ElderTreks 歲閱悠遊

25/03/2019

【彭華記佐敦油麻地團】廟街以前唔係賣一式一樣嘅遊客紀念品，玉器市場又係點樣交易？今個星期六下晝，由彭華記帶你由佐敦行到油麻地，時光倒流六十幾年，認識以前嘅香港😀
立刻報名：https://www.eldertrekshk.com/tour_jd.html

17/03/2019

話咁快，同華富呢班有輕度認知障礙嘅老友記合作咗差不多一年啦，見到佢哋一直以黎嘅進步，譬如變得更加有自信、會主動同參加者交流等等，都鼓勵住我哋繼續努力，更加希望可以改變到社會對佢哋嘅一啲固有定型(stereotype)💪🏼

同樣地，一班老友記每次都傾力帶領導賞團，即使天氣欠佳，亦無阻一班華富嘅老友記為大家介紹華富邨嘅熱誠！

上星期我哋嘅導賞團搬到室內進行，但香愛分享鬼故嘅時候都係一樣咁驚心動魄呀😂同時都好感謝各位參加者嘅體諒，因為天雨路滑對於行動不便嘅老友記實在有一定嘅難度。

另外集思廣益，唔知大家對於華富邨邊一方面最有興趣呢？歡迎喺comments或者PM話俾我哋知😄

08/01/2019

【2019第一團！】嚟緊歲閱悠遊有好多新目標，慶幸身邊戰友依舊，一齊迎接挑戰，當中當然包括家珍啦！呢個星期日邀請你一起同行，喺新嘅一年更加細心聆聽四周唔同人嘅故事，認識香港各區背後嘅種種往事。
報名連結: https://eldertrekshk.com/tour_skm.html

25/11/2018

【華富回憶遊】噚日我哋同一班中學生分別於華富上邨同下邨探索。圖中好似乜都無嘅一塊空地，其實以前係大排檔所在地。居民成日黎呢度聚腳，超級熱鬧，仲因為喺正住宅樓下而衍生好多趣事添！

唔知你哋嘅社區又有無一啲消失咗嘅地標，令你好懷念呢？

05/11/2018

繁華背後

13/10/2018

下星期六嘅華富邨導賞團其中一個特色景點，就係泳棚隔離嘅8000+尊神像喇，我哋親眼見到嘅時候都覺得好壯觀😁

一於抓緊週末嘅時間，跟住呢班老友記踏入呢個平時無咩機會去、但景色享負盛名嘅華富邨啦！

報名連結: https://www.eldertrekshk.com/tour_wf.html

10/10/2018

【華富回憶遊！】
華富邨導賞團終於正式開放俾大家參加喇！📢
https://www.eldertrekshk.com/tour_wf.html

我哋今次會上山下海(上斜坡落海皮～），由一班華富「原居民」帶你體驗南區最老最美屋邨。

社會對認知障礙仍然有好多嘅標籤同定型，希望今次除咗認識華富邨嘅歷史、趣事之餘，亦係一個機會讓你同呢班老友記互動，相信之後你會有一番新嘅體會！

08/10/2018

係陽光燦爛到眼都擘唔大嘅一日呀，十分感謝咁多位朋友嘅支持！☀️😎

其實每次家珍見到你哋嘅參與、同佢一齊走佢嘅石硤尾成長路，呢樣已經係對佢努力最大嘅肯定，亦係呢樣嘢令我地繼續堅持落去～期望喺未來更多嘅導賞團再見到你哋！

01/10/2018

我哋同呢班認知障礙嘅老友記合作帶團嘅過程中獲益良多！嚟緊呢個華富導賞團就會開放俾公眾參與，記住留意呢個page或者歲閱悠遊嘅網站喇 😉

大家可以有一個機會喺重建前認識華富邨呢個已經有半世紀嘅「平民豪宅」之餘，亦都嚟支持同肯定下呢班老友記嘅努力啦！

本港有十多萬長者有認知障礙，有機構培訓輕度認知障礙的長者成為社區導賞員，加強與社區的互動，改善病情。 有長者稱：「我們住大單位，135元一個月租金，那時未建華昌樓。」 老、中、青三代人聚首華富邨話...

29/09/2018

秋風起～唔一定去登高嘅。
下個星期六，誠邀你同我哋一齊重新探索呢個城市，去到石硤尾呢個社區，由家珍同你分享香港公共房屋發展背後嘅一段段小人物大故事。

有興趣嘅朋友，可以click入呢條link了解詳情同報名！😁
http://www.eldertrekshk.com/tour_skm.html

17/09/2018

【明報專訊】老，是人生必經階段。

11/09/2018

喺啱啱過去嘅週末，我哋同「智．愛同行」長者及護老者支援計劃嘅一班老友記又進行咗一次華富邨導賞團。透過導賞形式進行懷緬治療，見到佢哋一路以黎嘅進步，實在感到非常之鼓舞！
感謝當日積極參與嘅朋友們，亦希望未來嘅日子能夠認識更多支持歲閲悠遊嘅你地😊

19/08/2018

感謝ViuTV《志趣老友記》早前嘅採訪，等大聲公、少琼同彭華記有機會同大家分享下佢地成為社區導賞員嘅心路歷程！
我哋嘅各位老友記以行動話俾大家知，退休後開展一個全新嘅興趣，絕對唔算遲！
大家如果有興趣聽多啲佢地嘅心聲，可以上網重溫返呢個節目😁

其實退休並不可怕，只要找到自己的興趣，退休生活隨時比以往工作生活更多姿多彩，而這個節目「志趣老友記」就會貼身追蹤有不同興趣的銀髮族，了解他們退休後的生活和興趣，希望大家也能感受到當中的樂趣而成為其中一...

05/08/2018

雖然歲閱悠遊暑假休團中，但活動其實只係移師室內！早前同
東華三院屯門綜合服務中心合作，以工作坊形式介紹社會企業嘅概念俾小朋友認識，又由大聲公分享返佢童年時旺角嘅面貌、同埋一啲懷舊玩具等。

一班精英小記者十分踴躍發問，帶動氣氛，無論係大聲公定係小朋友都好enjoy呢個體驗。見到大家互相啟發，我哋都好期待黎緊會有更多呢類型嘅活動呀😍

11/07/2018

【淺水灣鎮海樓的故事：以迷信消除別人嘅迷信】
受全球暖化影響，香港夏天越嚟越熱，好多人都會去沙灘消暑，而淺水灣更加係其中一個最熱門嘅選擇。要數淺水灣嘅地標，大家可能會諗起沙灘東面、有天后同觀音菩薩坐鎮嘅鎮海樓公園，但你哋又知唔知佢背後嘅歷史呢？

原來喺50年代，拯溺係一樣新引入香港嘅技能，亦冇一個特定機構有組織地訓練及安排救生員駐守沙灘。香港拯溺總會就係因應咁嘅需要喺1956年成立，而鎮海樓正正係香港拯溺總會嘅總部。當時一開始係由一班16、17歲嘅學生義務做救生員，一日只係收兩蚊車馬費。

至於鎮海樓就係喺1964年興建，其中一位創辦人郭漢銘先生熱愛藝術，喺中國各地採購裝飾品等，造就咁具特色嘅建築同裝潢（不過係會員先入得去架！）。門前嘅天后像，更加係別具意義：事源以前嘅漁民非常迷信，即使有人跌落水都唔會救佢哋，認為佢哋會變成水鬼。但佢哋同時亦篤信天后，於是拯溺總會就豎立起天后像，希望「以迷信消除別人嘅迷信」，宣揚天后保護水上眾生嘅精神，鼓勵漁民見到有人遇到危險時伸出援手。

*特別鳴謝香港拯溺總會陳偉能主席及楊志滔副主席接受訪問*

06/07/2018

一直以黎我哋都身體力行，透過一班老友記帶導賞團帶出佢哋仍然有超多潛能嘅呢個訊息。導賞固然係一種方式，而 Sunshine Complex 就選擇讓老友記接觸藝術，再鼓勵佢地創作！佢地仲將老友記嘅設計印成杯墊，你都去支持下佢地嘅努力同成果啦！

👇
👇
👇
去上一個post留言啦喂

30/06/2018

15/06/2018

【招募新成員！】如果你有興趣推動跨代合作、分享自己嘅社區故事、保存香港本土口述歷史，或者純粹想做啲嘢拉近社會上人與人之間嘅距離，我哋都歡迎你加入歲閱悠遊嘅大家庭呀！

無論你想做導賞員，隨團助手，定係幫手策劃，都可以傳送訊息話俾我哋知，兼職、義工等形式亦可～期待認識你哋！😄

06/06/2018

【參加者的重要性】帶過咁多次團，其中一個最正嘅參加者就係輝仔喇！輝仔雖然已經90歲，但真係完全睇唔出架，佢全程活潑好動，不時講下笑，又分享自己嘅故事，為導賞團生色不少😁 咁啱得咁橋我哋歲閱悠遊都有一個輝仔，咁有緣當然要影返幅合照啦！

其實一個理想嘅導賞團，除咗取決於導賞員嘅表現之外，參加者亦都係一個重要角色。見到參加者全情投入，我哋都會更加落力，而且參加者問嘅問題往往仲豐富咗內容添。期待你哋參加我哋嘅導賞團，一齊擦出新火花呀！

04/06/2018

華富導賞團試團當日，香港01記者同攝記都參與其中，感謝佢哋紀錄低呢次咁難忘嘅經歷！唔知你哋又有無興趣參加由呢班老友記帶領嘅華富邨導賞團呢？

日常重覆走過無數次的路，在某天再次經過，你能否說出你與它的故事？八名患有輕度認知障礙的長者全是華富邨第一期居民，在這個社區生活大半生，近距離的生活印象開始模糊，「咸豐年前」的記憶反而猶新。回憶除了僅用...

28/05/2018

【華富導賞團試團！】喺過去嘅兩個月時間，我哋同香港仔坊會嘅南區長者綜合服務處合作，透過「智．愛同行」長者及護老者支援計劃，培訓輕度認知功能障礙嘅華富邨老友記成為導賞員。

我哋好榮幸有機會可以與呢班老友記同行，除咗見證住佢地一直嘅進步，我哋其實都喺佢哋身上學到好多野。亦想藉此話俾大家知，雖然佢哋有認知功能障礙，記憶力稍遜，不過佢地仍然好有能力，只係等緊大家去發掘！

當日天氣超級熱同曬，但一眾導賞員仍然保持專業，好生動咁同參加者分享華富嘅各種變遷同趣聞(當然包括鬼故啦！)，參加者亦都十分投入，為今次嘅社區導賞培訓計劃畫上完美嘅句號～

21/05/2018

【家珍石硤尾導賞團】創立歲閱悠遊除咗想保存口述歷史之外，亦希望以導賞團作為一個平台，將唔同年齡、背景等嘅人帶埋一齊，互相了解多一啲啲。嚟緊嘅星期日(27/5)下晝，誠邀你抽出個半鐘，認識石硤尾呢個地方嘅同時，亦都同家珍做個朋友！
即刻報名啦→ http://eldertrekshk.com/tour_skm.html

11/05/2018

多謝@敏感時刻邀請我地同聽眾分享歲閱悠遊嘅工作！而家直播緊喇，有興趣嘅朋友可以去收聽！
http://www.rthk.hk/radio/radio2/programme/curiouserandcuriouser

女性心事交流平台，探討關於愛情、親情、友情與一切提升生活質感的課題，讓姊妹們都能成為溫柔而堅定的Wonder Woman。 星期一：心理秘密，閨蜜們在想甚麼？： 星期二：社會學堂，Son姐教你作為職場女性應知的事； 星期三：...

06/05/2018

感謝政府新聞網報導我哋嘅工作，我地會繼續努力，今日下晝將會同彭華記出團！

另外文字版可以喺呢度睇：
http://hk.on.cc/hk/bkn/cnt/news/20180506/bkn-20180506102321033-0506_00822_001.html

02/05/2018

【70年代交租咭你又見過未？】舉辦社區導賞員培訓其中一樣最有趣嘅事情就係由一班老友記分享佢哋嘅珍藏喇！之前有舊相，今次就有差唔多成50年歷史嘅華富邨住客繳租咭～呢樣嘢除咗對我地黎講十分新奇，亦令我地更加期待往後工作坊陸續有來嘅驚喜呀！

30/04/2018

【佐敦油麻地導賞團】邊個話去旅行一定要離開香港？一於喺嚟緊6/5(星期日)重新認識香港，跟彭華記由廟街睇到果欄，發掘喺五、六十年代佐敦同油麻地嘅模樣啦！
立刻報名→ https://goo.gl/UE7ScA

23/04/2018

【旺角大聲公導賞團！】而家嘅旺角同以前嘅旺角分別有幾大？29/4 星期日上午由大聲公帶你返佢鄉下，懷緬佢童年回憶中嘅旺角！
立刻報名→ https://bit.ly/2voRPpY

18/04/2018

【新一期老友記社區導賞員培訓！】我地開始咗培訓新一批老友記喇！今次終於衝出九龍，有無聰明嘅朋友憑住呢輻相估到係邊度呢？呢次我地同一班有認知障礙嘅老友記拍住上，一齊發掘返呢個社區嘅故事。喺我地有新嘅導賞團推出之前，大家可以報名參加住我地4月29號星期日嘅大聲公旺角導賞團先呀📣立刻報名→ https://bit.ly/2voRPpY

11/04/2018

【石硤尾導賞團！】石硤尾係一個充滿歷史嘅地方，22/4下午就由家珍帶住你，娓娓道來佢喺呢度經歷大火、暴動等嘅非一般成長之路。
除此之外，石硤尾仲係一個新興文青社區，完咗導賞團可以去附近嘅cafe坐下，過一個悠閒但具意義嘅星期日！
立刻報名→ https://bit.ly/2AKO64Y

04/04/2018

【有朋自遠方來，不亦樂乎～】
好高興有機會帶一班澳門中華學生聯合總會嘅朋友仔深度認識香港，今次由彭華記同家珍兩位老友記擔大旗，分別去咗油麻地同石硤尾呢兩個地方。過程中同學們都十分踴躍參與，又同我地分享佢地發覺澳門同香港嘅近似以及不同之處，相比帶香港人嘅導賞團又係另一番樂趣同體驗！

12/03/2018

【社區歲閱導賞團 - 📣大聲公旺角尋根記】
有時候人地問，同老友記合作有無咩特別之處？好真心答，從佢地身上學到好多嘢，譬如守時啦 (佢地永遠都只有早到！）。由第一次帶團到而家，大聲公令我地十分敬佩嘅一點就係佢不斷精益求精，喺啱啱嗰團佢就出動咗自製嘅各種道具，為整個導賞團加添趣味！😄
有機會的話歡迎你參加一次我地嘅導賞團，同一班老友記交流，可能你都會有一番新嘅體會！

06/03/2018

【星期日佐敦油麻地導賞團！】佐敦油麻地一帶有好多歷史建築，你又去過未？星期日一路聽彭華記分享自己喺廟街附近成長嘅經歷，一路了解多啲佐敦、油麻地嘅社區變遷啦！
立刻報名→ https://goo.gl/oozC4m

25/02/2018

【下星期日旺角導賞團！】星期六日放假成日行商場？其實商場出面平時掂行掂過嘅街道都有好多故事，等住你去發掘！童年喺旺角渡過嘅大聲公可以話係正宗MK仔，約定你下星期日11點，話你知旺角嘅各種趣聞！
立刻報名→ https://goo.gl/jyXAxB

20/02/2018

【架巴士去邊度話？】
旺角你平時可能去得多，但時光倒流到60年代，你對呢個地方嘅瞭解又有幾多呢？原來旺角以前有個碼頭？同一條街嗰幾間戲院又各自有啲咩特色呢？今個星期六，大聲公帶你重新認識旺角→ https://goo.gl/L9p8Yo

16/02/2018

歲閱悠遊祝各位新年快樂，身體健康，笑口常開！