Journify Tours and travels

11/09/2024

08/09/2024

.

22/08/2024

خوشخبری وادی نیلم آذاد کشمیر لوات بالا پتلیاں جھیل پر انٹرنیٹ کا باقاعدہ آغاز ہو چکا ہے اگر آپ بھی کشمیر کا ٹور کرنا چاہتے ہیں یا ٹور کے حوالے سے کسی بھی قسم کی معلومات چاہیے تو انبکس میں رابطہ کریں۔

20/08/2024

اس جھیل کا راستہ لوات نالہ سے جاتا ہے ۔ دواریاں سے 3 گھنٹے کی جیپ ڈرائیو اور آدھ گھنٹے پیدل ٹریک کے بعد آپ یہاں تک پہنچ سکتے ہیں ۔ اس کے قرب و جوار میں بھی تین، چار چھوٹی بڑی جھیلیں اور ان گنت واٹر فال ہیں جن میں جھاگ چھمبر اور کنالی واٹر فال مشہور ہیں ۔
مین پتلیاں جھیل سے ڈیڑھ گھنٹے کی مسافت پر ایک جھیل پتلیاں ٹو کے نام سے بھی منسوب ہے

20/08/2024

کشمیر میں کون کون سی آبشاریں واقع ہیں؟؟

19/08/2024

کی تمام جھیلوں کی مکمل تفصیل۔۔۔
1)رتی گلی جھیل
2)رتی گلی سمال
3)ہنس راج جھیل
4)کالا سر
5)گھٹیاں جھیل
6)سرال جھیل
7)مون جھیل
😎 رام چکور جھیل
9)مُلاں والی جھیل
10) بٹ کنالی جھیل
11)شاؤنٹرجھیل
12)چٹہ کٹھہ جھیل
13)چٹہ کٹھہ 2
14) بنجوسہ جھیل
15) باغسر جھیل
16) سُبڑی / لنگر پورہ جھیل
17) زلزال جھیل
18) پَتلیاں جھیل
19) مائی ناردہ جھیل
20) نوری جھیل
21) کھرگام جھیل
22 )ڈک جھیل
22)نیلفیری لیک

1) رتی گلی جھیل ❤
سب سے پہلے رتی گلی نام کی کنفیوژن دور کرلیں ۔ 2010 تک رتی گلی کا مقامی نام ڈاریاں سریاں سر تھا۔ سر مقامی طور پر جھیل یا پانی کے قدرتی ذخیرے کو کہا جاتا ہے۔
2010 میں سرکاری طور پر اور ایک مقامی صوفی بزرگ میاں برکت اللہ سرکار جن کا آستانہ برکاتیہ کے نام سے موجود ہے ان کی دینی خدمات کے اعتراف اور احترام کی وجہ سے جھیل اور اس تک آتی سڑک انکے نام سے منسلک کرنے کو اس جھیل کا نام رتی گلی برکاتیہ جھیل رکھا گیا ۔ جسکا باقاعدہ حکومتی نوٹیفیکیشن بھی موجود ہے ۔
رتی گلی جھیل وادی نیلم میں واقع الپائن گلیشئل لیک ہے یعنی اسکے پانیوں کا ماخذ و منبع اس علاقے میں موجود گلیشئیرز ہیں۔
یہ جھیل مظفرآباد کی جنوبی سمت قریباً 75 کلو میٹر کی مسافت پر وادی نیلم روڈ پر دواریاں کے مقام سے قابلِ رسائی ہے ۔ جو کہ دواریاں سے 16 کلو میٹر جیپ ٹریک کے بعد بیس کیمپ تک پہنچاتی ہے ۔
بیس کیمپ سے جھیل تک ایک گھنٹے کے آسان پیدل ٹریک کے بعد پہنچا جا سکتا ہے ۔
یہ جھیل سطح سمندر سے 12130 فٹ یا 3700 میٹر کی بلندی پر واقع ہے ۔
یہ علاقے کا مشہور سیاحتی مقام ہے جہاں تمام سہولیات موجود ہیں۔ بیس کیمپ پر ایک بڑی کیمپنگ سائٹ موجود ہے جہاں مناسب داموں خیمہ اور خوراک، بجلی اور وائی فائی دستیاب ہے نیز گھڑ سواری کے شوقین افراد کیلئے جھیل تک جانے کیلئے گھڑ سواری کی سہولت موجود ہے ۔ یاد رہے کہ یہ جھیل علاقے کی سب سے بڑی جھیل ہے ۔ جسکے اطراف میں چھبیس دیگر چھوٹی بڑی جھیلیں موجود ہیں ۔ نیز اس جھیل کے پانی سے چار واٹر فال بنتی ہیں ۔
2)رتی گلی سمال ❤
رتی گلی بیس کیمپ سے 10 ،15 منٹ کی پیدل مسافت پر یہ جھیل سریاں سر کہلاتی ہے ۔ اس جگہ پانی کے بہت سے حوض/ ذخیرے ہیں جنہیں مقامی زبان میں سر کہتے ہیں۔ اسی نسبت سے یہ جگہ سریاں سر کہلاتی ہے۔ اس جگہ ایک واٹر فال اور مقامی ڈھوک اور ڈھارے موجود ہیں جہاں مقامی لوگ موسم گرما کے دوران رہائش رکھتے ہیں۔
3) ہنس راج جھیل ❤
یہ جھیل بھی وادی نیلم آزاد کشمیر میں واقع ہے ۔ اصل میں اس جھیل کا مقامی نام رتہ سر تھا اور وجہ شہرت اسکے اطراف موجود لال رنگ کے پہاڑ ہیں ۔ نیز اس علاقے میں لال بُتی پیک بھی موجود ہے جسے برطانیہ راج کے دوران جغرافیے کے سروے میں استعمال کیا جاتا رہا ہے ۔ اس علاقے میں تین لا بُتی پیکس ہیں ایک رتی گلی، دوسری سرگن اور تیسری کیل کے مقام پر ہے ۔
ہنس راج نام کی وجہ شہرت پاکستان کے سب سے بڑے سفر نامہ نگار اور سیاح سر مستنصر حسین تارڑ جب اس جھیل پر آے تو اس میں تیرتے گلیشیئر کے ٹکڑوں کو تیرتے ہنس راج سے مشابہہ قرار دیا اور اسے ہنس راج لکھا اور یہ جھیل ہنس راج جھیل مشہور ہوئی ۔۔ تب سے یہ جھیل ہنس راج جھیل ہی کہلاتی ہے۔
رتی گلی جھیل بیس کیمپ سے لگ بھگ ڈیڑھ، دو گھنٹے کی مسافت پر واقع یہ جھیل رتی گلی اور نوری ٹاپ کے درمیان قریباً 3900 میٹر بلند رتی گلی پاس پر واقع ہے ۔ جسکے دوسری جانب براستہ سرال لیک وادی کاغان کی مشہور دودی پت سر کا ٹریک بھی کیا جاسکتا ہے۔
موسم سرما میں یہ جھیل بھی وادی نیلم کی دیگر جھیلوں کی مانند برف سے ڈھک جاتی ہے ۔ ۔
4)کالا سر جھیل ❤
وادی نیلم میں تین جھیلیں کالا سر 1، کالا سر 2 اور کالا سر 3 کے نام سے مشہور ہیں ۔
ہنس راج جھیل سے کالاسر1 ایک گھنٹے کی پیدل مسافت پر ہے کالا سر 2 کیلئے مزید ایک گھنٹے کا ٹریک جبکہ کالاسر 3 کیلئے مزید کچھ اونچائی کی جانب ٹریک کرنا ہو گا۔
کالا سر 3 سے ہی آپ کو گھٹیاں لیک کا ویو بھی مل سکتا ہے بشرطیکہ آپ کسی مقامی گائیڈ کی رہنمائی لیں ۔ رات کیلئے آپ کو واپس رتی گلی بیس کیمپ آنا پڑے گا یا پرائیویٹ کیمپنگ لیکن اسکے لئے بھی مقامی گائیڈ آپ کو بہتر طور پر گائیڈ کر سکتے ہیں ۔
5) گھٹیاں جھیل ❤
رتی گلی بیس کیمپ سے لگ بھگ چار گھنٹے کی مسافت پر واقع ہے ۔ یہ ٹریک رتی گلی سے ہنس راج / کالا سر لیک سے ہوتا ہوا گھٹیاں جھیل تک پہنچتا ہے ۔ یعنی کے مناسب پلاننگ اور حکمت عملی سے ایک ہی ٹور میں یہ تینوں جھیلیں با آسانی نمٹائی جا سکتی ہیں ۔
گھٹیاں لیک کا ویو تو آپ کو کالا سر سے ہی با آسانی مل جاے گا جبکہ رتی گلی کے پچھلے پہاڑ کے ٹاپ سے بھی گھٹیاں اور نانگا پربت کے درشن مل سکتے ہیں ۔
جبکہ نوری ٹاپ کے آخر پر شاردہ یا سرگن سے آنے والے برج یا نالے کے ساتھ ساتھ ٹریک کریں تو وہ راستہ چار سے پانچ گھنٹے کے ٹریک کے بعد آپ کو گھٹیاں لیک تک پہنچائے گا۔ یہاں بھی تین جھیلیں گھٹیاں کے نام سے موجود ہیں۔ جنکی شناخت گھٹیاں 1،2،3 کے نام سے کی جاتی ہے ۔ 1،2 کا، ویو کلئیر ملتا، ہے جبکہ تیسری کیلئے کچھ بلندی تک ہائیک کرنا پڑتی ہے ۔ اسکا مقامی نام ڈونگا سر یا ڈونگا ناڑ بھی ہے۔
6)سرال لیک ❤
یہ جھیل بھی وادی نیلم کا حصہ ہے جو سطح سمندر سے 13600 فٹ یا 4100 میٹر بلند ہے۔ یہاں تک پہنچنے کیلئے کئی راستے مستعمل ہیں ۔
پہلا راستہ بیسل اور دودی پت سر اور وہاں سے سرال تک آتا ہے ۔ یہ راستہ کم استعمال ہوتا ہے اور اس راستے سے آنے والے اکثر سرال ویو پوائنٹ سے ہی واپس ہو لیتے ہیں ۔ کیونکہ اسکے لئے ایک دفعہ اترائی میں اترنا اور پھر چڑھائی چڑھ کر جھیل تک پہنچنا پڑتا ہے ۔
دوسرا راستہ جلکھڈ، نوری ٹاپ سے میاں صاحب روڈ سے سرال تک آتا ہے یہ وہیں دودی پت سر والے ٹریک پر مل جاتا ہے ۔
تیسرا راستہ نوری ٹاپ پر سامنے سے آنے والے نالے کے ساتھ کشمیر والی سائیڈ پر آتا ہے، اسے کرنے کیلئے گھوڑے بھی مل جاتے ہیں اور پیدل ٹریک بھی کیا جاتا ہے ۔
چوتھا راستہ گموٹ نالے کے ساتھ ساتھ چلتے آئیں تو یہ آپ کو سرال لیک تک پہنچا دے گا۔ گموٹ نالہ بنیادی طور پر سرال سے ہی آ رہا ہے ۔
7)مون لیک❤
مون لیک کا راستہ بھی سرال لیک سے جاتا ہے ۔ سرال سے بائیں جانب ٹریک ہے جسے سرال کے ساتھ ہی ایک دن میں بھی کیا جا سکتا ہے ۔ اسے مقامی گائیڈ کی معیت میں کریں ۔ گموٹ اور جبہ کی بیک سائیڈ سے بھی یہاں پہنچ سکتے ہیں ۔
8)رام چکور / چھر والی لیک❤
یہ جھیل بھی سرال وادی میں چار سے پانچ گھنٹے کی پیدل مسافت پر واقع ہے ۔ 2019 میں مقامی گائیڈز کی ٹیم نے پانچ جھیلوں کے ٹریک دریافت کیے یہ جھیل ان میں سے ایک ہے۔ رام چکور ( پرندہ) کی بہتات کی وجہ سے اسے رام چکور لیک بھی کہتے ہیں جبکہ مقامی نام پھرڑ ناڑ ہے۔ پھرڑ بھی مقامی زبان میں چکور کو کہا جاتا ہے۔ گموٹ، جبہ بیک اور سرگن کے راستے بھی یہاں تک پہنچا جا سکتا ہے ۔
9) مُلاں والی جھیل❤
مُلاں والی جھیل جسے مُلاں والی ناڑ بھی کہتے ہیں یہ بھی مون جھیل اور رام چکور جھیل کے قریب واقع ہے ۔
نوٹ: مون جھیل، رام چکور جھیل اور ملاں والی جھیل ایک ساتھ بھی کی جا سکتی ہیں جا میں ایک نائٹ کیمپ شامل ہوگا اور کسی پریشانی سے بچنے کیلئے مقامی گائیڈ کی معیت میں با آسانی کیا جا سکتا ہے ۔
10) بٹ کنالی جھیل ❤
جاگراں سے شال تک گاڑی کے سفر کے بعد 7-8 گھنٹے کا پیدل ٹریک ڈھوک کنڈی نامی جگہ سے اوپر اٹھتا ہے اور ڈھوک بٹ کنالی تک پہنچاتا ہے جہاں سے ملاں والی جھیل کا راستہ قریباً ڈیڑھ کلو میٹر کا پیدل ٹریک بنتا ہے ۔
11)شاونٹر جھیل ❤
یہ جھیل شاؤنٹر ویلی نیلم آزاد کشمیر میں واقع ہے یہ جھیل سطح سمندر سے 3100 میٹر یا 10200 فٹ بلندی پر واقع ہے۔ یہ جھیل برفپوش پہاڑوں کے دامن میں واقع ہے اور اس جھیل کے پانیوں کا منبع بھی انہی پہاڑوں کے درمیان موجود گلیشئیرز ہیں۔
یہ جھیل سپون لیک بھی کہلاتی ہے، وجہ تسمیہ اسکی شکل کا سپون یعنی چمچ سے مشابہہ ہونا ہے اور کیل سے بذریعہ جیپ با آسانی اس جھیل تک پہنچا جا سکتا ہے۔ جس جگہ روڈ ختم ہوتی وہاں شاؤنٹر واٹر فال کے ساتھ یہ جھیل موجود ہے ۔ اسے مقامی طور پر بٹار لیک بھی کہتے ہیں ۔
12)چٹہ کٹھا سر ❤
یہ جھیل بھی شاؤنٹر ویلی میں واقع ہے ۔ 13500 فٹ یا 4100 میٹر کی بلندی پر واقع یہ ایک خوبصورت جھیل ہے جس تک پہنچنے کا راستہ دلفریب ہونے کے ساتھ ساتھ دشوار گزار بھی ہے ۔ بیس کیمپ سے ڈک ون اور ٹو نام کے دو پڑاؤ اسکی سحر انگیزی میں اضافہ کرتے ہیں ۔ کیل سے 20 کلوميٹر کا جیپ ٹریک آپ کو اسکے بیس کیمپ حوض نیلم نامی گاؤں تک پہنچاتا ہے، جو چٹہ کٹھا کا بیس کیمپ شمار ہوتا ہت۔ جسکے بعد 5 کلومیٹر کا پیدل مگر سخت چڑھائی والا راستہ اس جھیل تک پہنچاتا ہے ۔
عموماً مقامی دس سے بارہ گھنٹے میں آنا جانا کر لیتے ہیں جبکہ سیاح ایک طرف کا بارہ گھنٹے بھی لگاتے ہیں ۔
بہتر یہ ہے کہ بیس کیمپ سے ڈک 2 تک ایک دن میں کریں اگلے دن ڈک 2 سے جھیل تک جائیں اور واپسی اپنی سہولت کی مناسبت اور وقت کو دیکھ کر ترتیب دیں ۔
چٹہ کٹھہ سر کی ایک وجہ شہرت ہری پربت کادل موہ لینے والا نظارہ بھی ہے مزید یہ کہ اب تک کوئی اس چوٹی کو سر نہیں کر سکا ۔ یہ اس علاقے کی تیسری بلند چوٹی ہے پہلے نمبر پر سِروالی، دوسرے نمبر پر توشِیرہ وانگ کا، سلسلہ اور تیسرےپر ہری پربت ہے
یہاں نیچے وادی میں ایک جھیل چٹہ کٹھہ 2 کے نام کی بھی ہے ۔
مزید لنڈا سر 1،2 ایک سے دو گھنٹے کی مسافت پر، پنج کھٹیاں اور چند غیر معروف بے نام جھیلیں بھی اس علاقے میں موجود ہیں ۔
13)چٹہ کٹھا 2❤
ہری پربت کے عین نیچے سے بائیں جانب ایک سے ڈیڑھ گھنٹہ کی پیدل مسافت چٹہ کٹھہ 2 تک پہنچاتی ہے۔
14) بنجوسہ جھیل ❤
بنجوسہ جھیل راولا کوٹ سے 18 کلو میٹر کی مسافت پر پونچھ ڈسٹرکٹ میں واقع ایک مصنوعی جھیل ہے ۔ یہ ایک مشہور سیاحتی مقام ہے اور باآسانی ہر سیاح کی پہنچ میں ہے ۔ یہ ایک گھنے جنگل میں واقع ہے۔ یہاں ایک ریسٹ ہاوس بھی موجود ہے ۔ 3.9 کلومیٹر طویل ، 2 کلومیٹر وسیع اور 52 میٹر گہری یہ جھیل 1981 میٹر یا 6499 فٹ بلندی پر واقع ہے۔
15) باغسر جھیل ❤
یہ جھیل وادی سماہنی، بھمبر میں لائن آف کنٹرول کے قریب باغسر قلعہ کے قریب واقع ہے۔
یہ قلعہ مغلوں کے زیرِ تسلط اور شاندار تاریخی حیثیت کا حامل رہا ہے ۔
سطح سمندر سے 975 میٹر بلند یہ جھیل قریباً نصف کلومیٹر طوالت کی حامل ہے ۔ یہ جھیل سرمائی موسموں کے مہاجر پرندوں اور اپنے کنول کے پھولوں کی وجہ سے مشہور ہے ۔
اس جھیل کی ایک اور وجہ شہرت اسکی شکل کو پاکستان کے نقشے سے کسی حد تک مماثلت بھی قرار دی جاتی ہے ۔
یہ علاقہ چیڑھ کے درختوں اور جا بجا کھلے واٹر للیز یعنی کنول کے پھولوں سے بھرا پڑا ہے ۔
16) سُبڑی لیک / لنگر پورہ جھیل ❤
سُبڑی لیک یا لنگر پورہ جھیل مظفر آباد کے جنوب مشرق کی سمت قریباً 10 کلو میٹر کی دوری پر واقع ہے۔ یہ جھیل عین اس مقام پر واقع ہے جہاں دریاے جہلم کا پاٹ وسیع ہوتا ہے ۔ یہ جھیل مظفرآباد - چکوٹھی روڈ کے زریعے با آسانی رسائی رکھتی ہے۔
(اس جھیل کی تصدیق اور تصاویر اگر کوئی کر سکے تو ضرور شئیر کرے ۔۔۔ گوگل پر انفارمیشن موجود ہے مگر مجھے ابھی تک کوئی ملا نہیں جو تصدیق کر سکے یا کسی کے پاس تصاویر ہوں )
17)زلزال جھیل ❤
یہ جھیل 8 اکتوبر 2005 کے زلزلے کے نتیجے میں دو پہاڑوں کے مل جانے اور چار گاؤں بھٹ شیر، لودھی آباد، کُرلی اور پدر کے صفحہ ہستی سے مٹ جانے اور پانی کی قدرتی گزرگاہ بلاک ہو جانے سے معرضِ وجود میں آئی۔
یہ جھیل چکار اور بنی حافظ کے درمیان واقع ہے۔ یہ جھیل 3.5 کلومیٹر طویل، اور 350 فٹ گہری ہے۔ سطح سمندر سے 1828 میٹر بلندی پر واقع ہے۔
اس جھیل کو گنگا چوٹی / سدھن گلی جاتے یا چکار گیسٹ ہاؤس میں رہائش کے دوران باآسانی وزٹ کیا جا سکتا ہے۔ اس جھیل کے قریب ٹورازم ڈیپارٹمنٹ کا ریسٹ ہاؤس بھی موجود ہے۔
18) پَتلیاں جھیل❤
اس جھیل کا راستہ لوات نالہ سے جاتا ہے ۔ دواریاں سے 3 گھنٹے کی جیپ ڈرائیو اور آدھ گھنٹے پیدل ٹریک کے بعد آپ یہاں تک پہنچ سکتے ہیں ۔ اس کے قرب و جوار میں بھی تین، چار چھوٹی بڑی جھیلیں اور ان گنت واٹر فال ہیں جن میں جھاگ چھمبر اور کنالی واٹر فال مشہور ہیں ۔
مین پتلیاں جھیل سے ڈیڑھ گھنٹے کی مسافت پر ایک جھیل پتلیاں ٹو کے نام سے بھی منسوب ہے۔
19) مائی ناردہ جھیل ❤
یہ جھیل ہندؤوں کیلئے مقدس مقام ہے اور انکے اشنان کی جگہ ہے ۔ شاردہ سے دو سے تین دن کے پیدل ٹریک کے بعد اس جھیل تک پہنچا جا سکتا ہے ۔ لگ بھگ 14000 فٹ کی بلندی پر یہ جھیل واقع ہے۔
20) نوری جھیل❤
یہ جھیل عین نوری ٹاپ پر واقع ہے اور اسکی نشانی یہ ہے کہ اسکے آگے ایک بہت بڑی واٹر فال موجود ہے ۔
21 ) کھرگام جھیل❤
یہ جھیل رتی گلی کے پیچھے واقع ہے ۔ رتی گلی کے پچھلے پہاڑ میں جو شگاف نظر آتا ہے اسکے اوپر کھرگام جھیل ہے۔ یہ نسبتاً دشوار اور سخت پتھریلا راستہ ہے جو صرف پروفیشنل ٹریکرز اور ہائیکرز کیلئے موزوں ہے ۔
22) ڈک جھیل ❤
جانوئی کے مقام سے ڈک جھیل کا ٹریک شروع ہوتا ہے ۔ چٹہ کٹھہ جھیل کے ٹریک سے مماثلت رکھتا یہ ٹریک ایک جانب لگ بھگ 8-9 گھنٹے کا پیدل ٹریک ہے ۔ کیمپنگ کا سامان ساتھ لے جائیں اس علاقے میں کوئی کیمپ سائٹ نہیں ۔
نیلفیری جھیل حویلی فارورڈ کہوٹہ میں واقع بے حد خوبصورت جھیل ہے اس پر جانے کے لئے حویلی سے جیپ ٹریک پے سفر کرنا پڑتا ہے -یہاں ہر سال ایک عظیم اشان فیسٹول کا انعقاد بھی کیا۔ جاتا ہے جس میں پورے پاکستان سے سیاح شرکت کرتے ہیُں-
اسکے علاوہ گجر ناڑ اور شکر گڑھ کی جھیلیں اب تک ان ایکسپلورڈ ہیں ۔
گال ویلی میں بھی 11 جھیلیں ہیں جو نیلم ویلی میں آتی ہیں ۔ علاوه ازیں سندر نکہ، ہولا بیک اور کالا جندر کے خوبصورت علاقے بھی متعدد جھیلوں اور آبشاروں کے حامل ہیں ۔
جولائی تا اکتوبر یہ جھیلیں وزٹ کرنے کا موسم شمار ہوتا ہے اسکے بعد کم و بیش اکثریتی علاقے برف سے ڈھک جاتے ہیں ۔ انکی لمبائی، چوڑائی یا گہرائی کی تاحال کسی مستند زرائع سے پیمائش نہیں کی گئی، زیادہ تر گلیشئیل جھیلوں کے بانی کم زیادہ ہوتے رہتے ہیں ۔ ان تمام جھیلوں میں تیراکی کا خطرہ مول نہ لیں ۔ نیز کیمپنگ کیلئے بھی مناسب رہنمائی اور مقامی گائیڈ کاساتھ ہونا ضروری ہے ۔
لال بُتی پیکس برطانوی راج کے زمانے میں جغرافیائی سروے کیلئے استعمال ہوئیں، جنکے نشان اب بھی باقی ہیں ۔ علاقے میں تین لال بُتی پیکس رتی گلی، سرگن اور کیل کے علاقے میں ہیں اسکے علاوہ ڈاک بنگلہ رتی گلی موہری اور گورا قبرستان رتی گلی بھی موجود ہیں جو اس زمانے میں برطانوی فوجیوں/ افسروں کی رہائش اور اموات کی صورت میں تدفین کے علاقے تھے۔
کشن گھاٹی غار شاردہ میں موجود ہے اس کا زمانہ قریباً 5000 سال پرانا بتایا جاتا ہے اور یہ بدھ مت اور ہندووں کی عبادت گاہ کے طور پر استعمال ہوئی ۔
ان جھیلوں میں کچھ نئی دریافت ہیں یا وہاں تک کے باقاعدہ ٹریک منتخب کیے گئے۔
By: Ahsan Raza

16/08/2024

مظفر آباد کا وہ منفرد مقام جہاں دریائے جہلم اور دریائے کنہار آپس میں ملتے ہیں۔

09/08/2024

مظفر آباد کا وہ منفرد مقام جہاں دریائے جہلم اور دریائے کنہار آپس میں ملتے ہیں۔

07/08/2024

وادی سوات میں موجود اس خوبصورت جھیل کا نام ہے مستیج جھیل جسے پرل جھیل بھی کہا جاتا ہے ۔ یہ جھیل سطح سمندر سے تقریباً 13000 فٹ کی بلندی پر واقع ہے ۔ کالام میں موجود بلیو واٹر سے اس کا سفر شروع ہوتا ہے اور جانشئ بانڈہ سے ہوتے ہوئے گجر بانڈ تک پہنچتے ہیں اور اس سارے ایریا کو جانشئ بانڈہ ہی کہا جاتا ہے پھر گجر بانڈ سے مستیج ویلی میں داخل ہوتے ہیں اور یہ سارا ایریا ریچھوں سے بھرا ہے جس کے پاؤں کے نشان واضح طور پر گلیشیرز پر ہمیں نظر آئے اور بعد میں لوکل سے بھی کنفرم ہوا کہ یہاں کافی ریچھ موجود ہیں۔ مختلف گلیشیرز اور پتھریلے راستے سے ہوتے ہوئے مستیج بانڈہ پہنچا جاتا ہے جہاں پر مستیج واٹر فال بھی ہے ۔ پھر اس واٹر فال سے 1:30گھنٹہ کی مشکل چڑھائی کے بعد یہ جھیل اپنا دیدار کراتی ہے ۔ وادی سوات کی یہ خوبصورت جھیل یہی کہتی یے اگر ان مشکل راستوں پر چل کر مجھ سے ملنے کو آ سکتے ہو تو کر لو میرا دیدار۔اور اگر چل نہیں سکتے تو سکون سے بیٹھوں گھر ورنہ ہوگے بہت خوار ۔
Copied

05/08/2024

Last village of Kashmir//کشمیر کا آخری گاؤں//taobutt to taobutt balla complete information

02/08/2024

وادی نیلم میں موجود ایک خوبصورت گاؤں لوات بالا جو پتلیاں ویلی کے شروع میں ہی واقع ہے
].

01/08/2024

For complete video please click on linkhttps://youtu.be/UunS-13TDKk?si=sDt-UFwfqrF4CBLr # #

30/07/2024

ناران کاغان ویلی اپڈیٹ
ناران سے 60 کلو میٹر پہلے مہانڈری کے مقام پر موجود پل سیلابی ریلے کی نظر ہو گیا
مہانڈری کا مرکزی پل سیلابی ریلا بہا کر لے گیا, گزشتہ سیلاب میں بچ جانے والا مہانڈی بازار کا بقیہ حصہ بھی سیلابی ریلے کی نظر ہو گیا۔ طوفانی بارشوں سے ندی نالے بپھر گیے ہیں, ایمرجنسی صورت حال ،بالاکوٹ سے ناراں اور ناراں سے بالاکوٹ سفر کرنے والے محتاط رہیں
ناران روڈ ہر قسم کی ٹریفک کیلئے بند ہو چکا
ناران میں اس وقت کثیر تعداد میں سیاح حضرات موجود ہیں۔ تمام سیاحوں سے گزارش ہے کہ ناران کا سفر کرنے سے گریز کریں اور ناران کاغان بالاکوٹ کے تمام ہوٹلز مالکان سے گزارش ہے کہ جب تک راستہ بحال نہیں ہوتا سیاحوں کے ساتھ تعاون کریں کیونکہ وہ ویسے بھی پریشان ہیں ایسا نہ ہو کہ آپکی وجہ انکی پریشانی مزید بڑھے
تمام سیاح دریا سے دور رہیں تا کہ کسی بھی قسم کے حادثے سے بچ سکیں

30/07/2024

Family memories made in the heart of Arrangkel! ️Journey with Journify Tours & Travels to discover Arrangkel's breathtaking landscapes. Crystal-clear lakes, snow-capped peaks, and endless adventure await! Our family-friendly tours create lasting memories for all ages. ✨Ready to embark on your Arrangkel adventure?Book your unforgettable family escape today! ➡️ journify.pk

27/07/2024

سیاح حضرات سے گزارش ہےکہ متبادل روٹس اختیار کریں
راولپنڈی سے آنے والے سیاح ایبٹ آباد روڈ ہزارہ موٹر وے استعمال کریں
مظفرآباد شاہراہِ کوہالہ دولائی کے مقام پر دونوں اطراف مشینیں روڈ بحالی کے عمل میں مصروف ہیں

ٹورسٹ پولیس اور انتظامیہ عوام الناس کی رہنمائی کے لیے موقع پر موجود ہے

روڈ بحالی کا عمل جاری ان شاءالله سلائیڈ کلیئر ہو جاۓ گئ♥️

26/07/2024

کیرن دریاۓ نیلم کے کنارے کشمیری بھائی دریا کے دوسری جانب مقبوضہ کشمیر میں موجود اپنے کشمیری بھائیوں سے اظہار محبت !
.

23/07/2024

23/07/2024

الحمدللہ بیلہ پل سے پتلیاں ٹریک
بحال ہو گیا ہے
بائیس کلومیٹر کا یہ ٹریک کم ہو کر بیس کلومیٹر رہ گیا ہے
راستے میں کوئی بھی خطرناک موڑ
اور جگہ نہیں
سریاں پل بھی لگ چکا ہے یہ وہ جگہ ہے جو سب کیلئے درد سر بنی ہوئی تھی
اگر اسکو جہاگ والے راستے سے بیلہ پل پر ملا یا جائے
اور پائن لوات سے بیاڑی تک پختہ روڈ دس کلومیٹر بن جائے آگے کا پندرہ کلومیٹر کچا رھے تو یہ
یہ پچیس کلو میٹر کا سفر آسانی سے
دو گھنٹے میں طے ہو سکتا ہے
اس طرح یہ مخلوق خدا کی خدمت کیساتھ بہت سے لوگوں کی روزی روٹی کا بھی ذریعہ بن سکتا ہے

18/07/2024

18/07/2024

یہ وہ جگہ ہے جہاں پہنچ کر آپ پریشان ہو جائیں گئے کہ کہاں جائیں کیوں کہ یہاں ایک طرف پاکستان کی سب سے بڑی اور خوبصورت آبشار کنالی واٹرفال ہے اور دوسروں جانب کشمیر کی خوبصورت ترین جھیل پتلیاں لیک واقعہ ہے
پتلیاں ٹریک پر آپ جیسے ہی کِلواں ڈھوک پہنچیں گئے وہاں سے آپ پتلیاں یا پھر کنالی واٹرفال کا انتخاب کر سکتے ہیں یہ دونوں پوائنٹ آپ کے ٹور کو لاجواب بنا دیں گئے

16/07/2024

‎سیاح حضرات کے لیئے خوشخبری 😀
‎پتلیاں جھیل کو سیاح حضرات کے لئے کھول دیا گیا ہے مشن بیس کیمپ میں پہنچ گی ہے
‎پتلیاں جھیل سطح سمندر سے تقریبا 13000فٹ بلندی پہ واقع پتلیاں جھیل جس کی ایک طرف رتی گلی اور دوسری طرف جلکھڈ بٹاکنڈی کا علاقہ آتا ہے راستہ میں کنالی آبشار کا اپنا مزہ ہےمین روڈ نیلم ویلی لوات کے مقام سے آف روڈ تین گھنٹے کی ڈرائیو نالے کے ساتھ ساتھ سیدھا پتلیاں جھیل پہ جاتی ہے

‎ویلکم ٹو نیلم♥️

‎بیوٹی آف نیلم ویلی آزاد کشمیر ♥️

14/07/2024

⁩ رتی گلی جھیل کی خوبصورتی اِن دنوں جوبن پر ہے۔ جون ،جولائی ،اگست، ستمبر کے مہینوں میں رتی گلی میں آپ کو قدرت کے سارے رنگ دیکھنے کو ملیں گے ۔ برف سے ڈھکی یہ خوبصورت جھیل ایک سحرانگیز خواب جیسا منظر پیش کرتی ہے۔
ہر سال لاکھوں سیاح اس جھیل کے خوبصورت نظاروں سے لطف اندوز ہوتے ہیں۔ سرسبز و شاداب، وسیع میدان اور بلند و بالا پہاڑوں کے درمیان اس جھیل کا نظارہ دیکھنے والوں پر سحر طاری کر دیتا ہے۔
آپ نے اب تک اس جھیل کا نظارہ نہیں کیا تو دیر نا کریں جولائی اور اگست میں اس جھیل کا حسن دیکھنے لائق ہوتا ہے۔
اگر آپ رتی گلی جھیل یا کشمیر کے کسی بھی علاقے کی سیر کرنا چاہتے ہیں یا آپکو کسی قسم کی معلومات چاہیے تو رابطہ کر سکتے ہیں۔ شکریہ ⁨03556384202
Journify tours And Tours
゚Journify tours And Tours
゚

11/07/2024

نیلم ویلی آزاد کشمیر کی 72 جھیلوں میں سے چند مشہور جھیلوں کی تفصیل 👇

*رتی گلی جھیل ♥️

آٹھمقام سے 22 کلو میٹر کی دوری پر وادی نیلم کا ایک گاوں دواریاں آباد ہے جہاں سے 4*4 گاڑی کے ذریعے 18 کلو میٹر کے سفر کے بعد "رتی گلی جھیل" کا دیدار کیا جا سکتا ہے۔ یہ جھیل آزاد کشمیر کی نہایت خوبصورت جھیل ہے جو سائز میں ڈیڑھ کلو میٹر کے رقبے پر پھیلی ہوئی ہے۔ جھیل کی سطح سمندر سے بلندی تقریباً 3823 میٹر ہے۔

*پتلیاں جھیل*♥️
آٹھمقام سے 19 کلو میٹر کی مسافت کے بعد نیلم کا گاوں لوات پائن واقع ہے جہاں سے بذریعہ 4*4 گاڑی تین گھنٹے کے سفر کے بعد سیاحوں کے خوابوں کی ملکہ "پتلیاں جھیل" اپنے نیلگوں اور چمکدار پانی کے ساتھ نظر آتی ہے۔ اس جھیل کے گرد و نواح میں بلند و بالا پہاڑ ہیں۔۔

*مائی ناردا جھیل*♥️
ناردا جھیل دریائے نیلم کی شمال مغربی جانب 15000 فٹ کی بلندی پر واقع ہے۔ یہ شمالاً جنوباً 550 فٹ چوڑی اور نیم بیضوی شکل میں تمام اطراف سے بند ہے۔ اس کی تہہ میں جو پتھر استعمال کیئے گئے ہیں وہ نہایت اعلی مہارت سے تراشیدہ ہیں۔ جھیل میں اُترنے کے لیئے ایک چبوترہ نما تراشیدہ پتھروں کی سیڑھی بھی بنائی گئی ہے جس کے تین زینے ہیں۔ وادی نیلم میں پائی جانے والی جھیلوں میں سے یہ واحد جھیل ہے جسے کسی غیر مرئی قوت نے تعمیر کیا ہے۔ ماہرینِ آثار قدیمہ کے مطابق "ناردا جھیل میں استعمال کیئے گئے پتھروں کی جسامت، بناوٹ و حجم اور خاصیت شاردا قدیمی یونیورسٹی میں استعمال ہونے والے پتھروں سے مشابہ ہے جس سے یہ نتیجہ اخذ ہوتا ہیکہ شاردہ یونیرسٹی اور ناردا جھیل کا آپس میں کوئی تعلق ضرور ہے۔

*سراسوتی جھیل*♥️
سراسوتی جھیل دو رنگوں والی ایک منفرد جھیل ہے جس کے ایک طرف پانی نیلگوں اور دوسری طرف قدرے بھورے رنگ کا ہے۔ جس کی خاص وجہ شاید وہاں آئرن کا وافر مقدار میں ہونا ہے۔ اس جھیل پر پہنچنے کے لیئے "سرگن بکوالی" گاوں کے ٹاپ سے تین گھنٹے کی پیدل مسافت کے بعد گاوں چھٹیاں بہک پہنچ کر پھر آگے دو گھنٹے کے پیدل سفر کے بعد سراسوتی جھیل کے حسین نظاروں سے لطف اندوز ہوا جا سکتا ہے۔ مائی ناردا جھیل سراسوتی جھیل کے جنوب میں ایک گھنٹے کی ہموار سطح کی مسافت پر واقع ہے۔۔

*گٹیاں جھیل*♥️
نیلم کے سنگلاخ برف پوش پہاڑوں کے درمیان قریباً ایک کلو میٹر رقبے پر پھیلی نیلم کی یہ جھیل قدرت خداوندی کا ایک عجیب شاہکار ہے۔ اس جھیل پر جانے کے لیئے

07/07/2024

الحمداللہ
ہمارے مہمان سات روزہ کشمیر کے کامیاب ٹرپ کے بعد واپس اسلام آباد پہنچ چکے ہیں۔۔۔❤️
ہماری سروسز پہ اعتماد کا شکریہ۔۔🙏
آپ آتے رہیں، رونقیں ہوں گی 🥰

06/07/2024

الحمدُاللہ آج کراچی سے آئے ہوئے مہمانوں کے ساتھ سات دن کا ٹور اپنے اختتام کو پہنچا اللّٰہ پاک شمس صاحب کا کراچی واپسی کا سفر آسان فرمائےاور جناب کو خوش وخرم رکھے

03/07/2024

الحمدُاللہ آج نیلم ویلی کے آخری گاؤں تاوبٹ کو وزٹ کیا کل سے انشاءاللہ رتیگلی کی جانب رواں ہوںگئے