DHRUV TOURS

21/04/2024

25/03/2024

अयोध्या 🚩
काशी 🚩
गया 🚩
प्रयाग 🚩

18/03/2024

जय श्रीराम 🙏🏻
५४ जण, अयोध्या दर्शन

11/03/2024

नर्मदे हर 🙏🏻

11/03/2024

नर्मदे हर 😊🙏🏻

08/03/2024

On the Occasion of International Women's Day, The Travel Agencies Association Pune (TAAP) has honored all women who are excelling in the tourism sector.

Special Guests - Jhelam Chaubal Mam - Kesari Tours
Nish*ta mam - Sun Tourism
Mrs. Pujari- Vihar

17/02/2024

🙏🏻नर्मदे हर 🙏🏻
नर्मदा जयंती कार्यक्रम 🙏🏻
बारामती

13/02/2024

Tours
नुकतीच नेदरलँड येथिल आपल्या गेस्ट ने केलेली आग्रा सहल आणि त्यांचा अभिप्राय 😍
Happy Faces 😍

11/02/2024

🙏🏻नर्मदे हर 🙏🏻
सुप्रसिद्ध मराठी अभिनेत्री अभिज्ञा भावे यांच्या आई सौ भावे यांनी नर्मदा मैय्याच्या कृपेनें नुकतीच आपल्या ध्रुव टूर्स सोबत नर्मदा परिक्रमा पूर्ण केली😊

10/02/2024

# DubaiTour 😍

22/12/2023

नर्मदे हर 🙏🏻
खरंतर नर्मदा परिक्रमा ही कोणतीही ट्रिप नाहीये तर ते एक तप आहे असंच म्हणावं लागेल, ह्यात आपल्याला नर्मदा मैय्या तर अनुभूती देतेच पण अनेक संत महात्मे देखील आशीर्वाद देऊन आपल्यावर कृपा करतात.

10/12/2023

नर्मदे हर 🙏🏻
खरंतर नर्मदा परिक्रमा ही कोणतीही ट्रिप नाहीये तर ते एक तप आहे असंच म्हणावं लागेल, ह्यात आपल्याला नर्मदा मैय्या तर अनुभूती देतेच पण अनेक संत महात्मे देखील आशीर्वाद देऊन आपल्यावर कृपा करतात.

22/11/2023

# Dhruv Tours # अंदमान
जेव्हा आपण पहिली ते चौथी च्या वर्गात असतो, तेव्हा आपण आपलं बालपण खऱ्या अर्थाने जगत असतो, आणि आपल्या शाळेतल्या बाई आपल्या बाल विश्वातील फार महत्वाचा भाग असतात, त्या जे म्हणतील ती पूर्व दिशा असं काहीस आपलं असत नाही का!
तर माझ्या बाल विश्वामधील दोन बाई (मॅडम ) म्हणजे सुजाता सनगर मॅडम आणि सुनीता वैद्य मॅडम.
आमच्या जडणघडनिमध्ये ज्यांचा खूप मोठा वाटा 😊
अशा माझ्या गोड स्वभावाच्या सुनीता वैद्य मॅडमचा आज ध्रुव टूर्स बरोबर अंदमान सहलीमध्ये येण्याचा योग आला.
असेच प्रेम आणि आशीर्वाद कायम पाठीशी असावेत 😊🙏🏻

22/11/2023

#अंदमान
नुसतं नाव घेतलं तरी, डोळ्यांसमोर उभे रहातात स्वातंत्र्यवीर सावरकर, त्यांची देशभक्ती, समुद्रामध्ये मारलेली ती ऐतिहासिक उडी,
तुजसाठी मरण ते जनन
तुजवीन जनन ते मरण

प्रखर देशाभिमान बाळगणारे आपले स्वातंत्र्यवीर विनायक दामोदर सावरकर, देहाकडून देवाकडे जाताना मध्ये देश लागतो असं म्हणत काळ्या पाण्याच्या शिक्षेमध्ये देखील खंबीरपणे उभे असणारे सावरकर!
मग आपण काय करू शकतो तर आयुष्यात एकदा तरी अंदमान च्या सेल्युलर जेलमध्ये जाऊन त्यांच्या त्याग, बलिदान, प्रखर देशाभिमान या सगळ्यां समोर डोकं ठेऊ शकतो.
म्हणूनच ध्रुव टूर्सच्या या अंदमान सहलीमध्ये आम्ही सगळ्यांनीच "जयोस्तुते " हे गीत सेल्युलर जेलमध्ये गाऊन स्वातंत्र्यवीर सावरकरांना आदरांजली वाहिली

18/11/2023

Dhruv Tours....... क्रांतितीर्थ अंदमान 🙏🏻

यह तीर्थ महा तीर्थो का हैं
मत कहो इसे काला पाणी
तुम सुनो यहाँ कि धरती के
कण कण से गाथा बलिदानी
- गणेश दामोदर सावरकर

17/10/2023

मौर्य काळातील शिलालेखात सापडलेल्या केतलापुटो म्हणून ओळखले जाते , अशोकाच्या कारकिर्दीत केरळचा उल्लेख चार स्वतंत्र राज्यापैकी म्हणून एक केला गेला. आंतरराष्ट्रीय व्यापार केंद्रात रूपांतरित झालेल्या चेरसने सागरी मार्गाने विदेशी व्यापार संबंध प्रस्थापित करून केरळचा चेहरामोहरा बदलून टाकला.
केरळ हे मसाले आणि हस्तिदंतांचे नंदनवन बनले आहे किनारपट्टीचा भाग जवळपास 3000 वर्षापासून सर्वाधिक भरभराटीचे विदेशी व्यापार केंद्र राहिले. 18 व्या शतकाच्या अखेरीस , ब्रिटिशांनी संपूर्ण जमिनीचा ताबा घेतला आणि 1947 मध्ये भारत स्वतंत्र घोषित होईपर्यंत राज्य केले. स्वातंत्र्यानंतर त्रावणकोरचे राज्य , झामोरिनचे राज्य आणि कोचीनचे संस्थान राज्यामध्ये विलीन झाले. ज्याला 'केरळ' असे नाव देण्यात आले.
केरळची वांशिक विविधता ही संस्कृती आणि संस्कृतीचे एकत्रीकरण आहे जे त्याच्या प्राचीन इतिहासाचा एक भाग आहे. देशी आणि विदेशी बहुसांस्कृतिकतेचा समृद्ध टेपेस्ट्रीवर मोठा प्रभाव आहे. कला आणि हस्तकला हे राज्याच्या कलात्मक प्रवृत्तीचे प्रतिनिधित्व करतात.
केरळ हे पर्यावरण पूरक पर्यटनाचे वैशिष्ट्य आहे आणि कुशल कारागिरांनी बनवलेल्या बहुतेक हस्तकला नैसर्गिकरित्या उपलब्ध सामग्रीपासून बनवल्या जातात. हस्तीदंत, बांबू, ताडाची पाने, सीशेल, नारळाची टरफले, चिकन माती, हे उत्कृष्ट जीवंत तुकड्यांमध्ये रूपांतरित झाले आहेत जे जगप्रसिद्ध झालेले आहेत. तुमची केरळची सहल, देवाचा देश निश्चितच कायमची छाप सोडेल. भारतातील सर्वोत्तम पर्यटन स्थळांपैकी एक या सुंदर भूमीला भेट देणारे पर्यटक निसर्गाच्या कुशीत पंख पसरून शांत वातावरणाचा आनंद घेऊ शकतात. ध्रुव टूर्स, श्रीराम नगर भिगवण रोड, बारामती. संपर्क - 9423132900

11/10/2023

नर्मदे हर 🙏🏻*!!नमामि देवी नर्मदे!!*
जालना येथे ध्रुव टूर्स आयोजित मोक्षदायिनी नर्मदा मैय्याच्या पायी परिक्रमेतील प. पू भारतीताई ठाकूर, नर्मदालय, लेपा, मध्यप्रदेश व आदरणीय सुरुचीताई नाईक, इंदोर यांच्या अनुभवांचे कथन ऐकण्याचा आनंद सर्वांनी घेतला. सर्वांचा आशीर्वादरूपी प्रतिसाद भरभरून लाभला.

10/10/2023

नर्मदे हर 🙏🏻*!!नमामि देवी नर्मदे!!*
नर्मदा परिक्रमा! नर्मदा नदीच्या काठाकाठाने केलेली प्रदक्षिणा म्हणजेच नर्मदा परिक्रमा. ही परिक्रमा जवळ जवळ ३२०० किलोमीटर आहे. सर्व नद्यांमध्ये श्रेष्ठ म्हणून गंगेचे महत्त्व असले तरी परिक्रमा फक्त नर्मदेचीच केली जाते. एक विलक्षण अनुभूती देणारी नर्मदा मैया ह्या प्रवासात जणूकाही आपल्या सोबतच असते याचा अनुभव प्रत्येक परिक्रमावासीला मिळतोच. असे सांगितले जाते की सर्वप्रथम ही परिक्रमा श्री मार्कंडेय ऋषींनी एक खडतर तप करून पूर्ण केली. नर्मदा परिक्रमा करताना जसे रहस्य, रोमांच आणि दैवी अनुभव येतात तसेच तेथे निसर्गाचे भंडार देखील अनुभवता येते. या परिक्रमे नंतर प्रत्येक परिक्रमावासीचे आयुष्य बदलल्याशिवाय राहत नाही कारण नर्मदा मैया हीच एक सकारात्मक ऊर्जेचा स्त्रोत आहे.
अमरकंटक येथे उगम पावणारी नर्मदा आपल्याला अनेक रूपात पाहायला मिळते. कधी निरागस बालकासारखी नर्मदा तर कधी अल्लड मुलीसारखी खळाळत वाहणारी नर्मदा, कुठे कुठे मोठ्या खडकांनाही न जुमानता वेगाने जाणारी नर्मदा तर कधी संयमी, मातेसारखी शांतपणे वाहणारी नर्मदा. पण रूप कोणतेही असो आपल्या बालकांना सतत सुखात समाधानात ठेवत आजूबाजूचा प्रदेश फुलवतच ती वाहत असते.
'नर्म' म्हणजे हास्य व 'दे' म्हणजे देणारी असे सदैव हास्य देणारी ती नर्मदा. इतर कोणत्याही नदीमध्ये स्नान केल्याने पापमुक्ती आहे पण नर्मदेच्या नुसत्या दर्शनानेच पाप मुक्ती होते.
गंगा व नर्मदा दोघीही शिवकन्याच. असे म्हटले जाते की, गंगेने शिवाला विनंती केली की, मला तुमच्यात सामावून घ्या,' आणि शिवानी गंगेला आपल्या जटेमध्ये मस्तकावर धारण केले. आणि नर्मदेने शिवांना विनंती केली की, तुम्ही माझ्यात सामावून जा आणि शिव शंकरांनी या लेकीचाही हट्ट पूर्ण केला आणि शिव स्वतः नर्मदेमध्ये विद्यमान झाले. याचमुळे नर्मदेमध्ये सापडणाऱ्या दगडांपासून शिवलिंग बनवले जातात.
अशा या मोक्षदायींनी नर्मदेची परिक्रमा अनेकजण पायी चालून तर काहीजण वाहनाने पूर्ण करतात. शेवटी तिला आपण मैया म्हणतो ना म्हणूनच ती देखील परिक्रमावासिंची श्रद्धा ओळखते आणि त्यांच्यावर वात्सल्याचा वर्षाव करत त्यांना अनेक दैवी अनुभव देऊन त्यांच्या जीवनाला एक सकारात्मक कलाटणी देते.
अशा या मोक्षदायिनी, वात्सल्य स्वरूपीनी, शक्तीरुपीनी नर्मदा मैया ची परिक्रमा प्रत्येकाने एकदा तरी करावीच.

नर्मदे हर | नर्मदे हर | नर्मदे हर |

आणि अशा या मोक्षदायिनी नर्मदा मैय्याच्या पायी परिक्रमतील प. पू भारतीताई ठाकूर, नर्मदालय, लेपा, मध्यप्रदेश व आदरणीय सुरुचीताई नाईक, इंदोर यांच्या अनुभवांचे कथन तसेच प. पू शरदचंद्र प्रतापे महाराज, भालोद, गुजरात यांचे आशीर्वाद असा दुग्ध शर्करा योग आपल्या संभाजीनगर येथे सर्वांनाच काल मिळाला. छत्रपती संभाजी नगर येथील सर्वांनीच या कार्यक्रमाला भरभरून प्रतिसाद दिला आणि आनंद घेतला.

03/10/2023

नर्मदा परिक्रमा! नर्मदा नदीच्या काठाकाठाने केलेली प्रदक्षिणा म्हणजेच नर्मदा परिक्रमा. ही परिक्रमा जवळ जवळ 3500 कि.मी आहे. सर्व नद्यांमध्ये श्रेष्ठ म्हणून गंगेचे महत्त्व असले तरी परिक्रमा फक्त नर्मदेचीच केली जाते. असे सांगितले जाते की सर्वप्रथम ही परिक्रमा श्री मार्कंडेय ऋषींनी हे खडतर तप म्हणून पूर्ण केली. नर्मदा परिक्रमा करताना जसे रहस्य , रोमांच आणि दैवी अनुभव येतात तसेच तेथे निसर्गाची भंडार देखील अनुभवता येते. या परिक्रमेनंतर प्रत्येक परिक्रमावासीचे आयुष्य बदलल्याशिवाय राहत नाही कारण नर्मदा मैय्या हीच एक सकारात्मक ऊर्जेचा स्तोत्र आहे.
' नर्म ' म्हणजे हास्य व ' दे ' म्हणजे देणारी असे सदैव हास्य देणारी ती नर्मदा. इतर काही नदीमध्ये स्नान केल्याने पाप मुक्ती होते , पण नर्मदेच्या नुसत्या दर्शनानेच पापमुक्ती होते. गंगा व नर्मदा दोघीही शिवकन्याच. असे म्हटले जाते की गंगेने शिवाला विनंती केली की 'मला तुमच्यात सामावून घ्या' , आणि शिवाने गंगेला आपल्या जटेमध्ये मस्तकावर धारण केले , आणि नर्मदेने शिवाला विनंती केली की , 'तुम्ही माझ्यात सामावून जा' आणि शिवाने या लेकीचाही हट्ट पूर्ण केला आणि शिव स्वतः नर्मदेमध्ये विद्यमान झाले , याचमुळे नर्मदेमध्ये सापडणाऱ्या दगडांपासून शिवलिंग बनवले जातात. म्हणून आपण अशा या मोक्षदायिनी , वात्सल्यस्वरूपिणी , शक्तिरुपिणी नर्मदा मैय्याची परिक्रमा प्रत्येकाने एकदा तरी करावीच. ध्रुव टूर्स श्रीराम नगर , भिगवण रोड बारामती. संपर्क - ९४२३१३२९००

27/09/2023

✈️ *World Tourism Day!* ✈️

खरंच कधी कधी दिवस किती भरभर निघून जातात अस वाटत.
*२०१३ ला ध्रुव टूर्स ची गाडी निघाली आणि बघता बघता १० वर्ष पूर्ण झाली.*
या १० वर्षांमध्ये ध्रुव परिवार अधिक मोठा होत गेला अनेक कुटुंब जोडली गेली.
जेष्टांशी आजी आजोबा तर आई वडिलांचं नातं निर्माण झालं,किती तरी मैत्रीचे बंध तयार झाले, खूप प्रेम आणि आशीर्वाद मिळाले, टूरच्या दरम्यान हक्काचा खाऊ मिळू लागला, आपुलकीच्या चौकशा होऊ लागल्या आणि नकळतपणे नाते संबंध तयार झाले.
म्हणूनच *आज जागतिक पर्यटन दिनाचे औचित्य साधून ज्यांनी ध्रुव बरोबर ९ पेक्षा अधिक टूर्स केल्या अशा काही पर्यटकांनां एकत्र करून कृतज्ञता व्यक्त केली.*
त्याच बरोबर ध्रुव टूर्स मध्ये कार्यरत असलेल्या *श्रद्धा सबनीस मॅडम* ज्यांनी अतिशय प्रामाणिकपणे, विश्वासाने, प्रसंगी वेळेची पर्वा न करताही ६ वर्षे ध्रुव टूर्स मध्ये काम करून *Best Employee* हा सन्मान आज मिळवला.

*Happy World Tourism Day to All* ✈️

27/09/2023

HAPPY WORLD TOURISM DAY, 27 SEPTEMBER DHRUV TOURS

26/09/2023

परदेश प्रवासाची सुरुवात कुठून करावी हा आमच्या पर्यटकांचा सर्वात कॉमन प्रश्न आणि त्याला सर्वात आयडियल उत्तर आहे सिंगापूर , थायलंड , आणि मलेशिया.

थायलंड : दोन रात्र बीच सिटी पटाया आणि दोन रात्री राजधानी बँकॉक असा थायलंड सहलीचा थाट आहे. इथल्या ऍडव्हेंचर्स वॉटर स्पोर्ट्स ऍक्टिव्हिटीज मुळे याला प्लेग्राउंड ऑफ रशिया या नावाने ओळखले जाते. अल्काझार शो तर पर्यटकांना भावतोच पण कोरल आयलँडला अंडरवॉटर सी वॉक करताना सगळेच हरपून जातात. गोल्डन बुद्धा आणि मार्बल बुद्धा हे बँकॉकचे आकर्षण बिंदू आहेत. मरीन पार्क , डॉल्फिन शो , सी लायन शो तर आहेतच पण इथल्या सफारी पार्क टूर्सचा देखील आपण आनंद घेतला पाहिजे.

मलेशिया - क्वाललंपूर ही या देशाची जगमान्य राजधानी , मात्र पुत्रजय शहर हे या देशाची प्रशासकीय राजधानी आहे. पुत्रजय सिटी टूर तर प्रसिद्ध आहेच पण त्यासोबतच इथले हायकोर्ट , पेट्रोनेट ट्वीन टॉवर्स , 420 मीटर्स उंचीचा के एल टॉवर त्यावरून क्वाललंपूर एरियल व्ह्यू पाहिला की थक्कच व्हाल. बटू केव्हज आणि इथल्या राजाचा पॅलेस ही या देशाची आकर्षक ठिकाणे आहेत.

सिंगापूर : स्वच्छता - शिस्त - सुबत्ता या तीन पायांवर दिमाखात उभ असलेले समृद्ध बेट म्हणजे सिंगापूर. 1965 साली मलेशियन फेडरेशन पासून स्वतंत्र झालेला हा इवलासा देश. इतका की नाकासमोर तासभर गाडी चालवली तरी हे शहर नाही तर अख्खा देश संपतो. एवढ्या जमिनीच्या तुकड्यात काय असेल? या देशाने फक्त पन्नास वर्षात अशी काय अविश्वसनीय प्रगती केली की हा देश डेव्हलपड देशाच्या पंगतीत जाऊन बसला? चला तर मग आपण जाऊया या दिवाळी सुट्टी मध्ये ध्रुव टूर्स सोबत कसे आहेत हे देश हे पहायला .
ध्रुव टूर्स श्रीराम नगर , भिगवण रोड , बारामती. संपर्क - 9423132900

20/09/2023

तत्कालीन समाजात अंधश्रद्धेमुळे कुष्ठरोग हा मागील जन्मीच्या पापांचे फळ समजले जाई , अश्या समाजात असंख्य मनांना उभारी देऊन त्यांना स्वतःच्या पायावर उभे करणारी सेवाभावी संस्था म्हणजे बाबा आमटे यांचे आनंदवन. इ.स १९५२ साली वरोड्याजवळ त्यांनी आनंदवनाची स्थापना केली. असाध्य गोष्टींना स्वतःहून सामोरे जाण्याच्या आव्हानात्मक वृत्तीमुळे महाभयंकर कुष्ठरोग झालेल्यांची सेवा करण्याचे अति कठीण हे व्रत तर त्यांनी केलेच आणि कुष्ठरोग्यांची शुश्रूषाच करायची नव्हे , तर त्यांना आत्मनिर्भर करण्याची अखंड तपस्या देखील बाबांनी केली. कोणत्याही व्यक्तीकडे समानतेने पाहण्याच्या त्यांच्या या दृष्टिकोनामुळे आश्रमात आज सर्व धर्माचे , सर्व स्तरातील लोक आहेत. म्हणून इ.स. २००८ सालापर्यंत १७६ हेक्टर क्षेत्रात पसरलेले आनंदवन ३५०० कुष्ठरोग्यांचे घर बनले आहे.
भामरागड तालुक्यातील आदिवासींच्या विकासासाठी बाबांनी 'लोकबिरादरी' सारखे प्रकल्प आणि ज्येष्ठ नागरिकांसाठी निवासी संस्था , वनप्राण्यांच्या रक्षणासाठी अनाथालय असे विविध उपक्रम ही "हेमलकसा" येथे यशस्वीपणे चालू केले. 35 वर्षापासून याची जबाबदारी बाबांचे सुपुत्र डॉ. प्रकाश आमटे व स्नुषा मंदाकिनी आमटे समर्थपणे सांभाळत आहेत. सहा कुष्ठरोगी , १४ रुपये , एक आजारी काय व सरकार कडून मिळालेली ५० हेक्टर नापीक जमीन यावर त्यांनी कार्य सुरू केले. या कार्यात त्यांच्या पत्नी श्रीमती साधना आमटे यांचाही त्याच तोडीचा वाटा आहे. हे कार्य करत असताना त्यांच्यावर रवींद्रनाथ टागोर आणि महात्मा गांधी या महान व्यक्तींच्या विचारसरणीने प्रभावित होऊन दीनदलितांच्या सेवेसाठी काम करण्याचे त्यांनी ठरवले. संवेदनशीलता , प्रखर बुद्धिमत्ता , धाडस , ठरवले ते साध्य करण्याची निश्चय वृत्ती , संघटन आणि व्यवस्थापन कौशल्य या सर्व गुणांच्या आधारे बाबांनी आपले सर्व प्रकल्प यशस्वी केले.

08/09/2023

The Statue of Unity is the world's tallest statue, with a height of 182 metres (597 feet) Kevadia in the state of Gujarat

15/08/2023

ध्रुव टूर्स ची खरी कमाई 😊

बारामती शहराच्या नगरध्यक्षा आदरणीय सौ पौर्णिमा ताई तावरे

असेच समाधानाचे शब्द, असेच आशीर्वाद आणि असेच प्रेम कायम पुढे जाण्यासाठी आणि प्रामाणिकपणे काम करण्यासाठी प्रेरणा देतात