես ուրարտական ժամանակներին վերաբերող հատվածներ, այնպես էլ միջնադարյան շերտեր։ Պահպանվել են պարիսպներից մասեր։ Միջնադարում պատկանել է Գնունիներին, ապա Արծրունիներին։ Բերդի շրջակայքում հայտնաբերվել են ուրարտական արձանագրություններ, ինչպես նաև մեծաթիվ ժայռախաչեր և խաչքարեր։ Ներկայում կոչվում է նաև Ամիկ։

#ՀայոցԲերդերըևԱմրոցները #ԱրևմտյանՀայաստանիԲերդերը

14/12/2022

Կաչաղակաբերդ, Արցախ 🏰

📍 Արցախի նշանավոր բերդերից և տպավորիչ գագաթներից մեկն է Կաչաղակաբերդը, որը եղել է Խաչենի նշանավոր պաշտպանական կառույցներից։ Արցախի Մարտակերտի շրջանում, Քոլատակ և Խնձրիստան գյուղերի մոտ, առանձնացող ժայռի վրա միջնադարում կառուցվել է հզոր բերդը, որը կարևոր ռազմավարական դիրք է ունեցել։ Տեղացիները Կաչաղակաբերդն անվանում են նաև Սղսղան, պատմագրությունից հանդիպում է Խաչենի բերդ անվամբ։ Ժայռը, որի վրա կառուցվել է բերդը, երևում է Ստեփանակերտից Գանձասար տանող ավտոճանապարհից։ Բերդի տարածքում կարելի է տեսնել պարիսպների մասեր և մի քանի շինության հետքեր։ Կաչաղակաբերդը հայկական բերդաշինության ամենատարբերվող օրինակներից է։

#ՀայոցԲերդերըևԱմրոցները #ԱրցախիԲերդերը

08/12/2022

Դարոյնքի (Բայազետի) բերդ 🏰

📍 Մեծ Հայքի Այրարատ աշխարհի Կոգովիտ գավառի պատմական Դարոյնքի այս հզոր բերդի պատմությունը հասնում է ընդհուպ մինչև ուրարտական շրջան, որից մեզ են ժառանգվել նաև ուրարտական աստվածների բարձրաքանդակներ։ Մեր պատմության ամենատարբեր փուլերում մեծ դերակատարում ունեցող ամրություններից է՝ Արշակունիներից Բագրատունիներ և անգամ ավելի ուշ շրջան։ Հայտնի է նաև Բայազետի բերդ անվամբ, իսկ Րաֆֆու «Խենթի» գործողությունները տեղի են ունեցել հենց այս բերդի տարածքում։ 19-րդ դարում Դարոյնք-Բայազետից գաղթածները հիմնականում հաստատվել են Սևանի ավազանում, մասնավորապես, Գավառում։

#ՀայոցԲերդերըևԱմրոցները #ԱրևմտյանՀայաստանիԲերդերը

26/09/2022

Կեչրոր (Կեչիվան) բերդաքաղաքը #այսօր 💙

05/06/2022

Բերդկունքի բերդը 🏰

#ՀայոցԲերդերըևԱմրոցները

04/05/2022

Կաչաղակաբերդ, Արցախ 🏰

📍 Արցախի նշանավոր բերդերից և տպավորիչ գագաթներից մեկն է Կաչաղակաբերդը, որը եղել է Խաչենի նշանավոր պաշտպանական կառույցներից։ Արցախի Մարտակերտի շրջանում, Քոլատակ և Խնձրիստան գյուղերի մոտ, առանձնացող ժայռի վրա միջնադարում կառուցվել է հզոր բերդը, որը կարևոր ռազմավարական դիրք է ունեցել։ Տեղացիները Կաչաղակաբերդն անվանում են նաև Սղսղան, պատմագրությունից հանդիպում է Խաչենի բերդ անվամբ։ Ժայռը, որի վրա կառուցվել է բերդ, հստակ երևում է Ստեփանակերտից Գանձասար տանող ավտոճանապարհից։ Բերդի տարածքում կարելի է տեսնել պարիսպների մասեր և մի քանի շինության հետքեր։

#ՀայոցԲերդերըևԱմրոցները #ԱրցախիԲերդերը

15/03/2022

Թմկաբերդը 🏰

📍 Պատմական Գուգարք աշխարհի Ջավախք գավառի միջնադարյան հզոր և ամրակուռ բերդերից է Թմկաբերդը, որն առանձնանում է ոչ միայն իր յուրահատուկ տեղադրությամբ և ամուր պարսպաշարերով, այլ նաև բավական խոշոր չափերով։ Հովհաննես Թումանյանը հենց այս բերդն է ներկայացրել «Թմկաբերդի առումը» պոեմում։ Թմկաբերդը հայտնի է նաև Թմուկ բերդ անվամբ, իսկ վրացիներն այն կոչում են Թմոգվի։ Գուգարքը հարուստ է բերդերով, քանի որ պաշտպանել է հայկական թագավորություններն ու իշխանությունները հյուսիսից, իսկ Թմկաբերդն այդ հզոր համակարգի կարևոր կենտրոններից է եղել։ Առաջին հիշատակումը 10-րդ դարով է թվագրվում, բերդի պարիսպներից զատ պահպանվել են մատուռների ավերակներ, իսկ շրջակայքում նաև հայկական խաչքարեր են գտնվել։

#ՀայոցԲերդերըևԱմրոցները #ՋավախքիԲերդերը

21/02/2022

📍 Դարոյնքի (Բայազետի) բերդը՝ յուրահատուկ դիտանկյունից

#ՀայոցԲերդերըևԱմրոցները #ԱրևմտյանՀայաստանիԲերդերը

28/01/2022

Սմբատաբերդ 🏰

#ՀայոցԲերդերըևԱմրոցները

24/01/2022

Տպավորիչ քայլարշավ` #ՍՄԲԱՏԱԲԵՐԴ + #Եղեգիս՝ Հունվարի 28 ◻️ 6000Դ

📍 Հայոց հզոր բերդերից Սմբատաբերդը սպասում է՝ զարմացնելու ու հիացնելու և՛ իրենով, և՛ բերդից բացվող շունչ կտրող տեսարաններով։ Դեպի ամրակուռ այս բերդը հրաշալի քայլարշավի հետ մեկտեղ կարող եք հիանալ Եղեգիսի բազմաթիվ հրաշալիքներով՝ Զորաց տաճարով, Սբ Նշան եկեղեցով, մեծարժեք խաչքարերով։ Եվ այս ամենը ձմռան գեղեցիկ գույներով, երբ բերդը դառնում է բացառիկ տպավորիչ: Հաշվի առնելով, որ Հունվարի 28-ը Բանակի օրն է, հատուկ ենք այդ օրն ընտրել քայլարշավ դեպի մեր հզոր բերդերից մեկը: Քայլարշավը մոտ 8 կմ է։

🚩 Մանրամասն՝ https://fb.me/e/26XWjT62W

✅ Մեկնումը՝ 9:00, վերադարձը՝ մոտ 19:00, մեկնելու վայրը՝ Թումանյան 8

🔖 Գինը՝ 6000 դրամ, որը ներառում է՝
- բարձրակարգ տրանսպորտը (Mercedes Sprinter, մինչև 19 տեղ),
- պրոֆեսիոնալ գիդ-ուղեկցորդի ծառայությունը:

————————————

🟢 Գրանցվելու և հարցերի համար՝

☎️ (093) (091) (041) 55 14 85

🏠 Թումանյան 8, Երևան

💻 Բոլոր տուրերը՝ https://Hamshen.am

#ՀայոցԲերդերըևԱմրոցները

19/01/2022

Բացառիկ քայլարշավ ՈՍԿԵՊԱՐՈւՄ՝ Բերդավանք և Ոսկեպարի բերդաշտարակ 🏰 23․01

🚩 Մեր հերթական տպավորիչ քայլարշավը դրախտային Տավուշում է, այս անգամ՝ աննման, առեղծվածային, պատմական հարուստ շերտով, բնության խենթացնող տեսարաններով առանձնացող Ոսկեպարում։ Հեքիաթային այս վայրում ոչ միայն կունենանք հրաշալի քայլարշավ, այլ նաև կբացահայտենք տեղի արժեքավոր պատմական կոթողները՝ վաղքրիստոնեական շրջանից ժառանգված հզոր սահմանապահ Սուրբ Աստվածածին եկեղեցին, խորհրդավոր ու յուրօրինակ Բերդավանքը, Ոսկեպարի միջնադարյան կամուրջը, ինչպես նաև պատմական բերդաշտարակը։ Հավատարիմ Համշեն տուրի մոտեցմանը՝ մենք ոչ միայն կքայլենք ու կվայելենք գեղեցիկ բնությունը, այլ նաև պատմական կոթողները բովանդակալից և հանգամանալից կմատուցենք Ձեզ։ Միացե՜ք և մեծագույն սիրով բացահայտենք Ոսկեպարը՝ մեր անսահման գեղեցիկ երկրի հերթական գողտրիկ անկյունը։

📌 Գինը՝ 8000 դրամ, որը ներառում է՝
- բարձրակարգ տրանսպորտը,
- պրոֆեսիոնալ գիդ-ուղեկցորդների ծառայությունը:

🚩 Մանրամասն՝ https://fb.me/e/1kX8eOKU9

—————————————————

🟢 Գրանցվելու և հարցերի համար՝

☎️ 093 55 14 85 | 091 55 14 85 | 041 55 14 85

🏠 Թումանյան 8, Երևան

💻 Բոլոր տուրերը՝ https://Hamshen.am

#ՀայոցԲերդերըևԱմրոցները #ԵրազանքԻրականացնողները

17/01/2022

Ոսկեպարի բերդաշտարակ 🏰

📍 Տավուշի Ոսկեպար գյուղի մոտակայքում է գտնվում մեր հետաքրքիր ամրաշինական կառույցներից մեկը՝ Ոսկեպարի բերդաշտարակը։ Թվագրվում է 13-րդ դարով։ Իր տեսակի մեջ լավ պահպանված եզակի կոթողներից է։

#ՀայոցԲերդերըևԱմրոցները #ՀՀբերդերը

11/01/2022

Բալուի բերդը 🏰

📍 Բալուի բերդը հնագույն պատմություն ունեցող մեր ամրակուռ ամրություններից է։ Բերդում կան ուրարտական շրջանի արձանագրություններ։ Արածանի գետի աջ ափին է, ներկայում Խարբերդի նահանգում, պատմական Ծոփքի Բալահովիտ գավառում։ Ըստ ավանդազրույցի՝ Մեսրոպ Մաշտոցը Բալուի բերդում է ամբողջացրել հայոց այբուբենը, ինչի համար էլ այն բլուրը, որի վրա բերդն է, կոչում են նաև Սուրբ Մեսրոպի լեռ։

#ՀայոցԲերդերնուԱմրոցները #ԾոփքիԲերդերը

10/01/2022

Անգղ բերդաքաղաք 🏰

📍 Անգղ բերդաքաղաքը եղել է Մեծ Հայքի Աղձնիք աշխարհի Անգեղատուն գավառի կենտրոնը, մեր օրերում Դիարբեքիրի նահանգում է, ներկայում Էղիլ անվամբ։ Բերդաքաղաքը Տիգրիս գետի ափին է։ Տիգրիսի այդ հատվածում կառուցված ջրամբարի հարևանությամբ պահպանվել են շինություններ, որոնք, մասնագետների դիտարկումներով, դամբարաններ են։ Անգղն առանձնացել է իր ռազմավարական կարևոր դիրքով և պատմական նշանակությամբ։

#ՀայոցԲերդերըևԱմրոցները #ԱղձնիքիԲերդերը

09/01/2022

Բջնիի բերդը 🏰

#ՀայոցԲերդերըևԱմրոցները #ՀՀբերդերը

15/12/2021

Աղջկաբերդ (Տավուշ) 🏰

📍 Տավուշի խոշոր և կարևոր բերդերից է Աղջկաբերդը, որը պայմանական ենք նման կերպ կոչում։ Բերդը հաճախ հանդիպում է նաև Կայան/Կայեն անուններով, ինչը ևս պատմագիտական քննության կարիք ունի։ Իր կառուցվածքով մեր միջնադարյան ամուր բերդերից է, որից պահպանվել է ոչ միայն պարսպաշարի հատվածներ, այլ նաև ներքին շինությունների մասեր։ Բնությունից դժվարամատչելի տեղադրություն ունի, Աղստև գետի աջ ափին է, Մանթաշաբերդ/Աշոտ Երկաթի բերդի հանդիպակած մասում, Իջևան-Դիլիջան մայրուղուն մոտ։

#ՀայոցԲերդերըևԱմրոցները #ՀՀբերդերը

27/11/2021

Դաշտադեմի բերդը 🏰

Այսօրվա տպավորիչ տեսքը ✅

21/11/2021

Հին Արմավիրը 🏰

#ՀայոցԲերդերըևԱմրոցները #ՀՀբերդերը

08/11/2021

Հալիձորի բերդից տեսարաններ 🏰 Կապան, Սյունիք 💛

22/10/2021

Կոշի Աղջկաբերդ 🏰

#ԱրագածոտնիԲերդերը

20/10/2021

Այս շաբաթ և կիրակի օրերի մեր բերդագնացությունները 🏰

13/10/2021

Բջնիի բերդը 🏰

📍 Բջնիի բերդը հայկական միջնադարյան բերդաշինության լավ պահպանված օրինակներից է։ Կոտայքի մարզի Բջնի գյուղում է (պատմական Նիգ գավառ), Հրազդանի կիրճի աջ կողմում վեր խոյացող ժայռի վրա։ Բնությունից պաշտպանված հատվածներում ավելի ցածր պարիսպներ են, իսկ մատչելի հատվածներում կառուցվել են ամրակուռ պարիսպներ։ Հետաքրքրություն է ներկայացնում նաև մեր օրերս հասած գաղտնուղին։ Բերդի հիմնադրումը կապում են Պահլավուներին իշխանական տան հետ։

#ՀայոցԲերդերըևԱմրոցները #ՀՀբերդերը

Address

8 Tumanyan
Yerevan
0001

Telephone

+37493551485

Website

http://www.hamshen.am/

Alerts

Be the first to know and let us send you an email when Հայոց բերդերը և ամրոցները / Armenian Castles by Hamshen Tour posts news and promotions. Your email address will not be used for any other purpose, and you can unsubscribe at any time.