What is Yaathrikan...???
യാത്രികൻ യാത്രികൻ എന്നതൊരു കൂട്ടായ്മയാണ്... സൗഹൃദങ്ങളുടെ, സാഹോദര്യത്തിന്റെ, മതസൗഹാർദ്ദത്തിന്റെ, നന്മയുടെ ഒരു കുഞ്ഞു വലിയ കൂട്ടായ്മ... യാത്രകളെ ഇഷ്ടപ്പെടുന്ന ഒരു കൂട്ടം നല്ല മനുഷ്യരുടെ കുടുംബം... ഇങ്ങനെയല്ലാതെ യാത്രികനെ പറഞ്ഞറിയിക്കാൻ പ്രയാസമായിരിക്കും... അനുഭവിച്ചറിഞ്ഞവർക്കറിയാം ഇതിനേക്കാളൊക്കെ എത്രയോ വലിയതാണ് യാത്രികൻ നമുക്ക് തരുന്ന മാനസിക സന്തോഷമെന്നത്... വെറും രണ്ടുപേരിൽ തുടങ്ങി ഇന്ന് ആയിരങ്ങളുള്ള ഒരു കൂട്ടയ്മയായതിന് പിന്നിൽ ഒരുപാടുപേരുടെ ആത്മാർത്ഥമായ പരിശ്രമമുണ്ട്... വെറുമൊരു യാത്രാ ഗ്രൂപ്പെന്നതിലുപരി സമൂഹനന്മയ്ക്കായ് പലതും ചെയ്യാനുണ്ട് എന്ന തിരിച്ചറിവിൽ നിന്നാണ് പല ചാരിറ്റി ഇവന്റുകളും യാത്രികനിലുണ്ടായത്... പറഞ്ഞറിയിക്കാൻ പറ്റാത്ത ആത്മനിർവൃതിയാണ് അത്തരം ഇവന്റുകളിൽ നിന്ന് നമുക്കേവർക്കും ലഭിച്ചത്... മാനസിക വൈകല്യമുള്ള അഛനമ്മമാർക്കൊപ്പം നമ്മൾ കൈപിടിച്ച് നടന്ന ആ സായം സന്ധ്യയും, അനാഥവരെന്ന് മുദ്ര കുത്തിയ ബാല്യങ്ങൾക്കൊപ്പം ചിലവഴിച്ച നിമിഷങ്ങളും, പുസ്തകങ്ങളും ബാഗുമൊക്കെ കിട്ടിയപ്പോൾ അതുവരെ ഇല്ലാത്തൊരു ഗമയിൽ അതൊക്കെ തോളിലിട്ട് നടന്ന് ചെറുപുഞ്ചിരിയോടെ നമ്മെ നോക്കിയ നിഷ്കളങ്കമായ കുഞ്ഞുങ്ങളെയുമെല്ലാം നമ്മൾ കണ്ടതും അടുത്തറിഞ്ഞതും യാത്രികനിലൂടെയായിരുന്നു... മരണം വിതക്കുന്ന റോഡുകളിൽ നൂറിലും നൂറ്റിരുപതിലുമെല്ലാം ബൈക്ക് പായിക്കുമ്പോൾ നാം ഓർക്കേണ്ടത് നമ്മുടെ അഛനമ്മമാരുടെ കണ്ണീരിനെയാണ്... ആ ഓർമ്മപ്പെടുത്തലാണ് A RIDE FOR ROAD SAFETY എന്ന പേരിൽ യാത്രികൻ നടത്തുന്ന ബോധവത്കരണ റൈഡുകൾ... പലപ്പോഴും പോലീസുകാരിൽ നിന്നും നല്ല രീതിയിലുള്ള പ്രതികരണങ്ങൾ ലഭിക്കനിടയാക്കിയതും ഇത്തരത്തിൽ സുരക്ഷയെ മുൻനിർത്തി നടത്തുന്ന റൈഡുകൾ തന്നെയാണ്... യാത്രികൻ എന്ന ഈ കൂട്ടായ്മ മൂന്നാം വയസിലേക്ക് കടക്കുന്നത് 125 ഓളം ഇവന്റുകൾ പിന്നിട്ടാണ്... കേരളത്തിനും ഇന്ത്യക്കും പുറത്ത് വരെ ഒട്ടനവധി നല്ല നല്ല ഇവന്റുകൾ നൽകാനും പ്രവാസജീവിതത്തിന്റെ തിരക്കിൽ ഒത്തൊരുമിക്കാനും സൗഹൃദം പങ്കുവെക്കാനും അവസരമൊരുക്കാൻ യാത്രികനു സാധിച്ചു എന്നതും ഒരു നേട്ടമായി കാണുന്നു... ഏതൊരു കൂട്ടായ്മയുടെയും വിജയം അതിലുള്ള മെമ്പേർസിന്റെ പിൻബലത്തോടെയാണ്... യാത്രികന്റെ വിജയവും ഞങ്ങൾ നിങ്ങൾക്ക് സമർപ്പിക്കുകയാണ്... കൂടെ നിന്ന, ഇപ്പോഴും കൂടെ നിൽക്കുന്ന നിങ്ങൾ ഓരോരുത്തരോടും ഹൃദയത്തിൽ നിന്നുമുള്ള സ്നേഹം ഞങ്ങൾ നൽകുന്നു... ടീം യാത്രികൻ
