One Best Myanmar Travels & Tours

14/10/2024

- နေရာတကာ အလိုက်သိတာက ကောင်းတယ်ဆိုပေမဲ့ တချို့အရာတွေကိုတော့ မသိချင်ယောင်ဆောင်တတ်ရတယ် ဒါမှစိတ်ချမ်းသာရမှာပါ။

- သင်မရှိရင် မဖြစ်ဘူးဆိုတာ လောကမှာမရှိဘူး နေအလင်းရောင်တစ်ခုတည်းနဲ့ကမ္ဘာကြီးလင်းနေရင် ညဆိုတာဖြစ်လာမှာမဟုတ်ဘူး‌ေလ။

- ဘဝမှာ နေရာတကာ လိုက်ပြီးတွေးပေးနေရင် ကိုယ်ပဲပင်ပန်းရလိမ့်မယ်။လွှတ်ချသင့်တဲ့အရာတွေကို လွှတ်ချတတ်အောင်သင်ယူပါ။ဆွဲထားသမျှပူလောင်နေရင် အဲ့ဒီရပ်ဝန်းမှာ ကြာကြာမနေနဲ့ မလိုအပ်တော့ဘူးဆိုရင် သိသာစွာပြောင်းလဲတတ်တာ လူ့သဘာဝပါ။

- ဒါကြောင့် မှန်နေရင်တောင် မငြင်းနဲ့တိတ်ဆိတ်နေခြင်းကပညာပါ။မြင်နေရင်တောင် မပြောပဲနေရမယ့်အနေထားဆိုရင် မသိ‌ချင်ယောင်ဆောင်ထားလိုက်ပါ တချို့တွေက စေတနာရဲ့တန်ဖိုးကို နားလည်မှာမဟုတ်ဘူး။

- ဘဝမှာ အများကြီးပေးလို့အများကြီးပြန်ရတာဆိုလို့ မေတ္တာပဲရှိတယ် ဒါပေမဲ့ မေတ္တာနဲ့မထိုက်တန်တဲ့သူကိုပေးမိတဲ့အခါ ပြန်ရတာကနောင်တဆိုရင် အဲ့ဒီနောင်တအပေါ် ဒေါသဖြစ်ခြင်းကြောင့် ပေးသမျှမေတ္တာတွေက ဒဏ်ရာအဖြစ်ပြန်ရမယ့်အတူတူ မသိချင်ယောင်ဆောင်လိုက်တာက ပိုအေးချမ်းပါတယ်။ 🍂🍂

14/10/2024

30/09/2024

ကော်ဖီကို ကြိုက်တာလေ...
နွေးနေတဲ့အချိန်မှာလည်း ကြိုက်တယ်၊
ကြာလာလို့ အေးစက်သွားရင်လည်း ကြိုက်ပါတယ်။
အစရော အဆုံးထိပါ
အကြိုက်မပြောင်းလဲခဲ့ဘူး..ကွယ်။

အခါးတွေဘဲ ပေးနေမှန်း သိပါရဲ့နဲ့
စွဲလမ်းရွေးချယ် နေမိခြင်းကိုက အကြိမ်ကြိမ်သေရခြင်းပဲ။

ဒါ ကော်ဖီပေါ်ထားတဲ့ သစ္စာတရား။

#ရဲသူလွင် (အင်ပင်မြို့)

30/09/2024

Relationship ပဲဖြစ်ဖြစ်
Friendship ပဲဖြစ်ဖြစ်

Level မတူရင် ဘယ်ဆက်ဆံရေးမှ
ကြာရှည်မခံဘူးဆိုတာ နောက်နေတာမဟုတ်ဘူးနော်

Brain Level,thinking level နဲ့
Behavior levelတို့ပေါ့

ပညာတတ်တာ မတတ်တာချည်းကိုပဲ ပြောတာမဟုတ်၊

ကိုယ်တွေးသလို သူပြန်တွေးပေးမလား၊
သူပြောလိုက်တဲ့စကား သူရော ပြန်အပြောခံနိုင်လား၊

ကိုယ်ချင်းစာစိတ်နဲ့ သည်းခံစိတ်ကရော
ဘယ်levelရှိမလဲ အဲလိုတွေပေါ့

လင်းသိုက်ညွှန့်

29/09/2024

*မဖြစ်နိုင်တော့တဲ့အခါ*
တွဲထားတဲ့လက်ကလေးကိုညင်သာစွာဖြုတ်ခဲ့ပါ
မုန်းတီးခြင်းတွေမပါပါစေနဲ့ သူလည်းလွတ်လပ်ပါစေ
ကိုယ်လည်းပျော်ရွှင်နေပါစေ။

*မဖြစ်နိုင်တော့တဲ့အခါ*
သူကိုယ့်ကိုဘယ်လောက်ရက်စက်ကြောင်းတွေမပြောခဲ့ပါနဲ့
ကိုယ်သူ့အပေါ်ဘယ်လောက်တောင်ချစ်ခဲ့ကြောင်းပြောပြခဲ့ပါ
တွဲတဲ့လက်တွေမမြဲခဲ့တာ ကိုယ့်ကြောင့်တော့မဖြစ်ပါစေနဲ့။

*မဖြစ်နိုင်တော့တဲ့အခါ*
ခဏတာနာကျင်မှုတွေကို မကြောက်ပါနဲ့
တစ်ဘဝစာနာကျင်မှုမရှိရအောင် ပြတ်သားသင့်ရင်ပြတ်သားလိုက်ပါ
နှလုံးသားကချစ်ပေမဲ့လည်း ဦးနှောက်ကဆုံးဖြတ်ချက်ချနိုင်ပါစေ။

*မဖြစ်နိုင်တော့တဲ့အခါ*
သူနဲ့ပတ်သက်သမျှအရာအားလုံးမေ့နိုင်အောင်ကြိုးစားပါ
တချို့အမှတ်တရတွေကမင်းကိုအသေသတ်နိုင်တယ် ဒီတော့
ကိုယ့်သေတွင်းတော့ကိုယ်မတူးမိပါစေနဲ့။

မဖြစ်နိုင်တော့တဲ့အခါ*
ပူမှန်းသိရင်လွှတ်ချထားခဲ့လိုက်ပါ
မှားမှန်းသိရင်ဆက်မမှားပါနဲ့တော့
နာကျင်ရတဲ့ဒါဏ်ရာတွေဆိုတာ
ကိုယ်ကလက်ခံမှရတာမို့ ကိုယ့်ဘဝဟာ
ပူလောင်နာကျင်စရာတွေလက်ခံတတ်တဲ့ ဘဝမျိုးမဖြစ်ပါစေနဲ့။

*မဖြစ်နိုင်တော့တဲ့အခါ
ဖြစ်နိုင်အုံးမလားဆိုတဲ့မျှော်လင့်ချက်မထားပါနဲ့
မဖြစ်နိုင်တာကိုလက်ခံပြီး ဖြစ်သင့်တာကိုလုပ်ပါ
ကိုယ့်ကိုယ်ကိုလွတ်လပ်ပျော်ရွှင်မှုပေးနိုင်ကြပါစေ။

#မူရင်းရေးသားသူအားလေးစားလျှက်

29/09/2024

တဖြေးဖြေးနဲ့
အသက်အရွယ်တစ်ခု ရလာတော့
တိတ်ဆိတ်အေးချမ်းမှုကိုသာ
မက်မောလာတယ် ။

ဘယ်အရာမှ မမြဲဘူးဆိုတာကို
အကြိမ်ကြိမ် ကြုံတွေ့ခဲ့ရတော့
ကိုယ့်ကိုယ်ကိုယ်သာ အားကိုးရာဆိုတာကို
နှလုံးသွင်းတတ်လာတယ် ။

ရေစက်ရှိသလောက်ပဲ ကြုံတွေ့ရမှာမို့
ဘယ်သူနဲ့ပဲဖြစ်ဖြစ်
ဆုံစည်းခွင့် ရတုန်းလေးမှာ
စိတ်ကလေးကို
အတတ်နိုင်ဆုံး ဖြူအောင်ထားဖြစ်တယ်...

ခွင့်လွှတ်နိုင်သလောက် ခွင့်လွှတ်ပြီး
ခွင့်မလွှတ်နိုင်တော့ရင် မပတ်သက်ခြင်းဖြင့်သာ
ကိုယ့်စိတ်အေးချမ်းမှုကို ရွေးချယ်ဖြစ်ခဲ့ပါတယ် ။

28/09/2024

အိမ်ထောင်ရေး နည်းနည်းတော့ ထူးဆန်းသလိုပဲ
အိမ်ထောင်ကျတဲ့သူအများစုဟာ
မယူရသေးတဲ့သူတွေကို
မယူနဲ့ အိမ်ထောင်ပြုတာ မကောင်းဘူးလို့ လမ်းညွှန်ဆုံးမကြတယ်
အိမ်ထောင်ကျတဲ့သူ
အယောက် ၁၀၀ မှာ
အယောက် ၈၀ လောက်ဟာ
မပျော်ရွှင်ရပါဘူး
စိတ်ပင်ပန်းမှုဒဏ်တွေကို ခံကြရပါတယ်
အဲ့ဒီလူတွေကို မေးကြည့်မိတယ်
အမတို့ယူထားတဲ့ယောကျာ်းတွေက
အမတို့မချစ်ပဲနဲ့ အိမ်က ဇွတ်ပေးစားလို့ ယူထားတာလားလို့
ဘယ်ဟုတ်ပါ့မလဲ . . .တချို့က ချစ်သူသက်တမ်း ၁၀ ကျော်မှ လက်ထပ်ထားတာ . . .တချို့က ချစ်သူသက်တမ်း ၈ နှစ် . . .တချို့က ၄ နှစ် . ..
တချို့ဆို အိမ်က သဘောမတူတာတောင် သိပ်ချစ်လွန်းလို့ဆိုပြီး
ခိုပြေးခဲ့ကြတာ . . .
သိပ်ချစ်လွန်းလို့ လက်ထပ်ကြပြီးမှ
ဘာကြောင် မပျော်ရွှင်နိုင်ရတာလဲ . . .
ကိုယ်ချစ်တဲ့သူနဲ့ ပေါင်းဖက်ရတာ ဘာကြောင့် စိတ်ပင်ပန်းမှုတွေ ပိုများ
စိတ်ညစ်မှုတွေ ပိုများနေရတာလဲ . . . .
အိမ်ထောင်ရေး တဲ့ စကားလုံးလေးက သုံးလုံးတည်း . . .
တကယ်တည်ဆောက်တဲ့အခါမှာ
ပျော်ရွှင်တဲ့ အိမ်ထောင်ရေးတစ်ခုဖြစ်ဖို့ လိုအပ်ချက်တွေ အများကြီးပဲ
ဘာလိုအဓိကလိုအပ်မလဲဆိုတော့
ငွေကြေး
နားလည်မှု
အပြန်အလှန်တန်ဖိုးထားမှု
ဖေးမမှု
ကူညီမှု
သိတတ်မှု
အများကြီးပါပဲ . . . .လိုအပ်ချက်တွေပေါ့ . . .


#မိန်းမသားတို့ရင်ဖွင့်ရာ

23/09/2024

တပ်ကုန်းမြို့နယ်အတွင်း ရေဘေးသင့်ပြည်သူများအတွက် တနိုင်တပိုင် ကာလဒါနကုသိုလ် အလှူ

21/09/2024

🥀
ဘဝကနာကျင်စရာ များလေလေ
တိတ်တိတ်ဆိတ်ဆိတ် နေတတ်လာလေပါပဲ. . .

🥀
လုပ်ယူလို့မရတဲ့အရာတွေထဲမှာ
ခံစားချက်တွေရယ် အပြုံးရယ်
ပျော်ရွှင်မှုရယ် ပါတယ် ။

🥀
ပျော်ရွှင်မှုတွေကိုလဲ တကူးတက
မတောင်းတတတ်တော့သလို ကိုယ်လဲ
မပျော်ရွှင်တတ်တော့ဘူး ။
နာကျင်စရာတွေနဲ့ပဲ အဖော်ပြုတယ်

🥀
တိတ်ဆိတ်ခြင်းတွေကို နှစ်ခြိုက်လာတယ်
လူတွေအကြောင်းပိုပိုသိလာလေ ကျွန်မပိုပြီး
တိတ်ဆိတ်လာလေပါပဲ . . .

🥀
အခုနောက်ပိုင်းမှာ . . .

ဘယ်သူတွေက ဘာပြောပြော
ပတ်ဝန်းကျင်က ဘာပဲထင်ထင်
မရှင်းပြတတ်တဲ့ ကျင့်သားရလာတယ် ။

🥀
တဖြည်းဖြည်းနဲ့ ပြောစရာစကားတွေက
နည်းလာခဲ့တယ် လောကမှာ မရယ်မပြုံးတတ်တဲ့
လူတစ်ယောက်ဖြစ်လာတယ် . . .

နာကျင်လေလေ တိတ်ဆိတ်လေ ။

🥀🥀🥀🥀🥀
❤🌹

15/09/2024

"မွေးရာပါ ဗီဇ"
--------------
လူဆိုတာ
မွေးကတည်းက သူ့ဗီဇနဲ့သူ ပါလာပြီးသား....
" ဗီဇ "နော်...
" စရိုက် " မဟုတ်ဘူး။
ဗီဇ နဲ့ စရိုက် မတူဘူး။
စရိုက် က ပြင်လို့ရတယ်။ ဗီဇက ပြင်လို့မရဘူး။
လိမ်တတ်တဲ့ ဗီဇပါသူက လိမ်မှာပဲ
ခိုးတတ်တဲ့ ဗီဇပါသူက ခိုးမှာပဲ
အနိုင်ကျင့်ချင်တဲ့ ဗီဇပါသူက အနိုင်ကျင့်မှာပဲ
ပွေရှုပ်ချင်တဲ့ ဗီဇပါသူက ပွေမှာ ရှုပ်မှာပဲ။
ဗီဇ မကောင်းတဲ့ လူတစ်ယောက်ကို
ချစ်တဲ့စိတ်တစ်ခုတည်းနဲ့
ပြင်ပေးလို့ ရလိမ့်မယ်လို့ မထင်နဲ့...
ပြင်ပေးဖို့လည်း မကြိုးစားနဲ့...
ပြင်လာလိမ့်မယ်လို့လည်း မမျှော်လင့်နဲ့...။
မွေးကတည်းကပါလာတဲ့ ဗီဇတစ်ခုဟာလည်း
ဘယ်လောက်ပဲ ပြုပြင် ပြုပြင်ပြောင်းလဲမသွားဘူး။
အကယ်၍
ပြုပြင်ပြောင်းလဲသွားတယ်ဆိုရင်လည်း
ခွေးမြီးကောက် ကျည်တောက်စွပ်ပဲ ဖြစ်လိမ့်မယ်
အချိန်တန်ရင် သူ့ဗီဇက ပြန်ပေါ်လာမှာပဲ။
မွေးရာပါ ဗီဇဆိုတာ သေမှပဲ ပျောက်တာ...။

11/09/2024

ဆုံးရှုံးပြီးမှ
လူတစ်ယောက်တန်ဖိုး
နားလည်မယ်ဆိုရင်

သင်နားလည်သွားတဲ့အချိန်မှာ
အဲ့လူတစ်ယောက်က
သင့်အနားမှာရှိဖို့မသေချာတော့ဘူး

အနားမှာရှိတုန်း
လူတစ်ယောက်အကြောင်း
မသိခဲ့ဘူးဆိုရင်

သင်သိသွားတဲ့အချိန်မှာ
အဲ့လူတစ်ယောက်က
သင့်အနားမှာမရှိနိုင်တော့ဘူး

အတူရှိခွင့်ရတုန်းမှာ
လူတစ်ယောက်ကို
ကိုယ်ချင်းမစာတတ်ခဲ့ရင်

သင်ကိုယ်ချင်းစာတတ်တဲ့အချိန်မှာ
အဲ့လူတစ်ယောက်က
သင့်အနားမှာမရှိနိုင်တော့ဘူး

မိသားစုမှာပဲဖြစ်ဖြစ်
သူငယ်ချင်းအချင်းချင်းမှာပဲဖြစ်ဖြစ်
လုပ်ငန်းခွင်တစ်ခုမှာပဲဖြစ်ဖြစ်ပေါ့

လူတိုင်းလူတိုင်းဟာ

ဆုံးရှုံးပြီးမှ
သင်ခန်းစာရသွားတတ်
သူတွေကြီးပါ


🌿🤍🌿🤍🌿🤍🌿🤍🌿🤍🌿

11/09/2024

မရှိခြင်းဟာ ချမ်းသာတယ်လို့
နားလည်လာတဲ့အခါ
မရှိမှာကိုမကြောက်တော့ဘူး ။

ရှိလာခြင်းဟာမမြဲဘူးလို့
နားလည်လာတဲ့အခါ
ဘာကိုမှ စွဲလန်းမထားတော့ဘူး ။

တိတ်ဆိတ်မှုဟာအရှုပ်ကင်းခြင်းလို့
နားလည်လာတဲ့အခါ
နေရာတကာ ၀င်မပါတော့ဘူး ။

အထင်ကြီးခံရမှုဟာဘ၀မဟုတ်မှန်း
ခံစားလာရတဲ့အခါ
သတိလက်လွတ်မပျော်မိတော့ဘူး ။

အထင်သေးခံရမှုဟာ
အားငယ်စရာမဟုတ်မှန်းသိလာတဲ့အခါ
အပြစ်တင်မှုတွေကို ဂရုမစိုက်တော့ဘူး ။

ဘ၀ဟာ ခဏပါလို့ နားလည်လာတဲ့အခါ
အမုန်းတရားတွေနဲ့စိတ်ညစ်စရာတွေကို
သိမ်းပိုက်မထားချင်းတော့ပါဘူး ။

နေရသမျှလေးမှာ
အပြစ်ကင်းပြီးစိတ်ချမ်းသာအောင်ပဲ
ကြိုးစား၍ နေဖြစ်ပါတော့တယ် ။

10/09/2024

အထီးကျန်​ရမှာကို မကြောက်ပါနဲ့
တကယ်တမ်းကြတော့ နှုတ်ဆက်ခြင်းတွေဟာ ထင်သလောက်မခက်ခဲပါဘူး..။
ရပ်စဲလိုက်ခြင်းကိုက တစ်ဖက်ဖက်ကစိတ်မရှိတော့တာမလို့ပဲလေ..။ဆက်ဆွဲထားခြင်းကတစ်ခါပဲကောင်းပါတယ်

အခါခါဆွဲထားရအောင်ကိုယ်ကတန်ဖိုးမရှိတဲ့သူမဟုတ်သလို အချစ်မခံသင့်တဲ့သူလည်းမဟုတ်ဘူးလေ

သူ့အတွက်အချိန်ကုန်ဆုံးမယ့်အစား
အိပ်မက်တွေဆီသာပြေးပါ..။

ပိုကောင်းတဲ့ဆက်ဆံရေးတွေ
ပိုလှပတဲ့ချစ်ခြင်းမေတ္တာတွေကြုံရဦးမှာပါ
ပြန်သွားလို့မရနိုင်တဲ့အတိတ်အကြောင်းမတွေးရအောင်

မကောင်းတဲ့ဆက်ဆံရေးတွေမှာပိတ်မိနေတာထက်
တစ်ယောက်တည်းရှင်သန်လိုက်ခြင်းက
ပိုပျော်ရမှာပါ...
.

20/08/2024

ဒေါသ မထိန်းနိုင်ရင်
တန်ဖိုးရှိဆုံး အရာတွေ ဆုံးရှုံးရတတ်တယ်

ပွင့်လင်းမှု မရှိပြန်ရင်
နားလည်မှုတွေ လွဲတတ်တယ်

ဆုံးဖြတ်ချက် မပြတ်သားရင်
အခွင့်အရေးတွေ လက်လွှတ် ဆုံးရှုံးရတတ်တယ်

မာနချင်း ပြိုင်မိရင်တော့
ကိုယ့်အပေါ် အကောင်းဆုံးသူတွေကို ဆုံးရှုံးရတတ်တယ်

ဘယ်သူမဆို သည်းမခံ နိုင်တော့တဲ့
တစ်နေ့တော့ လွှတ်ချတတ်ကြတာပါပဲ...💛💜

“မလုံလောက်တဲ့ လောကလူသား"

#စာပေဗဟုသုတ #မေတ္တာများဖြင့်

14/08/2024

တချို့လူတွေရဲ့ လုပ်ရပ်တွေကို
သည်းခံခွင့်လွှတ်လိုက်တယ် ဆိုတာဟာ
ကိုယ်က တုံးအလို့ မဟုတ်သလို
သူတို့က ခွင့်လွှတ်ခြင်းနဲ့ ထိုက်တန်လို့လည်း မဟုတ်ဘူး ။

ကိုယ့်ကိုကိုယ် ပြန်ရှာတွေ့ဖို့ …
ကိုယ့်ဘဝလေး အေးချမ်းစေဖို့
ထပ်ပြီး ကိုယ့်အတွက် ရှေ့ဆက်စရာတွေ ရှိသေးလို့
သူတို့ကိုမှ ခွင့်လွှတ်မပေးနိုင်ရင် ကိုယ်တိုင်လည်း
စိတ်ချမ်းသာရမှာ မဟုတ်တာမို့ …
အဲ့ဒီလူတွေ ထပ်ပါမလာတော့မှ ဘဝက အဆင်ပြေမှာမို့
ခွင့်လွှတ်ပေးရတာဖြစ်တယ် ။

ဘယ်တော့မှ မေ့မှာ မဟုတ်သလို …
ကိုယ့်ဆီလည်း ထပ်ဝင်လာခွင့် ပြုမှာမဟုတ်ဘူး ။
ကိုယ့်ဘဝထဲ ဘယ်တောမှ ခြေချခွင့် မရှိတော့ဘူး ။

တချို့ခွင့်လွှတ်မှုတွေက ကိုယ်တိုင် လွတ်မြောက်ဖို့အတွက်ပဲ
အဲ့ဒီလူကို အခွင့်ရေး ထပ်ပေးဖို့မဟုတ်ဘူး ။

⁃ Thar Htwe -

14/08/2024

အရာရာဟာ ရေစက်ပါသလောက်ပေါ့🍀

ဆက်ဆံရေးတိုင်းက သူ့သက်တမ်းနဲ့သူရှိပြီးသားပါ..

ဘယ်လောက်ပဲ ပျော်ရွှင်စရာ
ပြည့်နေတဲ့ဆက်ဆံရေးဖြစ်
နေပါစေ တကယ်တမ်း ရေစက်
ကုန်သွားတဲ့အခါ မလွဲမသွေ နှုတ်ဆက် ခွဲခွာရတယ်

ဒါဟာ လူ့သဘော သဘာဝဖြစ်တယ်
ဘဝဆိုတာ အထီးကျန်မှ ဘဝ အစစ်လို့
ခေါ်ထိုက်တာပါ

အထီးမကျန်ဘူးဆိုရင် ဒါဟာ
စစ်မှန်တဲ့ဘဝလို့ သတ်မှတ်လို့မရသေးပါ..

သင့်ဘဝထဲ ဝင်လာသူတိုင်းကို
စိတ်ရင်းအမှန်သာ ပြသပေးပါ

တွေ့ဆုံမှုတိုင်းကိုနောင်တမရပါနဲ့
တွေ့ဆုံမှုတိုင်းက အဓိပ္ပာယ်ကိုယ်စီနဲ့ပါ

ငါ့သူငယ်ချင်းတွေ ငါ့အနား
ဘယ်ချိန်ထိ ရှိနေပေးမလဲ

ငါ့ချစ်သူ ဘယ်ချိန်ထိ အနားမှာ
နေပြီး ချစ်ပေးမလဲ
ဒါတွေကိုတွေးမနေပါနဲ့

အတွေးလွန်ပြီးစိတ်မပျော်ဘဲ မနေလိုက်ပါနဲ့
သူတို့ သင့်ဘဝထဲ အချိန်တစ်ခုထိ
အဖော်ပြုပေးခဲ့တယ်ဆိုတာနဲ့တင်
သင်ဟာ ကံကောင်းနေပါပြီ ကံကောင်းတဲ့လူပါ

ဘဝခရီးအဆုံးထိ အတူတူ မရှိနိုင်ကြပေမဲ့
တစ်ချိန်တုန်းကအတူတူ ပျော်ခဲ့တဲ့
အမှတ်တရကောင်းတွေကို ပြန်တွေးကြည့်
မိတော့ မင်းကို သိခွင့်ရခဲ့တာ
ချစ်ခွင့်ရခဲ့တာ ဒီလောက်တောင်
ကြည်နူးစရာ ကောင်းရလားလို့
တွေးမိပြီး ဖြေသာနိုင်လိုက်ပါတယ်🍀

-Crd-

14/08/2024

တချို့လူတွေက
သူတို့မှားတယ်ဆိုတာ သိတယ် ။
ဒါပေမယ့် အဲ့ဒီအမှားကိုဝန်ခံဖို့
ဘယ်တော့မှ မတွေးဘူး ။

မှန်နေတဲ့လူက နေပါစေတော့ ဆိုပြီး
နှုတ်ဆိတ်နေတဲ့အခါ
အမှားလုပ်ထားတဲ့သူက
မပြုပြင်တဲ့အပြင် သူတို့အမှားကို
အမှန်ပါလို့ သတ်ပုံပြင်လိုက်ကြတယ် ။

တချို့ကျ သူတို့ဘက်က
လွန်တယ်ဆိုတာ သိတယ် ။
ဒါပေမယ့် ဆောရီးတစ်ခွန်းနဲ့
တောင်းပန်ဖို့တောင် ဝန်လေးတတ်ကြတယ် ။

ခံရတဲ့သူက ထားလိုက်ပါတော့လေ ဆိုပြီး
နားလည်ပေးတဲ့အခါ
သူတို့စည်းကျော်တာကို
သူတို့မေ့သွားပြီး တဖက်လူကို
ထည့်စဉ်းစားဖို့ အတွေးမရှိကြတော့ဘူး ။

ငြိမ်ခံနေဖို့ မသင့်တော်တဲ့အချိန်ဆိုတာ ရှိတယ်.. သည်းခံဖို့ မတန်တဲ့
အတိုင်းအတာ ဆိုတာလည်း ရှိပါတယ် ။

တချို့လူတွေက ခွင့်လွှတ်ပေးခြင်းနဲ့တန်ပေမယ့် တချို့လူတွေကျ ပြန်ပြောနိုင်မှ
တော်ကာကျတာပါ ။

အဲ့ဒီတော့ တန်ပြန်ပဲ ဆက်ဆံပေးလိုက်တယ် ။

သူတို့လုပ်ရပ်အပေါ်
သူတို့ကိုယ်တိုင် ရှက်စရာလို့ မြင်သွားမှ
နောက်လူ ကိုယ့်လိုမခံရမှာ ။

နောက်ကို ဆင်ခြင်တတ်သွားမှာ ..
ကိုယ့်လူနောက်လူမခံရဖို့
အမုန်းခံပြီး ထောက်ပြသင့်ရင် ထောက်ပြရမှာပါ ။

မကောင်းတဲ့သူရဲ့
လက်တစ်လုံးခြားလှည့်စားမှုကိုခံရတဲ့
သားကောင်ထဲ ကိုယ်ဟာနောက်ဆုံးဖြစ်ပါစေ ။

#သက်ထားခင်THK
#တချို့လူတွေကိုတန်အောင်ဆက်ဆံပါ..
Aug7,2021

08/08/2024

Save the date 08.08.2024 (888)

25/06/2024

တစ်ကြိမ် လိမ်ဖူးတဲ့သူကို
ခွင့်လွှတ်လိုက်ပါ
အမှားနဲ့ကင်းတဲ့လူဆိုတာ မရှိလို့ပါ ။

နှစ်ကြိမ်လိမ်ဖူးတဲ့လူကို
နားလည်ပေးလိုက်ပါ
ကိုယ့်ကို လိမ်မှဖြစ်မယ့်အကြောင်းပြချက်
ရှိကောင်းရှိနိုင်လို့ပါ ။

အကြိမ်ကြိမ်လိမ်ဖူးတဲ့လူကိုတော့
ဥပက္ခာပြုခြင်းနဲ့အတူ စွန့်လွှတ်လိုက်ပါ
ဘာကြောင့်လည်းဆိုတော့
သင့်ကို နောက်တစ်ကြိမ်
ထပ်လိမ်နေဦးမှာမို့လို့ပဲ ။

• အမှားဆိုတာ
ပြင်ရလွယ်တယ်ဆိုပေမယ့်
ကိုယ်မှားလို့ မှားမှန်းမသိတာ အဆိုးဆုံးပဲ👩‍❤️‍👨

20/06/2024

မိန်းမ (ဇနီး)ကိုနောက်ဆုံးမှာထားတဲ့
ယောင်္ကျားတွေကအိမ်ထောင်ကွဲသွားတယ်

မိဘ ဆွေမျိုးသူငယ်ချင်းတွေကိုဦးထိပ်ထားတဲ့
ယောကျာ်းတွေက ဘဝပျက်သွားတယ်
အသက်ကြီးတော့လဲ အထီးကျန်တဲ့ဘဝနဲ့ ဖြတ်သန်းရလိမ့်မယ်

မိန်းမ ဇနီးကို ဦးထိပ်ထား တဲ့ယောကျာ်းက
အောင်မြင်တဲ့ဘဝ အေးချမ်းတဲ့အိမ်ထောင်ရေးကို
ပိုင်ဆိုင်ရတယ်

ဒီလိုပြောလိုက်တာနဲ့
တချို့ယောကျ်ားတွေကအမျိုးမျိုး စောဒကတက်
လိမ့်မယ် ဘာဖြစ်လို့လဲမဖြစ်နိုင်တာဆိုပြီး!!!!!!!
ထောက်ပြမယ်

မိန်းမ (ဇနီး)ဆိုတာ သူများမိဘကပိုးလိုဥ ပြီး
ယုယုယယ မွေး ထားတဲ့သမီးဖြစ်တယ်
သင့်ကိုချစ်လို့ နှစ်ကိုယ်တူဘဝတစ်ခုတည်ဆောက်ခဲ့တယ်
ဆင်းရဲချမ်းသာ နာမကျန်းဖြစ်တဲ့အချိန်လည်းသင့်အနားမှာရှိနေပေးတယ်
သင့်သားသမီးမျိုးဆက် တွေကိုလဲသူမရဲ့ အလှအပအပျက်ခံပြီးအသက်နဲ့ရင်းပြီးမွေးထုတ်ပေးခဲ့တယ် သင့် ဘဝရဲ့ ပါရမီ ဖြည့်ဖက်လဲဖြစ်တယ်
သင်က ပိုက်ဆံတစ်ခုပဲရှာတာ
အနောက်မှာသူမက သင့်မိဘကိုလဲသင့်အစားသူမပဲ ပြုစုပြီးစောင့်ရှောက်ပေးတယ်
သင့်ဆွေမျိုးတွေကိုလဲသင့်အစားသူမပဲ ဧည့်ဝတ်ကျေပွန်ရတယ်
သင့်အပေါင်းသင်းတွေနဲ့လဲသင့်အစား လူမူရေးအရ အဖက်ဖက်ကပါဝင်ကူညီဆက်ဆံပေးရတယ်
သင့်သားသမီးတွေရဲ့ ဝေယျာဝစ္စတွေကိုလဲ မနက်မိုးမလင်းထဲက ညည့်နက်တဲ့ချိန်ထိမနားမနေလုပ်နေရတယ်
သူ့မိသားစု ဘဝကြီးပိုလှပဖို့ သင့်အစားသူမအများကြီးအနစ်နာခံထားပေးတယ်
သင်ရှာသမျှငွေတွေကိုလဲစျေးဖိုးထဲက ခြစ်ခြုတ်ပြီးမသုံးရက်မဖြုန်းရက် ငွေတွေစုထားပြီသူမမိသားစုအနာဂတ်အတွက်ဘယ်လိုအသုံးချရမလဲပဲတွေးနေတယ် သင့်နောက်ကိုလည့်ကြည့်စရာမလိုအောင် အဖက်ဖက် ကနေ သင့်ဘဝကို ပါရမီ ဖြည့်ပေးနေတာ မိန်းမဆိုတဲ့ ဇနီးပဲဖြစ်တယ်
မိန်းမတွေက အိမ်ထောင်ကျသွားရင် ဥစ္စာ ဂုဏ် ပကာသန ဘာမှမမက်မောကျတော့ဘူး
သူတို့စိတ်ထဲမှာ ယောကျာ်းအတွက် သားသမီးအတွက်ပဲရှိတော့တယ်
အဲဒါကို ယောကျာ်းဖြစ်တဲ့သူက သူမ ကိုသူမလိုချင်တဲ့ နားလည်မှု၊တန်ဖိုးထားအလေးပေးမှု၊သူမလိုချင်တဲ့ချစ်ခြင်း မေတ္တာ နွေးထွေးမှုတွေမပေးနိုင်ရင်
နောက်ဆုံးတော့ သူမကမျှော်လင့်ချက်ကင်းမဲ့စွာ ထွက်သွားလိမ့်မယ်
အဲဒီအချိန်ရောက်လာတဲ့ချိန် အရာရာနောက်ကျသွားပါပြီ
အဲဒါကြောင့်မိန်းမကိုနောက်ဆုံးမှာထားတဲ့ယောကျာ်းကတော့ ဘဝပျက်သွားမယ်
ဘာဖြစ်လို့လဲသူမကသင့်ဘဝမှာ သင်မလုပ်နိုင်တာတွေကို သူမကပဲဦးဆောင်ပြီးလုပ်ပေးနိုင်လို့ဖြစ်တယ် အဲဒါကြောင့် မိန်းမကိုဦးထိပ်ထားတဲ့ယောကျာ်းကတော့အဖက်ဖက်က အောင်မြင်တဲ့ယောကျာ်းဖြစ်တယ်

Copy

04/06/2024

ငြိမ်းချမ်းသာယာပျော်ရွှင်တဲ့ နိုင်ငံတော်ကြီးအမြန်ပြန်ဖြစ်ပါစေ ခရီးသွားလုပ်ငန်းတွေအမြန်ဆုံးပြန်လည်တိုးတက်ပါစေ

16/05/2024

လူတစ်ယောက်ကို ပြောင်းလဲဖို့
အချိန်တွေ အများကြီး မပေးနဲ့။

သူ့စိတ်ကို ပြောင်းလဲလို့ မရရင်
ကိုယ့်စိတ်ကို ပြောင်းလဲပစ်လိုက်ပါ။

ဘယ်လိုမျိုးလဲဆိုတော့
သူ့ကို လိုအပ်နေတဲ့ ကိုယ့်ရဲ့ စိတ်၊

သူ့အပေါ် မျှော်လင့်နေတဲ့
ကိုယ့်ရဲ့ စိတ်၊

တစ်နေ့မှာဆိုပြီး
အားတင်းနေမိတဲ့ ကိုယ့်ရဲ့ စိတ်၊

သူ မရှိရင် ဖြစ်မှာ မဟုတ်ဘူးဆိုပြီး
အားငယ်နေတဲ့ ကိုယ့်ရဲ့ စိတ်

အဲဒီစိတ်တွေကို အကုန်ပြောင်းလဲပစ်လိုက်ပါ။

ကျွန်မတို့ဟာ လူတစ်ယောက်ကို
အချိန်တွေ အကြာကြီးပေးပြီး စောင့်ဆိုင်းနေဖို့တာဝန်မရှိပါဘူး။
လိုလည်း မလိုအပ်ပါဘူး။


ကိုယ်ကိုကိုယ်သာအလှဆုံးပြုပြင်ရင်း အလှဆုံးအပြုံးတွေနဲ့ရှင်သန်လိုက်ပါ 🎉🎊🌹🌷🥀