Online Ticket Sales

19/09/2024

**ပဲခူးတိုင်းဒေသကြီး၊တောင်ငူခရိုင်၊တောင်ငူမြို့နယ်တွင် တက်နေထွန်းလူမှုကယ်ဆယ်ရေးအသင်းမှဆက်လက်ကူညီလှူဒါန်းရေးလုပ်ကိုင်လျှက်ရှိပါသည်။**

19.9.2024 တောင်ငူရေဘေးအလှူတော်ပုံရိပ်များ

19/09/2024

**ပဲခူးတိုင်းဒေသကြီး၊တောင်ငူခရိုင်၊တောင်ငူမြို့နယ်တွင် တက်နေထွန်းလူမှုကယ်ဆယ်ရေးအသင်းမှဆက်လက်ကူညီလှူဒါန်းရေးလုပ်ကိုင်လျှက်ရှိပါသည်။**
19.9.2024 တောင်ငူရေဘေးအလှူတော်ပုံရိပ်များ

19/09/2024

**ပဲခူးတိုင်းဒေသကြီး၊တောင်ငူခရိုင်၊တောင်ငူမြို့တွင်
တက်နေထွန်း လူမှုကယ်ဆယ်ရေးအသင်း မှ
ဆက်လက်ကူညီလှူဒါန်းရေးလုပ်ကိုင်လျှက်ရှိပါသည်။**
၁၉.၉.၂၀၂၄ တွင် ကျွန်တော်တို့ တက်နေထွန်း လူမှုကယ်ဆယ်ရေးအသင်း (TNT RESCUE) မှ
ပဲခူးတိုင်းဒေသကြီး၊တောင်ငူခရိုင်၊တောင်ငူမြို့နယ်
စစ်တောင်းမြစ်ဘေးရှိ ရေဘေးဒုက္ခခံစားနေရသော
မိုးကောင်းကျေးရွာအုပ်စုရှိ ရွာသစ်ကျေးရွာမှ
အိမ်ထောင်စု( ၁၂၀)စာ အတွက် ရေသန့်၊
ခေါက်ဆွဲခြောက်၊ရွှေကျီးမုန့်ကြွပ်၊
ဓာတ်ဆားမှုန့်၊Biogesic ဖျားနာပျောက်ဆေးတို့အား
သွားရောက်ကူညီလှူဒါန်းပေးခဲ့ပါသည်။
ရေဘေးဒုက္ခခံစားနေရသော(၇)ရက်သား၊သမီး
များအတွက်ကျွန်တော်တို့
တက်နေထွန်းလူမှုကယ်ဆယ်ရေးအသင်းနှင့်ပူးပေါင်း
ပါဝင်လှူဒါန်းပေးကြသောအလှူရှင်များအား
သာဓုခေါ်ဆိုနိုင်ရန်တင်ပြအပ်ပါသည်ခင်ဗျာ။
လိုအပ်သောနေရာများအားကူညီလှူဒါန်းနိုင်ရန်
အတွက်လိုက်လံလမ်းပြပေးပါသောနယ်မြေခံ
ပြည်ငြိမ်းအေး အရေးပေါ်ကယ်ဆယ်ရေး
အဖွဲ့(တောင်ငူ)အားလည်းကျေးဇူးတင်ဂုဏ်ပြုအပ်ပါ
သည်ခင်ဗျာ။
***မနက်ဖြန်တွင်လည်းတောင်ငူမြို့နယ်အတွင်း
ရှိလိုအပ်သောနေရာဒေသများသို့ ဆက်လက်လှူဒါန်း
သွားမည်ဖြစ်ပါကြောင်းအသိပေးအပ်ပါသည်ခင်ဗျာ***
***ပူးပေါင်းပါဝင်လှူဒါန်းလိုပါက***
Kpay-09260360768 Myo Min Zaw
Wave pay-09459521586 Zin May Lae

19/09/2024

18.9.2024 တောင်ငူရေဘေးအလှူတော်ပုံရိပ်များ

19/09/2024

၁၈.၉.၂၀၂၄ တွင် ကျွန်တော်တို့ တက်နေထွန်း လူမှုကယ်ဆယ်ရေးအသင်း (TNT RESCUE) မှ
ပဲခူးတိုင်းဒေသကြီး၊တောင်ငူခရိုင်၊တောင်ငူမြို့နယ်
စစ်တောင်းမြစ်ဘေးရှိ ရေဘေးဒုက္ခခံစားနေရသော
(၂၃)ရပ်ကွက်၊ကသည်းစုကျေးရွာနှင့်မိုးကောင်း
ကျေးရွာအုပ်စု၊ကချောင်ကျေးရွာများတွင်
အိမ်ထောင်စု( ၂၆၀)စာ အတွက် ရေသန့်၊
ခေါက်ဆွဲခြောက်၊ရွှေကျီးမုန့်ကြွပ်၊
ဓာတ်ဆားမှုန့်၊Biogesic ဖျားနာပျောက်ဆေးတို့အား
သွားရောက်ကူညီလှူဒါန်းပေးခဲ့ပါသည်။
ရေဘေးဒုက္ခခံစားနေကြသော(၇)ရက်သား၊သမီး
များအတွက်ကျွန်တော်တို့
တက်နေထွန်းလူမှုကယ်ဆယ်ရေးအသင်းနှင့်ပူးပေါင်း
ပါဝင်လှူဒါန်းပေးကြသောအလှူရှင်များအား
သာဓုခေါ်ဆိုနိုင်ရန်တင်ပြသည်ခင်ဗျာ။
လိုအပ်သောနေရာများအားကူညီလှူဒါန်းနိုင်ရန်
အတွက်လိုက်လံလမ်းပြပေးပါသောနယ်မြေခံ
ပြည်ငြိမ်းအေး အရေးပေါ်ကယ်ဆယ်ရေး
အဖွဲ့(တောင်ငူ)အားလည်းကျေးဇူးတင်ဂုဏ်ပြုအပ်ပါ
သည်ခင်ဗျာ။
***မနက်ဖြန်တွင်လည်းတောင်ငူမြို့နယ်အတွင်း
ရှိလိုအပ်သောနေရာဒေသများသို့ ဆက်လက်လှူဒါန်း
သွားမည်ဖြစ်ပါကြောင်းအသိပေးအပ်ပါသည်ခင်ဗျာ***
***ပူးပေါင်းပါဝင်လှူဒါန်းလိုပါက***
Kpay-09260360768 Myo Min Zaw
Wave pay-09459521586 Zin May Lae

16/09/2024

ဒီရက်ပိုင်း ရေဘေးကူနေရလို့ စာပြန်နောက်ကျတာတွေ Ph ခေါ်မရတာတွေဖြစ်ခဲ့ပါက နားလည်ပေးပါရှင် 🙏🙏🙏

15/09/2024

တောင်ငူမှာ ရေဘေးအတွက်လှူဒါန်းလို့ရမယ့်

နေရာတွေ တွေ့ရသလောက်လေးစုပေးထားပါတယ်

1.အ.ထ.က 2 လူ 2000ကျော်
2.အ.ထ.က 6 လူ 2500ကျော်
3.အသောက မိဘမဲ့ကျောင်း 200နီးပါး
4.ရွှေဆံတော်ဘုရား 1500ကျော်
5.လောကုတ္တရာ ဘုရားဝန်း 900ကျော်
6.အောင်သိဒ္ဓိဘုရားကုန်း 150ကျော်
7.အမှတ် 3ကျောင်းဝန်း 600ကျော်
8.ဝါးတီးကျောင်း 500ကျော်
9.RC church 300ကျော်
10.မြတ်စောညီနောင်ငါးထပ်ကြီးဘုရား
11.ရွှေတံတားရွှေဘုံသာကျောင်းတိုက် 1000နီးပါး
12.ပညာရေးကောလိပ်အဟောင်း
13.နဂါးရုံဘုရားဝန်း 2000ကျော်
14.ကေတုမတီမြို့ မြို့ဦးကျောင်း 100နီးပါး
15.ကလေဇာတိဘုရား
16.ထန်းကုန်းကျောင်း
17.အထက (၇) - ကန်လမ်းကျောင်း
18.ဝက်ဖြူကုန်း ရွှေဖြူရတနာစာသင်တိုက် 350
19.သရက်တော ဘုန်းကြီးကျောင်း(ပန်းပဲရွာ) 100
20.ထီးလှိုင် ရွှေဂူကြီး 200
21.မဟင်ကျေးရွာ နှစ်ဆောင်မြိုင် 600
22.ညောင်ပင်လှ အေးချမ်းဖြိုးကျောင်းတိုက်
23. ရပ်ကွက် 20 ကုလားဘုရားကျောင်း
24.ရှင်ယောဟန် ခရစ်ယာန်ဘုရားကျောင်း 200
25.အထက ၅ ကျောင်း 1000
26.ဘုရားနှစ်ဆူကျေးရွာ ရွာလယ်ကျောင်း 400
27.မိုင်ဒါကွင်း အတွင်း 100 ကျော်
28.ရွှေနှလုံးတော် ဘုရားကျောင်း 400 ကျော်
29.မြို့ကြီး သိမ်ကုန်းကျောင်း
30.ဓမ္မဗိမာန် 50
31. ဝိသုဒ်ဓါရုံ မြို့ထောင့်ကျောင်း 180
32. အောင်မြေဘုံစံကျောင်း 100

ရေဘေးရှောင်ပြီးစုနေတဲ့နေရာတွေ အကူညီလိုအပ်နေတဲ့နေရာတွေ ထပ်တွေ့ရရင် Editပေးပ့ါမယ်

Credit- Kay Tu Delivery Service

13/09/2024

လွန်ခဲ့တဲ့ ၂၀၁၄-၂၀၁၅ မြန်မာပြည်အဝှမ်းရေကြီးရေလျှံခဲ့တုန်းက

ကျွန်မ ကိုယ်တိုင် ပရဟိတ ရေဘေးကယ်ဆယ်ရေးလုပ်ငန်းတွေမှာ ထဲထဲဝင်ဝင် လုပ်ကိုင်ခဲ့တုန်းက အတွေ့အကြုံလေးတွေ မျှဝေပေးချင်လို့ပါ

ဆရာမကြီးလုပ်တာလဲမဟုတ်သလို
လက်တလော ကိုယ့်ကျန်းမာရေးကြောင့်
ကိူယ်တိုင်ကိုယ်ကျ မကူနိုင်တော့လို့
ကိုယ်တတ်သိတဲ့ info လေးပဲ မျှဝေပေးတာပါ
အသုံးတည့်မယ့်သူတွေယူပါနော်

🔸 တကယ့်တကယ် ရေဘေး ကယ်ဆယ်ရေးအဆင့်မှာ အလိူအပ်ဆူံးက လှေပါ
လှေလုံလောက်မှု ရှိမှ လူတွေကယ်ထုတ်နိုင်မှာပါ
လှေမလုံလောက်ရင် ခရီးမတွင်ပါဖူး
သွားကယ်ထူတ်ပေးရမယ့်သူတွေကလဲ လှေနဲ့ပဲ သယ်ရမာပါ
ရေစီးသန် ရေအရမ်းတက်နေတဲ့အချိန်မှာ လှေဟာ အကောင်းဆုံးပါပဲ

🔸 နိုင်လွန်ကျစ်ကြိူးအတုတ်ကြီးကြီးတွေနဲ့ Life Jacket တွေပါ
အခြေအနေအရမ်းမဆိုးသေးတဲ့ လမ်းမပေါ်တွေ မြို့ပေါ်တွေဆို အသုံးပြုရလွယ်ပါတယ်

🔸 အသက်ကယ်ဘောကွင်း

🔸 အစားအသောက် လှူဒါန်းတဲ့အခါ
ကယ်ဆယ်ရေးစခန်းတွေသွားရင် တကယ်လိုအပ်တာက ထမင်းထုတ်ပါ
တချို့စခန်းတွေက လျပ်စစ်မီးပျက်တောက်သွားရင်တောင် မီးသွေး ထင်းမီးနဲ့ ရေနွေးတည် ထမငိးချက်ပြုတ်လိူ့ရပါတယ်
အဓိက ဆန် ၊ ဆီ ၊ ဆား ၊ ခေါက်ဆွဲခြောက်ထူတ်၊ လက်ဖက်ထုတ် ၊ အကြော်စုံ ၊ ငါးနီတူကြော်
ပေါင်မုန့်ခြောက်ထုတ် ၊ ဘီစကစ်မုန့် ၊ ကွေကာအုပ် စသဖြင့် အခြောက်အခြမ်းစားဖွယ်ရာ အထားခံမယ့် အစားအသောက်တွေ ဖြစ်ရပါမယ်

🔸 ဖယောင်းတိုင်အတုတ်ကြီး ၆ ထုတ်ပါကင်တွေကို မီးခြစ်နဲ့ တခါထဲ ထည့်လှူပေးရင် ကောင်းပါတယ်

🔸 တစ်ထောင်တန်ဖုန်းငွေဖြည့်ကဒ်လေးတွေ
တချို့ မိသားစုနဲ့ အဆက်သွယ်ပြတ်တောက် ဖုန်းဘေလိ မရှိတဲ့သူတွေအတွက် အတော်ကို အဆင်ပြေပါတယ်
အယောက်စေ့တိုင်း banking Kpay တွေကနေ ဘေလ် လိုက်မထည့်ပေးနိုင်ဖူး
ကိုယ်သွားလှူတဲ့နေရာမှာ အင်တာနက်လိုင်းမရတာမျိုး ရှိတတ်လို့ပါ

🔸 လည်ရှည်ဖိနပ်
မြွေအန္တရာယ်နဲ့ ပုလင်းကွဲ အစူးစူးခြင်းမှ ကာကွယ်ပေးနိုင်ရန်

🔸 လက်အိပ်အထူ

🔸 လက်နှိပ်ဓာတ်မီး ၊ ဓာတ်ခဲ

🔸 အားသွင်းမီးလုံး

🔸 သောက်ရေသန့်ဘူးတွေ လိုပါတယ်
ဓာတ်ဆားထုတ် နဲ့ ဝမ်းရောဂါအတွက် ဆေးဝါး အလုံအလောက် လိုပါမယ်
ဗီတာဒင်းးဆေးရည်နဲ့ အရက်ပျံ ဂွမ်း ပတ်တီး ပိုးသတ်ဆေး စတာတွေ လိုပါမယ်
ထိခိုက်ဒဏ်ရာ ရှိရင် လုပ်ပေးနိုင်ရန်
ရေထဲအအေးခံရတာမို့ အကိုက်ခဲပျောက်ဆေး ၊ နှာစေးချောင်းဆိုးပျောက်ဆေး များ

🔸 ကျွဲနွား တိရစ္ဆာန်လေးတွေအတွက် မြက်ခြောက် ပြောင်းရိုးခြောက် တွေလဲ လိုပါတယ်
ရေပြန်ကျသွားပေမယ့် သူတို့လေးတွေ အစာမစားရတာကိုလဲ ထည့်စဉ်းစားပေးရပါမယ်

🔸 အဝတ်အစားလှူတဲ့အခါ လဲ
တကယ်လိုအပ်မယ့်အဝတ်စားတွေပဲလှူပေးပါ
အကျီင်္ ဘောင်းဘီ။ လုံချည် ပုဆိုး အနွေးထည်လက်ရှည် စောင် / အခင်း အဟောင်းလေးတွေ
ဆို လုံလောက်ပါတယ်
တချို့က သူတို့မဝတ်တော့တဲ့ ခေတ်ပေါ်အဝတ်အစား အတိုအပြတ်တွေက ရေဘေး ကယ်ဆယ်ရေးစခန်းတွေမှာ အသုံးလဲ မဝင်သလို ပရဟိတသယ်ပေးရတဲ့သူတွေအတွက်လဲ ဝန်ပိစေပါတယ်
အတွင်းခံ အဝတ်အစားတွေဆို ဆိုဒ်အစုံ အစည်းလိုက် စျေးကြီးတွေမှာရောင်းပါတယ်
အဲ့ကနေ ဝယ်လို့ရပါတယ်
ဒီနေရာမှာ အသုံးမလိုတော့တဲ့ သဘတ်တွေ တာဝါအဟောင်းတွေ ထည့်လှူလဲရပါတယ်
ဟိုမှာ အသုံးတည့်ပါတယ်

🔸စောင် ( အသစ်မလှူနိုင် ရင် အဟောင်းလေးတွေ ယာယီသုံးဖို့ ထည့်ပေးလို့ရပါတယ်

🔸 အမျိုးသမီးလစဉ်သုံး ၊ ကျွတ်ကျွတ်အိတ်အမဲ ၊ ခေါင်းစည်းကြိုး

🔸 အခင်း ၊ တာလဘတ် ၊ မိုးကာရွက်
ခင်းထိုင်ရန် ဖျာ၊ ဗိနိုင်းအဟောင်းတွေ စသဖြင့် လိုပါတယ်

🔸 ကလေးငယ်တွေအတွက် ကလေးပစ္စည်းအစုံအလင် လှူပေးတဲ့သူရှိရင် ပရဟိတတွေ ယူသွားပေးလို့ရပါတယ်
ကလေးပစည်းတွေက အသုံးဝင်လို့ပါ

🔸 သွားတိုက်တံ သွားတိုက်ဆေးနဲ့ လက်ဆေးဆပ်ပြာ ခေါင်းလျှော်ရှည် အဓိက လိုပါတယ်
တချို့က ရေထဲမှာအကြာကြီး နေခဲ့ရတာ
သန့်ရှင်းရေးလုပိဖို့ လိုပါတယ်
အဝတ်တထည် ကိူယ်တစ်ခုနဲ့ ကိုယ်လွတ်ရုန်းခဲ့ရတဲ့သူတွေဆို ဘာမှ ပါလာမှာမဟုတ်ပါဖူး
လူအများကြားထဲ နံနံစော်စော်နဲ့ နေချင်မှာလဲမဟုတ်ပါဖူး
မဖြစ်သာ မတတ်သာလို့သာ ရေဘေးစခန်းကို ရောက်လာခဲ့ရတာပါ

🔸 ခြင်ဆေးခွေ

🔸 သောက်ရေခွက် ပန်းကန် ဒါတွေက option တွေပါ
အရမ်းတော့ မလိုပါဖူး
တချို့ ကယ်ဆယ်ရေးစခန်းတွေက ဘုန်းကြီးကျောင်း ဂေဟာတွေများပါတယ် အဲ့မှာက ရှိနိုင်ပါတယ်

🔸 ဒေသခံလူကြီးပိုင်း/ အုပ်ချုပ်ရေးတာဝန်ရှိသူတွေကို location & update information အတိအကျ မေးပါ
လာကယ်ဆယ်နေပေမယ့် ရေလွှမ်းမိုးခံရတဲ့ရေပြင်ကျယ်မှာ နေရာအခက်ခဲ လွဲမှားးတတ်လို့ပါ

🔸 ကယ်ဆယ်ရေးအဖွဲ့အနေနဲ့ ပါဝါဘန့်တွေလိုပါမယ် ဖုန်းအားကုန်ရင် သွင်းဖို့ပါ
လျပ်စစ်မီး မရနိုင်တာမို့ ကြိုပြင်ဆင်သွားပါ
အသင့်စား အစားအသောက်တွေပဲ ယူသွားပါ
ဟိုမှာ ဝယ်စားဖို့ ဆိုင်မရှိနိုင်ပါ
ဆိုင်တွေလဲမဖွင့်နိုင်ပါ

🔸 ရန်ကုန်မှာဆို အများစျေးနဲ့ လက်ကားဝယ်ချင်ရင်
ဘုရင့်နောင် ပွဲရုံ ကုန်စည်ဒိုင် တွေမှာရှိပါတယ်
ရပ်ကွက်စျေးတွေထက် ပိုသက်သာပါတယ်

တခြား လိုအပ်တာလေးတွေ ပေါ်လာရင် ထပ်ဖြည့်ပေးပါမယ်နော်

ကယ်ဆယ်ပေးနေတဲ့ လူမှူပရဟိတအဖွဲ့အစည်းအားလုံးကို လေးစားဦးညွတ်ပါတယ်
စာစီတာအမှားတစ်စုံတစ်ရာပါသွားရင်လဲ အနူးအညွတ်ကိုတောင်းပန်ပါတယ််နော်

မြန်မာပြည်ကြီး အေးချမ်းပါစေ ဘေးကင်းလုံခြုံပါစေ 🙏🙏🙏🥺

Source Poe Poe Lay

-----------------------------------

#ရေဘေးလိုအပ်ချက်

✔️ ထမင်း
✔️ ငါးသေတ္တာ/ဟင်းဗူး
✔️ ရေသန့်
✔️ ပေါင်မုန့်
✔️ ကိတ်ခြောက်
✔️ မုန့်ကြွပ်
✔️ အချိုရည်
✔️ ဖိနပ်
✔️ အဝတ်အစား
✔️ စောင်ပါး
✔️ ခြင်ထောင်
✔️ ခြင်မကိုက်ဆေး(လိမ်း/ဖြန်း)
✔️ အဖျားကျဆေး
✔️ ဝမ်းရောဂါဆေး
✔️ ရေသန့်ဆေးပြား
✔️ နာတာရှည်သမားသောက်ဆေး
✔️ အမျိုးသမီးလစဉ်သုံး
✔️ Power Bank
✔️ မီးသီး/ဓာတ်မီး နဲ့ ဓာတ်ခဲ

04/09/2024

ဘန်ကောက် က "Sathorn- Ratchaphruek" ကားလိုင်းကို EV ကားတွေနဲ့ အစားထိုးပြီး တစ်လတာ အခမဲ့ စီးခွင့်ပြုမယ်လို့ သိရပါတယ်

ဘန်ကောက်မှာဆိုရင် လိုင်းကားအတွက် သီးသန့် ကားလမ်းဖောက်လုပ်ပေးထားတာဟာ BRT ဆိုတဲ့ လိုင်းတစ်ခုပဲ ရှိပါတယ် ၊ ဒီကားလိုင်းဟာ Sathorn ကနေ Ratchaphruek အထိ သူ့အတွက် သီးသန့်ဖောက်ထားတဲ့ လမ်းကြောင်းကနေ ပြေးဆွဲပါတယ် ။ သီးသန့်ဖောက်လုပ်ထားတဲ့ လမ်းကြောင်းကနေ ပြေးဆွဲတာမို့ ယာဉ်ကြောပိတ်ဆို့မှာမျိုး စိုးရိမ်စရာ မရှိပါဘူး ။

BRT က ပြေးဆွဲတဲ့ ကားတွေကို ယခင်က သဘာဝဓါတ်ငွေ့ အသုံးပြုပြီး ပြေးဆွဲခဲ့ရာကနေ ယခု စက်တင်ဘာလ ၁ ရက်နေ့က စတင်ပြီး EV ကားတွေနဲ့ ပြေးဆွဲသွားမယ်လို့ သိရပါတယ် ။ စက်တင်ဘာလ ၁ ရက်နေ့ကနေ အောက်တိုဘာလ ၃၁ ရက်နေ့အထိ မနက် ၆ နာရီကနေ ည ၁၀ နာရီအတွင်း ယာဉ်စီးခ အခမဲ့နဲ့ ပြေးဆွဲပေးသွားမှာပါ ၊ အခမဲ့ကာလပြီးဆုံးရင်တော့ ယာဉ်စီးခ ပြန်လည်ကောက်ခံမှာ ဖြစ်ပြီးတော့ ယာဉ်စီးခကို Rabbit Card သို့မဟုတ် QR Code scan ဖတ်ပြီး ပေးချေနိုင်မယ်လို့ သိရပါတယ်ဗျ

Photo Credit

08/08/2024

အင်အားပြင်း မြေငလျင် ၂ ခု ဂျပန်တွင် ဆက်တိုက်လှုပ်ရှားသွား

ရစ်ခတာစကေး ပြင်းအား ၆.၉ ရှိမြေငလျင်တစ်ခု လှုပ်ရှားပြီးနောက် ပြင်းအား ၇.၁ ရှိမြေငလျင်တစ်ခု ထပ်မံလှုပ်ရှားမှု ဂျပန်နိုင်ငံတောင်ပိုင်းတွင် ယနေ့ဖြစ်ပွားသွားသည်။

ယင်းငလျင်များကြောင့် ကျူးရှုးကျွန်းနှင့် ရှီကိုကုကျူးများ၏ ကမ်းရိုးတမ်းဒေသအချို့တွင် တစ်မီတာအမြင့်ရှိ ဆုနမိလှိုင်းများ ရိုက်ခတ်လာနိုင်မည်ဟု ဂျပန်မိုးလေဝသဌာနများက ခန့်မှန်းထားသည်။

“ဆူနာမီက ထပ်ခါထပ်ခါ ရိုက်လိမ့်မယ်။ သတိပေးချက် မရုပ်သိမ်းမချင်း ပင်လယ်ထဲသို့ မ၀င်ပါနှင့် ကမ်းခြေသို့ မချဉ်းကပ်ပါနှင့်” ဟု ဂျပန်မိုးလေဝသအေဂျင်စီက X တွင် ပြောကြားခဲ့သည်။

သြဂုတ်လ ၈ ရက်နေ့ ဒေသစံတော်ချိန် ညနေ ၄း၄၃ နာရီတွင် လှုပ်ခတ်ခဲ့သော ငလျင်၏ ပြင်းထန်မှုမှာ တံခါးများဖွင့်ကာ ပြတင်းပေါက်များ ကွဲထွက်နိုင်လောက်အောင် ပြင်းထန်ကြောင်း ဂျပန်မိုးလေဝသအေဂျင်စီက ပြောကြားခဲ့သည်။

20/07/2024

သင်တန်းကျောင်း (ရန်ကင်း).. 🏘..

2024.. ဇူလိုင်လနှင့် သြဂုတ်လ သင်တန်း အစီအစဥ်များ.. 👷👷‍♀️..

23-7-2024 to 22-8-2024
✅ လျှပ်စစ်သင်တန်း
🌠 မော်တော်ယာဥ်စက်ပြင်သင်တန်း (or) စားသောက်ဆိုင်ဝန်ဆောင်မှုသင်တန်း

22-8-2024 to 21-9-2024
✅ ဂဟေဆက်သင်တန်း
🌠 ကြွေပြားကပ်သင်တန်း
✅ အဲကွန်း တပ်ဆင်ပြုပြင်ခြင်းသင်တန်း

💰💎💰 သင်တန်းကြေး... အခမဲ့
💁 စုံစမ်းရန်... (for inquiry)
📲 09452305145

19/07/2024

စင်္ကာပူက နိုင်ငံကူးလက်မှတ်
သက်တမ်းတိုးခွင့်ရရှိသူများအတွက်

03/07/2024

AI ကို စိတ်ဝင်စားတဲ့ မြန်မာလူငယ်တိုင်းအတွက် အခွင့်အလမ်းအသစ်တွေယူဆောင်လာတဲ့ Samsung Innovation Campus 2024 – AI Hackathon

စာသင်ချိန် နာရီ ၄၀ ကြာ AI Comprehensive Training ကို အခမဲ့ တက်ရောက်ခွင့်ရမယ့်အပြင် AI Hackathon ပြိုင်ပွဲမှာပါဝင်ရင်း Prize Pool ကျပ်သိန်း (၆၀) အထိ ပိုင်ဆိုင်နိုင်ခွင့်ရနိုင်မယ့် လူငယ်တိုင်း လက်မလွှတ်သင့်တဲ့အစီအစဉ်

လူငယ်တွေအတွက် အခွင့်အလမ်း အသစ်တွေကို အမြဲယူဆောင်လာပေးနေတဲ့ Samsung Myanmar ကနေ AI ကို စိတ်ဝင်စားပြီး ကိုယ့်ရဲ့ စိတ်ကူးအိပ်မက် နဲ့ Idea တွေကို လက်တွေ့အကောင်အထည်ဖော်ချင်တဲ့ မြန်မာလူငယ်တွေအတွက် Samsung Innovation Campus 2024 – AI Hackathon အစီအစဉ်အသစ်ကို ထပ်မံမိတ်ဆက်လိုက်ပြီဖြစ်ပါတယ်။

တီထွင်ဆန်းသစ်မှုတွေကို အမြဲဖန်တီးပြုလုပ်နေသလို AI နည်းပညာမှာလည်း ကမ္ဘာ့ထိပ်တန်းကနေ ဦးဆောင်နေတဲ့ နည်းပညာကုမ္ပဏီတွေထဲက တစ်ခုဖြစ်တဲ့ Samsung ဟာ စမတ်ဖုန်းတွင်သာမက တခြား အိမ်သုံးလျှပ်စစ်ပစ္စည်းများဖြစ်သော တီဗီ၊ ရေခဲသေတ္တာ၊ အဝတ်လျှော်စက်များမှာပါ AI နည်းပညာများထည့်သွင်းခဲ့ပြီး စျေးကွက်တွင်လည်း ဦးဆောင်သူအဖြစ် ရပ်တည်လျက်ရှိပါတယ်။ ယခု အစီအစဉ်ကနေ အရည်အချင်းရှိ AI နည်းပညာရှင်တွေ ထပ်မံပေါ်ပေါက်လာအောင် ပံ့ပိုးပေးနိုင်ဖို့ ရည်ရွယ်ပြီး ပြုလုပ်ပေးနေတာလည်း ဖြစ်ပါတယ်။

ဇွန်လ (၂၇) ရက် ကနေ ဇူလိုင်လ (၁၀) ရက် အတွင်း စာရင်းသွင်းလျှောက်ထားနိုင်မယ့် အဆိုပါအစီအစဉ်ကို Samsung Myanmar နဲ့အတူ Myanmar Cyber Youths နဲ့ Tee Htwin - CSR တို့ က Lead Organization and Partner အဖြစ် ပါဝင်အားဖြည့်ပေးထားတာဖြစ်ပြီး ပါဝင်ဖို့ အရွေးချယ်ခံရသူများအနေနဲ့

- IT & Programming ကျွမ်းကျင်ပညာရှင်များကိုယ်တိုင် သင်ကြားပေးပြီး၊ Coding အတွေ့အကြုံပြင် ကိုယ်တိုင် Intelligence App များကို ဖန်တီးနိုင်မယ့်အတွေ့အကြုံတွေကို ရရှိနိုင်စေမယ့် စာသင်ချိန် နာရီ ၄၀ ကြာ AI Comprehensive Training ကို အခမဲ့တက်ရောက်ခွင့်
- သင်တန်းကာလပြီးဆုံးပါက မိမိ Ideas များကို လက်တွေ့အကောင်အထည်ဖော်နိုင်မယ့် AI Hackathon ပြိုင်ပွဲမှာ ပထမဆု ကျပ်သိန်း (၃၀) ၊ ဒုတိယဆု ကျပ်သိန်း (၂၀) နဲ့ တတိယဆု ကျပ်သိန်း (၁၀) စသဖြင့် စုစုပေါင်း Prize Pool ကျပ်သိန်း (၆၀) ကို ပိုင်ဆိုင်နိုင်ခွင့်
- Coding အတွေ့အကြုံအပြင် ကိုယ်တိုင် Intelligence Apps တွေကို Online, Offline သင်တန်းများမှတဆင့် Hands-on Experience ရယူနိုင်ခွင့်
- အတွေ့အကြုံရှိ Mentor များ၊ Judges များရဲ့ အနီးကပ် Mentorship ကို ရရှိနိုင်ခွင့်
- မိမိစွမ်းဆောင်ရည်တွေကို ပြသပြီး Career Opportunities များကို ဖန်တီးနိုင်ခွင့်
- သင်တန်းပြီးဆုံးကြောင်း Certificate နဲ့ ဆုများ ပိုင်ဆိုင်နိုင်ခွင့် စတဲ့ အခွင့်အရေးကောင်းများစွာကို ရရှိနိုင်မှာဖြစ်ပါတယ်။

အစီအစဉ်မှာ ပါဝင်ဖို့ ရွေးချယ်ခံရသူများ အနေနဲ့ Samsung Innovation Campus ကို တစ်လ (နာရီ ၄၀) ကြာ တစ်ဦးချင်းစီ တက်ရောက်ရမှာဖြစ်ပြီးး ပရိုဂရမ်ရေးသားခြင်းနဲ့ AI နဲ့သက်ဆိုင်တဲ့သင်ခန်းစာတွေကို Online/ Offline သင်ကြားရမှာဖြစ်ကာ AI Hackathon ပြိုင်ပွဲမှာ ပါဝင်နိုင်ဖို့နဲ့ သင်တန်းပြီးဆုံးကြောင်း လက်မှတ်ရရှိဖို့အတွက် သင်တန်းတက်ရောက်ချိန် ၇၅% ပြည့်မီဖို့လိုအပ်ပါတယ်။

Samsung Innovation Campus 2024 – AI Hackathon အစီအစဉ်ကို အသက် ၁၆ နှစ်မှ ၂၅ နှစ်ကြား မြန်မာနိုင်ငံမှာ လက်ရှိနေထိုင်နေသူ လူငယ်တွေ ပါဝင်နိုင်မှာဖြစ်ပြီး ၂၀၂၄ ခုနှစ်၊ ဇွန်လ ၂၇ ရက်နေ့မှ ဇူလိုင်လ (၁၀) ရက်နေ့ အတွင်း အောက်ပါအချက်အလက်တွေအတိုင်း စာရင်းပေးသွင်းနိုင်မှာဖြစ်ပါတယ်။

Samsung Myanmar ကနေ တရားဝင်ထုတ်ပြန်ထားတဲ့ အချက်အလက်တွေ မှန်ကန်ပြည့်စုံအောင် ဖြည့်ပြီးစာရင်းပေးသွင်းရမှာဖြစ်ပါတယ်။ (စာရင်းသွင်းရန် လင့်ကို Comment မှာ ချပေးထားပါ့မယ်)

ပါဝင်သူများအနေနဲ့ Python သို့မဟုတ် အခြားသော Programming ဘာသာရပ်များကို အခြေခံသိထားရန် လိုအပ်ပြီး Artificial Intelligence (AI) နှင့် Machine Learning တို့ကို သင်ယူလိုစိတ်ရှိရန် လိုအပ်ပါတယ်။

AI Hackathon ပြိုင်ပွဲမှာ လူကိုယ်တိုင် ယှဉ်ပြိုင်ရန် လိုအပ်တာကြောင့် လျှောက်ထားသူဟာ လက်ရှိမြန်မာနိုင်ငံမှာ နေထိုင်နေသူ ဖြစ်ရပါမယ်။
အသေးစိတ် စည်းကမ်းသတ်မှတ်ချက်တွေကိုတော့ Comment မှာ ချပေးထားတဲ့ လင့်ကနေ ကြည့်ရှုနိုင်မှာပဲဖြစ်ပါတယ်။

(Samsung Myanmar ရဲ့ သတင်းထုတ်ပြန်ချက်ကို ပြန်လည်မျှဝေပေးခြင်း ဖြစ်ပါတယ်။)

01/07/2024

‼️သတင်းမှားတွေမရှဲကြပါနဲ့ ပူတာအိုမှာ ဘာရေခဲတောင်မှပြိုစရာမရှိပါဘူးခင်ဗျာ‼️
ကျွန်တော်အရင်က Video မှာလည်းပြောဖူးပါတယ်။ မြန်မာနိုင်ငံကရေခဲတောင်အများစုက ကျောက်တောင်တွေပါ၊ ခုလိုချိန်ဆို အကုန်အရည်ပျော်လို့ ဘားအံကဇွဲကပင်တောင်လိုကျောက်သားတွေပဲကျန်တာပါ။ ဘာရေခဲမှလည်းမရှိပါဘူး။ နိုဝင်ဘာ ၊ ဒီဇင်ဘာလိုလတွေမှသာ ရေခဲမှုန်တွေကျလာပြီး နှင်းဖုံးတောင်တန်းတွေဖြစ်သွားတာပါ။ (ခါကာဘိုရာဇီကတော့ တစ်နှစ်လုံးခဲပါတယ်)

ပူတာအိုကအသိမိတ်ဆွေတွေ ၊ အသိရေခဲတောင်ဂိုက်တွေတောင် ဘာမှမပြောကြဘူး။ ရေကြီးရေလျှံတယ်ဆိုတာ မိုးများလို့ဖြစ်တာရယ် ၊ ရေကိုထိန်းဖို့ သစ်ပင်တွေနည်းလာပြီး သဘာဝပတ်ဝန်းကျင်ပျက်စီးမှုအကျိုးဆက်ကြောင့်ဖြစ်တာပါ။ ခုရေခဲတောင်ပြိုတယ်ဆိုတာ လူတွေကို တကူးတကလန့်အောင်လုပ်ပြီး attention ရှာနေကြတာပါ။ သူတို့ကိုအဖက်မလုပ်ခြင်းနဲ့ အရေးကြီးသတင်းတွေမဖုံးအောင် ကူညီပေးကြပါ။ ဖြစ်နိုင်ရင် False information နဲ့ Report တင်ပေးကြပါ။

18/06/2024

ဇွန်လ ၁၆ ရက်ဟာ အိမ်အကူလုပ်သားနေ့ ဖြစ်ပါတယ် ။

အပြည်ပြည်ဆိုင်ရာ အလုပ်သမားရေးရာအဖွဲ့ (ILO) က ကွန်ဗင်းရှင်း ၁၈၉(189 for Decent Work for Domestic Workers) ကို ၂၀၁၁ ခုနှစ်မှာ ပြဋ္ဌာန်းပြီး ဇွန် ၁၆ ရက်ကို အပြည်ပြည်ဆိုင်ရာ အိမ်အကူ အလုပ်သမားများနေ့ အဖြစ် သတ်မှတ်ခဲ့တာ ဖြစ်ပါတယ်။

အိမ်အကူအလုပ်သမားတွေအတွက် နိုင်ငံတကာဥပဒေ ကွန်းဗန်းရှင်း ၁၈၉ ကို ပြဋ္ဌာန်းဖို့ ကမ္ဘာတဝှမ်းက အိမ်အကူ အလုပ်သမားတွေ စုပေါင်းပြီး တိုက်ပွဲဝင်ခဲ့တာလို့ သိရပါတယ်။

၂၀၂၂ ခုနှစ်မှာ ကမ္ဘာတဝှမ်း အိမ်အကူလုပ်သား ၇၆ မီလီယံ အထိ ရှိနေပြီး အဲဒီထဲမှာ ၇၆ ရာခိုင်နှုန်းက အမျိုးသမီး တွေ ဖြစ်ကြတယ်လို့ ILO က ထုတ်ပြန်ထားပါတယ်။ ကမ္ဘာ့အိမ်အကူလုပ်သား အများစုဖြစ်တဲ့ ၆၂.၂ သန်း(၈၂ ရာခိုင်နှုန်း)က ဖွံ့ဖြိုးဆဲနဲ့ ထွန်းသစ်စနိုင်ငံတွေမှာ လုပ်ကိုင်နေပြီး ၁၃.၄ သန်းကတော့ ဖွံ့ဖြိုးပြီးနိုင်ငံတွေမှာ လုပ်ကိုင်နေကြတယ်လို့ ဆိုပါတယ်။

ဖွံဖြိုးဆဲနိုင်ငံ တခုဖြစ်တဲ့ မြန်မာနိုင်ငံက ပြည်တွင်း အိမ်အကူလုပ်သားတွေဟာ နီးစပ်ရာ ဆွေမျိုး၊ မွေးစားဖို့နဲ့ ကြားပွဲစားတွေရဲ့ ငွေကြေး ခေါင်းပုံဖြတ်ခံရပြီး အိမ်ကူလုပ်ငန်းကို လုပ်ကိုင်နေကြရတယ်လို့လည်း ၂၀၁၉ နှစ်က ထုတ်ပြန်တဲ့ အိမ်အကူလုပ်သားများဆိုင်ရာ မြန်မာနိုင်ငံ၏ဥပဒေများအား လေ့လာဆန်းစစ်ခြင်း အစီရင်ခံစာမှာ ဖော်ပြပါတယ်။

ဒါအပြင် မြန်မာနိုင်ငံက အိမ်အကူလုပ်သားအများစုက အသက် ၂၅ နှစ်အောက် အရွယ်တွေဖြစ်ကြပြီး၊ အသက် ၁၈ နှစ်အောက်အရွယ် တချို့အိမ်အကူလုပ်သားတွေကတော့ လိင်ပိုင်းဆိုင်ရာ စော်ကားခံရတာ၊ ခန္ဓာကိုယ် ထိခိုက် အောင် ပြုမှုခံရတာ၊ လုပ်အားခ အပြည့် မရတာ၊ မိသားစုဝင်တွေနဲ့ ပုံမှန်တွေ့ခွင့်မရတာ၊ အနားယူချိန် မရတာ၊ ပုဂ္ဂိုလ်ရေးဆိုင်ရာ လွတ်လပ်ခွင့်မရတာ၊ အနိုင်ကျင့်ခံရတာ၊ စိတ်ပိုင်းဆိုင်ရာ ထိခိုက်အောင် ဆဲဆိုခံရတွေ တွေ့ကြုံ နေရတယ်လို့လည်း အဲ့ဒီအစီရင်ခံစာက ဖော်ပြထားပါတယ်။

မြန်မာနိုင်ငံက ILO ကွန်ဗင်းရှင်း ၁၈၉ ကို လက်မှတ်ရေးထိုးတာ မရှိတာနဲ့ ပြဌာန်းထားတဲ့ အလုပ်သမားဥပဒေ တွေကလည်း အိမ်အကူလုပ်သားတွေအတွက် ခြုံငုံ ကွယ်ပေးထားတာမရှိတာကြောင့် အခက်အခဲတွေနဲ့ ရင်ဆိုင်နေရဆဲ ဖြစ်တယ်လို့လည်း အိမ်အကူလုပ်သားတွေကို ကူညီပေးနေသူတွေက ပြောဆိုထားပါတယ်။

ဒီအတွက် လက်ရှိ မြန်မာနိုင်ငံမှာ အိမ်ကူလုပ်သားတွေရဲ့ အခြေအနေဲ့ လိုအပ်ချက်တွေ ၊ နှစ်ဖက်ထားရှိဖို့ လိုအပ်တဲ့ သဘောထားတွေကို အိမ်တွင်းအလုပ်သမားတွေကို ကျွမ်းကျင်မှု သင်တန်းတွေပို့ချပေးနေတဲ့ သင်တန်းကျောင်းကို Myanmar Labour News က ဆက်သွယ် မေးမြန်းထားပါတယ်။
https://www.myanmarlabournews.com/posts/အိမ်တွင်းအလုပ်သမားတွေကို-အလုပ်သမားတယောက်လို-ဥပဒေအရ-အသိအမှတ်ပြုခံရခြင်း-မရှိသေးပါဘူး။

To uphold the rule of law needed to improve the social-economic life of the working class in Myanmar.